རྒྱ་ནག་གིས་དགོང་ལོ་ ༨༡ ལ་ཕེབས་པའི་དཔལ་འབྱོར་ནོར་བུ་ལགས་ལ་ལོ་བདུན་གྱི་ཁྲིམས་ཐག་བཅད་ཡོད་ཅིང་། རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་རྟོག་ཚོགས་པས་ཁོང་ཉིད་ཆ་རྐྱེན་ཅི་ཡང་མེད་པར་གློད་པའི་ཆེད་འཛམ་གླིང་གི་རྒྱལ་ཁབ་ཁག་གིས་རྒྱ་ནག་གཞུང་ལ་ངོ་རྒོལ་བྱེད་དགོས་པའི་འབོད་སྐུལ་ཞུས་ཡོད་པ་རེད།
རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་རྟོག་ཚོགས་པས་གནས་ཚུལ་སྤེལ་གསལ་ལྟར་ན། རྒྱ་ནག་གཞུང་གིས་ཕྱི་ཟླ་ ༡༠ པའི་ཚེས་ ༣༡ ཉིན་བོད་ཀྱི་སྲོལ་རྒྱུན་དཔར་སྐྲུན་པ་དཔལ་འབྱོར་ནོར་བུ་ལགས་ལྷ་སར་ཡོད་པའི་ཁོང་གི་རང་ཁྱིམ་ནས་གསང་སྟབས་ཀྱིས་འཇུས་ཤིང་། རྒྱ་གཞུང་གིས་རྒན་དཔལ་འབྱོར་ནོར་བུ་ལགས་ཀྱིས་ལོ་འདིར་བོད་ཀྱི་རྒྱལ་དར་དང་དེ་བཞིན་ཁྲིམས་འགལ་གྱི་རྒྱུ་ཆ་དག་དཔར་སྐྲུན་བྱས་ཡོད་པའི་དོགས་གཞིའི་འོག་ཁོང་ཉིད་འཇུས་ཡོད་པ་དང་། ཁོང་ཉིད་བཀག་ཉར་གྱི་སྐབས་སུ་ཉེན་རྟོག་ལས་ཁུངས་ཀྱིས་དཔལ་འབྱོར་ནོར་བུ་ལགས་ཀྱི་གཉེན་ཉེ་ཚོར་ཁོང་ཉིད་ལ་ཁྲིམས་ཆད་བཏང་ཡོད་པ་ཕར་ཞོག ཁོང་བཀག་སྐྱིལ་བྱས་པའི་སྐོར་ཡང་ངོས་ལེན་བྱས་ཡོད་མི་འདུག ཁོང་ལ་ཕྱི་ཟླ་ ༡༡ པའི་ནང་གསང་སྟབས་ཀྱིས་གྱོད་བཤེར་དང་བཅས་ལོ་ ༧ གྱི་ཁྲིམས་ཏག་བཅད་རྗེས། དེའི་སྐོར་གྱི་ཡིག་ཆུང་ཞིག་ཁོང་གི་ནང་མི་ཚོར་སྤྲད་ཡོད་པ་རེད། འོན་ཀྱང་། ད་ཆར་ཁོང་ཉིད་ས་གནས་གང་ཞིག་ཏུ་བཀག་ཉར་བྱས་ཡོད་པའི་སྐོར་ཤེས་རྟོགས་ཐུབ་གི་མེད་པ་རེད།
འགྲོ་བ་མིའི་ཐོབ་ཐང་ལྟ་རྟོག་ཚོགས་པའི་ཨེ་ཤ་ཡའི་ཁྲིམས་དོན་འགན་འཛིན་ སོ་ཧྥི་ རི་ཆར་ཌི་སོན་ ལགས་ཀྱིས་བརྗོད་དོན། རྒྱ་ནག་དམར་ཤོག་གཞུང་གི་ཆོག་མཆན་མེད་པའི་བོད་དང་འབྲེལ་བའི་རྒྱུ་ཆ་ཅི་ཡང་རུང་བའི་རིགས་ནི་ཁྲིམས་འགལ་གྱི་རིགས་རེད། སྲིད་གཞུང་ཞིག་གིས་བསམ་ཚུལ་དེ་འགོག་སྡོམ་བྱེད་འདོད་པ་ཙམ་གཞིར་བཞག་ནས་མི་སུ་ཡང་རྒྱལ་དར་དང་དཔེ་དེབ། པར་སོགས་དཔར་སྐྲུན་བྱས་པའི་རྐྱེན་གྱི་བཙོན་འཇུག་བྱེད་ཆོག་གི་མ་རེད། སྨྲ་བརྗོད་རང་དབང་ནི་འགྲོ་བ་མིའི་གཞི་རྩའི་ཐོབ་ཐང་ཞིག་ཏུ་འགྱུར་དོན་ཡང་འདི་རེད། ཅེས་བཤད་ཡོད་པ་རེད།
