ང་ཚོས་བོད་པ་ཚང་ལ་ཁ་གཡང་སྒྲོག་པ་ལས་དོན་བཟང་རེད་བྱེད་ཐུབ་ན་མ་རེད་དམ།

སྐབས་དང་པོའི་བཀའ་ཁྲིའི་སྐབས་ཟམ་གདོང་རིན་པོ་ཆེས་ཕྱག་རོགས་གསུམ་ལས་མ་འདེམས་པ་དེ་བོད་ཀྱི་རྩ་དོན་གྱི་ཐོག་ལ་གསུབ་ཐུབ་མེད་པའི་གྱོང་གུད་ཆེན་པོ་ཞིག་རེད་དམ།

“བོད་མི་སྐྱབས་བཅོལ་བ་ཞིག་གི་མིག་ནང་གི་བཀའ་ཁྲི་ཟམ་གདོང་རིན་པོ་ཆེ”ཞེས་པའི་དཔྱད་བརྗོད་ཅིག་འབྲི་འདོད་ཀྱང་ཡིད་ཐང་ཆད་ནས་ལག་ལེན་ལ་ཁེལ་མ་སོང་། གལ་སྲིད་བྲིས་པ་ཡིན་ནའང་བོད་སྤྱི་ལ་ཕན་ཐོགས་ཡོང་དཀའ་བས་སྒྱིད་ལུག་ངང་ལུས་སོང་ནའང་འགྱོད་མེད། ཟམ་གདོང་རིན་པོ་ཆེ་ལྟ་བ་མཁྲེགས་པོ་དཔེ་རེད། ཁོ་རང་གིས་དྲན་དེ་ལས་ལྷག་ཅིག་མི་གཞན་སུས་ཀྱང་དྲན་མི་སྲིད་པ་ཞིག་ལ་བརྩི་ཡོད་པ་འདྲ། ཐེངས་དང་པོར་ཕྱག་རོགས་བཀའ་བློན་གསུམ་ལས་མ་འདེམས་པ་དང་། དེའི་ནང་ནས་རྒད་པོ་གཅིག་བེད་སྤྱོད་མེད་མཁན་དེ་འདྲ་རེད། ༧གོང་ས་མཆོག་གིས་ཐུགས་འགན་བཞེས་བཞིན་པའི་སྐལ་བཟང་འདིར་བོད་ཀྱི་གཞོན་སྐྱེས་ཤེས་འཇོན་ཡོད་མཁན་ཚོ་ལ་བོད་གཞུང་གི་ལས་འགན་ཆེན་པོའི་ཐོག་འགན་ཁུར་སྟངས་ཀྱི་སྦྱོང་བརྡར་བྱེད་རྒྱུའི་གོ་སྐབས་ཆེན་པོ་ཞིག་འཕྲོ་བརླག་ཏུ་སོང་དྲན་གྱི་འདུག དེ་མིན་གྱི་ནོར་འཁྲུལ་ཁ་ཤས་བགྲང་རྒྱུ་ཡོད་ཀྱང་ཡིད་ཐང་ཆད་ཡོང་གི་འདུག ཁོང་གིས་ནོར་འཁྲུལ་ཤོར་བ་ཡིན་ན་ཁོང་གི་འབང་མིར་གྱུར་བ་ང་ལའང་གྱོང་རག་ཡོད་པ་བརྗོད་མ་དགོས་པ་ཞིག་རེད། ན་ཟུག་བཟོས་ཡོད་པའང་དངོས་ཡོད་རེད། ང་ནུབ་ཕྱོགས་ལ་འགྲོ་དགོས་པ་རྡ་རམ་ས་ནས་ཚེ་མ་འཁྱོལ་བ་ལས་ནུབ་ཕྱོགས་ན་ང་ལ་ཁ་བཏགས་བཟུང་སྒུག་མཁན་མེད།

