གྲང་སེང་བཏང་པའི་གྲོས་འཆར་དང་ཚ་བོ་ཆགས་པའི་སྤྱི་ཚོགས། སྤྱི་འཐུས་བསྟན་འཛིན་མགོན་པོ།

དྲ་གྲོགས་རྣམ་པ་ཁམས་བཟང་། འདས་པའི་མི་ལོ་སྟོང་ཕྲག་གྱི་སྔོན་བོད་བཙན་པོའི་དུས་རབས་སུ་མེས་པོ་བཀའ་དྲིན་ཅན་ཚོས་བོད་དང་བོད་པ་ཞེས་པའི་མིང་ཚིག་འདི་གཉིས་ནང་བོད་ཆོལ་ཁ་གསུམ་དང་བོད་མི་རིགས་ཟེར་བ་དེ་གོང་བུ་གཅིག་ཏུ་བསྒྲིལ་ནས་ལས་ལ་བརྩོན་ཞིང་དཔའ་ངར་ལྡན་པའི་བོད་རྒྱལ་ཁབ་དང་བོད་མི་རིགས་ཀྱི་ལོ་རྒྱུས་གསེར་གྱི་ཐང་མའི་བཞད་ཁ་ཕྱེ་ཡོད།

འོན་བཏང་༡༩༥༩ ལོར་རྒྱ་ནག་དམར་ཤོག་གིས་བོད་འདིར་དྲག་པོས་བཙན་འཛུལ་བྱས་པ་ནས་བཟུང་མི་ལོ་ཧྲིལ་པོ་ལྔ་བཅུའི་བོད་པ་ཟེར་བའི་མི་ཚིག་གཅིག་གི་ནང་ང་ཚོ་བོད་ཆོལ་ཁ་གསུམ་ཆ་ཚང་གཅིག་ཏུ་བསྡུས་ནས་ད་དུང་བཙན་གནོན་དང་གནར་གཅོད་བྱེད་བཞིན་པ་ཡིན།

བོད་བཙན་པོའི་དུས་རབས་ངོ་མཚར་ཅན་གྱི་སྐུ་དུས་སུ་བོད་ཀྱི་མངའ་ཁོངས་སུ་གཏོགས་རྒྱལ་ཕྲན་མང་ཆེ་བར་མིང་ཚིག་འདི་འདྲ་ཞིག་བེད་སྤྱད་ཡོད་དེ། མདོ་སྨད་ཕྱོགས་སུ་འབྲོག་པ། མདོ་སྟོད་ཕྱོགས་སུ་ཁམས་པ། དབུས་གཙང་ཕྱོགས་སུ་དབུས་པ། གཙང་པ་ཞེས་བོད་འདི་གོམ་བུ་གཅིག་ཏུ་བསྒྲིལ་བའི་བོད་རྒྱལ་ཁབ་དང་བོད་མི་རིགས་ཀྱི་དམ་ཚིག་འོ་ཆུ་གཅིག་ཏུ་འདྲེས་ནས་མེས་པོའི་བུ་རབས་ཚ་བརྒྱུད་གཅིག་རང་ཡིན།
དཔེར་ན། འབྲོག་པ། སྡེ་པ། ཁམས་པ། དབུས་པ། གཙང་པ། བྱང་པ། གམ་པ། རོང་པ། ནུབ་པ། ཤར་པ། མོན་པ། ལྷོ་པ། འབྲུག་པ། བློ་པ་ལ་སོགས་པའི་པ་ཡིག་ཅན་གྱི་མིང་ཚིག་འདི་དག་བོད་རྒྱལ་ཁབ་ཀྱི་མངའ་ཁོངས་འཁྲུལ་མེད་གཅིག་སྒྱུར་གྱི་མིང་ཚིག་བེད་སྤྱད་ཡོད།

དེར་བརྟེན་ལྟ་ང་ཚོ་ཆོལ་ཁ་གསུམ་གྱི་གོམ་བུའི་ནུས་པ་གཅིག་ཏུ་བསྒྲིལ་ནས་བོད་མི་རིགས་ཟེར་བ་དེ་འཛམ་གླིང་འདི་ནང་འགྱེལ་ས་གཅིག་ནས་ཡར་ལངས་ཐུབ་རྒྱུར་འབད་བརྩོན་བྱེད་དགོས། དེའི་ཕྱིརབོད་མིའི་ཆོས་སྲིད་གཉིས་ཀྱི་བླ་ན་མེད་དབུ་འཁྲིད། ཚེ་འདི་ཕྱི་གཉིས་ཀྱི་སྐྱབས་གནས། འཛམ་གླིང་ཞི་བདེའི་དེད་དཔོན་༸ གོང་ལྷ་མིའི་རྣམ་འདྲེན་སྐྱབས་མགོན་ཡིད་བཞིན་ནོར་བུའི་ཅི་གསུངས་བཀའ་སྒྲུབ་དང་། རྒྱ་གར་འཕགས་པའི་ཡུལ་དུ་སྐུ་འཚོ་ཞིང་བཞེངས་པའི་བཙན་བྱོལ་བོད་གཞུང་གི་མཛད་བྱུས་དང་དགོངས་དོན། བོད་རྒྱ་ཆེའི་མི་དམངས་ཀྱི་མངོན་འདོད་དང་རེ་བ་བཅས་རྩ་འཛིན་ཆེ་ཤོས་སུ་བཟུང་ནས་ང་ཚོ་བོད་ཆོལ་ཁ་གསུམ་གཅིག་ཏུ་བསྒྲིལ་ནས་༢༠༡༡ བཀའ་ཁྲི་དང་། བཀའ་བློན། དེ་བཞིན་སྤྱི་འཐུས་སོགས་གལ་འགངས་ཆེ་བའི་དུས་སུ་བོད་མི་ཚང་མས་་བློ་སེམས་གཅིག་ཏུ་བསྒྲིལ་
ནས་དགོས་པའི་དུས་སུ་གཉམ་དུ་འཆོང་ཞིག་རྒྱག་ཐུབ་པ་བྱེད་རྒྱུ་ནི་ཤིན་ཏུ་ནས་གལ་ཆེ་དོན་ཆེ་ཡིན།

