མགོ་ལོག་སྟོང་སྐྱབས་དགོན་པའི་གྲྭ་རིན་ཆེན་བཟང་པོ་ལགས་ཀྱི་གློག་བརྙན་དེའི་ནང་རྒན་རབས་པ་ཚོས་སྔར་རྒྱ་མི་མ་སླེབས་གོང་དུ་ཅི་བྱེད་གར་འགྲོ་རང་དབང་ཡིན་ཡང་། ད་ཆར་དད་པའི་ལྷ་ལ་ཕྱག་འཚལ་དབང་ཙམ་ཡང་མེད་སྐོར་གྱི་སྡུག་སྐད་བཤད་ཡོད་འདུག
དེ་རིང་སྔ་དྲོ་ཆུ་ཚོད་ ༡༡ ཐོག་བོད་གཞུང་ཕྱི་དྲིལ་ལས་ཁུངས་ཀྱི་གོ་སྒྲིག་འོག ཕྱི་དྲིལ་ལྷག་པ་ཚེ་རིང་ཚོགས་ཁང་ནང་། སྔར་ལོ་བོད་ནས་གསར་དུ་འབྱོར་བའི་གྲྭ་རིན་ཆེན་བཟང་པོ་ལགས་ཀྱིས་བོད་ནང་གི་བོད་མི་ཚོར་སྤྱི་ཚོགས་གསར་རྙིང་དང་། ད་ལྟའི་གནས་སྟངས། མ་འོངས་པའི་རེ་འདུན་བཅས་ཀྱི་སྐོར་ལ་བཅར་འདྲི་ཞུས་ཏེ། ༼ དངོས་མྱོང་བདེན་པ་ར་སྤྲོད་ ༽ ཅེས་པའི་ཆུ་ཚོད་གཅིག་དང་ཕྱེད་ཙམ་ཡོད་པའི་གློག་བརྙན་ཞིག་བཟོས་ཡོད་པའི་སྐོར་ལ་གསར་འགོད་གསལ་བསྒྲགས་ཤིག་བསྐྱངས་ཡོད་ལ། དེ་དང་མཉམ་དུ་བཅར་འདྲི་ཞུ་ཡུལ་དག་གི་སྐད་ཆ་ཡིག་ཐོག་ཏུ་ཕབ་པའི་ཡིག་ཆ་དང་། དངོས་མྱོང་བདེན་པ་ར་སྤྲོད་ཀྱི་འོད་སྡེར་ཅེས་འགྲེམས་སྤེལ་བྱས་ཡོད།
སྐབས་དེར་ཕྱི་དྲིལ་ལྷག་དྲུང་ཆེ་ཐུབ་བསྟན་བསམ་འཕེལ་ལགས་ཀྱིས་ངོ་སྤྲོད་གནང་དོན། དེ་རིང་འདིར་རྣམ་པ་ཚོར་གསར་འགོད་གསལ་བསྒྲགས་ཞུ་རྒྱུ་དེ་ནི། གྲྭ་རིན་ཆེན་བཟང་པོ་ལགས་ཀྱིས་རང་སྲོག་བློས་བཏང་སྟེ། སྔར་ལོ་ ༢༠༠༨ ལོར་མགོ་ལོག་ས་ཁུལ་གྱི་བོད་པ་མི་རེ་ངོ་རེ་ལ། སྔར་རྒྱ་མི་མ་ཡོང་གོང་གི་གནས་སྟངས་དང་། ད་ལྟའི་གནས་བབ་བཅས་ཀྱི་ཐད་བཅར་འདྲི་ཞུས་ཡོད་ལ། བཅར་འདྲི་དང་ལེན་གནང་མཁན་ཚོའི་ངོས་ནས་ཀྱང་། རྒྱ་གཞུང་ལ་འཇིགས་སྐྲག་མེད་པར་རང་སྲོག་བློས་གཏོང་གིས་ཁ་རུ་ཁ་ཐུག་ལ་བཀའ་མོལ་གནང་བ་དེ་དག་བརྙན་འཁོར་ནང་ཕབ་ཡོད་པ་དེ་ཐེངས་འདིར་གཟིགས་འབུལ་ཞུ་རྒྱུ་ཡིན།
