ཨ་རྒྱ་གཉིས་ཀྱི་ཚོགས་འདུ།

ཨ་རིའི་སྲིད་འཛིན་ཨོ་བྷ་མས་བདུན་ཕྲག་རྗེས་མའི་གཟའ་ཟླ་བའི་ཉིན་འཚོགས་རྒྱུ་ཡིན་པའི་རྒྱ་ནག་དང་ཨ་རིའི་དཔལ་འབྱོར་སྲིད་བྱུས་བགྲོ་གླེང་ཞེས་པའི་དབུ་འབྱེད་མཛད་སྒོར་གཏམ་བཤད་གནང་རྒྱུ་ཡིན་འདུག
 
ཕོ་བྲང་དཀར་པོའི་མགྲིན་ཚབ་པ་ Robert Gibbs རོ་བྷེར་ཊ་ གྷེབ་སི་ ཡིས། སྲིད་འཛིན་ཨོ་བྷ་མས་ཟླ་འདིའི་ཚེས་ཉེར་བདུན་ཉིན་འཚོགས་རྒྱུ་ཡིན་པའི་རྒྱ་ནག་དང་ཨ་རིའི་དཔལ་འབྱོར་སྲིད་བྱུས་བགྲོ་གླེང་ཐེངས་དང་པོའི་དབུ་འབྱེད་མཛད་སྒོར་གཏམ་བཤད་གནང་རྒྱུ་རེད་ཅེས་གསར་འགོད་པ་ཚོར་བརྗོད་ཡོད་འདུག

བགྲོ་གླེང་ཚོགས་འདུ་འདི་ནི་ཝ་ཤིན་ཊོན་དུ་ཟླ་འདིའི་ཚེས་ ༢༧ ནས་ ༢༨ བར་འཚོགས་རྒྱུ་ཡིན་ཞིང་། ཨ་རིའི་ཕྱི་སྲིད་དྲུང་ཆེ་ལྕམ་ཁི་ལི་ཊོན་དང་དཔལ་འབྱོར་དྲུང་ཆེ་ Timothy Geithner ཊི་མོ་ཐེ་ གྷེའི་ཐི་ནེར། རྒྱ་ནག་གི་སློབ་སྟོན་པ་ Dai Bingguo དའེ་ པེན་གུའོ། སྲིད་བློན་གཞོན་པ་ Wang Qishan ཝང་ ཆི་ཧྲན་ སོགས་ཚོགས་འདུ་འདིར་ཞུགས་རྒྱུ་ཡིན་འདུག

བགྲོ་གླེང་ཚོགས་འདུ་འདིའི་སྟེང་དུ་རྒྱལ་ཁབ་གཉིས་ལ་མཉམ་འབྲེལ་གྱི་སྒང་ནས་འཕྲད་བཞིན་པའི་དཀའ་ངལ་དང་གོ་སྐབས་རྣམས་གླེང་རྒྱུ་ཡིན་པ་མ་ཟད། འཛམ་གླིང་རང་བཞིན་ཅན་དང་ས་ཁུལ་རང་བཞིན་ཅན། ཕྲད་སེལ་དང་ཕུགས་རྒྱང་རིང་བའི་དཔལ་འབྱོར་ཁེ་ཕན་གྱི་སྐོར་ཡང་གླེང་རྒྱུ་ཡིན་འདུག