སྨོན་ལམ་སྙན་ཚིག་རྩོམ་སྐུལ་བརྡ་ཁྱབ།

དཔལ་མཉམ་མེད་འགྲོ་མགོན་བཀའ་བརྒྱུད་པའི་སངྒྷ་སྨོན་ལམ་ཆེན་མོ་ཐེངས་ ༢༦ པར་སྨོན་ལམ་སྙན་ཚིག་རྩོམ་སྐུལ་བརྡ་ཁྱབ།

བཀའ་བརྒྱུད་སྨོན་ལམ་ཐེངས་ཉི་ཤུ་རྩ་དྲུག་པར་ང་ཚོའི་འཆར་གཞིར་སྨོན་ལམ་འཚོགས་སའི་སྐོར་ལམ་ཕྱི་མར་དམིགས་བསལ་སྨོན་ཚིག་དར་ཆ་འགེལ་རྒྱུ་ཡིན་པས། ཁྱེད་ཀྱིས་སེམས་ནང་གི་སྨོན་ལམ་རྣམས་སྙན་མོའི་ཚིག་ཏུ་བསྒྱུར་ནས་ཡིག་ཐོག་ནས་ང་ཚོར་བསྐུར་གནང་ཡོང་བ་ཞུ། བཀའ་བརྒྱུད་སྨོན་ལམ་ཐོག་སྤྱོད་རྒྱུའི་སྨོན་ཚིག་སྙན་རྩོམ་གྱི་འགྲོ་ལུགས་གཤམ་གསལ།
༡། སྨོན་ལམ་གྱི་སྙན་ཚིག་ཡིག་ཕྲེང་ཐུང་ཐུང་འགའ་ཤས་ལས་མེད་ཀྱང་ཆོག
༢། སྨོན་ལམ་གྱི་སྙན་ཚིག་ཇི་ལྟར་རིང་ཡང་ཡིག་འབྲུ་བརྒྱ་ལས་མ་མང་བ་ཡིན་དགོས།
༣། ལྷུག་རྩོམ་མམ་ཚིག་བཅད་གང་རུང་གི་ཐོག་ནས་བྲིས་ཆོག
༤། གཤམ་གསལ་གྱི་སྐད་ཡིག་གང་རུང་ཞིག་གི་ཐོག་འབྲི་དགོས།
བོད་ཡིག ཧིན་ངྷི། དབྱིན་ཇི། རྒྱ་ཡིག ཀོ་རི་ཡན། སི་ཕན། ཧཕ་རན་སི། འཇར་མན་བཅས་ཡིན།
༥། བརྗོད་བྱའི་སྙིང་དོན་ཁ་གསལ་གོ་བདེ་ཡིན་དགོས།
གཤམ་གསལ་གྱི་དཔེར་བརྗོད་འདི་རྒྱལ་དབང་ཀརྨ་པ་མཆོག་ནས་ཨ་རིའི་ནེའུ་ཡོག་འཛམ་གླིང་ཚོང་དོན་ལྟེ་གནས་གཏོར་བཤིག་བྱུང་སར་ཕྱག་བྲིས་གནང་བའི་སྨོན་ཚིག་སྙན་རྩོམ་ཞིག་ཡིན།
ཞི་བདེའི་སེམས་དང༌། ཞི་བདེའི་ཚོར་བ། ཞི་བདེའི་རྣམ་དཔྱད་བཅས་ཀྱིས། འཇིག་རྟེན་འདི་མུན་པ་ནས་སྣང་བར་འདྲེན་པར་གྱུར་ཅིག
གཤམ་གསལ་གྱི་དཔེར་བརྗོད་འདི་ནི་ ཧེ་ས་གྷ་ཝ་ཡི་བྷེ་ས་ ནས་བྱིས་པ་ཡོངས་ཀྱི་ཆེད་དུ་སྨོན་པའི་སྙན་ཚིག་ཞིག་ཡིན།
ཁྱེད་ཞི་བདེ་དང་རང་དབང་ལྡན་པའི་འཚོ་བ་བསྐྱལ་བར་གྱུར་ཅིག
ཁྱེད་བརྩེ་བ་དང༌། ཡིད་ཆེས་བདེ་འཇགས་བཅས་ཀྱི་ཚོར་སྣང་ཁྲོད་འཚར་ལོངས་འབྱུང་བར་གྱུར་ཅིག
ཁྱེད་གཞན་གྱིས་ཁས་ལེན་དང་བརྩི་འཇོག་ཐོབ་པའི་ངང་སྲོལ་རྒྱུན་གོམས་སྲོལ་དང་སྐད་ཡིག་སློབ་སྦྱོང་ཐོབ་པར་གྱུར་ཅིག
ཁྱེད་ལུས་སེམས་བདེ་ཐང་ཡོང་བར་གྱུར་ཅིག
ཁྱེད་ལ་དྭངས་གསལ་གྱི་ཆུ་དང༌། དྭངས་གཙང་གི་མཁའ་རླུང༌། རང་བྱུང་དང་བདེ་ཐང་གི་ཟས་སྣ་འཛོམས་པར་གྱུར་ཅིག
ཁྱེད་ཀྱིས་རང་ཉིད་ནི་གཅིག་ལས་མེད་ཅིང་དམིགས་བསལ་ཁྱད་ཆོས་ལྡན་པ་ཞིག་ཏུ་ཤེས་པར་གྱུར་ཅིག
ཁྱེད་རྒན་རབས་ཀྱི་ནང་དུ་གཞུང་དྲང་དང་བཟང་པོའི་ལམ་སྟོན་འཐོབ་པར་གྱུར་ཅིག
ཁྱེད་དང་ཁྱེད་ཀྱི་གྲོགས་ཕན་ཚུན་དབང་བསམ་འཆར་བརྗེ་རེས་དང་གུས་བརྩི་འཐོབ་པར་གྱུར་ཅིག
ཁྱེད་ཀྱིས་འཚེ་བ་མེད་པའི་ངང་ནས་རང་ཉིད་མངོན་སྟོན་ཐུབ་པར་གྱུར་ཅིག
ཁྱེད་ཀྱིས་གོ་ལའི་ཁྱོན་གྱི་སྐྱེ་དངོས་ཡོངས་ལ་གཅེས་སྤྲས་དང་གུས་བཀུར་བྱེད་པར་གྱུར་ཅིག