ལྷོ་ཕྲུག་སྣ་བོ་ཆེ་ལགས། ཁྱེད་ཀྱིས་ང་ལ་བསམ་གཟས་ནས་གསུངས་ཀྱང་འདྲ། གཞན་ཞིག་ལ་བཤད་པ་ཡིན་ཡང་འདྲ་དེ་ལ་ཁྱད་པར་གང་ཡང་མེད། ཁྱེད་ཀྱིས་གོང་དུ་བྲིས་པའི་མཆན་གཉིས་ཀ་ལ་མོས་མཐུན་ཆ་ཚང་ཡོད། དངོས་ཡོད་གནས་ཚུལ་གྱི་ཐོག་ནས་འདི་ལྟ་བུ་ང་ཚོ་ཚང་མས་ལག་ལེན་དངོས་ཀྱི་ཐོག་ནས་བྱེད་ཐུབ་ན་ཡག་ཤོས་རེད། གཅིག་གིས་གཅིག་ལ་གཟས་ནས་མང་པོ་ཞིག་བཤད་ཚར་བའི་རྗེས་ནས་ཅིག་ཤོས་དེས་གང་ཡང་མ་བཤད་པར་སྡོད་མཁན་ནི་བཟོད་པའི་ཕར་ཕྱིན་ཐོབ་པའམ། ཡང་ན་བཟོད་པའི་ཕར་ཕྱིན་ལ་སློབ་བཞིན་པ་ཞིག་ཡིན་ན་མ་གཏོགས་ཁག་པོ་རེད། དེ་ང་དང་ཁྱེད་ཀྱི་ཐད་ནས་བཤད་མེད། སྤྱི་ཡོངས་ཀྱི་བགྲོ་གླེང་བྱེད་སྟངས་ཀྱི་ཐོག་ནས་བཤད་པ་ཡིན། ང་ཤེས་ཡོན་པ་ཞིག་གཏན་ནས་མིན། ཡི་གེ་འབྲི་ཀློག་ཅུང་ཙམ་ཤེས་པ་དང་། དེབ་ཀློག་རྒྱུར་དགའ་པོ་ཡོད། དེ་མིན་ངས་རྩོམ་འབྲི་མི་ཤེས་ལ། སློབ་ཁྲིད་བྱེད་མི་ཤེས། དེ་ཁས་ལེན་དགོས་པའི་གནད་དོན་ཞིག་རེད། དུས་རྒྱུན་དྲ་ཐོག་གི་བགྲོ་གླེང་ལ་དུས་ཁོམ་ཡོད་དུས་ཞུགས་བཞིན་ཡོད། དེ་ལ་དགའ་མོས་ཀྱང་ཡོད། འོན་ཀྱང་མང་པོ་འབྲི་མི་ཤེས་པས་ངས་བཤད་པ་ཟིན་བྲིས་དང་གླེང་སྟེགས་ཁག་ཏུ་ཧ་ཅང་ཉུང་ཉུང་རེད། ངའི་ང་རང་གི་སྐོར་ངོ་སྤྲོད་ཅུང་ཙམ་བྱས་པ་དེ་ཁྱེད་ཀྱི་འུ་ཅག་ཤེས་ལྡན་དུ་རློམ་པ་ཚོས་ཞེས་བྲིས་འདུག་པས་ང་ཤེས་ལྡན་ཞིག་མིན་ཚུལ་ཙམ་བཤད་པ་ཡིན།
ད་དུང་ཞུ་རྒྱུར་ལྷོ་ཕྲུག་སྣ་བོ་ཆེ་ལགས། ཁྱེད་ལྷོ་ཕྲུག་ཡིན་མིན་ཡང་ཁྱེད་ཀྱི་བསམ་ཚུལ་འབྲི་བའི་སྐབས་ཀྱི་ཚིག་སྦྱོར་ལ་བལྟས་ཏེ་ངའི་ཁ་ནས་ཞོར་དུ་ཐོན་པའི་སྐད་ཆ་ཞིག་ལས་དོན་དངོས་ཐོག་ཁྱད་པར་གང་ཡང་མེད། གང་ལྟར་ད་ལྟའི་གནད་དོན་འདི་དགྲ་དགའ་གཉེན་སྡུག་གི་སྐད་ཆ་ཞིག་ཡིན་པ་དངོས་ཡོད་གནས་ཚུལ་རེད། གང་ལྟར་རྗེས་སུ་སྐད་ཆ་བཤད་སྟངས་ལ་ངེས་པར་དུ་དོ་སྣང་བྱེད་ངེས་ཡིན། ལྷག་པར་དུ་རྩོམ་སྒྲིག་པའི་དགོངས་ཚུལ་ལ་ངས་འགྲེལ་བཤད་ཅིག་བརྒྱབ་ཡོད། ཅིག་བྱས་ནས་ནོར་འཁྲུལ་ཡིན་ངེས་པས་བོད་ཀྱི་དུས་བབ་ཀྱི་རྩོམ་སྒྲིག་པ་ལུང་རིགས་རྒྱལ་ལགས་སུ་སེམས་གཏིང་ནས་དགོངས་སེལ་ཡང་ཞུ་རྒྱུ་ཡིན།
ང་དུས་རྒྱུན་རྩོད་རྙོག་ལ་དགའ་མཁན་ཞིག་རྩ་བ་ཉིད་ནས་མིན། འོན་ཀྱང་གྲོས་ཚོགས་ནང་དུ་རྩོད་རྙོག་བྱུང་བའི་སྐོར་གོ་ཐོས་བྱུང་བའི་གནས་ཚུལ་དང་། ལྷག་པར་དུ་བགྲོ་གླེང་བྱེད་པའི་སྐབས་ཕྱོགས་གཅིག་རྐྱང་པ་མ་གཏོགས་དངོས་ཡོད་གནས་ཚུལ་བཤད་མཁན་མི་འདུག་བསམ་པའི་ཚོར་སྣང་ཞིག་གིས་ངས་གོང་གི་གནས་ཚུལ་འདི་དག་བྲིས་པ་ཡིན། ང་རང་གི་ངོས་ནས་ངས་གང་བཤད་པ་དེ་བདེན་པ་ཡིན་བསམ་གྱི་ཡོད། འོན་ཀྱང་ཁྱེད་རྣམ་པས་དེ་ལྟར་མཐོང་མི་སྲིད་པའང་དངོས་ཡོད་གནས་ཚུལ་རེད། ཁྱེད་ཀྱིས་རྣམས་ཀྱིས་བཤད་པ་དེ་ཁྱེད་ཀྱི་ངོས་ནས་བདེན་པ་དང་གནས་ལུགས་ཡོད་པ་ཞིག་ལ་མཐོང་གི་ཡོད་ངེས་པ་རེད། འོན་ཀྱང་ངས་བསམ་ཚུལ་དེ་ལས་ལྡོག་ཕྱོགས་རེད།

ང་གོ་མེད་ཚོར་མེད། བྱེད་མཁས་བསྟུན་མཁས། རྩོམ་རིག་གི་ལག་ལེན་ནང་ཞི་མིའི་འགྱིངས་འགྲོས་བསྟེན་མཁན་དེ་རིགས་ལ་ཡང་དགའ་མོས་མེད་སྟབས་སེམས་ཀྱི་ཚོར་སྣང་ཁ་ཐུག་དང་ཐད་ཀར་བཤད་རྒྱུའི་འབད་རྩོལ་བྱེད་ཀྱིན་ཡོད། འོན་ཀྱང་གནས་ལུགས་ཡོད་པ་དང་རྒྱུ་མཚན་ཡོད་པ་ཞིག་བཤད་རྒྱུ་འདི་འདོར་མི་རུང་བའི་འོས་འགན་དུ་བརྩི་ཡིན་ཡོད། གོང་གི་བསམ་ཚུལ་དེ་ཁྱེད་དྲྭ་གྲོགས་བསོད་ནམས་ལགས་གཅིག་པུར་བསམ་གཟས་ནས་ཞུས་པ་ཞིག་ག་ལ་ཡིན། ཚང་མའི་ཐུགས་ལ་མི་གནོད་པའི་སྨོན་ལམ་དང་འཁྲུལ་པ་ཇི་ཡོད་སྲོང་པོའི་ལམ་ནས་དག་བཅོས་གནང་བའི་སྐུལ་མ་འདེབས་འདེབས།

ལྷོ་ཕྲུག་སྣ་བོ་ཆེ། དངོས་གནས་ཁྱོད་ལྷོ་ཕྲུག་སྣ་བོ་ཆེ་ཞིག་ཡིན་ནམ། ཨམ་ཕྲུག་སྣ་བོ་ཆེ་ཞིག་ཡིན་པ་སུས་ཤེས། ཁྱེད་ཀྱིས་བཤད་པ་དེ་ངས་ཉོག་གཏམ་དུ་མཐོང་བ་དང༌། ངས་བཤད་པ་དེ་ཁྱེད་ཀྱི་ཉོག་གཏམ་དུ་མཐོང་བ་དེ་ཁོར་ཡུག་དང་བསམ་བློའི་རྒྱབ་ལྗོངས་སམ་ཁོར་ཡུག་གི་ཁྱད་པར་རེད། འོན་ཀྱང་ངས་ཕྱོགས་ཞེན་གྱི་སྐད་ཆ་གཏན་ནས་མེད་ཅེས་བཤད་མི་ཕོད་ཀྱང༌། ང་རང་གི་ངོས་ནས་དྲང་བདེན་རང་ཡིན་སྙམ་པའི་ཡིད་ཆེས་ཤིག་གི་ཐོག་ནས་བརྗོད་བཞིན་ཡོད། རྩོམ་སྒྲིག་པའི་ཁ་ལ་ཉན་དགོས་མིན་ཁྱེད་ཀྱིས་ང་ལ་བཀོད་འཐེན་དགོས་དོན་མེད། གང་ལྟར་ཁྱེད་ལ་དགོས་པའི་སྐད་ཆ་དེ་ཁྱེད་རང་གི་སེམས་ལ་འབབ་པའི་སྐད་ཆ་དེ་ཁོ་ན་རེད། འོན་ཀྱང་ཁྱེད་ཀྱིས་བཤད་པ་དེར་ངས་བསམ་ཤེས་བྱེད་མི་ཐུབ་གང་ཡང་མི་འདུག དེ་ལྟར་ཡོང་སྲིད་པ་རེད། གང་ལྟར་མུ་མཐུད་ནས་འཁྱོག་བཤད་དང་རྫུན་གཏམ་བཤད་འདུག་སྙམ་པ་མཐོང་ན་ང་དེའི་ཁ་གཏད་དུ་ལངས་ངེས་ཡིན། གལ་སྲིད་ངས་བཤད་པ་དེ་རྫུན་དང་འདྲེས་པའི་ཉོག་གཏམ་དུ་མཐོང་གི་ཡོད་ན་རེ་རེ་བཞིན་གསལ་བཤད་གནང་རོགས། བདེན་པ་བརྡར་ཆོག ཁྱེད་ཚོའི་སེམས་ངོར་ཕྱོགས་གཅིག་ལ་ཁ་གཏོང་ཆོག་པ་དང༌། རང་ཕྱོགས་ལ་ཁ་གཏོང་མི་ཆོག་པ་དེ་དམངས་གཙོའི་གོམས་གཤིས་ཞན་པའི་སྐྱོན་རེད་བསམ། སླར་ཡང་ཞུ་རྒྱུར་ང་ལའང་དམངས་གཙོའི་གོམས་གཤིས་ཡང་དག་པ་ཞིག་མེད་ཀྱང༌། དགའ་ཞེན་ཙམ་ཡོད།

