རྒྱ་ནག་དམར་ཤོག་ལ་མཚོན་ན་སྤྱི་ཟླ་༧ པའི་ཚེས་༡ ནི་དུས་ཆེན་གལ་ཆེན་ཞིག་ཡིན། དེའི་རྒྱུ་མཚན་དང་པོ་ནི་ཉིན་དེར་རྒྱ་ནག་དམར་ཤོག་ཚོགས་པ་དབུ་བརྙེས་བའི་དུས་དྲན་ཡིན། དོན་ངོ་མའི་ཟླ་༧ པའི་ཚེས་༢༣ ཉིན་ཡིན། རྒྱུ་མཚན་གཉིས་བ་ནི་རྒྱ་ནག་དམར་ཤོག་གིས་ཧོང་ཀང་ཕྱིར་བླངས་བའི་དུས་དྲན་གྱི་ཉིན་མོ་ཡང་ཡིན། ད་ལྟ་ཕལ་ཆེར་དུས་དྲན་གསུམ་པ་ཞིག་སྲུང་བརྩི་བྱེད་དགོས་བར་འདོད་ལ་དེ་ནི་བོད་ཕྱིར་བླངས་བའི་དུས་དྲན་ཡིན། ཅིའི་ཕྱིར་འདི་ལྟར་བརྗོད་དགོས་བྱུང་ཟེར་ན་རྒྱུ་མཚན་ནི་མཚོ་བོད་ལྕགས་ལམ་སྟེང་ཟླ་༧ པའི་ཚེས་༡ ཉིན་ནས་མེ་འཁོར་གཏོང་རྒྱུ་འགོ་འཛུགས་གནང་རྒྱུ་ཡིན་ལ། སྐབས་དེར་རྒྱ་ནག་དམར་ཤོག་གི་སྤྱི་ཁྱབ་དྲུང་ཆེ་ཧོ་ཅིན་ཐོ་ཡིས་མཛད་སྒོ་དངོས་སུ་དབུ་འཛུགས་གནང་རྒྱུ་ཡིན་པ་མ་ཟད། ད་དུང་དབྱང་དབུགས་ལྡན་པའི་འཁོར་སྒམ་ནང་ཞུགས་ཏེ་རྒྱ་ནག་གི་དཔོན་རིགས་གཞན་དང་ལྷན་འཛམ་གླིང་སྟེང་ཆེས་མཐོ་བའི་ལྕགས་ལམ་སྟེང་གི་ཆེས་ཐོག་མའི་མེ་འཁོར་འགྲུལ་བཞུད་ལ་རོལ་རྒྱུ་ཡིན་པ་རེད།
ཅང་ཙེ་མིན་གྱིས་ཧོང་ཀོང་ཕྱིར་བླངས་བ་དང༌། ཧོའུ་ཅིན་ཐོ་ཡིས་བོད་ཕྱིར་བླངས་བའི་རྒྱལ་ཁབ་ལ་དགའ་ཞེན་ཆེ་བ་སྔ་གཞུག་ཏུ་ཕྱེ་རྒྱུ་མེད། ཧོའུ་ཅིན་ཐོ་ཡིས་དེ་སྔ་བོད་རང་སྐྱོང་ལྗོངས་ཀྱི་དམར་ཕྱོགས་དྲུང་ཆེ་གནང་སྐབས་མགོ་ལ་ལྕགས་ཞྭ་བཀོན་ཏེ་ཁོ་རང་དངོས་སུ་སྲང་ལམ་ཏུ་ཕྱིན་ནས་༨༩ལོའི་ཟླ་༣ པར་ལྷ་སའི་སྲང་ལམ་ཏུ་བྱུང་བའི་ལས་འགུལ་ལ་དྲག་གནོན་གྱི་བཀོད་འདོམས་གནང་བ་རེད། ཡིན་ན་ཡང་རྗེས་སུ་ཁོ་ལ་ན་ཚ་བྱུང་ཡོད་པར་བརྗོད་པ་དང་ཡུན་རིང་པོར་པེ་ཅིན་ཏུ་བསྡད་དེ་ཐག་རིང་ནས་བོད་ཀྱི་ལས་དོན་ལ་འཛུབ་སྟོན་བྱས། གནས་སྟངས་དེ་ལྟ་བུའི་འོག་ཏུ་ཡང་ཏིང་ཞོ་ཕིན་གྱིས་ཁོ་རང་ཅང་ཙེ་མིན་རྗེས་ཀྱི་རྒྱ་ནག་དམར་ཕྱོགས་ཀྱི་འགོ་ཁྲིད་དུ་ཐག་བཅད་པས་ཁོང་གིས་དྲག་གནོན་གྱི་ནུས་བ་ལ་མཐོང་ཆེན་སྤྲད་པ་ཤེས་ཐུབ། དེ་དང་འདྲ་བར་ད་ལོར་རང་ལོ་༥༡ ཡིན་ལ། རྒྱ་ནག་གི་སྲིད་སྟེགས་སྟེང་སང་ཉིན་གྱི་སྐར་ཆེན་དུ་ངོས་འཛིན་བྱེད་བའི་བོད་རང་སྐྱོང་ལྗོངས་དམར་ཤོག་དྲུང་ཆེ་དབྱང་ཁྲན་ཐང་ལ་ན་ནིང་ཕྱི་ཟླ་༩བའི་ནང་ཀླད་ཁྲག་བརྡོལ་ཏེ་ཐེངས་འགར་བརྒྱལ་སོང་བའི་གཏམ་ཞིག་གྲགས་པ་དང༌། ཀྲུང་དབྱང་གིས་ཆེད་དུ་གནམ་གྲུ་བཏང་སྟེ་པེ་ཅིན་ཏུ་ཛ་དྲག་གི་སྨན་བཅོས་བྱས་ཏུ་ཁྱེར། ཁོང་གི་ཚབ་ལ་ཀྲང་ཆིས་ལིས་ཟེར་བ་བསྐོས་ཡོད། དབྱང་ཁྲན་ཐང་ནི་དངོས་སུ་ན་བ་རེད། ཡིན་ན་ཡང་ཧོའུ་ཅིན་ཐོ་མིག་སྔར་བདེ་ཐང་ཡིན་ལ་སྐབས་དེར་ན་བ་ནི་བདེན་རྫུན་ཡིན་མིན་མི་ཤེས་བ་རེད། ད་ལྟ་ཧའོུ་ཅིན་ཐོ་དབྱང་དབུགས་འཁོར་སྒམ་ནང་བསྡད་དེ་བོད་དུ་བསྐྱོད་རྒྱུ་ཡིན་པ་ནི་ཁོ་རང་དངོས་གནས་བོད་ཀྱི་མཐོ་སྒང་གི་གནམ་གཤིས་འཕྲོད་ཀྱི་མེད་པའི་རྟགས་རེད། ཡིན་ན་ཡང་སྐབས་དེར་ཡུན་རིང་པེ་ཅིན་དུ་མི་བསྡད་ཐབས་མེད་ཡིན་པ་བདེན་དཔང་ཆེད་ལྷ་སར་འགྲོ་དགོས་བས། རབ་བྱུང་ན་ལྕགས་ཞྭའི་ཚབ་ཏུ་དབྱང་དབུགས་ཀྱི་ཁ་རས་དཀྲིས་ན་སྟབས་བདེ་བོ་ཡོད་པ་རེད།
རྒྱ་ནག་གི་དཔོན་རིགས་ཚོ་བོད་དུ་འཚོ་བ་རོལ་ཐུབ་ཀྱི་མེད་པ་དེས་བོད་དེ་གནའ་སྔ་མོ་ནས་རྒྱ་ནག་གི་ཆ་ཤས་ཤིག་མིན་པ་བདེན་དཔང་བྱས་ཡོད་ལ། གལ་སྲིད་གནའ་བོའི་རྒྱ་ནག་གི་དཔོན་རིགས་ཚོ་སྐབས་དེར་དབྱང་དབུགས་འཁོར་སྒམ་ནང་བསྐྱོད་པ་དང་དབྱང་དབུགས་ཁ་རས་དཀྲིས་ཏེ་བོད་ལ་དབང་བསྒྱུར་བྱས་པའི་བདེན་དཔང་ཡོད་ན་གནས་ཚུལ་གཞན་རེད། ཡིན་ན་ཡང་བོད་ཆེན་པོའི་ས་ཁུལ་ནས་འཁྲུངས་ཤིང་བོད་མི་རིགས་ཀྱི་བསམ་བློའི་འགོ་ཁྲིད་ཏཱ་ལའི་བླ་མ་དང༌། ད་དུང་རྒྱ་གར་དང་ཕྱི་རྒྱལ་གང་སར་བཙན་བྱོལ་ཏུ་གནས་བའི་བོད་མི་རྣམས་ནི་རྒྱ་ནག་དམར་ཤོག་གིས་དྲག་གནོན་བྱས་རྐྱེན་ཕ་ཡུལ་མཐོ་སྒང་དུ་ལོག་ཐུབ་མེད་པར་བཙན་གྱིས་འཚོ་བ་གཞན་ཞིག་རོལ་ཏུ་བཅུག་ཡོད།
