སྤྱི་འཐུས་ཀྱི་དཀའ་རྙོག་སེལ་ཐབས་སུ་དགོངས་པ་ག་རེ་བཞེས་ཀྱི་ཡོད་མེད་ཐད་བཅར་འདྲི།

ཐུབ་དབྱིག་ལགས་ཀྱིས་གསལ་བཤད་དེ་ཡིས་ངའི་བསམ་འཆར་ཐུང་ངུ་ཞིག་གིས་བཅོལ་བའི་རེ་བར་ལན་འཐེབས་མི་འདུག་པར་མ་ཟད། ཁོང་གིས་འབྲེལ་མེད་གུ་དོག་ཀྱི་ཚོར་བ་ཙམ་ཞིག་བཏོན་ཡོད་པ་ནི། སྙིང་པོ་མེད་པའི་སྡུག་སྐད་ཞིག་རེད་ལགས། དེར་བརྟེན། རང་ངོས་ནས་སྐབས་དོན་ཐད་ཀར་ལན་འདེབས་བྱེད་པར་དགོས་པ་འཕར་མ་མ་མཐོང་། ཁྱེད་ལྟར་ངོས་ནས་ཀྱང་། ནམ་ཡང་བཅའ་ཁྲིམས་ཀྱི་གོང་ན་སུ་གང་ཡང་མེད་པ་དང་། བོད་མི་ཡོད་དོ་ཅོག་ནས་བཅའ་ཁྲིམས་ལ་བརྩི་འཇོག་གནང་དགོས་པ་ལོས་ཡིན་ཟེར་བའི་ཁས་ལེན་ལ་འགྱུར་བ་གང་ཡང་མེད་ལགས། འོན་ཀྱང་། བཅའ་ཁྲིམས་མིས་བཟོས་པ་ཡིན་པས། དུས་ནས་དུས་སུ་དགོས་ངེས་ཀྱི་འགྱུར་བ་ལོས་གཏོང་དགོས། བཀུར་འོས་གཞུང་ཞབས་ཟུར་པ་མི་ཆེན་དཔོན་ཆེན་མྱོང་བ་རྒན་གྲས་ཚོས། བདམས་ཐོན་སྤྱི་འཐུས་ ༢༢ རྣམས་ང་ཚོའི་བཙན་བྱོལ་སྤྱི་ཚོགས་འདིའི་ནང་། གོམས་པ་མཉམ་སྤོས་དང་སྐྱིད་སྡུག་མཉམ་མྱོང་། ཉི་མ་མེ་གྲོགས་དང་ཆར་པ་ཆུ་གྲོགས་ཀྱི་ཚུལ་དུ་གཞུང་ལམ་ཐོག་ཤར་སྐྱོད་གནང་དགོས་པར་གཟིགས་ཀྱིན་ཡོད་ན། དེ་ཡོང་བའི་སྤད་དུ། ད་བར་བཀའ་སློབ་དང་མོལ་བསྡུར་གྱི་ལས་འཆར་ཆ་ཙམ་ཡང་བསྐྱངས་གནང་མཛད་མེད་པའི་ཁར། ཁོང་ཚོར་གྲིབ་ནག་འདྲེར་མཐོང་དང་། ཡ་མེད་དོ་བྲལ་ལྟུ་བུར་དེ་མུར་ཅམ་མེར་འཇོག་ཡོད་པ་ནི། བཟང་སྤྱོད་ཉམས་ལེན་གྱི་ཆ་ནས་འགྲིག་པ་ཨེ་ཡིན་ཞེས་པའི་དྲི་བ་འདི་ཕུལ་གིན་ཡོད། བཀུར་འོས་གཞུང་ཞབས་ཟུར་པ་ཚོས་ཀྱང་བཟང་སྤྱོད་ཀྱི་འགན་ཞིག་འཁུར་ཏེ། སྤྱི་ཚོགས་ཚགས་འཚུད་ལ་ནམ་ཡང་དོན་དམ་པའི་ཐུགས་འཚབ་ཡོད་ན། བཞེངས་