རིན་ཆེན་བཟང་པོ་ལགས་ལ་ཐོག་མར་དགོངས་དག་ཞུ་རྒྱུ་ཞིག་ལ། ཁོང་རང་གི་ངོས་ནས་སྐུ་ངལ་ཞེ་དྲག་སྐྱོན་ཡོད་པ་རེད་མོད། ང་ཚོ་ཕྱི་དྲིལ་ལས་ཁུངས་ཀྱི་ངོས་ནས་གློག་བརྙན་འདི་སྒྲིག་སྦྱོར་བྱ་མ་ཐུབ་པར་དུས་ཚོད་རྒྱུན་རིང་འགོར་སོང་བར་དགོངས་དག་ཞུ་རྒྱུ་ཡིན། ད་ཆར་ང་ཚོས་གང་ཡོང་ཅི་ཐུབ་ཀྱིས་ཕྱོགས་སྒྲིག་ཡོངས་སུ་འགྲུབ་སྟེ། གློག་བརྙན་འདིའི་ནང་བོད་ནང་གི་བོད་མི་ཚོས་སོ་སོའི་མི་ཚེའི་མཐོང་ཐོས་དང་ཉམས་མྱོང་སྐོར་བཤད་པའི་སྐད་ཆ་དབྱིན་ཡིག་ནང་བསྒྱུར་ཡོད། ཅེས་ངོ་སྤྲོད་གནང་རྗེས་གློག་བརྙན་གཟིགས་འབུལ་ཞུས་སོང་།
གྲྭ་རིན་ཆེན་བཟང་པོ་ལགས་ཀྱིས་སྔར་ལོ་སྤྱི་ཟླ་ ༡༠ ཡས་མས་ནས་མགོ་འཛུགས་ཀྱིས་བོད་ནང་གི་ས་ཁུལ་མང་དག་ཅིག་ལ་ཕྱིན་ཏེ། གཞིས་བཞུགས་བོད་མི་ཚོར་སྤྱི་ཚོགས་གསར་རྙིང་གཉིས་ལ་ཁྱད་པར་གང་ཡོད་དང་། དེང་གི་རྒྱ་ནག་གུང་ཁྲིན་འོག་ཏུ་བདེ་སྐྱིད་ཡོད་མེད། མ་འོངས་མི་ཚེའི་རེ་འདུན་གང་ཡིན་བཅས་ཀྱི་ཐད་བཅར་འདྲི་ཞུས་ཏེ་གློབ་བརྙན་ཕབ་འདུན་ཡོད་ཀྱང་། མགོ་ལོག་ས་ཁུལ་གྱི་འབྲོག་སྡེ་ཁག་ཏུ་ཉུལ་ཏེ་འབྲོག་དམངས་རྒན་རབས་པ་སྐོར་ཅིག་ལ་བཅར་འདྲི་ཞུས་མཚམས་རྒྱ་གཞུང་གིས་ཤེས་རྟོགས་བྱུང་སྟེ། ཁོང་འཛིན་བཟུང་གི་བཀའ་རྒྱ་བཏང་ཡོད་སྟབས། ལས་དོན་གྱི་མཇུག་བསྐྱང་མ་ཐུབ་པར་ལོ་དེའི་ཟླ་ ༡༢ ནང་རྒྱ་གར་ལ་བྲོས་བྱོལ་དུ་འབྱོར་ཡོད།
གྲྭ་རིན་ཆེན་བཟང་པོ་ལགས་ཀྱིས་ཐོག་མར་མི་ ༢༡ ལ་བཅར་འདྲི་ཞུས་ཡོད་ཀྱང་། ཁོང་གིས་བརྙན་ཕབ་འཕྲུལ་ཆས་བེད་སྤྱོད་གཏོང་ཤེས་མིན་གྱིས་ ༦ འཕྲོ་བརླག་ཏུ་ཕྱིན་ཡོད་འདུག ད་ཆར་གློག་བརྙན་དེའི་ནང་མི་ ༡༥ ཡིས་སོ་སོས་དངོས་སུ་མྱངས་པའི་ལོ་རྒྱུས་དང་མཐོང་ཐོས་མྱོང་གསུམ། ད་ཆར་ཉིན་སྒུག་མཚན་སྒུག་གིས་༧རྒྱལ་བ་ཡིད་བཞིན་ནོར་བུར་མཇལ་རྒྱུར་རེ་སྒུག་བྱས་ཡོད་སྐོར་བཅས་བརྗོད་ཡོད། སྐད་ཆ་བཤད་མཁན་མི་བཅུ་གཉིས་ནི། སྐེ་རིང་སྐལ་དོན་དང་ཁེ་རུའི་ཁན་རྒྱལ། མགར་རྩེ་འབྲུག་རྒྱལ། གླིང་ནག་དོན་ཁོ། གཙང་རྒྱུད་གསོག་པ། གཙང་རྒྱུད་དབང་ལྡན། འཇམ་ཚང་དཀར་སྐྱབས། ཁེ་རུའི་དེའུ་མོ། སེར་བཟའ་ནོར་བྷོ། སྦྲ་ཆེན་མཆོག་ཁོ། རྡོ་བྷོ། ཧྲང་གོང་མའི་ཨ་མ་ནི་བཟའ། སྒྲོལ་མ་མཚོ། སྐེ་རི་ཉི་བྷོ། གླིང་བཟའ་གཡང་སྒྲོན་བཅས་རེད། ཁོང་ཚོས་བློ་སྟོབས་ཆེན་པོས་སྐད་ཆ་འདི་དག་༧གོང་ས་མཆོག་གི་སྙན་ལ་སྒྲོན་དགོས་པ་དང་། རྒྱལ་སྤྱིར་བསྒྲགས་དགོས་པའི་རེ་འདུན་ནན་གྱིས་བཏོན་འདུག
བཙན་བྱོལ་བོད་གཞུང་གི་གལ་ཆེའི་དྲིལ་བསྒྲགས་ཡིག་ཆ། ཞེས་པའི་ནང་གྲྭ་རིན་ཆེན་བཟང་པོ་ལགས་ཀྱི་ལོ་རྒྱུས་མདོ་བསྡུས་ཤིག་བཀོད་ཡོད་པའི་ནང་། གྲྭ་རིན་ཆེན་བཟང་པོ་ལགས་ནི་སྤྱི་ལོ་ ༡༩༧༠ ལོར་མགོ་ལོག་ཨ་སྐྱོང་དུ་སྐྱེས་ཤིང་། ཆུང་དུས་སྡེ་བའི་སློབ་ཆུང་ཐོན་རྗེས་ཀྱི་རང་ལོ་ ༡༤ སྟེང་། མགོ་ལོག་སྟོང་སྐྱབས་དགོན་པའི་ཆོས་སྒོར་ཞུགས་ཏེ་ ༢༠༠༨ བར་དགོན་པ་དེ་གར་བཞུགས་ཡོད། ཁོང་གིས་བོད་ཁུལ་གྱི་དཔལ་འབྱོར་རྗེས་ལུས་ཡིན་པ་དང་། རྒྱ་གཞུང་གིས་བོད་མིའི་ཆོས་དང་རིག་གཞུང་ལ་ཚད་འགག་འདྲ་མིན་བཟོ་བཞིན་ཡོད་པ་བཅས་ལ་གཟིགས་ཏེ། སྤྱི་ལོ་ ༡༩༩༧ ལོར་མཚོ་ལྷོ་ཁུལ་རྩི་གོར་ཐང་རྫོང་། བོང་སྟག་སྡེ་བར་སློབ་ཆུང་ཞིག་གསར་འཛུགས་གནང་ཡོད་པ་དང་། སྤྱི་ལོ་ ༢༠༠༤ ལོར་མགོ་ལོག་རྨ་ཆེན་གངས་རི་ཞང་དུ་གླིང་རུ་སློབ་གྲྭ་ཞེས་པ་གསར་རྒྱག་གནང་ཡོད།
