བོད་ཡིག་དགེ་རྒན་མི་འདུག

ཁྱེད་ཀྱིས་བཤད་པ་ཧ་ཅང་འགྲིགས། ངས་བལྟས་ནའང་་བོད་ཁྱིམ་སློབ་གྲ་ཚོ་ནི་ཝཱ་ར་ཎ་སའི་མི་སྙིགས་བྱོ་ས་རེད་ཅེས་བཤད་ན་རྫུན་དུ་མི་འགྲོ་བ་ཡིན། བོད་ཁྱིམ་སློབ་ཕྲུག་དེ་ཚོ་ངོ་མ་སྙིང་རེ་རྗེ། སྐྱག་གཟན་དེ་ཚོའི་དབང་འོག་ན་རུལ་འགྲོ་གི་ཡོད་པ་རེད། ངོ་མ་སྙིང་རྗེ་ནི་ཞིག་རེད། ཡིན་ནའང་ང་ཚོ་ལ་ཐབས་ཤེས་འཐེན་རྒྱུ་མི་འདུག ད་བར་དུ་འདིའི་སྐོར་ལ་སྐད་བརྒྱབ་བརྒྱབ་ནས་སྐད་ཀྱང་འགག་སོང༌།

དྲ་གྲོགས་ཨ་རིག་གླེན་རྒན་ལགས།
རྒན་སྤྲེལ་ནག་པ་ང་ཚོའི་སློབ་གྲྭར་ཡོང་ནས་ཟླ་བ་ཁ་ཤས་ལ་སློབ་ཁྲིད་བྱེད་ཀྱིན་ཡོད། སློབ་གླིང་འདིར་འདིའི་སྐོར་ནས་གླེང་སློང་ཤུགས་ཆེན་པོ་ཞིག་ཡོང་བཞིན་པ་ནི། གཞུང་གིས་བཀོད་སྒྲིག་བྱས་པའི་གསོག་སློབ་ཀྱི་བོད་དགེ་ཁ་ཤས་ལྟ་་བུས་ལོ་གཅིག་རིང་སློབ་ཁྲིད་བྱས་པ་ལས་རྒན་སྤྲེལ་ནག་པས་ཟླ་གཅིག་རིང་སློབ་ཁྲིད་བྱས་པ་ཡག་པོ་འདུག་ཅེས་བོད་ཡིག་ལ་དོ་སྣང་ཡོད་པའི་སློབ་མ་ཚོས་གླེང་བཞིན་པ་མ་ཟད། ད་ལྟ་མུ་མཐུད་དུ་རེས་གཟའ་ཉི་མ་ཉིན་བོད་ཡིག་མཐར་ཕྱིན་གྱི་སློབ་མ་ཉི་ཤུ་ལྷག་ཁོང་གི་མདུན་དུ་སློབ་ཁྲིད་ལ་འགྲོ་བཞིན་ཡོད།
འདི་ལྟ་བུའི་ཡོན་ཏན་པ་མང་བོ་ཞིག་བོད་གཞུང་ཤེས་རིག་ལས་ཁུངས་ཀྱིས་བདག་པོ་མ་རྒྱབ་པ་དངོས་གནས་བློ་ཕམ་པ་ཞིག་རེད།
ཁོང་ལྟ་བུ་སྤྱི་ཚོགས་ཐོག་འདི་ལྟར་འཇོག་པ་ལས་ས་རཱ་མཐོ་སློབ་དང་ཝཱ་ནཱ་མཐོ་སློབ་སོགས་སུ་དགེ་རྒན་ལ་གདན་འདྲེན་ཞུས་ནས་སློབ་མ་སྐྱེད་སྲིང་བྱས་ན་རྗེས་ཕྱོགས་གཞི་རིམ་སློབ་གྲྭ་ཁག་གི་བོད་དགེ་སྤུས་དག་ཡོང་བ་དང་ཆབས་ཅིག་རང་བཞིན་གྱིས་སློབ་མའང་ཡག་པོ་བྱུང་གི་རེད་བསམ།

