བོད་ཀྱི་དུས་བབ།

བོད་ཀྱི་དུས་བབ།

ཁ་སང་བོད་ཀྱི་གསོ་རིག་ཆེད་མཁས་པ་དང་བོད་སྨན་གསར་གཏོད་པ་དགེ་བའི་གཤེས་གཉེན་ཆེན་མོ་ཨ་ཁུ་བསྟན་ཁོའམ་བསྟན་འཛིན་དོན་འགྲུབ་མཆོག་མཛོད་དགེ་རྫོང་བཞག་ལྡོམ་ཡུལ་ཚོའི་བཤད་སྒྲུབ་ནོར་བུའི་གླིང་དགོན་པའི་ནང་སྐུ་གྲོངས་ཡོད་འདུག་་་

ཇེ་མང་ཀློགས།

བསྟན་འཛིན་པདྨ། ༄༅། །བཀྲ་ཤིས་དབང་ཕྱུག་ལགས་ཀྱིས་བོད་ནང་དུ་བོད་ཀྱི་སྐད་ཡིག་གི་ཛ་དྲག་གནས་སྟངས་ཐོག་ཐུགས་ཁུར་ཆེན་པོ་བཞེས་ནས། རང་གི་མི་ཚེ་དང་། རང་གི་མདུན་ལམ། རང་གི་ནང་མི་མ་ཟད། རང་གི་གཅེས་པའི་སྲོག་ཀྱང་འབེན་ལ་བཙུགས་ནས་རྒྱ་ནག་གི་ཡུལ་ཁྲིམས་ཀྱི་ཐོག་ནས་ལས་འགུལ་སྤེལ་ཡང་། ཁོང་གསང་བས་བཙན་ཁྲིད་ཀྱིས་བཙོན་དུ་བཅུག་ནས་ད་བར་ལོ་གྲངས་གཉིས་ལྷག་ཕྱིན་ཡོད་པ་ཚང་མས་མཁྱེན་གསལ་རེད།དེ་བཞིན་ཚེ་རིང་སྐྱིད་ལགས་དང་། སྣང་སྒྲོལ་ལགས། བློ་བཟང་འཇམ་དབྱངས་ལགས། རི་སྐྱོ་ལགས། ངག་དབང་ནོར་འཕེལ་ལགས། སྙིང་དཀར་བཀྲ་ཤིས་ལགས། འཕགས་མོ་དོན་གྲུབ་ལགས་ལ་སོགས་པའི་བོད་རིགས་མང་དག་གཅིག་གིས་བོད་ནང་དུ་བོད་ཀྱི་སྐད་ཡིག་གི་རང་དབང་དང་གོ་ས་ཤོར་བཞིན་པའི་ཛ་དྲག་གནས་སྟངས་གཟིགས་ནས་ཐུགས་ཀྱིས་མ་བཟོད་པ་དེ་ཉིད། འཛམ་གླིང་ཡོངས་དང་ལྷག་པར་དུ་ང་ཚོ་བོད་མི་རྩམ་ཟན་ཚང་མར་བསྟན་ཆེད། རང་གི་གཅེས་པའི་སྐུ་གཟུགས་མཆོད་མེར་ཕུལ་ཡོད། ང་ཚོ་རང་དབང་ལུང་པར་ཡོད་པའི་བོད་རིགས་སྤུན་ཟླ་ཡོངས་ནས་ལྷག་བསམ་རྣམ་དག་གིས་བཀྲ་ཤིས་དབང་ཕྱུག་ལགས་བཙོན་བཀྲོལ་ཐོབ་ཐབས་སུ་ལས་འགུལ་འདྲ་མིན་སྤེལ་དང་སྤེལ་བཞིན་ཡོད། དེ་བཞིན་སྐུ་གཟུགས་མཆོད་མེར་འབུལ་མཁན་དཔའ་བོ་དཔའ་མོ་དམ་པ་ཁོང་རྣམས་ཀྱི་ཆེད་དུ་མཆོད་འབུལ་སྨོན་ལམ་ཡང་རྒྱ་གང་ཆེ་གནང་ཡོད། འོན་ཀྱང་ང་ཚོའི་ལས་འགན་འདི་ཙམ་ཡིན་ནམ། ཁོང་རྣམས་ཀྱི་མངོན་འདོད་ནི།་་་

