ཆིབས་བསུ།

དེ་རང་ནོར་སོང་བ་རེད། སྐབས་དེར་སྐུའི་སྨན་བཅོས་མང་ཚོགས་ཀྱིས་ཧ་གོ་ཡོད་པས། མང་ཚོགས་ཀྱིས་ལས་བྱེད་ཚོར་བསྐུལ་མ་གཏོང་དགོས་ཀྱི་རེད། ཡིན་ནའི། མང་ཚོགས་ལ་གྲགས་འགུལ་མེད་པ་འདི་སྐྱིན་ཆེ་ཞིག་རེད།

དགོངས་དག ངའི་དོགས་གཞི་ཡོང་ས་གཙོ་བོ་གསར་འགྱུར་༼
སྐུའི་ཉེན་སྲུང༌གི་གནད་དོན༽ཞེས་པ་དེ་ཡིན།

༡ རྒྱ་གར་ནང་སྔར་དྲག་སྤྱོད་བྱུང་མ་མྱོང་བ་མ་རེད་ལ། ཐ་ན་ཏཱ་ལའི་བླ་མར་ཁ་གཏད་པའི་དྲག་སྤྱོད་གསལ་བསྒྲགས་ཀྱང་གསར་ལམ་ཁག་ཏུ་ཐོན་མྱོང་བ་རེད། དེ་དུས་ཅིའི་ཕྱིར་སྐུའི་ཉེན་སྲུང་འཐུས་སྒོ་ཇེ་ཚང་དུ་མ་བཏང་བ་ཡིན་ནམ།

༢ སྒོས་སུ་གསར་འགྱུར་དེ་ཟླ་བཅུ་བའི་ནང་ཕྱི་ལ་ཐོན་པ་དང་ཡང་ཟླ་བཅུ་བའི་ནང་ལས་ཀ་ལེགས་འགྲུབ་བྱེད་དགོས་དོན་ཅི། ཡང་ཅིག་བཤད་ན། ཟླ་བཅུ་བའི་ནང་བོད་མི་ཚོས་ག་རེ་གླེང་བཞིན་པ་དང་དེས་རྒྱ་གར་ལ་གྲིབ་གཟུགས་མི་མཐོང་བའི་དངངས་སྐྲག་ག་རེ་བསྐྱེད་ཀྱིན་ཡོད་དམ།

༣ ཉེན་སྲུང་དང་ལྟ་རྟོག་གཉིས་ལ་ལྷན་རྒྱས་ཀྱིས་གོ་བ་ལེན་སྟངས་ག་རེ་ཡིན་ནམ།

༧གོང་ས་མཆོག ཁྱེད་རང་ལ་སྐུ་ངལ་བཟོ་མཁན་སུ་རེད།

བོད། ཤ་ཁྲག་རུས་གསུམ་གྱིས།

ཁྱེད་ཀྱིས་ད་དུང་སྐུ་ངལ་གསོ་བའི་གྲ་སྒྲིག་མི་བྱེད་པར
འགྲོ་དྲུག་སེམས་ཅན་དང་ ནང་དགོས་སུ་བོད་མི་དམངས་ཀྱི་ཆེད་དུ
ཉིན་མཚན་མེད་པར་སྐུ་ངལ་ཚད་མེད་མྱོང་ན་ཡང་
བསམ་ཤེས་མེད་པའི་ལས་ངན་ཁྱུ་གཅིག
ད་དུང་ ཁྱེད་ཀྱི་རྒྱབ་མདུན་གཉིས་སུ
ངོ་ཚ་དང་ཁྲེལ་གཞུང་མེད་པར
རང་རློམ་དང་ང་རྒྱལ་གྱིས་ཡར་བླངས་པའི་སྔ་གཞུག་དུ
ཉམ་ཆུང་བའི་བོད་པ་ང་
ཐག་རིང་རྣ་བའི་ཐོས་དུས སེམས་པ་གཏིང་ནས་སྐྱོ

བོད་པ་ཚང་གི་ཀླད་སྟོང་ཁ་ཤས་ཀྱིས
རང་རང་གི་གྲོད་ཁོག་རྒྱག་རྗེས་སུ
ཁྱེད་ཀྱིས བཀའ་དྲིན་མི་དྲན
ཁྱེད་ཀྱིས དགོང་གཞི་མི་ཤེས་པར
ཁ་སྟོང་ནང་གི་ཚིག་སྟོང་ལ་བདག་པོ་མི་བྱེད་པའི་ཅོལ་ཆུང་བ་འདི་ཚོས
དོན་དངོས་སུ་ཅི་ཡང་མ་ཤེས་པར་འུར་རྒྱག་པ
རྒྱང་རིང་ཡུལ་ནས་གོ་དུས སེམས་པ་གཏིང་ནས་སྡུག

བླ་མ་ལགས ཡིད་བཞིན་གྱི་ནོར་བུ
གདོང་དམར་གངས་ཅན་བོད་པ་ཚང་ལ
ཁྱེད་ཀྱིས་མ་གསུང་བ་གང་ཡང་ལུས་མེད
ཁྱེད་ཀྱིས་མ་སྒྲུབ་པ་ཅི་ཡང་ལྷག་མེད
ཁྱེད་ཀྱིས་མ་བསྟན་པའི་ལམ་ཁ་གཅིག་གྱང་སྐྱུར་མེད
ད་དུང་ གངས་ཅན་བོད་པ་ཚང་གི་ཆེད་དུ
ཁྱེད་ཀྱིས་སྐུ་ངལ་ཚད་མེད་མྱོང་བའི་རྣམ་ཐར
ལྷ་ཀླུ་མི་གསུམ འབྱུང་བོ་གདོན་འགེགས
གཟུགས་ཅན་དང་གཟུགས་མེད
སུ་གང་གིས་སྨྱུག་རྩེ་རུ་ལེན་དཀའ་དུས
ཁྱེད་ཀྱི་སྐུ་དྲིན་གྱི་ཆ་ཤས་ཙམ་དྲན་ནས མིག་མཐའ་མཆི་མས་བཟུང་