བཙན་བྱོལ་དུ་ཡོད་པའི་ཡུ་གར་ཚོགས་པས་ཏཱ་ལའི་བླ་མར་སྤྲིངས་པའི་ཡི་གེ་དེ་རྫུན་མ་རེད་ཟེར།
འཛམ་གླིང་ཡུ་གར་ཚོགས་པས་༧གོང་ས་མཆོག་ལ་ཁོང་ཚོའི་གནད་དོན་ལ་རྒྱབ་སྐྱོར་བྱེད་ཆེད་ཡི་གེ་བསྐུར་མེད་ཅེས་བཤད་འདུག ཁོང་ཚོའི་གསར་འགོད་གསལ་བསྒྲགས་ཀྱི་ནང་དུ། ཨ་རིའི་ཡུ་གར་ཚོགས་པའི་ཚོགས་གཙོ་གཞོན་པ་དང་འཛམ་གླིང་ཡུ་གར་ཚོགས་པའི་མགྲིན་ཚབ་པ་ Alim Sytoff ཨ་ལིམ་ སེ་ཊོ་ཧྥི་ ཡི་མིང་ཐོག་ནས་གློག་འཕྲིན་ཞིག་སྤྱི་ཟླ་ ༧ ཚེས་ ༡༤ ཉིན་བཏང་ཡོད་པ་དེ་རྫུན་མ་རེད། གློག་འཕྲིན་རྫུན་མ་དེས་འཛམ་གླིང་ཁྱོན་ཡོངས་སུ་ཤར་ཏུར་ཀི་སི་ཐན་དུ་ཡོད་པའི་ཡུ་གར་བར་གདུང་སེམས་མཉམ་སྐྱེད་མཚོན་པའི་ངོ་རྒོལ་གྱི་ནང་དུ་བོད་པ་རྣམས་ཞུགས་དགོས་པ་རེད་ཅེས་སྐུལ་མ་བཏང་ཡོད་འདུག་ཅེས་བཀོད་ཡོད།
སྐུ་སྒེར་ཡིག་ཚང་གི་མགྲིན་ཚབ་པ་བསྟན་འཛིན་སྟག་ལྷ་ལགས་ཀྱིས་དེ་ལྟ་བུའི་ཡི་གེའམ་གློག་འཕྲིན་གང་ཡང་འབྱོར་མེད་ཅེས་གསར་འགོད་པ་ཚོར་བརྗོད་ཡོད་པ་རེད།
འཛམ་གླིང་ཡུ་གར་ཚོགས་པས་གློག་འཕྲིན་དེ་ནི་ཁོང་ཚོ་དང་ཨ་རིའི་ཡུ་གར་ཚོགས་པར་འབྲེལ་བ་མེད་པ་དང་། དེའི་ནང་དུ་དག་ཆ་ནོར་བ་མང་པོ་ཞིག་དང་སྐུ་ཞབས་ Sytoff ལ་མིང་མི་གཅིག་པ་ཞིག་ཀྱང་བཏགས་འདུག་ཟེར།
འཛམ་གླིང་གི་གསར་འགོད་ཚོགས་པ་མང་པོ་ཞིག་གིས་གློག་འཕྲིན་རྫུན་མ་དེ་ནས་ལུང་འདྲེན་བྱས་ཏེ་གནས་ཚུལ་སྤེལ་ཡོད་པ་རེད། རྒྱ་ནག་གི་གསར་འགྱུར་བརྒྱུད་ལམ་ཁག་གིས་ཀྱང་། ཕྱིའི་ཆེད་ལས་ཉམས་ཞིབ་པ་རྣམས་ཀྱིས་ཕྱི་རྒྱལ་དུ་ཡོད་པའི་ཡུ་གར་ཚོགས་པ་དང་བཙན་བྱོལ་བོད་གཞུང་གཉིས་ཁ་བྲལ་བ་རེད་ཅེས་བརྗོད་ཡོད་ཚུལ་ལུང་འདྲེན་བྱས་ནས་སྤེལ་ཡོད་པ་རེད།