ཇེ་མང་ཀློགས།

ཁ་སང་བོད་ཀྱི་ལོ་གསར་ཚེས་གསུམ་ཉིན་བལ་ཡུལ་ནང་གནས་སྡོད་བོད་མི་ཚོས་ལོ་གསར་སྲུང་གཙི་བྱས་པའི་མཛད་སྒོའི་ཐོག་༧གོང་ས་མཆོག་གི་སྐུ་པར་སྒྲིག་བཤོམ་ཞུ་བཅུག་མི་འདུག་་་

ཇེ་མང་ཀློགས།

བོད་ཀྱི་ཆབ་སྲིད་བཙོན་པ་ཚེ་མགོན་རྒྱལ་ལགས་ལ་རྒྱལ་ཁབ་ཁ་བྲལ་གཏོང་བར་ངན་སྐུལ་བྱས་པའི་ཉེས་མིང་འོག་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས་ལོ་གསུམ་གྱི་བཙོན་འཇུག་ཁྲིམས་ཐག་བཅད་ཡོད་འདུག་་་

ཇེ་མང་ཀློགས།

ལྷ་ལྡན་གཙུག་ལག་ཁང་གི་རྒྱབ་ངོས་ཤིག་ཏུ་མེ་སྐྱོན་ཆེན་པོ་བྱུང་བར་བརྟེན་མི་རྣམས་ཀྱིས་གཙུག་ལག་ཁང་གི་བྱིན་ཅན་སྐུ་གསུང་ཐུགས་རྟེན་རྣམས་ལ་གནོད་སྐྱོན་ཐེབས་ཡོད་མེད་ཐད་བསམ་ཁུར་ཆེན་པོ་བྱེད་ཀྱི་འདུག  ་་་

ཇེ་མང་ཀློགས།

བཙན་བྱོལ་བོད་མིའི་ལྟེ་གནས་བཞུགས་སྒར་དྷ་རམ་ས་ལར་བོད་གཞུང་མང་གཉིས་ནས་བོད་རབ་གནས་ས་ཕོ་ཁྱི་ལོའི་ལོ་གསར་ལ་རོལ་བ། དེ་རིང་ནི་བོད་རྒྱལ་ལོ་༢༡༤༥རབ་གནས་ས་ཁྱི་ལོའི་ལོ་གསར་ཚེ་གཅིག་ཉིན་ཡིན་པ་དང་།  ཞོགས་པ་སྔ་པོའི་སྐྱ་རེངས་དང་ལྷན་དུ་རྒྱ་གར་བྱང་ཕྱོགས་བཞུགས་སྒར་ངྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་རྣམ་རྒྱལ་གྲྭ་ཚང་གི་དགེ་འདུན་པ་རྣམ་པ་དང་། བཙན་བྱོལ་བོད་མིའི་སྒྲིག་འཛུགས་ཀྱི་དམངས་གཙོའི་ཀ་བ་གསུམ་གྱི་མཛད་གཙོ་རྣམ་པ། དེ་བཞིན་ལས་ཁུངས་ཁག་གི་འགན་འཛིན་དང་དྲུང་ཆེ་རྣམ་པ། ལས་བྱེད་ཆེ་ཕྲ་དང་སེར་སྐྱ་མི་མང་བཅས་འདུ་འཛོམས་ཐོག ལོ་གསར་གྱི་ཉིན་དང་པོར་ཐེག་ཆེན་གཙུག་ལག་ཁང་གི་ཡང་སྟེང་དུ་ཚེ་བསྟོད་དང་སྨོན་ལམ་གསུང་འདོན་གནང་སོང་། མཆོད་འབུལ་སྨོན་ལམ་གྲུབ་པ་དང་བསྟུན། ༸གོང་ས་མཆོག་སྐུ་ཚེ་ཡུན་རིང་བརྟན་པ་དང་ཐུགས་ཀྱི་བཞེད་དགོངས་མཐའ་དག་དགག་མེད་ལྷུན་གྱིས་འགྲུབ་ཆེད་མནྜལ་རྟེན་གསུམ་འདེགས་འབུལ་དང་བོད་ཀྱི་ཟློས་གར་ཚོགས་པས་འཁྲབ་སྟོན་ཐུང་ངུ་ཞིག་གཟིགས་འབུལ་ཞུས། དེ་ནས་མང་ཚོགས་རྣམས་ཀྱིས་གཙུག་ལག་ཁང་གི་ལྷ་ཁང་ཁག་ཏུ་མཆོད་མཇལ་མགོ་འཛུགས་ཞུས་སོང་། ཁ་སང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ནས་ད་ལོའི་ལོ་གསར་ལ་འཚམས་འདྲི་གནང་བའི་གསུང་འཕྲིན་ནང་།བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་ཆོས་བརྒྱུད་ཆེན་པོ་བཞི་གཡུང་དྲུང་བོན་དང་བཅས་པའི་དབུ་ཁྲིད་བླ་ཆེན་རྣམ་པ། གཞིས་བྱེས་གཉིས་སུ་གནས་པའི་བོད་རིགས་སྤྲུན་ཟླ་རྣམ་པ། རྒྱ་གར་གཞུང་མང་གཉིས་དང་འཛམ་གླིང་ཁྱོན་ཡོངས་སུ་གནས་པའི་དྲང་བདེན་ལ་འགྱུར་བ་མེད་པར་རྒྱབ་སྐྱོར་གནང་མཁན་བོད་ཀྱི་གྲོགས་པོ་བཅས་ལ་བཀའ་ཤག་དང་། སྲིད་སྐྱོང་སྒེར་གྱི་ངོས་ནས་བོད་རྒྱལ་ལོ་ ༢༡༤༥ རབ་གནས་ས་ཁྱི་ལོའི་བོད་ཀྱི་ལོ་གསར་དགའ་སྟོན་ལ་འཚམས་འདྲིའི་བཀྲ་ཤིས་བདེ་ལེགས་ཞུ་རྒྱུ་དང་། ཅེས་གསུངས་འདུག ཡང་ཁོང་གི་གསུང་འཕྲིན་ནང་དུ་བོད་ནང་གི་གནས་ཚུལ་སྐོར་ལ། འདི་ལོར་ཕྱི་ལོ ༢༠༠༨ ནང་བོད་ནང་ས་བྱི་ཞི་རྒོལ་ཆེན་མོ་བྱུང་ནས་ལོ་བཅུ་དང། རྒྱ་ནག་དམར་པོའི་དཔུང་དམག་གིས་བོད་ས་བཙན་བཟུང་བྱས་ནས་ལོ་ ༦༠་་་

