སེམས་ཁྲལ་ཐོལ་པ། ཟླ་བ་ཚེ་རིང་།

ལངས་ཕྱོགས་ཅན་གྱི་ཟིན་ཐོ་འདི་བཞིན། ད་ཆ་རྒྱབ་ལྗོངས་ཅན་དང་རྒྱུ་མཚན་ཅན་གྱི་ཕྱོགས་སུ་འཕེལ་བཞིན་པ་སྤྲོ་བས་བརྟས། སྤྱིར་ན་འབྲུག་ཡུལ་ལབ་དུས། དང་ཐོག་འབྲུག་པ་བཀའ་བརྒྱུད་ཀྱི་གྲུབ་མཐའི་མིང་ཞིག་གིས་ལྷོ་མོན་འབྲས་མོ་ལྗོངས་ཀྱི་ས་མིང་བྱེ་བྲག་པ་ཞིག་གི་ཚབ་བྱས་པ་ལས། དེ་སྔོན་གནས་འདིར་འབྲུག་པ་ཟེར་བའི་རིགས་རྒྱུད་ཡན་གར་བ་ཞིག་ཡོད་པའི་གོ་དོན་མིན་མོད། རིམ་བཞིན་ཡུལ་མིང་མི་ལ་བཏགས་པ་དང་འབྲེལ་འབྲུག་པ་ཟེར་བའི་མིང་ཚིག་འདི་བྱུང་བ་རེད། དེ་ལྟར་ཕྱིན་པའི་རྐྱེན་གྱིས་ང་ཚོར་དེ་རིང་བོད་པ་དང་འབྲུག་པ་གཉིས་ཁ་གཏད་དུ་བཞགས་ཏེ་བརྗོད་དགོས་པའི་གནས་སྟངས་འདི་ཤར་སོང༌།

