བོད་ཀྱི་དུས་བབ་སྤྱིའི་འདོན་ཐེངས་ ༡༥༤ པའི་སྟེང་གི་རྩོམ་སྒྲིག་པའི་གཏམ།
གྲངས་ཉུང་མི་རིགས་ཀྱི་དཀའ་རྙོག་ཐད་ནས། རྒྱ་ནག་གཞུང་ལ་ན་ནིང་ལས་ལྷག་པའི་གདེང་ཚོད་ཅིག་ད་ལོར་འདུག རྒྱ་མི་རིགས་ཀྱིས་གྲངས་ཉུང་མི་རིགས་ལ་འཛིན་པའི་སྡང་ཟིག་དང་ཤ་འཁོན་རིགས་ཤིག་ཀྱང་གཞུང་གི་དྲིལ་བསྒྲགས་དང་མཉམ་དུ་ངར་ངར་རྫིག་རྫིག་གིས་ཡོང་གིན་འདུག
ཉིན་ཤས་གོང་ཞིན་ཅང་གི་ཟིང་འཁྲུག་བྱུང་རྗེས་རྒྱ་ནག་གིས་རྒྱལ་སྤྱིའི་གསར་འགོད་པ་རྣམས་ཡུལ་དེར་གནས་ཚུལ་འགོད་པར་བཏང་ཡོད་ལ། དོན་དག་ཅི་བྱུང་ནི་དངོས་ཡོད་གནས་ཚུལ་གྱིས་ཁ་གྲག་ཡོང་གི་རེད་ཟེར། རྒྱ་ནག་གཞུང་ལ་ད་སྐབས་ཁེ་བཟང་ཞིག་ཡོད་པ་ནི། གྲངས་ཉུང་མི་རིགས་འདི་དག་གི་དཀའ་རྙོག་དེ་ཐད་ཀར་དབུས་གཞུང་དང་ས་གནས་གཞུང་ལ་ཞུ་ས་མེད་སྟབས། ཟིང་ཆའི་མགོ་ལངས་མ་ཐག་ཐད་ཀར་རྒྱ་ནག་ཧན་མི་རིགས་དང་མཉམ་དུ་ལག་འཛིང་ཤོར་འགྲོ་གི་ཡོད་པ་འདི་ཡིན། དེ་བས་རྒྱ་ནག་གིས་རྒྱ་རིགས་ཆེན་པོའི་རྒྱབ་རྩ་བཟུང་སྟེ། གྲངས་ཉུང་མི་རིགས་ཁག་ལ་རྒྱལ་ཁབ་ཀྱི་སྲིད་བྱུས་ཀྱིས་བཙན་གནོན་བྱས་པའི་ཁར། རྒྱ་མི་རིགས་ཀྱི་བཙན་གནོན་དེའང་རང་བཞིན་གྱིས་འཁྱེར་ཡོད་ལ། ལྷག་པར་དུ། དཀའ་རྙོག་དེ་དག་སེལ་སྐབས་རྒྱ་ནག་གཞུང་གི་སྲིད་བྱུས་ཀྱི་རྒྱབ་རྩ་ལ་རྒྱ་མི་རིགས་ཁྲིད་ཡོང་རྒྱུ་དེ་ཡིན།
ལོ་སྔོན་མར་བོད་ནང་ཞི་རྒོལ་བྱུང་སྐབས་ཀྱང་རྒྱ་ནག་གིས་ཐབས་ལམ་འདི་སྤྱད་ཡོད་ལ། དེ་བས་ཞི་རྒོལ་གྱི་རྗེས་ནས་བཟུང་བོད་རྒྱ་མི་རིགས་གཉིས་ཀྱི་བར་མངོན་སུམ་གྱི་འགལ་བ་ཞིག་བསླེབས་ཡོད། ཕྱི་ཚེས་ ༥ ཉིན་གྱི་ཞིན་ཅང་གི་ཟིང་འཁྲུག་ཀྱང་། དུས་ཐོག་ཏུ་སྟངས་འཛིན་མ་བྱས་པར་བརྟེན་མཐར་མི་རིགས་གཉིས་ཀྱི་བར་ཚབས་ཆེའི་བསད་རྨས་ཀྱི་རྐྱེན་ངན་འདི་བྱུང་ཡོད། དེའི་ཁར་ཕྱི་ཚེས་ ༦ ནས་བཟུང་རྒྱ་ནག་ཧན་མི་རིགས་ཀྱིས་ལག་ལ་མཚོན་ཆ་བཟུང་སྟེ་ཡུ་གུར་བ་ཚོ་གང་སར་བཙལ་ནས་ཤ་འཁོན་ལེན་ཐབས་བྱས་ཡོད།