གོ་གནས་ནས་གནས་དབྱུང་གཏོང་དགོས་པའི་སྤྱི་མཐུས་དགུ
སྒྲོལ་མ་མཚོ་མོ། མདོ་སྨད
ཨོ་རྒྱན་སྟོབས་རྒྱས། མདོ་སྟོད
ཚུལ་ཁྲིམས་བསྟན་འཛིན། མདོ་སྟོད
འཇུ་ཆེན་དཀོན་མཆོག མདོ་སྟོད
བེ་རི་འཇིག་མེད་དབང་རྒྱལ། དགེ་ལུགས
བསོད་ནམས་བསྟན་འཕེལ། རྙིང་མ
ཀརྨ་ཆོས་འཕེལ། དབུས་གཙང
སྨོོན་ལམ་མཐར་ཕྱིན། བོན
ཚེ་རིང་པོ། ས་སྐྱ

བསམ་འཆར་ཞིག་བཏོན་མོད། སླེབས་མི་འདུག་རྒྱུ་མཚན་ཤེས་མ་སོང་། འདི་ནི་དོགས་འདྲི་དང་ཚོད་ལྟ་ཡིན།

བཙན་པོ་ལགས། ཉེ་ཆར་སྤྱི་འཐུས་སུ་བྱུང་བའི་གནད་དོན་འདིའི་ཐོག་ཏུ་དྲ་རྒྱའི་སྟེང་དུ་ཟིན་བྲིས་སྤེལ་མཁན་དང་མཆན་འགོད་མཁན་ཚོའི་བསམ་ཚུལ་བཀླགས་ནས་ངས་འདིར་གནས་ཚུལ་ཁ་སྐོང་བྱས་པ་ཡིན། གལ་སྲིད་གནས་ཚུལ་འདི་དག་བོད་མི་རིགས་ལ་འཕྲད་པའི་དུག་གི་གནས་ཚུལ་ཞིག་ཡིན་ན་དུག་འདི་དག་སེལ་བའི་དུས་ལ་བབ་ཡོད་པ་རེད། ངས་བལྟས་ན་ངས་འདིར་དུག་གསར་པ་བཟོ་དགོས་དོན་མིན་འདུག

སྟན་འཛིན་མགོན་པོ་ཞེས་པ་འདིས་ག་དུས་ཡིན་ན་གཞུང་ལ་ཁ་གཏད་དུ་ལངས་ཀྱང་བྱེད་པ་དང་
བོད་ཀྱི་རྒྱུད་ལམ་ཁག་ལ་སྡིག་ར་སྐུལ་འདུག་པས་ཁྱོད་ཀྱིས་བྱ་སྤྱོད་ང་ཚོ་ཚང་མས་དོག་གནང་བྱ་དགོས་པར་མཐོང་།ཁྱོད་ཀྱིས་གཤད་ཡག་དེ་སོ་སོའི་རང་རྟག་བསྟན་པ་རང་རེད་གསར་འགྱུར་རྒྱུད་ལམ་ཁག་གི་དྲི་བ་དྲིས་ལན་བྱེད་པ་དེ་
དམངས་གཙོ་ཡང་དག་པའི་བདེན་རྟག་ཞིག་རེད། དེ་ལ་འཇིག་སྐུར་དང་སྡིག་ར་ངན་སྨྲ་བྱེད་པ་དེ་ཁྱོད་མདོ་སྨད་མི་དམངས་གི་སྐུ་ཚབ་བྱེད་མི་ཐུབ་པ་བསྟན་པ་རེད།།

ད་རེས་སློབ་སྦྱོང་ཡག་པོ་ཞིག་རེག་སོང་། ལྷག་པར་དུ་འདས་དོན་དག་ལ་ལྟ་ཡ་ཞེ་དྲག་འདུག ཡིན་ནའི། ཁམས་མིང་ཁུར་ནས་བོད་སྤྱི་དང་ཁམས་པའི་ནང་ཁུལ་ལ་རྙོག་དྲ་བཟོ་ཡ་དེ་ཡག་པོ་མི་འདུག སྒོས་སུ་མི་དྲག་ཕན་ཚུན་བར་དུ་རྙོག་དྲ་བཟོ་འོས་མ་མཐོང་། མ་གཞི་ནས་བཤད་ན། གྱོད་འགྲིག་དགོས་ཚེ་རྒྱ་མིའི་གཞུང་ཚབ་སྐད་གཏོང་དགོས་པར་མ་ཟད། མགྲོན་བྱེད་འོས་པ་ནི་གསལ་བོ་ཡིན་པས། དེ་ནི་ཡབ་གཞིས་བསྟན་འཛིན་མཁས་གྲུབ་ཀྱི་འཇོན་རྟགས་ལས་རྒུད་རྟགས་ཤིག་མ་རེད། གལ་སྲིད་རྒྱ་རི་སྒྲོལ་མའང་ཡག་པོ་མེད་ན། ཟམ་གདོང་བླ་མ་དང་ཚོགས་པ་གཅིག་པའམ། ཆུ་སྒང་གསར་མ་ཡིན་པས། གནད་དོན་དེ་ཇི་ལྟར་བྱེད་དགོས་སམ།

