√
མཚོ་སྔོན་ས་ཁུལ་དུ་ཉེན་རྟོག་པ་གསར་བ་བསྡུ་རུབ་བྱ་དོན་ནི། བོད་རིགས་སློབ་ཆེན་པ་རྣམས་སློབ་མཐར་ཕྱིན་རྗེས་ལས་ཞུགས་མ་ཐུབ་པར་སྤྱི་ཚོགས་ཁྲོད་མི་རིགས་འཐབ་རྩོད་དང་ངོ་རྒོལ་གྱི་སྣེ་འཁྲིད་མཁན་དུ་འགྱུར་བཞིན་ཡོད་པའི་གནས་སྟངས་ཞི་འཇགས་ཡོང་ཐབས་དང་། བོད་ཁུལ་དུ་ཉེན་རྟོག་པའི་དཔུང་སྡེ་སྲ་བརྟན་དུ་བཏང་སྟེ་སྤྱི་ཚོགས་ཁྱོན་ཡོངས་ལ་བཀག་སྡོམ་དང་དྲག་གནོན་བྱ་ཆེད་ཡིན་འདུག
བོད་ནས་མིང་བརྗོད་འདོད་མེད་མཁན་ཞིག་གིས་འདི་ག་གསར་ཁང་ལ་བརྗོད་པ་ལྟར་ན། ལོ་སྔོན་མར་བོད་ནང་ཞི་བའི་ངོ་རྒོལ་བྱུང་བ་ནས་བཟུང་རྒྱ་གཞུང་གིས། བོད་ས་ཁུལ་དུ་དམག་མི་འབོར་ཆེན་གནས་སྤོར་བྱས་ཏེ་བོད་མི་ཚོར་དམ་དྲག་བྱས་དང་བྱེད་བཞིན་ཡོད་ནའང་། ལོ་འདིའི་སྤྱི་ཟླ་གསུམ་པ་ནས་བཟུང་རྒྱ་གཞུང་གིས་མཚོ་སྔོན་ཞིང་ཆེན་ཁོང་གཏོགས་ཀྱི་བོད་པའི་ཁུལ་དང་རྫོང་། ཞང་སོགས་རིམ་པར་དྲག་ཆས་དམག་མི་དང་ས་གནས་ཉེན་རྟོག་མི་སྣའི་གྲངས་འབོར་མང་དུ་གཏོང་ཆེད་ཡིག་ངག་གཉིས་ཀྱི་ཐད་ནས་རྒྱུགས་བླངས་ཏེ་ཉེན་རྟོག་མི་སྣ་གསར་བ་བསྡུ་རུབ་བྱས་ཡོད་འདུག། ཐེངས་འདིའི་ཡིག་རྒྱུགས་ཀྱི་ཐོག་མའི་ཆ་རྐྱེན་ནི་ངེས་པར་དུ་མཚོ་སྔོན་ས་ཁུལ་གྱི་སློབ་ཆེན་མཐར་ཕྱིན་སློབ་མ་ཡིན་དགོས་པ་ལས། ཁྲིམས་འཛིན་སློབ་གྲྭའི་ཆེད་ལས་ཡིན་མིན་ལ་མ་ལྟོས་བར་ཆེད་ལས་ངེས་མེད་ཀྱི་སློབ་མ་བསྡུ་རུབ་དང་། སློབ་མཐར་ཕྱིན་སྟེ་ལས་མེད་དུ་ལུས་པའི་ཁྲོད་བསྡུ་རུབ་བྱས་ཡོད་པ་དང་། མཚོ་སྔོན་ཞིང་ཆེན་ཁོངས་གཏོགས་ཀྱི་བོད་ཀྱི་ས་ཁུལ་གང་སར་མི་རིགས་དབྱེར་མེད་ཀྱི་སློབ་ཆེན་པ་ཚོར་འདི་ལོའི་ཟླ་ ༤ པའི་ཚེས་ ༢༥དང་ ༢༦ ཉིན་གཉིས་རིང་ཞིང་ཆེན་དང་ཁུལ། རྫོང་སོགས་སུ་ཡིག་རྒྱུགས་བླངས་ཏེ་བསྡུ་རུབ་བྱས་ཡོད་འདུག
