དེང་སྐབས་བོད་དོན་འཐབ་རྩོད་ཀྱི་ལས་འགུལ་སྤེལ་སྐབས་གཞོན་སྐྱེས་མང་བོ་ཞིག་གིས་མཉམ་ཞུགས་བྱེད་ཀྱིན་འདུག འདི་བོད་དོན་འཐབ་རྩོད་ཁྲོད་ཀྱི་གཏམ་བཟང་དེ་རེད་ཟེར།
ཕྱི་ཚེས་ ༡༢ ཉིན་འོད་དཀར་དྲ་ཚིགས་ཀྱིས་གོ་སྒྲིག་འོག་བོད་དོན་འཐབ་རྩོད་པ་བསྟན་འཛིན་བརྩོན་འགྲུས་ཀྱིས་སྦེལ་ཀོབ་བདེ་སླར་མི་དམངས་ཚོགས་ཁང་དུ་གྲྭ་བ་དང་མི་མང་ ༥༠༠ ལྷག་ལ་ཆབ་སྲིད་ཀྱི་ཟབ་སྦྱོང་ཞིག་སྤྲད་པ་དང་། མཇུག་མཐར་མི་དམངས་ཀྱི་དྲི་བར་ལན་འདེབས་ཀྱང་གནང་ཡོད། ཉིན་དེར་བོད་དོན་ཆབ་སྲིད་པ་བསྟན་འཛིན་བརྩོན་འགྲུས་ཁོང་གིས་གསུངས་དོན། ང་ཚོས་བོད་དོན་འཐབ་རྩོད་ཀྱི་ལས་འགུལ་ཟེར་བ་འདི་ལ་ནམ་ཡང་མཇུག་སྒྲིལ་རྒྱུ་ཡོད་པ་མ་རེད། མུ་མཐུད་དེ་སྤེལ་དགོས་པ་རེད། དེ་བཞིན་གཞོན་སྐྱེས་ཚོས་འདིའི་སྟེང་ལ་འགན་མང་ཙམ་འཁུར་དགོས་ཀྱི་འདུག མི་རབས་རྒན་པའི་དཀའ་ལས་མང་བོ་བརྒྱབས་པར་བརྟེན་ནས་ད་ལྟའི་གཞིས་ཆགས་ཁག་འདི་དག་གྲུབ་པ་རེད། ད་ལྟ་ང་ཚོས་གཞིས་ཆགས་ཁག་སྲ་བརྟན་གཏོང་རྒྱུ་ལྟ་བུར་དེ་ཙམ་ཤུགས་རྒྱག་དགོས་ཀྱི་མི་འདུག དེ་བས་སློབ་སྦྱོང་འཐོལ་བ་ག་རེ་སྦྱོང་ཐུབ་ཀྱི་རེད། ནུས་པ་གསར་བ་ག་རེ་འདོན་ཐུབ་ཀྱི་རེད། དེའི་སྟེང་ལ་བསམ་བློ་གཏོང་དགོས་ཀྱི་འདུག་ཅེས་དང་། ང་ཚོ་སྐྱབས་བཅོལ་ནས་མུ་མཐུད་དེ་གཞིས་ཆགས་ནས་མི་ཚེ་བསྐྱལ་རྒྱུ་དེ་འདྲ་མ་རེད། མཐའ་མར་རང་གི་ཕ་ཡུལ་དུ་ལོག་དགོས་པ་རེད། འདིར་ང་ཚོས་སྦྲག་སྦྲག་དང་ལག་ཐོགས་ཁ་པར་རྫིག་པོ་རེ་ཁྱེར་ཏེ། རང་ཉིད་ལ་ཧང་སང་གི་ཡོད་སྲིད་ནའང་། རང་ས་ལག་མཐིལ་ཙམ་ཞིག་མེད་དུས་རྒྱ་གར་ཡུལ་མི་དང་ཕྱི་གླིང་བའི་མི་ཚོས་ང་ཚོ་ལ་གད་མོའང་འཆོར་གི་ཡོད་སྲིད་པ་ཞིག་རེད་ཅེས་ཀྱང་གསུངས།
ཡང་ཁོང་གིས་མང་བོ་ཞིག་གིས་རྒྱ་ནག་མི་འབོར་མང་བོ་རེད། སྟོབས་ཆེན་རྒྱལ་ཁབ་རེད། ང་ཚོས་ཁོང་ཚོའི་ཁ་གཏད་ཆོག་གི་མ་རེད་ཟེར་གི་འདུག ཡིན་ནའང་། དེ་བསམ་བློ་གཏོང་ཕྱོགས་ནོར་བ་རེད། ང་ཚོས་རྒྱ་ནག་ལ་ཁ་གཏད་ནམ་ཡང་གཅོག་གི་ཡོད་པ་མ་རེད། གཅོག་དགོས་ཀྱི་ཡང་མ་རེད། ང་ཚོས་དམིགས་ཡུལ་ནི། ང་ཚོའི་རྒྱལ་ཁབ་ཁོང་ཚོས་འཕྲོགས་བཞག་པ་དེ་ཚུར་ལེན་དགོས་པ་དང་རང་དབང་སླར་གསོ་བྱ་དགོས་ཀྱི་དེ་རེད། རང་ཉིད་ལ་སྔར་བཞིན་རང་དབང་གི་རྒྱལ་ཁབ་ཅིག་འཛུགས་སྐྲུན་བྱ་རྒྱུ་དེ་རེད་ཅེས་དང་། ཡང་ཁོང་གིས་དེང་སྐབས་བོད་དོན་འཐབ་རྩོད་ཀྱི་ལས་འགུལ་སྤེལ་སྐབས་གཞོན་སྐྱེས་མང་བོ་ཞིག་གིས་མཉམ་ཞུགས་བྱེད་ཀྱིན་འདུག