གཞུང་གིས་བོད་མི་དམངས་ལ་མ་ཉེས་ཁ་གཡོག་དང་མགོ་སྐོར་བསླུ་བྲིད། བཅོས་མ་རྫུན་སྒྲིག་གི་བྱ་སྤྱོད་སྣ་ཚོགས་སྤེལ་ཏེ། ༧གོང་ས་མཆོག་ལ་སྐུར་འདེབས་བྱེད་དུ་འཇུག་པ་དང་། ཕྱི་ཕྱོགས་སུ་འཁྱོག་བཤད་རྫུན་སྒྲིག་གི་ཁྱབ་བསྒྲགས་སྣ་ཚོགས་བྱེད་ཀྱིན་ཡོད་པ་བཅས་ལ་ཐེར་འདོན་བྱ་ཆེད། ཐེངས་འདིར་བོད་ཁུལ་གྱི་ས་གནས་འདྲ་མིན་ནས་བོད་མི་ཚོའི་སེམས་ནང་གི་མངོན་འདོད་ངོ་མ་གང་ཡིན་དང་། རེ་བ་གང་ཡོད་བཅས་བརྙན་འཕྲིན་ཐོག་ཕབ་བསྐྲུན་བྱ་རྒྱུའི་དམ་བཅའ་བཞག་སྟེ། བོད་ཁུལ་གྱི་ས་གནས་མང་པོ་ཞིག་ཏུ་ཕྱིན་ཡང་། དམིགས་ཡུལ་ཆ་ཚང་མ་འགྲུབ་གོང་ལ་རྒྱ་གཞུང་གིས་ཤེས་རྟོགས་བྱུང་སྟེ། འཛིན་བཟུང་གི་བཀའ་རྒྱ་བཏང་བར་བརྟེན། མཐར་ལས་དོན་གང་བསྒྲུབ་པ་དེ་དག་བསྣམས་ཏེ་རྒྱ་གར་ནང་བཙན་བྱོལ་དུ་ཡོང་དགོས་བྱུང་ཡོད། ཅེས་བཀོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཐུ་རྗེ་ཆེ་ཞུ་བཞིན་ཡོད་ཁྱེད་ཉིད་ནི་ངེས་དོན་ཀྱི་དཔལ་བོ་ཞིག་རེད་
དགའ་གསུ་ཡོད་སྙིང་ཐག་པ་ནས་ཐུག་རྗེ་བླ་མེད་དུ་ཆེ་ཞུ་།།
ཐུགས་རྗེ་ཆེ།འུ་ཚང་གིས་ཁོང་ཚོ་ལྟ་བུའི་དཔའ་བོ་དག་ལ་བདག་སྐྱོང་དང་རྒྱབ་སྐྱོར་བྱེད་དགོས་རྒྱུ་ཧ་ཅང་གལ་ཆེན་ནང་གི་དོན་ཆེན་ཞིག་མ་ཡིན་ནམ།
ཐུགས་རྗེ་ཆེ་ཞུ་རྒྱུ་ཡིན
གྲྭ་རིན་ཆེན་བཟང་པོ་ལགས་ལ་ཐུགས་རྗེ་ཆེ་ཞུ་རྒྱུ་ཡིན། བོད་གཞུང་ཕྱི་དྲུལ་ལས་ཁུངས་དང་ཐག་རིང་བ་ང་དང་ང་ལྟ་བུ་དག་གིས་ཀྱང་དེར་བལྟ་ཐུབ་པའི་རེ་བ་ཡོད།
ཁོང་ཉིད་འདི་གར་བདེ་འབྱོར་བྱུང་ཡོད་ཀྱང་། མི་སྣ་བཅོ་ལྔ་རྣམས་ད་ལྟ་བོད་ནང་གནས་མུས་མ་ཡིན་ནམ།
ང་ལ་སེམས་ཁྲལ་ཆེན་པོ་ཞིག་ཡོད་པ་ནི། ད་ལྟ་བོད་ནང་གནས་མུས་ཡིན་པའི་མི་སྣ་དེ་དག་གི་སྐོར་རེད།
འདས་པའི་གནས་ཚུལ་ནང་། བོད་ནང་གི་བུད་མེད་བཙོན་པ་སྐོར་ཞིག་གིས། བཙོན་ཁང་ནང་གླུ་གཞས་བཏང་བའི་སྒྲ་ཕབ་འཁོར་ཐག་བཙན་བྱོལ་ཏུ་འབྱོར་ཏེ། གསར་འགྱུར་བརྒྱུད་ལམ་ཞིག་ནས་དེ་བཏང་རྗེས་བཙུན་མ་ཚོར་སྡུག་སྦྱོང་ག་ཚོད་ཙམ་ཕོག་ཡོད་མིན་མི་ཤེས་སམ།།
