ལོ་འདིའི་དབྱར་གནང་གི་སྐབས་ནི་དཀར་མཛེས་ཀྱི་ལོ་རྒྱུས་སུ་རང་མོས་ཀྱིས་བོད་ཡིག་ཟུར་སྦྱོང་བྱེད་མཁན་མང་ཤོས་ཀྱི་ལོ་ཞིག་ཏུ་གྱུར།
བོད་ནང་གི་ཧི་གཟུགས་ཟིན་བྲིས་ནང་སྤེལ་བའི་གནས་ཚུལ་ལྟར་ན། ལོ་འདིར་དཀར་མཛེས་ཁུལ་གྱིས་གཞུང་ཞབས་པ་བསྡུ་བའི་ཡིག་རྒྱུགས་སྐབས་དཀར་མཛེས་སློབ་ མ་པད་མ་རྒྱལ་མཚན་གྱིས་རྫོང་རིམ་པའི་ཨང་དང་པོ་དང་། བྱམས་པ་གཡང་མཚོས་གྲོང་བརྡལ་རིམ་པའི་ཨང་གསུམ་པ་བླངས་ཤིང་། དཀར་མཛེས་ཁུལ་གྱི་དམའ་འབྲིང་མཐར་ཕྱིན་རྒྱུགས་སྤྲོད་སྐབས་དཀར་མཛེས་སློབ་མ་བུ་མོ་བདེ་སྐྱིད་ཀྱིས་རང་སྐྱོང་ཁུལ་གཅིག་ལས་ཨང་དང་པོ་དང་། མཐོ་རྒྱུགས་སྐབས་དཀར་མཛེས་སློབ་མ་བུ་མོ་བདེ་གཡང་དང་སྒྲོལ་མ་ཆོས་སྐྱིད་གཉིས་ ཀྱིས་སི་ཁྲོན་ཞིང་ཆེན་གྱི་ཁྲིད་ཐབས་རིགས་དང་པོའི་སློབ་མ་ལས་ཨང་དང་པོ་དང་ གཉིས་པ་ཐོབ་པ་ནི་དཀར་མཛེས་ཡུལ་གྲུའི་གསར་འགྱུར་ཆེན་པོ་ཞིག་དང་མི་ཚང་མའི་བརྗོད་གཞི་སྙན་མོ་ཞིག་ཏུ་གྱུར། དེ་དང་ཆབས་ཅིག་འདི་ལོར་བོད་ཡིག་སྦྱོང་མཁན་གྱི་སློབ་མ་མི་ཉུང་བ་ཞིག་གིས་གཞུང་ཞབས་པའི་རྒྱུགས་སྤྲོད་དང་། དགེ་རྒན་བསྡུ་བའི་རྒྱུགས་སྤྲོད། སློབ་གྲྭ་ཆེན་མོའི་ཡིག་རྒྱུགས་སོགས་ལ་འབྲས་བུ་བཟང་པོ་ཐོབ་པས་རྒྱ་ཆེའི་མང་ ཚོགས་ཀྱིས་བོད་ཡིག་སྦྱངས་ན་དགོས་མཁོ་ཡོད་པའི་ངོས་འཛིན་བྱུང་།
དེ་ལྟར་འདི་ལོའི་དབྱར་གནང་ནི་དཀར་མཛེས་ཀྱི་ལོ་རྒྱུས་སུ་རང་མོས་ཀྱིས་བོད་ཡིག་ཟུར་སྦྱོང་བྱེད་མཁན་མང་ཤོས་ཀྱི་ལོ་ཞིག་ཏུ་གྱུར། དཀར་མཛེས་མི་རིགས་སློབ་འབྲིང་དུ་རིམ་པ་མི་འདྲ་བའི་བོད་ཡིག་ཟུར་སྦྱོང་འཛིན་ གྲྭ་དྲུག་བཙུགས་ཡོད་ཀྱང་། ད་དུང་སློབ་མ་མང་པོ་ཞིག་གིས་འདོན་ས་རག་མེད། དཀར་མཛེས་བོད་ཡིག་སློབ་འབྲིང་དུ་ཟུར་སྦྱོང་འཛིན་གྲུ་ལྔ་བཙུགས་ཡོད་ལ། སློབ་མ་མང་པོ་ཞིག་ནི་རྒྱ་རིགས་དག་མ་ཡིན། ད་དུང་བོད་ཡིག་དགེ་རྒན་མི་ཉུང་བ་ཞིག་གིས