ངོས་ཀྱིས་འགན་དེ་ཁྱག་གི་མི་འདུག

ང་ཚོས་བོད་ནང་གི་དོན་རྐྱེན་ལ་བརྒྱུད་སྐུལ་བྱས་པ་རེད་ཟེར་བར་གསལ་བཤད་མཐིལ་ཕྱིན་བྱས་ཀྱང༌། ཡིད་ཆེས་བྱེད་ཀྱིན་མི་འདུག ཧ་ལམ་བོད་དོན་དཀའ་ངལ་སེལ་རྒྱུའི་ཚབ་ལ་འགོག་རྐྱེན་བཟོ་བཞིན་ཡོད་པ་ལྟ་བུ་ཆགས་འདུག དེར་བརྟེན། ངས་སྤྱི་ཟླ་ ༩ ཚེས་ ༡༡ ནས་ཐག་གཅོད་དེ་བྱས་པ་ཡིན། ངེད་ཀྱི་ངོས་ནས་འགན་དེ་ཐེག་གིན་མི་འདུག་ལ། འགན་འཁུར་དགོས་པ་ཤིག་ལའང་མཐོང་གི་མི་འདུག དྲང་པོ་དྲང་བཞག་གི་སྐད་ཆ་བཤད་ན། ངས་འགན་འཁྱེར་ཐུབ་གི་རེད། ང་ལ་རྒྱུ་མཚན་བཤད་རྒྱུ་ཡོད། བསམ་པ་རྣམ་དག་ཡིན།

 

 

ཕྱི་ཚེས་ ༢༥ ཉིན་ངྷ་སྟེང་བོད་ཕྲུག་ཁྱིམ་སྡེ་དབུ་བརྙེས་ཏེ་ལོ་ངོ་ ༤༨ འཁོར་བའི་མཛད་སྒོའི་སྟེང༌། སྤྱི་ནོར་༧གོང་ས་མཆོག་གིས་བོད་རྒྱའི་གནད་དོན་སྐོར་དང༌། ལྷག་པར་དུ་འབྱུང་འགྱུར་སྤྱི་ཟླ་ ༡༡ ཚེས་ ༡༧ ནས་ ༢༢ བར་གྱི་བོད་དོན་དམིགས་བསལ་ཚོགས་ཆེན་དང་འབྲེལ་བའི་བཀའ་སློབ་བསྩལ་ཡོད། སྐབས་དེ་ཁོང་གིས་གསུངས་དོན། ང་ཚོ་བཙན་བྱོལ་བ་ཆགས་ཏེ་ལོ་ལྔ་བཅུ་འགྲོ་བཞིན་ཡོད། མི་རིགས་ཤིག་གི་ལོ་རྒྱུས་སུ་བྱས་ན་ཐུང་ཐུང་རེད། མི་རབས་ཤིག་གི་ལོ་རྒྱུས་སུ་བྱས་ན་ཧ་ཅང་རིང་པོ་རེད། མི་ཐོག་བརྗེ་འགྲོ་གི་ཡོད། ང་ཚོ་བཙན་བྱོལ་བ་ཆགས་དོན། མི་ཉུང་ཤས་ཤིག་གི་ལྟོ་གོས་དང་མི་ཚེ་འགྲོ་ལམ་གསར་བ་འཚོལ་ཆེད་མ་རེད། ལོ་རྒྱུས་ཡོད་པའི་བོད་གངས་ཅན་པའི་ལྗོངས་སུ་དུས་ཚོད་གཉན་འཕྲང་ཅིག་ལ་ཐབས་ཤེས་ཡོད་དགུ་བྱས་ཀྱང༌། ལམ་གཞན་མེད་པ་ཆགས་ཏེ་ ༡༩༥༩ ཟླ་ ༣ ཚེས་ ༡༧ གྱི་དགོང་མོ་བྲོས་བྱོལ་དུ་ཡོང་བ་རེད། རྒྱ་གར་རང་དབང་ལུང་པ་ནས་བཙན་བྱོལ་བའི་ལས་འགན་དང་དམིགས་ཡུལ་བཟུང་སྟེ་སྒྲིག་འཛུགས་བཙུགས་པ་རེད། གལ་ཆེ་ཤོས་གཅིག་སློབ་གྲྭ་རེད། སྐབས་དེར་བོད་དོན་རྒྱལ་ཚོགས་ལ་ཞུ་གཏུགས་ཀྱི་འབད་བརྩོན་བྱས་ཀྱང༌། དཔལ་ལྡན་ནའེ་རི་ཡིས་མ་འོངས་པར་བོད་དོན་མུ་མཐུད་གནས་དགོས་ན་སློབ་ཕྲུག་ལ་ཤེས་ཡོན་སྤྲོད་དགོས་ཟེར། དེ་ཧ་ཅང་བདེན་པ་རེད།