འདི་ནི་བོད་དོན་འཐབ་རྩོད་ཁྲོད་ཀྱི་གཏམ་བཟང་དེ་རེད་ཅེས་གསུངས་ཡོད། ཁོང་སྦེལ་ཀོབ་ས་གནས་འདིར་མ་ཕེབས་པའི་སྔོན་དུ་མོན་གྷོ་འདོད་རྒུ་གླིང་དུ་ཕེབས་ཏེ་ཆབ་སྲིད་ཟབ་སྦྱོང་སྤྲད་པ་དང་། འདིར་ཡང་མི་མང་དང་སེ་ར་བྱེས་སྨད་ཀྱི་གྲྭ་ཚང་གཉིས་ལ་ཟབ་སྦྱོང་སྤྲད་རྗེས། ཧོང་སུར་དང་ཀོ་ལི་གྷལ་དུའང་ཕེབས་འཆར་ཡོད་འདུག
དྲ་གྲོགས་རི་བོང་གིས་བཤད་ཟེར་བ་དེ་ག་རང་རེད་། བསྟན་བརྩོན་གྱིས་བཤད་པའི་་་ང་ཚོས་རྒྱ་ནག་ལ་ཁ་གཏད་གཅོག་གི་མེད་། རྒྱ་དམར་གྱིས་ང་ཚོའི་རང་དབང་འཕྲོགས་སོང་པ་དེ་ཚུར་ལེན་ཐབས་བྱེད་ཀྱི་ཡོད་་་ཅེས་པ་འདི་ལ་ནང་འགལ་མི་འདུག་ནང་འགལ་འདྲ་བོའི་ཡོད་ན་དོན་ལ་ནང་འགལ་མེད་པར་ཁས་ལེན་ཏེ་་་འདྲ་བའི་ཆོས་ནི་དངོས་མ་ཡིན་་པས་སོ།
འདི་ལ་ནང་འགལ་མེད་པ་མ་ཟད་རིན་ཐང་ཅནགྱི་གསུང་བཤད་གནང་འདུག་པས་ཉན་ཤེས་ན་ཆབ་སྲིད་བསམ་བློའི་ཁ་ཕྱོགས་སྟོན་པའི་གསུང་དུམ་གཅིག་རེད། རྣ་དང་སྐྲ་ལོ་རིང་ཡང་།། བློ་དང་སུག་ཐུ་ཐུང་བའི།།ང་དང་རི་བོང་ལྟ་བུའི།།
ང་ཚོས་རྒྱ་ནག་ལ་ཁ་གཏད་ནམ་ཡང་གཅོག་གི་ཡོད་པ་མ་རེད། གཅོག་དགོས་ཀྱི་ཡང་མ་རེད། ཅེས་དང་། ང་ཚོས་དམིགས་ཡུལ་ནི། ང་ཚོའི་རྒྱལ་ཁབ་ཁོང་ཚོས་འཕྲོགས་བཞག་པ་དེ་ཚུར་ལེན་དགོས་པ་དང་རང་དབང་སླར་གསོ་བྱ་དགོས་ཀྱི་དེ་རེད། ཅེས་པ་གཉིས་ལ་ནང་འགལ་འདྲ་བོ་ཞིག་ཤོར་བསྡད་འདུག། ང་ཚོའི་མི་མང་ཆེ་བས་༸གོས་ས་མཆོག་གི་ལད་ཟློས་རྐྱང་བྱེད་དུས་ང་དགོད་ཁ་ཤོར་གྱིན་ཡོད།
མི་སུ་ཞིག་གིས་བོད་དོན་ལས་འགུལ་གང་ཞིག་སྤེལ་ན་ཡང་ངས་རྒྱབ་སྐྱོར་བྱེད་རྒྱུ་ཡིན།་་་་་རང་བཙན་དང་དབུ་མའི་ལམ་སོགས་ཐབས་ལམ་རེ་རེ་ཡོད་རེད།་་་་སྤེལ་དགོས་པ་གལ་ཆེན་རེད།
མི་སུ་ཞིག་གིས་བོད་དོན་ལས་འགུལ་གང་ཞིག་སྤེལ་ན་ཡང་ངས་རྒྱབ་སྐྱོར་བྱེད་རྒྱུ་ཡིན།་་་་་རང་བཙན་དང་དབུ་མའི་ལམ་སོགས་ཐབས་ལམ་རེ་རེ་ཡོད་རེད།་་་་སྤེལ་དགོས་པ་གལ་ཆེན་རེད།
ཟབ་སྤྱོང་འདི་ལྟར་གནང་པ་དངོས་ནས་ཡག་པོ་རེད། ཡིན་ཡང་། ཟབ་སྤྱོང་འདི་ཐོབ་མཁན་གྱི་སྐྱེ་བོ་དང་ཟབ་སྤྱོང་འདི་སྤྲོད་མཁན་གྱི་མི་སུ་ཞིག་ཡིན་ཡང་། བོད་དོན་ནི་རང་གི་འཚོ་བ་ལས་གལ་ཆེན་ཏུ་བཟུང་ཉིན་ད་གཟོད་བོད་དོན་ལ་རེ་བ་ཞིག་ཡོད་པ་ལས། ཟབ་སྤྱོང་ཁྲི་སྟོང་ལས་བརྒལ་བ་ཐོབ་ཀྱང་དེ་ཙམ་མོ། འདི་ནི་ང་རང་གི་དྲན་ཕྱོགས་ཤིག་བཤད་པ་ལ་སྤུན་གྲོགས་དག་གིས་མི་འདོད་པ་ཡོད་ན་ཐད་ཀར་སྐྱོན་བརྗོད་གནང་ན་འགྲིག་གི་རེད།