འཛམ་གླིང་འདི་ང་ཚོ་གཅིག་པུར་དབང་བ་མ་རེད།

བཟང་ངན་གྱི་ལས་གང་འདྲ་བྱས་ཀྱང་འཛམ་གླིང་ནི་ང་ཚོར་མེད་ཐབས་མེད་པའི་གཞི་རྟེན་ ཡིན་སྟབས།  ང་ཚོས་དུས་ནམ་ཡང་བློས་གཏོང་རྒྱུ་ཡོད་པ་མ་རེད། གལ་སྲིད། བློས་བཏང་བ་ཡིན་ན་རང་གི་མི་ཚེ་བློས་བཏང་བ་དང་གཅིག་པ་རེད།ཅེས་རྒྱལ་བ་༧ཀརྨ་པ་མཆོག་གིས་གསུངས།

་་་

བོད་ཡིག་གི་ཁྱབ་ཤུགས།

ལོ་རྒྱུས་ཀྱི་རྒྱུན་རིང་ཞིང་བེད་སྤྱོད་ཀྱི་རིན་ཐང་ལྡན་པའི་བོད་སྐད་ཡིག་གིས་ཀྱང་རྒྱལ་ཁབ་གཞན་དང་། མི་རིགས་གཞན་གྱི་སྔོན་ཐོན་སྐད་ཡིག་དག་དང་དཔུང་བ་མཉམ་གཤིབ་ཀྱིས་དེང་གི་བརྡ་འཕྲིན་དུས་རབས་ལ་དཔུང་འཇུག་བྱེད་ཐུབ་ཀྱིན་ཡོད་ཟེར།

་་་

དཔལ་འབྱོར་ཉམས་རྒུད་དང་རྒྱ་ནག

ད་སྐབས་འཛམ་གླིང་ནང་རྒྱ་ནག་ནི་དཔལ་འབྱོར་ཡར་རྒྱས་འགྲོ་བཞིན་པའི་རྒྱལ་ཁབ་ ཀྱི་གྲས་ཤིག་ཡིན་ནའང་། རྒྱ་ནག་གི་དཔལ་འབྱོར་དེ་ངལ་རྩོལ་མི་མང་དང་། ཕྱི་ཚོང་ཁོ་ན་ལ་བརྟེན་ཡོད་སྟབས། འཛམ་གླིང་གི་དཔལ་འབྱོར་ཉམས་རྒུད་ཀྱིས་རྒྱ་ནག་གི་བཟོ་གྲྭ་སྟོང་ཕྲག་མང་བོ་ སྒོ་རྒྱག་དགོས་བྱུང་ཡོད་པ་དང་། ལས་མི་ས་ཡ་ ༢༠ ཙམ་ལས་བྱོལ་དུ་ཕྱིན་ཡོད་པས། རྒྱ་ནག་གི་དཔལ་འབྱོར་རང་བཞིན་གྱིས་ཉམས་རྒུད་དུ་འགྲོ་བཞིན་ཡོད་འདུག

་་་

སྐུ་ངོ་རྒྱ་མཚོ་ཚེ་རིང་།

བོད་ཀྱི་དཔེ་མཛོད་ཁང་གི་འགན་འཛིན་ཟུར་བ་སྐུ་ངོ་རྒྱ་མཚོ་ཚེ་རིང་ལགས་ཕྱི་ཚེས་ ༢༥ ཉིན་ཨ་རི་ནས་དགོངས་པ་རྫོགས་འདུག ཁོང་དགོང་ལོ་ ༧༣ རེད།

་་་

སྐུ་ངོ་རྒྱ་མཚོ་ཚེ་རིང་།

བོད་ཀྱི་དཔེ་མཛོད་ཁང་གི་འགན་འཛིན་ཟུར་བ་སྐུ་ངོ་རྒྱ་མཚོ་ཚེ་རིང་ལགས་ཕྱི་ཚེས་ ༢༥ ཉིན་ཨ་རི་ནས་དགོངས་པ་རྫོགས་འདུག ཁོང་དགོང་ལོ་ ༧༣ རེད།

་་་

རྒྱ་རིགས་རྩོམ་པ་པོ་ཝང་ལི་ཞོང་ངྷ་སར་འབྱོར་བ།

རྒྱ་རིགས་རྩོམ་པ་པོ་ཝང་ལི་ཞོང་བདུན་ཕྲག་འགའི་སྔོན་ནས་བཞུགས་སྒར་ངྷ་རམ་ས་ལར་འབྱོར་ཡོད་པ་དང༌། ཕྱི་ཚེས་ ༢ ཉིན་༧གོང་ས་མཆོག་ལ་མཇལ་འཕྲད་ཞུས་ཤིང༌། ཕྱི་ཚེས་ ༣ ཉིན་ཕྱི་དྲོ་བོད་རྒྱལ་ཡོངས་རྩོམ་པ་པོའི་མཐུན་ཚོགས་ཀྱི་གོ་སྒྲིག་འོག གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་མི་མང་དང་མཉམ་དུ་ཆུ་ཚོད་ ༣ རིང༌། བོད་རྒྱའི་རྩོད་རྙོག་དང་འབྲེལ་བའི་སྐོར་ལ་དྲི་བ་དྲིས་ལན་གྱི་བགྲོ་གླེང་རྒྱས་པ་ཞིག་གནང་ཡོད།

་་་

སློབ་གྲྭ་ཆོས་སྦྱོང་བའི་ཆེད་བཙུགས་པ་མ་རེད།

ང་ཚོ་བོད་མིའི་རང་དབང་གི་གནད་དོན་འདི་ལྟ་བུ་ཞིག་ཆགས་དོན། ང་ཚོ་བོད་པའི་མི་རབས་ཁ་ཤས་གོང་ནས་འཛམ་གླིང་གི་དེང་དུས་ཤེས་ཡོན་ལ་དོ་སྣང་མ་ བྱས་པ་དང་། རང་གི་ཆབ་སྲིད་ཚགས་ཚུད་མ་བྱུང་སྟབས་ང་ཚོར་དཀའ་ངལ་ཞིག་འཕྲད་པ་རེད། ང་ཚོས་རྒྱ་མི་གུང་ཁྲན་གཅིག་པུ་ལབ་རྒྱུ་ཡོད་པ་མ་རེད། སོ་སོའི་ངོས་ནས་ཚགས་ཚུད་མ་བྱས་པར་བརྟེན་ནས་བྱུང་བ་རེད། ཅེས་༧གོང་ས་མཆོག་གིས་གསུངས་སོང།

་་་

བོད་མི་ལས་འགུལ་བ་འཛིན་བཟུང།

བོད་མི་ལས་འགུལ་བ་ ༣༦ བལ་བོད་ས་མཚམས་སུ་འབྱོར་སྐབས་བལ་ཡུལ་ཉེན་རྟོག་པས་འཇུས་ཡོད་འདུག

་་་