སྨོན་ལམ་བོད་ཡིག་གསུམ་པ་ནི་དེ་སྔའི་མཉེན་ཆས་ཁག་ལ་བརྟེན་པའི་ཉམས་མྱོང་ཕྱོགས་བསྡོམས་དང༌། ཤེས་ལྡན་པ་གང་མང་ཞིག་གི་དགོངས་ཚུལ་དང་ལེན་བྱས་ནས་ཐག་གཅོད་བྱས་པ་ཞིག་ཡིན་འདུག་ལ། མཉེན་ཆས་འདིར་ཡིག་གཟུགས་ཁག་བཅུ་གསུམ་ཡོད་པ་ཐམས་ཅད་རྒྱལ་སྤྱིའི་གཅིག་གྱུར་ཨང་རྟགས་ (Unicode) གཞིར་བཟུང་ཐོག་བཟོས་ཡོད་པ་མ་ཟད། མཉེན་ཆས་གང་མང་ཞིག་གི་ནང་རྒྱལ་སྤྱིའི་གཅིག་གྱུར་ཨང་རྟགས་ (Unicode) ཅན་གྱི་བོད་ཡིག་ལ་འཕྲད་བཞིན་པའི་དཀའ་ངལ་ལ་བསམས་ནས། སྨོན་ལམ་བོད་ཡིག་གཉིས་པ་གཞིར་བཞག་ཐོག་བེད་སྤྱོད་གཏོང་ཆོག་པའི་ཁྱད་ཆོས་ལྡན་པར་བྱས་འདུག་ལ། མཛུབ་གནོན་གྱི་ཐད་ལ། བོད་ཕྱི་ནང་གཉིས་སུ་ཁྱབ་ཆེ་བའི་མཛུབ་གནོན་ཁག་བཞི་བཟོས་ཡོད་པས་རང་མོས་ལྟར་འདེམས་ཆོག ཡིག་གཟུགས་རྙིང་བ་ཁག་གང་མང་ཞིག་ UDP བརྒྱུད་ནས་སྨོན་ལམ་བོད་ཡིག་གསུམ་པར་བསྒྱུར་ཆོག་ཅིང༌། ཡིག་གཟུགས་བསྒྱུར་ཚུལ་http://www.udp.leighb.com/getstart.htm དྲ་གནས་དེར་གསལ་འདུག
དེ་སྔོན་རྒྱལ་སྤྱིའི་གཅིག་གྱུར་ཨང་རྟགས་སྟེང་བཟོས་ཡོད་པའི་ཡིག་གཟུགས་གང་མང་ཞིག་གིས་དེབ་དང༌། དུས་དེབ། ཚགས་ཤོག་སོགས་ཇུས་འགོད་བྱེད་མི་ཐུབ་མོད། སྨོན་ལམ་གསུམ་པ་ནི་དཀའ་ངལ་དེ་དག་ལས་གྲོལ་ཏེ། རྒྱལ་སྤྱིའི་ཐོག་སྐད་གྲགས་ཅན་གྱི་དེབ་རིགས་ཇུས་འགོད་བྱེད་ཡུལ་Adobe InDesign CS3 མཉེན་ཆས་ནང་བེད་སྤྱོད་ལེགས་པར་གཏོང་ཐུབ་པ་ཆགས་ཡོད་པ་དང་། ཡིག་གཟུགས་ཆེ་ཆུང་ཐད། སྨོན་ལམ་བོད་ཡིག་གསུམ་པ་དབྱིན་ཡིག་དང་ཆེ་ཆུང་གཅིག་གྱུར་བཟོས་ཡོད་པས་བརྙན་ཡོལ་དང་ཡིག་ཆ་སོགས་བོད་ཡིག་ཐོག་བཞག་ན་ཆེ་ཆུང་དབྱིན་ཡིག་དང་གཅིག་མཚུངས་ཐོག་གནས་ཐུབ། ད་དུང་སྨོན་ལམ་བོད་ཡིག་གསུམ་པ་ནི་ཀུ་ཤུ་རྟགས་ཅན་གྱི་གློག་ཀླད་མ་ལག་གསར་པའི་ནང་བེད་སྤྱོད་ལེགས་པར་གཏོང་ཐུབ་པ་མ་ཟད། ཡིག་ཆ་འཚོལ་བ་དང་