འཛིན་རིམ་བཅུ་བའི་རྒྱུགས་འབྲས།

རྒྱ་གར་རྒྱལ་ཡོངས་ཀྱི་འཛིན་རིམ་བཅུ་པའི་ཡིག་རྒྱུགས་ཆེན་མོ་ ༢༠༠༩ ལོའི་ཕྱི་ཟླ་ ༣ ནང་བཏང་ཡོད་པ་དང༌། ཕྱི་ཟླ་ ༥ ཚེས་ ༢༦ དང་ཚེས་ ༢༩ སོ་སོར་ཡིག་རྒྱུགས་ཀྱི་གྲུབ་འབྲས་དེ་ཡོངས་ཁྱབ་ཏུ་གསལ་བསྒྲགས་བསྐྱངས་ཡོད། ༢༠༠༩ ལོའི་རྒྱ་གར་རྒྱལ་ཡོངས་ཀྱི་འཛིན་རིམ་བཅུ་པའི་ཡིག་རྒྱུགས་ཆེན་མོའི་ནང་བོད་པའི་སློབ་གྲྭ་ཁག ༢༧  གྱི་འཛིན་རིམ་བཅུ་པའི་སློབ་མ་གྲངས་ ༡༦༧༢ འཛུལ་ཞུགས་གནང་ཡོད་པའི་ཁོངས་ནས་སློབ་ཕྲུག་གྲངས་ ༡༤༥༣ ཙམ་གྱིས་ཡིག་རྒྱུགས་འཕྲོད་ཡོད་པ་དང༌། བསྐྱར་དུ་ཡིག་རྒྱུགས་གཏོང་དགོས་པའི་སློབ་མ་གྲངས་ ༢༡༧ དང༌། ཡིག་རྒྱུགས་མ་འཕྲོད་པའི་སློབ་མ་གྲངས་ ༢ བྱུང་ཡོད་འདུག འདི་ལོའི་ཡིག་རྒྱུགས་འཕྲོད་པའི་བརྒྱ་ཆ་ ༨༦་༩ ལ་སླེབས་ཡོད་སྟབས། སྔར་ལོ་ལས་བརྒྱ་ཆ་ ༡་༢ མཐོ་བ་བྱུང་ཡོད། གོང་གི་གྲངས་ཐོ་དེའི་ནང་ནས་སློབ་ཕྲུག་བུའི་ཡིག་རྒྱུགས་འཕྲོད་ཚད་བརྒྱ་ཆ་ ༨༥་༧༥ དང༌། སློབ་ཕྲུག་བུ་མོའི་ཡིག་རྒྱུགས་འཕྲོད་ཚད་བརྒྱ་ཆ་ ༨༧་༤༦ ཙམ་ཟིན་སྟབས། ད་ལོ་སློབ་ཕྲུག་བུ་ལས་བུ་མོ་ཅུང་ལེགས་པ་བྱུང་ཡོད།

 

རྒྱ་གར་རྒྱལ་ཡོངས་འཛིན་རིམ་བཅུ་བའི་ཡིག་རྒྱུགས་ཆེན་མོར་ཞུགས་མཁན་བོད་མིའི་སློབ་གྲྭ་ཁག་ ༢༧ ཡོད་པ་ལས། སྦེལ་ཀོབ་བདེ་སྐྱིད་སླར་གསོའི་ཉིན་སློབ་དང༌། སེ་ལ་ཁུལ་བོད་ཁྱིམ། མོན་གྷོ་གཏན་སློབ། ཨོ་རི་ས་ཉིན་སློབ་བཅས་ནི་ཡིག་རྒྱུགས་འཕྲོད་ཚད་བརྒྱ་ཆ་བརྒྱའི་གྲུབ་འབྲས་ཐོབ་ཡོད། འདི་ལོ་བོད་པའི་སློབ་གྲྭ་ཁག་ཡོངས་ཀྱི་སློབ་ཕྲུག་ཚོའི་ནང་ནས་ཧར་པ་སྤུར་གྱི་སློབ་མ་རུ་ཆི་ཁ་བྷཌེ་ (Ruchika Bhatt )  ལ་ཡིག་རྒྱུགས་ཀྱི་གྲུབ་འབྲས་བརྒྱ་ཆ་ ༩༣ ལ་སོན་པས་ཨང་དང་པོ་དང༌། ཨི་ཏཱ་ཨག་གྷར་ཝལ་ (Ekta Aggarwal ) ལ་ཡིག་རྒྱུགས་གྲུབ་འབྲས་བརྒྱ་ཆ་ ༩༠་༦ ལ་སོན་པས་ཨང་གཉིས་པ་དང༌། སེ་ལ་ཁུལ་བོད་ཁྱིམ་སློབ་གྲྭའི་སློབ་མ་བསྟན་འཛིན་རྒྱལ་ཆོས་ལ་བརྒྱ་ཆ་ ༨༨་༤ སོན་ཡོད་པས་བོད་ཕྲུག་ཁོངས་ནས་ཨང་རིམ་དང་པོ་ཡིན་འདུག

