ད་སྐབས་དམར་ཤོག་ནང་ཁུལ་དུ་མི་སྒེར་སོ་སོ་བའི་དབང་ཤུགས་ཏེ་ཉམས་ཉེས་སུ་གྱུར་ཟིན་པས་ངེས་པར་དུ་སྒྲིག་འཛུགས་རང་བཞིན་གྱི་གོ་རིམ་ཞིག་ལ་བརྟེན་དགོས་པ་ཆགས་ཡོད།
ཕྱི་ཟླ་ ༩ པའི་ཚེས་ ༨ ཉིན་རྒྱ་ནག་དབུས་ཆབ་སྲིད་ལྷན་ཁང་གིས་ཚོགས་འདུ་བསྡུས་ཏེ། རྒྱ་ནག་གི་དམར་ཤོག་ཚོགས་པའི་སྐབས་བཅུ་བདུན་པའི་གྲོས་ཚོགས་ཐེངས་བཞི་པ་དེ་ཕྱི་ཚེས་ ༡༥ ནས་ ༡༨ བར་ཚོགས་གཏན་ཁེལ་བ་ལྟར། ཁ་སང་སྔ་དྲོ་རྒྱ་ནག་པེ་ཅིན་དུ་ཚོགས་མགོ་ཚུགས་ཡོད་པ་དང་། དམར་ཤོག་ཚོགས་པའི་རྒྱུན་ལས་ ༢༠༤ ཚོགས་ཞུགས་བྱས་ཡོད་པ་རེད། རྒྱ་གཞུང་གི་གསལ་བསྒྲགས་ལྟར་ན། ཐེངས་འདིའི་ཚོགས་འདུའི་གྲོས་གཞི་གཙོ་བོ་ནི་རྒྱ་ནག་ཆབ་སྲིད་ལྷན་ཁང་གིས་དབུས་དམར་ཤོག་ལྷན་ཚོགས་ལ་ལས་དོན་སྒྲོག་སྦྱང་དང་། ཞིབ་འཇུག་ལ་ཤུགས་བསྣན་ཏེ་དམར་ཤོག་རིང་ལུགས་ཀྱི་རྣམ་པ་གསར་བའི་བཅོས་སྒྱུར་འཛུགས་སྐྲུན་ཐད་ཀྱི་གནད་དོན་དག་ཡིན་ལུགས་བརྗོད་ཡོད་འདུག ཚོགས་འདུའི་སྐབས་དང་བསྟུན་ནས་པེ་ཅིན་གྲོང་ཁྱེར་གྱི་འགྲིམ་འགྲུལ་ལམ་མདོ་ ༢༠༠ ལྷག་ཏུ་ཉེན་རྟོག་པའི་ཞིབ་བཤེར་ས་ཚུགས་བཙུགས་ཡོད་པ་མ་ཟད། དམངས་གཙོ་དོན་གཉེར་བ་དང་ཆོས་ལུགས་མི་སྣ་སོགས་ལ་དོ་དམ་ལྟ་རྟོག་དང་གྲོང་ཁྱེར་ནས་ཕྱིར་འབུད་བཏང་བའི་གནས་ཚུལ་ཡང་བྱུང་ཡོད་པ་རེད།
སྲིད་དོན་དབྱེ་ཞིབ་པ་དག་གིས་གསར་ལམ་ཁག་ཏུ་གནས་ཚུལ་སྤེལ་དོན། ད་ལྟའི་རྒྱ་ནག་སྲིད་འཛིན་ལྷན་ཁང་གི་རྒྱུན་ལས་ཚོགས་མིའི་མདུན་གྲལ་དུ་ཡོད་པའི་ཧུའུ་ཅིན་ཐའོ་དང་། ཝུ་པང་གོ། ཝུན་ཅ་པའོ། ཅ་ཆིན་ལིན། ལི་ཁྲང་ཁྲོན་བཅས་ནི་བསྟུད་མར་ཐེངས་གཉིས་ལ་ཆབ་སྲིད་རྒྱུན་ལས་ཁུར་ཟིན་པ་དང་། ཧིག་གོ་ཆང་དང་ཀྲུག་ཡུང་ཁང་ནི་རྒན་ཡོལ་ཆགས་ལ་ཉེ་བས། ད་ལྟའི་ཆབ་སྲིད་རྒྱུན་ལས་དགུའི་གྲས་སུ་མ་འོངས་པའི་སྲིད་འགན་རྒྱུན་འཛིན་པར་རེ་བ་རྒྱག་ས་ནི་ཞི་ཅིན་ཕེན་དང་ལུས་ཁི་ཆང་གཉིས་ལས་ལྷག་མེད། དེར་བརྟེན། ཐེངས་འདིའི་གྲོས་ཚོགས་ཀྱི་དམིགས་ཡུལ་གཙོ་བོ་གཅིག་ནི་མ་འོངས་པར་ཧུའུ་ཅིན་ཐའོ་དང་ཝུན་ཇ་པའོ་གཉིས་ཀྱི་ལས་གནས་རྒྱུན་འཛིན་བྱེད་མཁན་གྱི་མི་སྣ་དམིགས་འཛུགས་བྱ་རྒྱུ་དེ་ཡིན་ལ། ཐེངས་འདིར་ཞི་ཅིན་ཕེན་རྒྱ་ནག་དབུས་གཞུང་གི་དམག་དོན་སྲིད་འཛིན་གཞོན་པའི་གོ་གནས་སུ་བསྐོ་འཇོག་བྱ་ཐུབ་མིན་དེ་ཆགས་ཡོད། གལ་སྲིད་གོ་གནས་དེར་བསྐོ་འཇོག་བྱེད་ཐུབ་པ་བྱུང་ཚེ། ཕྱི་ལོ་ ༢༠༡༢ ལོར་ཧུའུ་ཅིན་ཐའོ་ཡི་སྲིད་འཛིན་གྱི་གོ་གནས་རྒྱུན་འཛིན་བྱེད་མཁན་གྱི་མི་སྣ་གཙོ་བོ་དེ་ཁོ་རང་ཆགས་རྒྱུ་ཡིན་པ་དང་། དེ་ལྟར་མ་བྱུང་པ་ཡིན་ན་ད་ལྟའི་རྒྱ་ནག་དམར་ཤོག་དཔོན་རིགས་ནང་ཁུལ་དུ་མ་འོངས་པའི་རྒྱ་ནག་སྲིད་གཞུང་གི་ཆབ་སྲིད་ལངས་ཕྱོགས་ཐད་འགལ་བ་འབྱུང་བཞིན་པ་མཚོན་ཡོད་པར་མ་ཟད། མ་འོངས་པའི་ལོ་གཉིས་ཀྱི་རིང་རྒྱ་ནག་གི་ནང་སྲིད་འཛིན་སྐྱོང་ཐད་མུ་མཐུད་གཏན་འཇགས་ཡོང་རྒྱུ་མིན་སྐོར་བརྗོད་ཡོད།
གཞན་ཡང་། རྒྱ་ནག་མི་དམངས་སློབ་གྲྭ་ཆེན་མོའི་ཆབ་སྲིད་སྡེ་ཁག་གི་དགེ་རྒན་ཆེན་མོ་ཀྲང་མེན་གྱིས། གྲོས་ཚོགས་ཐེངས་བཞི་བ་ནི་རྒྱུན་ལྡན་ལྟར་ན་ཐེངས་རྗེས་མའི་རྒྱལ་ཡོངས་འཐུས་མིའི་ཚོགས་ཆེན་གྱི་གྲ་སྒྲིག་ལྟ་བུ་དང་། མ་འོངས་པའི་ཚོགས་ཆེན་སྐབས་ཀྱི་སྲིད་འཛིན་བརྗེ་བསོར་བྱ་བར་རྒྱུན་འཛིན་མི་སྣ་བསྐོ་འཇོག་གི་གནད་འགག་ལ་ཐུག་ཡོད་པ་རེད། བརྗེ་བསོར་སྐབས་ཆེས་དཀའ་ཁག་ཆེ་བའི་གནད་དོན་ནི་གོ་རིམ་རེད། ད་ལྟའི་རྒྱ་ནག་གི་ཆབ་སྲིད་ཁོར་ཡུག་འདིའི་ཁྲོད་དམར་ཤོག་ནང་ཁུལ་དུ་མང་གཙོ་མ་བྱུང་ཚེ་གནད་དོན་འདི་ཐག་གཅོད་དཀའ་བ་ཞིག་ཏུ་གྱུར་ཡོད། ད་ལྟའི་བར་དམར་ཤོག་སྲིད་འཛིན་ཚོགས་པར་མི་རབས་བཞི་བྱུང་ཡོད་ལ། དེའི་ཁྲོད་ཕྱི་ལོ་ ༢༠༠༢ ལོའི་ཧུའུ་ཅིན་ཐའོ་ཡིས་སྲིད་འཛིན་ལས་ཁུར་གྱི་གོ་རིམ་དེ་ནི། ཕྱིའི་རྣམ་པའི་ཐོག་ནས་རྒྱ་ནག་གི་ལོ་རྒྱུས་ཐོག་ཆེས་མཐོའི་སྲིད་དབང་གོ་གནས་བརྗེ་བསོར་གོ་རིམ་ཁྲོད་རྙོག་ཟིང་མ་བྱུང་བ་གཅིག་པུ་དེ་ཆགས་ཡོད། ཡིན་ནའང་། དེ་ནི་ཏིན་ཞའོ་ཕེན་སྒེར་གྱི་དབང་ཤུགས་ཀྱིས་སྔོན་མ་ནས་ཐག་གཅོད་བྱས་ཟིན་པ་ཞིག་རེད། ད་སྐབས་དམར་ཤོག་ནང་ཁུལ་དུ་མི་སྒེར་སོ་སོ་བའི་དབང་ཤུགས་ཏེ་ཉམས་ཉེས་སུ་གྱུར་ཟིན་པས་ངེས་པར་དུ་སྒྲིག་འཛུགས་རང་བཞིན་གྱི་གོ་རིམ་ཞིག་ལ་བརྟེན་དགོས་པ་ཆགས་ཡོད། ཅེས་གསར་ལམ་ཁག་ཏུ་བརྗོད་ཡོད།
རྒྱ་ནག་དབུས་གཞུང་གིས་སྒྲོག་བཞིན་པའི་དམར་ཤོག་རིང་ལུགས་ཀྱི་རྣམ་པ་གསར་བའི་བཅོས་སྒྱུར་འཛུགས་སྐྲུན་གྱི་གནད་དོན་ཟེར་བའི་གྲོས་ཚོགས་ཀྱི་གླེང་གཞིའི་སྐོར་ལ། རྒྱ་ནག་དབུས་དམར་ཤོག་སློབ་གྲྭའི་སློབ་གསོ་སྡེ་ཁག་གི་མགོ་གཙོ་གཞོན་པ་དང་། རྒྱ་ནག་གི་ལོ་རྒྱུས་དངོས་གཙོ་སྨྲ་བའི་ལྷན་ཚོགས་ཀྱི་དྲུང་ཡིག་ཀྲའོ་ལིས་ཝུན་གྱིས་གསར་ལམ་ཁག་ཏུ་བརྗོད་དོན། གཞི་རིམ་མང་ཚོགས་ཀྱི་ངོས་ནས་ཐེངས་འདིའི་གྲོས་ཚོགས་ཐད་བཅིངས་བའི་རེ་བ་དང་དོ་སྣང་བྱ་ཡུལ་གཙོ་བོ་ནི། གཅིག རུལ་སུངས་དག་ཐེར་བཀག་སྡོམ། གཉིས། དམངས་གཙོ་ཡར་རྒྱས་འཐུས་ཚང་། གསུམ། སྲིད་དོན་གཙང་སྐྱོང་གི་ཁ་ཕྱོགས་གཏན་འབེབས། བཞི། སྲིད་སྐྱོང་མི་སྣ་འོས་འདེམས་བྱ་རྒྱུ་བཅས་ཡིན་པར་བརྗོད་ཡོད།
གཞན་ཡང་། རྒྱ་ནག་གི་གཞུང་འབྲེལ་དྲ་བ་མི་དམངས་ཉིན་རེའི་ཚགས་པར་གྱི་སྟེང་དུའང་། སྤྱི་ཚོགས་རིང་ལུགས་ཀྱི་ལམ་ལུགས་དང་འབྲེལ་བའི་དོགས་འདྲི་ཅན་གྱི་དྲི་བ་དྲུག་སྤེལ་ཡོད་པར་མ་ཟད། ཕྱི་ཚེས་ ༡༤ ཉིན་གྱི་དགོང་མོའི་ཆུ་ཚོད་བརྒྱད་ཀྱི་སྟེང་ནས་བཟུང་བརྗོད་གཞི་དེ་རྒྱ་ནག་དབུས་བརྙན་འཕྲིན་ཁང་གིས་ཐད་གཏོང་བྱས་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཚེ་རིང་དང་ནང་པ་གཉིས་ཀྱིས་བསམ་ཚུལ་དང་དཔྱད་ཞིབ་ལྷུག་པོ་གནང་འདུག