ཕྱོགས་འདིའི་ཐད། མི་དམངས་མདུན་སར་ཁོང་ཚོ་དང་ལྷན་འཛོམས་ཀྱིས་མགོ་འདོན་འཚོ་སྐྱོང་ལྟ་བུའི་སྣེ་འཁྲིད་ཀྱི་བྱ་བ་མིག་དཔེར་འོས་པ་ཞིག་གནང་དགོས་ཀྱི་མེད་དམ་ཟེར་བཞིན་ཡོད། རང་ངོས་ནས་དེ་ལས་བརྒལ་བའི་བསམ་འཆར་གང་ཡང་ཕུལ་བ་མེད་ལགས། གཅིག་བྱས་ན། ཐུབ་དབྱིག་ལགས་ཁྱེད་རང་ཐེ་བའི་བཀུར་འོས་གཞུང་ཞབས་ཟུར་པ་མང་པོས། “དེ་ཚེ་ཤིང་བཞིན་གནས་པར་བྱ།” ཞེས་པའི་སྤྱོད་འཇུག་ཆེན་མོའི་བསླབ་བྱ་ལ་གོ་དོན་དང་ཉམས་ལེན་གྱི་གོམས་པ་བརྒྱག་སྟངས་དེ། ད་ལྟའི་བཙན་བྱོལ་གཞུང་དམངས་ཀྱི་ཆབ་སྲིད་ཀྱི་གནས་སྟངས་སྐྱུག་བྲོ་པོ་འདིའི་ཐོག་དཔེ་འགེབས་གནང་ཕྱོགས་ཧ་ཅང་ཐལ་ཆ་ཤོར་ཆེ་བ་མིན་ནམ་བསམ་བཞིན་ཡོད། ངས་བསམ་འཆར་འདི་སྤྱི་དོན་ཁོ་ན་ཡི་སླད་བསྒྲགས་དགོས་བྱུང་བ་ཞིག་ཡིན། མདོར་ན། གོ་ཤེས་ན། རང་རེ་བོད་མིའི་འཇིག་རྟེན་མི་ཆོས་ཀྱི་གོམས་གཤིས་རིག་གཞུང་ནང་དུའང་། འཁྲུལ་སྣང་ཞེན་འཛིན་ Fallacy མང་དག་ཞིག་དུས་ད་ལྟའང་གཅེས་ཉར་བྱས་དང་བྱེད་བཞིན་ཡོད་པ་དེ་དག་ནི། ལྐུགས་པ་ཨུ་ཚུགས་དང་ཨ་ཐས་ཀྱི་རང་བཞིན་རང་ཡིན་པས་ནོར་འདུག་ཟེར་བཞིན་ཡོད། གཟུ་བོར་གནས་ནས་བརྟག་དཔྱད་གནང་རོགས། དུས་རབས་ཉེར་གཅིག་པ་འདི་ཡིན་ནང་། གོམས་གཤིས་དེ་འདྲ་ད་དུང་ཁས་ལེན་གནང་ཐབས་ཡེ་ནས་མེད་པར་མ་ཟད། བཅོས་བསྒྱུར་དགོས་གལ་ཆེ་བར་བརྩི་བཞིན་ཡོད། བཅོས་བསྒྱུར་ནི། ཕྱི་ནང་གི་ཤེས་ཡོན་ལ་ཐུགས་སྣང་གནང་རྒྱུ་དེ་རང་ཡིན་པ་རེད། ལས་སླ་ས་ནས་དཔེ་མཚོན་འགའ་ཞུས་ན། དེང་དུས་ཚན་རིག་དང་མཐུན་པའི་འགྲོ་བ་མི་ཡོངས་ཁྱབ་ཀྱི་བསལ་བྰོའི་སློབ་གསོ་ཚད་ལྡན་ནང། Bandwagon fallacy ཟེར་བ་དང་། Placebo effect ཟེར་བ་དང་། Manufactured