་རང་ཁྱིམ་དུ་རིན་པ་མི་ལེན་པའི་ཟུར་ཁྲིད་འཛིན་གྲྭ་བཙུགས་ཡོད། བསྐྱར་པར་ཁང་དུ་བོད་ཡིག་གི་ལྷན་ཐབས་སོགས་དཔར་མཁན་སྔར་ལས་མང་ལ། སྐོར་ལམ་དུ་བོད་ཡིག་སྦྱངས་ན་དགོས་པ་ཡོད་པའི་གནས་ལུགས་བཤད་མཁན་སྔར་ལས་མང་། ངས་བུ་དང་བུ་མོ་བོད་ཡིག་སློབ་གྲྭ་ཞིག་ཏུ་གཏོང་དགོས་འདུག་ཟེར་བའི་ཁྱིམ་བདག་སྔར་ལས་མང་ལ། ངས་བུ་ཕྲུག་རྒྱ་ཡུལ་བཏང་ནས་བོད་ཡིག་བརླག་པ་དེ་འགྲིག་མ་སོང་ཞེས་སྨྲེ་སྔགས་འདོན་མཁན་གྱི་ཕ་མ་ཡང་ཇི་སྙེད་ཅིག་འདུག
དེ་ཡང་འཇིག་རྟེན་གྱི་གཏམ་དཔེ་ལ་ཁ་བཤད་བརྒྱ་ལས་ལག་ལེན་གཅིག་གིས་དགའ་ཞེས་གསུངས་པ་ལྟར་བོད་སྐད་ཡིག་སྦྱོང་སྤྱོད་སྤེལ་གསུམ་གྱི་གཏན་འབེབས་གང་མང་མཛད་པ་ལས། འགག་རྩར་ཐུག་དུས་བོད་ཡིག་ལ་སྐར་མ་མང་པོ་སྤྲོད་པ་དེས་ཕན་འདུག་སྙམ། འདི་ལྟར་བོད་རིགས་ས་ཁུལ་དུ་ལས་རིགས་གང་ཞིག་བསྡུ་ན་ཡང་བོད་ཡིག་དང་བོད་སྐད་ནི་ཚད་གཞི་གཙོ་བོ་ཞིག་ཏུ་བཞག་ན་སྤྱི་ཚོགས་བརྟན་བརླིང་དང་། མི་རིགས་མཐུན་སྒྲིལ་གྱི་སྒུལ་ཤུགས་བླ་ན་མེད་པ་ཞིག་འགྱུར་ཐུབ་སྙམ་ཅེས་བཀོད་འདུག
གྲོགས་པོ་ཁྱོད་ཀྱིས་གནས་ཚུལ་བཟང་པོ་ཞིག་འབྲི་འདུག་ངས་ཀྱང་དེ་འདྲ་ཞིག་གོབྱུང་་་ད་ལོ་ལ་དར་མདོ་སློབ་གྲྭར་མྱི་ཁྲི་གཉིས་ཙམ་གྱིས་རྒྱུགས་སྤྲོད་ཞིགབྱེད་ཡོད་པས་དེའི་ནང་ནས་བོད་ཡིག་དགེ་རྒན་ལྔ་བརྒྱ་ནས་དྲུག་བརྒྱ་བར་དགོས་པའི་གསལ་བསྒྲགས་བྱེད་ཡོད་པའི་གནས་ཚུལ་ཡང་འདུག
ལས་གནས་གྱིས་ཤེས་བྱ་འདྲེན། །ཤེས་རིག་གི་ནོར་བུ་སྐྱོང་།།
རང་ཁ་དེ་རང་གིས་གསོ། །བོད་ཡིག་འདི་བོད་པས་སྤྱོད།།
ངོ་གཏམ་བཟང་ཞིག་རེད་ད།
རེ་བ་འདུག
སེམས་བསམ་པའི་གཏིང་གི་དགའ་ནི་ཞིག་རེད། གཏམ་འདི་འདྲ་ཡང་ཡང་གོ་བར་སྨོན། བོད་འདི་འདྲ་ཡང་ཡང་སྐྱེ་བར་སྨོན། དཀར་མཛེས་ཡུལ་གྱི་བོད་མི་དེ་དག་ལ་སྙིང་ཐག་པ་ནས་གུས་མདུད་ཞུ།
དགའ་བོ་བྱུང་རྗེས་སུ་ཡིན་རང་ཞུ་རྒྱུ།
དངོས་གནས་ཡག་པོ་འདུག