བལ་ཡུལ་གྱིས་སོ་སོའི་རྒྱལ་པོར་མི་སྐྲག་པར་གཞན་པའི་མི་ལ་སྐྲག་པ་དང་། སོ་སོའི་ཨ་ཕར་མི་བརྩི་བར་ཁྱིམ་མཚེས་ཀྱི་ཨ་ཕར་བརྩི་བའི་སྤྱོད་ངན་དེ་དོར་ནས་རང་ཚུགས་ཐུབ་པ་ལ་ཁ་ཕྱོགས་རྒྱུ་གལ་ཆེན་པ་རེད་ཟེར།
འདི་གར་གནས་ཚུལ་འབྱོར་བ་ལྟར་ན། བལ་ཡུལ་གྱི་འགྲོ་བ་མིའི་ཐོབ་ཐང་ཚོགས་པའི་གོ་སྒྲིག་འོག ཕྱི་ཚེས་ ༣ ཉིན་རྒྱ་གར་དང་ཧྥ་རན་སི་བཅས་ནས་མཁས་དབང་དང་ཆབ་སྲིད་པ། བོད་དོན་རྒྱབ་སྐྱོར་བ་ཁག་ཅིག་གདན་ཞུས་ཀྱིས་བོད་དོན་སྐོར་གྱི་བགྲོ་གླེང་ཚོགས་འདུ་ཞིག་ཀ་ཐུ་མན་གྲུ་རུ་འཚོགས་ཡོད། ཚོགས་འདུའི་ཐོག་ད་ལྟའི་ཆར་རྒྱ་གར་གྲོས་ཚོགས་གྱི་ཚོགས་མི་ཡིན་པ་དང་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་བྷེ་རྒྱ་ཤེས་བྷུ་ཤན་ཏེ་ཝ་རེ་དང་། རྒྱ་གར་གྱི་ཧིན་བོད་མཛའ་འབྲེལ་ཚོགས་པའི་དྲུང་ཆེ་དང་། རྗ་ཝར་ལ་ནེ་རོའི་སློབ་གྲྭ་ཆེན་མོའི་མཁས་དབང་ཨ་ནན་ཀོའུ་མར། ཧྥ་རན་སི་ནས་བོད་དོན་རྒྱབ་སྐྱོར་བ་ཧྥུ་རན་སེ་སུ། བལ་ཡུལ་གྱི་འགྲོ་བ་མིའི་ཐོབ་ཐང་ཚོགས་པའི་ཚོགས་གཙོ་སྐུ་ཞབས་སོའུ་ཏེབ། བོད་མི་མང་སྤྱི་འཐུས་ཚེ་བརྟན་ནོར་བུ་སོགས་ཀྱིས་རིམ་པས་བོད་དོན་དང་འབྲེལ་བའི་བརྗོད་གཞི་འདྲ་མིན་སྟེང་
གཏམ་དཔྱད་སྤེལ་ཡོད།
སྐབས་དེར་བོད་མི་ཚོའི་བདེན་པའི་འཐབ་རྩོད་དང་ཞི་བའི་ལས་འགུལ་ཁག་ལ་བལ་ཡུལ་གཞུང་དང་མི་མང་གི་ཕྱོགས་ནས་རྒྱབ་སྐྱོར་འཚོལ་ཐབས་བྱེད་རྒྱུ་ནི་གལ་ཆེན་ཡིན་པ་དང་། དེ་ཡང་ཐོག་མར་བོད་མི་ཚོས་བལ་བོའི་སྐད་ཡིག་ཐོག་བོད་དོན་སྐོར་གྱི་ཚགས་པར་འདོན་རྒྱུ་དང་། བལ་ཡུལ་གྱི་མཐོ་སློབ་ཁག་གིས་གཙོས་པའི་སློབ་གྲྭའི་ནང་བོད་བརྒྱུད་ནང་ཆོས་སྡེ་ཚན་དང་བོད་རིགས་པའི་སྡེ་ཚན་འཛུགས་རྒྱུ། བལ་བོའི་གྲོས་ཚོགས་དང་མི་དམངས་ཁྲོད་བོད་གྱི་གྲོགས་པོ་དང་མཛའ་འབྲེལ་ཚོགས་པ་འཛུགས་རྒྱུ། ལྷག་པར་བལ་ཡུལ་ཧི་མ་ལ་ཡའི་ནང་བའི་མི་རིགས་ཚོ་ལ་བོད་མི་ཚོས་མཛའ་འབྲེལ་དམ་པོ་འཛུགས་རྒྱུ་སོགས་ཀྱི་གཏམ་དཔྱད་སྤེལ་བ་དང་། ལྷག་པར་མཁས་དབང་ཨ་ནན་མཆོག་གིས་བལ་ཡུལ་གྱིས་སོ་སོའི་རྒྱལ་པོར་མི་སྐྲག་པར་གཞན་པའི་འགྲོ་བར་སྐྲག་པ་དང་། སོ་སོའི་ཨ་ཕར་མི་བརྩི་བར་ཁྱིམ་མཚེས་ཀྱི་ཨ་ཕར་བརྩི་བའི་སྤྱོད་ངན་དེ་དོར་ནས་རང་ཚུགས་ཐུབ་པ་ལ་ཁ་ཕྱོགས་རྒྱུ་གལ་ཆེན་ཡིན་པ་སོགས་བཤད་སོང་།
ཡིན་ཡང་ཟླ་འདིའི་ཟླ་མགོར་བལ་ཡུལ་བོད་ཀྱི་བདེ་དོན་ལས་ཁུངས་ནས་གནས་ཡུལ་རྒྱལ་ཁབ་ནང་གི་གནས་སྟངས་དང་བསྟུན་ནས་བོད་མི་ཚོས་བོད་དོན་འཐབ་རྩོད་ཀྱི་ལས་འགུལ་སྤེལ་མཚམས་འཇོག་དགོས་པའི་འབོད་སྐུལ་ཡིག་ཆ་གང་སར་བཀྲམས་པ་དང་མཉམ་དུ། ལས་འགུལ་སྤེལ་ཏེ་དཀའ་ངལ་རིགས་འཕྲད་ཚེ་བོད་ཀྱི་བདེ་དོན་ལས་ཁུངས་ཀྱིས་འགན་འཁུར་རྒྱུ་མིན་ཚུལ་ཀྱང་བཀོད་ཡོད། གསལ་བསྒྲགས་དེའི་ཐད་བོད་མི་དང་ལྷག་དོན་སྔོན་མ་ནས་བོད་དོན་ལས་འགུལ་སྤེལ་མཁན་དང་བླངས་པ་ཚོའི་ཁྲོད་འདོད་པ་མ་ཁེངས་བའི་བསམ་ཚུལ་སྟོན་མཁན་དང་བློ་ཕམ་བྱེད་མཁན་མང་པོ་ཡོང་གིན་ཡོད།
བལ་ཡུལ་ནི་ལོ་གྲངས་སྟོང་ཕྲག་ལྷག་གི་བོད་ཀྱི་ཁྱིམ་ཚེས་གྲོགས་པོ་དང་གཉེན་མཚན་ཞིག་རེད་ལ། ཧི་མ་ལ་ཡི་རི་བརྒྱུད་དུ་ཡོད་པའི་ད་ལྟ་བལ་བོའི་ཁོངས་གཏོགས་ནི་བོད་ཀྱི་ཤ་རུས་གཅིག་པའི་སྤུན་ཟླ་རེད། ད་ལྟ་ཁོང་རྣམས་པར་རྒྱལ་ཁབ་ཀྱི་ཆབ་སྲིད་ལྷིང་འཇགས་མེད་པའི་ཐོག་ཏུ་བོད་དོན་ཐོག་ཏུ་རོགས་པ་བྱེད་ཐུབ་ཀྱི་མེད་པ་ནི་གནས་སྐབས་ཙམ་རེད་མ་གཏོགས་རྗེས་མར་བོད་ཀྱི་བདེན་པའི་འཐབ་རྩོད་ཀྱི་གྲོགས་པོ་ཆེ་ཤོས་སུ་འགྱུར་