བོད་ཀྱི་སྲོལ་རྒྱུན་དུ་དར་སྲོལ་ཆེ་ཞིང་མི་མང་བརྩི་འདང་ཆེ་བའི་ལྷ་སའི་ཞོ་སྟོན་དུས་ཆེན་དེ་ཕྱི་ཟླ་ ༨ པའི་ཚེས་ ༢༠ ཉིན་ཅང་སུའུ་སྐྱེ་གནས་གསོལ་མགྲོན་ཁང་ཆེན་དུ་ཚོགས་ཀྱིན་ཡོད་འདུག་ཟེར། ཟླ་འདིའི་ཚེས་ ༡༩ ཉིན་ལྷ་སར་གནས་སྡོད་ཀྱི་བོད་མི་ཞིག་གིས་དྲ་ཐོག་ནས་གནས་ཚུལ་བརྗོད་པ་ལྟར་ན། ཁ་སང་དེ་རིང་ལྷ་སའི་ཁྲོམ་ར་དག་ལ་དམག་མི་མང་བོ་བཀྲམ་ཡོད་པ་དང་། ཁོང་ཚོའི་ཁ་གཡར་ས་ནི་ལྷ་སའི་ཞོ་སྟོན་སྐབས་ཉོ་ཚོང་རྫུན་མ་ཡིན་མིན་སྐོར་ལ་རྟོག་ཞིབ་བྱེད་ཀྱིན་ཡོད་སྐོར་བརྗོད་ཀྱིན་ཡོད་མོད། དོན་དངོས་ཀྱིས་བོད་མི་མང་བོ་འདུ་འཛོམས་ཆེ་སའི་ཚོང་ར་དག་ན་མ་གཏོགས་དམག་མིས་ཚོང་རྫས་ལ་རྟོག་ཞིབ་བྱེད་ཀྱིན་མེད་སྐོར་བརྗོད་བྱུང་། ཡང་ཁོང་གིས། གནས་ཚུལ་འདིའི་ཐད་ལྷ་སར་གནས་པའི་མི་རིགས་འདྲ་མིན་གྱིས་ལྐོག་ནས་བརྗོད་པ་ལྟར་ན། ན་ནིང་བོད་པ་འོས་ལངས་བྱེད་ས་ནི་ར་མོ་ཆེ་དང་། གཙུག་ལག་ཁང་གི་གཡས་གཡོན། པོ་ཏ་ལའི་མདུན་ཐང་། ད་དུང་ཁྲོམ་གཟིག་ཁང་སོགས་ཡིན་པ་དང་། ད་ཐེངས་དམག་མི་མང་བོ་འགྲེམས་འཇོག་བྱེད་སའང་ས་ཁུལ་དེ་དག་ཡིན་པས་དོན་དངོས་ཀྱིས་བོད་མི་འོས་ལངས་བྱེད་པར་དོགས་ནས་ལས་འགུལ་འདི་སྤེལ་གྱིན་ཡོད་སྐོར་བརྗོད་ཀྱིན་འདུག་ཟེར།
རྒྱ་དོགས་པ་དང་བོད་རེ་བ་ཞེས་པ་ལྟར་དུས་ཆེན་དང་ཆོས་ཀྱི་བྱེད་སྒོ་ཡོད་ཚད་ལ་རྒྱ་གཞུང་ནས་དོགས་ཟོན་བྱེད་ཀྱི་ཡོད་པ་ནི་སྐྱོའོ།
ངོ་མ་རང་དབང་ཞིིག་གང་ན་འདུག
གཡང་དཀར་ལུག་ཁྱུ་ཞི་བདེའི་ལམ་ལ་བསྐྱོད་ན་ཡང་། ཁྱི་སྤྱང་དམར་པོའི་མིག་ལམ་གཟེར་ཟུག་བྱུང་བ་གཉིས། དོན་མེད་མི་ཞིག་མཐོང་ན་དོག་སློང་ཞིག་ཤར་བ་དེ། གོ་ལའི་རྒྱལ་པོ་རྣམས་ཀྱི་དཔྱད་པར་འཚལ།
ཁོ་ཚོས་ཇི་ཙམ་དམ་བསྒྲགས་བྱས་པ་དེ་ཙམ་གྱིས་བོད་མི་རིགས་ཀྱིས་སེམས་ཀྱི་ན་ཟུག་དང་། འཁོན་སེམས་ཇེ་ཆེར་འགྲོ་བ་ནི་འཇིག་རྟེན་གྱི་ལྡོག་ཏུ་མེད་པའི་ཆོས་ཉིད་ཅིག་རེད།
ཉིན་ལྟར་གསར་འགྱུར་བརྒྱུད་ལམ་ཁག་ཏུ་བསྒྲགས་པ་ལྟར་ན། འཆམ་མཐུན་དང་། ཞི་མཐུན། དུས་བདེ་སོགས་སྒྲོག་གིན་ཡོད་ན་ཡང་། འདི་ལྟ་བུའི་རྒྱ་དམག་གི་དམ་བསྒྲགས་བཙན་པོ་དེས་གོང་གི་ཁ་གཡང་དེ་དག་གི་ལྡོག་ཕྱོགས་སུ་ལངས་པ་ལྟ་བུ་ཞིག་མ་རེད་དམ། འབོད་ཚིག་དེ་དག་ནི་ཁ་སྟོང་ནང་གི་ཚིག་སྐམ་ཙམ་རེད། རྒྱ་ནག་གཞུང་དེ་བོད་མི་རིགས་ལ་གཞེན་དང་ཤ་ཚ་ཡོད་ན་གྲོང་ཁྱེར་ཁག་སོགས་ལ་བཀྲམས་པའི་དམག་མི་ཚུན་ནས་མིག་ཡུལ་དུ་མི་སྣང་བར་གྱུར་པ་ཞིག་ངེས་པར་བཟོ་དགོས་པ་ཡིན། །
དམ་བསྒྲགས་བྱས་པ་འདི་མཐོང་ན། དངོས་གནས་ཁོང་ཁྲོ་ལངས་པ་ཞིག་རེད།