རྒྱ་གཞུང་གིས། ༧གོང་ས་མཆོག་ཐའེ་ཝན་ནང་ཆིབས་བསྒྱུར་གདན་ཞུ་གནང་བའི་ཐད་ཐའེ་ཝན་གཞུང་ལ་སྐྱོན་བརྗོད་བྱས་ཡོད་པ་རེེད།
ཕྱི་ཚེས་ ༢༦ ཉིན་གསར་ལམ་ཁག་ཏུ་བོད་མིའི་དབུ་ཁྲིད་༸གོང་ས་མཆོག་ཐའེ་ཝན་དུ་ཆིབས་བསྒྱུར་བསྐྱང་རྒྱུ་ཡིན་པའི་གནས་ཚུལ་བརྒྱུད་སྒྲོག་བྱས་ཡོད་པ་དང་། དེ་ཡང་ཐའེ་ཝན་གནོད་འཚེ་ཐེབས་ཡུལ་གྱི་དབུ་ཁྲིད་དང་མི་མང་གི་རེ་འདོད་ལྟར། ༧གོང་ས་མཆོག་གནོད་འཚེ་ཐེབས་ཡུལ་དུ་ཆིབས་བསྒྱུར་བསྐྱངས་ཏེ་འདས་གྲོངས་སུ་ཕྱིན་པ་རྣམས་དང་ས་གནས་མི་མང་གི་བདེ་སྡུག་ཆེད་བསྔོ་སྨོན་གསོལ་འདེབས་གནང་ཆེད་ཁོང་ཉིད་གདན་འདྲེན་ཞུ་དགོས་པའི་རེ་འདུན་སྲིད་འཛིན་མཆོག་ལ་སྙན་སེང་ཞུས་ཡོད་པ་རེད། ལོ་སྔོན་མར་༧གོང་ས་མཆོག་གིས་བཞུགས་སྒར་གྱི་གསར་འགོད་ལྷན་ཚོགས་ཤིག་གི་སྟེང་ཁོང་ཉིད་ཐའེ་ཝན་དུ་ཆིབས་བསྒྱུར་གནང་འདོད་ཡོད་ལུགས་གསུངས་པར་སྲིད་འཛིན་མཆོག་ནས་དུས་དང་མི་འཚམ་པའི་བརྡ་ལན་སྤྲད་ཡོད་ནའང་། ཐེངས་འདིར་རྒྱ་གཞུང་གི་སྐྱོན་བརྗོད་དང་ཁོང་ཁྲོ་བྱེད་མིན་ལ་མ་ལྟོས་པར་ཕྱི་ཚེས་ ༢༧ ཉིན་སྲིད་འཛིན་གྱི་མགྲིན་ཚབ་པས་གསར་འགོད་པར། ཏཱ་ལའི་བླ་མའི་ཐེངས་འདིའི་ཆིབས་བསྒྱུར་འདི་ཆོས་ཕྱོགས་དང་འགྲོ་བ་མིའི་བཟང་སྤྱོད་ཀྱི་གནད་དོན་ཞིག་ཡིན་སྟབས། མཚོ་ལམ་ཕན་ཚུན་གྱི་འབྲེལ་ལམ་ལ་དོ་ཕོག་མི་འབྱུང་བའི་བརྡ་ལན་སྤྲད་ཡོད་པ་མ་ཟད། སྲིད་འཛིན་མཱ་ཡོན་ཇིག་གིས་༧གོང་ས་མཆོག་ཐའེ་ཝན་ལྷོ་ཕྱོགས་ཁུལ་གྱི་གནོད་འཚེ་ཐེབས་ཡུལ་དུ་གདན་ཞུ་གནང་བར་མོས་མཐུན་བྱུང་ཡོད་པ་རེད། དེ་ལྟ་ནའང་། རྒྱ་ནག་གཞུང་གིས། ཐའེ་ཝན་སྲིད་གཞུང་གིས་༧གོང་ས་ཏཱ་ལའི་བླ་མ་ཆིབས་བསྒྱུར་ལ་ཐོངས་ཆེན་སྤྲད་པའི་ཐད་