ཨ་རྒྱ་གཉིས་ཀྱི་ཚོང་དམག་ཛ་དྲག་ཏུ་ཕྱིན།

ཨ་རིའི་སྲིད་འཛིན་ཊོམ་ཕུ་ཡིས་རྒྱ་ནག་གིས་བྱ་སྤྱོད་འགྱུར་བ་མ་བཏང་ན་རྒྱ་ནག་གི་དངོས་རྫས་དག་ལ་དཔྱ་ཁྲལ་བརྒྱ་ཆ་ ༡༠ སྤར་རྒྱུ་ཡིན་པའི་ཉེན་བརྡ་བཏང་ཡོད་པ་རེད།

རྒྱལ་སྤྱིའི་གསར་ཁང་ཁག་གིས་གནས་ཚུལ་སྤེལ་བ་ལྟར་ན། རྒྱ་ནག་གིས་ཨ་རིའི་ནང་གི་ཆེད་ལས་པའི་བསམ་བློའི་ཐོན་རྫས་དེ། འཆར་འགོད་དང་ཚོང་གི་བསམ་བློ་གསར་པ་སོགས་རྒྱ་ནག་གི་ཚོང་གཉེར་ཁག་དག་གི་ནང་དུ་ལེན་ཐབས་བྱེད་ཀྱིན་པའི་བྱ་སྤྱོད་དེར་ཁ་གཏད་གཅོག་བཞིན་་ཡོད་པ་ལྟར། ཉེ་ཆར་ཨ་རི་གཞུང་གིས་ཨ་སྒོར་དུང་ཕྱུར་ ༥༠༠ ལྷག་གི་རིན་གོང་ལྡན་པའི་རྒྱ་ནག་གི་དངོས་ཟོག་ལ་རྒྱལ་ཁྲལ་བརྒྱ་ཆ་ ༢༥ སྤར་ཡོད་པ་དང་། འདི་ལོའི་ཕྱི་ཟླ་༧ པའི་ཚེས་ ༦ ཉིན་ནས་ཐོན་རྫས་རྣམ་གྲངས་ ༨༠༠ ལ་དངོས་སུ་སྲིད་བྱུས་དེ་ལག་བསྟར་བྱ་རྒྱུ་ཡིན་པ་དང་། གཞན་རྣམས་རྗེས་སུ་ཊོམ་གྱི་སློབ་སྟོན་པའི་ལམ་སྟོན་ལྟར་ཐག་གཅོད་བྱ་རྒྱུ་ཡིན་འདུག

དེ་རིང་ཊོམ་ཕུ་ཡིས་སླར་ཡང་རྒྱ་ནག་གི་བྱ་སྤྱོད་ལ་འགྱུར་བ་མ་བཏང་ན་རིན་གོང་ཨ་སྒོར་དུང་ཕྱུར་ ༢༠༠༠ ལྷག་གི་རྒྱ་ནག་གི་དངོས་ཟོག་ལ་རྒྱལ་ཁྲལ་བརྒྱ་ཆ་ ༡༠ སྤར་ངེས་ཡིན་ལུགས་བསྒྲགས་ཡོད་པར་བརྟེན། རྒྱ་ནག་གིས་ལམ་སེང་ལན་འདེབས་ཀྱིས་ཨ་རིའི་རྒྱལ་ཁྲལ་སྤར་བ་དེས་ཨ་རིའི་རིན་གོང་ཨ་སྒོར་དུང་ཕྱུར་ ༥༠༠ ལྷག་གི་དངོས་ཟོག་རྣམ་གྲངས་ ༦༥༩ ལ་གནོད་སྐྱོན་འབྱུང་ངེས་ཡིན་ལུགས་བརྗོད་པར། ཊོམ་གྱིས་རྒྱ་ནག་གིས་ཨ་རིའི་ཚོང་གཉེར་ཁང་ཁག་དང་ཞིང་པ་སོགས་ཀྱིས་མ་འགྲིག་པ་གང་ཡང་མ་བྱས་པར་སྡིགས་ར་སྐུལ་གི་ཡོད་ཚུལ་བརྗོད་འདུག

