འཇོ་མདའ་ནས་བོད་མི་གློད་ཡོད་ཀྱང་འཆི་རྡོ་མུ་མཐུད་བཀག་ཉར་འོག་ཡོད་འདུག
བོད་མི་མང་སྤྱི་འཐུས་ལྷན་ཁང་གི་ཆབ་སྲིད་སྡེ་ཚན་གྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། ཕྱི་ཟླ་ ༨ ཚེས་ ༢༦ ཉིན་འཇོ་མདའ་རྫོང་ནས་བོད་མིའི་གྲོང་ཚོ་རེར་དོ་སྐྱེལ་རླངས་འཁོར་ཆེ་བ་རེ་སྤྲོད་རྒྱུ་ཡིན་ཚུལ་བཤད་སྐབས་བོད་མི་རྣམས་ཀྱིས་ང་ཚོས་རླངས་འཁོར་གཏོང་ཤེས་ཀྱི་མེད་སྐོར་དང༌། ང་ཚོ་ལ་མགོ་སྐོར་བསླུ་བྲིད་བྱ་ཐུབ་གི་མ་རེད་སོགས་བཤད་དེ་སྐད་ཅོར་བརྒྱབས་སྐབས་འཇོ་མདའ་འཛི་སྒར་དགོན་ཁོངས་ནས་ཡིན་པའི་བོད་མི་འཆི་རྡོ་དང༌། མདོ་གཞུང་ནས་ཡིན་པའི་མི་གཅིག པདྨ་རུ་བའི་མི་གཅིག་བཅས་བོད་མི་གསུམ་བཀག་ཉར་བྱས་ཡོད་འདུག མི་གཞན་པ་གཉིས་དེའི་མིང་ད་ལྟ་ཤེས་རྟོགས་ཐུབ་མེད།
རླངས་འཁོར་སྤྲོད་རྒྱུ་ཡིན་སྐོར་གྱི་སྐད་ཆ་དེ་ཁ་སྔོན་ནས་བཤད་བཞིན་ཡོད་འདུག་པ་དང༌། ད་ལྟ་དངོས་སུ་འཇོ་མདའ་རྫོང་ལ་རླངས་འཁོར་མང་པོ་ཞིག་འབྱོར་ཟིན་ཡོད་འདུག་ཀྱང་བོད་མི་སུས་ཀྱང་ལེན་མཁན་མེད་པའི་གནས་ཚུལ་འདུག གནས་ཚུལ་མཁོ་སྤྲོད་པས་བརྗོད་པ་ལྟར་ན། རླངས་འཁོར་སྤྲོད་འཆར་ཡོད་པའི་གྲོང་ཚོ་དེ་དག་ནི་ད་ལོ་ཞིང་ཁ་མི་འདེབས་ས་དང༌། སྒོ་ཟོག་མི་བཤའ་ཞེས་གནས་ཚུལ་ཐོན་སའི་ས་ཁུལ་རྣམས་སུ་ཡིན་སྐོར་བཤད་ཀྱི་འདུག
ཕྱི་ཚེས་ ༢༨ ཉིན་གནས་ཚུལ་ཐོས་པ་ལྟར་ན། ཁ་ཉིན་བོད་མི་རྣམས་འཇོ་མདའ་རྫོང་ཐོག་ཏུ་འདུ་འཛོམས་སྐབས་རྒྱ་དམག་མང་པོ་དང༌། ཉེན་རྟོག་པ་མང་པོས་མེ་མདའ་ཁུར་ནས་བོད་མི་རྣམས་ཕར་འདེད་ཚུར་འདེད་བྱས་ཡོད་འདུག་པ་དང༌། སྐབས་དེར་བྲོས་ཟིན་པ་རྣམས་འཛིན་བཟུང་བྱས་ཡོད་མི་འདུག་ཅིང་། མ་བྲོས་མཁན་གྲས་ནས་གོང་གསལ་བོད་མི་གསུམ་འཛིན་བཟུང་བྱས་པ་ཡིན་འདུག བོད་མི་མིང་མ་ཤེས་པ་དེ་གཉིས་ཁ་སང་ཕྱི་ཚེས་ ༢༧ ཉིན་གློད་གྲོལ་བཏང་ཡོད་འདུག་ཀྱང་འཆི་རྡོ་མུ་མཐུད་བཀག་ཉར་བྱེད་བཞིན་པ་ཡིན་འདུག
གནས་ཚུལ་འདིའི་རིགས་སྤེལ་མཁན་དག་ལ་སེམས་གཏིང་ནས་བཀའ་དྲིན་ཞུ།
འདིའི་རིགས་ལ་ཚང་མས་རམ་འདེགས་ཅི་ཐུབ་གནང་རྒྱུ་དང་ཟླ་ཚེས་གསལ་བོར་འགོད་ཐབས་ལ་འབད་རྒྱུ་གལ་ཆེན་པོ་འདུག
མཚམས་རེར་ཟླ་ཚེས་ངེས་གཏན་དཀའ་ཡང་དགོས་དབང་ཡིན་པས་ཚིག་ཐག་ཆོད་པོས་བྱེད་དགོས་ལ་ཚོད་རྩིས་ཡིན་ཡང་རུང་།།
འཇོ་མདའ་ལ་ད་དུང་གནས་ཚུལ་གཞན་འདུག་གམ།
ད་དུང་འཇོ་མདའི་རྒྱལ་གཅེས་པ་དག་གི་སྐུ་པར་གཟིགས་འདོད་ན་གུས་པའི་ཟིན་བྲིས་ནང་ཁྱུག་ཙམ་ཕེབས་དང།
དགོངས་དག ཨོ་ད་མ་འགྲིག་ནི་རེད། ནོར་བཅོས།
ཨཽ་ད་འགྲིག་ནི་རེད།
ཨ་ཡ། ད་ངོ་མ་རྒྱ་དམར་གྱིས་ང་ཚོ་འདུག་ཀ་མ་བཅུག་ནི་རེད། ཤུ་རེ་ཀོ་ ང་ལྷ་ཆེན་ཞིག་ཡིན་ན། ངས་རྒྱ་དམར་གྱི་དམག་མི་དེ་ཚོ་རེ་རེ་བཞིག་བཟོད་ལྟ་ཞིག་སྤྲད་རྒྱུ་ཡོད་ཀི ཨ་ལ་ཀུ་རེ་ཡིན།