ཁོང་ཉིད་འཇུས་པའི་རྗེས་སུ་ཉེན་རྟོག་པས་ཁོང་གི་ཚོང་ཁང་སྒོ་བརྒྱབས་ཤིང་ཤོག་བུའི་སྒོ་ཐེལ་ཡང་བརྒྱབས་ཡོད་པ་རེད། དེ་བཞིན་ཁོང་གི་ལས་བྱེད་རྣམས་ཀྱང་ཡོང་མི་ཆོག་པ་བཟོས་ཡོད་འདུག
དཔལ་འབྱོར་ནོར་བུའི་ཁྲིམས་ཆད་དང་ནག་ཉེས་བཅས་སྤྱི་ཚོགས་སྟེང་ཡོངས་ཁྱབ་ཀྱིས་བསྒྲགས་ཡོད་མི་འདུག
ཁོང་ལ་ལོ་ ༧ གྱི་ཁྲིམས་ཐག་བཅད་པའི་ཐད། རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་རྟོགས་ཚོགས་པས་ཁོང་ཉིད་ཆ་རྐྱེན་ཅི་ཡང་མེད་པར་གློད་ཆེད་དུ་འཛམ་གླིང་གི་རྒྱལ་ཁབ་ཁག་གིས་རྒྱ་ནག་གཞུང་ལ་ངོ་རྒོལ་བྱེད་དགོས་པའི་འབོད་སྐུལ་ཞུས་ཡོད་པ་རེད།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
བོད་ ཤ་ཁྲག་རུས་གསུམ་ལགས། བོད་པ་རང་ངོས་ནས་ལག་ལེན་དངོས་སུ་ག་འདྲ་དགོས་སམ།
རེད། རྒྱལ་སྤྱིའི་སྟེང་གི་བཙོན་མའི་ཡ་མཐའ་དང་མ་མཐའ་བོད་ན་འདུག
དྲ་གྲོགས་རྣམ་པ་ཚོ། རང་ལ་མེད་ན་གླིང་ན་མེད་ཟེར་བས་བོད་ཀྱི་གཏམ་དཔེ་ཞིག་དྲན་གྱི་འདུག་གམ། བོད་རང་གི་མ་འཇོན་དུས་རྒྱལ་སྤྱིའི་མཉམ་སྤྲེལ་རྒྱལ་ཚོགས་ཟེར་བས་འཛམ་གླིང་གི་བདེན་དོན་ལ་འགན་ལེན་བྱེད་མཁན་ཞིག་ཡོད་པ་དེ་ནི་མིང་སྙན་པོ་ཞིག་ངེད་ཅག་གི་གོ་ཐུབ་པ་མ་གཏོགས། དེས་རྒྱ་ནག་སྲིད་གཞུང་ལ་གང་ཡང་བྱེད་མི་ཐུབ་ཁོ་ཐག་ཡིན། བོད་ཀྱི་ཆབ་སྲིད་བཙོན་པ་ཆུང་ཤོས་དང་རྒྱལ་སྤྱིའི་སྟེང་གི་ཉེས་མེད་བྱིས་པ་ཞིག་བཙོན་དུ་བཅུགས་པ་རྒྱ་ནག་སྲིད་མ་གཏོགས་རྒྱལ་ཁབ་གཞན་སུ་གང་གིས་ཀྱང་ད་ལྟའི་འཆར་བྱེད་མྱོང་མེད་ཀྱང་། དེ་ལྟར་བྱེད་དུས་སུ་ཡང་འཛམ་གླིང་མཉམ་སྤྲེལ་རྒྱལ་ཚོགས་ལ་སོགས་བདེན་དོན་གླེང་མཁན་ཡིན་ཟེར་མཁན་གྱི་ཚོགས་པ་ཚང་མས་རྣ་ལམ་དུ་འབྱོར་ཡོད་ཀྱང་། དུས་ད་ལྟ་བར་ལོ་ངོ་བཅུ་གསུམ་ཙམ་འགོར་ཡང་དེའི་ཤི་གསོན་ཙམ་ཡང་ངེད་ཅག་ལ་གནས་ཚུལ་འཁོ་སྤྲོད་བྱེད་ཐུབ་མཁན་ནི་བྱུང་ཡོད་པ་མ་རེད། ད་ལྟའམ་ཟླ་ངོ་གཅིག་གི་ཡར་སྔོན་འདི་ལ་ཡང་རྒྱལ་སྤྱིའི་སྟེང་གི་ཉེས་མེད་བཙོན་པ་ཆེ་ཤོས་དེ་ཡང་རྒྱ་ནག་སྲིད་གཞུང་གི་ལག་ལེན་བསྟར་ནས་ཁྲིམས་ཁང་དུ་བསྐྱལ་ཡོད་ཀྱང་། རྒྱལ་སྤྱིའི་སྟེང་གི་བདེན་དོན་གྱི་མིང་སྙན་མོ་ཡོད་མཁན་གྱི་གཞུང་སྒེར་གང་རུང་གི་ཚོགས་པ་གང་གིས་ཀྱང་། ངེད་ཅག་གི་སྡུག་བསྔལ་འདི་ལས་ཐར་བར་རོགས་རམ་ཁ་ལག་གཉིས་ཡོད་ཞིག་བྱེད་ཐུབ་རྒྱུར་རེ་བ་རྒྱབ་ཀྱང་སྟོང་བ་ཡིན། དེ་ལས་རང་རང་གི་ཕ་མ་དང་ཉེ་དུ་དེ་དག་གི་ལུས་སྲོག་ལ་བར་ཆད་མི་ཡོང་བས་ཐབས་ཤེས་སྣ་གཅིག་ལས་མེད་ཀྱང་། བོད་པ་རང་གི་ལག་ལེན་དངོས་སུ་བསྟར་བ་ཡིན་ན་དེ་ལས་འབྱུང་འགྱུར་ལ་ཡང་ཕན་ངེས་ཡིན་ལ། ད་ལྟའི་གནས་བབ་དེ་དག་གི་ངོ་བོ་ལ་འགྱུར་བ་ཡང་གཏོང་ཐུབ་ངེས་ཡིན། དེ་མིན་རྒྱལ་སྤྱིའི་སྟེང་གི་ཉེས་མེད་བཙོན་པ་ཆུང་ཤོས་དང་བཙོན་པ་ཆེ་ཤོས་བོད་དུ་བྱུང་སོང་ཟེར་ནས་སྡུག་སྐད་ག་ཚོད་བརྒྱབ་ཀྱང་རྒྱ་ནག་སྲིད་གཞུང་ལ་གང་ཡང་བྱེད་མི་ཐུབ། དེས་ན་ངེད་ཅག་གི་ནུས་ཤུགས་ཆུང་རུང་ཆིག་སྒྲིལ་དང་སྟོབས་ཤུགས་མཉམ་སྤྲེལ་གྱི་དམ་ཚིགས་མ་དོར་བར། ལམ་ཞིག་ཡོད་པ་ནས་དེའི་ནང་དུ་ཤར་བསྐྱོད་བྱེད་རྒྱུ་དེ་རེད།
རྒྱལ་སྤྱིའི་ཁྲིམས་ཀྱི་ནང་དུ་བྱིས་པ་ཡིན་ན་རང་ལོ་ ༡༨ ལ་མ་ཟིན་བར་དུ་ཁྲིམས་ཐོག་གིི་ཉེས་པ་འགེལ་མི་ཆོག་པ་དང་། བཙོན་དུའང་འཇུག་ཆོག་གི་མེད་ཚུལ་འདུག འོ་ན། ལོ་རྒན་པ་ལ་འདི་ལྟའི་ཚད་ཅིག་ཡོད་མེད་ཤེས་མཁན་ཡོད་དམ།
ལོ་འགའི་ཡར་སྔོན་ལ་རྒྱ་ནག་གཞུང་གིས་པན་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་དགུང་ལོ་ ༥ སྟེང་ནས་བཙན་འཁྲིད་བྱས་པ་ནས་བཟུང་འཛམ་གླིང་སྟེང་གི་ཆབ་སྲིད་བཙོན་པ་ལོ་ན་ཆུང་ཤོས་དེ་རྒྱ་ནག་ཏུ་ཡོད་པར་གྱུར་པ་རེད། ཟླ་གཅིག་ལྷག་གི་གོང་དུ་རང་ལོ་ ༨༡ ལ་ཕེབས་པའི་རྒན་དཔལ་འབྱོར་ནོར་བུ་ལགས་བཙོན་འཇུག་བྱས་པ་དེས། སླར་ཡང་འཛམ་གླིང་སྟེང་གི་ཆབ་སྲིད་བཙོན་པ་ལོ་ན་རྒན་ཤོས་དེ་རྒྱ་ནག་ཏུ་ཡོད་པར་གྱུར་བར་འདོད། རྒྱ་ནག་གི་འོག་གི་བོད་མི་ཚོ་འདི་ལྟའི་གནས་སྟངས་ཤིག་ཏུ་སླེབ་འདུག
“འགྲོ་བ་མིའི་ཐོབ་ཐང་ལྟ་ཞིག་ཚོགས་པའི་ཨེ་ཤ་ཡའི་ཁྲིམས་དོན་འགན་འཛིན་”
” འགལ་གྱི་རིགས་ཡིན་གི་རེད། ”
ད་གང་དྲག་རྒྱ་འདྲེ་འདི་ཚང་གི་ཁྲིམས་ལ་མི་རྒན་གཞོན་གྱི་དབྱེ་བ་ཞིག་རྩ་བ་ནས་མེད་པ་འདྲ།