རྒྱ་གཞུང་གིས་ཐེངས་འདིའི་ཉེས་དོན་ལ་འབྲེལ་བ་ཡོད་མཁན་རྣམས་ལ་སྲོག་ཁྲིམས་གཅོད་ཀྱི་ཡིན་ཟེར། དོན་དངོས་ཐོག་ཕྱི་ཚེས་ ༥ ཉིན་གྱི་ཟིང་ཆ་འདི་ནི་ཟླ་སྔོན་མའི་ནང་བཀང་ཏོན་ནས་ཡུ་གུར་བ་གཉིས་བསད་པའི་རྒྱུ་རྐྱེན་ལ་བརྟེན་ནས་བྱུང་ཡོད། མི་གཉིས་ཀྱི་ཚེ་སྲོག་གིས་མི་ ༡༥༦ གི་ཚེ་སྲོག་འཕྲོག་པ་རེད། ད་ཆ་རྒྱ་གཞུང་གིས་ཉུང་མཐར་ཡང་ཁ་ཉིན་བསད་པའི་མི་ ༡༥༦ དེ་དག་གི་ཚེ་སྲོག་ལ་འགན་ཡོད་མཁན་མི་ ༡༥༦ གསོད་དགོས་ཀྱི་ཡོད། བརྒྱ་སྐོར་ནས་སྟོང་སྐོར་ཞིག་བཙོན་ལ་འཇུག་དགོས། རྒྱ་ནག་གི་སྲིད་བྱུས་འདིས་རྒྱ་མི་དང་ཡུ་གུར་མི་རིགས་བར་མུ་མཐུད་ནས་ཞེ་སྡང་གི་དུག་རྩ་འདེབས་ཀྱིན་ཡོད།
རྒྱ་ནག་གིས་བོད་དང་ཡུ་གུར་མི་རིགས་གཉིས་གཙོས་པའི་གྲངས་ཉུང་མི་རིགས་རྣམས་ལ་འཛིན་པའི་སྲིད་བྱུས་འདི་མུ་མཐུད་ཕྱིན་ཚེ་ཧུའུ་ཡི་འཆམ་མཐུན་སྤྱི་ཚོགས་དེ་དོན་དངོས་ཐོག་ཤ་འཁོན་དང་ཟིང་འཁྲུག་གི་སྤྱི་ཚོགས་ཤིག་ཏུ་འགྱུར་ངེས་ལ། ནམ་ཉིན་ཞིག་མིའི་རིགས་ཀྱི་བློ་ཡིད་ལ་མི་ཤོང་པའི་དམར་གསོད་ཆེན་པོ་ཞིག་རྒྱ་ནང་དུ་མི་ཡོང་བའི་ངེས་པ་མི་འདུག
ཅི་བཤད་བཤད་ཀི་མཐའ་མ་གྱོང་རེག་མཁན་ནི་མེ་མདའ་མེད་མཁན་དེ་རེད་ཡ།ཤུ་རེ་ཁོ།
རྩོམ་སྒྲིག་པ་ལགས། གོང་དུ་སྤེལ་བ་ལྟར། རྒྱ་ནག་གཞུང་ཕྱོགས་ནས་གྲངས་ཉུང་མི་རིགས་ཀྱི་སྲིད་བྱུས་འཛིན་ཕྱོགས་ཐད་རྒྱ་ནག་གཞུང་གི་འབྲེལ་ཡོད་དབང་འཛིན་པ་ཚོས་སྲིད་བྱུས་མཁྲེགས་བཟུང་ཅན་དང་ནོར་འཁྲུལ་ཅན་གྱི་ལམ་དུ་ཕྱིན་ཡོད་པར་རྒྱ་ནག་གཞུང་ནས་སྔ་ལོའི་ཟླ་ ༤ པའི་ནང་ནས་ངོས་འཛིན་གསལ་པོ་ཐུབ་ཡོད། སྔ་་ལོར་ང་རང་ཚོའི་རྒྱལ་ས་ལྷ་སས་གཙོས་པའི་བོད་ས་ཁྱོན་ཡོངས་སུ་ཞི་བའི་གྱེན་ལངས་ཤུགས་ཆེ་བྱས་རྗེས་རྒྱ་ནག་གཞུང་གི་སྲིད་་བྱུས་འཛིན་ཕྱོགས་ཐད་རྒྱུན་གཏན་ནས་ནོར་འཁྲུལ་དང་ཕྱོགས་ལྷུང་གི་གནད་དོན་ཡོད་པར་བརྟེན་སྔ་་ལོ་རྒྱ་ནག་གི་ས་ཁུལ་མང་པོར་བོད་རིགས་སློབ་ཕྲུག་དང་ཚོང་པ་སོགས་ལ་མི་རིགས་དབྱེ་འབྱེད་ཀྱིས་མཐོང་ཆུང་དང་་ཁྱད་གསོད་བྱེད་པའི་རྣམ་པ་གསལ་པོ་བྱུང་ཡོད་པ་མ་ཟད། ལྷག་པར་དུ་གནམ་ཐང་དང་གླ་ཆེད་རླངས་འཁོར་བཏང་མཁན་སོགས་ནས་ཀྱང་བོད་མིར་སྡང་ཟུག་བྱས་པའི་ཧན་མི་རིགས་ཀྱི་མི་གཤིས་ངན་པ་བཏོན་ཏེ་གྲངས་ཉུང་མི་རིགས་དང་ལྷག་པར་ང་ཚོ་བོད་མིར་མཐོང་་ཆུང་དང་ཁྱད་གསོད་ཚད་ལས་འདས་པ་བྱུང་ཡོད་སྟབས། རྒྱ་ནག་གཞུང་ཕྱོགས་ནས་སྔ་ལོའི་ཟླ་ ༤ པའི་ཟླ་མཇུག་ཏུ་ཀྲུང་དབྱང་གི་ཡིག་ཆ་ཨང་ ༣༣ ཞེས་པ་དང་། དེ་དང་གཅིག་མཚུངས་བོད་རང་སྐྱོང་ལྗོངས་ཀྱི་ཡིག་ཆ་ཨང་ ༥༠ ཞེས་པ། དེ་བཞིན་ཤིན་ཅང་སོགས་རྒྱ་ནག་གི་ཞིང་ཆེན་གཞན་པའི་ནང་དུའང་ཡིག་ཆ་དེ་་ཚོར་སློབ་སྦྱོར་བྱ་བཅུག་ཡོད།ྲ ཡིག་ཆ་དེ་ཚོའི་ནང་དོན་གཙོ་བོ་ནི་་མི་རིགས་སྲིད་བྱུས་ལག་བསྟར་བྱེད་ཕྱོགས་ཐད་ནོར་འཁྲུལ་བྱུང་ཡོད་པའི་གནད་དོན་བཀོད་ཡོད་པ་མ་ཟད། ལྷག་པར་སྔ་ལོའི་ལྷ་སར་བྱུང་བའི་ཟླ་ ༣ པའི་དོན་རྐྱེན་རྗེས་གནམ་ཐང་དང་འགྲུལ་ཁང་སོགས་ནས་བོད་མིར་དབྱེ་འབྱེད་བྱེད་པའི་བྱ་ཐབས་ལག་བསྟར་བྱས་པའི་གནས་ཚུལ་བཀོད་ཡོད་པས་ང་ཚོས་ཡིག་ཆ་དེ་ཚོ་ངེས་པར་ཞིབ་འཇུག་དང་སློབ་སྦྱོང་བྱས་ཚེ་མི་རིགས་དབྱེ་འབྱེད་བྱས་ཏེ་ཧན་མི་རིགས་ནས་བོད་རིགས་གཙོས་པའི་མི་རིགས་གཞན་ལ་མཐོང་ཆུང་དང་ཁྱད་གསོད་འདྲ་མིན་བྱ་གི་ཡོད་པ་ཧ་ཅང་གསལ་པོ་རྟོགས་ཐུབ་ཀྱི་རེད་སྙམ།།
