བུད་མེད་སྟེང་ལ་དྲག་རྩུབ་མནར་གཅོད་འགོག་པའི་རྒྱལ་སྤྱིའི་ཉིན་མོ་དེར་བཙན་བྱོལ་བོད་མི་ཚོས་བོད་ཀྱི་སྤྱི་ཚོགས་ནང་དུ་ཕོ་མཆོག་མོ་དམན་གྱི་ལྟ་བ་མེད་སྐོར་ཤུགས་ཆེར་གླེང་ཡང་། ནང་ཆོས་བོད་ལ་དར་བར་བརྟེན་བོད་སྤྱི་ཚོགས་ནང་འདི་ལྟའི་གནས་སྟངས་ཤིག་ཤར་ཡོད་ཚུལ་གླེང་མཁན་ཡང་བྱུང་།
ཕྱི་ཚེས་ ༢༥ ཉིན་གྱི་དགོང་དྲོ་དབུས་བོད་ཀྱི་བུད་མེད་ལྷན་ཚོགས་ཀྱིས་བུད་མེད་སྟེང་ལ་དྲག་རྩུབ་མནར་གཅོད་འགོག་པའི་རྒྱལ་སྤྱིའི་ཉིན་མོ་སྲུང་གཙི་དང་སྟབས་བསྟུན་དེ་ངྷ་ས་ཉིན་མོ་སློབ་གྲྭའི་རྒྱལ་ཡུམ་ཆེན་མོའི་ཚོགས་ཁང་དུ། ༼ང་ཚོའི་སྤྱི་ཚོགས་ནང་ཕོ་མོ་འདྲ་མཉམ་ཡོད་དམ༽ཅེས་པའི་བརྗོད་གཞིའི་སྟེང་བགྲོ་གླེང་ཞིག་གོ་སྒྲིག་གནང་ཡོད་ལ། བགྲོ་གླེང་ཐོག་བཙུན་མའི་ལས་འཆར་གྱི་འགན་འཛིན་བཀའ་ཟུར་རིན་ཆེན་མཁའ་འགྲོ་ལགས་དང་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཀིརྟི་སྒྲོལ་དཀར་ལྷ་མོ་ལགས། བོད་གནས་ཉམས་ཞིབ་པ་ཀླུ་མཁར་བྱམས་ལགས། རྩོམ་པ་པོ་དང་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་བཅས་གདན་ཞུའི་ཐོག་བོད་ཀྱི་བང་ཆེན་གསར་འགོད་པ་གངས་ལྷ་མོ་ལགས་ཀྱིས་བགྲོ་གླེང་གཙོ་སྐྱོང་བྱས་ཡོད།
ཐོག་མར་ཉམས་ཞིབ་པ་ཀླུ་མཁར་བྱམས་ལགས་ཀྱིས། སྤྱིར་བོད་ཕྱི་ནང་གཉིས་ཀྱི་བུད་མེད་རྣམས་གནས་སྟངས་མི་འདྲ་བ་གཉིས་ཀྱི་འོག་ལྷག་བསྡད་ཡོད་པ་དང་། བོད་ནང་ལ་མཚོན་ན་བུད་མེད་ཀྱི་སྐྱེས་སྒོ་འགོག་པ་སོགས་བུད་མེད་རྣམས་ཀྱིས་མནར་གཅོད་འཕར་མ་ཞིག་མྱོང་གིན་ཡོད་པ་དངོས་ཡོད་གནས་ཚུལ་ཆགས་ཡོད། ང་རང་བོད་ནས་ཡོང་མཁན་ཞིག་ཡིན་སྟབས་འདི་གསལ་བོར་ཤེས་ཀྱིན་ཡོད། ང་ཚོའི་བཙན་བྱོལ་སྤྱི་ཚོགས་ལ་མཚོན་ན་བོད་གཞུང་གི་ཁྲིམས་དང་སྒྲིག་གཞིའི་ནང་དུ་བུད་མེད་ཀྱི་ཐོབ་ཐང་གསལ་བོར་འཁོད་ཡོད་པ་མ་ཟད། འདས་པའི་དུས་ནས་བཟུང་བོད་གཞུང་བཀའ་ཤག་གི་ངོས་ནས་ཀྱང་བུད་མེད་ཀྱི་ནུས་ཤུགས་གོང་འཕེལ་གཏོང་བའི་སྲིད་བྱུས་དེ་འདྲ་ཡང་གཏན་འབེབས་བྱས་ཡོད་པ་རེད། འདི་དག་ཡོད་ཚད་ཕན་ཐོགས་མིན་ལ་མ་ལྟོས་པར་ཡར་རྒྱས་ཀྱི་རྣམ་པ་ཞིག་རེད་བསམ། ཅེས་བརྗོད་བྱུང་ལ། ཡང་ཁོང་གིས། གདོད་མའི་སྤྱི་ཚོགས་ཀྱི་ཤུགས་རྐྱེན་ཡོད་པའི་ང་ཚོའི་བཙན་པོའི་དུས་སྐབས་སུ་བུད་མེད་ལ་ཐོབ་ཐང་ཡག་པོ་ཡོད་པ་རེད། ཁྱད་པར་དུ་བོད་རྒྱལ་སྲོང་བཙན་སྒམ་པོའི་དུས་སྐབས་སུའང་། བུད་མེད་ལ་མཐོང་ཆེན་དང་ཕོ་མོ་གཉིས་ལ་ཁྲིམས་དང་ཆད་པ་འདྲ་མཉམ་ཡིན་པ་སོགས་ཀྱི་གནས་སྟངས་ཤིག་ཆགས་ཡོད་པ་རེད། ཡིན་ནའང། རྗེས་སུ་ཁྲི་སྲོང་སྡེ་བཙན་གྱི་སྐབས་སུ་བོད་ལ་ནང་ཆོས་དར་བ་དང་མཉམ་དུ་ཕོ་མཆོག་མོ་དམན་གྱི་ལྟ་བ་ཤུགས་ཆེར་དར་བ་ཞིག་དང་། རིམ་བཞིན་ས་སྐྱ་དང་ཕག་གྲུ། སྡེ་སྲིད་སངས་རྒྱས་རྒྱ་མཚོའི་དུས་སྐབས་སུ་ཕོ་མཆོག་མོ་དམན་གྱི་ལྟ་བ་ཤུགས་ཆེར་ཕྱིན་པ་རེད། དེ་ནི་ང་ཚོར་སངས་རྒྱས་ཆོས་ལུགས་དར་བ་དང་དེའི་ཤུགས་རྐྱེན་ལས་བྱུང་བ་རེད་ལ། དེ་དག་ཡོད་ཚད་སྐབས་དེར་ཁྲིམས་ལ་མི་ཆོས་འགྲེལ་བཤད་དང་བཟོ་བཅོས་བྱེད་པའི་འབད་བརྩོན་བྱས་པ་དང་། ཁྲིམས་དང་སྒྲིག་གཞི། ཡ་རབས་སྤྱོད་བཟང་། མི་ཆོས་དབྱེ་བ་བཀར་མ་ཐུབ་པ་དང་གོ་རིམ་འཁྲུག་པའི་དབང་གིས་མི་ཆོས་གཞི་རྩ་མེད་པར་བཟོས་བ་དང་། དེ་དག་གི་ཉེར་ལེན་དང་ཁྲིམས་ཀྱི་ངོ་བོའི་ཐོག་ནས་མི་ཆོས་སྲུང་གཙི་སོགས་བྱས་ཏེ་ཕོ་མཆོག་མོ་དམན་གྱི་ལྟ་བ་འདི་བྱུང་བ་རེད། ཅེས་བརྗོད་བྱུང།