ད་ལོའི་དབྱར་ཁར་ཧུའུ་ཅིན་ཐོ་ཨ་རི་ལ་འཚམས་འདྲིར་བསྐྱོད་པའི་སྔ་རོལ་ཏུ། རྒྱ་ནག་དམར་ཤོག་གིས་ཏཱ་ལའི་བླ་མ་ཕལ་ཆེར་བོད་དུ་ཕེབས་འཐུས་ཆོག་མཆན་སྤྲོད་རྒྱུ་ཡིན་ཚུལ་བརྗོད་དེ་ཨ་རི་ཡིས་ཧུའུ་ལ་ཚད་མཐོ་བའི་སྣེ་ལེན་བྱེད་རྒྱུར་རེ་བ་བཅངས་ཡོད། དེ་ན་རླབས་ཆེ་བའི་ཏཱ་ལའི་བླ་མ་ཡང་རྒྱ་ནག་དམར་ཤོག་གིས་བེད་སྦྱོད་ཀྱི་ལག་ཆ་དང་བཙན་གྱིས་ཉར་བའི་མི་ཞིག་ཏུ་གྱུར། ཡིན་ན་ཡང་ད་ལྟའི་བར་ཏཱ་ལའི་བླ་མ་ཕྱིར་བོད་ལ་ཕེབས་རྒྱུའི་གནས་ཚུལ་གྲགས་རྒྱུ་མེད་པས་དེ་ནི་རྦད་དེ་བསླུ་བྲིད་ཞིག་རེད། ཏཱ་ལའི་བླ་མའི་སེམས་པ་རྣམ་དག་གིས་ཁོང་གི་མི་མང་ལ་ཧུའུ་ཅིན་ཐོ་ཡིས་ཨ་རི་ལ་གཟིགས་སྐོར་སྐབས་ངོ་རྒོལ་བྱེད་མི་རུང་བའི་བཀའ་གནང་ཡོད། ཡིན་ན་ཡང་ཁོ་ལ་ཐོབ་པ་ནི་ཕྱི་ཟླ་༤ པར་རྒྱ་ནག་ནང་ཚོགས་པའྀ་ཆེས་ཐོག་མའི་ནང་བའི་ལྷན་ཚོགས་ཟེར་བའི་སྟེང་འགྲིན་ཚབ་པས་ཁོ་ལ་མེས་རྒྱལ་ཁ་བྲལ་རིང་ལུགས་པ་རེད་ཞེས་བརྗོད་པ་དང༌། དེར་མཐུད་ཕྱི་ཟླ་༦ པའི་ནང་ལྷ་སར་ བྱབྱཏཱ་ལའི་ཁ་བྲལ་རིང་ལུགས་ཆབ་སྲིད་ཚོགས་པའི་ནག་ཉེས་ཐེར་འདོན་བྱབྱ ཟེར་བའི་ཚོགས་འདུའི་སྟེང༌། བོད་རང་སྐྱོང་ལྗོངས་འཐུས་མིའི་རྒྱུན་ལས་ཀྱི་འགན་འཛིན་གཞོན་པ་རྒྱ་རིགས་ཀྲའོ་ལེན་དང་བོད་རིགས་འགན་འཛིན་གཞོན་པ་སྤེན་སྒྲོན་གཉིས་ཀྱིས་ཏཱ་ལའི་བླ་མས་རྒྱ་ནག་དམར་ཤོག་གི་སྲིད་དབང་འགོ་རྟིང་བསློགས་རྒྱུའི་དམིགས་ཡུལ་བཟུང་ཡོད་པ་རེད་བཅས་སྐྱོན་བརྗོད་བྱས་པ་དང༌། ད་དུང་རང་སྣང་གང་དྲན་གྱིས་ཏཱ་ལའི་བླ་མའི་ཁོང་གི་མི་མང་རྣམས་བསྐྱར་ཏུ་བྲན་གཡོག་ཏུ་བསྒྱུར་གྱི་ཡོད་པ་རེད་བཅས་བརྗོད།
