བོད་ཀྱི་སྐུ་ཚབ་ཐེངས་ལྔ་བ་རྒྱ་ནག་ཏུ་བསྐྱོད་པའི་སྐོར་ལ་དཔྱད་པ།
རྩོམ་པ་པོ། མོ་ལིས་ཧྭ། སྒྱུར་པ་པོ། ས་དཀར་བཀྲ་ཤིས།
ད་ལོའི་ཟླ་༢ ཚེས་༡༥ ཉིན་ནས་ཚེས་༢༣་ བར་བོད་མིའི་བསམ་བློའི་དབུ་ཁྲིད་ཏཱ་ལའི་བླ་མའི་སྐུ་ཚབ་ཐེངས་ལྔ་བ་རྒྱ་ནག་ཏུ་འཚམས་འདྲིར་བསྐྱོད་པ་དང༌། སྔོན་ཆད་གནང་བའི་གྲོས་མོལ་གྱི་གྲུབ་འབྲས་དང་འདྲ་བར་སྐུ་ཚབ་ཕྱིར་ཕེབས་རྗེས་ཕྱོགས་གཉིས་བར་ད་དུང་གཞི་རྩའི་འགལ་ཟླ་གནས་ཡོད་པར་བརྗོད་པ་དེ་ནི་ཐེངས་འདིའི་བོད་རྒྱ་གྲོས་མོལ་ཕམ་ཁ་བྱུང་ཡོད་པར་བརྗོད་ཆོག
སྔོན་མ་༢༠༠༢ ལོར་བོད་ཀྱི་སྐུ་ཚབ་ཐེངས་དང་པོར་རྒྱ་ནག་ཏུ་བསྐྱོད་སྐབས་ངས་ཆེད་རྩོམ་༼བོད་ཀྱི་གནད་དོན་ནི་ཁེར་རྐྱང་གི་གླིང་ཕྲན་ཞིག་མ་རེད་༽ཅེས་བའི་ནང་ཐད་ཀར་གྱིས་འདི་ནི་བྱབྱའཁྲབ་སྟོན་རྫུན་མ་བྱབྱཞིག་རེད་ཅེས་བརྗོད་ཡོད། ལོ་ཟླ་རེ་རེ་བཞིན་འདས་ན་ཡང་འཁྲབ་སྟོན་རྫུན་མ་འདི་མི་མང་གི་རེ་བ་བཞིན་བྱབྱངོ་མ་བྱབྱཞིག་ཏུ་གྱུར་མ་ཐུབ་པ་མ་ཟད། ད་དུང་ག་ཚད་འཁྲབ་ན་དེ་སྲིད་རྫུན་ཏུ་གྱུར་བཞིན་པ་རེད།
ཅི་ཕྱིར་གྲོས་མོལ་བྱ་རྒྱུར་འདོད་མོས་མེད་པའི་རྒྱ་ནག་དམར་ཤོག་གིས་བཙན་བྱོལ་བོད་གཞུང་དང་མུ་མཐུད་དུ་གྲོས་མོལ་གྱི་རྩེད་མོ་རྩེ་རྒྱུ་དགའ་སྣང་ཡོད་པ་རེད། སུ་ལ་གྲོས་མོལ་གྱི་རྩེད་མོ་འདིའི་ཁྲོད་ཁེ་ཕན་རག་གི་ཡོད་དམ།
བྱབྱམཁར་འོག་གི་ཆིངས་ཡིགབྱབྱ་ནས་འབྲས་མེད་ངང་རྫོགས་པ།
དེ་རིང་གི་བོད་རྒྱ་གྲོས་མོལ་གྱི་རྩེད་མོ་འདིའི་ངོ་བོ་ལ་གཏིང་ཟབ་མོའི་རྒྱུས་ལོན་བྱེད་དགོས་ན་ང་ཚོས་ངེས་བར་ཏུ་ལོ་རྒྱུས་ལ་ཕྱིར་མིག་ཞིག་གཟིགས་དགོས། ༡༩༥༩ ལོའི་ཟླ་༥ ཚེས་༢༣ ཉིན་བཅིངས་འགྲོལ་དམག་བོད་ལ་སླེབས་རྗེས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དང་བོད་སྲིད་གཞུང་དབར་༼བོད་ཞི་བའི་བཅིངས་འགྲོལ་སྐོར་གྱི་གྲོས་མཐུན་དོན་ཚན་བཅུ་བདུན་༽ཞེས་བ་བཞག མེ་མདའི་འཇིགས་སྐུལ་འོག་བཙན་གྱིས་བཞག་ཏུ་བཅུག་པའི་ཆིངས་ཡིག་འདིར་བཙན་བྱོལ་བོད་གཞུང་གིས་བྱབྱའདྲ་མཉམ་མ་ཡིན་པའི་ཆིངས་ཡིག་ཞིག་ཏུབྱབྱངོས་འཛིན་བྱེད་ཀྱི་ཡོད།
སྐབས་དེར་རྒྱ་ནག་གཞུང་གིས་ཆིངས་ཡིག་གི་ནང་དོན་ལ་རྡོག་རོལ་བཏང་བ་དང༌། ༡༩༥༩ ལོར་ངོ་ལོག་ཟིང་འཁྲུག་ལ་ཁྲག་དྲི་བྲོ་བའི་དྲག་གནོན་བྱས་རྗེས། ཏཱ་ལའི་བླ་མ་རྒྱ་གར་ཏུ་བྲོས་བྱོལ་ལ་ཕྱིན་སྟེ་བཙན་བྱོལ་བོད་གཞུང་བཙུགས། དེའི་རྗེས་རྒྱ་བོད་དབར་མི་ལོ་༢༠ རིང་འབྲེལ་ལམ་ཆད་པ་རེད། མའོ་ཙེ་ཏུང་གིས་དབང་བསྒྱུར་བའི་སྐབས་རྒྱ་ནག་སྲིད་གཞུང་གིས་བོད་ཀྱི་རིག་གནས་དང་མི་རིགས་ཀྱི་ཁྱད་ཆོས་ལ་དྲག་གནོན་གྱི་སྲིད་ཇུས་ལག་བསྟར་བྱེད་ཀྱི་ཡོད་པའི་བོད་རྒྱ་གྲོས་མོལ་ནི་རྩ་བ་ནས་ཡོང་མི་སྲིད་པ་ཞིག་རེད།
ལོ་རབས་བདུན་ཅུའི་མཇུག་ཏུ་མའོ་ཙེ་ཏུང་འདས་རྗེས་དམར་ཤོག་དབང་འཛིན་པའི་རྙོག་སེལ་དྲང་སྐྱོར་བྱས་པ་དང་བོད་ཀྱི་སྲིད་ཇུས་ལ་ཡང་ནོར་འཁྲུལ་ངོས་ལེན་ཙམ་བྱས་ཏེ་ཏཱ་ལའི་བླ་མ་དང་འབྲེལ་ལམ་བསྐྱར་གསོ་བྱས། ༡༩༧༨ ལོའི་ཟླ་༡༢ ནང་ཞིན་ཧྭ་གསར་ཁང་གི་ཧོང་ཀོང་ཡན་ལན་ལས་ཁུངས་ཀྱི་འགོ་འཛིན་པ་ལིས་ཅིའུ་དང་སྐུ་གཅེན་པོ་རྒྱལ་ལོ་དོན་འགྲུབ་དབར་འབྲེལ་མཐུད་བྱུང་བ་དང༌། ༡༩༧༩ ལོར་རྒྱལ་ལོ་དོན་འགྲུབ་པེ་ཅིན་ལ་འཚམས་འདྲིར་བསྐྱོད། དེའི་རྗེས་སུ་ཏཱ་ལའི་བླ་མ་ཁོ་རང་ཉིད་ལས་གཞན་ཕྱི་རྒྱལ་ཏུ་ཡོད་པའི་ཁོང་གི་གཉེན་ཉེ་ཚོས་སྐུ་ཚབ་ལྟ་སྐོར་ཚོགས་པའི་མིང་ཐོག་ནས་བོད་ནང་ལྟ་སྐོར་དང་གཉེན་འཕྲད་དུ་བསྐྱོད་ཡོད།