 

བོད་ཁྱིམ་ཅོན་ཏ་ར་སློབ་གྲྭའི་འཛིན་རིམ་བཅུ་པ་འདི་ལོ་རྒྱ་གར་རྒྱལ་ཡོངས་ཀྱི་ཡིག་རྒྱུགས་ཆེན་མོའི་ནང་ཐེངས་དང་པོར་འཛུལ་ཞུགས་བྱས་པ་ཡིན་འདུག་ལ། རྒྱ་གར་རྒྱལ་ཡོངས་ཀྱི་འཛིན་རིམ་བཅུ་པའི་ཡིག་རྒྱུགས་ཆེན་མོའི་ནང་ཁྱོན་བསྡོམས་སློབ་མ་གྲངས་ ༨༡༥༤༠༠ འཛུལ་ཞུགས་བྱས་པའི་ཁོངས་ནས་ཡིག་རྒྱུགས་འཕྲོད་པའི་བརྒྱ་ཆ་ ༩༠་༠༧ ཙམ་ལ་སླེབས་ཡོད་པའི་གནས་ཚུལ་ཐོན་ཡོད།

 

ལོ་འདིའི་འཛིན་རིམ་བཅུ་བའི་ཡིག་རྒྱུགས་དེ་ ༢༠༠༢ ལོ་ནས་བཟུང་གྲུབ་འབྲས་ཆེས་ལེགས་པའི་ཡིག་རྒྱུགས་དེ་ཆགས་ཡོད་པ་དང། ལོ་སྔོན་མའི་བརྒྱ་ཆ་ ༨༥༌༧ ལས་འཕར་ཏེ་བརྒྱ་ཆ་ ༨༦༌༩ ཟིན་ཡོད། སློབ་གྲྭ་ཁག་ ༢༧ ཙམ་གྱི་ཁྲོད་ཡིག་རྒྱུགས་བརྒྱ་ཆ་བརྒྱ་འཕྲོད་ཟིན་པའི་སློབ་གྲྭ་ཁག་བཞི་ཡོད་པ་ནི་སྤེལ་ཀོབ་བདེ་སྐྱིད་གླིང་ cvp གཏན་སློབ་དང་སེ་ལ་ཀོལ་བོད་ཁྱིམ། མོན་གྷོ་གཏན་སློབ། ཨོ་རི་ས་གཏན་སློབ་བཅས་རེད། 

 

