རྒྱལ་མཚན་ནོར་བུའི་གོ་གནས་གསར་པ།

ཟླ་འདིའི་ཕྱི་ཚེས་ ༡ ནས་ ༣ བར་རྒྱ་ནག་པེ་ཅིན་གྲོང་ཁྱེར་གྱི་མཛའ་བརྩེའི་ཚོམས་ཁང་དུ་༼ ཀྲུང་གོའི་ནང་བསྟན་མཐུན་ཚོགས་ཀྱི་རྒྱལ་ཡོངས་འཐུས་མིའི་ཚོགས་ཆེན་ཐེངས་བརྒྱད་པ ༽ཟེར་བ་དེ་ཚོགས་ཡོད་པ་དང་། ཚོགས་ཐོག་དེར་རྒྱ་གཞུང་གིས་བཙལ་བའི་པཎ་ཆེན་སྐུ་ཕྲེང་བཅུ་གཅིག་པ་རྒྱལ་མཚན་ནོར་བུ་ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པར་བསྐོ་བཞག་བྱས་ཡོད་ཅིང་། དེ་ནི་པཎ་ཆེན་རྒྱལ་མཚན་ནོར་བུས་སྤྱི་ཚོགས་སྟེང་གི་གོ་མིང་ཡོད་པའི་ལས་འགན་བཞེས་པ་ཐེངས་དང་པོ་ཆགས་ཡོད་འདུག

 

ཚོགས་ཐོག་དེར་ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་འཇམ་དབྱངས་བློ་བཟང་འཇིགས་མེད་ཐུབ་བསྟན་ཆོས་ཀྱི་ཉི་མ་དང་། རྒྱ་གཞུང་གིས་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ། ཀྲུང་དབྱང་འཐབ་ཕྱོགས་གཅིག་གྱུར་ཁང་གི་བློན་ཆེན་གཞོན་པ་ཀྲུའུ་ཝེ་ཆོན། རྒྱལ་ཡོངས་སྲིད་གྲོས་ཀྱི་གཙོ་འཛིན་གཞོན་པ་ལྷག་པ་ཕུན་ཚོགས་སོགས་ཀྲུང་གོའི་ནང་བསྟན་ལས་རིགས་ཀྱི་རྒྱའི་སྐད་ཡིག་སྡེ་ཁག་དང་བོད་ཀྱི་སྐད་ཡིག་སྡེ་ཁག དེ་བཞིན་པ་ལིའི་སྐད་ཡིག་སྡེ་ཁག་བཅས་རྒྱ་ནག་གི་ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར་ ༣༡ ནས་ཕེབས་པའི་སྐུ་ཚབ་ ༦༠༠ ལྷག་མཉམ་ཞུགས་གནང་ཡོད་འདུག

 

དེ་རིང་སྔ་དྲོར་ཚོགས་འདུའི་ཉིན་མཐའ་མའི་མཇུག་བསྡུའི་མཛད་སྒོའི་སྟེང་། པཎ་ཆེན་རྒྱལ་མཚན་ནོར་བུས་བོད་བརྒྱུད་ནང་བསྟན་ལས་རིགས་ཀྱི་སྐུ་ཚབ་ཀྱི་མིང་ཐོག་ནས་བོད་རྒྱ་སྐད་ཡིག་གཉིས་ཐོག མ་འོངས་པར་ཁོང་གིས་བོད་བརྒྱུད་ནང་བསྟན་དང་སྤྱི་ཚོགས་རིང་ལུགས་ཀྱི་ལམ་སྲོལ་གཉིས་གཞི་མཐུན་དང་། ཕན་ཚུན་འཆམ་མཐུན་མཉམ་གནས་ཀྱི་རམ་འདེགས་ཡོང་ཐབས་ལ་འབད་བརྩོན་བྱ་རྒྱུ་ཡིན་པ་དང་། ཆོས་དད་རང་དབང་ནི་ཏང་ཀྲུང་དབྱང་གི་ཐོག་མཐའ་བར་གསུམ་དུ་འགྱུར་བ་མེད་པའི་སྲིད་བྱུས་ཤིག་ཡིན་སྟབས། ངེས་པར་དུ་སྲིད་བྱུས་ཡང་དག་པའི་ལམ་སྟོན་དུ་གྱུར་པའི་རྨང་གཞིའི་འོག དགོན་སྡེའི་དོ་དམ་གྱི་ལས་དོན་འཐུས་ཚང་དུ་གཏོང་དགོས་པ་དང་། དམངས་གཙོའི་དོ་དམ་དང་ལམ་ལུགས་འཛུགས་སྐྲུན། རིག་དངོས་སྲུང་སྐྱོབ། དཔལ་འབྱོར་དོ་དམ་བཅས་ཀྱི་ཕྱོགས་ལ་འཐུས་ཚང་དང་དུས་རབས་དང་འཚམ་པའི་ཐབས་ལམ་ཞིག་འཚོལ་ཞིབ་བྱ་དགོས་པའི་དགོངས་འཆར་ཡང་བཏོན་ཡོད་འདུག

བསྐྱར་བཅོས།: ༢༠༡༤/༠༣/༢༦

Leave a Reply

34 thoughts on “རྒྱལ་མཚན་ནོར་བུའི་གོ་གནས་གསར་པ།

  1. གངས་ཅན་གྱི་བུ་ཆུང་།

    བོད། ཤ་ཁྲག་རུས་གསུམ། ཁྱེད་ཀྱི་ཟིན་བྲིས་ནང་དུ་ཚིག་ཁ་ཁ་ཤས་གོ་དོན་ཡག་པོར་ཞེ་དྲག་འདུག་ཡིན་ཡང་བོད་ཀྱི་སྐུ་ཚབ་རྣམས་ཀྱི་སྐོར་འགའ་བྲིས་འདུག་པས་དེ་གླེན་གཏམ་འདྲ་བོར་འདུག གང་ཡིན་ཟེར་ན་བོད་ཀྱི་སྐུ་ཚབ་རྣམས་ཀྱི་ལས་དོན་དེ་རྒྱལ་ཁབ་གཉིས་ཀྱི་བར་སྐད་ཆ་ཞིག་རེད་མ་གཏོགས་ཚོགས་པ་ཆུང་ཆུང་འགའ་ཞིག་གིས་གྲོས་མོལ་བྱེད་པ་ནང་བཞིན་ལས་སླ་བོར་ཞིག་རྩ་བར་ནས་མ་རེད། ཉམས་མྱོང་མེད་པའི་སྐད་ཆ་མ་བཤད་རོགས།

  2. གངས་ཅན་གྱི་བུ་ཆུང་།

    རྒྱ་ནག་གིས་པཎ་རྫུན་རྒྱལ་མཚན་ནོར་བུ་ཁོང་ལ་གོ་གནས་སྤྲད་དགོས་པའི་གནད་ཅིག་ཡོད་རེད། པཎ་རྫུན་ཁོང་ནི་མི་བཟང་ངན་གང་འདྲར་ཡིན་མིན་ཁྱད་པར་འབྱེད་ཡར་ཁག་པོར་རེད། ཁོང་རང་ལ་སྨྲ་བརྗོད་དང་འགྲོ་འདོད་ཆོས་འདེད་རང་དབང་མེད་པར་བོད་མི་ཆ་མཉམ་རེད་སེམས།