༡༩༨༠ ལོའི་ཟླ་༤ བར་ཧུའུ་ཡོན་པང་གིས་འགོ་ཁྲིད་པའི་རྒྱ་ནག་དམར་ཤོག་དྲུང་ཆེ་ལས་ཁུངས་ནས་བྱབྱབོད་ཀྱི་ལས་དོན་ཕྱོགས་སྡོམ་སྙན་ཞུབྱབྱ་ཞེས་བ་ཞིག་ཟིན་བྲིས་བཏབ་པ་དང༌། ༡༩༨༡ ལོའི་ཟླ་༧ པར་ཧུའུ་ཡོན་པང་གིས་སྐུ་གཅེན་པོ་རྒྱལ་ལོ་དོན་གྲུབ་ལ་འཇལ་འཕྲད་གནང་སྟེ་ཏཱ་ལའི་བླ་མ་ཕྱིར་རྒྱ་ནག་ཏུ་ཕེབས་པར་ཆ་རྐྱེན་ལྔ་བཏོན། ཧུའུ་ཡོན་པང་གི་ཆ་རྐྱེན་ལྔ་ལ་ཡང་ཚད་ངེས་ཅན་ཡོད་ལ་དེའི་ཁྲོད་ཏཱ་ལའི་བླ་མ་ཕྱིར་བོད་ལ་ཕེབས་ཏེ་བཞུགས་མི་ཆོག་པ་དེ་ནི་བོད་པ་ཚོས་ངེས་ལེན་བྱེད་མི་ཐུབ་པ་ཞིག་རེད། ཡིན་ན་ཡང་སྐབས་དེར་ཕྱོགས་གཉིས་ལ་གྲོས་མོལ་བྱེད་རྒྱུའི་འདོད་མོས་དང་ཡིད་ཆེས་ངེས་ཅན་ཞིག་ཡོད་པ་རེད།
ཡིད་ཕངས་བ་ཞིག་ནི་ཧུའུ་ཡོན་པང་རང་ཉིད་ཀྱིས་བོད་ཀྱི་གནད་དོན་ཐད་ཀྱི་གུ་ཡངས་པའི་ལྟ་ཚུལ་ལ་སྐབས་དེའི་མཁྲེགས་འཛིན་སྟོབས་ཤུགས་བཙན་པའི་རྒྱ་ནག་ཏུ་གཏན་ནས་་ལག་བསྟར་བྱེད་མི་ཐུབ་པ་རེད། ཅུང་མ་འགོར་བར་ཧུའུ་ཡོན་པང་རྒྱ་ནག་དམར་ཤོག་དྲུང་ཆེ་ཡི་གོ་གནས་ནས་བཙན་གྱིས་དགོངས་པ་ཞུ་རུ་བཅུག་པ་དང༌། ཁོ་རང་གོ་གནས་ནས་ཕུད་པའི་ནག་ཉེས་ཆེ་ཤོས་ནི་བོད་དུ་སྐུ་དྲག་རིང་ལུགས་ཀྱི་སྲིད་ཇུས་ལག་བསྟར་བྱས་པ་དང༌། མཁྲེགས་འཛིན་གྱི་སྲིད་ཇུས་ལག་བསྟར་མ་བྱས་པའི་རྐྱེན་གྱིས་ཡིན་པར་བརྗོད།
ལོ་རབས་བརྒྱད་ཅུའི་མཇུག་ཏུ། ཀྲའོ་ཙེ་དབྱང་གཙོ་བྱས་པའི་རྒྱ་ནག་དམར་ཤོག་གུ་ཡངས་པའི་ཕྱོགས་ཁག་ནས་དབང་ཆ་བཟུང༌། སྐབས་དེར་སྤྱི་ཚོགས་ཡོངས་ནས་ལམ་ཁ་གསར་བ་དང་ཐབས་ལམ་གསར་བ་འཚོལ་ཞིབ་བྱེད་ཀྱི་ཡོད་པ་དང༌། རྒྱ་ནག་སྲིད་གཞུང་གིས་བོད་པ་དང་ལྷན་གྲོས་མོལ་བྱེད་འདོད་ཡོད་ཚུལ་ཁྱབ་བསྒྲགས་བྱས་པའི་བོད་ཀྱི་གནད་དོན་སེལ་བའི་རེ་བ་ཞིག་མཐོང་བ་རེད། ཡིན་ན་ཡང་དམར་ཤོག་མཁྲེགས་འཛིན་ཕྱོགས་ཁག་ནས་བཀག