ཡིག་སྒམ་སོགས་བོད་ཡིག་ཐོག་ནས་རང་འདོད་ལྟར་བེད་སྤྱོད་གཏོང་ཆོག་གི་ཡོད་འདུག་ལ། འདི་ནི་བོད་ཕྱི་ནང་གཉིས་ཀྱི་བོད་མི་ཚོར་མཚོན་ན་རང་ཉིད་གང་ལ་བྱང་ཞིང་གོམས་པའི་མཛུབ་གནོན་རང་འཇགས་ཐོག་རྒྱལ་སྤྱིའི་གཅིག་གྱུར་ཨང་རྟགས་ཅན་གྱི་ཡིག་གཟུགས་བཀོད་སྤྱོད་ལེགས་པར་གཏོང་ཐུབ་ཀྱི་ཡོད་པས། གཅིག་གྱུར་གྱི་མཛུབ་སྣོན་ཞིག་བྱུང་བ་རེད་ལ། ང་ཚོའི་མདུན་དུ་ལྷག་པའི་མཛུབ་གནོན་གཅིག་གྱུར་མེད་པའི་དཀའ་ངལ་ཡོངས་སེལ་ཡོད།
དེ་བཞིན་སྨོན་ལམ་བོད་ཀྱི་ཐུན་མོང་སྐད་གདངས་ནི། བོད་ལ་ཐུན་མོང་གི་སྐད་གདངས་ཤིག་ཡོང་ཆེད། གཙོ་བོ་ཡི་གེ་གྲངས་བཞི་བརྒྱ་ཉེར་བཞི་ལ་སྒྲ་གདངས་དང༌། སྐྱེ་གནས། བྱེད་པ། རྩོལ་བ། དྲག་ཞན། རླུང་ཤུགས་ཆེ་ཆུང་སོགས་ཡི་གེ་གཅིག་ལ་འགྲེལ་བཤད་ཁག་དགུ་རེ་བྱས་ཡོད་པ་དང༌། དེ་ཡང་བློ་རབ་འབྲིང་ཐ་གསུམ་ལ་དམིགས་ནས་མིག་གི་མཐོང་རྒྱུ་དང་རྣ་བས་གོ་རྒྱུ་ཡོད་པར་བཟོས་ཡོད། འདི་ལ་ཐོག་མར་དབྱངས་གསལ་སྦྱོར་ཀློག་ནས་མིང་ཚིག་དང༌། ཞེ་ས། ཚིག་ལྷུག ཚིགས་བཅད། གཏམ་བཤད་བྱེད་སྟངས་སོགས་རྩ་བའི་སྡེ་ཚན་ཁག་དྲུག་ཏུ་དབྱེ་ཡོད་ཅིང་། འདིའི་ནང་ཡིག་འབྲུ་གྲངས་ལྔ་ཁྲི་ལྷག་དང་སྐད་དུམ་བུ་ལྔ་སྟོང་ལྷག དེ་བཞིན་གློག་བརྙན་དང་འགུལ་རིས་གྲངས་སུམ་སྟོང་ལྷག པར་རིས་ཆིག་སྟོང་ལྔ་བརྒྱ་ལྷག་གིས་གྲུབ་པའི་མཉེན་ཆས་ཤིག་ཡིན་པ་མ་ཟད། ཕོ་སྐད་དང་མོ་སྐད་ཆ་ཚང་རེ་རང་མོས་ལྟར་འདེམས་ཆོག་པར་བཟོས་ཡོད། གལ་ཏེ་ཁྱེད་ཀྱི་གློག་ཀླད་ནང་དུ་མཉེན་ཆས་དེ་སྒྲིག་འཇུག་བྱས་ན། བོད་ཀྱི་སྐད་ཡིག་དང་ལྷག་པར་སྒྲ་གདངས་ཐད་ནས་དགེ་རྒན་ཞིག་གི་གོ་ཆོད་ཐུབ་པ་བཅས་ཀྱི་ཁྱད་ཆོས་ཚང་འདུག