ངོ་མས་ཡི་རངས་དང་བསྔགས་བརྗོད་བྱེད།
རྒྱ་ནག་གི་སྲིད་འཛིན་ལ་འགྱུར་བ་ཐེབས་ཀྱང་དམར་ཤོག་ལ་འགྱུར་བ་མ་ཐེབས་བར་དུ་བོད་དོན་ཐོག་འགྱུར་བ་ཐེབས་དཀའ། ལྷག་པར་དབང་འཛིན་མི་སྣ་སོ་སོ་བའི་དབང་ཤུགས་ཉམས་ཏེ་སྒྲིག་འཛུགས་རང་བཞིན་ལ་བརྟེན་དགོས་ཚེ། སྒྲིག་འཛུགས་ནི་མང་གཙོའི་སྒྲིག་འཛུགས་མིན་པར་དམར་ཤོག་གི་སྒྲིག་འཛུགས་ཡིན་པས་ཇེ་སྡུག་ཏུ་འགྲོ་སྲིད།
ལུང་རིགས་རྒྱལ་ལགས། སྙིང་ཐག་པ་ནས་ཐུགས་རྗེ་ཆེ་ཞུ།
ལུང་རིགས་ལགས།
བཟོ་བཅོས་གནང་གིན་ཡོད་ན། གཤམ་གྱི་འདི་ཚོའང་བཟོ་བཅོས་ཤིག་ཐུགས་ལ་འདོགས་རོགས།
དབང་ཤུགས་སླེབས་༼ཏེ༽
སྲིད་འཛིན་བརྗེ་༼བསོར༽
གྲོས་ཚོགས་ཐད་༼བཅིངས་༽
དྲ་གྲོགས་ནད་པ་ལགས།
ཧའོ་ཅང་གཉིས་ཀྱིས་འཇིག་འདེད་གི །
གཞུང་དམངས་གཉིས་ཀྱིས་ལམ་རྩོད་གི །
དབུལ་ཕྱུག་གཉིས་ཀྱིས་ལྟོ་རྩོད་གི །
སྤྱི་ཡི་གནས་སྟངས་དེ་འདྲ་རེད། །
ཞོར་ན་བོད་ཤིན་གཉིས་འགུལ་ཁུ། །
ཟུར་ན་ཐེ་ཞང་གཉིས་འདུར་ཁུ། །
ཕྱི་ན་ཨར་རྒྱས་བཙུར་གོ་ཁུ། །
ཕྱི་ཡི་གནས་ཚུལ་དེ་འདྲ་རེད། །
ཧྲང་ཧེ་ཅང་ཚང་དཀྲུགས་ནོ་ལྟོས། །
ཁྲིན་ཡུས་ཁྲིམས་ལ་སྦྱར་ནོ་ལྟོས། །
བང་ལིག་གདན་ས་འཁྲུགས་ནོ་ལྟོས། །
ནང་གི་ཚུར་སྣང་དེ་འདྲ་རེད། །
གློ་སྙིང་ངས་ར་མི་ཟིན་གི །
མཁྱེན་རྟོག་ང་ར་མི་གདའ་གི །
ཤེས་ཚོད་བཤད་ན་འདི་མོ་རེད། །
བརྟན་པོའི་གཏན་ཚིག་མི་འབེབ་ཐལ། །
རྒྱ་ནག་གི་རླབས་ཆེན་གཙོ་འཛིན་མའོ་ཙེ་ཏུང་དང་། ཏིང་ཞའོ་ཕིན། ཅང་ཙེ་མིན། ཧུ་ཅིན་ཐའོ་བཅས་མི་རབས་བཞིས་ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཀྱི་ཆབ་སྲིད་ཀྱི་ལམ་ཕྱོགས་བརྟན་པོར་བཟུང་ནས་རྒྱ་ནག་འདི་སྟོབས་ཆེན་གྱི་རྒྱལ་ཁབ་གཅིག་ཏུ་འགྱུར་བཞིན་ཡོད།
