བོད་ནང་།

ཁ་སང་བོད་ནང་གི་ལུགས་རྙིང་ལོ་སར་ཚེས་བ་བཞི་ཉིན་བོད་མདོ་སྨད་ཨ་མཆོག་ཀླུ་ཤོད་སྐྱི་ནང་ས་གནས་བོད་མི་ཞིག་གིས། རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག་་་

དེ་རིང་གསར་དུ་ཤེས་རྟོགས་བྱུང་བར་ཟླ་འདིའི་ཕྱི་ཚེས་ ༣ ཉིན་རྔ་པ་ཀིརྟི་དགོན་པའི་གྲྭ་བློ་བཟང་རྣམ་རྒྱལ་ལགས་ཀྱིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག་་་

ལོ་གསར་ཚེས་གཅིག་ཉིན་ལྷ་སའི་གཙུག་ལག་ཁང་དང་ར་མོ་ཆེ་སོགས་སུ་དམག་མི་དང་ཉེན་རྟོག་པས་དམ་དྲག་གིས་མཆོད་མཇལ་བ་ཚོར་འཇིགས་སྣང་སྐུལ་བཞིན་ཡོད་འདུག་་་

ལོ་གསར་ཚེས་གཅིག་ཉིན་ཁྲི་འདུ་རྫོང་ཉ་མཚོ་ཟིལ་དཀར་དགོན་པའི་དགེ་འདུན་པ་ཚོས་བོད་པའི་རྒྱལ་གཅེས་དཔའ་བོ་རྣམས་ལ་བསྔོ་སྨོན་གསུངས་འདུག་་་

མཚོ་སྔོན་རེབ་གོང་ཕྱོགས་སུ་ད་ལོའི་ལོ་གསར་ལ་སྤྲོ་སྐྱིད་མེད་པར་བོད་བསྟན་སྲིད་ཆེད་ཚེ་སྲོག་ཕུལ་བའི་རྒྱལ་གཅེས་དཔའ་བོ་དཔའ་མོ་རྣམ་པར་མྱ་ངན་མཆོད་འབུལ་གནང་ཡོད་འདུག་་་

རྒྱ་ནག་གཞུང་གིས་ཁམས་བྲག་མགོ་རྫོང་གི་བོད་མི་ལྔ་ལ་ལོ་བཅུ་ནས་བཅུ་བཞི་བར་གྱི་དུས་བཀག་བཙོན་འཇུག་གི་ཁྲིམས་ཐག་བཅད་འདུག་་་

ལྷ་ས་ར་མོ་ཆེ་རྒྱུད་སྟོད་གྲྭ་ཚང་གི་ལྷ་ཁང་ཁག་ལ་དཀར་རྩི་དང་། སྒོ་དང་སྒེའུ་ཁུང་སྟེང་ལོ་གསར་གྱི་དར་མཚོན་དང་གཤམ་བུས་བརྒྱན་དགོས་པའི་བཙན་བཀའ་བཏང་འདུག་་་

རྒྱ་གཞུང་གིས་བོད་ནང་གི་དགོན་སྡེ་ཁག་གི་དགེ་བཤེས་སྐོར་ཞིག་བཙན་འཁྲིད་བྱས་རྗེས།  ཉིན་ཉི་ཤུ་མ་ཟིན་ཙམ་གྱི་རིང་ནག་ཆུ་ས་ཁུལ་གྱི་དགོན་པ་དང་གྲོང་སྡེ་ཁག་ཏུ་རྒྱལ་གཅེས་སློབ་གསོ་སྤེལ་བཅུག་འདུག་་་