བུད་མེད་ཚོགས་གཙོ་དང་མདོ་སྨད་སྤྱི་འཐུས་ཀིརྟི་སྒྲོལ་དཀར་ལྷ་མོ་ལགས་ཀྱིས། བོད་སྲིད་པ་ཆགས་པ་ནས་ད་ལྟའི་བར་དང་ལོ་རྒྱུས་ཐོག་བལྟས་པ་ཡིན་ན། ཕོ་མོ་འདྲ་མཉམ་མིན་པའི་གནས་སྟངས་དེ་ང་ཚོར་སྤྱི་ཚོགས་ཀྱིས་ཤུགས་རྐྱེན་ཐེབས་པའི་དབང་གིས་བྱུང་ཞིག་རེད་འདོད། ཁྱིམ་ཚང་ཞིག་ལ་མཚོན་ན་ཕ་དེས་ཁྱིམ་ཚང་གི་ཁབ་སྐུད་ཚུན་གྱི་འཚོ་བའི་མཐུན་རྐྱེན་ཡོངས་མཁོ་སྒྲུབ་ཀྱི་ནུས་པ་འཐོན་བཞིན་པ་དང་། བུད་མེད་དེ་ཐབ་ཚང་གི་ཁ་ཟས་གཡོས་སྦྱོར་ཁོ་ནའི་ལས་ཀར་འཐམ་པའི་གནས་སྟངས་འོག རིམ་གྱིས་བུད་མེད་ཚོས་སློབ་སྦྱོང་དང་རྒྱལ་ཁབ་ཀྱི་ཆབ་སྲིད་སོགས་ཕྱོགས་ཡོངས་ཀྱི་དགོས་མཁོའི་ཐོག་ཐོབ་ཐང་བཞེས་ཐུབ་མེད་པ་ཞིག་ཆགས་འདུག་ལ། དེ་བཞིན། སློབ་སྦྱོང་ཡིན་ནའང་སྐྱེས་པ་ཚོས་ཐུབ་པ་དང་བུད་མེད་ཚོས་མི་ཐུབ་པ་ཞིག་ཏུ་ངོས་འཛིན་བྱས་པ་སོགས་ཀྱི་དབང་གིས། བུད་མེད་རང་ཉིད་ཀྱིས་གང་ཐུབ་པ་དང་གང་འཇོན་པའི་ཁོར་ཡུག་རག་རྒྱུའི་འབད་བརྩོན་བྱ་ཐུབ་མེད་པའི་གནས་སྟངས་ཆགས་འདུག་ཅེས་བརྗོད་བྱུང་ལ། ཡང་ཁོང་གིས། ང་ཚོའི་སྤྱི་ཚོགས་ནང་ཕོ་མོ་འདྲ་མཉམ་ཡོད་པ་རེད། ཡིན་ནའང། ཕྱོགས་གང་མང་ཞིག་ནས་ཕོ་མོ་གཉིས་ཀ་བློ་ཕམ་པའི་གནས་སྟངས་ཤིག་ཆགས་ཡོད་པ་རེད། རྒྱལ་ཁབ་ཞིག་ཡར་རྒྱས་འགྲོ་བར་ཕོ་མོ་གཉིས་ཀ་མཉམ་རུབ་ཀྱིས་ཧུར་བརྩོན་བྱ་དགོས་སྟབས། མ་འོངས་པར་བུད་མེད་ཚོ་རང་ངོས་ནས་མི་ཚེར་ཚོད་འཛིན་མི་བྱ་བར་ཐོབ་ཐང་རྩོད་ལེན་དང་འབད་བརྩོན་བྱ་དགོས་པ་གལ་ཆེན་པོ་རེད་ཅེས་བརྗོད་བྱུང།
བསྟན་འཛིན་བརྩོན་འགྲུས་ལགས་ཀྱིས། བཙན་བྱོལ་སྤྱི་ཚོགས་ནང་སྐྱེས་དམན་གྱིས་རང་གི་ཁྱོ་ཀར་ husband ཞེས་འབོད་པ་དང་སྐྱེས་པས་ངའི་ wife ཅེས་འབོད་ཀྱིན་པ་ལས་སྐྱེས་དམན་ཅེས་འབོད་ཀྱིན་མི་འདུག དེར་ང་རང་གིས་སྤྱི་ཚོགས་ཀྱི་དཀའ་ངལ་ཞིག་ཏུ་མཐོང་གི་ཡོད། དེ་གང་ལ་ཐུག་འདུག་ཅེ་ན། སྐྱེས་དམན་ཅེས་པ་དེ་སྐྱེས་བ་དམན་པ་ཞིག་ལ་བརྩི་གིན་ཡོད་པ་རེད། དཀའ་ངལ་དེའི་དབང་གིས་ཕན་ཚུན་འབོད་མ་ཐུབ་པའི་དཀའ་ངལ་ཞིག་འཕྲད་ཡོང་གི་ཡོད་པ་གསལ་བོ་རེེད། ཅེས་དང་། ཡང་ཁོང་གིས། ང་ཚོའི་སྤྱི་ཚོགས་ནང་ཕོ་མོ་འདྲ་མཉམ་གྱི་ཐོབ་ཐང་དེ་ནུབ་ཕྱོགས་དང་རྒྱ་གར་སྤྱི་ཚོགས་ཀྱི་ལྟ་སྟངས་ལས་ཡག་པ་ཞིག་ཏུ་སླེབས་འདུག ང་ཚོས་ནུབ་ཕྱོགས་ཀྱིས་བུད་མེད་ཐོབ་ཐང་རྩོད་པ་ནང་བཞིན་རྩོད་པ་ལྟར་དམིགས་བསལ་རྩོད་དགོས་པ་ཞིག་ཆགས་ཡོད་པ་མ་རེད། གཞན་ལ་མ་ལྟོས་པར་ང་ཚོ་སྤྱི་ཚོགས་རང་གི་ཕོ་མོ་འདྲ་མཉམ་གྱི་གུས་བཀུར་དང་བརྩི་མཐོང། བསམ་ཤེས་ཏེ་སྔོན་ལས་ལྷག་པའི་གོང་མཐོར་གཏོང་བར་འབད་བརྩོན་བྱ་དགོས་པ་ཞིག་རེད་ལ། ཕོ་མོ་ཁ་ཁ་ཡིན་པ་ལས་འདྲ་མཉམ་མིན་པ་ཞིག་གཏན་ནས་མ་རེད། དེ་འདྲ་ཡིན་དུས་ང་རང་གིས་བསམ་ན་དེ་ནི་རྩ་བ་ཉིད་ནས་རྩོད་དགོས་པའི་གནད་དོན་ཞིག་མིན་པར་ང་རང་ཚོའི་སྲོལ་རྒྱུན་གྱི་འགྲོ་སྟངས་ལྟར་ལྟ་སྟངས་གཅིག་གི་འོག་གནས་རྒྱུ་དེ་གལ་ཆེན་པོ་རེད་ཅེས་བརྗོད་བྱུང།