ད་ཆ་བོད་འབྲུག་བར་གྱི་འགལ་འབྲེལ་གླེང་དགོས་ཕྱིན། བོད་ཟེར་བའི་ཕྱོགས་དེས་ཀྱང་གནའ་དེང་གཉིས་ཆར་འབྲུག་འབོད་པའི་ཡུལ་འདིར་བདེན་ཅན་ཞིག་བྱས་མེད་ཚོད་རེད། ཁྱད་པར་དུ་འབྲུག་པ་ཚང་ལ་སྡུག་ཡོང་ནས་མགོ་བོད་ལ་བཏེགས་པའི་ཉིན་མོར། ལྷ་སའི་སྡེ་བ་གཞུང་གིས་ག་གོར་བཤད་ནས་ཁ་ཡོད་ལག་ཡོད་ཀྱི་རོགས་སྐྱོར་གང་ཡང་ཐུབ་མེད་པ་ལོ་རྒྱུས་ངོས་ན་གསལ་ལམ་མེར་འདུག དེ་བས་ཕྱིས་སུ་འབྲུག་པ་ཚོས་རྒྱལ་ཁབ་འདྲ་བོ་ཞིག་བཙུགས་དུས་བོད་རྒན་ཚོ་དེར་མ་དགའ་ན་སྡུག་གྱོང་རེད། ཡང་གཅིག་བཤད་ན་སྡེ་ཚོས་འཇོན་བཞག་པ་རེད། ད་དུང་བོད་རྒན་ཚོའི་མགོར་སྡུག་ཡོང་དུས་སྡེ་འབྲུག་པ་ཚང་གིས་དེང་ཐོག་གང་ཐུབ་ཐུབ་བྱས་འདུག་པ་དེར་ང་ཚོར་ངོ་སོ་ཞིག་ཡོད་ན་ཆོག་གི་པ། ཨ་རོགས་ཚོ།
ཡང་ལོ་རྒྱུས་ཅིག་གི་ངོས་ནས་བཤད་ན། འབྲུག་པས་བོད་པ་འགའ་ལ་ཐུབ་ཚོད་བཏང་པ་དེར་ཞེ་དྲག་ཧང་སངས་རྒྱུ་མི་འདུག དེའི་གོང་ཙམ་ཞིག་ལ་བོད་དགེ་སོག་གཞུང་གིས་སྡེ་འབྲུག་པ་ཚང་གི་སྡེ་དཔོན་དྲག་གྲས་བརྒྱ་སྐོར་ཞིག་སྡེབ་གསོད་བཏང་འདུག འོ་ན་དེ་ལ་ག་རེ་བཤད་ག
ད་བོད་ཀྱི་ཤེས་རིག་འབྲུག་རྒན་ཚོས་ཁ་བསྒྱུར་བྱེད་ཀྱི་ཡོད་མེད་དང༌། བྱ་ཐུབ་མིན་གྱི་གནད་དོན་འདི་རེད། ཟླ་བ་ཚེ་རིང་གིས་བཤད་པ་ལྟར། རྒྱ་དམར་གཞུང་གིས་བོད་ཀྱི་བྱ་དངོས་ཡོད་ཚད་མགོར་ཀྲུང་གོའི་ཅིག་ཅིག་ཉིག་ཉིག་ལབ་ནས་ཧམ་ཐོབ་རྒྱག་བཞིན་པའི་ཁར། སོག་པོ་དང༌། བལ་བོ་སོགས་བོད་ཀྱི་ཤེས་རིག་དང་འབྲེལ་བ་ཡོད་མཁན་ཚང་མས་ཤེས་རིག་འདིར་ཚོང་རྫས་ཀྱི་རིན་ཐང་ཙམ་པོ་ཞིག་ཡོད་པ་རྟོགས་ཡོད་ལ། བལ་ཡུལ་ལ་མཚོན་ན་ཡུལ་སྐོར་ཐོན་རྫས་ཀྱི་བརྒྱ་ཆ་བརྒྱད་ཅུ་བོད་ཀྱི་རིག་དངོས་རྐྱང་ཡིན་མོད། ཁོ་ཚོས་དེ་ལ་བོད་མིང་མ་བཏགས་པར་ནང་པའི་ཅིག་ཅིག་ཡིན་རབས་ཟེར། དེར་བལྟས་ན་འབྲུག་པ་ཚོར་རང་གི་ས་སྐྱེས་རྡོ་སྐྱེས་ཀྱི་བོད་པའི་ཤེས་རིག་བཙོང་ནས་ཁ་གསོ་རྒྱུའི་ཐོབ་ཐང་ཡོད་དང་ཡོད། མ་ཟད་ད་དུང་ཁོང་ཚོས་བོད་ཀྱི་ཤེས་རིག་འབྲུག་པའི་ངོར་ཁ་བསྒྱུར་བྱ་ཐུབ་པ་ཡིན་ན་ང་དེར་དགའ་བསུ་ལས་མེད་ཀྱང༌། དེ་ད་ཧ་ལམ་ཁག་པོ་མིན་འགྲོ
ཡང་རྒྱལ་བ་རིན་པོ་ཆེ་འབྲུག་ལ་ཕེབས་ཐུབ་ན་ཟེར་བ་འདི་རེད། མ་གཞི་ང་ཚོས་བླ་རྒན་འདི་ལྟར་ཆབ་སྲིད་ཀྱི་ལག་ཆ་བྱས་པ་མང་སྐྱོན་མེད་ན་ཉུང་སྐྱོན་མེད་མོད། སྤྱིར་བོད་འབྲུག་གཉིས་ཁ་ཁར་འགྲོ་དོན་གཙོ་བོ་འབྲུག་པ་བཀའ་བརྒྱུད་དང༌། དགེ་ལྡན་ཞ་སེར་གཞུང་གཉིས་མ་མཐུན་པ་ནས་བྱུང་བ་འདི་ཁྱོད་ཚོས་ཤེས་དགོས་ལ། དེ་བས་འབྲུག་གི་ནང་དགེ་ལུགས་པའི་བླ་རྒན་ཚོར་ད་བར་གདུལ་བྱ་མེད་པ་གོ་མ་སོང་ངམ།
མཐའ་དོན། བོད་འབྲུག་གཉིས་བར་འཆམ་འཐུན་མཉམ་གནས་ཤིག་འབྱུང་འདོད་ན། ཕྱོགས་ཉིས་ཆ་ནས་ལོ་རྒྱུས་ཀྱི་ཤ་འཁོན་ཙག་ཙིག་དང༌། གྲུབ་མཐའ་ཕན་ཚུན་བར་གྱི་འཐེན་འཁེར་དོར་ནས་ཤ་དང་རུས་པའི་བརྩེ་དུང་རང་གི་ཐོག་འགྲོ་ཐུབ་ན་ངས་ནི་རེ་བ་ཞིག་མཐོང་གི དེ་དུས་བོད་ཀྱི་ཤེས་རིག་འབྲུག་པའི་ཡིན་ན་མི་སྐྱོན་ལ། བོད་པས་སླར་ཡང་འབྲུག་པའི་ཤེས་རིག་བསྐྱར་དཔར་བརྒྱག་དགོས་ཀྱང་འཕྱི་མེད། གང་ལྟར་ང་འབྲུག་ལ་དགའ། ཁྱད་པར་དུ་ཤ་རྩ་དུང་ལས་དཀར་པའི་ཨ་ཅེ་འབྲུག་མོ་ཚོར་དགའ།།

