བཀའ་ཤག་གིས་དོན་ཟུར་སྤེན་པ་ཚེ་རིང་སྐུ་ཚབ་དོན་གཅོད་ནས་འཕོ་འགྱུར་དང་རྗེས་འབྲེལ་གསལ་བཤད་དོན་ཚན་ ༡༠ གསལ་བསྒྲགས་བྱས་པ་དེས་དོན་ཟུར་སྤེན་པ་ཚེ་རིང་ལ་མ་ཉེས་ཁ་གཡོགས་ཤོར་བར་བཟོད་གསོལ་ཞུས་འདུག 
དེ་རིང་ཕྱི་དྲོའི་ཆུ་ཚོད་ ༤ ཙམ་ལ་བོད་མིའི་སྒྲིག་འཛུགས་ཀྱི་གཞུང་འབྲེལ་དབྱིན་བོད་དྲ་རྒྱའི་སྟེང་། བཀའ་ཤག་གིས་ཆེས་ཐོའི་ཁྲིམས་ཞིབ་ཁང་གི་བཅད་ཁྲའི་དགོངས་དོན་བཞིན། བཀའ་ཤག་ནས་བྱང་ཨ་རིའི་སྐུ་ཚབ་དོན་གཅོད་ཟུར་པ་སྤེན་པ་ཚེ་རིང་འཕོ་འགྱུར་དང་། དེའི་རྗེས་གསལ་བཤད་དོན་ཚན་ ༡༠ གསལ་བསྒྲགས་བྱས་པ་དེས་དོན་ཟུར་སྤེན་པ་ཚེ་རིང་ལ་མ་ཉེས་ཁག་གཡོགས་དང་། སྤྱི་ཚོགས་ནང་དངོས་བདེན་མ་ཡིན་པའི་གནས་ཚུལ་ཁྱབ་འགྲེམས་སོང་བར་བཟོད་གསོལ་ཞུ་ཡི་ཡོད་ཅེས་གསལ་བསྒྲགས་སྤེལ་འདུག
བཀའ་ཤག་གིས་བཏང་བའི་གསལ་བསྒྲགས་ནང་། ཆེས་མཐོའི་ཁྲིམས་ཞིབ་ཁང་གིས་ཕྱི་ལོ་ ༢༠༡༩ ཟླ་ ༡༠ ཚེས་ ༡༤ ཉིན་སྤེལ་བའི་བཅད་ཁྲའི་ནང་། “བཀའ་ཤག་ནས་བྱང་ཨ་རི་དོན་གཅོད་སྤེན་པ་ཚེ་རིང་ལགས་འཕོ་འགྱུར་དང་། དེའི་རྗེས་འབྲེལ་གསལ་བཤད་དོན་ཚན་ ༡༠ གསལ་བསྒྲགས་བྱས་པ་དེ། གནས་ཚུལ་ཡོང་ཁུངས་ངེས་བརྟན་མེད་པ་དང་། ཁ་ཡིན་ལ་གོ་ནོར་ཐེབས་དབང་གིས། སྤེན་པ་ཚེ་རིང་གི་ལྷག་བསམ་དང་། འཇོན་ཐང་། བཟང་སྤྱོད་བཅས་པར་མ་ཉེས་ཁ་གཡོགས་ཤོར་བ་དང་། སྤྱི་ཚོགས་ནང་དངོས་བདེན་མ་ཡིན་པའི་གནས་ཚུལ་ཁྱབ་འགྲེམས་སོང་བའི་སྐོར་ཆེས་མཐོའི་ཁྲིམས་ཞིབ་ཁང་ནས་ཐག་གཅོད་བཅད་ཁྲ་ཁྱབ་བསྒྲགས་གནང་འདུག་པར་བརྟེན། བཀའ་ཤག་གིས་སྤེན་པ་ཚེ་རིང་ལ་བཟོད་གསོལ་ཞུ་རྒྱུ་ཡིན།” ཞེས་བརྗོད་བྱ་འདི་རང་བཀོད་དགོས་པའི་བཅད་ཁྲའི་དགོངས་དོན་བཞིན་བཟོད་གསོལ་ཞུ་ཡི་ཡོད། ཅེས་བཀོད་འདུག