ཐ་མ་དེར་བཀའ་ཟུར་རིན་ཆེན་མཁའ་འགྲོ་ལགས་ཀྱིས། ང་ཚོ་བོད་པའི་སྤྱི་ཚོགས་ནང་ཕོ་མོ་འདྲ་མཉམ་གྱི་ཐོབ་ཐང་གང་འདྲ་ཞིག་ཡོད་པ་རེད་ཅེ་ན། ང་ཚོ་རྒྱལ་སྤྱིའི་སྤྱི་ཚོགས་དང་བསྡུར་བ་ཡིན་ན་ང་ཚོའི་བུད་མེད་ཀྱི་གནས་སྟངས་ཏེ་ཧ་ཅང་ཡག་པོ་རེད་བསམ། ཡིན་ནའང། ཡག་པོ་ཡིན་པ་ཡར་རྒྱས་གཏོང་བ་དང་མིན་པ་ཡག་ཏུ་གཏོང་རྒྱུ་མང་པོ་ཞིག་ལྷག་བསྡད་ཡོད་པ་རེད། ནང་ཆོས་དར་ནས་བུད་མེད་ཀྱི་ཐོབ་ཐང་མེད་པར་བཟོས་པ་ཞིག་རེད་ཅེས་ན་གཏན་ནས་ཡོད་པ་མ་རེད། དེ་ཡང་གཙོ་བོ་ང་ཚོའི་སྤྱི་ཚོགས་ནང་གི་མིས་སྤྱོད་པ་འཁུར་སྟངས་སོགས་ཀྱིས་འགྱུར་བ་སོང་བསྡད་པ་ཞིག་ཡིན་སྟབས། ཆོས་དང་སྲིད་སོགས་ཀྱི་ཕྱོགས་ལ་འཁུར་དགོས་པ་ཞིག་གཏན་ནས་ཆགས་ཡོད་པ་མ་རེད། ང་ཚོའི་བུད་མེད་ཚོས་ཆེར་བཞེས་ཀྱི་ཁུར་ཆེན་པོ་ཞིག་བླངས་པ་ཡིན་ན། ད་ལྟའི་བོད་པའི་སྤྱི་ཚོགས་ཀྱི་གནས་སྟངས་སོགས་ཕྱོགས་ཡོངས་ནས་གོམ་པ་རྒྱག་སའི་ས་མང་པོ་ཞིག་ཡོད་པ་དང་། བུད་མེད་ཚོས་བློ་སྟོབས་དང་སེམས་ཤུགས་ཆེར་བསྐྱེད་ཀྱིས་ཁུར་བླངས་པ་ཡིན་ན་ཐོབ་ཐང་མེད་པ་ཞིག་རྩ་བ་ནས་མིན་སྟབས། མ་འོངས་པར་ཆོས་སྲིད་གཉིས་ཀྱི་ཐད་ལ་དོ་སྣང་དང་ཐུགས་འཁུར་བཞེས་དགོས་པ་གལ་ཆེན་པོ་ཡིན་ཚུལ་སོགས་གསུངས་བྱུང།
ཐེངས་འདིའི་བགྲོ་གླེང་གི་དམིགས་ཡུལ་གཙོ་བོ་ནི། བོད་ཀྱི་བུད་མེད་ལྷན་ཚོགས་ཀྱིས་རྒྱལ་སྤྱིའི་བུད་མེད་ཡོངས་ཀྱིས་བུད་མེད་ཀྱི་སྟེང་དུ་དྲག་རྩུབ་མནར་གཅོད་ཀྱི་བྱ་སྤྱོད་སྤེལ་བཞིན་པ་དེ་དག་འགོག་ཐབས་སུ་འབོད་སྐུལ་དང། དེ་བཞིན་བུད་མེད་རྣམས་ཀྱིས་མནར་གཅོད་ཀྱི་ངོ་བོ་དེ་གོ་སྐབས་སུ་བསྒྱུར་ཐུབ་པའི་འབོད་སྐུལ་བྱ་ཆེད་སྐོང་འཚོགས་གནང་བ་དང་། བགྲོ་གླེང་བ་བཞི་གཙོས་པའི་མི་མང་ ༥༠ ལྷག་འདུ་འཛོམས་ཀྱིས་ང་ཚོའི་སྤྱི་ཚོགས་ནང་ཕོ་མོ་འདྲ་མཉམ་ཡོད་དམ། ཅེས་པའི་བརྗོད་གཞི་དེའི་སྟེང་བགྲོ་གླེང་གོ་བསྡུར་དང་དྲི་བ་དྲིས་ལན་ཡང་གནང་སོང།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ནང་ཆོས་ནི་སེམས་ཀྱི་སྨན་མཆོག་ཏུ་གྱུར་པ་ཞིག་རེད།
དྲ་གྲོགས་བྱམས་རྒྱལ་ལགས་ཀྱིས་དཀྱེལ་ཡངས་པའི་བསམ་བློས་བདག་ལ་དགོངས་དག་ཞུས་གནང་བར་ང་སྙིང་ནས་དགའ་བྱུང་། མ་གཞི་ཁྱེད་ཀྱིས་དགོངས་དག་མ་ཞུས་ཀྱང་ང་ནི་དྲ་ཐོག་གི་ཟིན་བྲིས་དང་མཆན་བུ་འདེབས་མཁན་རྙིང་པ་ཞིག་ཡིན་བསམ་ཡོད་ལ། འདི་འདྲ་བར་ཐེངས་མང་འཕྲད་མྱོང་བས་དེ་འདྲ་ལ་སེམས་འཁྲུག་གི་མ་རེད། གང་ལྟར་ཀྱང་ཁྱེད་ཀྱང་བློ་དཀྱེལ་ཡངས་པའི་དྲ་གྲོགས་ཤིག་ཡིན་པ་ངས་ཤེས་སོང་། བསམ་ཚུལ་མ་མཐུན་པ་རེ་ཟུང་ཡོང་སྲིད་པས་དེ་ཚོར་དེ་འདྲའི་གལ་ཆེན་དང་གཙིག་ཆེན་གནང་མི་དགོས་པ་འདྲ།
གཞན་ཡང་དྲ་གྲོགས་གསར་པ་blackman(འདི་མི་ནག་ཟེར་བ་ཡིན་འདྲ། རང་གིས་རང་ལ་མི་ནག་འདྲ་ཟེར་ནས་ཅི་བྱེད། དེ་ལས་white manསྟེ་མི་དཀར་པོ་འདྲ་ཟེར་ན་བཟང་གི་མོད།)ཟེར་བས་ཀྱང་གོ་རྒྱུ་ཡོད་པ་དོན་ལ་གནས་པ་ཞིག་གསུངས་འདུག དྲ་ཐོག་གི་མི་ཞིག་ཡིན་ཚེ་བློ་དཀྱེལ་ཅུང་ཡངས་དགོས་པ་གལ་ཆེན་པོ་རེད། ང་ཚོས་མི་སུ་ཡིན་རུང་རང་རང་གི་བསམ་ཚུལ་མུ་མཐུད་ནས་གསུང་རོགས། མཚམས་མཚམས་སུ་མ་མཐུན་པ་རེ་ཡོང་སྲིད་ཀྱང་དེ་ལ་དེ་འདྲ་གལ་ཆེན་དང་ཁོང་ཁྲོ་བྱེད་དགོས་དོན་ཡོད་པ་མ་རེད་སྙམ། དེ་ཙམ་ཡིན། ཡང་ཡང་མཇལ་ཡོང་།