གསར་བརྗེ་སྐྱབས་ལ་གསལ་བཤད་ཅིག་བྱེད་ན་འདོད། ཁྱོས་མཆན་བུ་རྣམས་ལ་བལྟས་རྗེས་ངས་རང་གི་ལག་སྣེ་ན་ཡོད་པའི་སྟག་ལྷ་བའི་མི་ཚེ་བྱུང་བ་ལ་བལྟས་པ་ཡིན། ཁྱོད་བདེན་པ་འདུག་ལ། གསལ་བོ་དང་ཞིབ་ཚགས་ཀྱང་འདུག ངས་རང་གི་རྩོམ་ཡིག་ནང་བཤད་པ་བཞིན། འབྲུག་དང་བོད་འབྲུག་བར་གྱི་དོན་རྐྱེན་གང་ལའང་རྒྱུས་མངའ་མེད་པས་རང་གི་ལངས་ཕྱོགས་ངོས་ནས་བཤད་པ་ཡིན། ངས་དེ་ལྟར་ངོས་འཛིན་བྱེད་དོན་ཡང་ལངས་ཕྱོགས་ཙམ་བཟུང་བ་ཡིན། མ་གཞི་བོད་འབྲུག་གཉིས་བར་གྱི་དོན་རྐྱེན་གཅིག་བུ་མ་རེད། རྒྱ་ནག་གིས་ད་ལྟ་བཤད་བཞིན་པའི་ཀྲུང་གོའི་བོད་ཀྱི་ཅིག་ཅིག་དང་ཉིགཉིག་ཅེས་པ་ཡང་ད་ལྟའི་བོད་གཞུང་གི་སྲིད་བྱུས་འཛིན་སྟངས་ཀྱི་ངོས་ནས་བཤད་ན་འགྲིག་འདུག་འདོད་ལ། དེ་བཞིན་རྒྱལ་སྤྱིའི་ཉམས་ཞིབ་པ་ཚོ་ནང་བཞིན་བོད་ཅེས་པ་ཧི་མ་ལ་ཡའི་སྤྱི་མིང་ངམ། བོད་ལ་ཆབ་སྲིད་དང་རིག་གཞུང་གི་བོད་དུ་ཕྱེས་པའང་གནས་ལུགས་དང་རྒྱུ་མཚན། རྒྱབ་ལྗོངས། དུས་མཚམས་བཅས་ཀྱི་ཐད་ནས་ཁུངས་གཏུགས་ས་དང་། གཞི་བཅོལ་ས། རིག་པའི་གཞུང་ལུགས་དང་མཐུན་པ་ཞིག་རེད་འདོད། འོན་ཀྱང་བོད་རྒྱའི་གནད་དོན་ཐག་མ་ཆོད་ཀྱི་བར་དང་། ང་ཚོས་ལངས་ཕྱོགས་ཀྱི་ངོས་ནས་བསམ་ན་དེ་འདྲ་ཞིག་མ་རེད་འདོད། དེར་བརྟེན་ངས་རྩོམ་ཡིག་འབྲི་སྐབས་རྒྱུས་མངའ་མེད་པའི་རིགས་ལངས་ཕྱོགས་ལ་བསྟུན་པ་ཡིན། མ་གཞི་ང་ཉམས་ཞིབ་དེ་འདྲ་གང་ཡང་མ་རེད། འདི་གསལ་བཤད་ཙམ་ཡིན

