བོད་ནང་།

རྒྱ་གཞུང་གིས་ལོ་གསར་སྐབས་འདིར་གསེར་རྟ་རྒྱའུ་གདོང་དགོན་པར་ལོ་གསར་འཚོགས་ དགོས་པའི་བཙན་བཀའ་བཏང་སྟབས། གྲྭ་པ་རྣམས་རང་རང་གི་ནང་དུ་ལོག་ཡོད་པ་དང་། དགོན་བདག་མཆོག་བྲོས་བྱོལ་དུ་ཕེབས་ཡོད་ཚུལ་འདུག་་་

དཀར་མཛེས་སུ་བཙུན་མ་ཞིག་གིས་སྐད་འབོད་བྱས་པར་བརྟེན་འཇུས་འདུག་་་

བཙན་བྱོལ་བོད་གཞུང་གིས་རྒྱ་ནག་གཞུང་ལ། ཡོངས་བསྒྲགས་མ་བྱས་པའི་དམག་ཁྲིམས་དེ་ཕྱིར་འཐེན་བྱེད་རོགས་ཞེས་ཕྱི་ཚེས་ ༢༡ ཉིན་འབོད་སྐུལ་ཞུས་ཡོད་པ་རེད།་་་

ལི་ཐང་ལ་དམག་མི་བཞི་སྟོང་ཡོང་ནས་མི་མང་ཚོགས་འདུ་འཚོགས་དགོས་པའི་བཀའ་བཏང་ཡོད་འདུག་་་

རྒྱ་གཞུང་གིས་བོད་ཀྱི་ས་གནས་སྲིད་གཞུང་དང་། ཉེན་རྟོག་པ། སྤྱི་བདེ་མི་སྣ། དམག་མི་བཅས་ཀྱི་མི་སྣ་བསྡུས་ཏེ། བོད་ནང་དུ་ཏཱ་ལའི་རུ་ཚོགས་ལ་རྒྱབ་སྐྱོར་གྱི་རྟགས་ཙམ་མཐོང་ན་ཕམ་པར་རྒྱོབས་ ཞེས་བཀའ་རྒྱ་བཏང་ཡོད་འདུག་་་

རྒྱ་ནག་གིས་ལོ་འདིའི་བོད་ལུགས་ལོ་གསར་ནི་ལོ་ནག་པོ་མ་རེད་དམར་པོ་རེད། ཡིན་ཡང་སྐམ་པོ་རེད་ཟེར།་་་

རྒྱ་ནག་གིས་ད་སྐབས་བོད་ནང་གི་ས་ཁུལ་གཙོ་བོ་བཞི་ལ་དམ་དྲག་བྱེད་ཀྱིན་ཡོད་ལ། དེ་དག་ནི་ལྷ་ས་དང་། བླ་བྲང་། རེབ་གོང་། ལི་ཐང་བཅས་རེད་ཟེར།་་་

དེ་རིང་སྔ་དྲོ་ཁམས་ལི་ཐང་ཁུལ་དུ་བོད་མི་ ༡༥ ཡིས་བོད་རང་བཙན་ཡིན། རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། ད་ལོ་བོད་ལ་ལོ་གསར་མེད་ཅེས་སོགས་ཞི་བའི་སྐད་འབོད་བྱས་སྟབས་རྒྱ་གཞུང་གིས་ འཇུས་འདུག་་་