ཇེ་མང་ཀློགས།

དུས་རབས་ ༢༠ དང་ ༢༡ པའི་ནང་འཛམ་གླིང་ཡོངས་སུ་སྲིད་སྐྱོང་གི་དུས་ཡུན་རིང་ཐུང་ཅི་རིགས་ཀྱི་བུད་མེད་སྲིད་འཛིན་དང་། སྲིད་བློན་ ༧༣ ཙམ་བྱུང་ཡོད་པ་དང་། དེ་དག་ལས་ཝེ་ཁེ་རིག་མཛོད་ཀྱི་ལོ་རྒྱུས་ཡིག་ཚགས་གཞིར་བཟུང་སུ་ཤུགས་རྐྱེན་ཆེས་ཆེ་ཤོས་ཀྱི་བུད་མེད་བཅུ་བདམས་ཡོད། ༡ ལྕམ་སི་རི་མཱ་ཝོ་བྷན་དྷ་རཱ་ནེག འཛམ་གླིང་གི་སྲིད་བློན་བུད་མེད་ཐོག་མ་ལྕམ་སི་རི་མཱ་ཝོ་བྷན་དྷ་རཱ་ནེག་(Sirimavo Bandaranaike) ནི་ཕྱི་ལོ་ ༡༩༡༦ ལོར་སངྒལའི་(Sri Lanka)དཔོན་རིགས་ཤིག་གི་ཁྱིམ་རྒྱུད་དུ་སྐྱེས་པ་དང་། སངྒ་ལའི་བུད་མེད་མཐོ་སློབ་(St Bridget's Convent་་་

