ཏཱ་ཅིའུ་ཡོན་ཚགས་པར་རྩོམ་སྒྲིག་ཁང༌།
ས་དཀར་བཀྲིས་ཀྱིས་བོད་བསྒྱུར་བྱས།
དོན་ཚན་དང་པོ། དམར་ཤོག་ཚོགས་པ་ནི་ཅི་ཞིག་ཡིན་པར་དཔྱད་པ།
གླེང་བརྗོད།
ལོ་ངོ་སྟོང་ཕྲག་ལྔའི་རིང་རྒྱ་ནག་མི་རིགས་དེ་རྨ་ཆུ་དང་འབྲུ་ཆུ་བཞུར་རྒྱུན་ཀྱི་ས་ཁུལ་འདིར་སྐྱེས་འཕེལ་དང་འཚོ་གནས་བྱུང་ཡོད་ལ། རྒྱལ་རབས་བཅུ་ཕྲག་དུ་མ་བརྒྱུད་འོད་སྟོང་འབར་བའི་རིག་གནས་གསར་སྐྲུན་བྱས་ཡོད་པ་དང༌། སྐབས་དེར་དར་རྒུད་དང་འཕེལ་འགྲིབ་ཅི་རིགས་བྱུང་ཡོད་པ་ནི་བརྗིད་ཉམས་ལྡན་ལ་ཡིད་སེམས་འགུལ་བ་ཞིག་རེད།
ལོ་རྒྱུས་སྨྲ་བ་ཚོས༡༨༤༠ ལོ་ནས་བཟུང་རྒྱ་ནག་གྀ་ཉེ་རབས་ལོ་རྒྱུས་འགོ་བརྩམས་པར་ངོས་བཟུང་ཡོད་པ་དང༌། དེ་ནི་རྒྱ་ནག་དེ་གནའ་བོའི་དུས་རབས་ནས་དེང་རབས་ཅན་དུ་བགྲོད་པའི་གོམ་པ་ཐོག་མ་ཡང་ཡིན། དུས་དེ་ནས་བཟུང༌། རྒྱ་ནག་གི་རིག་གཞུང་གིས་ཕལ་ཆེར་ལོ་རྒྱུས་ཀྱི་རླབས་རིམ་བཞི་ལ་འཐབ་རྩོད་དང་གདོང་ལེན་བྱས་ཡོད། རླབས་རིམ་སྔོན་མ་གསུམ་གྱི་འཐབ་རྩོད་ནི་ ༡༨༦༠ ལོ་དབྱིན་ཇི་དང་ཧཕ་རན་སི་མཉམ་འབྲེལ་དམག་གིས་པེ་ཅིན་ལ་བཙན་རྒོལ་བྱས་པ་དང༌། ༡༨༩༤ ལོར་ཉི་ཧོང་དང་ལྷན་ཤིང་རྟ་ལོའི་དམག་འཁྲུག ༡༩༠༦ ལོར་ཉི་ཧོང་དང་ར་ཤི་ཡ་གཉིས་ཀྱིས་རྒྱ་ནག་བྱང་ཤར་ལ་བཙན་འཛུལ་བྱས་པའི་འཐབ་རྩོད་བཅས་ཡིན། རྒྱ་ནག་གིས་གདོང་ལེན་བྱེད་ཕྱོགས་ནི་ཕྱིའི་སྔོན་ཐོན་རིག་གནས་ནང་འདྲེན་བྱེད་པའི་ཕྱི་གླིང་ལས་འགུལ་དང་ལམ་ལུགས་བཅོས་བསྒྱུར་དེ་ས་ཁྱི་ལོའི་ལུགས་བསྒྱུར། ཆིན་རྒྱལ་རབས་ཀྱི་བཅའ་ཁྲིམས་བཟོས་པའི་ལས་འགུལ། ཕྱིས་ཀྱི་ལྕགས་ཕག་ལོའི་གསར་བརྗེ་བཅས་ཡིན། ལས་འགུལ་དེ་དག་མི་མང་པོ་ཞིག་གིས་ཕམ་ཁ་བྱུང་བར་ངོས་འཛིན་བྱས་སྟབས། དེར་བརྟེན་ལྔ་བཞི་ལས་འགུལ་