སྤེལ་ཀོབ་གཏན་སློབ་ཀྱི་སློབ་མ་བསྟན་འཛིན་རྒྱལ་ཆོས་ཀྱིས་བརྒྱ་ཆ་ ༨༨༌༤ བླངས་ཏེ་ཨང་དང་པོ་དང༌། གྷོལ་པ་པུར་སློབ་མ་ཀུན་བཟང་རྒྱ་མཚོས་བརྒྱ་ཆ་ ༨༧༌༨ བླངས་ཏེ་ཨང་གཉིས་པ། སེ་ལ་ཀོབ་གཏན་སློབ་ཀྱི་རིག་འཛིན་རྡོ་རྗེས་བརྒྱ་ཆ་ ༨༧༌༨ བླངས་ཏེ་ཨང་གཉིས་པ། ཀོ་ལི་གྷལ་གཏན་སློབ་ཀྱི་ཚེ་རིང་ལྷ་མོས་བརྒྱ་ཆ་ ༨༧༌༦ བླངས་ཏེ་ཨང་གསུམ་པ་བཅས་ཡིན། འཛིན་རིམ་བཅུ་བའི་ཡིག་རྒྱུགས་ཁྲོད་སློབ་ཕྲུག་བུ་ ༧༧༩ ཡོད་པའི་ཁྲོད་ ༦༨༨ ཡིས་ཡིག་རྒྱུགས་འཕྲོད་ཡོད་པ་དང༌། ཆ་སྙོམས་སྐར་གྲངས་ ༨༥༌༧༥ ཡིན། བུ་མོ་ ༨༦༡ འཛུལ་ཞུགས་བྱས་པའི་ཁྲོད་ ༧༥༣ གྱིས་ཡིག་རྒྱུགས་འཕྲོད་ཡོད་ལ། ཆ་སྙོམས་སྐར་གྲངས་ ༨༧་༤༦་གྲུབ་འབྲས་བླངས་ཏེ། ལོ་འདིའི་རྒྱལ་ཡོངས་འཛིན་རིམ་བཅུ་བའི་སྤྱིའི་ཡིག་རྒྱུགས་འཕྲོད་ཚད་ནི་བརྒྱ་ཆ་ ༩༠་༠༧ ཡིན་ལ། བོད་སློབ་འཛིན་རིམ་བཅུ་བའི་སྤྱིའི་ཡིག་རྒྱུགས་འཕྲོད་ཚད་ནི་བརྒྱ་ཆ་ནི་ ༨༦་༩ ཟིན་ཡོད་པ་རེད།

 