སྨོན་ལམ་བོད་ཀྱི་ཐུན་མོང་སྐད་གདངས་འདི་བཟོས་སྐབས་ཁོང་གིས་བོད་ཕྱི་ནང་གི་མཁས་དབང་དང་ཤེས་ཡོན་ཅན་གང་མང་ཞིག་གི་དགོངས་ཚུལ་བསྡུ་ལེན་དང་འབྲེལ། སྔོན་བྱོན་མཁས་པའི་ཁུངས་ལྡན་བརྡ་སྤྲོད་འགའ་གཞིར་བྱས་ཤིང༌། སྒྲ་གདངས་ལ་ཞིབ་འཇུག་གང་ཐུབ་གནང་ཡོད་འདུག་ལ། ད་ལྟ་ང་ཚོའི་མིག་མདུན་དུ་སླེབས་པའི་སྨོན་ལམ་བོད་ཀྱི་སྐད་གདངས་མཉེན་ཆས་འདིར་ྋགོང་ས་མཆོག་གིས་དཔེ་མི་སྲིད་པའི་ཡག་པོ་རེད། ང་ཚོར་མཚོན་ན་དེང་དུས་ཀྱི་ཚན་རིག་དང་མཐུན་པའི་གསར་བཏོད་ཀྱི་ནུས་པ་འདོན་མ་ཐུབ་པར་ལྷག་ཡོད་སྟབས། སྨོན་ལམ་བོད་ཀྱི་སྐད་གདངས་མཉེན་ཆས་འདི་ལྟ་བུ་ཞིག་བྱུང་བར་ཡག་པོ་རེད་ལ། རྗེས་ཕྱོགས་མུ་མཐུད་འདིའི་ཐད་དུ་ཤུགས་སྣོན་རྒྱག་དགོས་ཞེས་བཀའ་སློབ་གནང་ཡོད།
གོང་གསལ་དྲ་རྒྱ་འདི་གཉིས་ནས་སྨོན་ལམ་བོད་ཡིག་མཉེན་ཆས་གསུམ་པ་དང་། སྨོན་ལམ་བོད་ཀྱི་ཐུན་མོང་སྐད་གདངས་གཉིས་ཕབ་ལེན་བྱ་ཐུབ།
འདི་གའི་གསར་འགོད་པ་ཨ་རིག་འགྱུར་མེད་ཀྱིས་རྒྱ་གར་ལྷོ་ཕྱོགས་ནས་བཏང་བའི་གནས་ཚུལ།
དགེ་སྦྱོང་བློ་བཟང་སྨོན་ལམ་ལགས།
སྐུ་ཉིད་ཀྱི་བརླབ་ཆེན་མཛད་རྗེས་ལ་བརྟེན་ནས།ང་ཚོའི་རིག་གཞུང་དང་རིག་གཞུང་ཞེས་གང་ཡོད་པ་ནི་འདི་འོ་འདི་ལས་གཞན་མེད་དོ་སྙམ་པའི་རྨོངས་ཞེན་བཤིགས་ཤིང་།དེང་དུས་དང་མཐུན་པའི་གསར་བཏོད་ནི་ང་ཚོ་སྐད་རིགས་འདྲ་མིན་ཤེས་ཁན་དང་།མཐོ་སློབ་ལག་འཁྱེར་ཅན་པ་དག་གིས་ཡིན་ནོ་སྙམ་པའི་མངོན་པའི་ང་རྒྱལ་བཅོམ་ལ།གྲྭ་ཀྱང་དཀྱུས་མས་ཆོས་ཕྱོགས་ལས་གཞན་པའི་འགྲོ་བ་མིའི་སྤྱི་ཚོཌ་ནང་ཁ་ཡོད་ལག་ཡོད་ཀྱི་ཕན་འདོགས་བསྒྲུབ་མི་ཐུབ་སྙམ་པའི་ལོག་རྟོག་བཀག་སྟེ།རྒྱལ་བའི་དགོངས་པ་དང་མཐུན་པའི་སྲོལ་བཏོད་ལ་བསྔགས་བརྗོད་དང་གཞན་ཕན་རྒྱ་ཆེར་འགྱུར་པའི་སྨོན་འདུན་བཅས།།
སྐུ་ཞབས་སྨོན་ལམ་ལ་རྟེན་འབྲེལ་ཞུ།
སྐུ་ཞབས་སྨོན་ལམ་ལ་རྟེན་འབྲེལ་ཞུ།
ཨ་ཁུ་སྨོན་ལམ་ཁྱོད་ལ་ངོ་མ་སྐུ་བསོད་ཆེ་གི ཁ་སང་༸གོང་ས་མཆོག་གིས་སྔགས་བརྗོད་གནང་བ་དེ་ནི་བརྗེད་མི་སྲིད་པའི་དོན་དག་ཅིག དེ་རིང་ཁྱོད་ཀྱིས་ང་ཐེ་བའི་དེང་རབས་འཕྲུལ་ཆས་ལ་རྨོངས་པ་དག་གི་དཀའ་ངལ་སེལ་བར་སེམས་སྟེང་ནས་ཐུགས་རྗེ་ཆེ་ཞུས་པ་ཡིན།
