འབྲིང་རིམ་དགེ་རྒན་འོས་སྦྱོང་གི་གསལ་བསྒྲགས།

༄༅།།    བོད་གཞུང་ཤེས་རིག་ལས་ཁུངས་ནས་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་དང་མཐུན་པའི་གཞི་རིམ་བར་མའི་དགེ་རྒན་འོས་སྦྱོང་(B.Ed-དང་ཚད་མཉམ།) ཞིག་ཕྱི་ལོ་ ༢༠༠༨ ཟླ ༡༠ ཚེས་ ༡ ནས་ ༢༠༡༠ ཟླ་ ༤ ཚེས་ ༣༠ བར་དྷ་རམ་ས་ལའི་ཉེ་འདབས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་གོ་སྒྲིག་ཞུ་རྒྱུ་ཡིན་པ་དེའི་ཁོངས་སུ་ཤེས་རིག་ལས་ཁུངས་ནས་ངོས་འཛིན་ཡོད་པའི་མཐོ་རིམ་རིག་གནས་རབ་འབྱམས་པའམ་ཤཱསྟྲིའ་སློབ་ཐོན་ ༢༠ དང་རྒྱ་གར་མཐོ་སློབ་ཁག་ནས་བྷེ་ཨེ་(B.A) སློབ་ཐོན་ ༡༠ བྷི་ཨེས་སི་( B. Sc) སློབ་ཐོན་ ༡༠ བཅས་ལ་གོ་སྐབས་གནང་རྒྱུ་ཡིན་ན། འོས་སྦྱོང་དུ་ཞུགས་བློ་ཡོད་རིགས་རྣམས་ནས་ཕྱི་ལོ་ ༢༠༠༨ ཟླ་ ༨ ཚེས་ ༣༠ འགྱངས་མེད་གཤམ་གསལ་ཁ་བྱང་ཐོག་དགོས་ངེས་ཡིག་ཆ་ཁག་དང་བཅས་སྙན་ཞུ་འབུལ་དགོས་ཤིང༌། དུས་བཀག་རྗེས་སུ་འབྱོར་བའི་སྙན་ཞུ་རྣམས་རང་བཞིན་གྱིས་རྩིས་མེད་གཏོང་རྒྱུ་ཡིན།
དགོས་ངེས་ཆ་རྐྱེན།
༡།   ཉུང་མཐའི་ཤེས་ཚད་ཉེ་བའི་གཙུག་ལག་རབ་འབྱམས་པ་ སྐྱ་རྐྱ སྐྱ་ ྔཏྲ དང༌། ཡང་ན་ཤེས་རིག་ལས་ཁུངས་ནས་ངོས་འཛིན་ཡོད་པའི་མཐོ་རིམ་རིག་གནས་རབ་འབྱམས་པའི་ལག་འཁྱེར་ཡོད་པའི་ཕྱོགས་བསྡོམས་བརྒྱ་ཆ་ ༥༠ ཡན་ལོན་པ།
༢།    འཛིན་རིམ་བཅུ་པ་དང་བཅུ་གཉིས། ཉེ་བའི་གཙུག་ལག་རབ་འབྱམས་པ་བཅས་ཀྱི་སློབ་ཐོན་ལག་འཁྱེར་དང་བརྒྱ་ཆའི་ཨང་ཤོག་བཅས་ཀྱི་ངོ་བཤུས།
༣།   གཟུགས་ཐང་ལས་འཕེར་ཡིན་པར་སྨན་པའི་ངོས་སྦྱོར་ངོ་མ།
༤།    འབུལ་འབབ་གཙང་འབུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་གྲངས་དང་པོ་དང་མཐའ་མའི་ངོ་བཤུས།
༥།    གནས་ཡུལ་རྒྱལ་ཁབ་ཏུ་ཁྲིམས་མཐུན་གནས་སྡོད་ཆོག་པའི་ལག་འཁྱེར།(R.C.)ཤོག་གྲངས་དང་པོ་དང་མཐའ་མའི་ངོ་བཤུས།