་རྒྱ་སྣ་མང་སྤྲད་ཡོད་དེ། ཕྱི་རྒྱལ་གྱི་མི་སུ་ཡང་གྲོས་མོལ་ནང་ཞུགས་མི་ཆོག་པ་དང༌། ཐ་ན་བཙན་བྱོལ་སྲིད་གཞུང་གི་ལས་བྱེད་ཡང་ཞུགས་མི་ཆོག་པ་དེ་ནི་རྒྱ་ནག་གིས་བོད་སྲིད་གཞུང་འདི་ངོས་ལེན་བྱེད་ཀྱི་མེད། སྔོན་ཆད་བོད་རང་བཙན་ལ་རྒྱབ་སྐྱོར་གནང་མཁན་གྱི་ཕྱི་རྒྱལ་ཡུལ་མི་སུ་ཡང་གྲོས་མོལ་ནང་ཞུགས་མི་ཆོག་པ་བཅས་ཀྱི་རེ་བ་བཏོན་ཡོད། དེ་ནི་རྒྱ་ནག་གིས་ཏཱ་ལའི་བླ་མ་གཅིག་པུ་དང་གྲོས་མོལ་བྱེད་རྒྱུ་ཡིན་པ་རེད། འདི་ཚོ་ནི་བོད་པའི་ཕྱོགས་ནས་དང་ལེན་བྱེད་དཀའ་བ་ཞིག་ཡིན་པས་གྲོས་མོལ་འགོ་འཛུགས་མ་ཐུབ་པར་མངལ་ནས་འཆྀ་བ་རེད།
ཉེ་འཆར་ནས་བཟུང བྱབྱརྩེད་མོབྱབྱ་སྒང་ན་གནས་ཡོད།
༡༩༨༩ ལོར་དྲུག་བཞིའི་ལས་འགུལ་ལ་དྲག་གནོན་བྱས་རྗེས། ཀྲའོ་ཙེ་དབྱང་སོགས་དམར་ཤོག་གུ་ཡངས་པའྀ་ཕྱོགས་ཁག་ཕམ་ཉེས་བྱུང་བ་དང༌། མཁྲེགས་འཛིན་ཕྱོགས་ཁག་ནས་དབང་ཆ་བཟུང༌། ར་ཤི་ཡ་རྒྱལ་ཁབ་ཐོར་ཞིག་ཏུ་སོང་བ་དེ་ལས་རྒྱ་ནག་དམར་ཤོག་ལ་སློབ་གསོ་མི་ཉུང་བ་ཞིག་ཐོབ་པ་དང༌། དེར་བརྟེན་རྒྱལ་ཁབ་ཁ་བྲལ་ལ་འགག་སྡོམ་ནན་མོ་བྱས། དཔལ་འབྱོར་ཡར་རྒྱས་དང་དམག་དོན་སྟོབས་ཤུགས་ཆེ་རུ་འགྲོ་བཞིན་པའི་གནས་སྟངས་འོག་རྒྱ་ནག་ཆེན་པོའི་མི་རིགས་རིང་ལུགས་ཀྱི་ལྟ་བ་སྔར་ལས་ང་རྒྱལ་དྲག་ཏུ་ཕྱིན། དེར་བརྟེན་རྒྱ་ནག་དམར་ཤོག་གིས་རྒྱལ་ཁབ་ཁ་བྲལ་གཏོང་སྲིད་པའི་བཙན་བྱོལ་བོད་གཞུང་གི་མི་སྣ་ལ་ཁ་ཅི་ཡང་གྲགས་རྒྱུ་མིན་པར་ནམ་ཡང་དོགས་ཟོན་བྱེད་ཀྱི་ཡོད། ༡༩༩༣ ལོ་ནས་བཟུང་བཙན་བྱོལ་བོད་གཞུང་དང་པེ་ཅིང་སྲིད་གཞུང་བར་གྱི་འབྲེལ་ལམ་རྦད་དེ་ཆད།