མཐར་སྨོན་ལམ་བོད་ཡིག་གསུམ་པ་ཕྱོགས་ཀུན་ལ་ཁྱབ་ནས་བོད་ཀྱི་སྐད་ཡིག་གི་བཀོད་སྤྱོད་འཛམ་གླིང་ལ་ཁྱབ་པ་དང་། ཁྱོད་ཀྱི་སྐུ་ཚེ་ཡུན་རིང་བརྟན་པར་སྨོན།
དྲ་གྲོགས་ཚོས་ཚང་མས་ཕན་ཚུན་ལ་ཚིགས་མདའ་འཕེན་རེའི་བྱེད་རྒྱུ་དེ་དག་བཞག་ནས་དྲང་ངེས་ལ་ཞུགས་དེ་རང་རང་གི་སེམས་གཏིང་གི་སྐད་ཆ་དག་བཤད་པ་ཡིན་ན་ཡག་པོ་རེད། དེ་མིག་གཅིག་གིས་ལས་ཀ་ཞིག་བྱས་པ་ཙམ་ནས་གཅིག་གིས་གཅིག་ལ་མི་དགའ་བའིོ་ཚིགས་སོགས་མ་འཕངས་ན་ཡག་པོ་རེད། དེ་མིན་ང་རང་ལྟ་བུ་ཞིག་ལ་མཚོན་ན་ཁྱེད་ཅག་གི་འདི་ལྟར་ཕན་ཚུན་ལ་རང་རང་གི་མ་བྱས་པ་ཞིག་དང་རང་རང་གི་དཀའ་ལས་མ་བརྒྱབ་པ་སོགས་ལ་བསམ་བློ་མི་གཏོང་བར་མི་ལ་ཁ་གཏོང་རྐྱང་བྱེད་པ་དེ་ནི་དངོས་ནས་ཡག་པོ་ཞིག་མཐོང་མ་སོང་ངོ། ད་ནི་གང་ཡིན་དྲ་གྲོགས་ཁྱེད་རང་གི་བསམ་བློ་ཞིབ་མོ་བཏང་ནས་ཕན་ཚུན་ལ་སྐད་ཆ་བཤད་རོགས་གནོང་།
ཡིག་གཟུགས་གསུམ་པ་འདི་ག་འདྲ་ཡོད་མི་ཤེས། སྨོན་ལམ་ཡིག་གཟུགས་དང་པོས་ཕན་ཐོགས་ཤིག་བྱུང་བ་ནི་ཡིག་གཟུགས་མི་འདྲ་བ་ཁ་ཤས་བེད་སྤྱོད་ཐུབ་པ་བྱུང་བ་དེ་ཙམ་རེད། གཉིས་པ་དེ་ཡིག་གཟུགས་དང་རི་མོ་སོགས་ཀྱི་ཆ་ནས་ཧ་ཅང་གྲ་རྒྱས་པོ་ཞིག་འདུག་མོད་དེ་ཙམ་ཕན་ཐོགས་ཡོད་པ་ཞིག་བྱུང་མ་སོང་། སྨོན་ལམ་རང་གིས་ལག་ལེན་གྱི་སྟེང་ནས་ངོ་སྤྲོད་བྱས་པ་བཞིན་ང་ཚོས་ནང་འཇུག་དང་ལག་ལེན་བྱས་ཁུལ་བྱས་ཀྱང་མཉེན་ཆས་འདི་ལ་བརྟེན་ནས་ལས་ཚན་གཞན་ལ་ཕོག་ཐུག་འགྲོ་བ་དང་གློག་ྐླད་ཀྱི་ལས་ཀ་འགག་འགྲོ་བ་སོགས་ཀྱི་སྐྱོན་བྱུང་ནས་ང་དང་གྲོགས་པོ་རེ་ཟུང་ཞིག་གིས་སྨོན་ལམ་བོད་ཡིག་གསུམ་པ་དེ་ཕྱིར་འདོན་བྱེད་དགོས་བྱུང་སོང་། ད་ཐེངས་ངོ་སྤྲོད་བྱེད་སྟངས་ཙམ་ལ་བལྟས་ན་ཧ་ཅང་སྟབས་བདེ་དང་ཡག་པོ་ཞིག་ཡིན་པ་འདྲ།