༦།  ཕྱི་ལོ་ ༢༠༠༨ ཟླ་ ༨ ཚེས་ ༣༡ ལ་རང་ལོ་སུམ་ཅུ་མ་བརྒལ་བ་དགོས་རྒྱུ། ༼དེ་ལས་ཉིན་ཤས་བརྒལ་ཀྱང་མི་ཚུད།༽
    ཐུགས་སྣང་དགོས་པ།
༡།    འོས་སྦྱོང་ནང་འཛུལ་ཞུགས་གནང་མཁན་སློབ་མ་ཉུང་མཐར་ ༡༥ མ་ལོན་ཚེ་འོས་སྦྱོང་འཛུགས་རྒྱུ་མིན། དེ་བཞིན་བོད་ཡིག་སྡེ་ཚན་དང༌། རྒྱུ་རྩལ་སྡེ་ཚན། ཚན་རིག་སྡེ་ཚན་སོ་སོར་སློབ་མ་ཉུང་མཐར་ ༥ མ་ལོན་   ཚེ་གོ་སྐབས་གནང་རྒྱུ་མིན།
༢།    འོས་སྦྱོང་རིང་སློབ་ཡོན་དང་སྡོད་ཁང༌། ལྟོ་དོད་བཅས་ཤེས་རིག་ལས་ཁུངས་ནས་གནང་རྒྱུ།
༣།    ལམ་གྲོན་དོ་བདག་རང་ངོས་ནས་གཏོང་དགོས་རྒྱུ།
༤།    འབྲེལ་བ་ཞུ་བདེ་ཆེད་དོ་བདག་སོ་སོའི་ཁ་བྱང་དང་ཁ་པར་ཨང༌།  ཨི་མེལ་བཅས་ངེས་འཁོད་དགོས་རྒྱུ།
༥།    དགོས་ངེས་ཡིག་ཆ་ཚང་རིགས་རྣམས་རྡ་ས་ཤེས་རིག་ལས་ཁུངས་སུ་ ༢༠༠༨ ཟླ་ ༩ ཚེས་ ༢༥ སྔ་དྲོ་ཆུ་ཚོད་ ༡༠ ཐོག་ངག་རྒྱུགས་ཀྱི་ལམ་ནས་འདེམས་བསྒྲུག་གནང་རྒྱུ་ཡིན་ན་དེ་སྐབས་ཡིག་ཆ་ངོ་མ་ཁག་མཉམ་       འཁྱེར་གྱིས་ངོ་བཅར་དགོས་རྒྱུ།

གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་སྟེང་རང་གཞུང་གི་འགན་འཛིན་ལས་བྱེད་ཟུང་དྲུང་ཡན་ནམ་ས་གནས་འགོ་འཛིན། ཡང་ན་བོད་མིའི་སློབ་གྲྭ་གང་རུང་གི་སློབ་སྤྱི་བཅས་སུ་རུང་ནས་ངོ་བཤུས་ཡིག་ཆ་ཁག་ངོ་བཤུས་འཁྲུལ་མེད་ཡིན་པའི་དག་མཆན་མཚན་རྟགས་ངེས་ཞུ་དགོས་པ་བཅས་ཀྱི་གསལ་བསྒྲགས་སུ། བོད་གཞུང་ཤེས་རིག་ལས་ཁུངས་ནས། ཕྱི་ལོ་ ༢༠༠༨ ཟླ་ ༧ ཚེས་ ༡ ལ།།
The Secretary,   
Department of Education
Central Tibetan Administration
Gangchen Kyishong
Dharamsala – 176215
Distt. Kangra,
H.P. India  Fax: 01892 – 223481 Tel: 01892 – 222572/ 222721
Email: education@gov.tibet.net   website: www.tcewf.org