༢༠༠༢ ལོར་རྒྱལ་ལོ་དོན་གྲུབ་མཆོག་གིས་ཡང་བསྐྱར་རང་ཉིད་སྒེར་གྱི་མིང་ཐོག་ནས་རྒྱ་ནག་ལ་འཚམས་འདྲིར་བསྐྱོད་པ་དེས་ལོ་མང་རིང་བརྒྱབ་ཡོད་པའི་བོད་རྒྱའི་འབྲེལ་ལམ་གྱི་སྒོ་ཆེན་བསྐྱར་ཏུ་ཕྱེས། རྒྱ་ནག་ཕྱོགས་ནས་འདོད་མོས་མེད་ན་ཡང་བོད་རྒྱ་གྲོས་མོལ་གྱི་འཁྲབ་སྟོན་ཡག་པོ་མུ་མཐུད་འཁྲབ་བཞིན་པ་དེར་རྒྱལ་སྤྱིའི་སྤྱི་ཚོགས་ཀྱིས་དོ་སྣང་བྱེད་ཡུལ་གྱུར་པ་རེད། སྤྱིེར་བཏང་གྲོས་མོལ་དེ་གཅིག་རྗེས་གཉིས་མཐུད་དུ་གནང་བཞིན་ཡོད་ན་ཡང་ཁྱབ་བསྒྲགས་བྱས་པའི་ཡིག་ཆ་ལ་བལྟས་ཚེ་རྒྱ་ནག་དམར་ཤོག་གིས་བོད་རྒྱ་གྲོས་མོལ་བྱེད་འདོད་རྩ་བ་ནས་མེད་པ་མཐོང་ཐུབ་སྟེ།
དང་པོ། ཁོ་ཚོས་རྒྱ་རི་བློ་གྲོས་སོགས་ནི་ཏཱ་ལའི་བླ་མའི་སྐུ་ཚབ་ངོ་མ་ཡིན་པར་ཁས་ལེན་བྱེད་ཀྱི་མེད་པར། ཁོ་ཚོ་ནི་རྒྱལ་ནང་དུ་ལྟ་སྐོར་ལ་ཡོང་བའི བྱབྱབོད་རིགས་སྤུན་ཟླ་བྱབྱདང་བྱབྱཏཱ་ལའི་བླ་མ་དང་འབྲེལ་བ་དམ་ཟབ་ཡོད་པའི་མི་ཁ་ཤས་ཤིག་བྱབྱཡིན་པར་བརྗོད་ཀྱི་ཡོད་ལ། སྐུ་ཚབ་ཚོ་ཡང་ཡུལ་སྐོར་བའི་ཐོངས་མཆན་ཐོག་ནས་རྒྱ་ནག་ནང་བསྐྱོད་ཀྱི་ཡོད།
གཉིས་བ། ཁོ་ཚོས་ཏཱ་ལའི་བླ་མའི་དམིགས་བསལ་སྐུ་ཚབ་དང་དངོས་ཡོད་རང་བཞིན་གྱི་གནད་དོན་སྟེ་འཛམ་གླིང་གིས་དོ་སྣང་བྱེད་ཀྱི་ཡོད་པའི་བོད་ཀྱི་རང་སྲིད་རང་སྐྱོང་དང༌། འགྲོ་བ་མིའི་ཐོབ་ཐང༌། རིག་གཞུང་སྲུང་སྐྱོབ་སོགས་ཀྱི་ཐད་ལ་གཏན་ནས་གླེང་མོལ་བྱེད་འདོད་མེད་པར། གླེང་གཞིའི་ཁ་བསྒྱུར་ཏེ་བོད་པའི་སྐུ་ཚབ་ཚོ་ལ་མེས་རྒྱལ་གྱི་ཡར་རྒྱས་ངོ་སྤྲོད་བྱེད་ཀྱི་ཡོད་ཅེས་བརྗོད་པ་རེད། དེར་བརྟེན་མི་རིགས་གཉིས་དབར་གྱི་ལོ་རྒྱུས་འགལ་ཟླའི་ཐད་ཀྱི་གྲོས་མོལ་དེ་ཡང་ཐེངས་རེ་རེ་ཡུལ་སྐོར་སྤྲོ་འཆམ་གྱི་ལས་འགུལ་ཞིག་ཏུ་གྱུར།