བོད་འབྲུག་བར་དཀའ་བརྙོག་སེལ་ཐབས་ཀྱི་བྱ་འགུལ་ཁ་ཤས་སྤེལ་དགོས་ཀྱི་རེད། མ་ཚད་གོང་ས་མཆོག་འབྲུག་ཡུལ་ལ་གཅིག་ཕེབས་ཐུབ་ན་བཟང་གི་འདོད།

༤༽ འབྲུག་བོད་དོན་རྐྱེན་སྐོར་ལ་ད་སྔ་ཡབ་གཞིས་སྟག་ལྷ་ཕུན་ཚོགས་བཀྲ་ཤིས་དང་། བཀའ་ཟུར་བདེ་གྲོང་དབང་འདུད་རྡོ་རྗེའི་མི་ཚེ་བྱུང་བ་ནང་རོབ་ཙམ་བཀོད་ཡོད། ཁོང་གཉིས་ཀྱི་དེབ་གཉིས་ཞིབ་བསྡུར་བྱས་སྐབས་དོན་རྐྱེན་སྐོར་ལ་ཁོང་གཉིས་འབྲུག་ཏུ་ཕེབས་པའི་སྐབས་ཀྱི་བྱུང་རབས་ལས། དོན་རྐྱེན་བྱིངས་ཀྱི་འབྱུང་རྩ་དང་། འཕེལ་རིམ། འབྲེལ་གཏུགས། བོད་ཕྱོགས་ཀྱི་བདེན་གསལ་དྲིལ་བསྒྲགས་གང་བྱས་སྐོར་ཤོག་ངོས་བཅུ་བདུན་ལས་མང་པ་ཡོད་པ་གཅིག་མཚུངས་ཡིན་པ་མ་ཟད། ཚིག་འགྲོས་ཀྱང་གཅིག་པ་གཅིག་རྐྱང་ཆགས་ཡོད། ལྷག་པར་དུ་བཀའ་ཟུར་བདེ་གྲོང་གིས་མི་ཚེའི་བྱུང་བ་ནང་༼ ད་ཆ་འབྲུག་གཞུང་གི་མཚན་ཤས་བཟོ་གཞིར་བསམ་ཡིག་ཆ་འགྲེམས་སྤེལ་སོགས་གང་ཡང་གནང་མེད། འོན་ཀྱང་མི་ཚེའི་ལོ་རྒྱུས་གཞན་ཞིག་ནང་གསལ། རང་གཞུང་དབུ་ལས་སྦྲེལ་པོ་ས་གནས་སུ་བསྐྱོད་ཀྱང་དོན་འབྲས་སོན་མིན་བྲིས་པ་དེ་དང་། སྐབས་དེའི་འགལ་ཟླ་ཡོང་སྟངས། འབྲུག་པས་བོད་མིར་སྡུག་སྦྱོང་ཇི་ལྟར་བཏང་སོགས་མཁྱེན་རྟོགས་ཡོང་རེས་ཡིག་ཚོགས་ལ་མ་འཛེམས་པར་གསལ་བོར་བྲིས་ན་༽ ཞེས་བཀོད་པ་འདི་དག་གིས་ཅི་ཞིག་མཚོན་གྱི་ཡོད་དམ། ཁོང་རྣམ་གཉིས་ཀྱིས་གང་བྲིས་གཅིག་ཁུངས་གཅིག་ལ་བརྟེན་པའམ། དེ་ཡང་གཞུང་གི་སྲིད་བྱུས་གཞི་བཅོལ་བྱས་པ་མཚོན་པ་མ་ཡིན་ནམ།