སེམས་བཟང་དྲ་གྲོགས་རྣམ་པ་དོན་མེད་སེམས་ཁུར་མ་བྱེད། བོད་ཡིག་དགེ་རྒན་མ་རེག་པའི་དཀའ་ངལ་སྔར་འཕྲད་མ་མྱོང་ལ་ད་ལྟ་དེ་བས་ཀྱང་མི་འཕྲད། འདི་ནི་དགེ་རྒན་མ་དགོས་པའི་དཀའ་ངལ་རེད་དེའང་སློབ་མར་མ་དགོས་པ་མིན་པར་ཤེས་རིག་དང་འབྲེལ་པའི་གནད་ཡོད་ལས་བྱེད་རྣམས་ལ་མ་དགོས་པ་རེད། དོན་ངོ་མར་བོད་དགེ་ཚད་ལྡན་ཞིག་བཙལ་འདོད་ཡོད་ན་རྒྱ་བལ་འབྲུག་གསུམ་དང་དེ་མིན་ཕྱི་རྒྱལ་ཁག་ནས་བསུ་ཐུབ་པ་མ་ཟད་ཐད་གར་བོད་ནས་ཀྱང་བསུ་ཐུབ། འོན་ཀྱང་རྒྱབ་སྐྱོར་ཡོད་ཟེར་བའི་ཁ་སྙན་མོ་ཙམ་གྱི་ཅི་ཡང་མི་ཕན་། ཕན་ན་ངའི་བརྒྱ་ཆ་བརྒྱ་རྒྱབ་སྐྱོར་ཡོད།

སྟངས་འཛིན་བྱེདམཁན་ཚོས་མི་དེ་ཐོག་མར་དགེ་རྒན་གྱི་ལས་སྒོར་བཅུག་དུས་་ཤེས་ཡོན་དང་ལག་འཁྱེར་གཉིས་ལས་ཤེས་ཡོན་གཙོར་འཛིན་སྒོས་དོན་སྟེང་གི་ཤེས་ཡོན་གྱི་ལྕིད་ཚད་ལ་བལྟས་ཏེ་དགེ་རྒན་འཚོལ་དགོས།་་དེ་ལྟར་བྱས་ན་དགེ་རྒན་ཚད་ལྡན་རེག་ངེས།་་སློབ་མ་རང་ངོས་ནས་སློབ་སྦྱོང་ལ་ཧུར་ཐག་དང་ཚད་ལྡན་གྱི་དགེ་རྒན་ཚོར་ཡིད་ཆེས་དང་གུས་བརྩི་བྱེད་དགོས།་་་དེ་ལྟར་བྱས་ན་སློབ་ཕྲུག་ཚོར་སེམས་གཏིང་ནས་ཤ་ཚ་སླེབས་ངེས།་་ཚད་ལྡན་གྱི་དགེ་རྒན་རེ་རེག་ན་དེ་ལ་སློབ་གཙོ་དང་དབུ་འཛིན་སོགས་ཀྱིས་ཀྱང་མཐོང་ཆེན་དང་རྩིས་ཆེན་བྱེད་དགོས།་་་དེ་ལྟར་བྱས་ན་ད་གཟོད་ཁོ་སློབ་གྲྭ་དེར་གཏན་དུ་འདུག་འདོད་འབྱུང།

ཁོང་མཁས་པ་ཡིན་ཡང་ཟླ་ཤས་དགེ་རྒན་བྱས་པ་ཙམ་གྱི་མི་རིགས་ཞིག་སྟོང་ཉེའི་སྐབས་སུ་མི་ཕན་ནོ།

ངས་གོ་ཐོས་སུ་སྤེལ་ནག་བློ་གྲོས་དཔལ་བཟང་གིས་གསོག་སྒར་ན་དགེ་རྒན་བྱེད་ཀིན་འདུག་ཟེར། ཁོང་འདྲ་བའི་མཁས་པ་བཙན་བྱོལ་བོད་པའི་ནང་དཀོན་ཡ།

བོད།་་་ཤ་ཁྲག་རུས་གསུམ་ལགས།་་འདི་ནས་ཐར་ཐབས་ཀྱི་བསམ་ཚུལ་བཤད་པ་ཙམ་གྱིས་མི་ཆོག་པར་ལགས་ལེན་བསྟར་དགོས་པ་རེད།་་དེ་མི་ཡོང་བས་བཤད་ན་ཕན་ཐོག་ཡོད་པ་མ་རེད།