མི་འདོད་པའི་རྣམ་འགྱུར་བསྟན་ཡོད་པ་དང་། རྒྱ་གཞུང་ཐའེ་ཝན་འབྲེལ་མཐུད་ཁང་གི་གསལ་སྒྲགས་ཤིག་གི་ནང་ཏཱ་ལའི་བླ་མ་ནི་ཆོས་ཕྱོགས་ཀྱི་དབུ་ཁྲིད་ཁོ་ནར་མིན་པར། ཆོས་ལུགས་ཀྱི་དར་ཆ་བསྒྲེངས་ཏེ་རྒྱལ་ཁབ་ཁ་བྲལ་གྱི་ལས་དོན་སྒྲུབ་མཁན་ཞིག་ཡིན་པའི་སྐྱོན་བརྗོད་བྱས་ཡོད་པ་མ་ཟད། ཐེངས་འདིའི་༧གོང་ས་མཆོག་གདན་ཞུ་གནང་མཁན་གྱི་ཐའེ་ཝན་ཕྱོགས་འགལ་དམངས་གཙོ་ཚོགས་པར་ཡང་འདས་པའི་རྒྱ་ནག་དང་ཐའེ་ཝན་མཚོ་ལམ་ཕན་ཚུན་གྱི་འབྲེལ་ལམ་ལ་གནོད་སྐྱོན་བཟོ་བའི་དམིགས་ཡུལ་ཡོད་ཚུལ་སོགས་ཀྱི་སྐྱོན་བརྗོད་བྱས་ཡོད་པ་རེད།
བོད་མིའི་དབུ་ཁྲིད་༧གོང་ས་མཆོག་ ༡༩༩༧ ལོའི་ཟླ་ ༣ པར་སྲིད་འཛིན་ལིས་ཏིན་ཧེ་ཡི་གདན་ཞུ་ལྟར་ཐའེ་ཝན་ནང་ཆིབས་བསྒྱུར་ཐོག་མ་དེ་བསྐྱངས་ཡོད་པ་དང་། ༢༠༠༡ ལོའི་ཟླ་ ༣ པའི་ནང་སྲིད་འཛིན་ཁྲིན་ཧྲེ་ཕེན་གྱི་གདན་ཞུ་ལྟར་ཆོས་ཕྱོགས་ཀྱི་མཛད་འཕྲིན་རྒྱ་ཆེར་བསྐྱངས་ཡོད་པ་རེད། ཐེངས་འདི་ནི་༧གོང་ས་མཆོག་ཐའེ་ཝན་དུ་ཆིབས་བསྒྱུར་ཆིབས་བསྒྱུར་ཐེངས་གསུམ་པ་དེ་ཆགས་ཡོད་པ་དང་། ཟླ་འདིའི་ཚེས་ ༣༡ ཉིན་ནས་འཆར་ཟླའི་ཚེས་ ༣ བར་གྱི་ཉིན་བཞིའི་རིང་མཛད་འཆར་ཡོད་ཚུལ་བརྗོད་ཡོད་པ་རེད།
ཐེ་སྲིད་དེ་ལ་ང་ཚོ་ཇུས་ཏོག་ག་རེ་ཡོད་རེད་
༸གོང་ས་མཆོག་ཐའེ་ཝན་ལ་ཆིབས་སྒྱུར་གདན་འདྲེན་ཞུས་པར་རྒྱ་ནག་གཞུང་གིས་གསར་འགྱུར་འདི་སྤེལ་འདུག གཤམ་དུ་གཟིགས་རོགས། དེ་རྗེས་དཔྱད་གླེང་གནོངས་དང་།
