དབུ་དཀར་ཚང་སྐལ་བཟང་རྡོ་རྗེ་ལགས་ཀྱིས་འོས་བསྡུའི་ལས་འགུལ་གྱི་མ་དངུལ་ལྷག་འཕྲོ་ཧིན་སྒོར་འབུམ་བདུན་དང་ཕྱེད་ཀ་ཙམ་བོད་མིའི་རང་དབང་མ་དངུལ་གྱི་ལས་འཆར་ཆེད་ཞལ་འདེབས་སུ་གནང་འདུག
དེ་རིང་ཕྱི་ཚེས་ ༧ ཉིན་དབུ་དཀར་ཚང་སྐལ་བཟང་རྡོ་རྗེ་ལགས་ཀྱི་གཞུང་འབྲེལ་ངོ་དེབ་ཐོག་སྤེལ་བའི་གནས་ཚུལ་ལྟར་ན། བོད་མིའི་རང་དབང་འཐབ་རྩོད་ཀྱི་སྟོབས་ཤུགས་རྒྱ་སྐྱེད་དང་བོད་དོན་དྲིལ་བསྒྲགས་ཁྱབ་ཚད་ཆེ་རུ་གཏོང་ཆེད། དབུ་དཀར་ཚང་སྐལ་བཟང་རྡོ་རྗེ་ལགས་ཀྱིས་ཕྱི་ལོ་ ༢༠༢༡ ལོའི་སྲིད་སྐྱོང་འོས་བསྡུའི་ལས་འགུལ་གྱི་སྒེར་གྱི་མ་དངུལ་ལྷག་མ་ཧིན་སྒོར་འབུམ་བདུན་དང་ཕྱེད་ཀ་ཙམ་བོད་མིའི་རང་དབང་མ་དངུལ་གྱི་ལས་འཆར་ཁག་ལག་བསྟར་ཡོང་ཆེད་དུ་ཞལ་འདེབས་སུ་གནང་ཡོད་འདུག
འདི་གའི་གསར་འགོད་པར་བོད་མིའི་རང་དབང་མ་དངུལ་ལས་གཞི་གསར་འཛུགས་གནང་མཁན་གྲས་བུ་ཆུང་སྐལ་བཀྲ་ལགས་ཀྱིས། ཕྱི་ལོ་ ༢༠༢༡ ལོའི་སྲིད་སྐྱོང་འོས་བསྡུའི་ལས་རིམ་ཁྲོད་སྲིད་སྐྱོང་འོས་མི་དབུ་དཀར་ཚང་སྐལ་རྡོར་ལགས་ཀྱིས་བོད་མིའི་རང་དབང་མ་དངུལ་ཞེས་པའི་ལས་འཆར་ཞིག་ངོ་སྤྲོད་གནང་རྗེས་ལས་གཞི་དེ་མགོ་འཛུགས་བྱས་ཡོད་པ་དང་། བོད་མིའི་རང་དབང་མ་དངུལ་གྱི་ལས་གཞིའི་དམིགས་ཡུལ་གཙོ་བོ་ནི། བོད་མིའི་རང་དབང་འཐབ་རྩོད་ཀྱི་སྟོབས་ཤུགས་རྒྱ་སྐྱེད་དང་བོད་དོན་དྲིལ་བསྒྲགས་ལས་འགུལ་གྱི་ཁྱབ་རྒྱ་ཆེ་རུ་གཏང་རྒྱུར་དམིགས་པ་ཞིག་ཡིན་སྟབས། ལས་འཆར་འདི་དངོས་སུ་ལག་བསྟར་གནང་ཐབས་སུ་ཨ་རིའི་དོན་གཅོད་ཟུར་པ་སྐལ་བཟང་རྡོ་རྗེ་ལགས་ཀྱིས་ཁོང་གི་འོས་བསྡུའི་ལས་འགུལ་གྱི་མ་དངུལ་ལྷག་མ་ཧིན་སྒོར་འབུམ་བདུན་དང་ཕྱེད་ཀ་ཙམ་བོད་མིའི་རང་དབང་མ་དངུལ་འཛུགས་ཆེད་དུ་ཞལ་འདེབས་གནང་ཡོད་སྐོར་འགྲེལ་བརྗོད་གནང་བྱུང་།
ཡོངས་ཁྱབ་གསལ་བསྒྲགས་ནང་དུ། ཕྱི་ལོ་ ༢༠༢༡ ལོའི་སྲིད་སྐྱོང་འོས་མི་དབུས་དཀར་ཚང་སྐལ་བཟང་རྡོ་ལགས་ཀྱིས་ཐེངས་འདིའི་སྒེར་གྱི་འོས་བསྡུའི་མ་དངུལ་ལྷག་མ་ནས་ཧིན་སྒོར་འབུམ་གཅིག་དང་སྟོང་དྲུག་ལྷག་རྒྱ་གར་དང་བལ་ཡུལ་གཉིས་ཀྱི་བོད་མིའི་སྤྱི་ཚོགས་ནང་ཏོག་དབྱིབས་གཉན་རིམས་ཛ་དྲག་གི་གནས་སྟངས་ལ་གདོང་ལེན་ཆེད་ཞལ་འདེབས་གནང་ཟིན་ཡོད་འདུག་ལ། ཐེངས་འདིར་བོད་མིའི་རང་དབང་མ་དངུལ་ལས་གཞིའི་ཆེད་ཧིན་སྒོར་འབུམ་བདུན་དང་ཕྱེད་ཀ་ཙམ་གནང་ཡོད་པའི་སྐོར་ལ་དབུ་དཀར་ཚང་སྐལ་བཙང་རྡོ་རྗེ་ལགས་ཀྱིས། བོད་མིའི་སྤྱི་ཚོགས་ཡུན་གནས་དང་མཐུན་སྒྲིལ་གྱི་གཞི་རྩ་གཙོ་བོ་ནི་བོད་དོན་འཐབ་རྩོད་ཀྱི་སྟོབས་ཤུགས་ཆེ་ཆུང་ལ་ཐད་ཀར་རག་ལས་ཡོད་པས། བོད་མིའི་རང་དབང་མ་དངུལ་ཞེས་པའི་ལས་གཞི་འདིས་བོད་དོན་ལས་འགུལ་བ་རྣམས་ལ་བསམ་བློ་ཡར་སྐུལ་དང་དཔལ་འབྱོར་གྱི་རྒྱབ་སྐྱོར་ཞུས་ནས་བོད་མིའི་རང་དབང་འཐབ་རྩོད་རྒྱུན་གནས་ཐུབ་པར་རམ་འདེགས་ཆེན་པོ་བྱེད་ཐུབ། ཅེས་གསུངས་འདུག
གསལ་བསྒྲགས་གནང་བ་ལྟར་ན། བོད་མིའི་རང་དབང་ལས་འགུལ་དེ་ནི་ཕྱི་ལོ་ ༢༠༢༡ ལོའི་སྲིད་སྐྱོང་འོས་བསྡུའི་དྲིལ་བསྒྲགས་སྐབས་འོས་མི་དབུ་དཀར་ཚང་སྐལ་བཟང་རྡོ་རྗེ་ལགས་ཀྱིས་ཐོག་མར་གྲོས་འདོན་གནང་ཞིང་། ལས་གཞི་དེར་རྒྱབ་སྐྱོར་མཚོན་ཆེད་དུ་བོད་པ་དང་བོད་དོན་རྒྱབ་སྐྱོར་བ་ཚོས་མ་སྐུལ་དྭང་བླང་གིས་ཉིན་རེར་རང་ཉིད་གནས་སྡོད་བྱེད་སའི་ཡུལ་ལུང་གི་དངུལ་སྒོར་རེ་ཞལ་འདེབས་གནང་སྟེ། རྒྱ་གར་གཙོ་བོར་གྱུར་བའི་རྒྱལ་ཁབ་ཁག་གི་ནང་བོད་མིའི་རང་དབང་འཐབ་རྩོད་ཀྱི་སྟོབས་ཤུགས་རྒྱ་སྐྱེད་དང་བོད་དོན་དྲིལ་བསྒྲགས་ཁྱབ་ཆེར་གཏོང་ཆེད་དུ། བོད་ཀྱི་ལོ་རྒྱུས་དང་འབྲེལ་བའི་བརྩམས་ཆོས་གསར་བསྐྲུན་དང་དངོས་བྱུང་གློག་བརྙན་ཕབ་ལེན་གྱི་བྱ་བའི་རིགས། ནུས་སྟོབས་གོང་སྤེལ་དང་འཐབ་རྩོད་སྐྱེད་སྲིང་ལ་དམིགས་པའི་བྱེད་སྒོའི་རིགས། རྒྱ་ནག་ལ་ངོ་རྒོལ་སོགས་ཛ་དྲག་གི་ལས་འགུལ། ཚོགས་འདུ་དང་མི་མང་འདུ་སྐོང་སོགས་དཔལ་འབྱོར་གྱི་རྒྱབ་སྐྱོར་དགོས་གལ་ཆེ་བའི་བྱ་བའི་རིགས་ལ་ཧིན་སྒོར་ཁྲི་ལྔ་མན་གྱི་དཔལ་འབྱོར་གྱི་རྒྱབ་སྐྱོར་གནང་ཐབས་བྱེད་པ་ཞིག་ཡིན་འདུག་ལ། ལས་གཞི་དེའི་དཔལ་འབྱོར་གྱི་རྒྱབ་སྐྱོར་ཐོབ་མིན་གཙོ་བོ་ནི་དོ་བདག་གི་ལས་གཞིའི་དགོས་དམིགས་གཙོ་བོར་བཟུང་སྟེ་ཐག་གཅོད་བྱ་རྒྱུ་དང་། བོད་མིའི་ཚོགས་སྒེར་གང་རུང་གིས་ལས་གཞི་གང་ལ་དཔལ་འབྱོར་གྱི་རྒྱབ་སྐྱོར་སུ་ལ་དགོས་མིན་མཚམས་སྦྱོར་ཡང་ཞུ་ཆོག་པ་ཞིག་ཡིན་འདུག
ད་ལན་ དབུ་དཀར་ཚང་ཅོ་སྐལ་རྡོར་གྱིས་འོས་བསྡུ་རྒྱུག་འབྲས་དངུལ་ལྷག་མ་ ཧིན་སྒོར་ འབུམ་བདུན་དང་ཕྱེད་ཀ་འདི་གེ་ བོད་རང་དབང་ལས་འགུལ་ལ་ཞལ་འདེབས་གནང་ཟེར་བ་དེ། ང་ཚོ་མི་མང་ནས་ ཧང་ནམ་ཡང་མི་སང་། ང་ཚོ་མི་མང་ནས་་་ ཅོ་སྐལ་རྡོར་གྱིས་ཨ་རི་དོན་གཅོད་ཁང་གི་ ༧གོང་ས་མཆོག་གི་སྐུ་པར་མར་ཕབ་པ་དང་གཅིག བློ་སེང་ཁོང་གཉིས་ཀྱི་ དགའ་ལྡན་ཕོ་བྲང་ལས་ཤོག་ཟེར་ན་ ༧གོང་ས་མཆོག་གི་བཀའ་ཡིག་རྫུན་མ་བཟོས་པ་གཉིས་དེ་ ནམ་ཡང་བརྗེད་ཐབས་མེད་པ་ཞིག་རེད། “སོལ་བ་རྦད་དེ་བཀྲུ་ན་ཡང་། དཀར་པོ་ཆགས་པ་མི་སྲིད་དོ།།”
༄༅།། གངས་ཅན་པ་བསྐལ་རྡོ་ལགས། ཡག་གི་བོད་རྕ་དོན་ལ་ཞལ་འདེབས་བཀྲིན་ཆེ་