སྔར་ལོ་ནས་བཟུང༌། རྒྱ་ནག་གིས་བོད་ཀྱི་གཞོན་ནུ་ལྷན་ཚོགས་འཇིགས་སྐུལ་རིང་ལུགས་པ་རེད་ཅེས་གཞི་མེད་སྐྱོན་འཛུགས་བྱས་དང་བྱེད་བཞིན་པ་དེ་དག་ལ་ང་ཚོས་དོན་དངོས་ཅི་ཡིན་ལན་འདེབས་བྱས་ཏེ་འཛམ་གླིང་གིས་མཁྱེན་རྟོགས་ཡོང་བ་བཟོ་གི་ཡིན་ཟེར།
ཕྱི་ཚེས་ ༦ ཉིན་གྱི་ཞོགས་པའི་ཆུ་ཚོད་ ༡༠ བའི་སྟེང༌། བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་དུ་དབུས་གཞོན་ནུ་ལྷན་ཚོགས་ཀྱི་ཚོགས་གཞོན་དོན་འགྲུབ་རྡོ་རྗེ་ལགས་ཀྱིས་གསར་འགོད་གསལ་བསྒྲགས་ཤིག་སྤེལ་དོན། ༢༠༠༨ ལོའི་སྤྱི་ཟླ་གསུམ་པའི་ཚེས་ ༡༠ ནས་བཟུང་བོད་ས་ཡོངས་སུ་བོད་མི་ཚོས་རང་འགུལ་གྱིས་འདས་བའི་ལོ་ལྔ་བཅུའི་ནང་བྱུང་མ་མྱོང་བའི་གཞི་རྒྱ་ཆེ་བའི་ལས་འགུལ་སྤེལ་བ་དང༌། རྒྱལ་སྤྱིའི་ནང་བོད་དོན་ཁྱབ་བསྒྲགས་ཤུགས་ཆེར་ཕྱིན་ཡོད་པ་སོགས་ཀྱིས་རྒྱ་ནག་གཞུང་ལ་སྔར་མེད་ཀྱི་གནོན་ཤུགས་ཆེན་པོ་ཞིག་སྤྲད་ཡོད་པ་དང༌། རྒྱ་ནག་གིས། བོད་ཀྱི་གཞོན་ནུ་ལྷན་ཚོགས་དབུ་བརྙེས་པ་ནས་ང་ཚོའི་སྒྲིག་འཛུགས་མེད་པར་བཟོ་དགོས་པའི་སྐོེར་གླེང་བསྡད་ཡོད་པ་དང་ན་ཟུག་ཆེན་པོ་ཞིག་སྐྱེས་བསྡད་ཡོད་པ་བཞིན། སྤྱི་ལོ་ ༢༠༠༡ ལོར་ཨ་རིའི་ནང་འཇིགས་སྐུལ་རིང་ལུགས་པའི་དོན་རྐྱེན་བྱུང་བ་ནས་བཟུང༌། རྒྱ་ནག་གིས་ཨ་རི་གཞུང་ལ་ངོ་རྒོལ་གྱི་རྣམ་པ་སྟོན་མ་ཐུབ་པར་རྒྱབ་སྐྱོར་བྱས་པ་དང༌། རྒྱལ་སྤྱིའི་ནང་འབྲེལ་བ་ཤུགས་ཆེ་རུ་གཏོང་གི་ཡོད་པ་རེད། ཤར་ཏུར་ཀི་སི་ཐན་ནང་དུ་བོད་ཀྱི་གཞོན་ནུའི་ཡན་ལག་ཡོད་པར་བརྟེན་རྒྱལ་སྤྱིའི་ནང་དུ་བོད་ཀྱི་གཞོན་ནུ་ལྷན་ཚོགས་ཏེ་འཇིགས་སྐུལ་རིང་ལུགས་པའི་སྒྲིག་འཛུགས་ཤིག་ཏུ་ངོས་འཛིན་ཡོང་ཐབས་ལ་ནུས་པ་ཆེན་པོ་བཏོན་ཡོད་པ་དང༌། ལྷག་པར་དུ་ད་ལོ་ནས་བཟུང་རྒྱ་ནག་གཞུང་གིས་དམིགས་བསལ་གྱིས་གསོ་སྐྱོང་བྱས་ཡོད་པའི་ཉམས་ཞིབ་པ་དང༌། མཁས་དབང༌། དེ་མིན་གཞུང་ཚབ་སོགས་བརྒྱུད་ནས་རྒྱལ་སྤྱིའི་ནང་བདེན་པ་མིན་པའི་གནས་ཚུལ་དྲིལ་བསྒྲགས་ཤུགས་ཆེར་བྱས་ཡོད་པ་དང༌། མངོན་གསལ་དོད་པོའི་སྒོ་ནས་གཞོན་ནུ་ལྷན་ཚོགས་ལ་འཇིགས་སྐུལ་རིང་ལུགས་པའི་ཚོགས་པ་སོགས་གཞི་མེད་སྐྱོན་འཛུགས་དང༌། ཁུངས་མེད་མིང་ཆད་འདྲ་མིན་ཞིག་འདོགས་ཀྱིན་ཡོད་པ་མ་ཟད། བོད་ནང་གི་བོད་མིའི་སྒེར་ལངས་བྱས་པ་དེ་ཕྱི་ནས་གོ་སྒྲིག་བྱས་པ་ཞིག་དང༌། ༧གོང་ས་མཆོག་དང༌། བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ཁག་ལ་རྒྱ་ནག་ཞིན་ཧྭ་གསར་ཁང་དང༌། རྒྱ་གཞུང་གི་བརྙན་འཕྲིན། དྲ་ལམ་ཁག་སོགས་སུ་ཁུངས་སྐྱེལ་ར་སྤྲོད་གང་ཡང་མེད་པའི་ཐོག་དྲིལ་བསྒྲགས་ཤུགས་ཆེན་བྱས་ཡོད་པ་རེད། གནས་ཚུལ་འདིའི་ཐད་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་སྤྱི་ལོ་ ༢༠༠༨ ལོའི་སྤྱི་ཟླ་ ༤ བའི་ནང་རྒྱ་ནག་གཞུང་ལ་ལན་འདེབས་ཀྱིས། གསར་འགོད་གསལ་བསྒྲགས་ཐེངས་གསུམ་ལྷག་སྤེལ་བ་ཡིན། དེ་ལྟ་ནའང༌། རྒྱ་ནག་གིས། ལོ་འདིའི་བཙོན་འཇུག་ཁྲིམས་ཆད་ཁྲོད་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ཡིན་པ་སོགས་ཀྱི་ཉེས་མིང་འོག་ཁྲིམས་ཆད་བཏང་ཡོད་པ་སོགས་ང་ཚོས་གསལ་བོར་ཤེས་ཡོད། དེ་བས། ང་ཚོ་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་རྒྱ་ནག་གཞུང་གིས་མིང་ཆད་ངན་པ་བཏགས་པ་དང༌། ཁུངས་མེད་ཀྱི་གཏམ་སྣ་ཚོགས་སྨྲ་བ་སོགས་ཀྱི་ཐད་ང་ཚོ་སྐབས་བཅུ་གསུམ་པའི་རྒྱུན་ལས་ངོས་ནས་རྒྱ་ནག་གཞུང་ལ་བརྡ་ལན་གྱི་ཚུལ་ཏུ་དབྱིན་ཇིའི་ལམ་ནས་དེབ་ཆུང་ རྒྱ་ནག་ལ་ལན་འདེབས་ཅེས་པ་འདི་པར་སྐྲུན་འགྲེམས་སྤེལ་བྱེད་ཀྱིན་ཡོད་ལ། དེབ་འདིའི་ནང་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་དང༌། རྒྱལ་ཁབ་བཅུ་གཉིས་ནང་ཡོད་པའི་ཚོགས་མི་ཁྲི་གསུམ་ལྷག་གི་དམིགས་ཡུལ་དང་ལངས་ཕྱོགས། དེ་མིན་བོད་ཀྱི་གཞོན་ནུ་ལྷན་ཚོགས་ལ་བོད་པའི་སྤྱི་ཚོགས་ཁྲོད་གནས་བབ་དང་ནུས་པ་གང་འདྲ་ཡོད་མིན་སོགས་བཀོད་དེ་ཕྱི་རྒྱལ་ཡུལ་གྲུ་ཁག་གི་གཞུང་ཚབ། དེ་མིན་ཕྱིའི་རྒྱལ་ཁབ་ཁག་གི་ཉམས་ཞིབ་པ་དང་མཁས་པ། ཚོགས་པ་འདྲ་མིན་ནང་འགྲེམས་སྤེལ་བྱས་ཏེ་བོད་ཀྱི་གཞོན་ནུ་ལྷན་ཚོགས་ཀྱི་དམིགས་ཡུལ་དང་ལངས་ཕྱོགས་སོགས་གང་འདྲ་ཡིན་མིན་གསལ་བོར་རྟོགས་པ་ཞིག་བཟོ་གི་ཡིན། ཅེས་བརྗོད་སོང༌།
སྟག་སྨྱོན་ལགས།
ང་ནི་གི་སྒྲར་རང་བཙན་སྤྲོད་མི་རུང་ཞེས་ཤོད་མཁན་དེ་ཡིན་ལ།
ཁྱེད་ཀྱང་དེའི་ཐད་རྒྱབ་སྐྱོར་གནང་མཁན་ཞིག་ཡིན་སྙམ།
ཁྱེད་ཀྱིས་དུས་བབ་ཀྱི་གསར་འགོད་པ་དོན་གྲུབ་བཀྲ་ཤིས་ལགས་ཀྱིས་གི་སྒྲའི་རང་བཙན་སླར་གསོ་གནང་བ་དེར་ཡི་རངས་བསྔགས་བརྗོད་ཞུ་བཞིན་ཡོད་དམ།
ཡང་ན་དེ་ལ་རིགས་པས་ཐེར་འདོན་གནང་གིན་ཡོད་མེད་ལ་ལན་གསལ་ཞིག་གནང་རོགས།
ང་གཉིས་དུས་བབ་ཀྱི་ཟིན་བྲིས་ནང་ནས་ཕན་ཚུན་འཕྲད་མྱོང་བའི་དྲ་གྲོགས་ཤིག་ཡིན་ཅིང་།
ང་ནི་གི་སྒྲའི་བཙན་འཛུལ་སླེབས་འདུག་ཅེས་པའི་ཆེད་རྩོམ་འབྲི་མཁན་དེ་ཡིན།
ང་ཚོས་ད་བར་ཕྱིན་ཟིན་པའི་རྐང་ལམ་གྱི་སྟེང་དུ་སྒྲ་སྦྱོར་ལྟར་བེད་སྤྱོད་གནང་སྟབས་རྙོག་མ་གཏིང་སློང་བྱས་མེད་ལ།
ལོ་རབས་དྲུག་ཅུ་དང་བདུན་ཅུའི་ནང་ལ་རྒྱ་ནག་གཞུང་གི་བཀའ་བཀོད་ཡིན་ནམ་གང་ལྟར་གི་སྒྲར་རང་བཙན་ལོ་ཤས་ཐོབ་ཡོད་ཚོད་དུ་འདུག་ཀྱང་།
ཕྱིས་སུ་བོད་ནང་གི་མཁས་པ་ནང་ཕན་ཚུན་བགྲོ་གླེང་དང་བསམ་ཚུལ་བཤད་རེས་གནང་སྟེ་གི་སྒྲའི་རང་བཙན་ཤོར་འདུག
འདས་ལོ་སྟེ་ཉིས་སྟོང་བརྒྱད་ནང་བོད་ནང་གུད་ཆག་ཚབས་ཆེན་བྱུང་ཡོད་ཀྱང་།
བོད་ཀྱི་སྐད་ཡིག་གི་བརྡ་སྤྲོད་རིག་པའི་ངོས་ནས་བཤད་ན།
བྱ་བ་རླབས་ཆེན་ཞིག་བསྒྲུབས་ཡོད་པ་རེད།
དེ་ནི་གི་སྒྲའི་རང་བཙན་སླར་གསོ་གནང་བ་དེ་རེད།
དོན་དམ་དུ་གི་སྒྲར་རང་བཙན་ཐོབ་བམ།
ངའི་ལྟ་ཚུལ་ལྟར་ན་བོད་གཞིས་བྱེས་གཉིས་སུ་འཁོད་པའི་ཤེས་ཡོན་ཅན་ཚོས་ནམ་ཞིག་བཀས་བཅད་ཀྱི་ཆིངས་ཡིག་མ་བཞག་བར་དུ་གི་སྒྲར་རང་བཙན་འཐོབ་ཀྱི་མ་རེད་བསམས།
སྟག་སྨྱོན་ལགས་ཨེ་རེད།
བོད་ཀྱི་དུས་བབ་ནི་བོད་མི་མང་གི་ཡིན་ལ།
བོད་ཀྱི་དུས་བབ་ནི་བོད་མི་མང་གི་ཆོས་དང་རིག་གཞུང་སོགས་ལ་ཞབས་འདེབས་ཞུ་མཁན་ཞིག་ཡིན་པ་ནི་ང་ཚོས་མཐོང་བཞིན་ཡོད་ལ།
དུས་བབ་རང་ཉིད་ཀྱི་དམ་བཅའ་ཡང་ཡིན་ངེས།
སྔར་ལོ་བོད་ནང་གི་ངོ་རྒོལ་དེ་ཞི་བ་ཡིན་མིན་རྩོད་འོས་པ་ལས་དེ་ཚོ་དྲག་སྤྱོད་པ་ཡིན་ཤག་དང་། རང་ཉིད་དེ་ལ་འབྲེལ་བ་མེད་ལུགས་བརྗོད་་པ་དང་དག་འབུལ་བྱས་ན་ཡག་པོ་མ་རེད། བོད་ནང་གི་བོད་མི་ཚོ་ཁེར་རྐྱང་དུ་ཕུད་ན་དེ་བས་ཀྱང་སྡུག་མོ་རེད།
ལ་དོན་དང་འབྲེལ་བའི་དཔེ། དེ་རིང་ཆུ་ཚོད་བདུན་པ་ལ་ཡར་ལ་ལངས་ནས་ཁ་ལ་ཟ་ཞོར་ལ་དུས་བབ་གི་དྲ་རྒྱ་ལ་སྟོས་པ་ཡིན། དེའི་རྗེས་ལ་ཁ་བརྡ་གི་ནང་ལ་ལ་གསར་བ་ག་རེ་བྲིས་འབྲི་གི་འདུག་ལྟ་ལ་སོང་ལ། དེ་ནའང་བེ་རི་མིང་མཐོང་བ་དང་ག་རེ་བྲིས་ཡོད་མེད་ལ་ལྟ་མ་དགོས་ལ་ཤེས་ཐུབ་གི་འདུག་ལ་ཀློག་འདོད་ཀྱང་མི་འདུག་ལ་དུས་ཚོད་ལ་སྟ་དུས་ལས་ཀ་ལ་འགྲོ་རན་འདུག འབྲི་སྟངས་འདི་འདྲ་བྱས་ནས་ག་དུས་གསར་བསྟོད་བྱེད་གི་ཡིན་ལགས་དུས་བབ་ཚང་གི་རྩོམ་འགོད་པ་ཚོ།
“བོད་ཀྱི་གཞོན་ནུ་མ་རེད།” “བོད་གི་གཞོན་ནུ་”ཟེར་དགོས། དཔེར་ན། བོད་གི་གཞོན་ནུ་ལྷན་ཚོགས་གི་ཚོགས་གཙོ་གིས་གསུང་གི་ཡོད་པ་བདེན་པ་རེད། ལྟ་བུའོ། དུས་བབ་གི་གསར་འགོད་པ་གིས་རང་གི་གསར་གཏོད་བྱས་པ་གི་བརྡ་སྤྲོད་གསར་མ་བརྩི་སྲུང་བྱེད་གི་མི་འདུག