ཤེས་ཡོན་ཅན་ཟེར་བ་ནི་བདེན་པ་མཐོང་ཐུབ་མཁན་ཞིག་དང་དེ་ལྟར་བཤད་ཅིང་སྒྲུབ་ཐུབ་མཁན་ཞིག རང་ཚུགས་ཡོད་མཁན་དང་རང་ལས་རང་གི་ཞབས་ཞུ་སྒྲུབ་ཡུལ་གྱི་སྤི་ཚོགས་དེ་གཙིགས་ཆེར་འཛིན་མཁན་ཞིག་ཡིན་དགོས་ནི་རེད།
བྱམས་རྒྱལ་གྱིས་གནས་ལུགས་སྲུང་བརྩི་བྱས་པ་དགའ་ནི་ཞིག་རེད། བདེན་པ་མཐོང་ཡང་སྣང་མེད་དུ་བཞག་ནས་རང་་གི་ལྟ་ཚུལ་མཁྲེགས་འཛིན་བྱེད་པ་དེ་ལས་ཐབས་སྡུག་ཅིག་ཡོད་ནི་མ་རེད། གཅན་བཟོད་རྒྱམ་གྱིས་གནས་ལུགས་བཤད་དུས་བྱམས་རྒྱལ་གྱིས་དང་ལེན་བྱས་པ་དངོས་གནས་བྱམས་རྒྱལ་དེ་ཤེས་ཡོན་དགའ་བའི་མི་ཞིག་ཡིན་པ་མཚོན་སོང་ནི་རེད། དེ་འདྲ་ཡིན་ན་བསམ་ཚུལ་བཤད་དང་གནས་ལུགས་སྟོན་ས། ཤེས་ཡོན་བརྗེ་རེས་བྱེད་སའི་ཁོར་ཡུག་རྒྱ་ཆེན་པོ་ཞིག་ཡོད་སོང་ནི་རེད། འདི་འདྲ་ཡིན་ན་དྲ་བའི་རིག་གནས་འདི་ལ་སྙིང་པོ་ཞིག་བསྐྲུན་ཐུབ་པར་བདག་འདོད། སྒྲོན་དཀར་མཚོ་མོ་དང་རིན་ཆེན་མཁའ་འགྲོ་ལྟ་བུའི་ཤེས་རྒྱ་གང་ཡང་མེད་པའི་ཨ་མ་དེ་ཚོས་ངལ་གསོ་གནང་ན་ཡག་གི་རེད་འདོད་ཡོད། ཤེས་ཡོན་ཅན་གྱི་སྤྱི་ཚོགས་ཀྱི་འགན་ཁུར་དགོས་པ་ལས་སྐད་ཆ་ཙམ་བཤད་ཤེས་པའི་གནས་ཚད་ཀྱིས་སྤྱི་ཚོགས་ཀྱི་འགན་ཁུར་ན་མཇུག་འབྲས་ཅི་འབྱུང་ཚང་མས་མཐོང་གསལ་རེད།
དྲ་གྲོགས་རྒན་པ་གཅན་བཟོད་རྒྱམ་ལགས་གུས་པས་ཁྱེད་ལ་དྲ་སྲིན་ཞུ་བ་ཐལ་སོང་དེ་ནི་ཁྱེད་ཀྱིས་བསྟན་འཛིན་བརྩོན་འགྲུས་ལ་༼ཁྱོད་ཚོ་གཞིས་ཆགས༽ཞེས་ཁ་སྨྲས་བཏང་བ་དེར་གུས་གཞིས་ཆགས་བ་ཞིག་མིན་ནའང་ཤོད་སྟངས་དེ་གཙོག་པ་ཞིག་མཐོང་བྱུང་ཕོག་ཐུག་འགྲོ་གཞི་ཞིག་རེད། ཡང་ན་ཁྱེད་ཀྱི་ཕྱོགས་ནས་དེ་འདྲ་ཡིན་གྱི་མ་རེད། གང་ལྟར་དགོངས་དག་ཞུ་འདོད་བྱུང་། དེ་མིན་ཁོང་ཡང་རྩ་དོན་གླེང་མི་ཤེས་མཁན་ཞིག་མ་རེད་བསམ་བྱུང་སྔར་ལོན་དྲོན་དུ་བོད་དོན་གཏམ་བཤད་གཅིག་བྱས་པ་བརྙན་འཕྲིན་ཐོག་མཐོང་སོང་བས་གུས་པར་ཚོར་ཤུགས་སྦྱིན་མྱོང་ཡོད་ ཁོང་ལ་དམིགས་བསལ་གཅིག་མཐོང་མྱོང་བ་ནི་རྒྱ་གར་དང་རྒྱ་ནག་གི་འབྲེལ་བ་དང་ཆབ་སྲེད་འཕོ་འགྱུར་འོག་བོད་ཀྱི་རྩ་དོན་ལ་ཉམས་དཔྱད་གནང་ཤེས་པ་དེ་རེད་། འོན་ཀྱང་ད་དུང་ཁྱེད་ཀྱི་དགོངས་ཚུལ་བཞིན་ཞན་བའི་ཆ་ལུས་ཡོད་། སེམས་ཤུགས་དེའི་ཐོག་ད་དུང་ཡང་རྒྱལ་རབས་དང་། ལོ་རྒྱུས་ཡིག་ཆ་ལ་དོ་སྣང་ཆེ་ཙམ་གནང་རོགས་ཞེས་གུས་པས་ཀྱང་ཁོང་ལ་རེ་འདུན་ཞུ་འདོད་བྱུང་། ང་ཚོས་ཀྱང་ཧུར་ཐག་གནང་དགོས་རེད་།
དྲ་གྲོགས་བྱམས་རྒྱལ་ལགས། གཅན་བཟོད་རྒྱམ་ཟེར་བ་དྲ་སྲིན་ཞིག་མ་རེད། དྲ་ཐོག་གི་དྲ་གྲོགས་རྒན་པ་ཞིག་རེད།
བྲྩོན་འགྲུས་ལ་བཤད་པའི་སྐད་ཆ་དེ་ཚོ་སྔོན་མ་བཤད་བསྡད་ཡོད་ལ། ད་དུང་ཡིན་ཀྱང་དེ་ག་རང་ཡིན། བརྩོན་འགྲུས་ཁོ་རང་ལས་འགུལ་འདྲ་མིན་ལ་ཞུགས་པར་ངས་ཀྱང་བསྔགས་ཡོད། འོན་ཀྱང་རྒྱ་གར་གྱི་NDVTཚང་གིས་ལོ་སྔོན་མ་ཡང་ཁོ་སྐད་བཏང་སྟེ་སྐད་ཆ་བཤད་ཀི་བཅུག་སོང་། ཁ་སྔོན་ཡང་མོན་རྟ་ཝང་གི་སྐོར་ལ་སྐད་ཆ་དྲིས་སོང་། ཞ་སྒབ་པའི་ཕྱི་བསྐྱོད་ལག་འཁྱེར་དེ་གཅིག་པོ་མ་གཏོགས་ལོ་རྒྱུས་སྟེང་ནས་དང་། ཅབ་སྲིད་ཀྱི་སྟེང་ནས། ཁྱིམ་མཚེས་རྒྱལ་ཁབ་དག་གི་སྐོར་ནས་བོད་ལ་དཔེ་ལྟོས་དཔེ་ལེན་བྱེད་མི་ཤེས་ཀི
