ཨ་མའི་མངལ་དུ་སྤྲུམ་ཉིན་ནས
ཧམ་སེམས་དང་འདོད་ཞེན་གྱི་འགོ་འབུས་དེ
ཨ་མ་དྲིན་མོ་ཆེ་དང་ལྷན་དུ
ཧ་ལས་པའི་ཚད་འདས་ཀྱི་མྱོང་བྱང་ལ་བརྒྱུས
ས་མཐར་ལུས་པའི་འགྲུལ་བ་ཆགས་ཉིན་ནས
ཤ་ཟད་ཀྱང་རུས་ལ་ཐུག་གི་བར་དུ
ལར་ཞེན་མེད་ཀྱང་ཡོད་ཁུལ་གྱིས
ར་བ་ཅན་གྱི་གདུང་རྒྱུད་དུ་རློམ
ཡ་ཆུང་སེམས་ཀྱི་ཡོད་འཕྲོག་མ་འཕྲད་པ་ནས
འུ་ཐུག་ཐབས་ཟད་ཀྱི་སྨྲེ་སྔགས་འདྲ་མིན་སྐྱོར་ཞོར
ཟ་ཁང་དང་འབྲེལ་བའི་ལས་རིགས་མང་བོ
ཞར་དང་ཞོར་དུ་མི་བྱེད་རང་དབང་མེད་པར་གྱུར
ཝ་ཤུལ་ཚང་གི་མི་རྒྱུད་དུ་མ་གྱུར་ཡང་
ཛ་ཏུ་བའི་ལུགས་སྲོལ་དང་མ་འདྲིས་པར
ཚབ་ཆེན་རང་བཞིན་གྱིས་ནོར་འཁྲུལ་མེད་ཀྱང་
ཙོང་བཙོང་མཁན་གྱི་རྒྱ་མི་ལས་བཟང་དུ་གྱུར
མ་འགྲོ་བའི་བདེ་དོན་ལ་སེམས་འཁུར་རྫུན་མ་རེ་ཡིས
བན་སེར་མོ་ཚང་གི་ཆོས་སྒོར་འགྲིམ་མྱོང་ན་ཡང་
ཕ་བླ་མའི་ཐུགས་དགོང་མ་རྟོགས་པར
པ་སངས་ལྟ་བའི་སེམས་གཤིས་ཅུང་ཙམ་རྙེད
ན་སོ་རིམ་གྱིས་རྒས་ཀྱང་
དད་པ་རྩེ་གཅིག་གི་དཔྱོད་ཤེས་གནས་ཟིན་མེད་པར
ཐ་མལ་བའི་གྲལ་མཇུག་ཞིག་ནས
ཏ་ལའི་ཚང་གི་སྐུ་གསུང་གཉིས་ཀྱི་ཐོས་འཇལ་མིང་ཙམ་ཆགས
ཉན་ཞོར་དང་བཤད་ཞོར་དུ
ཇ་ཧུབ་བཀང་རེ་འཐུང་དུས
ཆབ་སྲིད་ཀྱི་གོ་རྟོགས་ཙམ་ཞིག་ཡོད་སྲིད་ཀྱང་
ཅལ་འགྲོགས་ཀྱི་ལས་མཇུག་བ་མིན་ཙམ་གྱུར
ངལ་རྩོལ་དང་ཤེས་བྱ་ལྷན་དུ་སྤྱོང་མྱོང་བྱེད་དུས
གངས་ཅན་པ་ཚང་གི་མིང་ཙམ་འཛིན་མཁན་ཞིག་ལ
ཁ་སེམས་པའི་གཏིང་ནས་རེ་ན་ཡང་
ཀུན་ལ་དགེ་བའི་ལས་ཤིག་མ་བྱུང་ངོ་
དྲ་གྲོགས་ཁྱེད་རྣམ་པ་གསུམ་གྱིས་རང་རང་གི་གང་བསམ་པ་དེ་དག་འདི་རུ་ཡོང་ནས་ང་རང་ལ་བསམ་ཚུལ་གནང་བ་དེར་ཐུགས་རྗེ་ཆེ། དམིགས་གསལ་གྱིས་བོན་རྒྱ་ལགས། ཁྱེད་རང་གིས་གྲ་བས་སྙན་ངག་འབྲི་མི་ཤེས་པ་ཁས་ལེན་བྱས་རྗེས་སུ་ད་གཟོད་སྙན་ངག་ཟེར་བ་ནི་འདི་འདྲ་ཞིག་མ་ཡིན་ནོ་ཟེར་ནས་གསུང་གི་འདུག་པ་འདིར་བལྟས་པ་ཡིན་ན། ཉིད་ཀྱིས་སྙན་ངག་འབྲི་ཤེས་པ་ཙམ་མ་ཡིན་པར་སྙན་ངག་ཟེར་བ་དེ་ལ་ཡང་ས་མཚམས་ཤིག་ཀྱང་ཡོད་པ་ལྟ་བུ་ཞིག་གསུང་འདུག་ན། སྐུ་ཉིད་ཀྱིས་སྙན་ངག་འབྲི་ལུགས་གསར་བ་ཞིག་ཡོད་མེད་དང་མེད་ན་སྙན་ངག་ཟེར་བ་དེ་ནི་མི་རང་རང་ལ་འབྲི་ལུགས་ཤིག་གསར་བ་གང་ཡང་མེད་པར། སྙན་ངག་ཟེར་བ་ནི་འདི་ལས་བརྒལ་མི་རུང་བ་ཡིན་ཟེར་ནས་གསལ་བཤད་གསལ་བོ་ཞིག་གནང་ཐུབ་ན་ང་རང་གི་རེ་བ་ཡིན། གལ་ཏེ་སྐུ་ཉིད་ལ་དུས་ཚོད་ཀྱི་ཁོམ་ལོངས་མེད་པར་བཀའ་ལན་གནང་མ་ཐུབ་ཀྱང་འགྲིག་གི་ཡོད། ཨོ་རེད། ངས་ནམ་ཡང་ང་རང་སྙན་ངག་འབྲི་མཁན་ཞིག་ཡིན་ཟེར་ནས་ཕལ་ཆེར་གླེང་མེད་པ་ཡོད། ཡིན་ཡང་། ང་རང་སྙན་ངག་ལ་དགའ་བ་དེ་ནི་དངོས་ཡོད་ཡིན། གོང་ནས་ཁྱེད་རང་གི་ཐུགས་རྒྱལ་མ་བཞེངས་ཟེར་ནས་གསུང་འདུག དཔེ་མེད། སྐད་ཆ་དེ་ཙམ་གྱིས་ཁོང་ཁྲོ་ཟ་དགོས་བྱུང་ན་ནི་དྲ་ཐོག་འདིར་ཡོང་ནས་དུས་ཚོད་སྟོང་དགོས་དོན་གང་ཡང་མེད་པ་རེད།
དགོངས་དག་ཐུགས་རྒྱལ་མ་བཞེངས། ཡིན་ནའང། ངས་འདིར་སྙན་ངག་ཟེར་ཐུབ་ཀི་མེད། ལྷག་པར་ཏཱ་ལའི་ཚང་གི་ཟེར་བ་དེ་རྒྱ་ནག་གི་དམོད་སྐད་ཅིག་རེད།
ཡིན་ནའང། ཁྱེད་སྤྱིར་བཏང་དྲ་སྟེང་ཤུགས་བརྒྱབ་ནས་འཇུག་པ་ལ་རྗེས་སུ་ཡི་རངས་ཡོད། སེམས་གཏིང་ནས་ཡི་རངས་ཡོད། ཡིན་ནའང་སྙན་ངག་ཟེར་བ་སྒང་གི་འདི་འདྲ་ཞིག་མ་རེད། འདི་མོ་འདི་སྙན་ངག་ཡིན་ན། ཁ་གདངས་ཚད་གླུ་དང་ཡི་གེར་བྲིས་ཚད་སྙན་ངག་ཆགས་འགྲོ་གི་རེད།
ཚོར་བའི་རླབས་ཕྲེང་དྲག་ཏུ་འཕྱུར་བའི་རྩོམ་རིགས་ཤིག་ཡིན་ན།
ངས་དེ་ལ་དོན་དམ་པའི་སྙན་ངག་ཅིག་ཏུ་འདོད་ཀྱིན་ཡོད།
བོད་ཤ་ཁྲག་རུས་གསུམ་ལགས།
རྩོམ་ཐབས་འདི་ཡང་རྩོམ་རྩལ་ཇི་ལྟར་ཡིན་མིན་ལ་མ་བལྟོས་པར་
བསྔགས་འོས་སུ་མཆིས་པས་ད་དུང་གོམ་སྟབས་རེ་སྤོ་རོགས།
དཀའ་སྤྱད་ཁུར་དུ་འཁྱེར་ནུས་ན།།
མི་འགྲུབ་བྱ་བ་ཅི་ཡང་མེད།།
ཞེས་གསུངས་པ་ལྟར་རོ།།
སྙིང་ཉེ་བའི་དྲ་གྲོགས་ཤ་ཁྲག་རུས་གསུམ་ལགས། ཁྱོད་ཀྱིས་བྲིས་པའི་རང་མོས་ཀ་ཕྲེང་ཅན་དག་ཚང་མ་བཀླགས་ཟིན། ལྷག་པར་ད་ཐེངས་ཀྱི་འདིའི་སྟེང་ནས་ཁྱོད་ལ་ཡར་རྒྱས་ཀྱི་རྣམ་པ་མངོན་གསལ་ཐོན་འདུག འབད་བརྩོན་བྱོས།