དེ་རིང་ཉིན་རྒྱབ་སྐུ་སྒེར་ཡིག་ཚང་གི་དྲུང་ཆེ་འཆི་མེད་རིག་འཛིན་མཆོག་གི་མིང་ཐོག་ནས་བོད་རྒྱ་འབྲེལ་མོལ་ཐེངས་དགུ་བ་གནང་འཆར་ཡོད་པའི་སྐོར་ལ་གསར་འགོད་གསལ་བསྒྲགས་ཤིག་སྤེལ་བའི་ནང་བཀོད་དོན། ྋགོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་དང་སྐལ་བཟང་རྒྱལ་མཚན་རྣམ་གཉིས་རྒྱ་ནག་གཞུང་གི་སྐུ་ཚབ་དང་ལྷན་དུ་འབྲེལ་མོལ་སླད་སང་ཉིན་རྒྱ་ནག་ལ་འབྱོར་གྱི་ཡོད་ཅིང༌། འདི་ནི་འབྲེལ་མོལ་ཐེངས་དགུ་པ་དེ་ཆགས་ཀྱི་ཡོད་པ་དང་སྦྲགས། ཕྱི་ལོ་ ༢༠༠༢ ལོར་མགོ་བཙུགས་པའི་བོད་རྒྱ་འབྲེལ་མོལ་གྱི་བརྒྱུད་རིམ་ནང་ཟླ་བ་བཅོ་ལྔ་བར་སྟོང་ལུས་པའི་རྗེས་སྐུ་ཚབ་རྣམས་རྒྱ་ནག་ལ་ཕེབས་ཐོན་གནང་ཡོད།
སྐུ་ཚབ་རྣམས་དང་ལྷན་དུ་ཁོང་རྣམ་པའི་ལས་རོགས་རྒན་གྲས་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་བསྟན་འཛིན་ཕུན་ཚོགས་ཨ་ཏི་ཤ་དང༌། བུ་ཆུང་ཚེ་རིང༌། བཀའ་ཡིག་བོད་རྒྱ་ཞི་མོལ་སྡེ་ཚན་གྱི་ལས་བྱེད་འཇིགས་མེད་པ་སངས་བཅས་ཕེབས་ཡོད། བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་གིས་གཙོ་སྐྱོང་གནང་བའི་བོད་རྒྱ་ཞི་མོལ་སྐོར་ཉིན་གཉིས་རིང་གི་ཚོགས་འདུ་ཞིག་ངྷ་རམ་ས་ལར་བསྐྱངས་ཏེ། པེ་ཅིན་དུ་གོ་བསྡུར་བྱ་དགོས་རིགས་ཐུགས་གཏན་འཁེལ་ཡོད་པ་རེད། ཕྱི་ལོ་ ༢༠༡༠ ཟླ་ ༡ ཚེས་ ༢༢ ཉིན་བཀའ་བློན་ཁྲི་པ་མཆོག་དང་སྐུ་ཚབ་རྣམ་པ་གཉིས་བཅས་ནས་ྋགོང་ས་མཆོག་ལ་གནད་དོན་དེའི་སྐོར་སྙན་སྒྲོན་ཞུས་པ་དང་ཆབས་ཅིག་བཀའ་སློབ་ལམ་སྟོན་ཡང་ཞུས་ཡོད་པ་རེད། སྐུ་ཚབ་རྣམས་ཟླ་བ་རྗེས་མའི་མགོ་སྟོད་ཙམ་ལ་རྒྱ་གར་དུ་ཕྱིར་ལོག་གནང་གི་ཡོད། ཅེས་བཀོད་འདུག
གྲུབས་འབྲས་མེད་པའི་ཞི་མོལ། སེམས་ལ་དགའ་ཚོར་མེད་པའི་ཞི་མོལ། ཅི་ཡིན་འདི་ཡིན་མེད་པའི་ཞི་མོལ། ཞི་མོལ་འདི་གསུམ་མི་འབྱུང་སྨོན་ལམ།
གསར་འགོད་པ་དོན་འགྲུབ་བཀྲ་ཤིས་ཀྱིས་བོད་རྒྱ་འབྲེལ་མོལ་ཐེངས་དགུ་བར་བཏོན་པའི་ལྟ་ཚུལ་ཚིག་གསུམ་མ།
དོན་འགྲུབ་བཀྲ་ཤིས།
༢༠༡༠/༠༡/༢༥ ཉིན་འདོན་སྤེལ་བྱས། ༼ མཇལ་འཕྲད་གནང་དུས། ༽ ཀྲུང་དབྱང་གི་བོད་ལྗོངས་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་བ་ཚོགས་ཏེ། སྲིད་འཛིན་ཧུའུ་ཅིན་ཐའོ་ཡིས་གསུང་བཤད་གལ་ཆེན་གནང་གྲུབ་མ་ཐག
༼ མཇལ་འཕྲད་གནང་ཡུལ། ༽ གྲངས་ཉུང་མི་རིགས་ཁག་ལ་མིག་དཔེར་སྟོན་འོས་པའི་རྒྱ་ནག་གི་ཆེས་སྔོན་ཐོན་གྲོང་ཁྱེར་ཆེ་གྲས་ཧུ་ནན་ཞིང་ཆེན་གྱི་ཡིད་དུ་འོང་བའི་མཛེས་ལྗོངས།
༼ མཇལ་འཕྲད་གནང་དོན། ༽ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆའི་རྩ་འགྲེལ་འཇའ་སཱ་གསེར་བྲིས་འཁྱུག་ཡག་མ་སྙན་སྒྲོན་ཞུ་རྒྱུ། ཧེ་ཧེ་ཧེ་་་་་་་་་་་་་་་་་་་་་་་
༄༅། བོད་རྒྱ་འབྲེལ་མོལ་ཐེངས་དགུ་པའི་སླད་རང་རེའི་སྐུ་ཚབས་རྣམས་རྒྱ་ནག་ལ་ཕེབས་ཐོན་ཟིན་པར་དགའ་སྤྲོ་དང་འབྲེལ་མོལ་གྱི་དོན་འབྲས་ཡག་པོ་ཡོང་བའི་སྨོན་ལམ་ཞུ་གི་ཡིན།།
ཐེངས་མང་པོ་སོང་ནི་རེད། རང་འཇགས་ཤིག་ལས་ཨེ་ཡོད་ད་་་་་་རྒྱ་ནག་ལ་ཁ་གཡར་ས་མ་རེག་པར་བསྡད་ཡོད་པ་རེད། ང་ཚོས་ཞི་མོལ་བྱེད་ཀྱི་ཡོད་ཅེས་ཁ་ཙམ་ལས་དོན་ཐག་ཡོན་ནི་མ་རེད་ཡ་་་་་་་དེ་ལས་ལས་འགུལ་རེ་སྤེལ་ཐབས་གནང་ན་ཡག་པོ་མེད་འགྲོ