དེ་རིང་དུས་ཚོད་ཀྱི་དབང་གིས་འདི་ཙམ་ཡིན། དྲ་གྲོགས་ཚོས་འདིའི་སྐོར་གླེང་སློང་ཐུབ་ན་དགེ་མཚན་ཆེ་སྙམ།

༢༽ བོད་གཞུང་གིས་དོན་རྐྱེན་དེ་འབྲུག་གི་རྒྱལ་མོ་ཨ་ཤེ་སྐལ་བཟང་དང་། འབྲུག་རྒྱལ་ཞིང་གཤེགས་ཀྱི་ཟུར་བསྟེན་བོད་མོ་དབྱངས་སྐྱིད་གཉིས་བར་གྱི་སྒེར་གྱི་འཁོན་སེམས་རྐྱེན་རྩ་བྱས་ནས་བོད་མི་རྣམས་ལ་ནག་མེད་ཉེས་འཛུགས་བྱས་པ་ཡིན་ཚུལ་དྲིལ་བསྒྲགས་བྱས་ཡོད་ལ། ད་ལྟའི་ཆར་སྲིད་བྱུས་འཛིན་སྟངས་དེར་འགྱུར་བ་གཏང་མེད། འོན་ཀྱང་། ཕྱི་ལོ་ 1974 ལོའི་ 10 ཚེས་29 ཉིན་འབྲུག་གཞུང་གིས་རྩོད་རྙོག་དེ་སྐོར་ལ་༼ དྲང་བདེན་འགྲེལ་བཤད། ༽ཅེས་པའི་དེབ་ཆུང་ཞིག་འགྲེམས་སྤེལ་བྱས་ནས། ཆིག་སྒྲིལ་ཚོགས་པས་འབྲུག་གཞུང་མགོ་རྟིང་སློག་རྒྱུ་དང་། དབྱངས་སྐྱིད་ཀྱི་བུ་རྒྱལ་ཁྲིར་འགོད་རྒྱུ། རྒྱལ་ལོ་དོན་གྲུབ་དང་དབྱངས་སྐྱིད་ཀྱི་ཕ་ཀ་གཉིས་བུ་བསོད་ནམས་སྟོབས་རྒྱལ། བློ་བཟང་ཡེ་ཤེས་སོགས་ནང་གྲོས་ཀྱིས་ཆེད་དུ་གོ་ལག་རང་འགྲིག་དམག་མི་སུམ་བརྒྱ་གཏོང་རྒྱུ་དང་། བཀྲ་ཤིས་ཆོས་རྫོང་མེར་བསྲེགས་གཏོང་རྒྱུ་སྐོར་གྱི་ཡིག་ཆ་རྟགས་འབྱར་ཡོད་ལུགས་བཤད་ཡོད་ལ། ཁྲིམས་ཞིབ་སྐབས་དོན་རྐྱེན་དེར་འབྲེལ་ཡོད་བོད་མི་འགས་དེ་དོན་ངོས་ལེན་བྱས་ཚུལ་བཤད་ཡོད།

ཁ་སང་འཇུ་བསྟན་སྐྱོང་འབྲུག་ཡུལ་ནས་ཕྱིར་ངྷ་སར་ཡོང་ཡོད་ཅེས་ཁ་པར་བསླེབས་སོང་། ཁོང་འབྲུག་ཡུལ་ལ་རྒྱུས་ཆེ་བས་མང་ཙམ་བཤད་རྒྱུ་ཡོད་སྲིད།