ད་ལྟ་མི་རབས་ལྔ་པའི་ཆབ་སྲིད་ཀྱི་ལྡིང་ཆར་སླེབས་པའི་ཞི་ཅི་ཕིན་ནི་ཅང་ཙེ་མིན་གྱི་ཕྱོགས་གཏོགས་ཀྱི་མི་སྣ་གལ་ཆེན་ཞིག་ཆགས་ཡོད་ལ་ལི་ཁེས་ཆང་ནི་ཧུ་ཅིན་ཐའོ་ཡིས་ཕྱོགས་གཏོགས་ཀྱི་མི་སྣ་གལ་ཆེན་ཞིག་ཆགས་ཡོད།
འདི་གཉིས་ལས་ཞི་ཅི་ཕིན་༢༠༡༢ ལོར་རྒྱ་ནག་གི་སྲིད་འཛིན་དུ་སླེབས་རྒྱུར་མིང་རིམ་དང་། གནས་བབ། རྩ་འཛུགས་སོགས་ཕྱོགས་གང་ཐད་ནས་བལྟས་ཀྱང་མངོན་འགྱུར་ཆེ་བ་ཡོད།
འོན་བཏང་སུ་ཞིག་སླེབས་མིན་ལ་མ་བལྟོས་པར་གུང་ཁྲན་ཏང་གི་རྩ་འཛུགས་ཀྱི་ལམ་ཕྱོགས་བརྟན་པོར་བཟུང་ནས་མི་རབས་ལྔ་པའི་རྒྱ་ནག་གི་སྲིད་འཛིན་གྱི་འོས་གཞིར་དཀའ་ཚེགས་གང་ཡང་མེད་པ་མངོན་གསལ་ཡིན།
རེ་བའི་བདག་པོ་ང་ཚོས་ལྟ་བ་མཁྲེགས་འཛིན་བྱེད་ནས་མི་མཐུན་དུ་རེ་བ་རྒྱག་ན་མ་གཏོགས། རྒྱ་ནག་དམངས་གཙོ་རུ་མ་འགྱུར་བར་དུ་གུང་ཁྲན་ཏང་གི་སྲིད་འཛིན་དེ་ད་ལྟའི་ཐེ་ཝན་གྱི་སྲིད་འཛིན་མ་ཡིན་ཇོའུ་ལྟ་བུ་ཞིག་ཡོང་སྲིད་ཀྱི་མ་རེད་འདོད། གལ་སྲིད་དེ་འདྲ་ཞིག་ཐོན་པ་ཡིན་ན་ད་ལྟའི་ཧོའུ་དང་བུན་ལ་སོགས་བཙོན་ཁང་མ་གཏོགས་འགྲོ་ས་ཡོད་ནི་མ་རེད། ཁོ་རང་ཚོས་ལོ་རྒྱུས་ལ་བཞག་པའི་ནག་ཐིགས་དག་དགབ་སྲུངགི་ཆེད། རུས་མིང་ཞེའུ་འཛིན་པ་དེ་ང་ཚོའི་ངོས་ལ་ཕན་ཞིག་ཐོགས་ཀྱི་རེད་མི་འདོད་ཀྱི།
རྒྱ་ནག་གི་གྲོས་ཚོགས་དེ་མ་ཚོགས་པའི་སྔོན་ཏག་ཏག་ལ། ཞིས་ཅིན་ཕེན་རྒྱ་ནག་དབུས་དམར་ཤོག་སློབ་གྲྭར་འོང་སྟེ། དམར་ཤོག་ནང་ཁུལ་མང་གཙོ་དང་། ཏང་ནང་གི་རུལ་སུངས་དག་ཐེར། དམར་ཤོག་སྒྲིག་གཞི་སྲ་བརྟན། དམར་ཤོག་པའི་གཟི་ཉམས་བསྐྱར་བཞེངས་ཀྱིས་མཐའ་གཅིག་ཏུ་སྤྱི་ཚོགས་རིང་ལུགས་རྒྱུན་འཁྱོངས་བྱེད་དགོས་སྐོར་གྱི་དམར་ཤོག་རྐྱང་རྐྱང་གི་བཀའ་ལུང་ཞིག་གནང་ཡོད་འདུག