བརྒྱ་བཤད་ཚིག་གི་རྩ་བ་ནི་བཙན་བྱོལ་བོད་གཞུང་གི་ངོས་ནས་རང་རེའི་རིག་གཞུང་གི་རྐང་མཐུག་པོ་ཡོད་མཁན་དག་ལ་བདག་པོ་རྒྱག་ཐུབ་ཀྱི་མི་འདུག ང་ཚོའི་ཨ་ཡོད་ནང་གི་དེ་ཡོད་དག་ཕྱི་རྒྱལ་ལ་ཤོར་སོང་བ་རེད། ན་ནིང་ནས་ད་ལོ་བར་ཅི་ཙམ་ཤོར་སོང༌། དངོས་གནས་བཤད་ན་འདི་དག་ལ་བདག་པོ་ཞིག་རྒྱག་ཐུབ་ཡོད་ན་བཙན་བྱོལ་ཁྲོད་དགེ་རྒན་ཞིག་ལ་དཀའ་ངལ་ཡོད་པ་མ་རེད། ང་ནི་ནམ་ཡང་དེའི་ཕྱོགས་ནས་ཕམ་མཁན་ཞིག་ཡིན། Vr

རི་བོང་ལགས། སྐྱོན་སྣེ་རྐྱང་རྐྱང་ལས་འདི་ནས་ཐར་ཐབས་ཤིག་གང་ནས་རེག་མིན་བསྐོར་གྱི་བསམ་ཚུལ་ཞིག་གསུང་རྒྱུ་མེད་དམ།

ཆུ་ཐིགས་སྔོན་མོས།་་ལག་འཁྱེར་མེད་པའི་ཤེས་ཡོན་པ་མང་པོ་ཞིག་ལ་བོད་གཞུང་གིས་ལམ་ཁ་མ་སྤྲད་ནས་ལྷག་བསྡད་པའི་བཟོ་འདྲ་ཞིག་བཤད་པ་དེ་ངས་ངོས་ལེན་བྱེད་ཐུབ་མ་སོང།བཙན་བྱོལ་གཞུང་ལ་ཤེས་ཡོན་པ་མེད་པའི་དཀའ་ངལ་ལས་ཤེས་ཡོན་པ་ལ་ལམ་ཁ་མེད་པའི་དཀའ་ངལ་ཉུང་ཉུང་རེད།་་་ཚད་ལྡན་གྱི་ཤེས་ཡོན་ཡོད་ན་སྤྱི་སྒེར་གང་རུང་་ནས་ལམ་ཁ་ཞིག་ཡོད་ཡོད་པ་འདྲ་བོ་རེད།་་ལག་འཁྱེར་རྫིག་པོ་དེ་ཡང་དཀའ་ལས་མང་པོ་ཞིག་བརྒྱབ་ནས་བླངས་པ་ཡིན་པས་དེ་ལ་ལྟ་ལོས་དགོས།་་ངེས་པར་དུ་ལྟ་དགོས་པ་ཞིག་རེད་ལ།་་དེ་འཛམ་གླིང་སྤྱིའི་འགྲོ་སྟངས་དང་ཡང་མཐུན་པ་ཞིག་རེད།

ངོ་མ་བཤད་ན་སོགས་སྒར་སློབ་གྲྭར་བོད་ཡིག་དགེ་རྒན་བྱེད་ཐུབ་མཁན་གྱི་སློབ་མ་མང་པོ་ཡོད་པ་རེད། ཡིན་ཡང་ཁོང་ཚོར་སློབ་ཁྲིད་བྱེད་ཐུབ་མཁན་གྱི་དགེ་རྒན་སྤུས་དག་ཞིག་སྔོན་མ་ནས་དཀོན་མོ་རེད། རེ་གཉིས་ཡོད་པ་ཚོ་ནི་དགོངས་པ་ཞུས་ཟིན་པ་རེད། ངས་བལྟས་ན་སུ་ཇ་དང་གྷོམ་པ་པུར་སོགས་སུ་གསོགས་སྒར་ཀྱི་སློབ་མ་བོད་ཡིག་ཆུ་ཚད་ཡག་ཤོས་ཚོར་དམིགས་བསལ་བོད་ཡིག་དགེ་རྒན་སྦྱོང་བརྡར་ཡག་པོ་རེ་སྤྲད་ནས་བཏང་ན་ཡག་པོ་རེད་དྲན་གྱི་འདུག དེ་མིན་ན་བཙན་བྱོལ་ནང་གི་ལག་ཁྱེར་མེད་པའི་བོད་འབྱོར་ཚོའི་ནང་ནས་བོད་ཡིག་དགེ་རྒནབསྡུ་སྐོང་བྱས་ན་ལོན་གྱི་རེད།