རྒྱལ་ཁབ་ཅིག་རང་དབང་རང་བཙན་སོགས་ཡིམ་མིན་ལོ་རྒྱུས་ཀྱི་ཅ་ནས་བསྒྲུབ་ཐུབ་ཀི་རེད། འདི་ནག་གིས་བོད་ལ་བཤད་བཞིན་པའི་སྐད་ཆ་གཙོ་བོ་དེ་རེད། ཐང་ཡོན་ཆིང་ཆིན་མན་དང་ཀྲུང་ཧྭ་མིན་གོ་དང་གུང་ཁྲན་ཏང་སོགས་རིམ་བརྒྱུད་ཀྱི་ལོ་རྒྱུས་བཤད་ཀྱིན་འདུག
རྒྱ་གར་དབྱིན་གཞུང་དང་བོད་པས་སིམ་ལའི་ཅིངས་ཡིག་དང་མེ་ཧྭག་མོན་ས་ཐིག་(༡༩༡༤)གི་རྗེས་ནས་(༡༩༥༤་༥༤་ཙམ་)བར་དུ་མོན་རྟ་དབང་ལ་བོད་གཞུང་དགའ་ལྡན་ཕོ་བྲས་བདག་དབང་ཡོད་པའི་སྐོར་ལོ་རྒྱུས་ཡིག་ཆ་ཁག་ན་གསལ་ལྷང་ངེར་ཡོད་པ་དེ་ཚོ་བཤད་ན་རིན་ཏང་ཅུང་ཡོད་པ་རེད། འདིའི་སྐོར་གཞན་དུ་ཡང་མཆན་བུ་བཏབ་ཡོད།
ཁྱེད་ལ་ཤེས་འདོད་ཡོད་ན་རྗེས་སུ་རིམ་པས་ཞུ་ཆོག དོན་མེད་ལ་ཚིག་མཚོན་འདེབས་རྩིས་མ་བྱེད་རོགས།
བསྟན་འཛིན་བརྩོན་འགྲུས་ཁྱེད་ཀྱིས་ཁ་ཡོད་ལག་ཡོད་དུ་བོད་ཀྱི་རྩ་དོན་སྒྲུབ་བཞིན་པར་བསྔགས་བརྗོད་ཡོད་ལ་ཐུགས་རྗེ་ཆེ་ཞུ། སྟོང་གཏམ་མ་གཏོགས་ལག་པས་མི་འཇོན་པའི་དྲ་སྲིན་གཅན་གཟོད་རྒྱམ་འདི་ལ་བོད་མི་རིགས་ཀྱི་ལ་རྒྱ་ཅི་ཙམ་ཡོད་མེད་ཁོའི་ཁ་ཚིག་ལ་ལྟོས་དང་གསལ།
བསྟན་འཛིན་བརྩོན་འགྲུས་ཁྱེད་ཀྱིས་ཁ་ཡོད་ལག་ཡོད་དུ་བོད་ཀྱི་རྩ་དོན་སྒྲུབ་བཞིན་པར་བསྔགས་བརྗོད་ཡོད་ལ་ཐུགས་རྗེ་ཆེ་ཞུ། སྟོང་གཏམ་མ་གཏོགས་ལག་པས་མི་འཇོན་པའི་དྲ་སྲིན་གཅན་གཟོད་རྒྱམ་འདི་ལ་བོད་མི་རིགས་ཀྱི་ལ་རྒྱ་ཅི་ཙམ་ཡོད་མེད་ཁོའི་ཁ་ཚིག་ལ་ལྟོས་དང་གསལ།
རྡ་རམ་ས་ལའི་མི་དྲག་སྐུ་དྲག་རྣམས་ཀྱིས་ཀམ་པུང་དྲར་ལ་གློག་ཀླད་ཞེས་དང་གྲོ་མ་གྲོ་ལ་ལྡུམ་སྒོང་ཞེས་འབོད་འདོད་ཡོད་བཞིན་དུ་རང་གི་བཟའ་ཚེ་རོགས་ལ་བོད་མིང་འབོད་མི་འདོད་པ་དེ་ནི་ང་ཅོ་རི་དགོད་མོ་ཤོར་བའི་རྒྱུ་དང་ཤ་ཀླན་འཇམ་དབྱངས་གྲགས་པ་མིག་ཆུ་ཤོར་རྐྱེན་རེད་ལྭོ། ཧཧཧཧཧཧཧཧ
སྤྱིར་བསྟན་འཛིན་བརྩོན་འགྲུས་དང་རིན་ཆེན་མཁའ་འགྲོ་དག་ལ་སེམས་ཤུགས་ཙམ་ལས་བོད་ཀྱི་བུད་མེད་དང་ལྷག་པར་བོད་ནང་གི་བུད་མེད་ལ་དེ་བས་ཀྱང་རྒྱུས་ཡོད་བཟོད་མི་འདུག་པས་གླེང་མོལ་དེ་ལྟར་བགྱིས་པ་ཁག་མི་འདུག
ལྷག་དོན་བསྟན་འཛིན་གྱི་སྐད་ཆ་ནི་དེ་བས་ཀྱང་དཔྱད་བཟོད་དུ་གྲུབ་པ་ཞིག་མ་རེད།
ཀིརྟི་སྒྲོན་དཀར་ལྷ་མོ་ཚོས་ཅིག་བོད་སྲིད་པ་ཆགས་དུས་མ་དུས་ཙོ་ཨེ་ཤེས་ན། མི་ཆུང་ཁ་ནས་ཚིག་ཆེན་པོ་བཤད་ཀི་ཡ། སྙིང་ལང་ནི་ཞིག་རེད།
བསྟན་འཛིན་བརྩོན་འགྲུས་ལགས། ཁྱོ་ག་ལ་husbandདང་སྐྱེས་དམན་ནམ་སྐྱེས་སྨན་ལ་wife ཟེར་བ་ནི་ཁྱོད་ཚོ་གཞིས་ཆགས་འགའ་ཤས་དང་དབྱིན་སྐད་ཁ་བྱང་རྣ་བྱང་ལ་སོང་ཡོད་མཁན་ཚོས་སྐད་ཆ་རེད་མ་གཏོགས་བོད་སྤྱི་བ་ཟེར་ནས་བཤད་ས་འགྲོ་ནི་ཞིག་མ་རེད། མ་གཞི་ནས་ཁྱོད་ནི་ལས་འགུལ་གང་མང་གི་མདུན་དུ་ཐོན་མཁན་ཞིག་ཡིན་པ་དགའ་ཡང་། བཤད་པའི་སྐད་ཆ་དེ་ཚོར་ཞིབ་འཇུག་གི་རིན་ཐང་དང་སྤྱི་ཡོངས་ཀྱི་ཆ་མང་པོ་མེད་པར་ཙག་ཙིག་དང་ཆ་ངེ་ཅུང་ངེ་རྐྱང་རེད་འདུག ཁ་སྔོན་མོན་རྟ་ཝང་གི་སྐོར་ནས་ཀྱང་དེ་འདྲ་རེད་འདུག་གཱ ལོ་རྒྱུས་ཀྱི་སྟེང་ནས་བཤད་རྒྱུ་ཅང་མི་འདུག དེ་བས་རྗེས་ཕྱོགས་ནས་གང་ཞིག་གི་ཆེད་དུ་སྐད་ཆ་བཤད་པའི་གོ་སྐབས་འདྲ་སྤྲད་ཚེ། ཐུགས་རྗེ་གཟིགས་དེའི་ཕྱོགས་ནས་མི་ལ་སྐད་ཆ་འདྲི་བ་དང་རྒྱུ་ཆ་བཟང་པོ་ཞིག་གྲ་སྒྲིག་བྱས་ཏེ་སྐད་ཆ་བཤད་རྒྱུ་ངའི་ཁྱོད་ལ་རེ་སྐུལ་ཞུས་པ་ཡིན།
