བལ་ཡུལ་ནས་བོད་མི་འཛིན་བཟུང་།

ཀླུའི་ཟིན་བྲིས་ལས་བཤུས།

སྤྱི་ཚེས་ ༤ ཉིན་གྱི་དགོང་མོར་བལ་ཡུལ་གྱི་ཉེན་རྟོག་པས་རྒྱ་གར་ནས་བལ་ཡུལ་ལ་གཉེན་འཕྲད་དང་གུང་སེང་ལ་ཡོང་བའི་བོད་མི་ཁག་གཅིག་མཆོད་རྟེན་བྱ་རུང་ཁ་ཤོར་ཆེན་མོའི་ཉེ་འགྲམ་གྱི་མགྲོན་ཁང་ནས་འཛིན་བཟུང་བྱས་ཡོད་འདུག གནས་ཚུལ་རྩད་ཆོད་བྱུང་བ་ལྟར་བྱས་ན་བོད་མི་དེ་ཚོ་ནི་རང་ལོ་ ༣༥ ཙམ་ཡིན་པའི་བསོད་ནམས་མཐར་ཕྱིན་དང་། རང་ལོ་ ༢༢ ཙམ་ཡིན་པའི་བློ་བཟང་བཀྲ་ཤིས་། རང་ལོ་ ༢༧ ཙམ་ཡིན་པའི་བློ་བཟང་བརྩོན་འགྲུས། རང་ལོ་ ༢༤ ཙམ་ཡིན་པའི་རིག་འཛིན། ད་དུང་ཚེ་རིང་སྒྲོལ་དཀར་བཅས་བུ་བཞི་དང་བུད་མེད་གཅིག་ཡོད་པ་དང་། ཁོང་ཚོ་ད་ལྟའི་ཆར་ཉེན་རྟོག་བཀག་ཉར་ཁང་དུ་བཀག་ཉར་བྱས་བསྡད་ཡོད་པ་རེད་འདུག