ཊོམ་ཕུ་ཡིས་ཚོང་འབྲེལ་གྱི་དམག་རྒྱ་ནག་ལ་དྲངས་པ་དང་ཨེ་ཤ་ཡའི་ཚོང་རྭའི་འཕར་ཆག་འཕྲལ་དུ་མར་ཟགས་ཡོད་པ་རེད། ཊོམ་ཕུ་ཡི་ཨ་རི་གཙུག་འཛིན་གྱི་སྲིད་བྱུས་ཀྱི་འོག་ཏུ་ཡུ་རོབ་དང་ཁ་ན་ཌ། དེབཞིན་མེག་སི་ཁོ་བཅས་ཀྱི་ཨ་རིའི་ཚོང་ཤག་དག་ལ་རྒྱལ་ཁྲལ་སྤར་ཡོད་ཅིང་། རྒྱལ་སྤྱིའི་ཚོང་ལས་ཞིབ་འཇུག་པ་ཚོས་དམག་འཁྲུག་འདི་ཉེན་ཁ་ཆེན་པོ་ཞིག་ཡིན་ཚུལ་བསྒྲགས་ཡོད་པ་རེད། ཡིན་ཡང་ཊོམ་ཕུ་ཡིས་ཚོང་ཤག་རྒྱལ་ཁབ་སུ་ཞིག་གི་ལག་ནས་ཚུལ་མིན་གྱི་ཁེ་བཟང་འཐོབ་རྒྱུར་འབད་བརྩོན་བྱེད་ཀྱིན་མེད་ཚུལ་དང་། དུས་ད་ཆ་བར་ཨ་རིའི་ཚོང་འབྲེལ་སྲིད་བྱུས་དེས་ཨ་རི་ལ་དུས་རྟག་ཏུ་གྱོང་རག་གི་ཡོད་པ་དང་ཚོང་ཤག་རྒྱལ་ཁབ་ཁག་དང་འདྲའ་མཉམ་གྱི་ཚོང་འབྲེལ་འཛུགས་ཐབས་བྱེད་ཀྱིན་ཡོད་ཚུལ་འབྲེལ་ཡོད་པ་རེད།

ཨ་རིའི་ཚོང་ལས་ཞིབ་འཇུག་པ་དུ་མ་ཞིག་གིས་ཨརིའི་ཚོང་གཉེར་ཁང་དང་ཚོང་པ་དག་གིས་དངོས་ཟོག་གི་མ་ལག་དུ་མ་ཞིག་རྒྱ་ནག་ནས་ནང་འདྲེན་བྱེད་ཀྱིན་ཡོད་པས། ད་རེས་ཀྱི་རྒྱལ་ཁྲལ་སྤར་བའི་གནད་དོན་འདིས་ཨ་རིའི་ཚོང་གཉེར་ཁང་ཁག་དང་ཚོང་པ། དེ་བཞིན་མི་མང་སྲུང་སྐྱོབ་ལས་ལྡོག་སྟེ་གྱོང་གུན་ཐེབས་པའི་ཉེན་ཁ་ཡོད་ཚུལ་བསྒྲགས་ཡོད་པ་རེད།

ཚེ་རིང་ནོར་བུ།

བསྐྱར་བཅོས།: ༢༠༡༨/༠༦/༢༠

Leave a Reply

3 thoughts on “ཨ་རྒྱ་གཉིས་ཀྱི་ཚོང་དམག་ཛ་དྲག་ཏུ་ཕྱིན།

  1. གཞུང་པ་ཚེ་དབང་བསོད་ནམས་་ཉེ

    ཨ་རྒྱའི་ཁ་དམག་འོག་་ནས་།
    འཛམ་གླིང་ཁྲོམ་ར་ཉམས་སོང་།
    ཨ་རྒྱའི་ཁ་དམག་འོག་ནས་།
    དངུལ་གྱི་ཛ་སྐྱེད་ཆག་སོང་།
    ཨ་རྒྱའི་ཁ་དམག་འོག་ནས་།
    ཚོང་གི་འགྲོ་རྒྱུགས་འགག་སོང་།
    ཨ་རྒྱའི་ཁ་དམག་འོག་ནས་།
    འཛམ་གླིང་ཆབ་སྲིད་འཁྲུགས་སོང་།