ལྷོ་ཕྲུག་སྣ་བོ་ཆེའི་དྲི་བར་ལན་འདེབས། ཁྱེད་ཀྱིས་མདོ་སྨད་སྤྱི་འཐུས་བསྟན་འཛིན་མགོན་པོ་ལ་དྲི་བ་ཞིག་དྲིས་པ་དེ་ལ་ངས་ལན་འདེབས་བྱེད་ཆོག “དེ་ཡང་ཁྱེད་ཀྱིས་{བཙན་བྱོལ་སྤྱི་ཚོགས་ནང་གི་མདོ་སྟོད་པ་མང་པོ་ཞིག་ལ། དབུས་གཙང་པ་དང་མདོ་སྨད་པ། མདོ་སྟོད་ཀྱི་མི་སྐོར་ཞིག་ལག་སྦྲེལ་བྱས་ཏེ་མདོ་སྟོད་མི་དམངས་རྣམས་བོད་ཀྱི་སྤྱི་ཚོགས་ནང་སྡོད་བདེ་མེད་པ་བཟོ་བའི་བསམ་ཚུལ་ཡོད།}ཅེས་གསུངས་འདུག རང་རེའི་འཐུས་མི་ཞིག་ཡིན་པའི་ཆ་ནས་མི་མང་ཁྲོད་འགན་འཁུར་ཡོད་པའི་སྐད་ཆ་བཤད་རྒྱུ་གལ་ཆེ་ཡིན་སྟབས་ཚིག་ཐག་གཙང་བཅད་ཀྱིས་བཤད་པའི་གཞི་ལྗིད་པོའི་སྐད་ཆ་འདིར་ཁུངས་སྐྱེལ་གཙང་མ་ཞིག་དགོས་རྒྱུ་ངའི་རེ་བ་ཡིན།” ཞེས་ཁྱེད་ཀྱིས་དྲིས་འདུག ངས་གང་མཐོང་བ་དང་གང་དྲན་པ་རྣམས་བཤད་རྒྱུ་ཡིན། སྤྱིར་བསྟན་འཛིན་མགོན་པོ་ལ་འབྲེལ་འདྲིས་མེད་ལ་དགའ་མོས་ཀྱང་གཏན་ནས་མེད། འོན་ཀྱང་ད་ལྟ་ཁོང་གི་སྐད་ཆ་དེ་དངོས་ཡོད་གནས་ཚུལ་ཞིག་ཏུ་མཐོང་སོང༌།
ལྷོ་ཕྲུག་སྣ་བོ་ཆེ་ཁྱེད་ཀྱིས་བསམ་བློ་ཞིག་ཐོངས་དང༌། དང་པོ་བོད་ནང་དུ་ཆུ་སྒང་ནང་གི་ཁམས་པ་རྒད་པོ་ཚོས་རང་སྲོག་བློས་བཏང་བྱས་ནས་རྒྱ་དམག་དང་འཐབ་རྩོད་བྱས་པ་རེད། བཙན་བྱོལ་ནང་དུ་འབྱོར་བའི་རྗེས་སུ་རྒྱ་ལོ་དོན་གྲུབ་ཀྱིས་གཙོས་པའི་ཆབ་སྲིད་མི་སྣ་རྣམས་ཀྱིས་གཡོ་སྒྱུ་ཁྲམ་གསུམ་ལ་བརྟེན་ནས་བེད་སྤྱོད་འདྲ་མིན་བྱས་པ་རེད། ཁམས་རྒན་ལྐུགས་པ་དེ་ཚོའི་སེམས་ལ་རྒྱ་ལོ་དོན་གྲུབ་ནི་༧གོང་ས་མཆོག་གི་གཅེན་པོ་ཡིན་པའི་རྒྱུ་མཚན་ལ་བརྟེན་ནས་ལྷ་བླ་མ་ཞིག་གི་དད་པ་དང༌། དྲིན་མ་ལོ་ཞིག་གི་བརྩེ་དུང་བཅངས་ནས་ཡིད་ཆེས་བློས་འགེལ་བྱས་པ་རེད། ནང་ཁུལ་གསོད་རེས་གཏུབ་རེས་མང་པོ་བྱས་པ་རེད། རྗེས་སུ་ཧ་གོ་དུས་ཧ་ལོག་ཚར་བ་རེད། ལི་ཐང་ཨ་ཐར་ཟེར་བ་དེ་ཡང་རྒྱ་ལོ་དོན་གྲུབ་ཀྱི་རྒྱུག་ཁྱི་བླ་ན་མེད་པ་ཞིག་རེད།
ཕྱི་ཚོགས་ནང་ཁམས་པ་རྣམས་བོད་སོག་ལས་ཁུངས་ཀྱི་ཕོགས་ཟན་རེད་ཟེར་བའི་སྐད་ཆ་ཞིག་ཆེད་མངགས་ཁྱབ་གདལ་དུ་བཏང་ཡོད་པ་རེད། དོན་དངོས་ཐོག་༡༩༦༠ རེ་གྲངས་ནས་ཟུར་ཁང་པ་དབང་ཆེན་དགེ་ལེགས་དང༌། གཡུ་ཐོག་པ་བཀྲ་ཤིས་དོན་གྲུབ་སོགས་དབུས་ཀྱི་སྐུ་དྲག་མི་དྲག་མང་པོ་ཞིག་བོད་སོག་ལས་ཁུངས་ལ་མགོ་བཏགས་ནས་སོང་བ་རེད་དེ། ད་ལྟའི་ཆར་ཁ་རྡུང་གཏོང་མཁན་སུ་གཅིག་བྱུང་ཡོད་པ་མ་རེད།
དེ་བཞིན་ད་ལྟའི་ཆར་བོད་སོག་ལས་ཁུངས་ཀྱི་འགན་འཛིན་གཞོན་པ་ཨ་མདོ་བ་དངོས་གྲུབ་དབང་མོ་ཟེར་བ་དེ་ཡིན་མོད། སྤྱི་ཚོགས་ནང་མ་གོ་མ་ཐོས་མདོག་བྱས་ནས་བསྡད་ཡོད། དེ་བཞིན་རྒྱ་ལོ་དོན་གྲུབ་ཕ་བུ་གཉིས་ལ་མཚོན་ན་དུས་རྒྱུན་བོད་སོག་ལས་ཁུངས་ཀྱི་ནང་དུ་སོང་ནས་ཕོགས་ལེན་བཞིན་ཡོད་པ་མ་ཟད། ལོ་གཉིས་ཀྱི་སྔོན་བསྟན་འཛིན་མཁས་གྲུབ་ཀྱིས་བོད་གཞུང་ལ་བོད་སོག་ལས་ཁུངས་དང་འབྲེལ་བ་བྱེད་དགོས་པ་རེད་ཅེས་སྙན་ཞུ་ཞིག་ཕུལ་སྐོར་བང་ཆེན་ཡིན་ནམ། དུས་བབ་ཡིན་ཚགས་པར་ཞིག་གི་ནང་ནས་མཐོང་སོང༌། དེ་དག་ལ་ཁ་རྡུང་གཏོང་མཁན་དང་མི་འགྲིག་ཚུལ་བརྗོད་མཁན་ཨ་མདོ་བ་མི་འདུག་ལ། དབུས་གཙང་པའང་མི་འདུག ཆུ་བཞི་སྒང་དྲུག་གི་ངོས་ནས་བོད་སོག་ལས་ཁུངས་དང་གྲོས་ཆོད་འཇོག་པའི་སྐབས་བཙན་བྱོལ་སྤྱི་ཚོགས་ནང་རྙོག་གྲ་ག་ཚོད་ཅིག་བཟོས་སོང༌། འདི་ཚོ་ལ་འབྲེལ་བ་བྱེད་མཁན་ལ་གང་ཟག་ལ་ལྟོས་ནས་ཡོང་བ་ལས་རྒྱུ་མཚན་ལ་ལྟོས་ནས་ཡོང་བ་ཞིག་གཏན་ནས་མ་རེད།
གལ་སྲིད་དོན་དག་ལ་འབྲེལ་བ་ཡོད་ན་རྒྱ་ལོ་དོན་གྲུབ་སོགས་ཀྱིས་བོད་སོག་ལས་ཁུངས་ནས་གསེར་གྱི་སྐེ་ཐག་སོགས་ལེགས་སྐྱེས་སུ་བླངས་པ་དེ་ལྡི་ལི་གནམ་ཐང་ནས་གཞུང་བཞེས་བཏང་བ་སོགས་ཀྱི་གནས་ཚུལ་བྱུང་མྱོང་ཡང༌། ཨ་མདོ་བས་ཁ་རྡུང་བཏང་མེད་ལ། དབུས་གཙང་བས་ཁ་རྡུང་བཏང་མེད།
རྒྱ་རི་པདྨ་རྒྱལ་པོ་དང་ཨ་ལགས་འཇིགས་མེད་སོགས་ལག་སྦྲེལ་གྱིས་བོད་སོག་ལས་ཁུངས་ནས་ཨ་སྒོར་འབུམ་མང་པོ་བླངས་པ་རྗེས་སུ་ཀུན་བཟང་བླ་མ་ཟེར་བས་ཐེར་འདོན་བྱེད་པའི་སྐབས། ཐེར་འདོན་བྱེད་མཁན་ལ་ཁ་རྡུང་གཏོང་བ་ལས། ནོར་འཁྲུལ་ཤོར་མཁན་ལ་ཁ་རྡུང་གཏོང་མཁན་ཨ་མདོ་བ་བྱུང་མེད་ལ། དབུས་གཙང་པ་ཡང་བྱུང་མེད། ད་དུང་ཧ་ཅང་མང་ཡང་ཡིག་ཚོགས་འཇིགས་ནས་མ་བྲིས།
དོན་དངོས་ཐོག་སྤྱི་ཚོགས་ནང་དབུས་པ་དང་ཨ་མདོ་བ། ཁམས་པའི་ནང་ནས་མགོ་བདེ་ཁག་ཅིག་གིས་ཁམས་རིགས་མི་མང་ལ་ཐུབ་ཚོད་བརྙས་བཅོས་གྲངས་མེད་གཏོང་བཞིན་ཡོད། དཔེ་བཞག་ན་ཆུ་བཞི་སྒང་དྲུག་ཟེར་བ་དེ་བོད་སོག་ལས་ཁུངས་ཀྱི་ཕོགས་ཟན་རེད་ཟེར་ནས་སྤྱི་ཚོགས་ནང་གླེང་ཕྱོགས་ཆེན་པོ་བཟོས་ཡོད་ཀྱང༌། དོན་དངོས་ཆུ་སྒང་གི་ངོས་ནས་བོད་སོག་ལས་ཁུངས་དང་འབྲེལ་བ་བྱེད་མཁན་ལི་ཐང་ཨ་ཐར་དང༌། ཀྲའུ་དཔོན་རིན་ཆེན་ཚེ་རིང་ཟེར་བ་གཉིས་རེད། ལི་ཐང་ཨ་ཐར་ནི་ཤི་ཚར་བ་རེད། ད་གཏེ་པོ་དངོས་སུ་ལྷག་ཡོད་མཁན་དེ་ཀྲའུ་དཔོན་རིན་ཆེན་ཚེ་རིང་ཟེར་བ་དེ་རེད། དེ་ནི་རྒྱ་རི་སྒྲོལ་མའི་ཁྱོ་གའི་ཕ་རེད་ལ། རྒྱ་རི་སྒྲོལ་མ་ཡང་ནང་དེའི་མནའ་མ་རེད། རྒྱ་རི་སྒྲོལ་མ་སོགས་ཀྱིས་དུས་རྒྱུན་ཁམས་པའི་མི་རྒན་ཁག་ཅིག་ལ་དངོས་ཤུགས་བརྒྱུད་གསུམ་ནས་རྡོག་རྫིས་བཏང་ནས་དབུས་པ་དང་ཨ་མདོའི་ངོ་གསོ་ཐབས་བྱེད་བཞིན་ཡོད་པར་བརྟེན། དོན་དངོས་ཀྱི་ཐོག་ནས་ཕ་གཅིག་མ་གཅིག་གི་ཇོ་ཇོ་བོད་སོག་ལས་ཁུངས་ཀྱི་ཕོགས་ཟན་ཡིན་པ་ར་སྤྲོད་བྱུང་བ་དང༌། མོ་རང་མནའ་མར་འགྲོ་སའི་ཁྱིམ་ཚང་ཡང་བོད་སོག་ལས་ཁུངས་དང་འབྲེལ་ཡོད་གཏེ་པོ་ཞིག་ཡིན་ཡང༌། དབུས་པ་དང་ཨ་མདོ་བ་ཚོས་རྒྱ་རི་སྒྲོལ་མས་རྐུབ་ལྡག་པ་ལས་ཁ་རྡུང་གཏོང་མཁན་སུ་གཅིག་མེད། དོན་དངོས་ཐོག་བོད་སོག་ལས་ཁུངས་དང་འབྲེལ་བ་ཡོད་པས་རེད་འདུག་གམ། ཡང་ན་རྒྱུ་མཚན་གཞན་ཞིག་གི་རེད་འདུག
རྒྱ་ལོ་དོན་གྲུབ་ཀྱི་བུ་མདོ་སྨད་སྤྱི་འཐུས་བསྟན་འཛིན་མཁས་གྲུབ་ཀྱིས་ལྡི་ལི་རྒྱ་དམར་གཞུང་ཚབ་པ་གདན་འདྲེན་བྱས་ནས་རྡོ་རྗེ་གླིང་དུ་གླུ་གར་ཞབས་བྲོ་དང་བཅས་སྣེ་ལེན་བྱེད་པའི་སྐབས། འཇམ་དབྱངས་ནོར་བུ་སོགས་དྲང་ཚིགས་ཅན་ཁག་ཅིག་གིས་དམངས་གཙོ་ཚགས་པར་ནང༌། དགྲ་བོ་ཆེད་འབོད་ཞབས་ཞུ་ཧུར་ཐག་བྱས་པ་ཞེས་པའི་མགོ་བརྗོད་འོག་གསར་འགྱུར་ཞིག་བྲིས་པ་མཐོང་མྱོང་བ་ལས། ཨ་མདོ་བ་སུ་གཅིག་གིས་ཁ་རྡུང་བཏང་བ་དང༌། ངོ་རྒོལ་བྱས་པ་གོ་མ་མྱོང༌།
ཁམས་ཞེན་ཅུང་ཆེ་བའི་ཁམས་པ་རྣམས་ཀྱིས་རྐང་པ་ཞིག་བརྐྱངས་ཀྱང་མ་འགྲིག་ཚུལ་དང༌། ཡག་པོ་ཞིག་བྱས་ཀྱང་སྡུག་ཅག་རེད་ཅེས་བརྗོད་ཀྱི་ཡོད་པ་རེད། བོད་པའི་གཏམ་དཔེ་ལ་ལས་དཀར་པོ་བྱས་ཀྱང་ནག་པོ། མདོ་པདྨ་བཞེངས་ཀྱང་ཁྱི་རྗེས་ཟེར་བའི་དཔེ་དང་གཅིག་མཚུངས་སུ་གྱུར་ཡོད་པ་རེད། རྒྱལ་བ་རིན་པོ་ཆེའི་སྐུ་འཁོར་གྱི་ནང་དུའང་ཁམས་ཞེན་མེད་ཀྱང་ཁམས་པའི་ཁོངས་སུ་གཏོགས་པའི་མི་བློ་བཟང་སྦྱིན་པ་ལྟ་བུ་ལ་མཚོན་ནའང་མི་བདེན་རྫུན་སྒྲིག་གིས་མིང་ཤས་ཆེད་བཟོ་བྱས་པ་སོགས་ཀྱང་དངོས་ཡོད་གནས་ཚུལ་རེད།
གང་ལྟར་ལྷོ་ཕྲུག་སྣ་བོ་ཆེ་ཁྱེད་ཀྱི་སེམས་ནང་དུ་ངས་བཤད་པའི་ལོ་རྒྱུས་དེ་ཚོ་འཕྲོད་མི་སྲིད་པ་ལྟ་བུར་མཐོང་ཡང༌། དོན་དངོས་ཐོག་ང་དང་ང་ལྟ་བུའི་སེམས་ཚོར་དམར་རྗེན་དེ་ཡང་རྫུན་གྱིས་མ་སྦགས་པར་བྲིས་པ་ཡིན་པས་ཚར་གཅིག་ཀློག་ཐུབ་པའི་རེ་བ་ཡོད།
བསྟན་འཛིན་མགོན་པོ་ལ་ལྟ་ཚུལ་ཅུང་ཙམ་བཤད་ན། སྤྱིར་བསྟན་འཛིན་མགོན་པོས་ད་ལྟ་བཤད་པའི་སྐད་ཆ་དེ་ངས་བདེན་པར་མཐོང་སོང་ཡང༌། ཀུན་སློང་གི་ཆ་ནས་དོགས་པ་ཡོད། སྤྱིར་ཀུན་སློང་འགྲེལ་བཤད་བརྒྱབ་ནས་ར་སྤྲོད་བྱེད་ཐབས་མེད་པ་ངས་ཤེས་ཀྱང༌། རེ་ཟུང་ཞིག་བརྗོད་ཀྱི་ཡིན། དེང་སྐབས་བསྟན་འཛིན་མགོན་པོ་དང༌། བསྟན་འཛིན་མཁས་གྲུབ་སོགས་ཀྱིས་བསོད་ནམས་སྟོབས་རྒྱལ་དང༌། གཡུང་དྲུང་རྒྱལ་མཚན། སྨོན་ལམ་མཐར་ཕྱིན། འཇུ་ཆེན་དཀོན་མཆོག་སོགས་ཟམ་གདོང་རིན་པོ་ཆེ་ལ་སེམས་གཏིང་ནས་མི་དགའ་མཁན་རྣམས་ལ་གྲོགས་པོ་བསྒྲིགས་ནས། ཁོང་ཚོ་བེད་སྤྱད་ནས་ཟམ་གདོང་རིན་པོ་ཆེ་ལ་ཁ་གཏད་གཅོག་ཐབས་བྱེད་ཀྱི་ཡོད་པ་འདྲ། དེ་ང་རང་གི་མཐོང་ཚུལ་ཡིན། ང་ཚོ་ཁམས་པ་མང་ཆེ་བའི་སེམས་ནང་དུ་ཟམ་གདོང་རིན་པོ་ཆེ་ནི་ཅི་བས་ཀྱང་རྩ་ཆེན་པོར་འཛིན་འོས་པའི་རླབས་ཆེན་གྱི་མི་སྣ་ཞིག་ཏུ་བརྩི་བཞིན་ཡོད་ལ། ང་ཡིན་ནའང་རྒྱུ་མཚན་ཤེས་པའི་ཐོག་ནས་ཡིད་ཆེས་དང་རྒྱབ་སྐྱོར་བརྟན་པོ་ཡོད། གོང་དུ་ངས་མིང་བྲིས་པ་དེ་དག་གིས་བསྟན་འཛིན་མགོན་པོ་དང་ལག་སྦྲེལ་བྱས་ནས་ཟམ་གདོང་རིན་པོ་ཆེ་ལ་མ་ཉེས་ཁག་གཡོག་དང༌། ངོ་རྒོལ་བྱེད་ཀྱི་ཡོད་པའི་གནས་ཚུལ་ར་འཕྲོད་པ་ཞིག་བྱུང་ན། དེ་དུས་མངོན་སུམ་འཛེམས་མེད་ཀྱིས་ངོ་རྒོལ་མཐའ་གཅིག་ཏུ་བྱེད་ངེས་ཡིན། འདི་འཕྲོས་བཤད་ལྟ་བུ་ཆགས་སོང༌།