ངས་བསམ་ན་གློག་ྐླད་ཀྱི་མཉེན་ཆས་མང་པོ་ཞིག་ཚོང་གི་བདག་དབང་ཅན་དུ་གནས་ཡོད་སྟབས་མཉེན་ཆས་ཁ་ཤས་རེའི་བདག་དབང་མ་ཉོས་ཐབས་མེད་ཡིན་པ་དེ་འདྲ་ཡོད་སྲིད་ལ། གལ་སྲིད་བདག་དབང་ཅན་དུ་གནས་པ་དེ་ཚོ་བརྐུ་བཤུ་བྱས་ཀྱང་མཉེན་ཆས་དེ་ཚོས་ཁུངས་འཁྱོལ་བ་ཞིག་མི་ཡོང་། སྨོན་ལམ་ཁོང་གྲྭ་རྐྱང་ཞིག་གི་དངུལ་ཁུག་གི་ལྗིད་ཚད་དེ་ང་ཚོས་ཚང་མས་ཤེས་པ་ཞིག་ཡིན་སྟབས་བོད་དང་བོད་ཀྱི་རིག་གཞུང་གི་ཆེད་དུ་ཅིག་ཅིག་མིག་མིག་བྱེད་ཀྱིན་ཡིན་ཟེར་མཁན་མ་མང་ན་མི་ཉུང་ཙམ་འདུག་པ་དེས་གྲས་ཀྱིས་དཔལ་འབྱོར་གྱི་རོགས་སྐྱོར་ཅུང་ཙམ་རེ་བྱས་ན་ཅི་མ་རུང་སྙམ། གཅིག་བྱས་ན་ངས་བླ་མས་ཅི་གསུངས་མ་ཤེས་གོང་། གྲྭ་བས་འདོན་ཚོད་རྡོ་རོ་རོ། ཞེས་པའི་དཔེར་གྱུར་པ་ཡིན་སྲིད། དེ་མིན་དཔེ་ཡག་པོ་རེད་དང་། རྒྱབ་སྐྱོར་ཡོད་དང་། ངོ་སོ་བསྟོད་སོགས་ཀྱི་ཚིག་སྟོང་པའི་ངོ་བསྟོད་དེ་ཚོས་ས་རྒྱ་མི་ཆོད་པ་ཚང་མས་ལོས་ཤེས།
ཁ་སང་རྒྱ་ནག་རྒྱལ་སྲིད་སྤྱི་ཁྱབ་ཁང་གིས་ཨ་རིའི་འགྲོ་བ་མིའི་ཐོབ་ཐང་གནད་དོན་ཚབས་ཆེན་ཡིན་སྐོར་གྱི་སྙན་ཞུ་ཕུལ་ཡོད་པ་རེད།
སྟོང་སྐད་རྒྱུན་ཆད་མེད་པའི་རྩོམ་པ་པོ་སྡར་མ་ཚོ་དང་། འཕྲུལ་སྣང་ལས་ནམ་མཁར་འཕུར་བའི་སྙན་ངག་པ་ཅོལ་ཆུང་ཚོ། ད་ནི་བསམ་གཞིག་ཞིབ་མོ་ཞིག་ཐོངས་དང་། གྲྭ་རྐྱང་གཟན་རྐྱང་ཞིག་གིས་ལོ་བསྟུད་མར་འདི་ལྟར་མི་རིགས་ལ་ལེགས་སྐྱེས་འབུལ་བཞིན་འདུག མཐོ་སློབ་ནས་མཐོ་སློབ་འགྲིམས་པའི་བོད་ཀྱི་དེང་རབས་པ་ཚོ་གང་དུ་ཡོད་དམ། དེང་རབས་དང་བཅོས་སྒྱུར་གྱི་དཔའ་སྐད་འཐེན་པའི་གསར་བརྗེ་བ་ཚོ་སུ་ཡིས་བཟུང་སོང་། གླེན་པ་ལུག་ནི་ཁ་སྟོང་ནང་གི་དཔའ་སྐད་སྒྲོག་མཁན་ཚོར་གཞི་ནས་ཡིད་ཐང་ཆད་སོང་། ཁུ་སུམ་མེར་ལང་ཚོ་དང་མི་ཚེ་མི་རིགས་ལ་འབུལ་བཞིན་པའི་ཨ་ཁུ་སྨོན་ལམ་ལྟ་བུ་མཐོང་ན་དགའ་བའི་འབའ་སྒྲ་སྒྲོག་ན་འདོད།