ད་ལྟ་བར་དུ་གྲུབ་འབྲས་ཡག་པོ་རེད། བསྟོད་ར་གཏོང་རྒྱུའི་ཡག་ས་དེ་མི་གཞན་ལ་བཤད་དུ་འཇུག་དགོས། སྐྱོན་ཆ་རང་གིས་བཤད་དེ་གོ་བསྡུར་བྱ་དགོས། སྤྱི་ལོ་ ༡༩༦༠ ལོ་ནས་སློབ་གྲྭ་འདི་ཐོག་མར་བཙུགས་པ་རེད། ཐོག་མའི་ལོ་བཅུ་དང་ཉི་ཤུ་དེ་ས་འཛིན་པའི་གོ་རིམ་རེད། འཛིན་རིམ་བཅུ་བ་དང་བཅུ་གཉིས་ཀྱི་ལག་ཁྱེར་ཡོད་ཟེར་བ་ཙམ་གྱིས་མི་ཆོག རིགས་གཅིག་རྐང་འཛིན་འཐོན་དགོས་ཀྱི་འདུག ཅེས་ངས་འབོད་སྐུལ་རིམ་པར་ཞུས་པ་ཡིན། འབོད་སྐུལ་ཞུས་ཏེ་ལོ་སུམ་ཅུ་ཙམ་འགྲོ་བཞིན་ཡོད། དེ་ཡག་པོ་ཞིག་འགྲུབ་ཨེ་ཡོད་བསམ་པ་བྱུང༌། ལས་སྡོམ་ནང་མང་པོ་ཞིག་བྲིས་ཡོད་ཀྱང༌། ལས་རིགས་སྡེ་ཚན་བྱེ་བྲག་པ་ཞིག་གི་ནང་དུ་འབུར་དུ་ཐོན་པ་འདི་ཡིན་ཟེར་བ་ཞིག་སྟོན་རྒྱུ་མི་འདུག དེ་ནི་རྗེས་ལུས་རེད། འཐུས་ཤོར་རེད། དེ་བཞིན་བོད་ནང་དང་རྒྱ་གར་ནང་བསྡུར་ན། བོད་ཡིག་གི་ཚད་གཞི་རྒྱ་གར་ནང་སྐྱོ་བོ་འདུག་ཟེར། དེ་ཡོངས་གྲགས་རེད། དེ་བཞིན་དབྱིན་ཡིག་གི་སྐུར་ཡིག་ཚད་ལྡན་ཞིག་ཀྱང་འབྲི་ཤེས་ཀྱིན་མི་འདུག་ཟེར། བསམ་བློ་ཏན་ཏན་བཏང་ན་མ་གཏོགས་ཐབས་སྐྱོ་བོ་རེད། འདི་ལྟར་བསྡད་ན་ཉི་མ་གཅིག་ལ་འགྱོད་པའི་གནས་སུ་ལྷུང་རྒྱུའི་ཉེན་ཁ་ཏན་ཏན་འདུག དེ་བཞིན་ཤེས་རིག་ལས་ཁུངས་ནས་ཀྱང་འཆར་ཅན་གྱི་ལས་ཀ་ལྟ་བུ་བྱས་བསྡད་ན་ནོར་འཁྲུལ་རེད། བོད་ནང་གི་རྒྱ་ཆེའི་མི་དམངས་ཀྱིས་ང་ཚོར་རེ་བའི་མིག་འབུར་གཏོད་ཀྱིན་འདུག རྒྱ་ནག་གི་བཀག་འགོག་དང་གནོན་ཤུགས་ཡོད་ཀྱང༌། བུ་ཕྲུག་ག་ཚོད་ཅིག་བཏང་སོང༌། ང་ཚོས་འདི་ནས་ཉི་མ་གང་འཁྱོལ་དང་སྐད་ཆ་འདྲ་ཆགས་པོ་བཤད་བསྡད་ན། ལས་རྒྱུ་འབྲས་ལའང་མི་མཐུན།

 

 