ཇེ་མང་ཀློགས།

མདང་དགོང་དགུ་ཐུག་བཏུང་ནས་གླུད་གཏོར་བརྒྱབས་པར་བརྟེན་དེ་རིང་བོད་མི་མང་པོ་འདུས་སྡོད་བྱས་ཡོད་པའི་ས་གནས་ཁག་གི་ལམ་མདོ་དག་ན་ཟས་དང་སྣོད་སོགས་ཀྱི་ལུད་ཀྱིས་ཁེངས་འདུག ལོ་གསར་ནི་དགའ་སྐྱོ་གྲངས་མེད་ཀྱིས་ཕར་ཕར་བསྐྱལ་བའི་ལོ་རྙིང་ཞིག་གི་མཇུག་བསྡུས་ཤིང་། རེ་བ་དང་སྤྲོ་དགུས་བསུས་བའི་ལོ་གསར་པ་ཞིག་གི་མགོ་ཚུགས་པ་ཡིན་ལ། སྐབས་འདིར་བྱིས་པ་རྣམས་ཀྱིས་ཞིམ་མངར་ལྡན་པའི་ཁ་ཟས་དང་། རྒྱན་གོས་གསར་པ་གྱོན་ཏེ་དགའ་དགའ་སྤྲོ་སྤྲོ་བྱེད་པའི་ཉིན་བཟང་སྔར་ན་མེད་པ་ཞིག་ཡིན་ཡང་། ཕ་མ་ཁྱིམ་བདག་རྣམས་ཀྱིས་དགའ་བའི་ཀློང་ནས་ལོ་གཅིག་རིང་ངལ་བ་ཧུར་དུ་བླངས་བའི་ཡོངས་འབབ་ལས་གང་ཡག་ཡག་དང་གང་རྒྱན་རྒྱན་རྣམས་བྲེལ་བྲེལ་འཚུབ་འཚུབ་ཀྱིས་གཏོང་བའི་ཉིན་མ་འགའ་དང་། ནངས་སྔ་ལངས་དང་ནུབ་ཕྱི་ཉལ་གྱིས་དུས་ཐུང་ནང་ཡོངས་འབབ་འཕོན་ཆེན་གསོག་པའི་དུས་བཟང་ཞིག་ཀྱང་ཡིན་སྟབས། ཁ་རྒྱུན་དུ་ལོ་གསར་མ་རེད་ལས་གསར་རེད་ཟེར་བ་དོན་དུ་སྣང་། གསར་འགོད་པ་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་ནང་ཕྱིན་ཏེ། ལོ་ལྟར་ལོ་གསར་སྐབས་ཁ་ཟས་ཚོང་མཁན་ལུགས་བསམ་གཞིས་གྲོང་དང་པོའི་བཀྲ་ཤིས་ལགས་ལ་ད་ལོར་ཚོང་ག་འདྲ་འདུག་དྲིས་པར་ཁོང་གིས། ལོ་ལྟར་ཚོང་ཡག་པོ་འདུག ལས་ཁུངས་ཁག་དང་དགོན་པ་གྲྭ་ཚང་ཁག་གིས་མང་པོ་ཉོ་གི་འདུག་ལ། སྦེལ་ཀོབ་ལུགས་བདེ་གཉིས་ཀྱི་མི་མང་རྣམས་ནས་ཀྱང་མང་པོ་མངགས་ཡོང་གི་འདུག ཅེས་བརྗོད་བྱུང་ལ། ཁོས་ཉིན་རེར་བོང་བུའི་ཨ་མཆོག་ ༥༠༠ ཙམ་རེ་དང་། ཁ་ཟས་རིགས་འདྲ་མིན་མང་པོ་བཟོ་ཡི་འདུག གཞིས་གྲོང་དང་པོའི་ཚོང་ཁང་ནང་ལུགས་བདེ་གཉིས་ཀྱི་མི་མང་གིས་ལོ་གསར་ཉོ་ཅ་རྒྱག་བཞིན་འདུག་ལ། ལམ་ཟུར་གཡས་གཡོན་དུ་རང་ཉིད་ཀྱི་ཅ་དངོས་ཙག་ཙིག་བཙོང་ནས་འབྲེལ་བ་འཚུབ་འཚུབ་བྱེད་ཀྱི་འདུག་པས།་་་

ཇེ་མང་ཀློགས།

ཕུལ་བྱུང་ཟིན་བྲིས་པ།

Welcome Back!

Login to your account below

Create New Account!

Fill the forms bellow to register

Retrieve your password

Please enter your username or email address to reset your password.

Add New Playlist