ང་ལ་མཚོན་ན་སྟག་སྨྱོན་ལགས་ཀྱི་མི་རིགས་ཀྱི་ལར་ཞེན་དང་། མཁྱེན་རྒྱ། གནད་ལ་གཟིར་ཏེ་བཤད་ཐུབ་པ་སོགས་ལ་ངས་སྙིང་ཁུངས་རུས་པའི་གཏིང་ནས་ཡི་རངས་དང་གུས་འདུད་ཡོད། ལྷག་པར་ཡང་ད་ལྟ་སུམ་ཅུ་དུས་དྲན་ཡས་མས་སུ་ཁེལ་ཡོང་སྐབས་ཁོའི་སེམས་ལ་ན་ཟུག་ལྷག་མ་ཞིག་སྐྱེས་ཡོང་གིན་ཡོད་པ་ཐག་ཆོད་རེད། ཡིན་ན་ཡང་ཁོང་གིས་ཟམ་གདོང་ལ་སྐྱོན་བརྗོད་བྱ་སྟངས་སྤྱི་དང་ལྷག་པར་ཡང་ཁོ་ཚོ་ཕྱི་རྒྱལ་དུ་འགྲོ་མཁན་ཚོར་ཚིག་རྩུབ་བཤད་པ་ཙམ་རྒྱུ་མཚན་དུ་བྱས་ནས་མཚམས་དང་ཚོད་མེད་པའི་སྐྱོན་བརྗོད་བྱེད་སྟངས་དེ་ཙམ་འགྲིགས་ཨེ་ཡོད་སྙམ་གྱིན་འདུག ཟམ་གདོང་སྤྲུལ་སྐུ་ཞལ་རྩུབ་པོ་ཡོད་པ་ངས་ཀྱང་མཐོང་གིན་ཡོད་མོད་དེ་ལ་དེ་ཙམ་གྱི་སྐྱོན་ཆེན་པོ་ཞིག་ནི་མཐོང་གིན་མི་འདུག ངས་འདིར་ཁྱེད་ལ་སྐད་ཆ་ཁ་ཤས་ཤིག་བཤད་པ་དེ་ནི་དེ་ཀ་ཙམ་དུ་ཁྱེད་ལ་ཚིག་ཁ་ཤས་ཤིག་འབྲི་སྐབས་སྟག་སྨྱོན་གྱི་སྐད་ཆའི་སྐོར་ཞིག་ཟུར་དུ་ཐལ་བ་ཙམ་ལས་འདིར་གླེང་གཞིའི་གཙོ་བོ་ཞིག་གང་ཡང་མིན། མ་གཞི་ང་ཡང་སྟག་སྨྱོན་གྱིས་བོད་ནང་དུ་དངུལ་གཏོང་དགོས་ཚུལ་གྱི་སྐད་ཆ་དེས་སེམས་འགུལ་འདྲ་ཞིག་ཐེབས་ནས་ཡང་ཡང་བསམ་བློ་གཏོང་དགོས་པ་འདྲ་ཞིག་བྱུང་སྟབས་དེ་ཀ་ཙམ་དུ་བཤད་པ་ཙམ་ཡིན།