ཁག་ཡོད་པ་མ་རེད། ང་ཚོའི་སློབ་གྲྭ་ཁག་གི་དགེ་རྒན་དག་ལག་འཁྱེར་རྫིག་པོ་ཞིག་གི་ངོས་ནས་ཡོང་བ་རེད། དེའི་སློབ་སྦྱོང་གི་གནས་རིམ་དང་བོད་ཡིག་གི་གནས་ཚད་ཅི་ཡོད་སོགས་ལ་རྒྱུས་ལོན་མི་བྱེད་པ་ནི་བཙན་བྱོལ་གཞུང་གི་འགྲོ་སྟངས་རེད། བོད་གཞུང་ལ་ལས་བྱེད་ཅིག་དགོས་ན་དེ་ལ་ལག་འཁྱེར་དང་། འཇོན་ཐང་། བརྒྱུད་ལག་སོགས་ཡོད་མེད་ལ་རག་ལས་པ་ལས་ཤེས་ཡོན་ལ་དེ་ཙམ་རག་ལས་མེད་པ་དངོས་མཐོང་ཡིན་པས་འདིའི་སྐོར་ལ་ང་ཚོས་ཅི་ཙམ་སྐད་བརྒྱབས་ཀྱང་ཕན་པ་ཡོད་པ་མ་རེད།

སྤྱིར་ཡུལ་དུས་གནས་སྐབས་དབང་གིས་བོད་ཡིག་གི་གནས་ཚད་ཇེ་ཞན་དུ་འགྲོ་བ་དང་བོད་ཡིག་དགེ་རྒན་ཡང་ཇེ་དཀོན་དུ་འགྲོ་བ་དངོས་དོན་རེད། འོན་ཀྱང་ཁྱེད་ཀྱིས་མིག་ཡ་གཅིག་བཙུམ་ནས་་་་《འདི་ལྟར་སློབ་གྲྭ་ཁག་ན་བོད་ཡིག་དགེ་རྒན་ཡག་པོ་མེད་པའི་རྒྱུ་རྐྱེན་ཕུ་འདེད་བྱས་ན་ཝརྞ་མཐོ་སློབ་ཀྱི་བོད་ཡིག་ཤེས་ཚད་ལ་ཐུག་ཡོད་པ་རེད་ཅེས་བཤད་ན་མི་མང་པོ་ཞིག་ཁོང་ཁྲོ་ལངས་ན་འབར་འགྲོ་གི་རེད། དོན་དངོས་དེ་འདྲ་ཞིག་ཡིན་པར་འདོད་ཀི།》ཞེས་བཤད་འདུག དྲང་བདེན་གྱི་སྐད་ཆ་མིན་པར་ཕྱོགས་ལྷུང་བྱས་ན་ཁོང་ཁྲོས་འབར་འགྲོ་བ་སོ་སོ་སྐྱེ་བོའི་རང་མདངས་རེད། དཔེ་ན་ཁྱོད་སྤྱི་ཚོགས་དཀྲུག་མཁན་བྱེད་ལྟེ་རེད་ཟེར་ན་ཁྱོད་ཉིད་ཁོང་ཁྲོ་བྱེད་པ་ཆོས་ཉིད་རེད། ཕྱོགས་ལྷུང་གི་བསམ་པ་རེ་ཞིག་བོར་ནས་ཡང་བསྐྱར་སློབ་གྲྭ་ཁག་ལ་ཉམ་ཞིབ་ཞིག་བྱོས་དང་། སྭ་ར་དང་དེ་བཞིན་སློབ་གཉེར་ཁང་གཞན་དག་ནས་ཐོན་པའི་བོད་དགེ་དང་། དེ་དག་གི་གནས་ཚད་ ཀུན་སྤྱོད་ ལྷག་བསམ་བཅས་རྟོགས་ཐུབ།
ལར་ནས་དེང་གི་དུས་སུ་ཁ་བདེ་པོ་དང་མགོ་བདེ་པོ་ཙམ་གྱིས་མི་ཕན་པས་ཁ་ཡོད་ལག་ཡོད་ཀྱི་ཐང་སྒང་ལ་ཐོན་ནས་ལས་ལ་འཇུག་ན་ཕན་འབྲས་ཆེ།