སྤྱི་ཚོགས་སྟེང་གི་གླེང་སློང་ལྟར་ན། ཉེ་ལམ་རྒྱ་ནག་ཏུ་དམར་ཤོག་གླུ་རུ་ལེན་པའི་མཐོ་རླབས་ཤིག་འགྲོ་བཞིན་པ་དེའང་ཞི་ཅིན་ཕེན་གྱི་རྐང་རུལ་གྱི་དྲི་མ་ཡིན་ཚུལ་བརྗོད་ཀྱིན་འདུག ད་དུང་གཅིག་བྱས་ན་ཞི་ཅིན་ཕེན་གྱིས་མ་འོངས་པའི་ལོ་གཉིས་ཀྱི་རིང་ལ་ཤིན་ཅང་ས་ཁུལ་གྱི་མགོ་གཙོའི་ལས་འགན་འཁུར་སྲིད་པ་རེད་ཟེར། མ་གཞི་ཤིན་ཅང་གི་མགོ་གཙོ་བང་ལིག་ཆོན་ནི་ཐེངས་རྗེས་མའི་རྒྱ་ནག་དམར་ཤོག་སྲིད་འཛིན་རྒྱུན་ལས་ཀྱི་དམིགས་འཛུགས་སའི་འཇིག་རྟེན་ལྕི་མོ་ཞིག་ཡིན་ནའང་། ཤིན་ཅང་དོན་རྐྱེན་གྱིས་ཁོའི་ལམ་ཁར་རྡོ་རྒན་ཞིག་བཞག་ཡོད་འདུག གཞན་ཡང་ཤིན་ཅང་གི་རྙོག་ཟིང་དེའི་ཟ་ཟུར་ལ་བརྟེན་ནས་དམར་ཤོག་པ་ཚོས་ཐེངས་རྗེས་མའི་སྲིད་འཛིན་རྒྱུན་ལས་ཀྱི་འཇིག་རྡེལ་ཡར་འདེད་མར་འདེད་བྱེད་ཀྱིན་ཡོད་པར་བརྗོད། གང་ལྟར་དེ་སྔོན་ཧའོ་ཅིན་ཐའོ་ཤིན་ཅང་དུ་འགྲོ་དོན་དང་། ཁོ་ཕྱིར་ཐོན་རྗེས་ཡང་བསྐྱར་ཟིན་ཆ་ལངས་དོན་བཅས་ནི་ཆབ་སྲིད་ཀྱི་བྲོ་གར་ཅིག་མ་ཡིན་པས་ངེས་བ་མི་འདུག་ལ། གང་ལྟར་ད་ལྟ་རྒྱ་ནག་ལམ་ཁ་སུམ་མདོ་ཞིག་ན་གར་འགྲོ་གང་འདུག་གི་ཕྱོགས་གསལ་བོ་ཞིག་མ་རྙེད་པར་ནང་འགལ་ལུང་བ་གང་གི་ནང་ན་འཇིག་འདེད་རེས་བྱེད་ཀྱིན་པ་གསལ་བོ་རེད། ད་སུ་ཡིན་རུང་མཁས་རྟགས་བླུན་རྟགས་གཉིས་ཀ་སྟོན་རན་ཞིག་ཡིན་ས་རེད་པ། ཅང་མི་ནུས་རུང་མིག་ལོག་ཚིག་ལོག་འཕེན་རྒྱུ་ན་་་་་་ཨ་ཤུ་རེ་གོ། ཧ་ཧ་ཧ་
ཞི་ཅིན་ཕེན་གྱི་ཕ་རྒན་ཞི་ཀྲུང་ཞོན་ནི་མའོ་ཡི་དུས་སྐབས་ཀྱི་ནུབ་བྱང་ཁུལ་དམག་ཁུལ་གྱི་སྤྱི་ཁྱབ་བཀོལ་འདོམས་གཞོན་པའི་འགན་ཁུར་ནས་བོད་དང་ཤིན་ཅང་ལ་དམག་བཀོལ་འཐེན་གཙོ་གྲས་ཡིན་ལ། བོད་དང་ཤིན་ཅང་དབང་དུ་བཅུགས་རྗེས་མའོ་ཡིས་ཁྱོད་ནི་ཀྲུའུ་ཀུ་ལིང་ལས་ཀྱང་ལྷག་པ་འདུག་ཞེས་བསྟོད་བསྔགས་བྱས་མྱོང་ཡོད་འདུག དེ་ནི་ཁོས་བོད་དང་ཤིན་ཅང་རྒྱ་འོག་ཏུ་འཇུག་པར་ཐབས་ཇུས་འགོད་མཁན་གཙོ་བོ་དེ་ཡིན་པས། ཁོས་ ” བྱ་གཞག་ཡོད་ཚད་ཀྱི་ཐོག་མར་མི་རིགས་བར་ཞི་བའི་འབྲེལ་བ་བྱས་ཏེ་མི་རིགས་སོ་སོའི་མགོ་གཙོ་དང་། ཆོས་ལུགས་མི་སྣ་ཚུར་འགུག་བྱས་རྗེས་ལས་འགུལ་ཅི་ཞིག་བརྩམས་ཀྱང་མི་འགྲུབ་པའི་དོན་དག་ཅིག་ཡོད་མི་སྲིད་ཅེས་བརྗོད་མྱོང་ཡོད་འདུག ཞིས་ཀྲུང་ཞོན་ཕྱི་ལོ་ ༢༠༠༢ ལོར་ཤི་བ་རེད། ཁོས་རང་གི་བུ་ལ་རང་གི་ཡོད་ཚད་བརྒྱུད་སྤྲོད་བྱས་ཡོད་ངེས། གལ་སྲིད་ཞིས་ཅིན་ཕེན་ཡང་ཀྲུའུ་ཀུ་ལིང་ལྟ་བུ་ཞིག་བྱུང་ཚེ་ད་ཅིག་དཀའ་རྒྱུ་རེད་ཡ། ད་ང་ཚོ་མགར་སྟོང་བཙན་ཡུལ་སྲུང་ལྟ་བུ་ཞིག་འཚོལ་དུ་གང་ལ་འགྲོ་འམ།
བློ་ལྡན་ལགས། དག་ཆ་ནོར་བ་རེད། ཁྱོན་ནས་ཧ་མ་གོ་བ་ཁག་མི་འདུག ད་ནི་བཅོས་ཡོད།
བཀུར་འོས་རྩོམ་སྒྲིག་པ་ལགས། གཤམ་གྱི་ཚིག་འདི་དག་ངས་ཁྱོན་ནས་ཧ་གོ་མ་སོང་བས་འགྲེལ་བཤད་ཅིག་གནང་རོགས་ཞུ། ཐུགས་རྗེ་ཆེ།
ཚོགས་འདིའི་གྲོས་གཞི་
འགྲུམ་འགྲིལ་
བསྐོ་འཇིག་
རྒྱ་ནག་གི་སྲིད་འཛིན་རྙེད་འདུག་པ་དེ་བཞིན་དུ་བོད་པ་ཚང་གི་བཀའ་བློན་ཁྲི་བ་ནི་རྙེད་ངེས་ཡིན་ལ། དེ་ནི་བོད་མི་དག་གིས་རང་གི་རིགས་ལ་ཤ་ཚ་དང་འགན་འཁུར་བྱེད་མཁན་དེང་སྐབས་སྔར་ལས་ཇེ་མང་དུ་འགྲོ་བཞིན་ཡོད་པའི་དེ་ལ་ཏན་ཏན་གྲུབ་འབྲས་ཤིག་ཡོད་ངེས་ཡིན་སྙམ་ལགས།
རེད་དེ། རྒྱ་ནག་གི་སྲིད་འཛིན་སུ་ཞིག་ལ་སླེབས་པ་ཡིན་ན། བོད་གཙོ་བའི་མི་རིགས་གྲངས་ཉུང་དག་ལ་མནར་གཅོད་དང་ཉེས་མེད་བཙོན་འཇུག་དང་དོན་མེད་དུ་ཁྲིམས་གཅོད་དང་ཉེས་བརྡུང་བྱེད་མཁན་ཞིག་མི་ཆགས་པར། རང་དབང་གི་ཁོར་ཡུག་ཞིག་ལ་བསམ་བློ་གཏོང་ཐུབ་མཁན་ཞིག་ཡོང་རྒྱུར་རེ་བ་ཡོད།
ག་བ་ག་བ། ཞི་ཅིན་ཕེན་གཏན་འཁེལ་འདྲ་བོ་རེད། ང་ཚོས་ ༢༠༡༡ ལོའི་བཀའ་ཁྲི་མ་བརྙེད་པར་ཡོད་དུས་ཤིག་ལ། རྒྱ་ནག་གིས་ ༢༠༡༢ ལོའི་སྲིད་འཛིན་བརྙེད་འདུག་ག
རྒྱ་ནག་གི་ཁ་ས་རྒྱག་མཁན་ཞིག་སླེབས་པར་ཤོག