དྲ་གྲོགས་བསེ་རུ་ལགས། ཉིད་ཀྱིས་དྲི་བ་དེར་ངས་དང་ལེན་བྱེད་ཆོག གོང་གི་མིང་དེ་གསུམ་ནི་ང་རང་གི་མིང་དུ་འབོད་ཆོག་པ་ཡིན། འོན་ཀྱང་། ཁྱེད་རང་གི་ཤེས་གསལ་ལྟར་ང་རང་གི་མིང་དེ་དག་ནི་ཤེས་མཁན་ཞིག་གིས་བལྟས་ཙམ་གྱིས་མི་གཅིག་གི་མིང་ཡིན་པ་ཤེས་རྒྱུར་དཀའ་ངལ་གང་ཡང་མེད། རེད་་ ང་ཚོ་ལ་མཚོན་ན་མིང་ནི་གལ་ཆེན་པོ་མིན་པའི་བསྐོར་ངས་སྔོན་ཆད་དྲ་གྲོགས་ཚོ་ལ་གླེང་བ་ཉིད་ཀྱིས་སེམས་སུ་ཡོད་ངེས་རེད། གང་ལྟར། གོང་གི་སྤོབས་པ་མཐའ་ཡས་ཀྱི་གསུང་བ་ལྟར། ངེད་ཅག་གི་གང་ཞིག་བྱེད་འདོད་ཡོད་པ་དེ་དག་ས་བསྒྲགས་གནམ་བསྒྲགས་བྱས་ནས་བྱེད་དགོས་པ་ཞིག་གཏན་ནས་མ་ཡིན་པར། རང་རང་གི་དངོས་ཐད་ནས་བོད་ནང་གི་ཉེ་འབྲེལ་དང་གྲོགས་པོ་ཚོ་ལ་ཡིག་ངག་གང་རུང་བརྒྱུད་དེ་བོད་ནང་གི་བོད་མི་དེ་དག་གི་རང་རང་གི་ནང་མི་དང་ཉེ་འབྲེལ། ཆེ་ས་ནས་བོད་མི་རིགས་ཀྱི་འགན་འཁུར་བྱེད་སྟངས་བསྐོར་ལ་བསམ་ཚུལ་གང་ཡོད་པ་དེ་དག་ཁོང་ཚོའི་བསམ་བློའི་ནང་གི་ནད་ཚ་དེ་དག་སེལ་བར་རོགས་རམ་བྱེད་རྒྱུ་དེ་ནི་ངེད་ཅག་མི་རེ་ངོ་རེ་ལ་འགན་ཡོད་པ་ལས་རྩོམ་ཡིག་ཡག་པོ་ཞིག་བྲིས་ཡོད་མེད་དང་སྐད་ཆ་སྙན་པོ་ཞིག་བཤད་ཐུབ་མིན་དེ་ནི་ད་ལྟའི་གནས་སྟངས་ཛ་དྲག་གི་དགོས་འཁོ་ཁོ་ན་ཆགས་མེད་པར་འདོད། དགོས་འཁོ་དངོས་དེ་རང་གི་ཤེས་པ་མི་གཅིག་ནས་མི་བཅུ་དང་། བཅུ་ནས་བརྒྱ། བརྒྱ་ནས་སྟོང་། གཏམ་མྱི་ཁ་བརྒྱུད་ན་ཇེ་ཆེ་ཟེར་སྲོལ་ཡོད་པ་ཚང་མའི་ཐུགས་སུ་གསལ་ངེས་རེད། ངས་རྒྱུན་དུ་བཤད་བཞིན་པ་ནི་ང་ཚོ་འགྲིན་ཚབ་པ་བཟང་བོ་ཞིག་བྱེད་ཐུབ་མིན་གྱི་གནད་དོན་དེ་ཡིན། ངས་ཀྱང་ཉིད་ཀྱིས་གོང་གི་གཏམ་ཁ་བཤད་ཆུ་ཡི་ཝུ་བ་ཟེར་བའི་གཏམ་དཔེ་དེ་ནམ་རྒྱུན་དྲན་བཞིན་ཡོད་ལ། སྐབས་རེར་རང་གི་གང་འབྲི་བཞིན་པ་དང་གང་བསམ་བཞིན་པ་ཡོད་ཚད་ཡིག་ཐོག་ལ་ཕབ་ན་སྐྱག་ལབ་རྒྱག་པ་ལྟ་བུ་ཞིག་དུ་མཐོང་ནས་འབྲི་མཚམས་ཀྱང་འཇོག་དགོས་མི་འགྲོ་ཐེངས་ཁ་ཤས་ལ་བསམ་མྱོང་ཡོད། ཡིན་ཡང་། འབྲི་མཚམས་བཞག་པ་ཡིན་ན་ནི་རང་ཉིད་ཀྱིས་དེ་ལས་ཀྱང་བོད་པ་ཚང་ལ་འགན་མ་བླངས་པ་ལྟ་བུ་ཞིག་རེད་སྙམ་ནས་དུས་རྟག་དུ་དུས་ཚོད་ཡོད་མེད་ཀྱི་བར་ནས་དྲ་ཚིགས་སོ་སོ་ནས་དྲ་གྲོགས་བོད་རིགས་སྤུན་ཟླ་དག་གི་བསམ་ཚུལ་ཀློག་པ་དང་རང་གི་བསམ་ཚུལ་སྤེལ་བཞིན་ཡོད་པ་དེ་ཡིན། ད་སྐུ་ཉིད་ཀྱིས་མཁྱེན་སོང་ངམ།

དུས་བབ་ཀྱི་ཟིན་བྲིས་སུ་ཕེབས་པའི། བོད། ཤ་ཁྲག་རུས་གསུམ།
བང་ཆེན་ཟིན་བྲིས་སུ་ཕེབས་པའི། བོད། བོད་ལུས་ངག་ཡིད་གསུམ།
ཁ་བརྡ་དྲ་རྒྱའི་ནང་ཕེབས་པའི། བོད། བོད་ལྷ་ཀླུ་གཉན་གསུམ།
ཁྱེད་གསུམ་པོ་གང་ཟག་གཅིག་ཡིན་ནམ་ཐ་དད་ཡིན།

སྤོབས་པ་མཐའ་ཡས་ལགས་ཀྱིས་གོང་དུ་མཆན་གྱི་ནང་།
བོད། ཤ་ཁྲག་རུས་གསུམ་གྱི་ཟིན་བྲིས་ལ་མཆན་འདེབས་སྐབས།
གྲོགས་པོ་ལྷ་ཀླུ་གཉན་གསུམ་ཞེས་སྨྲོས་སྟངས་དེས་ང་ལ་དོགས་པ་འདི་ལྟར་བྱུང་བས་ངས་དྲི་བ་འདི་དྲ་གྲོགས་བོད་ཤ་ཁྲག་རུས་གསུམ་ལ་ཕུལ་བ་ཡིན།

དྲ་གྲོགས་ལགས། རྒྱུགས་མ་གཏོགས།
འཇིག་རྟེན་འདིར་འདུག་ས་རྩ་བ་ནས་མེད་དོ།།