དུས་བབ་ཀྱི་ཟིན་བྲིས་ནང་དུ་གྲོགས་པོ་མང་པོ་ཞིག་གིས་སྤྱི་འཐུས་རྣམས་ཀྱི་རྙོག་དྲའི་སྐོར་མང་པོ་བྲིས་འདུག འོན་ཀྱང་ངས་སྐད་ཆ་དྲང་པོ་ཤོད་མཁན་ཞིག་ཕལ་ཆེར་མཐོང་མ་སོང། མདོར་ན། ང་ཚོའི་སྤྱི་ཚོགས་ནང་གི་དབུ་ཁྲིད་རྣམ་པས་སྐད་ཆ་བཤད་དུས་ཕྱོགས་རིས་གཙོ་བོ་བྱས་ནས་བཤད།
ལས་ཀ་ལས་དུས་ཕྱོགས་རིས་གཙོ་བོ་བྱས་ནས་ལས། རྩོམ་པ་པོ་རྣམ་པས་ཕྱོགས་རིས་གཙོ་བོ་བྱས་ནས་རྩོམ་ཡིག་འབྲི།
མི་མང་ཆུ་སྣ་གར་འཁྲིད་རྣམས་ཀྱིས་ཕྱོགས་རིས་གཙོ་བོ་བྱས་ནས་འདུར།
ཐ་ན་ཟིན་བྲིས་ཐེབས་ཆགས་འབྲི་མཁན་རྣམས་ཀྱིས་ཕྱོགས་རིས་གཙོ་བོ་བྱས་ནས་ཟིན་བྲིས་འབྲི།
ཧུ་ཧུ་ཧུ། སྐྱོ་བ་ལ། ག་རེའི་སྨྱུག་འཛིན་པ་དང་ཤེས་ཡོན་པ།
མིས་བསམ་དུས་རྟའི་ངོ་ལ་སྤུ་འདུག་བསམ། རྟ་ཡིས་བསམ་དུས་མིའི་ངོ་ལ་སྤུ་འདུག་བསམ།
རྣམ་དཔྱོད་དང་དྲང་ཚུགས་ཅན་གྱི་བོད་པ་ཞིག་ད་ལྟ་བར་དུ་མ་མཐོང་།
ཁ་ཤས་ནི་ཞེ་སྡང་ཚ་པོ། ཁ་ཤས་ནི་གཡོ་སྒྱུ་ཚ་པོ། ཁ་ཤས་ནི་མགོ་བདེ་ཚ་པོ། ཁ་ཤས་ནི་སྤྲེལ་ལད་ཚ་པོ།
ཁ་ཤས་ནི་ཁ་འཇམ་ཁོག་རྩུབ། ཁ་ཤས་ནི་ཁ་རྩུབ་ཁོག་རྩུབ། ཁ་ཤས་ནི་རང་དོན་རང་གཅེས།
མདོར་ན། རང་ལ་ཐུག་དུས་བོད་གཞུང་ཟེར་བ་དེ་ཚོ་ཕྲུ་གུའི་རྩེད་མོ་རེད། ༸རྒྱལ་བ་རིན་པོ་ཆེ་དེ་ཚོ་མིག་ནང་འཇོག་གི་མ་རེད།
འོན་ཀྱང་༸རྒྱལ་བ་རིན་པོ་ཆེའི་སྐུ་མདུན་ལ་སླེབས་དུས་ཚང་མ་མི་ཡག་པོ་རྐྱང་རྐྱང་རེད། ལྐོག་ལ་སླེབས་དུས་སྲིན་པོའི་རང་གཟུགས་སྟོན་གྱི་རེད།
བོད་མི་རིགས་ཟེར་བ་ད་གང་ལ་སླེབས་སོང་། ཆབ་སྲིད་པ་ཚོས་ཆབ་སྲིད་འཁྲབ། དེ་ཡང་རང་གི་ཆེད་དུ་འཁྲབ།
མི་མང་གླེན་པ་དེ་ཚོ་ནི་ཤོག་བུ་དང་གཅིག་པ་རེད།
རླུང་ག་ནས་བརྒྱབ་ཀྱང་དེ་ནས་འཁྱེར་འགྲོ་ཡི་རེད། རང་ཚུགས་དང་རྣམ་དཔྱོད་ཟེར་བ་ཕ་རིའི་སྤང་རྒྱན་རེད།
ད་ང་ཚོས་ཅི་ཞིག་བྱེད་རྩིས་ཡོད། རྒྱ་ནག་དམར་ཕྱོགས་པ་ཚོའི་མདུན་ལ་མགོ་གུག་ནས་འགྲོ་རྒྱུ་ཡིན་ནམ།
ཚང་མ་བསམ་བློ་གཏོང་རོགས། རང་ཉིད་གང་ཞིག་ཏུ་སླེབས་འདུག་ཡག་པོ་ལྟ་རོགས། གཞན་མ་གཏོགས་གཡོ་སྒྱུ་ཅན་ཚོའི་ལག་ཆ་ཆགས་ཡོང་།
བེད་སྤྱོད་བཏང་ཚར་དུས་དེ་ཚོས་གཡུག་རྐྱང་རེད། དེ་ཚོ་ཤེས་པར་གྱིས།
ག་དུས་ཡིན་ཡང་བདེན་པ་དང་དྲང་པོ། ལྷག་བསམ་ཞེས་མ་ཎི་བཞིན་བགྲང་བསྡད་པ་དེ་ཚོ་སྐྱག་རྫུན་ཤ་སྟག་རེད།