གསར་འགོད་པ་ཆེས་མཐོའི་ཁྲིམས་ཞིབ་ཁང་ལ་བཅར་སྟེ་གནད་དོན་དེའི་སྐོར་དྲིས་པར། ཆེས་མཐོའི་ཁྲིམས་ཞིབ་ཁང་ནས་ཀྱང་བཀའ་ཤག་ཀྱིས་བཅད་ཁྲ་ཉམས་ལེན་ཇི་ཞུས་ཀྱི་ཡིག་ཆ་རྣམས་དེ་གའི་ལས་ཁུངས་ལ་འབྱོར་ཡོད་སྐོར་བརྗོད་བྱུང་།
འདི་ལོའི་ཕྱི་ཟླ་ ༡༠ ཚེས་ ༡༤ ཉིན་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གིས་རྩོད་ལན་པ་བཀའ་ཤག་གིས་ཞུ་སྦྱོར་བ་སྤེན་པ་ཚེ་རིང་ལ་མ་ཉེས་ཁག་གཡོགས་བྱས་པའི་བཅད་ཁྲར། བཀའ་ཤག་གིས་ཆེས་མཐོའི་ཁྲིམས་ཞིབ་ཁང་གི་བཅད་ཁྲའི་ནང་འཁོད་པའི་བརྗོད་བྱ་དེ་ཉིད་བཀོད་དེ་དགོངས་གསོལ་ཞུ་དགོས་པའི་བཀའ་ཁྱབ་བཏང་ཡོད་ཀྱང་། བཀའ་ཤག་གིས་དུས་བཀག་ནང་བཅད་ཁྲ་ཉམས་ལེན་དོན་འཁྱོན་བྱས་མེད་པར་བརྟེན། ཆེས་མཐོའི་ཁྲིམས་ཞིབ་ཁང་གིས་ཡང་བསྐྱར་འདི་ལོའི་ཕྱི་ཟླ་ ༡༡ པའི་ཚེས་ ༢༢ ཉིན་རྩོད་ལན་པ་བཀའ་ཤག་གིས་བཅད་ཁྲར་ཉམས་ལེན་བྱས་མེད་པའི་ངོས་འཛིན་ཐོག ཕྱི་ཟླ་ ༡༢ ཚེས་ ༢༧ ཉིན་གྱི་ཕྱི་དྲོའི་ཆུ་ཚོད་ ༤ གོང་ཆེས་མཐོའི་ཁྲིམས་ཁང་གི་བཅད་ཁྲའི་དགོངས་དོན་འཚེམས་ལུས་མེད་པར་ཇི་མ་ཇི་བཞིན་ཉམས་ལེན་ལག་བསྟར་ཟིན་པ་དགོས་རྒྱུའི་བཀའ་ཁྱབ་བཏང་བ་མ་ཟད། གལ་ཏེ་ད་དུང་ཉམས་ལེན་མ་བྱས་ཚེ་བཀའ་ཤག་སྐབས་ ༡༥ པའི་སྲིད་སྐྱོང་བློ་བཟང་སེང་གེ་དང་། བཀའ་བློན་རྣམ་པས་སྔར་བཤགས་ཕྱིས་འདོམས་མ་བྱས་བར་དུ་གདམ་བྱ་འདེམས་བྱེད་ཀྱི་ཐོབ་དབང་བཀག་བསྐྱིལ་བྱ་རྒྱུ་ཡིན་པའི་བཀའ་ཁྱབ་བཏང་ཡོད་པ་རེད།
གསར་འགོད་པ། པ་སངས་ཚེ་རིང་།
བཀའ་ཤག་ག་རེ་བྱས་ནས་ཕམ་པ་རེད་ང་ཚོས་ཧ་གོ་ཡི་ཡོད།ད་འོ་ན་དངོས་གནས་ནོར་ཡོག་རེད་པས་ཟེར་ན།བརྒྱ་ཆ་༨༧ཐམ་པ་ནོར་ཡོག་མ་རེད་ཚིག་མཚོན་གཅོད་ཐུབ། ད་ཡི་ན་ཆབ་སྲིད་ཟེར་ཡ་དེ་མི་ཡག་པོ་དགོས་ཀྱི་མ་རེད།ཆབ་སྲིད་ཟློས་གར་དར་འཁྲབ་ཤེས་མཁན་གྱི་དགོས་རེད།དེ་འཁྲབ་མཁན་ལ་ཚེ་འདིར་ཕྱི་དང་ལས་རྒྱུ་འབྲས་མི་གཙི་མཁན་དགོས་ལེ་རེད།
