༄༅། །དཔལ་ལྡན་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་ཕྱོགས་བཞུགས་དགེ་བཤེས་དང་འབྲེལ་ཡོད་རྣམ་པའི་སྙན་དྲུང་དུ།
ཆེད་ཞུ།
སྔ་སོར་ལེགས་བཤད་གསེར་ཕྲེང་སོགས་ཀྱི་མཁས་པའི་བགྲོ་གླེང་ཚོགས་འདུ་སྔ་རྗེས་སྐོང་ཚོགས་གནང་བ་བཞིན་ད་ལམ་འདི་ག་དཔེ་མཛོད་ཁང་གིས་བཀོད་སྒྲིག་ཞུས་ཏེ་གྲྭ་ཚང་རང་ཁོངས་ནས་རྗེའི་གསུང་༼དབུ་མ་དགོངས་པ་རབ་གསལ་༽དང༌། ཀུན་མཁྱེན་བླ་མའི་གསུང་༼དབུ་མ་ཆེན་མོ་༽གཉིས་ཀྱི་སྟེང་ནས་དབུ་མའི་བགྲོ་གླེང་ཚོགས་འདུ་ཞིག་བོད་རྒྱལ་ལོ་ ༢༡༣༦ རབ་གནས་ས་གླང་ལོའི་བོད་ཟླ་ ༨ ཚེས་ ༡༠།༡༡ ཕྱི་ལོ་ ༢༠༠༩ ཕྱི་ཟླ་ ༩ ཚེས་ ༢༨།༢༩ རེས་གཟའ་ཟླ་བ་དང་མིག་དམར་གཉིས་ལ་འཚོགས་འཆར་ལགས་ན་ཕྱོགས་བཞུགས་དགེ་བཤེས་དང་འབྲེལ་ཡོད་རྣམ་པ་གང་མང་ཞིག་ཕེབས་ཐུབ་པའི་སྙན་སྒྲོན་རེ་སྐུལ་ཞུ་རྒྱུ་དང༌། དེ་དང་སྟབས་བསྟུན་བགྲོ་གླེང་ཉིན་དང་པོའི་ཉིན་འདི་ག་དཔེ་མཛོད་ཁང་གི་དཔེ་གཟིགས་ཁང་མཛད་སྒོ་སྟབས་བདེ་ཞིག་ཀྱང་ཞུ་འཆར་ལགས་པ་བཅས་ཀྱི་སྙན་འབུལ་དུ།
འབྲས་སྤུངས་སྒོ་མང་དཔེ་མཛོད་ཁང་ནས།