བསྐྱར་བཅོས།: ༢༠༡༤/༠༣/༢༦

Leave a Reply

2 thoughts on “འཛིན་རིམ་བཅུ་བའི་རྒྱུགས་འབྲས།

  1. ༄༅།།ཏཱ་ལའི་བླ་མ་ངོ་མ་ཤེས་པའི་བོད།

    འཛམ་གླིང་ཤར་ནུབ་ཀྱི་རྒྱལ་ཁབ་གཞན་དང་མི་རིགས་གཞན་གྱི་ཆེས་མཐོ་བའི་རྒྱལ་ཁབ་ཀྱི་སྲིད་
    འཛིན་དང་སྲིད་བློན། གཞུང་འཛིན་གྲོས་ཚོགས་ཁག་གི་ཚོགས་གཙོ་དང་དྲུང་ཆེ། གཞུང་འབྲེལ་
    མ་ཡིན་པའི་སྲིད་དོན་དང་། སྲིད་དོན་མ་ཡིན་པའི་ཚོགས་པ་ཁག དེ་བཞིན་ཆོས་ལུགས་འདྲ་མིན་
    གྱི་དབུ་ཁྲིད་དང་བླ་ཆེན་ཁག ཚན་རིག་པ་དང་ཁྲིམས་ལུགས་པ་མཁས་ཅན། ཤེས་ཡོན་ཅན་དང་
    བསམ་བློ་བ། ལོ་རྒྱུས་སྨྲ་བ་གྲགས་ཅན་དང་མང་གཙོ་དོན་གཉེར་བ། ཀུན་ཕན་འཇིག་རྟེན་གྱི་
    བྱ་གཞག་སྒྲུབ་མཁན་སོགས་འཛམ་གླིང་འདིའི་སྟེང་དུ་མིང་གྲགས་ཡོད་པའི་གནད་ཡོད་མི་སྣ་དག་གི་གཙོས་གཞི་རིམ་མི་མང་དང་བཅས་པས་བོད་ཀྱི་དབུ་ཁྲིད་༧གོང་ས་ཏཱ་ལའི་བླ་མ་མཆོག་ལ་ཆེས་
    གུས་བཀུར་དང་གདེང་འཇོག བསྟོད་བསྔགས་སོགས་ཞུ་བཞིན་པ་འདིའི་རྒྱབ་ལྗོངས་ནི། དུས་རབས་འདི་དག་གི་ནང་དུ། ༧གོང་ས་མཆོག་གི་འཛམ་གླིང་སྤྱི་ཡོངས་ལ་འཕྲལ་ཕུག་གཉིས་ཀར
    ཕན་རླབས་ཆེ་བའི་དགོངས་གཞི་དང་མཛད་འཕྲིན། དོན་སྙིང་ཧ་ཅང་ཟབ་ཅིང་མཐའ་གཅིག་ཏུ་
    ཕན་པའི་རང་བཞིན་ཅན་གྱི་ལམ་སྟོན་བཀའ་སློབ་སོགས་ལ་ཆ་དང་ཟུར་ཐམས་ཅད་ནས་ངོས་འཛིན་
    དང་ལྟ་ཚུལ་མ་ནོར་བར་བྱེད་ཐུབ་ཅིང་། དེ་དག་གི་རིན་ཐང་ཡོངས་སུ་རྟོགས་པའི་སྒོ་ནས་༧གོང་ས་
    མཆོག་གི་མི་གཞི་དང་། རྣམ་དཔྱོད་ཀྱི་བྲོ་བ་ཇི་བཞིན་མྱོང་བའི་དབང་གིས་ཡིན་ལ། དེ་དག་རྒྱུ་མཚན་དུ་བྱས་ནས་བརྩི་བཀུར་དང་། གདེང་འཇོག་བྱས་པ་དེ་ནི་༧གོང་ས་མཆོག་
    ངོ་ཤེས་པའམ་ངོས་ཟུན་པ་ངོ་མ་དེ་ཡིན་ཀྱང་། ཆེས་བློ་ཕམ་པ་ཞིག་ལ་རང་ཅག་བོད་པ་
    ཚང་གི་ནི་སྐྱ་སེར་གཉིས་ཀའི་སྤྱི་ཚོགས་ཀྱི་ནང་དུ། རླབས་ཆེ་བའི་དགོངས་གཞི་དང་། མཛད་འཕྲིན་ལམ་སྟོན་ཁག་ངོས་ཟིན་རྒྱུ་དང་དེ་དག་གི་རིན་ཐང་ཤེས་རྒྱུ་ལྟ་བཞག དེ་དག་ཅི་ཞིག་ཡིན་པ་དང་ཅི་ཞིག་གསུངས་ཀྱི་ཡོད་པའི་དོ་སྣང་ཙམ་ཡང་མེད་ལ། འགའ་ཞིག་ལ་དོ་སྣང་ཕྲན་ཙམ་རེ་ཡོད་ཀྱང་རིན་ཐང་ནམ་ཡང་སྤྲོད་མི་ཤེས། འོན་ཀྱང་སྐྱ་སེར་གཉིས་ཀའི་དོ་སྣང་ཕྲན་བུ་དང་རྣ་ཅོག་གཏད་ཙམ་རེ་བྱེད་པ་ནི། ༧གོང་ས་མཆོག་གི་གསུང་ཆོས་དང་བཀའ་སློབ་ཀྱི་སྐབས་སུ་དོལ་རྒྱལ་བསྟེན་གསོལ་མི་རུང་