གཤམ་གསལ་གྱི་དཔེར་བརྗོད་ནི་  ཀརྨ་ཆོས་འཕེལ་ གྱིས་དམག་མི་རྣམས་ཀྱི་ཆེད་དུ་སྨོན་པའི་སྙན་ཚིག་ཡིན།
ངེད་ཅག་གིས།
ཁྱོད་ཀྱི་སེམས་ནང་དུ།
མཐོང་ཚད་དང་བྱས་ཚད་ཀྱི།
ཁ་ཐོར་ཡ་བྲལ་དུ་ཕྱིན་པའི་གཟུགས་བརྙན་རྣམས་བསལ་བའི་སྨོན་ལམ་ཞུ།

ཁྱེད་ཀྱི་སེམས་གཏིང་དུ་
གཅུས་ཕུར་བརྒྱབ་པ་ལྟ་བུའི་སེམས་ཀྱི་མདུད་པ་དམ་པོས་ཡོངས་སུ་དཀྲིས་པའི།
ཡི་མུག་གི་མེ་ལྕེ་དེ་རབ་ཏུ་ཞི་བར་སྨོན།

ཁྱེད་ཀྱིས་
འགྱེལ་ཞིང༌། སླར་འགྱེལ་བའི་
ཞལ་ཁྱིམ་དེ་དང༌། ཕྱི་མིག་ཟུང་དེ།
སླར་ཡང་མཐོང་བར་མ་གྱུར་ཅིག

འཇམ་མཉེན་གྱི་ཆར་ཆུས། ཁྱོད་ཀྱི་བཞིན་རས་བཀྲུས་ཏེ།
བག་དྲོ་བའི་ངང༌། ཁྱེད་ཀྱིས་ལྷད་མེད་པ་དང་འོད་གསལ་བའི་རང་ཞལ་དེ་མཐོང་བར་གྱུར་ཅིག

གཤམ་གསལ་ནི་སྨོན་ལམ་གྱི་བརྗོད་གཞི་གཙོ་བོ་གང་དགོས་ཀྱི་བསམ་འཆར་ཡིན།
ན་ཚས་ཐེབས་པ་རྣམས་ཀྱི་ཆེད་དུ་སྨོན་པ།
དབང་བོ་སྐྱོན་ཅན་རྣམས་ཀྱི་ཆེད་དུ་སྨོན་པ།
ཆོས་ལུགས་ཡོངས་ཀྱི་ཆེད་དུ་སྨོན་པ།
དམག་འཁྲུགས་དང་འཐབ་མོ་བྱུང་བ་རྣམས་ཀྱི་ཆེད་དུ་སྨོན་པ།
མིའི་འོས་མིན་གྱི་བྱ་སྤྱོད་ལ་བརྟེན་ནས་སྡུག་བསྔལ་མྱོང་བའི་སྲོག་ཆགས་རྣམས་ཀྱི་ཆེད་དུ་སྨོན་པ།
དགེ་རྒན་རྣམས་ཀྱི་ཆེད་དུ་སྨོན་པ།
སློབ་མ་རྣམས་ཀྱི་ཆེད་དུ་སྨོན་པ།
བྱིས་པ་རྣམས་ཀྱི་ཆེད་དུ་སྨོན་པ།
གྲོགས་པོ་རྣམས་ཀྱི་ཆེད་དུ་སྨོན་པ།
ཁྱོ་ཤུག་རྣམས་ཀྱི་ཆེད་དུ་སྨོན་པ།
བཙན་གནོན་དང་དངས་སྐྲག་གི་འོག་ཏུ་ཚུད་པ་རྣམས་ཀྱི་ཆེད་དུ་སྨོན་པ།
སྨན་པ་དང་ནད་པ་རྣམས་ཀྱི་ཆེད་དུ་སྨོན་པ།
དམག་མི་རྣམས་ཀྱི་ཆེད་དུ་སྨོན་པ།
རྒས་འཁོགས་རྣམས་ཀྱི་ཆེད་དུ་སྨོན་པ།
ཕ་མ་དང་བུ་ཕྲུག་རྣམས་ཀྱི་ཆེད་དུ་སྨོན་པ།
ཚན་རིག་པ་དང་མཁས་པ་རྣམས་ཀྱི་ཆེད་དུ་སྨོན་པ།
ཆབ་སྲིད་ཀྱི་དབུ་ཁྲིད་རྣམས་ཀྱི་ཆེད་དུ་སྨོན་པ།
ཆོས་ལུགས་ཀྱི་དབུ་ཁྲིད་རྣམས་ཀྱི་ཆེད་དུ་སྨོན་པ།
བཙུན་པ་དང་བཙུན་མ་རྣམས་ཀྱི་ཆེད་དུ་སྨོན་པ།
དབུལ་འཕོངས་དང་ཉམ་ཐག་རྣམས་ཀྱི་ཆེད་དུ་སྨོན་པ།
བཙོན་པ་རྣམས་ཀྱི་ཆེད་དུ་སྨོན་པ།
འཇིག་རྟེན་ཁམས་ཀྱི་ཆེད་དུ་སྨོན་པ།
ཁོར་ཡུག་སྲུང་སྐྱོབ་ཀྱི་ཆེད་དུ་སྨོན་པ།
ཞི་བདེའི་ཆེད་དུ་སྨོན་པ།
མངལ་འདོན་བྱས་པའི་ཕྲུ་གུ་རྣམས་ཀྱི་ཆེད་དུ་སྨོན་པ།

ཁྱེད་ཀྱིས་སེམས་ནང་གི་སྨོན་ལམ་རྣམས་སྙན་མོའི་ཚིག་ཏུ་བསྒྱུར་ཏེ། ཡིག་ཐོག་ནས་བསྐུར་གནང་ཡོང་བ་ཞུ།
karma_tonglen@yahoo.com
བརྙན་སྐྱེལ། fax: 00911892-235307/234609
མཚམས་འཇོག་དུས་ཚོད་ནི་ཕྱི་ཟླ་བཅུ་བའི་ཟླ་མགོའི་བར་ཡིན།