བསྐྱར་བཅོས།: ༢༠༡༤/༠༣/༢༦

Leave a Reply

8 thoughts on “བལ་ཡུལ་ནས་བོད་མི་འཛིན་བཟུང་།

  1. སྐུ་ཚབ་ཚོ་
    ཚུགས་ཀ་མེད་ཀྱང་སྡོག་པ་བྱས་ནས་ས་ཡ་དྲུག་གི་སྐུ་ཚབ་དག།

    བོད་ལྭ་གོན་ནས་བོད་ཚུགས་བཏོད་དེ་བོད་ཀྱི་རྒྱལ་ས་གཉིས་བ་ནས།།

    ༧ཡིད་བཞིན་ནོར་བུར་མགོས་ཕྱག་འཚལ་སྟེ་དམ་བཅའ་ཁས་ལེན་བྱས་བ་དང་།།

    ཟ་དང་འཐུང་དང་ཡིན་དང་མིན་སོགས་རྒྱ་སྐད་ཁ་ཤས་སློབ་ཞོར་ལ།།

    བོད་ལྭ་ཕུད་ནས་རྒྱ་ལྭ་གོན་ཏེ་མཁའ་ལམ་བརྒྱུད་ནས་ཕེབས་སོང་ཟེར།།

    གཞིས་བྱིས་གཉིས་ཀྱི་རེ་བ་ཤི་ཡང་རྣ་བས་ཡང་ཡང་ཉན་པ་ན།།

    ཤ་རྩ་དཀར་ལ་ཤ་ཚུགས་ལེགས་པའི་རྒྱ་མོ་འགའ་ཡི་བསུ་བ་བཅས།།

    རྒྱ་མཁར་སྨུག་པོའི་ནང་ལ་འཛུལ་རྗེས་ཟ་འཐུང་སྡེར་མའི་ཁྲོག་སྒྲ་ལས།།

    བོད་མིའི་བདེ་སྡུག་བཤད་པའི་སྐད་ཆ་སུ་དང་གང་གིས་མ་གོ་ཟེར།།

    ༧ཡིན་བཞིན་ནོར་བུའི་གསལ་བཤད་བདུན་པོ་ཕར་ལ་འཕྲོད་པའི་བརྡ་ཙམ་དང་།།

    མི་རུང་ཁ་ཤོར་བཞི་ཡི་ཐོག་ལ་ཐུགས་རྗེ་ཆེ་ཞུ་ཕུལ་བ་དང་།།

    ལག་པ་གཉིས་ཀས་ཕོ་བ་སྐྱོར་ནས་ཟ་འཐུང་བླུགས་པའི་སྒྱེ་མོ་བཞིན།།

    པེ་ཅིང་མཁར་ན་ཡོད་པ་འདྲ་པས་བདེ་མོ་སྐྱིད་པོ་ཡིན་པར་སྨོན།།

    ཆབ་སྲིད་འཐབ་ཕྱོསག་གཅིག་གྱུར་པུའུ་ཡིས་ཁྱོད་ཚོར་སྐད་ལོག་ཨེ་བྱས་ཐལ།།

    པུའུ་ཀྲང་གཞོན་པས་དཔའ་སྐད་འཐེན་སྐབས་ཆོས་སྐྱོང་སྲུང་མ་ཨེ་དྲན་ཐལ།།

    སྐུ་ཚབ་རྣམས་ལ་སྐྲག་སྣང་སྐྱེས་ནས་རྒྱུད་པ་གཉིས་ཀ་ཨེ་འདར་ཐལ།།

    བདག་དབང་བཤད་སྐབས་མགོ་བོ་རྨོངས་ནས་༧ཡིད་བཞིན་ནོར་བུ་ཨེ་དྲན་ཐལ།།

    སྲིད་ཇུས་བཤད་སྐབས་མགོ་ཡོམ་འཁོར་ནས་རྔུལ་ཆུ་མང་བོ་ཨེ་བཞུར་ཐལ།།

    རྒྱལ་ཁབ་ཞིག་གི་སྐུ་ཚབ་ཡིན་པས་རྒྱ་ཆེན་རྒྱས་བ་ཨེ་ཐུབ་ཐལ།།

    ཡ་ཡ་ལེགས་སོ་ཐུགས་རྗེ་ཆེ་ལས་གཞན་པའི་ཚིག་འགའ་ཨེ་ཤོད་ཐལ།།

    ༧གོང་ས་མཆོག་ལ་མཚན་སྨོད་བྱེད་སྐབས་སྐྱུ་མོ་གཉེར་ནས་ཨེ་དཀའ་ཐལ།།

    རྒྱ་མོ་ཚོ་ལ་རྒྱ་རྒྱོ་བརྒྱབས་ནས་གུང་གསེང་སྐྱིད་པོ་ཨེ་བྱུང་ཐལ།།

    མོ་ཐེ་འཐུང་སྐབས་མི་རིགས་ཤིག་གི་བཀའ་དྲིན་ཡིན་པ་ཨེ་ཚོར་ཐལ།།

    ཁྱོད་ཚོར་རྟག་ཏུ་རྙོག་དྲ་མི་འདུག་རྒྱུན་དུ་ཕེབས་ཞེས་ཨེ་བཤད་ཐལ།།

    མྱི་བཟང་རེད་ཅེས་མྱི་ཆེན་དག་གིས་བསྟོད་པའི་མཐེ་བོང་ཨེ་བསྒྲངས་ཐལ།།