    བའི་བཀའ་སློབ་རེ་གནང་ན་གྲྭ་བཙུན་ཚོས་རྣ་ཅོག་གཏད་ཙམ་རེ་བྱེད་ལ། དེ་མིན་གྲྭ་བཙུན་ཚོ་ལ་བཀའ་བཀྱོན་ཕྲན་བུ་རེ་གནང་ན་སྐྱ་བོ་ཚོས་ཅི་ཞིག་གོ་བ་ལྟར་རྣ་ཅོག་གཏད་
    ཙམ་དང་དད་པ་ཆེ་མདོགས་རེ་བྱེད། དེ་ལས་གཞན་གསུང་ཆོས་དང་བཀའ་སློབ་སོགས་
    གང་གི་སྐབས་སུ་ཡང་ཟབ་ཅིང་རྒྱ་ཆེ་བའི་ཆོས་ཀྱི་ནང་དོན་དང་། འཛམ་གླིང་སྤྱི་ཁྱབ་ལ་ཕན་པའི་
    བཀའ་སློབ་ལམ་སྟོན་སོགས་ཅི་ཙམ་གསུངས་ཀྱང་ག་རེ་གསུངས་ཀྱི་ཡོད་པའི་ཇུས་ཏོག་ཙམ་ཡང་
    མེད་པར་གཉིད་ཁུག་པ་དང་། སྐད་ཆ་བཤད་པ། ཡང་ན་ཟ་མ་ཟ། མང་ཆེ་བས་ནི་དོ་སྣང་ཅི་ཡང་
    མ་བྱས་ཀྱང་བྱིན་རླབས་སམ་དབང་། ཡང་ན་ལུང་རྒྱུན་དང་ཁྲིད་ཙམ་ཞིག་ཐོབ་པའི་གྲངས་གསོག་
    རྒྱུ་དང་གཞན་ལ་ངོམས་རྒྱུ་ཙམ་བྱུང་ན་དེས་ཆོག་པའི་བསམ་ཚུལ་དང་ལྟ་ཚུལ་ཡོད་མཁན་ནི་ཅི་བས་མང་།
    ད་དུང་དེ་བས་ག་ལ་ཚད་དེ་སྐྱ་སེར་གཉིས་ཀའི་ནང་དུ་ཆེན་པོར་རློམས་མཁན་དག་གིས་ཀྱང་། མངོན་སུམ་དུ་མཐོང་ཐོས་ཡོད་པའི་མཛད་འཕྲིན་དང་། དགོངས་གཞི་བཀའ་སློབ་དག་ལ་གདེང་
    འཇོག་དང་དོ་སྣང་ཅི་ཡང་སྤྲོད་མི་ཤེས་པར་རང་ཉིད་ལ་ཆེས་ལྐོག་ཏུ་གྱུར་པའི་གཞན་གྱི་རྒྱུད་ཚོད་ལ་སྦར་ཟིན་བྱས་ཏེ་གནས་ལུགས་དང་རྒྱུ་མཚན་ཅི་ཡང་བགྲང་དུ་མེད་པར་༧གོང་ས་མཆོག་ནི་སྤྱན་རས་གཟིགས་སྐུ་མངོན་སུམ་དང་། སྐུ་ཤ་རློན་པ་རེད་སོགས་ཟེར་ཏེ་མིག་ཟིམ་ཟིམ་དང་། ཐལ་མོ་སྦྱོར་ཁུལ་རེ་བྱས་ནས་སངས་རྒྱས་བྱང་སེམས་ཀྱི་སྤྲུལ་པ་ཞིག་མིན་ན་གཞན་ཅི་ལ་ཡང་རིན་ཐང་སྤྲོད་མི་ཤེས་པའི་རང་རྟགས་ཕྱིར་ངོམས། དེས་ན་རྒྱུ་མཚན་འདི་དག་ལ་ཡང་ཡང་བསམ་ན་གོང་ས་མཆོག་དགུང་གྲངས་བདུན་ཅུ་ལས་བརྒལ་
    ཀྱང་རང་རེ་བོད་པས་ད་དུང་༧གོང་ས་མཆོག་ངོ་ཤེས་མེད་པ་དང་ངོས་ཟུན་མེད་ལ། ༧གོང་ས་མཆོག་གི་བྲོ་བ་མྱོང་ཐུབ་མེད་ཅིང་རིན་ཐང་སྤྲོད་སྟངས་ཤེས་མེད་པ་འདི་ནི་ཅི་འདྲའི་བློ་
    ཕམ་པ་དང་། ཡི་ཐང་ཆད་དགོས་པ་ཞིག་མ་ཡིན་ནམ། གྲོགས་པོ་ལགས།།