ཕྱི་ལོ་ ༡༩༥༩ ལོར་བོད་ཀྱི་རྒྱལ་ས་ལྷ་སར་བོད་མིའི་རང་དབང་སྒེར་ལངས་བྱུང་སྟེ་མི་ལོ་ ༦༣ འཁོར་བའི་དུས་དྲན་དེ་ཨ་རི་དང་ཨོ་གླིང་། ཧྥ་རན་སི། སྦེལ་ལྗམ། འཇར་མི་ནི། ནི་ཐར་ལན་ཌི། ལྷོ་ཀོ་རི་ཡ། ཁེ་ན་ཌ། དབྱིན་ཡུལ་སོགས་ཕྱི་རྒྱལ་ཡུལ་གྲུ་ཁག་གི་ནང་ཡོད་པའི་བོད་མི་དང་བོད་དོན་རྒྱབ་སྐྱོར་བ་ཚོས་སྲུང་གཙི་གནང་འདུག
འདི་གར་གནས་ཚུལ་མཁོ་གཏོང་གནང་བ་ལྟར་ན། ཁ་སང་སྔ་དྲོ་ཆུ་ཚོད ༩ ཐོག་སིཌ་ནི་བོད་རིགས་མཐུན་ཚོགས་ཀྱིས་གོ་སྒྲིག་འོག གྲོང་ཁྱེར་དེའི་དེ་ཌི་ཝ་ཡེ་ ( Dee Why) ས་གནས་སུ་དུས་དྲན་སྲུང་གཙི་གནང་ཡོད་པ་དང་། མཛད་སྒོའི་ཐོག་སྐུ་མགྲོན་གཙོ་བོ་ས་
དེ་བཞིན་ཨོ་གླིང་ས་གནས་ཝིག་ཌོ་རི
ནེའུ་ཡོག་དང་ནིའུ་ཇར་སིའི་བོད་རིགས་སྤྱི་མཐུན་ཚོགས་པ་དང་ས་གནས་གཞོན་ནུ་ལྷན་ཚོགས། བོད་རང་བཙན་སློབ་ཕྲུག་ཚོགས་པ། དབུས་གཙང་ཆོལ་ཁ། མདོ་ཁམས་ཆུ་བཞི་སྒང་དྲུག མདོ་སྨད་ཆོལ་ཁ། ཨ་བོད་མཛའ་འབྲེལ་ཚོགས་པ་བཅས་མཉམ་འབྲེལ་བཅས་ཀྱི་གོ་སྒྲིག་འོག ནེའུ་ཡོག་གི་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་བོད་མིའི་རང་དབང་སྒེར་ལངས་ཐེངས་ ༦༣ པ་སྲུང་གཙི་བྱས་ཡོད་པ་དང་། སྐབས་དེར་ཨ་རིའི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་མཆོག་གྲུབ་ལགས་ཀྱིས་བཀའ་ཤག་གི་གསུང་འཕྲིན་སྒྲོགས་སྦྱངས་གནང་ཡོད་འདུག་ལ། ལས་འགུལ་དེའི་ནང་བོད་མི་གཙོས་ཕྱི་ནང་གི་བོད་དོན་རྒྱབ་སྐྱོར་བ་མང་པོ་ཞིག་མཉམ་ཞུགས་བྱས་ཡོད་ཅིང་། ནེའུ་ཡོག་གི་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་མདུན་ཐང་ནས་རྒྱ་ནག་གཞུང་ཚབ་ཁང་གི་མདུན་ཐང་བར་དུ་ཞི་བའི་གོམ་འགྲོས་བྱས་ཡོད་པ་དང་། ཉིན་རྒྱབ་རྒྱ་ནག་གཞུང་ཚབ་ཁང་གི་མདུན་ཐང་དུ་ཞི་བའི་སྐད་འབོད་བྱས་ཡོད་འདུག
ཡང་སུད་སི་དང་ལིག་ཏེན་བོད་རིགས་མཐུན་ཚོགས་གཉིས་ཀྱི་གོ་སྒྲིག་འོག སུད་སིའི་རྒྱལ་ས་བྷན་གྱི་ Helvetiaplatz མདུན་ཐང་དུ་བོད་མི་ ༤༠༠ ་ལྷག་འདུ་འཛོམས་བྱུང་ཡོད་པ་དང་། སྐབས་དེར་སུད་སི་སྐུ་ཚབ་དོན་གཅོད་འཆི་མེད་རིག་འཛིན་ལགས་དང་། སུད་སི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་མི་དང་སུ་བོད་མཐུན་གྲོགས་ཚོགས་པའི་འཐུས་མི་བཅས་ཀྱིས་མཉམ་ཞུགས་གནང་ཏེ་གཏམ་བཤད་གནང་ཡོད་འདུག