ཏཱ་ལའི་བླ་མ་ལ་འདི་ལྟ་བུའི་བསླུ་བྲིད་དང་བརྙས་བཅོས་བྱས་ན་ཡང་བླ་ཆེན་ཁོང་གིས་འཁོན་སེམས་ཀྱི་འདོད་ཚུལ་བཅངས་མེད་པ་རེད། ཉེ་ཆར་ཁོང་གིས་ཨེ་ཤ་ཡའི་གཟའ་འཁོར་དུས་དེབ་ཀྱི་བཅར་འདྲི་དང་ལེན་སྐབས་ད་དུང་ཁོང་གིས་རྒྱ་ནག་དམར་ཤོག་ལ་ངོ་རྒོལ་བྱེད་ཀྱི་མེད་པ་དང༌། མར་ཁེ་སི་རིང་ལུགས་དང་ཡང་ལྟ་ཚུལ་གཅིག་མཐུན་ཡོད་པར་གསུང་ཡོད། གཞན་ཁོང་གིས་བོད་རྒྱ་གཉིས་བར་གྲོས་མོལ་ཐེངས་ལྔ་བརྒྱུད་པེ་ཅིན་དང་ཐད་ཀར་འབྲེལ་བ་བྱུང་བའི་འབྲས་བུ་བཟང་ཞིང༌། ཕྱོགས་གཉིས་ཀྱིས་བསམ་བློ་ཁྱེར་གཏོང་་དང་འདོད་ཚུལ་ཅི་ཡིན་རྒྱུས་ལོན་ཐུབ་ཡོད་པ་རེད་བསམ་ཡོད། ཏཱ་ལའི་བླ་མས་གསུང་ན་ཁོང་གིས་སྐུ་ཚབ་པེ་ཅིན་དུ་བསྐྱོད་པར་སྣེ་ལེན་ཡག་པོ་བྱས་ཡོད་པ་དང་གྲོལ་མོལ་གྱི་ཁོར་ཡུག་ཤིན་ཏུ་ལེགས་ཟེར། རྒྱ་ནག་ཕྱི་སྲིད་ལས་ཁུངས་ཀྱིས་ཕྱི་ལ་སྤེལ་བའི་གཏམ་གྱི་བརྗོད་བབས་ལ་ཁྱད་པར་ཤིན་ཏུ་ཆེ་བའི་གང་ངོ་མ་ཡིན་མིན་ཤེས་དཀའ་བ་རེད། ཏཱ་ལའི་བླ་མ་པེ་ཅིན་གྱིས་འཐབ་ཕྱོགས་གཅིག་གྱུར་བྱས་སྐབས་དགུང་ལོ་ཆུང་བ་མ་ཟད་ཕོ་བྲང་གི་ནང་རོལ་ཏུ་ཞུགས་ཡོད་པའི་མར་ཁེ་སི་རིང་ལུགས་དང་འབྲེལ་བ་བྱུང་བ་ནི་གཙོ་བོ་ཕྱི་རྒྱལ་ལ་ཕེབས་རྗེས་བྱུང་བ་ཡིན་པས། འཆལ་པོའི་ཁྱད་ཆོས་ལྡན་པའི་རྒྱ་ནག་མར་ཁེ་སི་རིང་ལུགས་ལ་ངོས་འཛིན་གཏིང་ཟབ་མོ་བྱུང་མེད། དེའི་རྐྱེན་གྱིས་རྒྱ་ནག་དམར་ཤོག་གིས་བསླུ་བྲིད་ཀྱི་ཐབས་དང་མགོ་གཉིས་མའི་སྤྱོད་ཚུལ་རྟོགས་ཐུབ་མེད།
ཏཱ་ལའི་བླ་མའི་ད་དུང་ཁོང་གི་སེམས་ཁྲལ་བརྗོད་དོན་བྱབྱང་རང་བཙན་བྱོལ་ཁྲོད་སྐུ་འདས་ཚེ། ངའི་སྒྲུབ་མ་ཚར་བའི་ལས་དོན་གྱི་མཇུག་མུ་མཐུད་སྐྱོང་ཆེད་ངའི་ཡང་སྲིད་དེ་ཡང་རང་དབང་ལྡན་པའི་སྤྱི་ཚོགས་ནང་འཁྲུངས་རྒྱུ་ཡིན་པ་རེད། པེ་ཅིན་གྱིས་ཡང་སྲིད་གཞན་ཞིག་བསྐོ་རྒྱུ་ཡིན་པས་མཐའ་མཇུག་ཡང་སྲིད་གཉིས་ཆགས་འགྲོ་བ་རེད། ངའི་རྟག་པར་གསར་འགོད་པ་ཚོ་ལ་རྗེས་སུ་ཕལ་ཆེར་ཏཱ་ལའི་བླ་མ་གཉིས་བྱོན་པ་དང༌། གཅིག་ནི་སྲིད་གཞུང་ལ་མཁོ་བའི་ཏཱ་ལའི་བླ་མ་དང༌། གཞན་དེ་ནི་བོད་མི་མང་སེམས་ནང་གི་ཏཱ་ལའི་བླ་མ་རེད་ཅེས་བརྗོད་ཀྱི་ཡོད་གསུང།བྱབྱ ཁ་ཆེམས་ལྟ་བུའི་གསུང་འདིའི་སེམས་ནང་སྐྱོ་བ་ཞིག་སྐྱེས་སུ་བཅུག་ལ། ངའི་རེ་བ་ནི་ཏཱ་ལའི་བླ་མའི་སྐུ་ཚེ་ཡུན་རིང་བརྟན་ཞིང་སྐུ་ངོ་མའི་རྒྱ་ནག་དམར་ཤོག་ཚོགས་པ་འཇིག་ཉེས་སུ་འགྲོ་བ་གཟིགས་ཐུབ་རྒྱུ་དེ་རེད། ངོ་མ་ཏཱ་ལའི་བླ་མའི་གསུང་བ་ལྟར་རྒྱ་ནག་དམར་ཤོག་ཚོགས་པ་དབུ་བརྙེས་བ་ནས་བཟུང་པན་ཆེན་བླ་མ་གཉིས་བྱུང་བ་དང༌། ཕལ་ཆེར་ཏཱ་ལའི་བླ་མ་ཡང་གཉིས་འབྱུང་རྒྱུ་ཡིན་ལ། དེར་མ་ཟད་བྱབྱརྒྱ་ནག་གཉིསབྱབྱ་བྱུང་བ་དང༌། གནམ་བདག་ཆོས་ལུགས་གཉིས། ཡེ་ཤེ་ཆོས་ལུགས་གཉིས་བཅས་བྱུང་ཡོད་ལ། ཐ་ན་རྒྱལ་སྤྱིའི་དམར་ཕྱོགས་རིང་ལུགས་ཀྱི་ལས་འགུལ་ཡང་ཁག་གཉིས་སུ་གྱེས་ཡོད། མིག་སྔར་རྒྱ་ནག་དམར་ཤོག་གིས་ བྱབྱའཛམ་གླིང་རང་བཞིན་ཅན་བྱབྱབརྗོད་བཞིན་པ་ཡིན་དོན་དངོས་སུ་འཛམ་གླིང་གཉིས་བཟོ་བཞིན་ཡོད་དེ། རང་དབང་གི་འཛམ་གླིང་དང་རྒྱ་ནག་དམར་ཤོག་གཙོ་བྱས་པའི་འཆལ་པོའི་འཛམ་གླིང་ཡིན། རྒྱ་ནག་གི་སྤྱི་ཚོགས་ཀྱང་གཉིས་སུ་ཕྱེས་ཡོད་ལ། ཧོང་ཀང་དུ་ཡང་རྒྱལ་ཞེན་པ་དང་ཁ་གཏད་པ་གཉིས་སུ་ཕྱེས་པ་དང༌། དེང་སྐབས་ཐེ་ཝན་བགོ་བཤའ་བྱེད་ཀྱིན་ཡོད་པ་རེད། མདོར་ན་གང་དུ་དམར་ཤོག་ཚོགས་པ་ཡོད་ཚེ་དེ་རུ་ཁ་བྲལ་དང་རྙོག་འཛིང་ཡོད་ལ། རྒྱ་ནག་དམར་ཤོག་ཚོགས་པ་ནི་འཛམ་གླིང་གི་རྙོག་དྲ་དང་ཆག་སྒོ་ཀུན་གྱི་འབྱུང་རྩ་ཡིན་པས་སེམས་བཟང་བའི་མི་རྣམས་ཀྱིས་ནམ་ཡང་དོགས་ཟོན་བྱེད་རྒྱུ་ལྷོད་མི་ཉན་པ་རེད་དོ།
༼ སྤེལ་ཇེམ་ནས་ས་དཀར་བཀྲ་ཤིས་ཀྱིས་བསྒྱུར༽
བོད་ཀྱི་དུས་བབ་སྤྱིའི་འདོན་ཐེངས་༣༤༨ སྟེང་བཀོད་ཡོད། ཕྱི་ལོ་༢༠༠༦ ཟླ་༧ ཚེས་༣༡།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།