བསྟན་འཛིན་མགོན་པོ་ལགས། ཧམ་བཤད་དང་སྨྱོ་བཤད་རྒྱབ་ནས་ཅང་ཕན་གྱི་མ་རེད། བོད་རྒྱ་ཆེ་མི་དམངས་དང་ལྷག་པར་དུ་མདོ་སྨད་མི་དམངས་ཁྱེད་ལ་ཡིད་ཆེས་སླེབས་ཀྱི་མ་རེད།
ཁྱོད་ནི་ངོ་མ་རིག་འཚོ་མ་ཟིན་པ་རང་རེད། གླེན་པ་སྨྲ་བ་ཉུང་ན་མཛེས་ཞེས་པའི་རྣམ་ཐར་བསྐྱངས་ན་ཡག་གི་རེད།

བསྟན་འཛིན་མགོན་པོ་ལགས། ཁྱེད་ཀྱིས་ངའི་དྲི་བ་{གོང་གི་བསམ་འཆར་བཞི་པ།}དེར་ལན་ཁ་གཙང་ཞིག་བརྒྱབ་རྒྱུ་འདི་ངའི་རེ་བ་ཡིན་ཡ། འདི་ལྟར་གོ་མེད་ཚོར་མེད་དུ་གཞི་ལྗིད་པོའི་སྐད་ཆ་ཞིག་ཁུངས་སྐྱེལ་དང་གསལ་བཤད་མེད་པར་བཞག་ན་མི་འགྲིག་གི དྲྭ་ཐོག་འདི་ག་ནས་ཁྱོད་ཀྱིས་གསལ་བཤད་གཙང་སང་བ་ཞིག་མ་བྱས་པར་ངའི་དྲི་བ་སྣང་མེད་བཏང་སྙོམས་སུ་བཞག་རྒྱུ་ཡིན་ན་ང་ངེས་པར་ཁྱོད་ཀྱི་འདུག་གནས་སུ་རྒྱུ་མཚན་གསེད་བཀྲོལ་གྱི་རེ་འདུན་ཞུ་བར་འོང་ངེས་ཡིན། འདི་ལྟའི་སྐད་ཆ་སྦོམ་པོ་ཞིག་གྱ་ཚོམ་དུ་བཤད་རྒྱུར་ང་གཏན་ནས་འཐད་པ་མེད།

ང་བདེན་པ། ང་དྲང་པོ། ང་ལ་ཆོལ་ཁ་དང་ཆོས་ལུགས་འཐེན་འཁྱེར་མེད། ང་ལ་སྤྱི་སེམས་དང་། ང་ལ་ལ་རྒྱ་ལྡན་ཞེས་ཇི་ཙམ་དབུ་བཙུགས་ཀྱིས་བསྒྲུབས་ཀྱང་། སྣ་འཐེན་ནས་ཁར་སླེབས་དཀའ་ལ། དོན་དངོས་ཐོག་ཁྱོད་ཚོ་མི་རེ་ངོ་རེས་སྐད་ཆ་བཤད་སྟངས་སོགས་ལ་ཡང་བསྐྱར་བརྙན་འཕྲིན་བརྒྱུད་ནས་ལྟོས་དང་། ཁྱོད་ཚོས་སེམས་གཏིང་གི་བསམ་དོན་དེ་དཔོག་ངེས་རེད།
དཔལ་ལྡན་ཟླ་བ་གྲགས་པས།
དང་པོར་ང་ཞེས་བདག་ལ་ཞེན་གྱུར་ཅིང་།
བདག་གི་འདི་ཞེས་དངོས་ལ་ཆཌ་བསྐྱེད་པ།
ཟོ་ཆུན་འཕྱན་ལྟར་རང་དབང་མེད་པ་ཡི།
འགྲོ་ལ་སྙིང་རྗེའི་གྱུར་གང་དེ་ལ་འདུད། ཅེས་དང་། དཔལ་ལྡན་ཆོས་ཀྱི་གྲགས་པས་ཀྱང་།
བདག་ཡོད་ན་ནི་གཞན་དུ་ཤེས།
བདག་གཞན་ཆཌ་ལས་འཛིན་དང་སྡང་།
འདི་དག་དང་ནི་ཡོངས་འབྲེལ་ལས།
ཉེས་པ་ཐམས་འབྱུང་བར་འགྱུར། ཞེས་པའི་མཐུན་དཔེ་དམ་པར་ཡིད་ཆེས་བརྙེད།

རྗེསུ་མཇལ་ཡོང་། ལྟོ་རྒྱབ་ཀྱི་ཆེད་དུ་ལས་ཀ་བྱེད་དགོས།

དྲང་ཚུགས་ལྡན་པའི་མི་ལ་ག་དུས་ཡིན་ནའང་ཡིད་སྨོན་ཡོད། སྤྱི་འཐུས་བསྟན་འཛིན་མགོན་པོ་ལྟ་བུ་ནི་ར་ལུག་རང་བཞིན་ཁྱུ་ཚོགས་བསྡེབས་ནས་འགྲོ་དགོས་མཁན་གྱི་སྤྱི་འཐུས་ཤིག་མ་རེད། དེ་སྔོན་ཟམ་གདོང་གིས་ཅི་བཤད་ལ་ཉན་མཁན་ཞིག་མ་རེད། ཁོང་ནི་རང་ཚུགས་ཐུབ་པའི་ཆབ་སྲིད་ཀྱི་ལྟ་བ་ཡོད་མཁན་ཞིག་རེད།