གཞན་ཡང་། བོད་རང་བཙན་སློབ་ཕྲུག་ཚོགས་པན་དང་། ས་གནས་ཀྱི་བོད་ཆོལ་ཁ་གསུམ་སོགས་མཉམ་འབྲེལ་གྱི་གོ་སྒྲིག་འོག ཁེ་ན་ཝའི་ཊོ་རོན་ཊོ་གྲོང་ཁྱེར་ (Masaryk Park) ཐང་དུ་བོད་མི་གཅིག་སྟོང་ཙམ་ཞིག་གིས། བོད་མིའི་རང་དབང་སྒེར་ཉིན་མོ་སྲུང་གཙི་བྱས་ཡོད་ཅིང་། སྐབས་དེར་བོད་ཁེ་ན་ཊའི་གྲོས་ཚོགས་འཐུས་མི་བོད་རིགས་བུ་འཁྲིད་དཀར་པོ་ཆེ་ལགས་དང་། བོད་དོན་རྒྱབ་སྐྱོར་བ་མང་པོ་ཞིག་གིས་མཉམ་ཞུགས་གནང་ཡོད་འདུག མཛད་སྒོ་གྲོལ་རྗེས་ཊོ་རོན་ཊོའི་རྒྱལ་སའི་དཀྱིལ་དབུས་སུ་ཆགས་པའི་རྒྱ་ནག་གཞུང་ཚབ་ཁང་གིས་མདུན་ཐང་བར་དུ་ཞི་བའི་གོམ་བགྲོད་ལས་འགུལ་སྤེལ་ཡོད་པ་དང་། དེ་བཞིན་ཁེ་ན་ཌའི་ས་གནས་ (Ottawa) དང་། (Vencouver) ཁལ་གྷ་རེ་ (Calgary)སོགས་སུའང་དུས་དྲན་སྲུང་གཙི་བྱས་ཡོད་འདུག
ལྷོ་ཀོ་རི་ཡའི་རོགས་པ་ཚོགས་པའི་གོ་སྒྲིག་འོག ཟླ་འདིའི་ཕྱི་ཚེས་ ༩ ཉིན་བོད་དོན་སྐོར་གྱི་མཚན་ཚོགས་ཤིག་གོ་སྒྲིག་བྱས་ཡོད་པ་དང་། དེ་བཞིན་ཁ་སང་ཀོ་རི་ཡའི་སློབ་མ་གཉིས་ཀྱིས་དྭང་བླངས་ཐོག་བོད་མིའི་རང་དབང་སྒེར་ལངས་ཐེངས་ ༦༣ པ་སྲུང་གཙི་བྱས་ཏེ། བོད་ཀྱི་རྒྱལ་དར་སྒྲེང་འཛུགས་སོགས་གནང་ཡོད་འདུག
དེ་བཞིན་ཡུ་རོབ་རྒྱལ་ཁབ་ཧྥ་རན་སི་དང་སྦེལ་ཇམ། འཇར་མི་ནི། ནི་ཐར་ལན་ཌི་སོགས་ཀྱི་ནང་དུའང་དུས་དྲན་སྲུང་གཙི་གནང་ཡོད་འདུག
ཁ་སང་རྒྱ་གར་གྱི་ས་གནས་གང་སར་བོད་མི་ཚོས་བོད་མིའི་རང་དབང་སྒེར་ལངས་ཉིན་མོ་སྲུང་གཙི་བྱས་ཡོད་པ་དང་། ཁ་སང་དབུས་བོད་ཀྱི་གཞོན་ནུ་ལྷན་ཚོགས་དང་། ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག རྒྱ་གར་གྱི་རྒྱལ་ས་ལྡི་ལིར་དུས་དྲན་སྲུང་གཙི་གནང་བ་དང་། བོད་ཀྱི་གཞོན་ནུ་ལྷན་ཚོགས་ཀྱི་ལས་འགུལ་བ་ ༧༢ ཀྱིས་རྒྱ་ནག་གཞུང་ཚབ་ཐང་གི་མདུན་དུ་ངོ་རྒོལ་ལས་འགུལ་སྤེལ་བར་བརྟེན། རྒྱ་གར་ཉེན་རྟོག་པས་ལས་འགུལ་བ་རྣམས་འཛིན་བཟུང་བྱས་ཡོད་ཀྱང་། ཁ་སང་ཕྱི་དྲོའི་ཆུ་ཚོད་ ༦ ཙམ་ལ་ཀློད་གྲོལ་བཏང་ཡོད་འདུག
གསར་འགོད་པ། དཔལ་ལྡན།
