༄༅། །དོན་གཉེར་ཅན་གྱི་ཆོས་ཞུ་བ་སེར་སྐྱ་ཡོངས་ཀྱི་སྙན་ལམ་དུ།
ཆེད་ཞུ།
ཞྭ་སེར་བསྟན་པའི་གསལ་བྱེད་མཁས་ཞིང་གྲུབ་པའི་དབང་ཕྱུག་ྋསྐྱབས་རྗེ་བྱང་རྩེ་ཆོས་རྗེ་རི་རྫོང་སྲས་མཆོག་སྤྲུལ་རིན་པོ་ཆེ་མཆོག་གི་ཞལ་སྔ་ནས། དངུལ་ཆུ་ཡབ་སྲས་གསུམ་ཞེས་ཡོངས་སུ་གྲགས་པ་དངུལ་ཆུ་ངག་དབང་རྡོ་རྗེ། དངུལ་ཆུ་དྷརྨ་བྷ་དྲ། དབྱངས་ཅན་གྲུབ་པའི་རྡོ་རྗེ་རྣམས་ཀྱི་གསུང་འབུམ་འཁྱོན་སྡོམ་པོད་བཅུ་ཡོད་པ་རྣམས་ཀྱི་ལུང་རྒྱུན་ལས་ན་ནིང་དགེ་ལྡན་ཕ་ཆོས་བུ་ཆོས་གཅེས་སྐྱོང་ཁང་ནས་ཇི་ལྟར་གསོལ་བ་གཏབ་པ་བཞིན་དངུལ་ཆུ་དྷརྨ་བྷ་དྲའི་གསུང་པོད་དྲུག་གི་ལྗགས་ལུང་གནང་ཟིན་པ་དང༌། འདི་ལོ་འཕྲོ་ལྷག་རྣམས་གནང་རྒྱུའི་ཞལ་བཞེས་བཀའ་དྲིན་ལེགས་པར་ཐོབ་པས། འཕགས་ཡུལ་ཆོས་སྡེ་ཆེན་པོ་བཀྲ་ཤིས་ལྷུན་པོར་བོད་ཟླ་༡༠ ཚེས་༠༡ དང་ཕྱི་ཟླ་༡༡ པའི་ཚེས་ ༡༧ ནས་ཉིན་བཅུ་ལྷག་ཙམ་རིང་གནང་རྒྱུ་ལགས་པའི་དེ་དོན་བཞིན་དགོངས་འཇག་ཡོང་བ་མཁྱེན་ཅེས་གསལ་བསྒྲགས་སུ་དགེ་ལྡན་ཕ་ཆོས་བུ་ཆོས་གཅེས་སྐྱོང་ཁང་ནས་ཟླ་༨ ཚེས་༢༤ བཟང་པོར་ཕུལ།
འབྲེལ་བ་གནང་ཡུལ་གཤམ་གསལ།
Geden Phacho Bhucho Preservation Centre
Near T.M.A.I
K.B Dharamsala-176215
Distt Kangra (H.P)
Tel: +91- 1892-226601 or 228261
Tashi Lhunpo Monastery
P.O Bylakuppe-571104
Distt Mysore (K.S)
Telephone: 0091-8223-252601
www.tashilhunpo.org
www.gedenphachobhucho.org
༈ འབོད་བསྐུལ་ཞུ་རྒྱུ་ཞིག་ལ། དཔལ་ལྡན་ལྷ་མོའི་བེའུ་བུམ་ལུང་རྒྱུད་ད་ལྟ་བཞུགས་པས་ལྷ་མོའི་བེའུ་བུམ་ཕྱག་དཔེ་སྤྱི་སྒེར་གང་དུ་བཞུགས་པ་ཤེས་རྟོགས་རེ་སྐུལ་ཞུ་རྒྱུ་ལུགས་ན་དེ་ལུགས་དགོངས་འཇུགས་ཡོད་པ་ཞུ།