དཔེར་ན། ༢༠༠༤ ལོར་རྒྱ་ནག་གཞུང་གིས་ཏཱ་ལའི་བླ་མའི་སྐུ་ཚབ་ཚོར་པེ་ཅིན་ཁྲིན་ཏུ་ཚ་གཡོལ་རི་གྲོང་གི་མན་ཆིན་གོང་མའི་ཕོ་བྲང་ལ་ལྟ་སྐོར་ཏུ་ཁྲིད་པ་དང༌། ༢༠༠༥ ལོར་བོད་པའི་སྐུ་ཚབ་ཚོར་ཀུའུ་ལེན་རི་ཆུ་ལ་ལྟ་སྐོར་བྱས། རྒྱ་གཞུང་གིས་སྐུ་ཚབ་ཚོར་ཟ་འཐུང་ཙམ་གྱིས་སྣེ་ལེན་བྱས་པ་ལས་བོད་རྒྱ་མི་རིགས་གཉིས་ཀྱི་དངོས་ཡོད་གནད་དོན་རྩ་བ་ནས་གླེང་གིན་མེད་པ་རེད། དེ་ལས་མཐོང་བ་ནི་རྒྱ་ནག་སྲིད་གཞུང་དང་བོད་པའི་སྲིད་གཞུང་དབར་བྱབྱགྲོས་མོལ་གྱི་འཁྲབ་སྟོནབྱབྱ་དེ་ནི་བྱབྱརྩེད་མོ་བྱབྱཞེས་བའི་སྒང་དུ་གནས་ཡོད།
འདི་ལྟར་རྒྱ་ནག་དང་བོད་དབར་གྱི་གྲོས་མོལ་དེ་ལོ་རབས་ལྔ་བཅུའི་འགོར་མེ་མདའི་ཁ་ནས་བཞག་པའི་བྱབྱམཁར་འོག་གི་ཆིངས་ཡིགབྱབྱ་ནས་ལོ་རབས་བརྒྱད་ཅུའི་ནང་རེ་བའི་འོད་སྣང་ཞིག་འཕྲོས་བ་དང༌། དེ་ནས་ལོ་རབས་དགུ་ཅུའི་རྗེས་སུ་རྒྱ་ནག་གི་དམག་སྟོབས་འཕེལ་བ་དང་མི་རིགས་རིང་ལུགས་ཀྱི་ཚོར་འདུའི་མགོ་བོ་ཡར་འགྱགས་པའི་བོད་རྒྱ་གྲོས་མོལ་ཟེར་བ་དེ་ཡང་རྒྱ་ནག་དམར་ཤོག་གི་ལག་ནང་དུ་བཟུང་བའི་བྱབྱགྲོས་མོལ་གྱི་རྩེད་མོབྱབྱ་ཞིག་ཏུ་གྱུར།
སུ་ལ་གྲོས་མོལ་གྱི་རྩེད་མོ་འདིའི་ཁྲོད་ཁེ་ཕན་རག་གི་ཡོད་དམ།
རྒྱ་ནག་སྲིད་གཞུང་ལ་གྲོས་མོལ་བྱེད་འདོད་མེད་ན་ཡང་ཁོ་ཚོ་གྲོས་མོལ་གྱི་མདུན་ཅོག་སྟེང་ཁྲིད་ཡོང་བ་དེ་བཙན་བྱོལ་བོད་གཞུང་གི་རྒྱལ་ཁ་ཞིག་རེད། འདི་ནི་སྟོབས་ཤུགས་ཀྱི་བར་ཁྱད་ཤིན་ཏུ་ཆེ་བའི་གྲོས་མོལ་ཞིག་ཡིན་ལ། ཉམས་ཆུང་བའི་བཙན་བྱོལ་བོད་གཞུང་དེ་རྒྱ་གར་གྱི་ཁྱམས་འོག་ཏུ་གནས་ཤིང་རང་ཉིད་ཀྱི་ས་ཞིང་དང༌། དམག་དཔུང༌། དཔལ་འབྱོར་གྱི་སྟོབས་ཤུགས་བཅས་མེད་པས་སྟོབས་ཆེ་བའི་རྒྱ་ནག་དང་གྲོས་མོལ་གྱི་མ་རྩ་ཞིག་གཏན་ནས་མེད་པ་རེད། ཡིན་ན་ཡང་བོད་པ་ཚོས་དུས་ཡུན་རིང་པོ་ཕྱི་རྒྱལ་ཁག་ནས་རྔམ་སྟོན་སྐད་འབོད་ཀྱི་ལས་འགུལ་བརྩམས་པ་དེར་ནུབ་ཕྱོགས་ཀྱི་གཞུང་དམངས་གཉིས་ནས་རྒྱབ་སྐྱོར་དང་ཐུགས་ཁུར་གནང་བ་དང༌། དེའི་སྟེང་ཏཱ་ལའི་བླ་མ་ལ་ནོ་སྤེལ་ཞི་བདེ་གཟེངས་རྟགས་ཐོབ་པ་དེས་བོད་ཀྱི་གནད་དོན་དེ་གོམ་གང་མདུན་སྤོས་ཀྱིས་རྒྱལ་སྤྱིའི་ཅན་དུ་གྱུར་བ་དང༌། བོད་རྒྱ་གྲོས་མོལ་ཡང་མིའི་སེམས་ཀྱི་གཏད་ཕྱོགས་སུ་གྱུར།
འཛམ་གླིང་ཅན་དུ་གྱུར་བཞིན་པའི་དུས་རབས་འདིར་རྒྱ་ནག་གིས་མའོ་ཙེ་ཏུང་གི་དུས་སྐབས་བཞིན་ཕྱི་ཕྱོགས་ལ་སྒོ་བརྒྱབ་མི་ཐུབ་ལ། དཔལ་འབྱོར་དང་ཆབ་སྲིད་སྟེང་འཛམ་གླིང་དུ་བསྐྱོད་བཞིན་པའི་རྒྱ་ནག་གིས་རང་ཉིད་ཀྱི་རྒྱལ་སྤྱིའི་སྣང་བརྙན་ལ་བསམ་བློ་མི་གཏོང་རང་གཏོང་རེད། དེར་བརྟེན་ཨ་རིའི་སྲིད་འཛིན་ཟུར་བ་ཚུད་པའི་ནུབ་ཕྱོགས་ཀྱི་མི་སྣའི་ངོ་སྲུང་ཆེད་དང༌། བོད་ལ་དབང་བསྒྱུར་གྱི་མ་གནས་དམའ་རུ་གཏོང་ཆེད་དངོས་སྤྱོད་རིང་ལུགས་སུ་གྱུར་ཡོད་པའི་རྒྱ་ནག་དམར་ཤོག་གིས་གཡོ་སྒྱུའི་ཐབས་འདི་སྤྱད་དེ་རྒྱལ་སྤྱིའི་སྤྱི་ཚོགས་ཀྱི་མིག་མདུན་ནས་བོད་རྒྱ་གྲོས་མོལ་འདི་བྱབྱབཤམས་པབྱབྱ་རེད།
འཁྲབ་སྟོན་འདིས་འབྲས་བུ་མངོན་གསལ་ཐོན་ཡོད་པ་དང༌། ལོ་འདི་དག་རིང་གྲོས་མོལ་གྱི་ཁོར་ཡུག་བཟང་པོ་སྐྲུན་ཆེན་བཙན་བྱོལ་བོད་གཞུང་གིས་སྔོན་ཆད་ཀྱི་སྐྱོན་བརྗོད་དང་ཐེར་འདོན་གྱི་སྤྱོད་ཚུལ་བསྒྱུར་བ་དང༌། རྔམ་སྟོན་ཁྲོམ་སྐོར་གྱི་ལས་འགུལ་མཚམས་བཞག་པ་མ་ཟད། ད་དུང་བོད་དོན་རྒྱབ་སྐྱོར་མཁན་ཚོ་ལ་ཡང་རྒྱ་ནག་དམར་ཤོག་ལ་ངོ་རྒོལ་གྱི་ལས་འགུལ་ཡོད་ཚད་མཚམས་འཇོག་དགོས་བའི་འབོད་སྐུལ་བྱས་ཡོད།
རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་ལ་ཡང་སྐྱོན་བརྗོད་ཉུང་དུ་ཕྱིན་པ་དང་དེ་ནི་བོད་རྒྱ་གྲོས་མོལ་དེ་འཛམ་གླིང་རྒྱལ་ཁབ་མང་པོ་ཞིག་གིས་རེ་བལྟོས་བྱེད་བཞིན་པ་དང༌། དེང་སྐབས་རྒྱ་ནག་སྲིད་གཞུང་གིས་རྒྱལ་ཁའི་ངང་འཁྲབ་སྟོན་བྱེད་བཞིན་པ་རེད།