ཚེས་༢༦ཉིན། ཐའེ་ཝན་གྱི་དམངས་གཙོ་ཡར་སྐུལ་ཏང་གི་མི་ཁག་ཅིག་གིས་ཏཱ་ལའི་བླ་མ་ཟླ་འདིའི་ཟླ་མཇུག་ཏུ་ཐའེ་ཝན་དུ་ཡོང་ནས་འཚམས་འདྲི་བྱེད་པར་གདན་དྲངས་ཡོད་ཅིང་། ཤིན་ཧྭ་གསར་འགྱུར་ཁང་གིས་ཚེས་༢༧ཉིན་གནས་ཚུལ་དེའི་སྐོར་དུས་ཡུན་རིང་བོར་མཚོ་འགག་ངོགས་གཉིས་ཀྱི་གནད་དོན་ཞིབ་འཇུག་གི་ལས་ལ་གཞོལ་བའི་སྐམ་སའི་མཁས་པ་སྐད་གྲགས་ཅན་ལ་བཅར་འདྲི་བྱས་པ་རེད། མཁས་པ་ཚོས་བཅར་འདྲི་བྱེད་སྐབས་བསྟན་དོན། དེ་ནི་ཆབ་སྲིད་ཀྱི་བྱེད་ཐབས་ཁོ་ན་ཞིག་ཡིན་ཞིང་། དེའི་རྒྱབ་རོལ་ན་“ཐའེ་ཝན་རང་བཙན”བྱེད་པའི་ཆབ་སྲིད་ཀྱི་དམིགས་ཡུལ་ངན་པ་བཅངས་ཡོད་པ་རེད་ཟེར།
པེ་ཅིང་མཉམ་འབྲེལ་སློབ་གྲྭ་ཆེན་མོའི་ཐའེ་ཝན་ཞིབ་འཇུག་ཕྱོགས་ཀྱི་དགེ་རྒན་ཆེན་མོ་ཞུའེ་ཧྥུའུ་ཏུང་གི་དགོངས་ཚུལ་ལ། དམངས་གཙོ་ཡར་སྐུལ་ཏང་གི་མི་སྣ་ཁག་ཅིག་གིས་བསམ་བཞིན་དུ་ཏཱ་ལའི་ཐའེ་ཝན་ལ་གདན་དྲངས་པའི་དམིགས་ཡུལ་ནི་གཅིག་གོ་གཉིས་ཆོད་ཡོང་ཆེད་ཡིན་པ་སྟེ། ཕྱོགས་གཅིག་ནས་དམངས་གཙོ་ཡར་སྐུལ་ཏང་གིས་མཚོ་འགག་ངོགས་གཉིས་ཀྱི་འབྲེལ་བ་ཇེ་ངན་དུ་གཏོང་རྒྱུ་དང་། སྐམ་སའི་ཕྱོགས་ཀྱིས་ཏཱ་ལའི་ཡིས་ཐའེ་ཝན་དུ་འཚམས་འདྲི་བྱེད་པའི་སྐོར་ལ་དོ་སྣང་ཤིན་ཏུ་ཆེན་པོ་བྱས་ཚེ། དེའི་སྐོར་འུར་སྒྲོག་ཆེན་པོ་བྱས་ནས་སྐམ་སས་ཐེངས་འདིའི་ཐའེ་ཝན་གྱི་མཚོ་རླུང་གི་གནོད་སྐྱོན་ཁྲོད་ནུས་ཤུགས་ཡོད་རྒུས་རོགས་བྱས་པའི་གནས་ཚུལ་དང་། ཐའེ་ཝན་སྤུན་ཟླའི་སེམས་ལ་བཞག་པའི་བག་ཆགས་བཟང་བོ་བཅས་བསུབ་བསམ་པ་རེད།
ཕྱོགས་གཞན་ཞིག་ནས། དམངས་གཙོ་ཡར་སྐུལ་ཏང་གིས་མ་ཡིང་ཅུའུ་སྲིད་གཞུང་གིས་མཚོ་རླུང་སྐབས་གནོད་སྐྱོབ་ཡག་པོ་བྱེད་མ་ཐུབ་པའི་སྐབས་སུ་ཆབ་སྲིད་ཀྱི་དཀའ་རྙོག་བཟོས་ནས་མ་ཡིང་ཅུའུ་འུ་ཐུག་ཐབས་ཟད་ཀྱི་གནས་སུ་གྱར་བ་བྱ་རྒྱུ་དེ་རེད།