བྱུང༌། དེ་ནས་བཟུང་རླབས་བཞི་པའི་འགོ་བརྩམས་པ་དང་དེ་ནི་ཆེས་མཐའ་མཇུག་གི་གདོང་ལེན་ཞིག་ཀྱང་ཡིན་ལ། དེ་ནི་རིག་གནས་ཀྱི་ངོས་ནས་ཡོད་ཚད་ནུབ་ལུགས་ཅན་དུ་བསྒྱུར་རྒྱུ་དེ་རེད། དེར་མཐུད་ནས་གསར་བརྗེ་སྟེ་དམར་ཤོག་རིང་ལུགས་ལས་འགུལ་བྱུང༌།
དཔྱད་རྩོམ་འདིའི་བརྗོད་གཞི་ནི་རྒྱ་ནག་གིས་ཆེས་མཐའ་མཇུག་གི་རླབས་དེ་ལ་གདོང་ལེན་དང་དེའི་མཇུག་འབྲས་ཏེ། དམར་ཤོག་རིང་ལུགས་ལས་འགུལ་དང་དམར་ཤོག་ཚོགས་པ་ཡིན། ལོ་ངོ་༡༦༠ བརྒྱུད་རིམ་ཁྲོད་མི་སྲོག་དུང་ཕྱུར་ལ་ཉེ་བ་དོན་མེད་རྐྱེན་ལམ་དུ་སོང་བ་དང༌། ད་དུང་རྒྱ་ནག་གི་སྲོལ་རྒྱུན་རིག་གཞུང་དང་རིག་གནས་ཡོད་ཚད་ཀྱི་འགྲོ་སོང་བཏང་རྗེས་རྒྱ་ནག་གིས་གདམས་པའམ་ཡང་ན་རྒྱ་ནག་ལ་བཙན་འགེལ་བྱས་པའི་མཇུག་འབྲས་ནི་ཅི་ལྟ་བུ་ཞིག་ཡིན་ནམ།
༡། དྲག་གནོན་དང་འཇིགས་སྐུལ་ལ་བརྟེན་ནས་སྲྀད་དབང་འཕྲོག་འཛིན་བྱེད་པ།
དམར་ཤོག་ཚོགས་པའི་བསྒྲགས་གཏམ་གྱི་མཇུག་ཏུ་བྱབྱདམར་ཤོག་ཚོགས་མིས་རང་ཉིད་ཀྱི་དམིགས་ཡུལ་དང་ལྟ་ཚུལ་མི་གསང་བར་གསལ་བསྒྲགས་བྱས་དོན། ཁོ་ཚོའི་དམིགས་ཡུལ་ནི་དྲག་ཤུགས་ལ་བརྟེན་ནས་ད་ལྟའི་སྤྱི་ཚོགས་ཀྱི་ལམ་ལུགས་ཆ་ཚང་རྩ་མེད་བཏང་ན་གཞི་ནས་གྲུབ་ཐུབ་བྱབྱཅེས་བརྗོད་ཡོད། དྲག་ཤུགས་ནི་དམར་ཤོག་ཚོགས་པར་སྲིད་དབང་ཐོབ་པའི་ཐབས་ལམ་དང་ཐབས་ལམ་གཙོ་བོ་དེ་ཡིན་ལ། འདི་ནི་དམར་ཤོག་ཚོགས་པ་འཁྲུངས་ཉིན་ནས་བཟུང་གཏན་ལ་ཕབ་པའི་རིགས་རྒྱུད་ཀྱི་ན་ཚ་ཐོག་མ་དེ་ཡིན། འཛམ་གླིང་སྟེང་གི་དམར་ཤོག་ཚོགས་པ་དང་པོ་དེ་མར་ཁུ་སི་འདས་བའི་ལོ་མང་པོའི་རྗེས་སུ་གཞི་ནས་བྱུང༌། ༡༩༡༧ ལོར་ཟླ་བཅུ་པའི་གསར་བརྗེ་བྱུང་བའི་ལོ་རྗེས་མ་དེར་ར་ཤི་ཡ་དམར་ཤོག་ཚོགས་པ་དངོས་སུ་དབུ་བརྙེས། དམར་ཤོག་ཚོགས་པ་འདི་བྱབྱགྲལ་རིམ་དགྲ་བོ་བྱབྱལ་དྲག་ཤུགས་བེད་སྤྱད་དེ་བྱུང་བ་དང༌། རྗེས་སུ་རང་ཁོངས་ཀྱི་མིའི་དྲག་ཤུགས་ཁྲོད་མུ་མཐུད་གནས་ཡོད། ར་ཤི་ཡ་དམར་ཤོག་ཚོགས་པའི་ནང་ཁུལ་དག་ཐེར་ཁྲོད་བྱབྱགསང་ཉུལ་བ་བྱབྱདང་བྱབྱངོ་ལོག་པ་བྱབྱཞེས་བའི་མིང་ཐོག་ནས་ལྟ་སྤྱོད་མི་མཐུན་པ་མི་གྲངས་ཉིས་སྟོང་ལྷག་དམར་གསོད་བྱས་ཡོད།
རྒྱ་ནག་དམར་ཤོག་ཚོགས་པ་རྩ་འཛུགས་སྐབས་དེ་ནི་ར་ཤི་ཡ་དམར་ཤོག་ཚོགས་པས་དབང་བསྒྱུར་བའི་རྒྱལ་སྤྱིའི་གུང་ཁྲན་གསུམ་པའྀ་ཡན་ལག་ཅིག་ཡིན་པས། དྲག་སྤྱོད་ཀྱི་སྲོལ་རྒྱུན་དེ་རང་བཞིན་གྱིས་རྒྱུན་འཛིན་བྱས་ཡོད། ༡༩༢༧ ལོ་ནས་༡༩༣༦ ལོར་ཐེངས་དང་པོར་རྒྱ་དམར་ནག་གཉིས་ཀྱི་ནང་འཁྲུག་སྐབས། ཅང་ཞིས་ཞིང་ཆེན་གྱི་མི་གྲངས་དེ་བྱེ་བ་གཉིས་ནས་བྱེ་བ་གཅིག་ལ་མར་ཆག་ཡོད་པའི་གྱོང་གུན་གྱི་ཚབས་ཅི་འདྲ་ཆེ་མིན་མཐོང་ཐུབ་ལ། གལ་སྲིད་སྲིད་དབང་འཕྲོག་རྩོད་ཁྲོད་དྲག་ཤུགས་ནི་ཟློག་ཐབས་མེད་པ་ཞིག་ཡིན་པར་བརྗོད་ཚེ། དེས་ན་འཛམ་གླིང་སྟེང་དམར་ཤོག་ཚོགས་པ་འདི་བཞིན་ཞི་བདེ་གནས་སྐབས་སུ་ད་དུང་དྲག་ཤུགས་ལ་དད་ཞེན་བྱེད་པའི་སྲིད་དབང་ཞིག་རྩ་བ་ནས་ཡོད་མི་སྲིད། ༡༩༤༩ ལོའི་རྗེས་སུ་རྒྱ་ནག་དམར་ཤོག་ཚོགས་པའི་དྲག་སྤྱོད་ཀྱིས་རྐྱེན་ལམ་དུ་བཏང་བའི་མི་འབོར་ནི་སྔོན་མ་མི་ལོ་སུམ་ཅུ་རིང་གི་འཐབ་འཁྲུག་དུས་སྐབས་སུ་ཤི་བའི་མི་འབོར་ལས་བརྒལ་ཡོད་པ་རེད།
འདིའི་སྐོར་གྱི་ཆེས་དམིགས་གསལ་གྱི་དཔེ་མཚོན་ཞིག་ནི། རྒྱ་ནག་དམར་ཤོག་ཚོགས་པའི་ཀེམ་པོ་ཊཡ་རྒྱལ་ཁབ་ཀྱི་དམར་ཤོག་ལས་འགུལ་ལ་རྒྱབ་སྐྱོར་བྱས་ཏེ་སྲིད་དབང་ཐོབ་རྗེས། ཀེམ་པོ་ཊཡ་རྒྱལ་ཁབ་ཀྱི་རྒྱལ་ཡོངས་མི་འབོར་གྱི་བཞི་ཆའི་གཅིག་དམར་གསོད་བཏང་བ་དང༌