རྒྱ་བོད་འབྲེལ་བ་བྱེད་ཕྱོགས་སྐོར་ལ་ཉེ་སྔོན་སྤྱི་ ༩ ཚེས་ ༡༡ བཀའ་སྤྱི་ལྷན་རྒྱས་ལ། ད་ལོ་བོད་ཆོལ་ཁ་གསུམ་ཁྱོན་ཡོངས་ནས་སེམས་ནང་གི་ནད་ཚ་ཕྱིར་བཏོན་པ་རེད། རྒྱ་ནག་གཞུང་གིས་དངོས་ཡོད་གནས་ཚུལ་དེ་ལ་རན་པའི་ཐབས་ཤེས་ཤིག་ཡོང་རྒྱུར་རེ་བ་བརྒྱབས་པ་ཡིན། འོན་ཀྱང་བྱུང་མ་སོང༌། བོད་མིའི་སེམས་ཀྱི་འདོད་དོན་བཏོན་པར་ནག་བསྲུབ་ཀྱིས་ཁ་བྲལ་བ་དང༌། ཆབ་སྲིད་ངོ་ལོག་པ་ཟེར་བའི་མིང་བཏགས་ཏེ་དྲག་གནོན་ཅི་ཆེ་བྱས་སོང༌། བོད་རྒྱ་ཆེའི་མི་དམངས་ཀྱིས་བློས་གཏོང་དེ་ཙམ་བྱས་ཏེ། ཛ་དྲག་དེ་ཙམ་ལ་ཐུག་སྐབས། ང་ཚོས་ཤེས་མ་སོང་མདོག་མདོག་བྱས་ན་འགྲིག་གི་མི་འདུག ད་ལྟའི་བར་ང་ཚོས་གཉིས་ཕན་ལ་ཐབས་ཤེས་བྱས་པ་རེད། དེ་ལ་རྒྱ་གར་གཞུང་མཚོན་པའི་རྒྱལ་ཁབ་མང་པོས་རྒྱབ་སྐྱོར་བྱས་ཡོད། རྒྱ་རིགས་ཤེས་ཡོན་པའི་ནང་རྒྱབ་སྐྱོར་མང་དུ་འགྲོ་བཞིན་ཡོད། དེ་ཚོ་རྒྱལ་ཁ་རེད། ང་ཚོའི་ལས་འགན་དང་དམིགས་ཡུལ་བོད་ནང་བཟང་ཕྱོགས་ཀྱི་འགྱུར་བ་འགྲོ་རྒྱུ་དེ་ཡིན་ཡང༌། དེ་མ་འགྲུབ་པ་རེད། ངས་ཐོག་མ་ཡུ་རོབ་གྲོས་ཚོགས་ནས་གཏམ་བཤད་བྱས་སྐབས། མཐའ་མའི་ཐག་གཅོད་མི་དམངས་ཀྱིས་བྱ་དགོས་པ་རེད་ཅེས་བཀོད་ཡོད། བོད་སྤྱི་བའི་དོན་དག་དེ་བོད་མི་དམངས་ཀྱིས་ཐག་གཅོད་བྱ་དགོས། ང་ཚོ་ཐོག་མཐའ་བར་གསུམ་དུ་ཁ་ཞེ་གཉིས་མེད་ཀྱིས་དམངས་གཙོའི་ལམ་དུ་འགྲོ་བཞིན་ཡོད། ཁ་ནས་དམངས་གཙོ་ཟེར་བཞིན་ལག་ལེན་གཅིག་སྡུད་འོག་འགྲོ་བ་རྩ་བ་ནས་མེད། དེར་བརྟེན། ང་ཚོ་གང་ཞིག་ཏུ་འགག་འདུག མི་དམངས་ལ་བསམ་ཚུལ་གང་འདྲ་འདུག་དེ་ལ་བསམ་བློ་གཏོང་དགོས། གོ་བསྡུར་བྱ་དགོས།

ང་ཚོས་བོད་ནང་གི་དོན་རྐྱེན་ལ་བརྒྱུད་སྐུལ་བྱས་པ་རེད་ཟེར་བར་གསལ་བཤད་མཐིལ་ཕྱིན་བྱས་ཀྱང༌། ཡིད་ཆེས་བྱེད་ཀྱིན་མི་འདུག ཧ་ལམ་བོད་དོན་དཀའ་ངལ་སེལ་རྒྱུའི་ཚབ་ལ་འགོག་རྐྱེན་བཟོ་བཞིན་ཡོད་པ་ལྟ་བུ་ཆགས་འདུག དེར་བརྟེན། ངས་སྤྱི་ཟླ་ ༩ ཚེས་ ༡༡ ནས་ཐག་གཅོད་དེ་བྱས་པ་ཡིན། ངེད་ཀྱི་ངོས་ནས་འགན་དེ་ཐེག་གིན་མི་འདུག་ལ། འགན་འཁུར་དགོས་པ་ཤིག་ལའང་མཐོང་གི་མི་འདུག དྲང་པོ་དྲང་བཞག་གི་སྐད་ཆ་བཤད་ན། ངས་འགན་འཁྱེར་ཐུབ་གི་རེད། ང་ལ་རྒྱུ་མཚན་བཤད་རྒྱུ་ཡོད། བསམ་པ་རྣམ་དག་ཡིན།