ཁོང་ཁྲོ་མ་ལངས། གནས་ལུགས་རྒྱུ་མཚན་ཡོད་ན་ཤོད་རོགས། ཚོར་བ་འདྲ་བོ་ཡིན་ན་སོ་སོ་གཅིག་པུས་མྱངས་ན་ཡག་གི་རེད། བརྒྱ་སྡེ་ལ་མྱོང་དུ་འཇུག་དགོས་པ་མ་རེད། མེ་སྒྱོགས་ཀྱི་སྐད་ཆ་འགའ་རེར་ཉན་རིན་ཡོད་རུང་། ཕལ་ཆེ་བ་ཚོར་བའི་དབང་དུ་གྱུར་བའི་སྐད་ཆ་རེད། སེམས་ཀྱི་ཟ་འཕྲུག་འདྲ་བོ་རེད།

སྤྱི་འཐུས་རྒྱུན་ལས་ཀྱི་ཚོགས་མི།
ཚོགས་གཙོ། སྤེན་པ་ཚེ་རིང་།
ཚོགས་གཞོན། རྒྱ་རི་སྒྲོལ་མ།
རྒྱུན་ལས་བསོན་ནམས་བསྟན་འཕེལ།
རྒྱུན་ལས་བསོད་ནམས་དགྲ་འདུལ།
རྒྱུན་ལས་ཚེ་རིང་པོ།
རྒྱུན་ལས་བེ་རི་འཇིགས་མེད་དབང་རྒྱལ།
རྒྱུན་ལས་སྨོན་ལམ་ཐར་ཕྱིན།
རྒྱུན་ལས་རྒྱལ་རོང་ཟླ་བ་ཚེ་རིང་།
རྒྱུན་ལས་ཀརྨ་མ་ཆོས་འཕེལ།
རྒྱུན་ལས་འཇུ་ཆེན་དཀོན་མཆོག
རྒྱུན་ལས་སྒྲོམ་མ་ཚེ་རིང།
ཁྱོན་བསྡོམས་རྒྱུན་ལས་བཅུ་གཅིག་ཡོད།

སྤྱི་འཐུས་རྒྱུན་ལས་མང་ཆེ་བ་མདོ་སྟོད་ནས་རེད་འདུག བསོད་ནམས་སྟོབས་རྒྱལ་ཟེར་བ་འདི་ཡང་མདོ་སྟོད་ནས་རེད་འདུག དེར་བརྟེན་རྒྱུན་ལས་ཀྱིས་མང་མོས་ཐག་གཅོད་འདི་ཆོལ་ཁའི་ཕྱོགས་རིས་ལ་བརྟེན་ནས་བྱུང་བའི་རྒྱུ་མཚན་གང་ཡོད་དམ། ཡང་མིན་ན་སྤྱིར་སྟངས་ནས་ཆོལ་ཁ་གཞན་ལ་ཡིད་མ་ཆེས་བའི་དོགས་པ་ཞིག་ཡོད་པ་རེད།
བོད་སྤྱི་པའི་ལས་དོན་སྒྲུབ་སའི་ལས་ཁུངས་ཡོད་ཚད་ཀྱི་ལས་མི་ཆོལ་ཁའི་གྲངས་བཤེར་ཐོག་གྲངས་འབོར་ཆ་མཉམ་མེད་ན་ཕྱོགས་རིས་ཀྱི་ཡོད་པའི་དོགས་པ་སྐྱེས་དགོས་སམ། ཡང་ན་བོད་གཞུང་གི་མགོ་རྐུབ་ཚང་མ་ལ་ཆོལ་ཁའི་གྲངས་བཤེར་གཏོང་དགོས་པ་རེད་དམ།
ཕྱོགས་གཅིག་གིས་ཆོལ་ཁའི་ཕྱོགས་ཞེན་བྱེད་པའི་དོགས་པ་སྐྱེས་པ་དང་ཕྱོགས་གཉིས་པའི་དཔུང་སྒྲིག་བྱེད་པའི་དོགས་པ་སྐྱེས་པ་འདི་གཉིས་ཁོངས་བསྐྱེལ་ཐུབ་པ་ཞིག་མ་བྱུང་ན་གཞི་རྩའི་རྩོད་གཞི་མུ་མཐུད་དུ་གནས་མུས་རེད།

འོས་བསྡུས་ལས་ཁང་ལགས།
གོང་གི་སྤྱི་འཐུས་འདི་དག་རྗེས་མ་འོས་གཞི་ལ་སླེབས་སོང་ན་ཁྱེད་ཀྱིས་ནག་བསུབ་བཏང་པ་ཡིན་ན་ངས་ཁྱེད་རང་ལ་རྩོད་པ་རེད།
ནོར་བཅོས་བཏང་བར་བཀའ་དྲིན་ཆེ།

འཇུ་ཆེན་དཀོན་མཆོག་རྒྱུན་ལས་རེད།
ད་དུང་ཡང་སྤྱི་འཐུས་གསེར་རྟ་ཚུལ་ཁྲིམས་དང༌། རྡོ་རྗེ་དབང་འདུས། བསོད་ནམས་དགྲ་འདུལ་བཅས་ཕྱི་ལ་ཐོན་པརེད་འདུག
དུས་བབ་ཚང་གིས་མི་བཅུ་གཉིས་དེ་ད་དུང་ཁ་གསལ་ཡོད་མ་རེད།
སྤྱི་འཐུས་ཚེ་བརྟན་ནོར་བུ་དང་།
བསྟན་འཛིན་མཁས་གྲུབ། བསོད་ནམས་སྟོབས་རྒྱས་བཅས་དེ་ཉིན་དགོངས་ཞུས་རེད་ཟེར་བ་བཅས།

ཚོགས་ཁང་ནས་ཕྱིར་ཐོན་མཁན་གྱི་མི་བཅུ་གཉིས།
ཁོང་ཚོས་གྲོས་ཚོགས་ནས་ཕྱིར་རུ་ཐོན་པར་གྲོས་བྱས་ནས་ཐོན་པ་རེད་དམ།
གང་ལྟར་ཕྱིར་ཐོན་པའི་སྤྱི་འཐུས།
ཐུབ་བསྟན་འཕེལ་རྒྱས། ༼དགེ་ལུགས༽
གཡུ་དྲུང་རྒྱལ་མཚན། ༼བོན༽
ཀརྨ་ཤེས་རབ་མཐའ་ཕྱིན། ༼བཀའ་བརྒྱུད་༽
ཨོ་རྒྱན་སྟོབས་རྒྱས། ༼མདོ་སྟོད་༽
སྐལ་བཟང་རྒྱལ་མཚན།༼མདོ་སྟོད་༽
ཚུལ་ཁྲིམས་བསྟན་འཛིན།༼མདོ་སྟོད་༽
འཇུ་ཆེན་དཀོན་མཆོག༼མདོ་སྟོད་༽