། དེའི་ནང་རྒྱ་ནག་གི་མི་རྒྱུད་དང་ཕྱི་སྡོད་རྒྱ་མི་ཕོན་ཆེ་འདུས་ཡོད། དེ་མ་ཟད་རྒྱ་ནག་དམར་ཤོག་ཚོགས་པས་ད་ལྟ་ཡང་རྒྱལ་སྤྱིའི་སྤྱི་ཚོགས་ཀྱིས་དམར་པོའི་ལས་འགུལ་དེའི་སྐོར་ལ་ཡོངས་ཁྱབ་ཁྲིམས་བཤེར་བྱེད་པར་བཀག་འགོག་བྱེད་ཀྱིན་ཡོད་ལ། དེའི་དམིགས་ཡུལ་ནི་རྒྱ་ནག་དམར་ཤོག་གིས་སྐབས་དེར་ནུས་པ་ཅི་འདྲ་ཐོན་པ་དང་སྐྱུག་བྲོ་བའི་གཟུགས་བརྙན་ཅི་འདྲ་ཞིག་བཞེངས་ཡོད་པ་དེར་མུ་མཐུད་འགེབ་སྲུང་བྱ་ཆེད་རེད།
ངེས་པར་སྟོན་དགོས་པ་ཞིག་ནི། འཛམ་གླིང་སྟེང་ཆེས་གདུག་རྩུབ་ཆེ་ཞིང་དྲག་ཆས་སྤྲས་པའི་ས་ཁུལ་དང་གདུག་རྩུབ་ཅན་གྱི་སྲིད་དབང་ཚང་མ་ཡང་རྒྱ་ནག་དམར་ཤོག་དང་འབྲེལ་བ་དམ་ཟབ་ཡོད་དེ། ཀེམ་བྷོ་ཊཡ་ཕུད་གཞན་ཧིན་རྡུ་ཉིའི་ཤི་ཡ་དམར་ཤོག་དང༌། ཧཕི་ལི་ཕིན་དམར་ཤོག མ་ལེ་ཤི་ཡའི་དམར་ཤོག ཝི་ཐི་ནམ་དམར་ཤོག འབར་མའི་དམར་ཤོག ལེའོ་སིའི་དམར་ཤོག བལ་ཡུལ་དམར་ཤོག་སོགས་ཡོད་ལ། དམར་ཤོག་ཚོགས་པ་དེ་ཚང་མ་ཡང་རྒྱ་ནག་དམར་ཤོག་གིས་རྒྱབ་སྐྱོར་བྱས་ཏེ་བཙུགས་པ་ཡིན་ལ། དེ་ཚོའི་ནང་དམར་ཤོག་གྀ་འགོ་ཁྲིད་མང་ཆེ་བ་རྒྱ་མི་ཡིན་ལ་ཁ་ཤས་དེང་སྐབས་ཀྱང་རྒྱ་ནག་ནང་བསྐུངས་ནས་ཡོད། ལྷག་པར་འཛམ་གླིང་སྟེང་མོའོ་ཙེ་ཏུང་རིང་ལུགས་རྩ་དོན་དུ་བཟུང་བའི་དམར་ཤོག་ཚོགས་པ་ནི་ལྷོ་ཨ་མེ་རིཁའི་འོད་གསལ་གྱི་ལམ་ཞེས་བ་དང༌། ཉི་ཧོང་གི་དམར་དམག་ཞེས་པ་ཡོད་ལ། དེ་ཚོའི་གདུག་རྩུབ་ཀྱི་བྱ་སྤྱོད་དེ་ཡང་མི་ཚང་མས་མཁྱེན་གྱི་ཡོད་པ་མ་ཟད་མཆིལ་ཞགས་ལྟར་འདོར་བཞིན་ཡོད།