ཀློག་བརྙན་དེ་བལྟ་ན་བོད་གཞུང་བརྙན་འཕྲིན་དྲ་བ་ནང་གི་ཁུ
http://www.tibetonline.tv/videos/77/unveiling-the-truth
བྱམས་མེ་བསྟན་འཛིན་ལགས། སྐུ་ཉིད་ཀྱིིས་དངོས་མྱོང་བདེན་པ་ར་སྤྲོད་ཀྱི་གློག་བརྙན་དེར་གཟིགས་འདོད་ན། བོད་གཞུང་ཕྱི་དྲིལ་ལས་ཁུངས་སུ་སྐྱོད་དང་། དེ་ན་གློག་བརྙན་འོད་སྡེར་དང་ནང་དོན་ཡིག་ཆ་གཉིས་འགྲེམ་སྤེལ་བྱེད་ཀྱིན་འདུག
གཟི་བརྗིད་རེད། ངོ་གཟི་བརྗིད་རེད།
དོན་འགྲུབ་བཀྲ་ཤིས་ལགས། གློག་བརྙན་དུ་གང་ན་ཡོད་ནི་རེད།
དངོས་བྱུང་གློག་བརྙན་དེ་སུ་ཞིག་གིས་ youtube སྟེང་བཞག་རྗེས། ཅི་ནས་ཀྱང་དྲ་ཐོག་ཏུ་ཁ་བྱང་དེ་འགོད་རོགས་ཞུ། ང་ལ་མཚོན་ན། རྡ་ས་དང་ཁ་ཐག་རིང་སྟབས། ལས་སླ་བོར་རེགས་ཐབས་མི་འདུག
རབ་ཡིན་ན་གློག་བརྙན་འདི་དུས་བབ་ཚང་གི་གློག་བརྙན་སྡེ་ཚན་ནང་དུ་ཚན་པ་དུམ་པུ་རེ་བྱོས་དེ་འཇོག་ཐུབ་པ་ཡིན་ན། རྒྱང་རིང་ང་ལྟ་བུ་མི་ཉུང་བ་ཞིག་གིས་ཕྱི་དྲིལ་ལས་ཁུངས་ལ་འབྲེལ་བ་བྱེད་ཐུབ་ཀྱི་ཡོད་མེད་སོགས་ཀྱི་དཀའ་ངལ་མྱོང་མི་དགོས་སོ།
ཨོ་རེད། བླ་རྒན་འདི་ལ་དངོས་ནས་སེམས་གཏིང་ནས་བཀའ་དྲིན་ཆེ་ཞུ་བ་ཡིན། བོད་ཕྱི་ནང་གཉིས་སུ་གྲྭ་རྒན་བླ་རྒན་དག་གིས་བོད་དོན་ཁ་ཞེ་གཉིས་མེད་དུ་གནངས་ཀྱིན་འདུག་པ་འདི་ནི་དངོས་ནས་ཁ་ཤོམ་ཅན་གྱི་གསར་་བུ་དག་ལ་ངོ་ཚ་གཏད་པ་ཞིག་རེད་ལགས། ལྷག་པར་དུ་དེ་དག་སློབ་སྤྱོང་བྱེད་དགོས་པ་ཞིག་ཀྱང་རེད།
རྣམ་པ་ཚོས་ཀྱང་་་་་་་་་་་་་་་་་་་་བཅོས་རོགས།