ད་རེབ་ཚོགས་ཆེན་སྟེང་ནས་ལམ་སང་ཐག་གཅོད་ཐུབ་པ་ཡོང་གི་མ་རེད་སྙམ། མི་དམངས་ཚང་མས་ཁུར་བླངས་ཏེ་ཁ་ཡོད་ལག་ཡོད་དང་ཕྱར་བ་གྲི་འདེགས་ཀྱིས་ཐག་གཅོད་དགོས་པ་རེད།

མཐའ་དོན། ང་ཚོ་ཛ་དྲག་གཉན་འཕྲང་ཞེ་དྲག་ཅིག་ཏུ་སླེབས་ཡོད་པ་རེད། ཚང་མས་སྙིང་ལ་རུས་པ་བཅུག་སྟེ་འཐབ་རྩོད་བྱ་དགོས། ང་ཚོར་བདེན་དོན་ཡོད་སྟབས། འཚེ་བ་མེད་པའི་ལམ་ལ་བརྟེན་ཏེ་འགྲོ་རྒྱུའི་སྤོབས་པ་དང་སྙིང་སྟོབས་ཡོད། འཚེ་བ་མེད་པའི་ལམ་ལ་བརྟེན་ཏེ། བདེན་པ་བདེན་ཐོག་ལ་འཁྱོལ་རྒྱུར་ཤེས་བྱ་ཡོན་ཏན་དགོས། ཤེས་ཡོན་དེ་ཡང་བྱམས་པ་དང་སྙིང་རྗེ། སྟོང་ཉིད་ཀྱི་ལྟ་བ་གཅིག་པུས་མི་ཕན། རྒྱལ་རབས་ལོ་རྒྱུས་དང་ཆབ་སྲིད་འགྱུར་འགྲོས། དེང་དུས་ཀྱི་ཤེས་ཡོན་ཆ་ཚང་བ་ཞིག་དགོས། ཞེས་གསུངས་བྱུང༌།

བསྐྱར་བཅོས།: ༢༠༡༧/༠༢/༡༦

Leave a Reply

32 thoughts on “ངོས་ཀྱིས་འགན་དེ་ཁྱག་གི་མི་འདུག

  1. གཞིས་ལུས་བོད་པ།

    གང་ལྟར་ཡང་བོད་མི་ཚོས་མ་འོངས་པའི་ཆེད་དུ་གྲ་སྒྲིག་བྱེད་དགོས་པ་གནད་ཆེན་པོ་རེད་སྙམ།

  2. AAAAOOOOOOOOOOOOOOOOOOOOOOOOOOOOOOOYYYYYYY!

    listen

    བོད་ཡིག་བརྒྱབ་སྟངས་བསླབ་དགོས་འདུག།
    I copy and edit this letter.

    So, web site need to tell us how to use tibetan font in this box.

  3. བོད། ཤ་ཁྲག་རུས་གསུམ།

    དྲ་གྲོགས་མ་གད་སྙིགས་ཁྲོད་ཀྱི་ནོར་བུ་ལགས། འདི་ནས་ངས་ཁྱེད་ཀྱི་ཟིན་བྲིས་ཚང་མ་ཀློག་མ་ཐུབ་མོད། ཡིན་ཡང་། གོང་གི་ཟིན་བྲིས་ཐུང་ཐུང་འདི་ཀློག་ཐུབ་སོང་། ཐུགས་རྗེ་ཆེ། ཁྱེད་ཀྱིས་ཉོན་རྨོངས་དུག་གསུམ་གྱི་དབང་བསྒྱུར་ཟིན་པའི་ང་རང་ལྟ་བུ་ལ་ཁ་ཡ་མ་བྱས་པ་དེ་ནི། ང་རྒྱལ་དང་ཞེ་སྡང་ཕྲག་དོག་དང་བྲལ་བས་ནོར་བཙུན་ལ་ཁྱེད་ཀྱིས་བྱས་རྗེས་རེད། རྗེས་སུ་ང་རང་གི་ཁོར་ཡུག་གང་རུང་དུ་ཡོང་ན་གཟབ་གཟབ་བྱོས་མ་གཏོགས། ང་ནི་སོ་སྐྱེས་ཕལ་པ་ཞིག་ཡིན།