བགྲོ་གླེང་པ་འདི་ཚོས་རགས་བཤད་ཙམ་བྱས་པ་ལས་གནད་དོན་ལ་དཔྱད་པ་དང་བགྲོ་གླེང་བྱས་མི་འདུག
ལྷག་པར་བུད་མེད་ཚོགས་གཙོ་དང་མདོ་སྨད་སྤྱི་འཐུས་ཀིརྟི་སྒྲོལ་དཀར་ལྷ་མོ་ཟེར་བ་དེས།བོད་སྲིད་པ་ཆགས་པ་ནས་ད་ལྟའི་བར་དང་ལོ་རྒྱུས་ཐོག་བལྟས་པ་ཡིན་ན། ཕོ་མོ་འདྲ་མཉམ་མིན་པའི་གནས་སྟངས་དེ་ང་ཚོར་སྤྱི་ཚོགས་ཀྱིས་ཤུགས་རྐྱེན་ཐེབས་པའི་དབང་གིས་བྱུང་ཞིག་རེད་འདོད། ཅེས་པའི་བཤད་ཚུལ་ལ་ལྟོས་དང་རགས་བཤད་ག་ཚད་ཅིག་བྱས་འདུག བུད་མེད་ཀྱི་ཚོགས་གཙོ་ལ་ལོ་རྒྱུས་དང་གནས་བབ་ཀྱི་གོ་རྟོགས་དང་རྒྱུས་མངའ་འདི་ཙམ་ལས་མེད་ན་གཞན་བཤད་མི་དགོས་པ་ཞིག་རེད། བོད་སྲིད་པ་ཆགས་པའི་གནས་སྟངས་གང་ཡང་མི་ཤེས་ན་ད་དུང་ཨུ་ཚུགས་བརྒྱབས་ནས་བཤད་ཁུལ་བྱས་པ་འདིས་མོ་མ་གཞི་ག་འདྲ་ཡོད་མེད་གསལ་སྟོན་བྱས་པ་ཙམ་ལས་ཅི་ཡང་མ་རེད། བོད་ཀྱི་ལོ་རྒྱུས་སྟེང་གི་མ་རྒྱུད་སྤྱི་ཚོགས་ཀྱི་གནས་བབ་གོ་ཐོས་ཙམ་ཡང་བྱུང་ཡོད་རྒྱུ་མ་རེད། ད་དུང་ཧམ་པ་ཆེན་པོས་སྐད་ཆ་བཤད་ཁུལ་བྱས་པ་སུ་ཞིག་གིས་བཙན་འདེད་བཏང་བ་ཡིན་ནམ། རང་ངོ་མི་ཟིན་པའི་མི་ཞིག་གིས་ད་དུང་ཐོབ་ཐང་འདྲ་བཤད་ཁུལ་བྱས་ནས། མགོ་རྙོག་ཞེ་དྲག་བཟོས་འདུག རིན་ཆེན་མཁའ་འགྲོས་ཅི་ཡང་བཤད་ཐུབ་མི་འདུག རང་ཉིད་སྲུང་སྐྱོབས་བྱས་པ་ཙམ་རེད། ད་་དུང་བུད་མེད་ཚོར་རེ་བ་ཡོད་རྒྱུ་མ་རེད་ཡ། ཨ་རོགས་རྒན་མོ་སྒྲོལ་དཀར་དང་རིན་ཆེན་མཁའ་འགྲོ་ས་མིག་དེ་བུད་མེད་གཞོན་ནུ་མ་ཚོར་སྤྲད་ན་ི་ལེགས་སམ།
བུད་མེད་ཀྱི་ཐོབ་ཐང་ལབ་ན་མ་ལབ་ན་འཛིམ་གླིང་ཡུལ་གྲུ་མང་པོའི་ནང་བུད་མེད་ལ་རྡུང་རྡེག་དང་བཙན་གཡེན་བརྙས་ཆོས་སོགས་མང་པོ་གཏོང་གི་ཡོད་པས་དེ་འདྲ་མི་ཡོང་བར་བུད་མེད་དེ་ཚོ་ལ་རང་དབང་གི་བདེ་སྐྱིད་ཀྱི་ཐོབ་ཐང་སྤྲོད་དགོས་ཞེས་པའི་དོན་ཡིན་པ་ལས་བུས་བྱེད་ཐུབ་ན་བུད་མེད་ཀྱིས་བྱེད་ཐུབ་དགོས་ཟེར་བ་ཞིག་མ་རེད། གནས་ཚུལ་ཁ་ཤེས་ཤིག་བུད་མེད་དང་བུ་གཉིས་ཀྱི་ལུས་རྟེན་མི་འདྲ་བའི་དབང་གིས་འདྲ་མཉམ་གཏན་ནས་ཡོང་ཐབས་ཡོད་པ་མ་རེད། དེ་འདྲ་བ་དེ་ཚོ་ལ་ཐབས་ཤེས་ཡོད་པ་མ་རེད་ལ་དེ་ལ་ཐབས་ཤེས་བྱས་ན་བླུན་པོ་རེད། འདྲ་མཉམ་དང་ཐོབ་ཐང་བྱས་པ་ནི་བདེ་སྐྱིད་འདྲ་མཉམ་ཐོབ་རྒྱུ་དེ་རེད།
ནང་ཆོས་འདིས་མིའི་སེམས་དང་ཀླད་པ་གཉིས་ཀར་ཤུགས་རྐྱེན་མི་འདྲ་བ་གཉིས་སྤྲད་ཡོད།
སེམས་ཞི་བ་ཡིན་དགོས་པ་དང་། ཀླད་པ་མཁྲེགས་པོ་ཡིན་དགོས་པ་དེ་རེད།
ཡིན་ཡང་དེ་རིང་གི་རྩོད་དོན་ནི། མི་སྐྱ་དང་དགེ་འདུན་པ་གཉིས་ལ་བོད་རང་གི་སྤྱི་ཚོགས་ཁྲོད་ནས་ཐོབ་ཐང་མི་འདྲ་བར་ཡོད་པ་འདིའི་སྐོར་ཡིན།
ད་དགེ་འདུན་པ་མང་པོ་ཤོད་མ་འདུག་སྐུ་ཚེ་རིང་། དགེ་འདུན་པ་རྣམས་སྤྱི་འཐུས་ནང་ཡོང་ན་ཀླད་པ་འཁྲེགས་དྲག་ནས་མཇུག་འབྲས་བཟང་པོ་མེད་ཐག་ཆོད་རེད། དེ་ལས་ང་ཚོས་ཞོར་དུ་ཤེས་ཡོན་ཡར་རྒྱས་དང་། བོད་ཀྱི་རྩོམ་རིགས་ནི་དགེ་འདུན་པ་ཁཽ་ན་ལ་རེག་ལས་ཡོད་པ་་ལྟ་བུ་གྱུར་ཡོད་སྟབས་དེ་ལ་དཀྱེལ་ཡངས་སོགས་གནང་རྒྱུ་གལ་ཆེ་འོ།།