དམར་ཤོག་རིང་ལུགས་ཀྱི་གཞུང་ལུགས་ཡོང་ཁུངས་གཅིག་ནི་འཕོ་འགྱུར་གཞུང་ལུགས་ཡིན་ལ། དམར་ཤོག་ཚོགས་པའྀ་བྱ་དངོས་ཀྱི་འཐབ་རྩོད་དེ་སྤྱི་ཚོགས་འཕོ་འགྱུར་ཁྲོད་ཀྱི་གྲལ་རིམ་འཐབ་རྩོད་ལ་ཡར་འདེད་བྱས་ཏཻ། གྲལ་རིམ་འཐབ་རྩོད་ནི་སྤྱི་ཚོགས་ཡར་རྒྱས་དང་མདུན་བསྐྱོད་ཀྱི་སྒུལ་ཤུགས་གཅིག་པུ་ཡིན་པར་ངོས་འཛིན་བྱས། དེར་བརྟེན་འཐབ་རྩོད་ནི་དམར་ཤོག་ཚོགས་པའི་སྲིད་དབང་ཐོབ་པ་དང་རྒྱུན་འཛིན་གསོན་གནས་ཐུབ་ཆེད་དད་མོས་བྱ་ཡུལ་གཙོ་བོ་རུ་གྱུར། མའོ་ཙེ་ཏུང་གི་གཏམ་བཤད་གྲགས་ཅན་བྱབྱམི་གྲངས་དུང་ཕྱུར་བརྒྱད་ཡོད་པའི་འཐབ་རྩོད་མ་བྱེད་ན་ག་ལ་འགྲིགབྱབྱ་ཅེས་བརྗོད་ཡོད་ལ། དེ་ནི་འདི་ལྟ་བུའི་གསོན་གནས་རིག་ལམ་གྱི་འགྲེལ་བརྗོད་རྣལ་མ་དེ་ཡིན། ཡང་འགྲེལ་བརྗོད་འདི་དང་ལྷན་མའོ་ཙེ་ཏུང་གི་གཏམ་བཤད་གཞན་ཞིག་ནི་བྱབྱརིག་གནས་གསར་བརྗེ་དེ་ལོ་བདུན་བརྒྱད་ནང་ལ་ཡང་བསྐྱར་གཅིག་སྤེལ་དགོས་བྱབྱཞེས་བ་དེ་ཡིན། བསྐྱར་ཟློས་ཀྱིས་དྲག་ཤུགས་བེད་སྤྱོད་གཏོང་རྒྱུ་ནི་དམར་ཤོག་ཚོགས་པའི་སྲིད་དབང་རྒྱུན་འཛིན་དང་དབང་བསྒྱུར་བྱེད་པའི་ཐབས་ལམ་གཙོ་བོ་དེ་རེད། དྲག་ཤུགས་ཀྱི་དམིགས་ཡུལ་ནི་འཇིགས་སྣང་བསྐྲུན་རྒྱུ་དེ་ཡིན་ལ། འཐབ་རྩོད་ཀྱི་ལས་འགུལ་རེ་རེ་ནི་དམར་ཤོག་ཚོགས་པའི་ཞེད་སྣང་སྐུལ་བའི་སྦྱོང་བརྡར་ཐེངས་རེ་རེ་ཡིན་ལ། མི་རྣམས་ཀྱི་སེམས་ཁམས་སྐྲག་སྣང་གིས་ཞུམ་པར་བྱས་ཏེ་འཇིགས་སྣང་གི་བྲག་གཡོག་ཏུ་བསྒྱུར་རྒྱུ་དེ་རེད།
དེ་རིང་འཇིགས་སྐུལ་རིང་ལུགས་དེ་འགྲོ་བ་མིའི་ལེགས་བྱང་དང་རང་དབང་གི་དགྲ་དང་མ་དེ་ཆགས་ཡོད། ཡིན་ན་ཡང་དམར་ཤོག་ཚོགས་པའི་དྲག་སྤྱོད་འཇིགས་སྐུལ་རིང་ལུགས་དཻ་རྒྱལ་ཁབ་ཀྱི་རྣམ་པར་ཡོད་པས་གཞི་རྒྱ་སྔར་ལས་ཆེ་བ་དང༌། རྒྱུན་གནས་ཀྱི་དུས་ཚོད་སྔར་ལས་རིང་བ། གྲུབ་འབྲས་ཡང་སྔར་ལས་མངོན་གསལ་བྱུང་ཡོད། དུས་རབས་ཉེར་གཅིག་པའི་དེ་རིང༌། ང་ཚོས་བརྗེད་མི་རུང་བ་ཞིག་ནི། དམར་ཤོག་ཚོགས་པའི་རིགས་རྒྱུད་ཀྱི་ན་ཚ་དེས་དུས་སྐབས་འོས་མཚམས་སུ་དམར་ཤོག་ཚོགས་པའི་མ་འོངས་པའི་ཁ་ཕྱོགས་ལ་ཐག་གཅོད་ཀྱི་ནུས་པ་ངེས་ཅན་ལྡན་སྲིད་པ་རེད།