consent ཟེར་བ་འདི་དག་ལ་ཕྲན་བུ་ཞིག་ཐུགས་སྣང་དང་། ཉམས་ཞིབ་གནང་ན། ང་ཚོའི་འཁྲུལ་སྣང་ཞེན་འཛིན་གྱི་གོམས་གཤིས་ཀྱི་ཞན་ཆ་འགའ་ཤས་ར་འཕྲོད་གསལ་པོར་ཐུབ་པ་ཡོང་རྒྱུ་རེད། ཐུགས་ཞིབ་ལེགས་པར་གནང་དང་། གོང་གསལ་གྱི་ཕྱིའི་ཤེས་བྱའི་ལེགས་བཤད་ཚིག་དུམ་དེ་དག་རང་རེ་བོད་མིའི་ཨ་ཐས་ཀྱི་གོམས་གཤིས་ལངས་ཤོར་དུ་ཡོད་པ་མང་པོ་དང་འབྲེལ་བ་ཟབ་མོ་ཡོད་པ་མ་ཟད། ཡ་ཡ་། འོ་ད་ང་ཚོའི་གོམས་སྲོལ་འདི་དང་འདི་ཅེས་པ་ལ་བསྒྱུར་བཅོས་མི་གནང་ཀ་མེད་ཡིན་འདུག་སྙམ་པ་དང་ཆབས་ཅིག་ར་འཕྲོད་གསལ་གསལ་ཐང་ཐང་ཡོང་རྒྱུ་རེད། དེས་ན། མིག་རྒྱང་རིང་ཙམ་དང་བློ་རྒྱ་ཡངས་ཙམ་ཞིག་གི་བརྒྱུད་ནས། ང་ཚོ་བོད་མིའི་མང་གཙོའི་ལམ་ལུགས་ཡར་རྒྱས་གཏོང་ཐབས་ལ་འབད་དགོས། གཙོ་ཆེར་འབྲེལ་ཡོད་ཚང་མས་མིག་དཔེ་བལྟ་ས་ཡི་གདམ་ཀ་མ་ནོར་བའི་གོམས་སྲོལ་འཛུགས་ཐུབ་པ་གནང་གལ་ཆེ་ཙམ་འདུག གོ་བ་ལོན་ཐུབ་ན། མི་རྒན་ངའི་སྙིང་གཏམ་ཡིན་ནོ། །

༄༅། །མཛམ་གླིང་གི་རྒྱལ་ཁབ་ཚང་མའི་ནང་ཁྲིམ་དང་སྒྲིགས་གཞི་ཡོད་མུད་རེད། རྒྱལ་ཁབ་གང་གི་ཆབ་འབང་་་ཡིན་ཀྱང་རྒྱལ་ཁབ་དེའི་ཁྲིམ་ལ་བརྩི་སྐུར་ཞུ་དགོས་ཀྱི་ཡོད། ཁྲིམ་དང་སྒྲིག་གཞི་མེད་ན་དེང་ཨབ་སྒང་ནང་དུ་ཏ་ལི་བན་ཀྱི་བྱེད་བཞིན་པའི་ལས་ཀ་དེ་དང་གཅིག་མཚུངས་རེད། ལྷག་པར་དུ་དམངས་གཙོའི་གཞུང་ཞིག་གཙུག་པར་མི་དམངས་ཀྱི་སྲོག་གི་འཐབ་བརྩོད་ཤུག་ཆེན་བྱེད་དགོས་ཀྱི་ཡོད་འོན་ཀྱང་ང་ཚོའི་དམངས་གཙོའི་གཞུང་འདི་༧གོང་ས་སྐྱབས་མགོན་ཆེན་པོས་བོད་མི་ཡོངས་ལ་ཐུགས་བརྩེ་བ་ཆེན་པོས་ཕྲལ་ཕུག་རྒྱང་གསུམལ་་གཟིགས་ནས་གནང་བ་ཞིག་རེད། དེ་བཞིན་མི་རབ་གོང་མ་རྣམས་ནས་ཀྱང་༧གོང་ས་མཆོག་གི་བཀའ་རྩི་དངས་ལེན་གྱིས་ད་བར་ང་ཚོའི་སྤྱི་ཚོགས་འདི་མི་སྨོན་རང་སྐྱིད་ཀྱི་མང་གཙོའོ་གཞུང་ཧྲ་ཐག་ཐག་ཞིག་གནས་ཐུབ་ཡོད། འོན་ཀྱང་སྐབས་ ༡༦ པའི་སྤྱི་འཐུས་རྒྱུན་ལས་རྣམས་ནས་བོད་མིའི་བཅའ་ཁྲིམས་ལ་བརྩི་སྐུར་མ་ཞུས་པའམ་ཡང་ན་བཅའ་ཁྲིམས་ལས་འགལ་བའི་ལས་རྙོགས་ཞིག་བྱས་ནས་ཁྲིམས་དཔོན་གསུམ་དུས་གཅིག་ལ་གནས་དབྱུངས་སྟང་ནས་རང་རྒྱལ་གཞན་ཕམ་གྱི་འཐབ་བརྩོད་ཞིག་བྱས་ནས་སྤྱི་ཚོགས་ནང་རྡབ་གསིགས་ཤུགས་ཆེ་བཟོས་ཡོད། ཁོ་ཚོས་ཁྲིམ་འགལ་གྱིས་དོན་ཚན་ ༣༩ ཞེས་པ་ཞིག་སྟོན་ནས་དེ་ནོར་འཁྲུལ་ཡིན་པ་ཤེས་ཏེ་ཚོགས་གཙོ་པདྨ་འབྱུང་གནས་དང་ཚོགས་གཞོན་ཨ་ཅར་ཡ་ཡི་ཤེས་ཕུན་ཚོགས་དེ་བཞིན་མདོ་སྨད་སྤྱི་འཐུས་གཅིག་བཅས་ནས་རང་གི་གཡོས་པའི་ཐུག་པ་དེ་གཙང་མ་མ་བཟོས་པར་རྩ་དགོངས་ཞུས་ནས་དྲོད་གསོང་བ་རེད། རང་ལ་ནོར་འཁྲུལ་མེད་ན་དང་པོ་གནས་དོན་དེ་དག་ཐག་གཅོད་བྱེད་དགོས་ངེས་ཡིན་ཀྱང་དེ་ལྟར་བྱས་མེད། ད་ལྟ་སྐབས་ ༡༧ པའི་འདམ་འཐོན་སྤྱི་འཐུས་རྣམས་ནས་ཁྲིམ་མཐུན་ཐོག་དམ་ཕུལ་གྱིས་ནོར་བའི་ཆ་གང་ཡོད་ཀྱང་གྲོས་ཚོགས་ནང་ཐག་གཅོད་བྱེད་དགོས་ཀྱོ་ཡོད་ཀྱང་མདོ་སྟོད་སྤྱི་འཐུས་དང་ཆོས་རྒྱུད་སྤྱི་འཐུས་རྣམས་ནས་ཁྲིམས་མཐུན་གྱི་དམ་འབུལ་མ་ཞུས་པར་༧གོང་ས་མཆོག་གིས་ལོ་མང་སྐུ་ངལ་མང་པོ་སྐྱོན་ནས་ཡང་དག་པའི་དམངས་གཙོའི་གཞུང་གནང་བ་དེ་གཏོར་ཤིག་གཏོང་མཁན་སྤྱི་འཐུས་དེ་དག་གིས་འགན་ཁུར་དགོས་ངེས་རེད། གལ་ཏེ་ཁོང་ཚོས་ཁྲིམ་མཐུན་གྱི་དམ་འབུལ་མ་ཞུས་ན་མདོ་སྟོད་དང་ཆོས་རྒྱུད་སྤྱི་འཐུས་སྒུག་ཐོའི་ནང་ནས་དམ་འབུལ་ཞུ་དགོས་གལ་ཆེ་བས་ཚོགས་དྲུང་ལས་ཁུང་དང་འོད་སྡུ་ལས་ཁུང་ནས་ཐག་གཅོད་བྱེད་དགོས།