བཙན་བྱོལ་སྤྱི་ཚོགས་འདི་དམངས་གཙོའི་ལམ་དུ་བསྐྱོད་དུས་ཀྱང་དགེ་འདུན་པ་ཚོར་ཟུར་དུ་འོས་ཤོག་གཉིས་ཀྱི་ཐོབ་ཐང་སྤྲད་ཡོད། དོན་དངོས་ཐོག དགེ་འདུན་པ་ཚོས་རང་རང་གི་ཆོས་བརྒྱུད་ཁག་གི་སྤྱི་འཐུས་འདེམ་རྒྱུ་ཡིན་ཚེ། ཆོལ་ཁོངས་ཀྱི་འོས་ཤོག་དེ་དགོས་དོན་མི་འདུག
བོད་ཀྱི་བུད་མེད་དང་མི་སྐྱ་ཚོ་བསྡུར་ན་ཐོབ་ཐང་འདྲ་མཉམ་རེད། ཡིན་ཡང་། སྡུག་ཤོས་དེ་མི་སྐྱ་དང་དགེ་འདུན་པ་གཉིས་ཀྱི་ཐོབ་ཐང་འདྲ་མཉམ་མ་རེད། སྤྱི་ཚོགས་རྙིང་བ་དེ་ལྟར་རེད་ལ། སྤྱི་ཚོགས་གསར་པའི་ནང་དུའང་དགེ་འདུན་པ་ཚོར་ཐོབ་ཐང་ལྷག་པ་འདུག
བགྲོ་གླེང་འདིར་བཅར་རྒྱུ་བྱུང་སོང་།
འགའ་ཤས་ཀྱིས་སྔོན་མའི་བོད་ནང་ལ་བོད་བུད་མེད་ལ་མཐོང་ཆཱུང་བྱེད་སྲོལ་དེ་རྒྱ་གར་ནས་ནང་ཆོས་དར་སོང་བ་དེས་རེད་ཅེས་བཤད་སོང་།
ད་རུང་དེང་སང་བོད་ནང་ཕོ་མོ་འདྲ་མཉམ་ཡོད་ཅེས་སྐུ་མགྲོན་ཡོད་ཚད་ཀྱིས་ཐག་གཙང་བཅད་ཀྱིས་བཤད་སོང་།
ཡིན་ནའང་ཁྱབ་བསྒྲགས་དང་སྦྱར་ཡིག་ནང་
བོད་ཀྱི་བུད་མེད་ཚོར་ཐོབ་ཐང་འདུག་གམ།༽ཅེས་བརྗོད་འདུག
དེར་བརྟེན་དེ་གཉིས་ཆ་མ་མཉམ་པ་ཞིག་མཐོང་སོང་།
གང་ཡིན་ཟེར་ན།
དྲི་བ་དེ་མར་བཀོད་ནས་
དེ་ལ་བགྲོ་གླེང་ཙམ་ཡང་མེད་པར་ཁོ་རང་ཚོས་ཐག་བཅད་ནས་ཕོ་མོ་འདྲ་མཉམ་ཡོད་ཅེས་བཤད་ཀྱིན་འདུག་ག
བོད་ཀྱི་བུད་མེད་ཚོ་ལ་ཐོབ་ཐང་ཆ་ཚང་བ་ཡོད་ཀྱང་། རང་སྒེར་གྱི་འཇོན་གི་མི་འདུག་ལ་འབད་རྩོད་དང་ཁཱུར་ལེན་གྱི་མེད་ཚོད་རེད།
ཐོབ་ཐང་ཟེར་བ་དེ་རང་སྒེར་གྱི་ངོས་ནས་ལེན་དགོས་པ་ལས། གཞན་གྱི་ཧོབ་ཙི་སྒང་ལ་སྤྲོད་ཐུབ་པ་མིན་པ་འདྲ། རེད་མ་རེད། ཨཨཨཨཨ།
ད་དུང་རང་གི་ ཆུང་མར་ partner ཞེས་འབོད་འབོད་མཁན་ཡང་འདུག་
བུད་མེད་ཚོགས་པའི་རྒྱུན་ལས་རྣམས་ལ་ལས་ཀ་རྫོགས་པ་ཡིན་རྒྱུ་རེད་མགཏོགས།བོད་པའི་སྤྱི་ཚོགས་ནང་སོ་སོས་མ་འཇོན་ནས་རྗེས་ལུས་ཐེབས་པ་ལས་སྐྱེ་པ་ཚོས་མགོ་བོ་ཡར་འདེགས་མི་འཇུག་པ་ཨེ་ཡིན་སྙམ།བུད་མེད་ཐོབ་ཐང་རྩོད་བ་ལས་སློབ་གྲྭ་ཁག་ཏུ་གཟིགས་སྐོར་རེ་ཕེབས་དེ་ཤེས་ཡོན་ག་འདྲ་འདུག་གཟིགས་དང་ཡག་ཤོས་དེ་རེད་མ་གཏོགས།ང་ཚོའི་བོད་གཞུང་གཏན་སློབ་ཁག་ཏུ་ཤེས་ཡོན་མེད་པ་དུས་རབས་གསར་པའི་ན་གཞོན་ཡིན་ན་ཅིག།དགའ་རོགས་བསྒྲིག་པ་དང་ལུས་འབྲེལ་གང་ཐུབ་བྱེད་པ་མ་ཟད་ཕ་མའི་རྩ་ནས་སྒོར་མོ་སུས་མང་པོ་ལེན་ཐུབ་ན་ཡག་ཤོས་རྩིས་པ།གཞུང་གང་རུང་ཞིག་ལ་སྙན་ཞུ་ཞིག་དང་སོ་སོའི་སྦྱིན་བདག་ལ་གཏང་ཡིག་ཡིག་ནོར་མེད་པར་བྲིས་ཐུབ་མཁན་མེད་པ།་ད་དུང་ལོ་འཁོར་ཡིག་རྩོད་སྐབས་སུ་སོ་སོའི་དགེ་རྒན་གྱི་ཟུར་ནས་གསང་བའི་ཐོགས་ནས་སློབ་དགོས་པ་སོགས་ཉམས་ཆགས་ཧ་ཅང་ཆེན་པོ་འགྲོ་བཞིན་ཡོད་པ་དེ་རྣམས་བུད་མེད་ཚོགས་པའི་རྒྱུན་ལས་རྣམས་ཀྱི་མཐོང་གི་མེད་པ་འདྲ།
བརྩོན་འགྲུས་ལགས་ཀྱི་ང་ཚོའི་བཙན་བྱོལ་སྤྱི་ཚོགས་ནང་སོ་སོའི་སྐྱེ་དམན་ལ་དབྱིན་སྐད་ཀྱིས་wifeཅེས་འབོད་ཀྱིན་ཡོད་གསུངས་པ་དེ་ལ་གུས་པའི་ཞུ་རྒྱུར།དེ་ལྟར་འབོད་མཁན་གྱི་མི་སྣ་དེ་ཚོའི་སོ་སོ་འི་སྐད་ཡིག་ཡག་པོ་མི་ཤེས་པ་དང་ཤེས་རྒྱུའི་ཐབས་ཤེས་མི་བྱེད་པའི་ལས་རེད་མ་གཏོགས་ཚིག་གཞན་མེད་པ་མ་རེད།དཔེ་ན།ཟླ་བོ་དང་བཟའ་ཟླ།ཆུང་མ།བཟའ་རོགས།སྐུ་ཟླ་སོགས་མང་པོ་ཡོད་པ་རེད།།