༢། རྫུན་གཏམ་དེ་དྲག་ཤུགས་ཀྱི་རྒྱབ་རྟེན་དུ་སྤྱོད་པ།
མིའི་རིགས་ཀྱི་དཔལ་ཡོན་གྱི་ཆུ་ཚད་ལ་ཚད་འཇལ་བྱེད་ཀྱི་མཚོན་རྟགས་ཤིག་ནི། སྤྱི་ཚོགས་ཀྱི་ལམ་ལུགས་ཁྲོད་དྲག་ཤུགས་ཀྱིས་ནུས་པ་ཇི་འདྲ་ཞིག་འདོན་གྱི་ཡོད་མིན་གྱི་བསྡུར་ཚད་དེ་ཡིན་ལ། དམར་ཤོག་སྲིད་དབང་གི་སྤྱི་ཚོགས་ནི་མིའི་རིགས་ཀྱི་དཔལ་ཡོན་དེ་ཕྱིར་བསྣུར་ཆེན་པོ་བརྒྱབ་པ་ཞིག་རེད། ཡིན་ན་ཡང༌། དམར་ཤོག་ཚོགས་པས་གནས་སྐབས་ཤིག་རིང་མི་རྣམས་ལ་དེ་ཉིད་སྔོན་ཐོན་ཡིན་པའི་མཐོང་སྣང་བཟོ་ཐུབ་པ་བྱུང་ཡོད། མི་འདི་དག་གི་བསམ་པར། དྲག་ཤུགས་བེད་སྤྱོད་གཏོང་རྒྱུ་ནི་སྤྱི་ཚོགས་མདུན་བསྐྱོད་ལ་དགོས་ངེས་ཤིག་ཡིན་པ་མ་ཟད༌། ངེས་བར་དུ་བརྒྱུད་དགོས་པའི་ལམ་བུ་ཞིག་ཡིན་པར་ཡང་འདོད།
འདི་ནི་དམར་ཤོག་ཚོགས་པས་རྫུན་གཏམ་དང་མགོ་སྐོར་གྱི་ཐབས་རྩལ་འགྲན་ཟླ་བྲལ་བའི་གྲུབ་འབྲས་ཤིག་ཡིན་པར་བརྗོད་ཆོག དེར་བརྟེན་རྫུན་གཏམ་དང་མགོ་སྐོར་གཏོང་རྒྱུ་ནི་དམར་ཤོག་ཚོགས་པའི་རིགས་རྒྱུད་ཀྱི་ན་ཚ་གཞན་ཞིག་རེད། བྱབྱལོ་ན་ཆུང་དུས་ནས་བཟུང་ང་ཚོའི་ཨ་རི་ནི་སྙིང་ཉེ་བའི་རྒྱལ་ཁབ་ཅིག་ཡིན་པར་འདོད་ལ། ང་ཚོ་ཡིད་ཆེས་ཡོད་པ་ནི་ཨ་རིས་རྒྱ་ནག་གི་ས་ཆ་བཙན་བཟུང་བྱས་མེད་པ་མ་ཟད། རྒྱ་ནག་ལ་བཙན་འཛུལ་རང་བཞིན་གྱི་འཐབ་འཁྲུག་ཀྱང་བསླངས་མྱོང་མེད། རྩ་བའི་ཆ་ནས་བརྗོད་ན་རྒྱ་ནག་པ་ཚོས་ཨ་རི་ལ་དགའ་མོས་བྱེད་དོན་ནི་ཨ་རིའི་མི་དམངས་ཁྲོད་ཕྱིར་མཆེད་བཞིན་པའི་དམངས་གཙོ་ཡི་གཟི་ཉམས་དང་དཀྱེལ་ཡངས་པའི་སེམས་པ་དེ་རེད།བྱབྱ འདི་ནི་རྒྱ་ནག་དམར་ཤོག་ཚོགས་པའི་གཞུང་འབྲེལ་གྱི་ཚགས་པར<<ཞིན་ཧྭ་ཉིན་རེ་ཚགས་པར>>་སྟེང་ཕྱི་ལོ་༡༩༤༧ ལོའི་ཟླ་༧ ཚེས་༤ ཉིན་བཀོད་པའི་དཔྱད་བརྗོད་ཅིག་རེད། ལོ་གསུམ་གྱི་རྗེས་ཙམ་དུ། རྒྱ་ནག་དམར་ཤོག་ཚོགས་པས་བྱང་ཀོ་རི་ཡ་ལ་དམག་དྲངས་ཏེ་ཨ་རི་ལ་ཁ་གཏད་བཅག་པ་མ་ཟད། ཨ་རི་བ་ནི་འཛམ་གླིང་སྟེང། ཆེས་གདུག་རྩུབ་ཆེ་བའི་བཙན་རྒྱལ་རིང་ལུགས་པ་ཞིག་ཡིན་པར་རྟོགས་བཟོ་བྱས། རྒྱ་ནག་སྐམ་ས་ནས་ཡོང་བའི་མི་རེ་རེ་ཡིས་ལོ་ལྔ་བཅུའི་གོང་གི་རྒྱ་དམར་གྱི་དཔྱད་བརྗོད་འདི་མཐོང་ཚེ་ཚང་མ་ཧང་སངས་ངེས་པས། རྒྱ་དམར་གྱིས་དཔྱད་བརྗོད་འདི་འདྲ་ཡོད་པའི་དེབ་རིགས་བཀག་སྡོམ་བྱས་ཏེ་བསྐྱར་དུ་དཔར་སྐྲུན་བྱེད་དགོས་བ་བྱུང་ཡོད།
རྒྱ་ནག་དམར་ཤོག་པས་སྲིད་དབང་བཙུགས་རྗེས། དག་ཐེར་དང༌། གཞུང་སྒེར་མཉམ་ལས། གཡོན་ལ་དགག་པ། རིག་གནས་གསར་བརྗེ། དྲུག་བཞིའི་དོན་རྐྱེན། ཆོས་འཁོར་སྒོམ་སྒྲུབ་ཚོགས་པར་དྲག་གནོན་བཅས་རེ་རེའི་སྐབས་སུ་ཐབས་ལམ་འདྲ་མཚུངས་བེད་སྤྱོད་བཏང་ཡོད། དེའི་ནང་སྐད་གྲགས་ཆེ་བ་ནི༡༩༥༧ ལོར་རྒྱ་ནག་དམར་ཤོག་གིས་ཤེས་ཡོན་ཅན་ཚང་མའི་དམར་ཤོག་ལ་བསམ་འཆར་འདོན་དགོས་པའི་འབོད་སྐུལ་བྱས་པ་དང། དེའི་རྗེས་བསམ་འཆར་འདོན་པའི་ཤེས་ཡོན་པ་དེ་ཚོ་གཡོན་ཕྱོགས་པ་རེད་ཟེར་ཏེ་འཛིན་བཟུང་བྱས། སྐབས་དེར་མི་ཚོས་དེ་ནི་ལྐོག་ཇུས་ཤིག་ཡིན་པར་བརྗོད་སྐབས། མའོ་ཙེ་ཏུང་གིས་དེ་ནི་ལྐོག་ཇུས་མ་ཡིན་པར་དྲང་པོའི་ཇུས་ཤིག་ཡིན་ཞེས་ཡོངས་ཁྱབ་ཏུ་བརྗོད།