དེ་ནི་རྒྱ་ནག་གི་དབང་འཛིན་པ་ཚོའི་སྲིད་བྱས་རེད། ཁོ་ཚོས་ཤེས་པ་ནི་དེ་རང་རེད་ལ་འཇོན་པའང་དེ་རེད། འོན་ཀྱང་དོན་དངོས་ཐོག་དེ་ནི་རང་སྲོག་གཅོད་པས་རྣོ་གྲིའི་ཁ་རང་ཉིད་ལ་སྐོར་གྱིན་ཡོད་པ་ཚོར་མེད་ལ། གནས་སྐབས་མ་གཏོག་ཕུག་རྒྱང་ལ་ཁོ་ཚོས་བསམ་བློ་གཏོང་དེ་བས་ཀྱང་གཏོང་མི་ཤེས། ཡང་ཅིག་བཤད་ན་རྒྱ་ནག་གིས་ཁོ་ཚོ་ནི་གྲངས་ཉུང་མི་རིགས་དུ་མས་གྲུབ་པས་མེས་རྒྱལ་ཞིག་ཡིན་ཞེས་ཤོད་གྱིན་ཡོད་པ་རེད་གལ་སྲིད་ཁོ་ཚོས་མི་རིགས་དང་མི་རིགས་དབར་འགལ་ཟླ་བཟོས་ནས་སྤྱི་ཚོགས་ནང་དཀྲུག་ཤིང་འཕངས་ན། མི་རིགས་ཁ་བྲལ་དང་སྤྱི་ཚོགས་གཏོར་བཤིག་ལས་མེས་རྒྱལ་ཞེས་པ་ནི་ཁ་གཏད་ཙམ་མོ།
ད་དུང་དོན་དངོས་ཐོག་དེ་ནི་རང་ཉིད་ཀྱིས་རང་གི་ལག་ནང་དུ་དུག་ཚེར་བླུགས་ནསཁ་ལག་ཡན་ལག་འཐོར་ཞིག་དུ་གཏོང་བཞིན་པ་དེ་རེད། རྙིང་རེ་རྗེ་་་་་་ ཀླད་མེད་རྒྱ་སྤྲང་དེ་ཚོ་་་
གནད་དོན་འདི་ལ་ལྟ་སྟངས་མི་འདྲ་བ་མང་པོ་ཡོད་ཀྱི་རེད། ལྟ་སྟངས་གཅིག་ནི་ཉིན་ཤས་གོང་ཞིན་ཅང་དུ་སྡོད་མཁན་བུ་མོ་ཞིག་གིས་ཡི་གེ་ཞིག་བྲིས་པའི་ནང་བསྟན་པ་ལྟར་རེད། ཁོ་མོ་ནི་རྒྱ་མི་དང་ཡུ་གུར་གཉིས་ཀྱི་གང་ཡང་མིན་པར་མི་རིགས་གཞན་པ་ཞིག་རེད། ཁོ་མོས་བཤད་དོན་ཡུ་གུར་གྱི་དོན་རྐྱེན་འདི་ནི་མི་རིགས་བར་གྱི་འགལ་བ་ལ་བརྟེན་ནས་བྱུང་བ་མ་རེད། འདི་ནི་རང་དབང་དང་དམངས་གཙོ་མེད་པའི་རྐྱེན་གྱིས་རེད་ཟེར། ཞིན་ཅང་དུ་ཡུ་གུར་བ་ཕུད་ད་དུང་གྲངས་ཉུང་མི་རིགས་ ༤༠ ལྷག་ཅིག་ཡོད། འདི་དག་ཐམས་དང་རང་དབང་དང་འདྲ་མཉམ་མིན་པའི་གནས་ཚུལ་རྒྱུན་དུ་འབྱུང་གི་ཡོད་ཟེར།