ཡུ་གར་བའི་གསར་འགོད་གསལ་བསྒྲགས་དེས། རྒྱ་ནག་གིས་འདི་ལྟའི་གློག་འཕྲིན་རྫུན་མ་དང་དྲ་འབུ་སོགས་སྤྱད་དེ་གཞན་གྱི་དྲ་རྒྱ་གཏོར་ཞིང་ཡུ་གར་བའི་འགྲོ་བ་མིའི་ཐོབ་ཐང་གི་རྒྱབ་སྐྱོར་འགོག་པ་དང་། ཡུ་གར་འགྲོ་བ་མིའི་ཐོབ་ཐང་རྩོད་ལེན་པ་ཚོའི་མིང་བརླག་རྒྱུ། འཕྲིན་ཡིག་དེ་རྣམས་ཨ་རི་དང་འཛམ་གླིང་ཡུ་གར་ཚོགས་པ་གཉིས་ཀྱིས་བཏང་བ་ཡིན་ཁུལ་བྱས་ཏེ་ཀློག་མཁན་རྣམས་ཀྱི་མགོ་རྨོངས་སུ་འཇུག་རྒྱུའི་ཆེད་དུ་ཡིན་པ་ཁོང་ཚོས་ཡིེད་ཆེས་བྱེད་ཀྱིན་ཡོད་ཟེར།
གསར་འགོད་གསལ་བསྒྲགས་དེས་མུ་མཐུད་དུ། ཆོས་ལུགས་ཀྱི་རང་དབང་ལ་སྟངས་འཛིན་དང་། རིག་གཞུང་གཏོར་བཤིག བཙོན་འཇུག མནར་གཅོད་སོགས་ཀྱིས་འཐུས་པའི་རྒྱ་ནག་གཞུང་གི་གདུབ་རྩུབ་ཆེ་བའི་སྲིད་བྱུས་ཀྱི་འོག་ཏུ་བོད་དང་ཡུ་གར་བ་རྣམས་ལ་འཕྲད་བཞིན་པའི་གནས་སྟངས་ལ་འདྲ་ས་མང་པོ་ཞིག་ཡོད། གང་ལྟར་བཙན་བྱོལ་བོད་གཞུང་ནི་ཁ་བྲལ་བའི་ཚོགས་པ་ཞིག་མིན་པ་ནང་བཞིན་ཨ་རིའི་ཡུ་གར་ཚོགས་པ་དང་འཛམ་གླིང་ཡུ་གར་ཚོགས་གཉིས་ཀྱང་ཁ་བྲལ་ཚོགས་པ་མིན། ཚོགས་པ་འདི་གཉིས་ཀྱིས་ཤར་ཏུར་ཀི་སི་ཐན་གྱི་མི་མང་ལ་རང་ཐག་རང་གཅོད་དང་འགྲོ་བ་མིའི་ཐོབ་ཐང་རག་ཆེད་དུ་འཐབ་རྩོད་བྱེད་ཀྱིན་ཡོད་ཟེར།
བོད་དོན་རྒྱབ་སྐྱོར་བ་མང་པོ་ཞིག་གིས་རྒྱ་ནག་གཞུང་གིས་དྲ་རྒྱའི་སྟེང་དུ་ཡུ་གར་དང་བོད་ཀྱི་འཐབ་རྩོད་གཉིས་གཅིག་ཏུ་བཟོ་བ་དང་གཉིས་ཀར་འཇིགས་སྐུལ་བའི་གོས་གྱོན་ཏེ་ཁོང་ཚོའི་དྲག་གནོན་དེ་དྲང་བདེན་ཅན་དུ་བསྒྱུར་བར་འབད་པ་བྱེད་བཞིན་པ་འདིར་བློ་འཚབ་ཆེན་པོ་ཡོད་ཚུལ་བརྗོད་ཀྱིན་ཡོད།
འདི་རིགས་འཛམ་གླིང་མི་མང་གི་མདུན་སར། དག་སྐྱེལ་དང་གཙང་སེལ། གསལ་བཤད་གནང་དགོས་པ་གནད་ཆེ། རྒྱ་དམར་དང་རྒྱ་ཁྱིས་མི་ལས་དགུ་ལས་བྱེད་པར་ངོ་ཚ་གང་ཡང་ཡོད་པ་མ་རེད།