འབྱོར་ཚེ་ཉེ་བའི་དྲུང་ན་ཞུད་ཞུད་དུ་འགྲོ་ཞིང་།།
རྒུད་ཚེ་རིང་བོའི་ས་ནས་མཛུབ་ཀེར་གྱིས་འཕྱ་བ།།
དྲིན་བྱས་དྲིན་དུ་མི་གོ་གྲོགས་ངན་གྱི་གཤིས་ལ།།
བསམ་ཞིང་ངུ་མ་དགོད་ཀྱི་སྣང་བ་ཞིག་ཤར་སོང་།

dear net friends, first i would like to say sorry for writting in english because i dont have tibetan programe, if you have any idea to write in tibetan then i appreciate to you. i think dawa tserings extra worry is without reason worry. actually i am a pure khamtuk, but i was born and rise in bhutan, i knew very well about bhutanese peoples and government politic, i wish if i have a tibetan programe i will explain everything. like all of bhutanese or tibetan culture and religious. like druki sowa rigpa, druki yegi, druki key, druki choe, druki rigshung. why they are using like that? because of china. its not for making difirent far from tibetan. thats all now. thanks every one

ཨ་ཁུ་འབྲུག་པ་ཁག་མེད།་ལུག་སྤྱང་ཀིས་གསོད་སྐབས་རྭ་རྒན་ཞིག་གིས་དཔུང་རོགས་ག་ལ་བྱེད་ཐུབ།་་་

འདིའི་འཕྲོ་ནས་མཁས་དབང་མཁར་རྨེ་བསམ་གཏན་ལགས་དང་མཉམ་དུ་ཚིག་ཇ་ཞིག་འཐུང་དང་། ཁོང་ཡང་འབྲུག་ཡུལ་ལ་རྐང་པ་ཟུག་བསྡད་ཡོད་སྟབས། ཁྱོད་ཀྱི་ཟིན་བྲིས་འདིར་སྣོན་པ་མི་འདྲ་བ་ཞིག་རག་སྲིད།

ནམ་རྒྱུན་ཕ་རེ་སིའི་གྲོང་དཀྱིལ་གྱི་འཚིག་ཇ་དེ་འཐུང་དུས་ཟིན་བྲིས་རེ་དྲུད་ནས་ཡོང་རྒྱུ་མ་བརྗེད།

ཟ་ལེ་རྒྱལ་གྱིས་འཚིག་ཇ་དེ་འཐུང་གི་མི་འདུག་གམ།

དགེན་ཟླ་དཀར་ལགས་ཀྱིས་ནམ་རྒྱུན་ལྗིད་ཏིག་ཏིག་གི་བརྗོད་གཞི་རེ་ཁུར་ནས་སླེབ་ཡོང་་གི། དངོས་གནས་རྒས་མི་འདུག

འབྲུག་མོ་ནམ་མཁའི་ལྷ་རེད། གཅིན་པ་གཏོང་སྟངས་ཟོག་རེད། འདིས་ལན་ཡོངས་སུ་རྫོགས་པ་ཞིག་མཚོན་ཐུབ་པའི་སྨོན་ལམ་འདེབས།

འབྲུག་པ་ཚོས་ད་སྐབས་བོད་པ་ཚོར་མཛེ་ནད་ཅན་ཞིག་ལ་འཛེམས་པ་ལྟར་གཡོལ་བཞིན་པ་འདིའི་རྒྱུ་མཚན་གཙོ་བོ་ནི། འབྲུག་པ་བོད་ཀྱི་ཆ་ཤས་སུ་བསྒྲུབ་བ་དང་། བོད་རྒྱ་ནག་གི་ཆ་ཤས་སུ་བསྒྲུབ་སྟེ། མཐར་ཧི་མ་ལ་ཡའི་རི་རྒྱུད་ཀྱི་བོད་འབྲེལ་ས་ཁུལ་ཡོངས་རྫོགས་རྒྱ་ནག་གི་ལག་ལ་ཤོར་བར་སྐྲག་པ་རེད། ཁོ་ཚོར་ཁག་མི་འདུག