སྤྱིར་བཏང་གྲོས་མོལ་ཐེངས་མང་བྱས་ན་ཡང་གྲོས་ཆོད་ཅི་ཡང་འཇོག་མ་ཐུབ་ལ་དོན་སྙིང་ཅི་ཡང་མཐོང་མི་ཐུབ། ཡིན་ན་ཡང་རྒྱལ་སྤྱིའི་སྤྱི་ཚོགས་ཀྱིས་རེ་བ་དེ་མ་འོངས་བར་བཅོལ་ཡོད་པས་རྒྱ་ནག་སྲིད་གཞུང་ལ་གནོན་ཤུགས་སྤྲོད་ཀྱི་མེད་པ་རེད།
དེར་བརྟེན་རྒྱ་ནག་སྲིད་གཞུང་གིས་རང་ཉིད་ཀྱི་བྱབྱགུ་ཡངས་པའི་བྱབྱརྣམ་པ་བཞེངས་པ་དང༌། རྒྱལ་སྤྱིའི་གནོན་ཤུགས་ཉུང་དུ་བཏང་པ། རྒྱལ་ཁའི་ངང་དུས་ཚོད་ཕྱི་འགྱངས་བྱེད་ཐུབ་ཡོད་རེད། ཐེངས་རེ་རེའི་བྱབྱགྲོས་མོལ་གྱི་རྩེད་མོའི་བྱབྱཁྲོད་དུ་ཏཱ་ལའི་བླ་མ་མཆོག་ལོ་རེ་རེ་བཞིན་རྒས་ནས་འགྲོ་བཞིན་པ་དང་བོད་ཀྱི་རིག་གཞུང་ཡང་ཉིན་རེ་བཞིན་ཡལ་ནས་འགྲོ་བཞིན་པ་རེད།
དོགས་པ་སྐྱེས་མི་དགོས་པ་ནི་འདི་འདྲའི་གྲོས་མོལ་གྱི་རྩེད་མོའི་ཁྲོད་ཁེ་ཕན་རག་མཁན་ནི་རྒྱ་ནག་སྲིད་གཞུང་ཡིན་པ་ལས་བོད་པ་རྩ་བ་ནས་མིན་པ་རེད། ཁེ་ཕན་ཡོད་རྐྱེན་རྒྱ་ནག་སྲིད་གཞུང་གིས་རྩེད་མོ་འདི་འདྲ་རྩེ་བར་ཐང་མི་ཆད་པར་མུ་མཐུད་དུ་རྩེ་བ་དང༌། ཡིན་ན་ཡང་བོད་ལ་ལོག་རྒྱུ་བྲེལ་སེམས་ལངས་བཞིན་པའི་བཙན་བྱོལ་བོད་གཞུང་གིས་རེ་བ་ནི་ཕྱོགས་གཉིས་དབར་འབྲེལ་བ་དང་གྲོས་མོལ་མང་རུ་གཏོང་རྒྱུ་དེ་ལ་བཅོལ་ཡོད་པ་རེད།
དོན་འདིར་སྨྱུག་འཛིན་པ་ངའི་རང་ཉིད་ཀྱི་ལྟ་ཚུལ་ད་དུང་བཟུང་ཡོད་དེབྱབྱབོད་པ་ཚོ་འདམས་ཀ་མང་པོ་ཞིག་མེད་པ་རེད། ཁོ་ཚོས་རྒྱ་ནག་མི་དམངས་དང་ལྷན་དུ་དམངས་གཙོ་དང་འགྲོ་བ་མིའི་ཐོབ་ཐང་རྩོད་ལེན་བྱེད་པ་དང༌། རྒྱ་ནག་ཡོངས་ལ་དམངས་གཙོ་ལམ་ལུགས་དབུ་བརྙེས་བའི་དུས་སྐབས་དེ
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།