ཐོག་མར་གློག་བརྙན་འདི་ཕབ་སྐྲུན་བྱེད་མཁན་གྱི་གྲྭ་རིན་ཆེན་བཟང་པོ་ལགས་སུ་ཐུགས་རྗེ་ཆེ་ཞུ་བ་ཡིན་ལ། དེ་དང་ཆབས་ཅིག་ཞུ་འདོད་པ་ཞིག་ནི། གློག་བརྙན་འདི་ང་ཚོས་ངེས་པར་ཏུ་གཟིགས་དགོས་པ་ཞིག་དང་ལྷག་པར་ང་ཚོའི་གཞོན་སྐྱེས་ཚོས་གཟིགས་ཐུབ་ན་ཡག་པོ་རེད་བསམ་པ་དྲན་བྱུང་། གློག་བརྙན་འདིའི་ནང་བོད་ནང་གནས་སྡོད་བྱེད་བཞིན་པའི་རྒན་རབས་པ་རང་ལོ་ ༨༠ མན་དང་ ༦༠ ཡན་གྱི་རྒན་རབས་པ་ ༢༡ ལྷག་གི་རང་ཉིད་ཀྱི་འདས་ཟིན་པའི་རྒྱ་དམར་གནོན་ཤུགས་འོག་གི་དཀའ་སྡུག་གི་འཚོ་བ་དང་། བོད་མིའི་དབུ་ཁྲིད་༧གོང་ས་མཆོག་དང་བཙན་བྱོལ་བོད་མི་ཚོར་བཅངས་བའི་རེ་བ་གསལ་སྟོན་བྱས་ཡོད་ཕྱིར། ང་ཚོས་ངེས་པར་ཏུ་འདིའི་རིགས་ལ་དོ་སྣང་བྱ་དགོས་ཞིག་དང་། ལས་དོན་འདི་ལྟ་བུ་སྒྲུབ་མཁན་གྱི་མི་སྣ་དག་ལའང་རྗེས་སུ་ཡི་རངས་བྱ་འོས།
ངས་བལྟས་ཚར་་་་་་་་་་་་་་་རྣམ་ཚོས་ཀྱང་ལྟ་རོགས་གནོངས།
དོན་འགྲུབ་བཀྲ་ཤིས་ལགས། ང་ལ་བརྙན་འཁོར་དེ་རེག་བྱུང་། ཐུགས་རྗེ་ཆེ་ཞུ། དངོས་བྱུང་གློག་བརྙན་འདི་ལྟ་བུར་ལྟ་རྒྱུ་བྱུང་ན་མིག་ང་གཉིས་ཀ་ཅི་རེད། གཡ་ཐག་ཆོད་ཅིག་ངུས་བཞག་ན་ཅི་སྐྱོན། གཙོ་བོ་གནས་ཚུལ་གལ་ཆེ་གི
ད་ལྟ་རང་འགྲོ་གི་ཡིན ཐུགས་རྗེ་ཆེ་ཞུ།
དྲ་གྲོགས་གཅན་བཟོད་རྒྱམ་ལགས། གློག་བརྙན་འདིའི་ཐད་སེམས་ཁུར་དང་རེ་སྒུག་བྱས་པར་དོན་སྙིང་འདུག སྐུ་ཉིད་བོད་གཞུང་ཕྱི་དྲུལ་ལས་ཁུངས་སུ་ཕྱིན་དང་གློག་བརྙན་འོད་སྟེར་རིན་མེད་ཐོག་སྤྲོད་ཀྱིན་འདུག ཨོ་་་་་་་་་་་ད་དུང་ཞུ་རྒྱུ་ཞིག་ལ། གློག་བརྙན་དེར་ལྟ་ན། སེམས་པ་ཅུང་སྲ་མོ་ཞིག་དགོས་ཚོད་འདུག དེ་མིན་ན་མིག་ཆུ་འཕྱི་བྱེད་ཅིག་གྲ་སྒྲིག་བྱོས།
ཨ་རོད་དོན་གོ གློག་བརྙན་འདི་ལ་ངས་ཅི་ལྟར་ལྟ་ཐུབ་ཀི་རེད། ཁྱོད་ཚོར་བཀྲམས་སོང་ངམ།ཁ་པར་ཞིག་ཏོངས་དང་། 9816532383.
ཨོ་ཡ་ད་ཡག་བྱུང་། གང་ལྟར་གློག་བརྙན་འདི་ས་ཁར་བུད་བཏང་ན་ངའི་སེམས་བདེ་སོང་བ་རེད། དེ་མིན་ལྟད་མོར་ལྟ་དགོས་བསམ་བསྡད་ཡོད། ཧ་ཧ་ཧ།ང་ཁ་ཤོམས་ཨེ་ཆེ་གི