ཟླ་༨ཚེས་༢༧ཉིན། རྒྱལ་སྲིད་སྤྱི་ཁྱབ་ཁང་གི་ཐའེ་ཝན་གཞུང་ལས་ཁང་གི་མགྲིན་ཚབ་པས་གནས་ཚུལ་དེའི་སྐོར་ལ་འདི་ལྟར། ཏཱ་ལའི་ནི་ཆོས་ཕྱོགས་ཀྱི་མི་སྣ་ཁོ་ན་ཞིག་མིན་པར། ཁོས་ཆོས་ཀྱི་དར་ཆ་ཕྱར་ནས་སྔོན་ནས་ད་བར་རྒྱལ་ཁབ་ཁ་བྲལ་གཏོང་བའི་བྱ་འགུལ་སྤེལ་བཞིན་ཡོད་ལ། ཏཱ་ལའི་ཡིས་མིང་དང་རྣམ་པ་གང་འདྲ་ཞིག་སྤྱད་ནས་ཐའེ་ཝན་ལ་འཚམས་འདྲི་བྱས་ཀྱང་། དེར་ཀྲུང་གོས་མཐའ་གཅིག་ཏུ་རྒོལ་བ་བྱ་རྒྱུ་ཡིན་ཞེས་བརྗོད་པ་རེད།
ད་ཐེངས་༧གོང་ས་མཆོག་ཐའེ་ཝན་ལ་གདན་ཞུ་གནང་བ་དེའི་ཐོག་ནས་བོད་རྒྱུད་ནང་བསྟན་གྱི་ཕན་རླབས་མཚོན་ཐུབ་ཀྱི་ཡོད།
གལ་སྲིད་རྒྱ་ཡིག་མཁྱེན་མཁས་འདྲ་ཡོད་ན།་རྒྱ་ནག་གི་དྲ་ཚིགས་གང་རུང་དུ་ཉུུལ་དང་འདིའི་སྐོར་རྒྱ་ནག་གིས་སྐྱོན་བརྗོད་མང་པོ་བྲིས་འདུག ཡིན་ནའང་། ཁོང་ཚོས་ཅི་ཞིག་བརྗོད་ན་བརྗོད། ང་ཚོའི་ལས་དོན་འགྲུབ་ན་དེ་ལས་ཅི།
ཡུམ་དུམ་པ་ ད་རྒྱ་ནག་གིས་འདུག་ཀ་ཞིག་མ་བཅུག་ནི་མ་རེད་ན།
སྤྱིར་ཏང་རྒྱ་ནག་གཞུང་གི་༧གོང་ས་མཆོག་་རྒྱལ་ཁབ་ག་འདྲ་ཞིག་དུ་ཕེབས་པ་ཡིན་ན་༧གོང་ས་མཆོག་ལ་མཚན་སྨད་ཞུ་བ་མ་ཚད་རྒྱལ་ཁབ་དེ་དཔོན་རིགས་ལ་ཉེན་བརྡ་བཏོངགསོལ་ཡོད་ན་ཡང་། དེ་རིང་་མ་ཡིང་ཅུའུ་འུ་ཐུག་ཐབས་ཟད་ཀྱི་གནས་སུ་གྱར་བ་བྱ་རྒྱུ་དེ་རེད། ཅེས་དང་
ཐའེ་ཝན་གྱི་དམངས་གཙོ་ཡར་སྐུལ་ཏང་གི་མི་ཁག་ཅིག་གིས་ཏཱ་ལའི་བླ་མ་ཟླ་འདིའི་ཟླ་མཇུག་ཏུ་ཐའེ་ཝན་དུ་ཡོང་ནས་འཚམས་འདྲི་བྱེད་པར་གདན་དྲངས་ཡོད་ཅིང་ ཅེས་ དམངས་གཙོ་ཚོགས་པའི་མགོ་ལ་གཞག་ནས་གོང་མའི་ཏང་ལ་གཡོར་ཐབ་བྱས་ཡོད་པ་རེད། དེ་ནི་གོང་མའི་ཏང་ལ་བརྟེན་ནས་ཐེའི་ཝན་རྒྱ་ནག་གི་དབང་དུ་སྡུ་ཐབས་བྱས་པ་རང་རེད།
འདིའི་སྐོར་གྱི་གནས་ཚུལ་ཡག་པོ་ཁ་གསལ་ཞིག་འདི་ན་ཡང་ཅིག་འདུག
http://www.kanglam.com/joomla/bb3/viewtopic.php?f=11&t=57