ཕྱི་ཚེས་ ༡༦ ཉིན་བཙན་བྱོལ་བོད་མིའི་ཁྲིམས་ཞིབ་པ་རྣམ་གཉིས་ནས་༧གོང་ས་མཆོག་གི་མདུན་ནས་དམ་འབུལ་ཕུལ་འདུག
ཁྲིམས་ཞིབ་པ་རྣམ་གཉིས་ནི་རྒྱན་ཆེན་ངག་དབང་འཕེལ་རྒྱལ་དང་ཆུ་སྟེང་ངག་དབང་ཐུབ་བསྟན་རྣམ་གཉིས་རེད། དམ་འབུལ་གྱི་མཛད་སྒོར་སྤྱི་འཐུས་ཚོགས་གཙོ་བགྲེས་གཞོན་གཉིས་དང་བཀའ་བློན་རྣམ་པ་བཅར་ཡོད་པ་རེད།
ཁོང་རྣམ་གཉིས་ནི་ཐོག་མར་༧གོང་ས་མཆོག་གིས་འོས་འདོན་བྱས་ཤིང་། བོད་མི་མང་སྤྱི་འཐུས་གྲོས་ཚོགས་སྐབས་བརྒྱད་པའི་སྟེང་སྤྱི་མོས་ཐོག་ཁྲིམས་ཞིབ་པར་བསྐོས་ཡོད་པ་རེད།
ཁྲིམས་ཞིབ་པ་ཆེ་བ་རྒྱན་ཆེན་ངག་དབང་འཕེལ་རྒྱལ་ལགས་ཀྱིས་ ༢༠༠༥ ལོའི་ཟླ་ ༩ པའི་ཚེས་ ༡༥ ནས་ད་ལོ་བར་ཆེས་མཐོའི་ཁྲིམས་ཞིབ་ཁང་དུ་ཁྲིམས་ཞིབ་པའི་ལས་ཁུར་མཛད་ཡོད་པ་དང་། ཁྲིམས་ཞིབ་པ་ངག་དབང་ཐུབ་བསྟན་ལགས་ཀྱང་རྡེར་རྡུན་གྱི་ས་གནས་ཁྲིམས་ཞིབ་པ་གནང་ཡོད་པ་རེད།
དྲ་དཔོན་ལགས།
ཁྱེད་ཀྱིས་དགོངས་ཚུལ་ལ་དགག་ཕྱོགས་འཛིན་གྱི་མེད། འོན་ཀྱང་ཁྱེད་ཉིད་ཀྱིས་ཁྲིམས་ཞིབ་པའི་འགན་འཁུར་ཅི་ཡིན་གསལ་པོ་བྱུང་མེད་པ་འདྲ། ཁྲིམས་ཞིབ་པས་སུ་ལ་སྐྱོན་འདུག་དང་། སུས་ཧམ་པ་བྱེད་མིན་སྤྱི་ཚོགས་ཁྲོད་དུ་འཚོལ་དུ་འགྲོ་ཡི་མ་རེད། གལ་ཏེ་དེ་ལྟར་གསུངས་པ་བཞིན་ཁྱེད་ལ་དཔང་རྟགས་ཡོད་ན། ཁྲིམས་གཏུག་དགོས། ཁྱེད་རང་གིས་ཁྲིམས་གཏུག་གནང་ན། གཞི་ནས་ཁྲིམས་ཞིབ་པས་གནང་དགོས་པའི་ལས་འགན་འགོ་ཚུགས་པ་རེད་སྙམ།
ཁྲིམས་ཞིབ་པ་ཆེན་མོ་རྒན་ཆེན་ངག་དབང་འཕེལ་རྒྱས་ལགས་དང་། ཁྲིམས་ཞིབ་པ་ཆུ་སྟེང་ངག་དབང་ཐུབ་བསྟན་ལགས་རྣམ་གཉིས་ལ་འཚམས་འདྲིའི་བཀྲ་ཤིས་བདེ་ལེགས་ཞུ་བ་དང་ཆབས་ཅིག ཁྱེད་གཉིས་ཀྱི་ཕྱག་ལས་ལམ་ལྷོང་དུ་གྱུར་པར་ཤོག
གསར་འགོད་པ་ལགས། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་གསར་པ་ངག་དབང་འཕེལ་རྒྱལ་ལགས་ཀྱི་རུས་མིང་《རྒན་ཆེན་》ལས་《རྒྱན་ཆེན་》མ་རེད་ལགས།
ཁྲིམས་ཞིབ་པ་དག་སྒོར་མོར་མགོ་མ་འཁོར་བར་༸གོང་ས་མཆོག་གི་ལམ་སྟོན་དང་།་དྲང་བདེན་བྱ་རྒྱུའི་མནའ་སྐྱེལ་དམ་འབུལ་ལྟར་གཡས་གཡོན་གང་ལ་ཡང་ཕྱོགས་ལྷུངས་དང་ཉེ་རིང་མེད་པར་བོད་བསྟན་སྲིས་སྤྱི་ཕན་ཡོང་བའི་སྨོན་འདུན་ཞུ།
ཁྲིམས་ཞིབ་པ་ལ་མིག་མེད་ན་མ་རྟོགས་བོད་གཞུང་གི་ལས་བྱེད་འགའ་ལ་སྐྱོན་དང་ཧམ་པ་འདུག་་་་་་་
སྤྱི་འཐུས་ཟླ་བ་ཚེ་རིང་འདྲ་བ་ཞིག་ཡོད་ན་ཁྲིམས་དཔོན་ཀྱང་རྒྱ་གར་གྱི་ཁྲིམས་ཁང་དུ་བསྐྱིལ་སྲིད་པ་ཞིག་རེད།
ཁྲིམས་ཞིབ་པ་རྣམ་གཉིས་ལ་འཚམས་འདྲི་དང་།
གང་ཟག་གི་དབང་བསྒྱུར་མ་ཡིན་པར་ཁྲིམས་ཀྱིས་ཁ་ལོ་བསྒྱུར་པའི་རེ་བ་དང་སྨོན་འདུན་གྲངས་མེད་ཞུ།
ཁྲིམས་ཞིབ་པ་རྣམ་གཉིས་ལ་འཚམས་འདྲི་དང་།
བོད་མི་རིགས་ཀྱི་རྩ་དོན་ཆེ་ཕྲ་ཆུང་གསུམ་ལ་ཁུར་བསམ་རྣམ་དག་ཐོག་ཕྱག་ལས་གནང་བའི་རེ་བ་དང་སྨོན་འདུན་བཅས།།