ཐེངས་འདིའི་ཉེན་རྟོག་མི་སྣ་བསྡུ་རུབ་ཁྲོད་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་ཉེན་རྟོག་མི་སྣ་ ༣༤ བསྡུ་རུབ་བྱས་ཡོད་པ་དང་། མཚོ་ཤར་བོད་རིགས་རང་སྐྱོང་ཁུལ་དུ་ ༢༨། མཚོ་ནུབ་བོད་རིགས་རང་སྐྱོང་ཁུལ་དུ་ ༡༣༠། མཚོ་ལྷོ་བོད་རིགས་རང་སྐྱོང་ཁུལ་དུ་ ༩༧། མཚོ་བྱང་བོད་རིགས་རང་སྐྱོང་ཁུལ་དུ་ ༡༠༡། རྨ་ལྷོ་བོད་རིགས་རང་སྐྱོང་ཁུལ་དུ་ ༡༠༨། མགོ་ལོག་བོད་རིགས་རང་སྐྱོང་ཁུལ་དུ་ ༩༡། ཡུལ་ཤུལ་བོད་རིགས་རང་སྐྱོང་ཁུལ་དུ་ ༩༡ བཅས་བསྡུ་རུབ་བྱས་ཡོད་པ་དང་། མཚོ་སྔོན་ཞིང་ཆེན་མངའ་ཁོངས་ཀྱི་བོད་ཀྱི་རང་སྐྱོང་ཁུལ་བདུན་ནང་ཁྱོན་སྡོམ་ཉེེན་རྟོག་མི་སྣ་ ༦༨༠ བསྡུ་རུབ་བྱས་ཡོད་འདུག ཁོང་ཚོས་ཐེངས་འདིའི་ཉེན་རྟོག་མི་སྣ་བསྡུ་རུབ་བྱ་ཡུལ་གཙོ་བོ་མི་རིགས་སློབ་ཆེན་ནས་སློབ་མཐར་ཕྱིན་རྗེས་ལས་གནས་མེད་པར་ལོ་མང་འགོར་བའི་སློབ་མ་དང་མཐར་ཕྱིན་ལ་ཉེ་བའི་སློབ་མ་དག་ཡིན་འདུག
རྒྱ་གཞུང་གིས་དམིགས་ཡུལ་གཉིས་ཀྱི་སྟེང་ནས་ཐེངས་འདིར་མི་སྣ་བསྡུ་རུབ་ཀྱི་ཐབས་ལམ་གསར་བ་འདི་བེད་སྤྱོད་བྱས་ཡོད་འདུག དམིགས་ཡུལ་དང་པོ་ནི། བོད་རིགས་སློབ་ཆེན་སློབ་མ་རྣམས་སློབ་མཐར་ཕྱིན་རྗེས་ལས་ཞུགས་མ་ཐུབ་པར་སྤྱི་ཚོགས་སྟེང་ལུས་ཡོད་སྟབས། དེ་དག་སྤྱི་ཚོགས་ཁྲོད་མི་རིགས་འཐབ་རྩོད་དང་ངོ་རྒོལ་གྱི་སྣེ་འཁྲིད་མཁན་དུ་འགྱུར་བཞིན་ཡོད་པའི་གནས་སྟངས་ཞི་འཇགས་ཡོང་ཐབས་དང་། གཉིས་པ། བོད་ཀྱི་ས་ཁུལ་དུ་ཉེན་རྟོག་པའི་དཔུང་སྡེ་གསར་བ་འཛུགས་སྐྲུན་དང་ཇེ་བརྟན་དུ་བཏང་སྟེ་སྤྱི་ཚོགས་ཁྱོན་ཡོངས་ལ་བཀག་སྡོམ་ནན་མོ་བྱ་རྒྱུའི་དམིགས་ཡུལ་ཡིན་འདུག།དེ་བཞིན་རྒྱ་ནག་ནང་ཁུལ་གྱི་རྒྱ་ནག་ཧེ་ནན་གླིང་ཕྲན་གྱི་ས་ཁུལ་ཁག་ཅིག་དུའང་བོད་ཀྱི་སློབ་ཆེན་སློབ་མ་ ༡༠༠ ལྷག་སྤྱི་བདེ་ཉེན་རྟོག་པའི་ལས་གནས་སུ་བསྡུ་རུབ་བྱེད་ཀྱིན་ཡོད་སྟབས། བོད་ནང་གི་སློབ་ཆེན་པ་ཚོས་འདི་ནི་བོད་རང་གི་ས་ཁུལ་དུ་བོད་མིའི་ཉེན་རྟོག་མི་སྣ་ཇེ་མང་དུ་བཏང་སྟེ་ད་ཡོད་འཐབ་རྩོད་ཀྱི་ངོ་བོར་འགྱུར་བ་གཏོང་ཆེད་དང་མ་འོངས་པའི་མི་རབས་རྗེས་མའི་འཐབ་རྩོད་ཀྱི་འདུན་པ་རྩ་གཏོར་བྱ་ཆེད་ཀྱི་ལས་འགུལ་ཞིག་ལ་ངོས་འཛིན་བྱེད་བཞིན་ཡོད་པ་རེད།
http://www.youtube.com/watch?v=qnppKeytspA
ལྕགས་ལམ་འབབ་ཚིགས་ཀྱི་ཚོང་ལས་དང་ཞབས་ཞུ་མཐའ་དག་བོད་མི་ཚོར་སྤྲོད་དགོས་པ་རེད། འདིས་བོད་མི་ལས་མེད་ཚོའི་དཀའ་ངལ་སེལ་ཐུབ་གི་རེད།
སྔོན་མ་མདོ་དབུས་ལྕགས་ལམ་འགྲུབ་ལ་ཉེ་ཁ་དེར། ང་ཚོས་ལྕགས་ལམ་འདིའི་དོ་དམ་དང་ཞབས་ཞུ་སོགས་ཀྱི་ལས་ཀ་བོད་རིགས་རྣམས་ལ་སྤྲོད་དགོས་པར་བཤད་པ་རེད། བོད་ས་ཁུལ་ལ་སླེབས་མ་ཐག་ཞབས་ཞུ་གང་ཅིའི་ཐད་ནས་བོད་ཀྱི་ཁྱད་ཆོས་ཡོད་པ། ཡུལ་སྐོར་བ་རྣམས་ལ་བོད་ཀྱི་ས་བབ་ཆུ་རྒྱུན་སོགས་བོད་པ་རང་གིས་སྣེ་ཁྲིད་དེ་ལས་ཀ་བྱས་ན་ཡག་པོ་ཡོད་པར་བཤད་པ་རེད། གལ་སྲིད་རྒྱ་ནག་གཞུང་གིས་བོད་པའི་སློབ་ཆེན་མཐར་ཕྱིན་པ་རྣམས་ལ་ལས་ཀའི་གོ་སྒྲིག་བྱ་མི་ཐུབ་པའི་དཀའ་ངལ་ཡོད་ན་མདོ་དབུས་མཐོ་སྒང་གི་ལྕགས་ལམ་གྱི་ལས་ཀ་ཡོངས་རྫོགས་བོད་རིགས་རྣམས་ལ་སྤྲད་པ་ཡིན་ན་དཀའ་ངལ་གཅིག་སེལ་འགྲོ་གི་རེད།