བོད་བཙན་བྱོལ་སྤྱི་ཚོགས་ནང་དུ་བུད་མེད་ལ་ཐོབ་ཐང་མི་འདུག་ཅེས་རྩོད་དོན་མི་འདུག་སྙམ། ང་ཚོས་ཐོབ་ཐང་ཡོད་མེད་བཤད་པ་ལས་འགན་ཁུར་སྒྲུབ་དགོས་པ་དེ་གལ་ཆེན་པོ་རེད། རང་ཉིད་ཀྱིས་འཇོན་ན་མདུན་གྱི་འགྲོ་ལམ་དེ་ཡངས་ཤིང་རྒྱ་ཆེ་བ་ཤིག་ཡིན། འོན་ཀྱང་། ད་བར་བུད་མེད་ཚོས་ཁྱིམ་ཐབ་ཅིག་ཟིན། འཚོ་བར་དཀའ་ཁག་མེད་པ་ཆགས་པ་ཙམ་གྱིས་འདོད་བློ་ཁེངས་ནས་ལུས་པ་ཤིན་ཏུ་ནས་མང་བས། གང་དུའང་འགྲོ་མི་ཐུབ་པ་དང་། གང་ཡང་མ་འཇོན་པར་ཁྱིམ་ལས་རྩག་རྩིག་ལ་མགོ་འཁོར་ནས་ལུས་པ་བསྡད་ཡོད་པ་རེད་སྙམ། དེ་ནི་བོད་ཀྱི་བུད་མེད་ཚོ་རྗེས་ལུས་དང་མགོ་བོ་ཡར་ལ་འདེགས་མི་ཐུབ་པའི་ལེ་ཁག་གཞན་ལ་དཀྲི་ཡུལ་མེད་པ་དེ་ཆགས་ཡོད། ཁྭ་ཏས་མི་གཙང་ཟོས་པའི་མཆུ།། གཞན་ལ་ཕྱིས་ཟེར་བ་དང་ཡོངས་སུ་མཚུངས་པ་ཞིག་རེད།
བོད་ཀྱི་བུད་མེད་ཚོས་མ་འཇོན་ནས་རེད། བཙན་བྱོལ་དུའང་བུད་མེད་ཤེས་ཡོན་ཅན་དང་སྐད་གྲགས་ཅན་སུ་ཡང་མི་འདུག སློབ་གྲྭར་འགྲོ་བ་འདྲ་མཉམ་རེད། བོད་དུའང་དེ་བཞིན་ཡིན། བུད་མེད་ཚོས་མགོ་བོ་ཡར་ལ་བརྐྱགས་དང་སུས་ཀྱང་བཀག་འགོག་བྱེད་ཀྱི་མ་རེད་
ང་ཚོ་བོད་པའི་སྤྱི་ཚོགས་ནང་བུད་མེད་ལ་ཐོབ་ཐང་མེད་པ་ཞིག་མ་ཡིན་ཀྱང་བུད་མེད་སོ་སོའི་ངོས་ནས་རྣམ་གཡེང་དང་ལེ་ལོ་དྲ་བར་དབྲལ་མ་ཐུབ་པས་ལན་པ་རིད།
བཙན་བྱོལ་གྱི་བོད་མི་ཚོས་གནད་དོན་འདི་གསལ་བོ་ཞིག་གླེང་མི་ཐུབ་པའི་དཀའ་ངལ་ཡོད། དཀའ་ངལ་དང་པོ་ནི། རྒྱ་ནག་གཞུང་གིས་ཏཱ་ལའི་བླ་མས་དབུ་ཁྲིད་པའི་སྤྱི་ཚོགས་རྙིང་བ་དེ་མུན་ནག་གི་སྤྱི་ཚོགས་ཤིག་ཡིན་ཅེས་བཤད་ཀྱིན་ཡོད་སྟབས། ང་ཚོས་རང་གི་སྤྱི་ཚོགས་ནང་དུ་འདྲ་མཉམ་མེད་པ་དང་སྐྱོན་མཚང་ཐེར་འདོན་བྱས་ན་རང་མགོར་རྒྱག་བྱེད་ཀྱི་དབྱུག་པ་དེ་རྒྱ་ནག་གི་ལག་ལ་བཞག་པར་འདོད་ཀྱིན་ཡོད། ང་ཚོས་ཕར་རྒྱ་ནག་ལ་རྒྱ་མོ་རྐང་རིལ་གྱི་སྐོར་མང་པོ་བཤད་ཡོད་སྟབས་ཚུར་ཁ་དམེ་མི་ཕོག་ཆེད་རང་སྲུང་གི་ཐབས་ལ་འབད་ཀྱིན་ཡོད།
གཉིས་པ་དེ། ང་ཚོས་སྐབས་ཐོག་གི་སྤྱི་ཚོགས་འདི་ཡང་དམར་ཤོག་གི་དབུ་ཁྲིད་ཚོའི་འོག་གི་སྤྱི་ཚོགས་ལྟར་མིན་པར། དམངས་གཙོ་དང་དྲང་བདེན། འདྲ་མཉམ་བཅས་གཞི་རྩར་བཞག་པའི་སྤྱི་ཚོགས་ཤིག་ཡིན་པ་དངོས་ཤུགས་བརྒྱུད་གསུམ་ནས་སྟོན་གྱིན་ཡོད་སྟབས། ཁ་སང་དེ་རིང་རང་གི་སྤྱི་ཚོགས་ནང་དངོས་སུ་མངོན་བསྡད་པའི་སྣང་ཚུལ་དང་སྐྱོན་གནད་གང་ཡིན་ཡང་ས་འོག་ལ་འཇུག་ཐབས་བྱེད་ཀྱིན་ཡོད། རྒྱལ་ཁབ་སྟོབས་ཆེན་ཞིག་གི་ཁ་གཏད་ལ་ལངས་མཁན་གྱི་སྤྱི་ཚོགས་ཆུང་ཆུང་ཞིག་ལ་མཚོན་ན་འདི་ཡང་ལས་སླ་བོ་ག་ལ་ཡིན།
འདི་ལྟར་ང་ཚོས་བོད་རང་གི་སྤྱི་ཚོགས་གསར་རྙིང་གཉིས་ཀ་གཏད་ནས་གཏམ་བཤད་འདི་དག་སྤེལ་གྱིན་ཡོད་སྟབས། མཚམས་རེར་གཏམ་བཤད་འདི་དག་ནི་རྣམ་པ་ཙམ་དང་ཆབ་སྲིད་ཀྱི་དགོས་མཁོ་ཙམ་ལ་གཞིར་བཞག་པ་ལས་དོན་དངོས་ལ་གཞོལ་བའི་གཏམ་བཤད་ནི་མ་རེད་འདོད།
ང་ཚོ་བོད་ཀྱི་བུད་མེད་ཚོར་ཐོབ་ཐང་མེད་པ་མ་རེད། ཐོབ་ཐང་བེད་སྤྱོད་མ་བཏང་བ་རེད།