ཆེ་མཐོས་ཁྲིམས་ཞིབ་ཁང་དང་འབྲེལ་བའི་བོད་ཀྱི་རྒྱལ་རབས་ལོ་རྒྱུས་ནང་ཐེངས་དང་པོ་ཆགས་པའི་གནད་དོན་འགའ་ཤས་སྙིང་བསྡུས་ཐོག་ཞུ་འདོད་བྱུང་བས་དུས་བབས་ནང་འགོད་ཐབས་ཡོངས་བ་ཞུ་།
༡) ཁ་མཆུ་ཨང་ ༨ པའམ་ “སྤྱི་རྒྱུ་སྒེར་བདག་” ཞེས་པ་ཆེ་མཐོས་ཁྲིམས་ཞིབ་ཁང་ནས་ཐག་གཅོད་ཟིན་ཡང་དོ་བདག་བཀུར་འོས་སྤྱི་འཐུས་ཟླ་བ་ཚེ་རིང་ནས་ངོས་ལེན་མ་བྱས་སྟབས་རྒྱ་གར་ས་གནས་མངའ་སྡའི་ཁྲིམས་ཁང་ལ་གཏུགས་པ་དང་རྒྱ་གར་ཁྲིམས་ཁང་ནས་བཙན་བྱོལ་བོད་མིའི་ཆེ་མཐོའི་ཁྲིམས་ཞིབ་ཁང་གིས་ཐོག་མར་ཐག་གཅོད་གནང་བ་ལྟར་ལག་བལྟར་དགོས་པའི་བཀའ་ཁྱབ་གནང་ནས་ཕལ་ཆེར་མི་ལོ་ ༢༠ ལྷག་ཕྱིན་པ་མ་ཟད་འདི་སྐོར་ལག་བལྟར་དགོས་པའི་འབོད་བསྐུལ་དང་བསམ་ཚུལ་མང་པོ་གྲོས་ཚོགས་སྔ་རྗེས་དང་མང་ཚོགས་བཅས་ནས་འབོད་བསྐུལ་ཐེངས་མང་ཞུས་ཀྱང་ཆེ་མཐོའི་ཁྲིམས་ཞིབ་ཁང་ནས་ད་ལྟ་བར་ལག་་བལྟར་མ་གནང་བར་ཆང་ལྟ་བུ་མྱལ་བཞག་པ་ཐེངས་དང་པོ་།
༢) བོད་མི་སྒེར་ཞིག་གིས་བཙན་བྱོལ་བོད་མིའི་སྒྲིག་འཛུགས་བཀའ་ཤག་གམ་གཞུང་ལ་ཁ་མཆུ་གཙུགས་པ་མ་ཟད་བཙན་བྱོལ་སྒྲིག་འཛུགས་དེའི་ཆེ་མཐོའི་ཁྲིམས་ཞིབ་ཁང་ནས་ཁ་མཆུ་ངོས་ལེན་དང་བསྒྲགས་ཁྲིམས་ཞིབ་བྱས་པ་ཐེངས་དང་པོ་།
༣) ཁ་མཆུ་ཨང་ ༢༠ ཟེར་བ་དེ་ཞུ་སྦྱོར་བ་སྤེན་པ་ཚེ་རིང་དང་བརྩོད་ལེན་པ་བཙན་བྱོལ་བོད་མིའི་སྒྲིག་འཛུགས་བཀའ་ཤག་ཡིན་པ་ཡོངས་གྲགས་ཡིན་པ་མ་ཟད་ བཙན་བྱོལ་བོད་མིའི་མང་གཙོའི་བཅའ་ཁྲིམས་ནང་བོད་མི་སྒེར་ཞིག་གིས་བཙན་བྱོལ་བོད་མིའི་སྒྲིག་འཛུགས་བཀའ་ཤག་ལ་ཁ་མཆུ་གཙུགས་ན་ཆ་རྐྱེན་འདི་དང་འདི་ཞེས་མཁོད་མེད་སྟབས་སྤྱི་དམངས་གཏུགས་བཤེར་ཞེས་པའི་དོན་ཚན་རྣམས་བེད་སྤྱོད་བཏང་སྟེ་ཁ་མཆུ་ཨང་ ༢༠ པ་མཐར་གང་ཟག་མི་གཉིས་ལ་སྦྱར་ནས་ཁྲིམས་བཤེར་བྱས་པ་ཐེངས་དང་པོ་།
༤) མཐའ་མའི་ཐག་གཅོད་ལ་ ཞུ་སྦྱོར་བ་སྤེན་པ་ཚེ་རིང་ལ་བདེན་པ་ཆ་ཚང་ཡོད་པ་བཟོས་པ་དང་བརྩོ་ལེན་པ་བཙན་བྱལ་བོད་མིའི་སྒྲིག་འཛུགས་བཀའ་ཤག་གི་དཔང་པོ་མི་སྣ་དང་ཡིག་ཆ་གཅིག་ལ་ཡང་ངོས་ལེན་གནང་མེད་པ་མ་ཟད་བདེན་པ་སྤུ་ཙམ་མེད་པའི་ཐག་གཅོད་དང་ཉེས་ཆད་བསྐལ་བ་ཐེངས་དང་པོ་།
༥) ཉེས་ཆད་རྣམས་ཚུལ་བཞིན་དུས་ཐོག་བསྒྲུབ་འཇལ་མ་བྱས་ཚེ་འདེམས་བྱ་འདེམས་བྱེད་ཀྱི་ཁེ་དབང་འཕྲོགས་རྒྱུའི་ཉེན་རྡ་དང་བཀོད་ཁྱབ་གནང་བ་ཐེངས་དང་པོ་།
བཅའ་ཁྲིམས་ལེའུ་གཉིས་པ་ གཞི་རྩའི་ཐོབ་ཐང་དང་ལས་འགན་ དོན་ཚན་དགུ་པ་ ཁྲིམས་ཀྱི་མདུན་སར་འདྲ་མཉམ་ཟེར་བའི་ནང་བོད་ཀྱི་ཡུལ་མི་ཚང་མ་ཁྲིམས་ཀྱི་མདུན་སར་འདྲ་མཉམ་ཡིན་ ཕོ་མོ་དང་རིག་རུས་ སྐད་ཡིག་ ཆོས་ལུགས་ སེར་སྐྱ་ དབུལ་ཕྱུག་ སྐྱེས་ཡུལ་ སྤྱི་་ཚོགས་ཀྱི་འབྱུང་ཁུངས་ གོ་གནས་ གནས་སྟངས་གཞན་དག་བཅས་ཀྱི་ཐོག་ནས་དབྱེ་འབྱེད་མེད་པར་ལེའུ་འདིར་འཁོད་ཀྱི་ཐོབ་ཐང་ཁག་ལོངས་སུ་སྤྱོད་ཆོག་པ་ཡིན་ཅེས་གསལ་ཡོད།
ཧཧ་རྐྱང་ཤ་འབྲོག་རྗེས་ལ་བོང་བུ་འབྲོག་གལ་ཆེ་བའི་གཏམ་ལ་ནན་གཏན་དགྱིས་ཟེར་ཡང་ཟེར་ལ་བདེེེན་ཡང་བདེན་ཟེར་བ་ལྟར་ཁ་མཆུ་ཨང་ཉི་ཤུ་འཇུག་བསྡུས་ཚར་བ་རེད་ད་ཚང་མས་ཁ་བཙུམ་ནས་སོ་སོའི་འཚོ་བ་བསྐྱལ་ན་ཡག་ལེ་རེད་དོ།
བཙན་བོད་མིའི་སྒྲིག་འཛུགས་བཀའ་ཤག་ནས་༧གོང་ས་མཆོག་བཀའ་དགོངས་ལྟར་འཕྲལ་ཕུགས་རྒྱང་གསུམ་དང་ཞི་འཇམ་ལྷིངས་འཇགས་ ཆིག་རྒྲིལ་མཆམ་མཐུན་བཅས་དགོངས་པ་གཏིང་ཟབ་བཞེས་ནས་བཟོད་གསོལ་ཞུས་པར་ཡག་པོ་ཞེ་དྲག་བྱུང་འདུག་།
རྩ་བའི་བོད་མི་སྒེར་ཞིག་གིས་བཙན་བྱོལ་བོད་མིའི་སྒྲིག་འཛུགས་བཀའ་ཤག་གམ་གཞུང་ལ་ཁ་མཆུ་འཛུགས་རྒྱུའི་དབང་ཆ་དང་ཆ་རྐྱེན་བཅའ་ཁྲིམས་དོན་ཚན་གང་ནང་ལ་བཀོད་ཡོད་མེད་དྲི་བ་ཡོད་། མི་སྒེར་དང་ཚོགས་པ་སོགས་ཁ་མཆུ་ཐུགས་ན་དེ་འདྲའི་དབང་ཆ་དང་ཆ་རྐྱེན་ཡོད་ངེས་རེད་། འོན་ཀྱང་གཞུང་ཞིག་ཆ་ཚང་ཁྲིམས་ལ་སྦྱར་རྒྱུ་དང་གཞུང་དེའི་ཁྲིམས་ཞིབ་ཁང་ནས་གཞུང་ཧྲིལ་པོ་བདེན་པ་སྤུ་ཙམ་མེད་པ་ཐག་གཅོད་བྱས་པ་འཛམ་གླིང་གང་ལ་ཡང་དར་རྒྱུ་ཕར་བཞག་བསམ་བློའི་ནང་ལ་འཁོར་མི་སྲིད་པའི་གནང་སྟངས་མ་རེད་དམ་།
ད་ལན་བཀའ་ཤག་ནས་བོད་མིའི་སྒྲིག་འཛུགས་ཀྱི་གཞུང་འབྲེལ་དབྱིན་བོད་དྲ་རྒྱའི་སྟེང་བཀའ་ཤག་གིས་དོན་ཟུར་སྤེན་པ་ཚེ་རིང་སྐུ་ཚབ་དོན་གཅོད་ནས་འཕོ་འགྱུར་དང་རྗེས་འབྲེལ་གསལ་བཤད་དོན་ཚན་ ༡༠ གསལ་བསྒྲགས་བྱས་པ་དེས་དོན་ཟུར་སྤེན་པ་ཚེ་རིང་ལ་མ་ཉེས་ཁ་གཡོགས་ཤོར་བར་བཟོད་གསོལ་ཞུས་འདུག་པར་དཔེ་མ་སྲིད་དགའ་པོ་བྱུང་། ཕྲན་བུའི་དུས་འགྱངས་སོང་ཡང་མཐའ་མ་བཟོད་གསོལ་ཞུས་འདུག་པ་སྔགས་བརྗོད་ཞུ། ཡིན་ཡང་རྒྱལ་ཁ་ཐོབ་མཁན་གྱི་དོ་བདག་དང་ཁོང་རང་གི་ཕྱོགས་རྟོགས་རྣམ་པས་རྒྱལ་ཁ་ཐོབ་པ་དེ་རྒྱུ་མཚན་དུ་བྱས་ནས་ཡར་མར་ལབ་སླེང་མང་པོ་མ་གནང་བར་སྤྱི་ལ་བསམ་བློ་གཏང་ནས་དགོངས་པ་བཞེས་རོགས་གནང་། རྒྱལ་ཁ་ཐོབ་སོང་བསམ་ནས་ཁེངས་དྲེགས་ཀྱིས་མང་པོ་ལབ་དྲགས་ན་རྒྱལ་ཁའི་ཚབ་ཏུ་སོ་སོར་ནག་ཉེས་ཆེན་པོ་ཞིག་ཡོད་པའི་སྣང་ཚུལ་ཡོང་མ་སྲིད་པ་མེད་པས་དེ་ལྟར་ཆོག་ཤེས་ཀྱིས་ད་ནས་བཟུང་བོད་སྤྱི་པའི་ཐོག་ལ་ཐུགས་བསམ་བཞེས་རོགས་ཞུ།
མང་གཙོ་དང་ཁྲིམས་ཀྱི་དབང་རྒྱུར་ཟེར་ན་དེ་རེད་ལ་ད་ནས་བཙན་བྱོལ་སྤྱི་ཚོགས་ནམ་མཁའ་གཡའ་དག་དང་ས་གཞི་སྡུལ་དག་ཆགས་ནས་ཚང་མས་བོད་དོན་བདེན་མཐའ་སེལ་ཐབས་ལ་ཤུགས་རྒྱབ་རོགས་ཐུགས་རྗེའི་གཟིགས།
བཀའ་ཤག་ནས་ཁྲིམས་ཀྱི་བཅད་ཁྲར་ངོ་ཤེས་གནང་བ་ཡག་བྱུང།
སྐྱོན་དང་ནོར་འཁྲུལ་ཟེར་བ་དེ་ཡོང་གི་རེད། སྐྱོན་ནོར་མེད་ན་་་ཡག་པོ་གང་ནས་ཡོང།
སངས་རྒྱས་ལའང་ནོར་འཁྲུལ་སྟོན་མཁན་ཡོང་གི་ཡོད།
སངས་རྒྱས་སར་་་བདུད་ཀྱང་མང་ཞེས་པ་ལྟར་རེད།