དགྱ་ནག་ལ་གཡོ་ཐབས་ཆེ་རུང་། ང་ངའི་སྤུན་ཟླ་ཚོར་ཡིད་ཆེས་དེ་ལས་ཆེ།
སློབ་ཆེན་པ་དེ་དག་རང་མགོ་རྡུང་བའི་ཐོ་བ་ཞིག་ཏུ་མི་འགྱུར་བར་སྨོན།
རེད་མ་གཞི་ཇུས་འདི་ཧ་ཅང་གསལ་བོ་ཡིན་པ་མ་ཟད་གཏིང་ནག་པོ་ཞིག་ཀྱང་རེད། ཡིན་ནའང་ང་ཚོས་ངོས་ནས་བསམ་བློ་གཏོང་དགོས་ས་མང་པོ་ཡོད་ལ། གལ་སྲིད་ལམ་ལྷུང་བྱུང་ན་ཁེ་ཕན་ཡང་ཆེན་རེག་ཐུབ། སྤྱིར་སློབ་ཆེན་མཐར་ཕྱིན་སློབ་མ་དེ་ཚོ་འདི་ལྟར་གཉེན་རྟོག་རུ་ཁག་ཏུ་ཆེད་མངག་བསྡུ་རུབ་བྱེད་དགོས་པ་ལ་རྒྱུ་མཚན་དང་དམིགས་ཡོད་རུང། སློབ་ཆེན་མཐར་ཕྱིན་གྱི་སློབ་མ་ཁོ་ཚོས་ངོས་ནས་ལག་ལེན་དང་བསམ་བློ་གཉིས་ཆ་སྐྱོན་མེད་ཅིག་བྱས་པ་ཡིན་ན། འདི་ལྟར་གཉེན་རྟོག་རུ་ཁག་ཏུ་འཛུལ་ཞུགས་བྱེད་རྒྱུ་བྱུང་བ་ཡང་གོ་སྐབས་ཤིག་ལོས་ཡིན། ལས་དཀའ་འདི་འདྲ་བྱས་པ་ཡིན་ན་གྲུབ་འབྲས་ཐོན་ཐུབ་རྒྱུ་གསལ་བོ་ཡིན། འདིའི་ཐད་ང་ཚོར་དཔེ་མཚོན་ལེགས་པོ་ཞིག་ཡོད། རྒྱ་ནག་གུང་ཁྲན་ཏང་གིས་སྤྱི་ཚོགས་རིང་ལུགས་ཀྱི་དར་ཆ་ཕྱར་ནས་མ་རྩ་རིང་ལུགས་ཀྱི་ལམ་དུ་ཤར་བསྐྱོད་བྱེད་བཞིན་མི་འདུག་གམ། དེས་ན་ཁོ་ཚོས་ཀྱང་ཀྲུང་གོའི་གཉེན་རྟོག་རུ་ཁག་གི་དར་ཆ་ཕྱར་ནས་བོད་ཀྱི་རྩ་དོན་ལ་ཕྱི་རྗེས་འཇོག་ཐུབ་ངེས་རེད་སྙམ།
ངས་མཐོང་བའི་ཡིག་ཆ་ལྟར་ན། མཚོ་སྔོན་ནང་དུ་བོད་རིགས་རང་སྐྱོང་ཁུལ་དྲུག(དེའི་ནང་དུ་མཚོ་ནུབ་སོག་བོད་རང་སྐྱོང་ཁུལ་འདུ)ལས་མི་འདུག་པས། བདུན་པ་དེ་གང་ནས་ཐོན་པ་རེད་དམ། གསར་འགོད་པས་ངེས་པར་དུ་དོ་སྣང་བྱེད་འོས་ཀྱི་གནད་དུ་འདོད།
གུང་ཁྲན་ཚོགས་པ་ཡ་ཁྱོད་ངོ་གཡོ་སྒྱུ་ཆེ་གི་ཡ