གཞི་རྩའི་ཆ་ནས་རྒྱ་དམར་གྱི་རྫུན་གཏམ་དེ་རིགས་ལ་འཛམ་གླིང་མི་མང་གིས་ཡིད་ཆེས་ངོས་ལེན་མེད་པ་ཚོད་དཔག་ཐུབ་པ་ཞིག་རེད།
རྒྱ་ནག་བཞུང་གི་སྔ་ཕྱི་ཐོག་མཐའ་བར་གསུམ་དུ་བོད་ཀྱི་གནས་དོན་འདི་དྲག་པོ་ངོ་བོ་རྒྱུར་ཐབ་ལ་ཐབ་ལམ་སྣ་ཚོག་སྟོན་གཞིན་པ་དང་
ཉིན་ཆར་ཡང་ ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཁང་ནས་
རེ་བྷེ་ཡ་ཏ་ལའི་བར་གྱི་སྒེལ་འབྲེལ་ཟེར་བའི་རྩོམ་ཡིག་ཞིག་སྤེལ་བ་མ་ཚད་
༧གོང་ས་མཆོག་དང་རེ་བྷི་ཡ་་སྐུ་པར་གསུམ་ཙམ་མང་ཚོགས་ལ་ཁྱབ་སྒྲགས་
བྱས་སོང་ ནམ་རྒྱུན་ཡིན་ན་གོང་ས་མཆོག་གི་སྐུ་པར་རྒྱ་ནག་མི་དམངས་དང་
བོད་མི་དམང་ལ་སྟོན་པ་ཕར་ཞོག་སྐུ་པར་དུག་ནང་བཞིན་འཛིན་པ་རེད་
ད་ལྟའི་རྒྱབ་ལྗོང་ལ་རྒྱ་ནག་མི་དམངས་གི་སེམས་ལ་གོང་ས་མཆོག་མི་
དགའ་བ་བཟོ་ཡག་དང་དྲག་སྤྱོད་པ་ལག་འབྲེ་རེད་ཟེར་བ་སོགས་སྔ་ཕྱི་་བར་
གསུམ་དུ་རྒྱ་ནག་མི་དམངས་གི་སེམས་ལ་བོད་ཀྱི་གནས་དོན་དེ་ཚེ་བ་དང་དྲག་སྤྱོད་ཀྱི་ངོ་བོ་རྒྱུར་ཐབ་སྣ་ཚོག་བྱེད་བཞིན་པ་རེད།།
རྒྱ་ནག་གཞུང་གིས་གང་ཡང་བྱེད་སྲིད་ལ། ཅི་ཡང་རྩོམ་སྲིད་པ་དེ་ང་ཚོས་ཤེས་དགོས་པ་དེ་རེད། དཔེར་ན། ད་སྐབས་བོད་ནང་གནས་ཚུལ་གསར་པ་ཞིག་འདུག ས་གནས་རྒྱ་ནག་གཞུང་གི་མི་སྣས། ཏཱ་ལའི་བླ་མ་ནི་མི་ཡག་པོ་ཞིག་རེད། ཁོང་གི་སྐུ་དཔར་བཤམས་ན་འགྲིག་ལ། ཁོང་ལ་དད་པ་དང་ཡིད་ཆེས་བྱས་ན་འགྲིག ཡིན་ནའང༌། ཁ་བྲལ་དང་ལོག་སྤྱོད་ཀྱི་བྱ་བ་ཚང་མ་ཁོང་འོག་གི་གཞུང་དང་ཚོགས་པ་ཁག། ད་དུང་མི་སྒེར་བ་མང་པོ་ཞིག་ནས་བྱེད་ཀྱི་ཡོད་པ་རེད། དེ་ཚོ་ཁྱོན་ནས་ཡག་པོ་མ་རེད་ཅེས་བཤད་དེ། གཞིས་ལུས་མང་ཚོགས་ནས་བཙན་བྱོལ་གཞུང་དང་མི་མང་ལ་ལྟ་སྟངས་གཞན་པ་ཞིག་སླེབས་ཐབས་ཀྱི་འབད་བརྩོན་བྱེད་ཀྱི་འདུག་ཟེར།