རྫུན་གཏམ་དང་མགོ་སྐོར་ནི་སྲིད་དབང་འཕྲོད་རྩོད་དང་སྲུང་སྐྱོབ་བྱེད་པའི་བརྒྱུད་རིམ་ནང་གལ་ཆེའི་གོ་གནས་བཟུང་ཡོད། གནའ་སྔ་མོ་ནས་བཟུང་རྒྱ་ནག་གི་ཤེས་ཡོན་ཅན་ཚོས་དད་མོས་བྱ་ཡུལ་གཙོ་བོ་ཞིག་ནི་ལོ་རྒྱུས་ཡིན་ལ། རྒྱ་ནག་ནི་འཛམ་གླིང་སྟེང་ལོ་རྒྱུས་ཆེས་རིང་བ་དང་ཆེས་ཆ་ཚང་བའི་རྒྱལ་ཁབ་ཅིག་ཡིན་ལ། རྒྱ་ནག་པ་ཚོས་ལོ་རྒྱུས་ལ་གཞི་བཅོལ་ནས་དེང་གི་གནས་ཚུལ་ཐག་གཅོད་པ་དང༌། ཐ་ན་ལོ་རྒྱུས་ལ་བརྟེན་ནས་རང་ཉིད་ཀྱི་བསམ་བློ་འཕེལ་བར་བྱས། དེར་བརྟེན་ལོ་རྒྱུས་ཀྱི་དོན་དངོས་སྦས་གབ་་དང་འཁྱོག་བརྗོད་བྱེད་རྒྱུ་དེ་ཡང་རྒྱ་ནག་དམར་ཤོག་གི་དབང་བསྒྱུར་གྱི་ཐབས་ལམ་གཙོ་བོ་ཞིག་རེད། སྔ་བ་ཕྱི་ལོ་སྔོན་གྱི་རྒྱལ་རབས་ནས་ཉེ་བ་རིག་གསར་གྱི་ལོ་རྒྱུས་ཚང་མ་སྦས་གབ་དང་འཁྱོག་བརྗོད་བྱེད་རྒྱུ་དེ་ལོ་ངོ་ལྔ་བཅུའི་རིང་རྒྱུན་ཆད་མྱོང་མེད་ལ། ལྷག་པར་ལོ་རྒྱུས་ཀྱི་གདོང་རིས་ངོ་མ་ཐེར་འདོན་བྱེད་རྒྱུའི་བསམ་ཚུལ་བཀག་སྡོམ་དང་རྩ་མེད་བཟོ་བཞིན་ཡོད།
དྲག་ཤུགས་ཀྱིས་དོན་དངོས་སྒྲིབ་གཡོགས་བྱེད་མ་ཐུབ་པའི་སྐབས་དེར་རྫུན་གཏམ་དང་མགོ་བསྐོར་གར་སྟེགས་སྟེང་བུད་པ་དང༌། རྫུན་གཏམ་ནི་དྲག་ཤུགས་ཀྱི་ངོས་གཞན་ཞིག་ཡིན་ལ་དྲག་ཤུགས་ཀྱི་རྒྱབ་རྟེན་ཡང་ཡིན། ང་ཚོས་ཁས་ལེན་དགོས་པ་ཞིག་ནི། འདི་ནི་དམར་ཤཽག་གིས་གསར་གཏོད་བྱས་པ་ཞིག་མིན་པར་གནའ་རབས་ནས་ཡོད་པའི་འཆལ་བོའི་སྤྱོད་ཚུལ་དེ་དམར་ཤོག་གྀས་བེད་སྤྱོད་བཏང་བ་ཞིག་རེད། རྒྱ་ནག་དམར་ཤོག་གིས་ཞིང་པ་ལ་ས་ཞིང་དང༌། བཟོ་བ་ལ་བཟོ་གྲྭ། ཤེས་ཡོན་ཅན་ཚོ་རང་དབང་དང་དམངས་གཙོ། ཞི་བདེ་བཅས་སྤྲོད་རྒྱུ་ཁས་ལེན་བྱས་ཡོད་ན་ཡང༌། ད་ལྟའི་བར་གཅིག་ཀྱང་མངོན་དུ་གྱུར་མེད། མགོ་བསྐོར་བཏང་བའི་རྒྱ་ནག་པ་མི་རབས་གཅིག་འདས་ཚར་བ་དང༌། མི་རབས་གཞན་དེ་མུ་མཐུད་དུ་དམར་ཚོགས་ཀྱི་རྫུན་གཏམ་ལ་མགོ་འཁོར་ནས་བསྡད་ཡོད་པས། འདི་ནི་རྒྱ་ནག་པའི་སྐྱོ་གར་ཞིག་ཡིན་ལ། རྒྱ