    སྒེར་བདག་ཁ་པར་ཨང་གྲངས་སྤྲོད་དང་སྒེར་དོན་བསྒྲུབ་ཞེས་ཨེ་བཤད་ཐལ།།

    ང་ཚོ་ཚང་མ་བཟང་ས་ཡིན་པས་ནང་གཏམ་བཤད་ཅེས་ཨེ་བསྐོར་ཐལ།།

    ཅི་གསུངས་བཀའ་ལ་ལེགས་སོ་ཙམ་ལས་རང་གི་འདོད་འདུན་ཨེ་ཤོད་ཐལ།།

    བོད་པའི་སྐུ་ཚབ་ཡིན་པའི་རྟགས་ལ་བོད་དོན་ཚིག་འགའ་ཨེ་ཁྲོལ་ཐལ།།

    ས་མཚམས་ལོ་རྒྱུས་གྲོས་མོལ་བྱེད་སྐབས་ས་རྒྱུས་མེད་པས་ཨེ་མྱངས་ཐལ།།

    དྲང་མོར་བཤད་ན་འཕྲིན་སྐྱེལ་ཙམ་ལས་བོད་པའི་སྐུ་ཚབ་ཨེ་ཉན་ཐལ།།

    རྡ་རམ་ས་ལའི་ཉེ་སར་འབྱོར་དུས་ཅི་བཤད་བསམ་ནས་ཨེ་སྐྲག་ཐལ།།

    བཀའ་བློན་ཁྲི་བའི་བཀའ་བཀྱོན་དྲན་ནས་སྐྱག་རྫུན་བཤད་པྭ་ཨེ་འདོད་ཐལ།།

    ༧ཡིད་བཞིན་ནོར་བུ་ཡིད་ལ་ཤར་ནས་དགོངས་དག་ཞུ་པྭ་ཨེ་དྲན་ཐལ།།

    སྐྱབས་བཅོལ་བ་ཚོ་སེམས་ལ་ཡོང་ནས་རྒྱ་ཆེན་བཤད་པྭ་ཨེ་འདོད་ཐལ།།

    གསར་འབྱོར་བ་ཚོས་དྲི་བ་འདྲི་ན་དབྱིན་སྐད་རྒྱག་པྭ་ཨེ་དྲན་ཐལ།།

    ཁ་ཤས་གསང་ནས་ཁ་ཤས་བཤད་སྐབས་རང་གིས་འཇོན་སོང་ཨེ་འདོད་ཐལ།།

    པེ་ཅིང་ཁོ་ཡ་ཁོག་ནས་ཞུས་ཏེ་མོ་ཐེའི་བཟི་ཁ་དྭངས་བ་ན།།

    དྲི་བ་འདི་ཚོར་ལན་ཞིག་གནོངས་ཞེས་གུས་མི་ཤེས་བའི་གུས་ལྡན་པ།།

    ས་ཡ་དྲུག་གི་དམའ་ཤོས་དེ་ཡིས་ས་ཁུང་ཞིག་གི་ཡ་ཕུགས་ནས།།

    ལག་པའི་ཐལ་མོ་ཐོད་ལ་སྦྱར་ཏེ་པུས་མོ་ས་ལ་བཙུགས་ནས་ཞུས།

  2. ཨ་ཁ་ཁ་ད་བྱས་ན་ཡང་གྲྭ་བ་དེ་ཚོ་བཞུགས་མ་ཐུབ་པ་འདྲ་ག་བ་ཡིན་ན་ཡང་གྲྭ་ལོག་དེ་ཚོའི་ཚང་མ་ལ་དོ་ཕོག་གཏང་གི་དེས་སྐྱེན་ནས་མི་དེ་ཚོས་དགེ་འདུན་པ་ཚངས་མ་ལ་གྲྭ་བ་དེ་ཚོ་ཟེར་ནས་མཉམ་དུ་ཁ་གཏོང་ཡོང་གི་འདུག་

  3. ཅོ་རི་ཉི་མ།

    བོད་མི་འཛིན་བཟུང་བྱས་ཀྱིན་རེད། བལ་ཡུལ་གཞུང་དམར་ཕྱོགས་ལ་འགྱུར་བཞིན་ཡོད་རེད། དམར་ཕྱོགས་ལུང་པའི་ནང་དུ་ག་དུས་ཡིན་ནའང་མི་ཉེས་མེད་བཙན་བཟུང་བྱས་དགོས་པ་དེ་དམར་པོའི་གཞུང་གི་ཁྱད་ཆོས་རེད།
    བཙན་བྱོལ་གཞུང་གིས་རྒྱ་ནག་དམར་ཕྱོགས་པའི་རྩ་ཁྲིམས་ལྟར་བྱེད་མི་ཆོག་པ་བཞི་ལ་སློབ་སྦྱོང་ཚར་དུས་མི་ཉེས་མེད་འཛིན་བཟུང་བྱེད་ཀྱིན་རེད་དྲན།
    ཨེ་ཤེ་ཡ་ཡོངས་རྫོགས་དམར་ཕྱོགས་ཆགས་པར་འབད་བརྩོན་བྱེད་འདོད་ན་བྱེད་མི་ཆོག་པ་བཞི་ལ་སློབ་སྦྱོང་དང་བརྩི་སྲུང་བྱེད་དགོས་སྙམ།