རྒྱུ་ནི་སྔོན་དཔག་བྱས་ན་ཤེས་ཐུབ། དེ་སྔོན་བོད་ས་ཤོར་ནས་ད་བར་བོད་མི་སྐྱབས་བཅོལ་ཁྲི་ཚོ་མང་པོར་གནས་ཚང་མཐུན་རྐྱེན་རང་དབང་སོགས་ཚད་མེད་བཀའ་དྲིན་སྐྱོང་ཡོད། ད་དུང་ཕྱོགས་གང་ཐད་ནས་བལ་གཞུང་དང་བལ་བོའི་མི་མང་དང་འབྲེལ་བ་བྱེད་རྒྱུ་དེ་གནད་འགག་ཆེ་ཤོས་སུ་མཐོང་། ཁྱིམ་ཚང་གཅིག་ནས་ཆད་པའི་མི་ལ་གནས་སྐབས་མི་མཐུན་པ་ཡོང་སྲིད་ཀྱང་ཕུག་གིས་འདོར་མི་སྲིད་པ་ཆོས་ཉིད་རེད།
དེ་བས་བལ་བོ་ལ་ཁ་ངན་སྨྲ་བ་དོར་ནས་འབྲེལ་བ་གང་ཐུབ་བྱེད་དགོས་ཀྱི་འདུག
དེ་ཚོ་ཕན་ཐོག་མཁན་མ་རེད།
བལ་ཡུལ་གྱི་ཧི་མ་ལ་ཡའི་ནང་བའི་མི་རིགས་ཚོས་བལ་ཡུལ་ནས་བོད་དོན་ལ་ཁ་ཡ་མི་བྱེད་ལ་ཐ་ན་གོང་ས་མཆོག་ད་བར་ཆོས་ཕྱོགས་ནས་གདན་ཞུ་ཙམ་ཡང་བྱེད་ཐུབ་གི་མེད་པ་དང་འབད་བརྩོན་བྱེད་གྱི་མེད་པ་དེ་རེད་ལ་ཕྱི་རྒྱལ་ནས་ཁོང་ཚོས་བོད་མི་ཡིན་ཞེས་ཨུ་ཚུགས་རྒྱབ་ནས་སྐྱབས་བཅོལ་ཨི་རག་བལྟ། ད་དུང་རང་བཙན་ལག་དེབ་ར་མང་ཆེ་བར་འདུག་ཟེར།
དངོས་ནས་བལ་ཡུལ་གཞུང་གི་མཐོ་སློབ་ཁག་གཙོས་པའིམི་དམངས་ལ་གཙོ་བོ་ནང་ཆོས་ཀྱི་གོ་རྟོག་སྤེལ་ཐབས་བྱས་ན་ཕན་ཐོག་ཡོང་གི་རིད་གང་ཡིན་ཟེར་ན་ཁོ་ཚོ་མང་ཆེ་ཤོས་ཕ་མེས་ནས་ནང་ཆོས་ཀྱི་རྒྱུད་འཛིན་པ་ཤ་ཏག་རིད་དེ་དང་ཆབ་ཅིག་ཏུ་བོད་ཀྱིཐོན་མིན་རིག་གཞུང་དང་ད་ལྟ་དངོས་ཡོད་ཀྱི་དཀའ་ངག་གང་འཕྲད་པ་དེ་དག་ཁོ་ཚོར་ཤེས་སུ་འཇུག་རྒྱུ་དེ་ཧ་ཅང་གི་གལ་ཆེན་པོ་མཐོང་གི་འདུག།
སྤྱི་འཐུས་ཚེ་བརྟན་ནོར་བུ་ལགས་ནི། སྔོན་མ་རྩོམ་སྒྲིག་པ་ཞིག་ཡིན་ལ། ལྷག་པར་དུ་བལ་བོའི་སྐད་ཡིག་གི་མཁྱེན་རྒྱའང་ཆེ་རབས་ཤིག་འདུག་སྟབས། ཁོང་གིས་བལ་བོའི་སྐད་ཡིག་གི་ནང་དུ་འདོན་རྒྱུའི་གསར་ཤོག་དེའི་འགན་འཁྱེར་ཐུབ་ན་ཡག་པོ་ཡོད་པ་རེད།