  2. གཞུང་པ་ཚེ་དབང་བསོད་ནམས་་ཉེ

    ཨ་བྱང་ཁ་དམག་འཛམ་གླིང་འཐོམ་དུ་བཅུག་།
    ཨ་བྱང་མཐུན་འབྲེལ་འཛམ་གླིང་ཉེན་ཁར་བསྐྱལ་།
    ཨ་རྒྱའི་ཁ་དམག་འཛམ་གླིང་དཔལ་འབྱོར་ཉམས་།
    ཨ་བྱང་རྒྱ་གསུམ་ཆབ་སྲིད་ཟློས་གར་འཁྲབ་།
    འཛམ་གླིང་ཧྲིལ་པོ་བློ་དཱོགས་འོག་ཏུ་གནས་།
    གཡོ་ཁྲམ་ཆབ་སྲིད་དུས་རབས་ཉེར་གཅིག་འདིར་།
    འཛམ་གླིང་ཧྲིལ་པོ་སྟོབས་ཆེན་རྒྱལ་ཁབ་འོག་།
    དཔལ་འབྱོར་གོ་མཚོན་མིང་གི་རོགས་སྐྱོར་འོག་།
    སྒོ་གསུམ་རང་དབང་གཞན་གྱིས་ཆབ་སྲིད་བསླུས་།
    དེ་འདྲའི་དུས་ངན་འཛམ་གླིང་ཆབ་སྲིད་འོག་།
    སྐྱེ་འགྲོ་བདེ་བའི་སྨན་གཅིག་ནང་བསྟན་ཙམ་།
    འགྲོ་བའི་སྡུག་བསྔལ་སེལ་བའི་དམ་ཆོས་ལ་།
    ཉིན་ཚན་ཀུན་ཏུ་འབད་ལ་ངལ་མ་ཆུང་།
    འཛམ་གླིང་བདེ་སྐྱིད་སྲུངས་ལ་སྟོན་པའི་བསྟན་།
    བསྟན་པ་ཡུན་དུ་གནས་པའི་བཀྲིས་ཤོག་།

  3. སྲས་སྐུ་ངོ་།

    Intellectual property ཆེད་ལས་ལག་རྩལ།
    Economic analyst དཔལ་འབྱོར་དབྱེ་ཞིབ་པ།
    Tariff་ཟེར་ན་ནང་འདྲེན་ཚོང་དངོས་དཔྱ་ཁྲལ།
    Allied nations མཐུན་ཕྱོགས་རྒྱལ་ཁབ། ཡོ་རོབ་མཐུན་ཚོགས་ཀྱི་རྒྱལ་ཁབ་ཁག་གི་ཨ་རིའི་མཐུན་ཕྱོགས་རྒྱལ་ཁབ་རེད།

    ནམ་རྒྱུན་འཛམ་གླིང་གི་མི་གྲངས་7 billions དུང་ཕྱུར་བདུན་ཅུ་ཟེར། དེ་ན་50 billions ཟེར་ན་དུང་ཕྱུར་༥༠་རེད་ཡང་ན་ཐེར་འབུམ་༥༠་རེད།
    དུང་ཕྱུར་༥༠་ཡིན་ན་རྒྱ་ནག་གིས་སྐད་ངན་ཤོར་དགོས་མེད་ལ་ཨ་རིའི་སྲིད་འཛིན་ཁྲི་རོན་ཕུ་ལགས་ཀྱིས་སྐད་གསེང་མཐོན་པོས་བཤད་དགོས་དོན་མེད།