རྒྱུན་ལས་ནས་ཕྱིར་འཐོན་མཁན།
བེ་རི་འཇིགས་མེད་དབང་རྒྱལ།༼དགེ་ལུགས་༽
བསོད་ནམས་བསྟན་འཕེལ། ༼རྙིང་མ་༽
ཀརྨ་ཆོས་འཕེལ། ༼དབུས་གཙང་༽
སྨོན་ལམ་མཐའ་ཕྱིན། ༼བོན༽
ཚེ་རིང་པོ། ༼ ས་སྐྱ་༽
སྤྱི་འཐུས་ཁྱོན་བསྡོམས་སྤྱི་འཐུས་༤༣་ནས་སྤྱི་འཐུས་༡༢་ཕྱིར་རུ་ཐོན་པ་རེད། སྤྱི་འཐུས་ལྷག་མ་༣༡་ཡོད་དགོས། གྲོས་ཚོགས་འཚོགས་པར་ཉུང་མཐར་སྤྱི་འཐུས་༢༨་ཡོད་དགོས། སྤྱི་འཐུས་གསུམ་ག་བར་ཕྱིན་པ་རེད། གནས་ཚུལ་ཤེས་པའི་ཐོག་ནས་བསམ་ཚུལ་གསུངས་རོགས་གྱིས། གོང་གི་ཕྱིར་ཐོན་པའི་ནང་དུ་ཆོལ་ཁོངས་ནས་ཡིན་པ་མདོ་སྟོད་ཀྱི་མི་བཞི་ཡོད། སྐྱེས་ཁོངས་ནས་བརྩིས་ན་རྒྱུན་ལས་ནང་དུ་མདོ་སྟོད་པ་མང་བ་ཡོད། བོད་སྤྱི་བའི་ལས་དོན་སྒྲུབ་སའི་ལས་ཁུངས་ཚང་མའི་ནང་དུ་ཆོལ་ཁའི་མི་སྣ་གྲངས་བཤེར་གྱིས་གྲངས་འབོར་འདྲ་མཉམ་མེད་ན་ཙམ་གྱིས་ཡིད་ཆེས་མེད་པའི་བསམ་བློ་ཞིག་ཡོད་ན། ལས་ཁུངས་ཆེ་ཆུང་ཁག་ལ་གྲངས་བཤེར་བྱེད་པའི་དུས་ཚོད་རེད། སྤྱི་འཐུས་སུ་སྐྱེས་ཁོངས་ནས་བརྩིས་ན་མདོ་སྟོད་པ་མང་བའི་རྒྱུ་མཚན་ནི་ཆོས་བརྒྱུད་ཀྱི་སྤྱི་འཐུས་ནས་ཡོང་ཀྱི་ཡོད། དེ་ནི་མདོ་སྟོད་ལ་ཆོས་ལུགས་པ་མང་པའི་རྒྱུ་མཚན་གྱིས་འདི་འདྲ་ཞིག་ཆགས་པ་རེད་མ་གཏོགས་དམིགས་བསལ་ཐོབ་བ་ནི་མ་རེད། ཆོལ་ཁ་སོ་སོར་ཆོལ་ཁ་གཞན་དང་མ་འདྲའི་ཆེད་ལས་དང་དེའི་མང་ཉུང་ཡོད་པ་ཏན་ཏན་རེད།
ཕྱིར་རུ་ཐོན་པ་འདི་ཁྲིམས་མཐུན་དང་ཁྲིམས་འགལ་གང་ཡིན་བཅའ་ཁྲིམས་ལ་གཟིགས་འཚལ།
ཕྱིར་རུ་ཐོན་པ་འདི་འགྲིགས་ཡོད་མེད་ཀྱི་དགོངས་ཚུལ་སོ་སོའི་ཞེན་ཕྱོགས་གཅིག་པོར་མ་བསྟུན་པར་ཕྱོགས་ཡོངས་ལ་བལྟས་ནས་བཤད་རོགས།
ད་ལྟའི་བར་དུ་ཟིན་བྲིས་སུ་བཀོད་པའི་ནང་དུ་ཕྱོགས་གཉིས་སུ་གྱེར་འདུག དེ་གཉིས་ཀྱི་བསམ་ཚུལ་ལ་གཞིགས་ན་མ་འོངས་པ་ལེགས་ཕྱོགས་ཀྱི་འགྱུར་བ་ཞིག་གི་ཁ་ཕྱོགས་ན་བསམ་ན་ཡག་གི་རེད།
ཡག་ཤོས་བྱུང་ན་ཆོལ་ཁའི་མིང་འདི་དག་གཡུགས་ནས་གང་ཟག་སྒེར་གྱི་སྐྱོན་ཆ་ཐེར་འདོན་བྱེད་ན་ཡག་གི་རེད། ང་རང་ལ་བོད་པ་ཞིག་ཡིན་པའི་སྟེང་ནས་ཁེ་ཕན་རག་མྱུང་བ་ལས་ཆོལ་ཁའི་ཕྱོགས་ནས་ཕན་གནོད་འབྲུ་གཅིག་ཐོབ་མ་མྱོང་།
ཞིབ་འཇུག་ཡག་པོ་ཞིག་བྱོས་དང་། སྔོན་མ་ཆུ་སྒང་གསར་རྙིང་གཉིས་སུ་གཏོར་བའི་ལས་འགུལ་འཁྱེར་མཁན་སྐབས་གཙོ་བོ་ནི་དེ་དུས་ཀྱི་སྤྱི་འཐུས་ཚོགས་གཙོ་ཟམ་གདོང་བློ་བཟང་བསྟན་འཛིན་རེད། དེ་ཡང་སྐབས་དེ་དུས་བཀའ་ཤག་གི་བཀོད་ཇུས་འོག་ནས་མཆོང་རྒྱུག་བྱས་པ་རེད། འོས་ཤོག་འཕེན་སྟངས་ཀྱང་ཁ་སྔོན་ཧོན་སུ་གཞིས་ཆགས་ཀྱི་ཟམ་གདོང་བཀའ་ཁྲི་ལ་ཡང་བསྐྱར་ཡོང་དགོས་པའི་སྙན་ཞུ་དང་འབྲེལ་བའི་འོས་ཤོག་འཕེན་སྟངས་ལས་ཀྱང་ཐབས་ཇུས་ངན་པ་རེད། མི་དྲང་པོ་ཞིག་ཡིན་སྙམ་པ་ཡོད་ན་ཕྱོགས་ལྷུང་མེད་པའི་ཐོག་ནས་ཞིབ་འཇུག་བྱོས། ཤེས་པའི་ཐོག་ནས་སྐད་པ་བཤད་ན་ཡག་གི་རེད།
བོད་ནང་གི་ཆབ་སྲིད་བཙོན་པ་ཞིག་དང་སྤྱི་འཐུས་ཤིག་ལ་འགྲོ་སོང་བཏང་བར་ཕྱོགས་རེས་རེད་ཟེར་ནས་ག་ཚོད་བཤད་ཀྱང་འདོད་པ་གྱིས། འདི་བོད་མི་དམངས་ཀྱི་ཤ་ཁྲག་ལས་གྲུབ་པའི་རྒྱུ་དངུལ་འཕྲོ་བརླག་ཏུ་བཏང་བ་རེད་ཟེར་བ་ནི་མི་དམངས་ཀྱི་སེམས་སུ་འགྲོ་བདེ་བའི་སེམས་ཚོར་ཞིག་བསྐྲུན་ནས་དེའི་སྟེང་རྟ་རྒྱུག་འཐེན་གྱི་ཡོད་པ་རེད།
ངེད་ཚོའི་དམངས་གཙོའི་སྒྲོམ་གཞི་ཐོག་མ་འཛུགས་དུས་ཀྱི་སྤྱི་ཚོགས་ཀྱི་འཁོར་ཡུག་ནང་དུ་ཆོལ་ཁ་དང་ཆོས་བརྒྱུད་ཀྱི་ཞེ་འཁོན་དང་འཁྲུག་འཛིང་ཆེ་བའི་སྐབས་སུ་ཆོལ་ཁ་དང་ཆོས་བརྒྱུད་ལ་གཞིགས་ནས་སྤྱི་འཐུས་འོས་གཞི་ཡོང་སྟངས་སོགས་བཟོས་པ་རེད། ཆོལ་ཁ་དང་ཆོས་བརྒྱུད་ཀྱི་སྤྱི་འཐུས་ཡོང་ཁུངས་འདི་བརྒྱུད་མ་དགོས་པ་ཞིག་བྱུང་ན་ཡག་པོ་རེད། ཡིན་ནའང་འདི་འདྲ་ཞིག་བྱེད་པའི་དུས་ཚོད་ང་ཚོ་བོད་པའི་སྤྱི་ཚོགས་ནང་དུ་སླེབས་ཡོད་མེད་ལའང་བསམ་བློ་གཏོང་ཐུབ་པ་ཞིག་བྱུང་ན་ཡག་པོ་རེད། ཡོ་རོབ་དང་བྱང་ཨ་མེ་རི་ཁའི་སྤྱི་འཐུས་ལ་བལྟས་ན་འདི་འདྲ་ཞིག་རག་ཡོད་མེད་ཤེས་ཐུབ།

ད་ཐེངས་བསྟན་འཛིན་མགོན་པོ་ལགས་ལ་ལགས་སོ་ཟེར་ཐུབ་ཀྱི་མི་འདུག ཁོས་རང་ཉིད་དག་འབུད་དང་གཙང་མ་བྱེད་བཞིན་འདུག་ཀྱང་། གྲོས་འཆར་འདི་ལ་ཆོལ་ཁ་དང་ཆོས་ལུགས་ཀྱི་དབུགས་རྒྱག་མཁན་ཡང་གྲོས་འཚོགས་ཕྱི་ལ་ཐོན་མཁན་གྱི་སྤྱི་འཐུས་དང་སྤྱི་འཐུས་ངོ་གཉིས་མ་རེ་ཟུང་རེད་འདུག་མ་གཏོགས། འདི་ཆོལ་ཁའི་བར་གྱི་རྩོད་གཞི་ཞིག་ལ་མཐའ་གཅིག་ཏུ་སྒྲིབ་ན་མདོ་སྟོད་སྤྱི་འཐུས་གཉིས་ཅི་བྱས་ཏེ་མཚན་རྟགས་བཀོད་པ་རེད། སྤྱི་འཐུས་སྨོན་ལམ་མཐར་ཕྱིན་ལགས་ཀྱིས་ཀྱང་མགོ་གཉིས་མ་བཤད་བཞིན་འདུག རང་ཉིད་སྤྱི་འཐུས་རྒྱུན་ལས་ཞིག་གིས་༼འགྲོ་གྲོན་གཏོང་གི་མེད་པ་སྔར་སྲོལ་བཞིན༽ཞེས་སྔར་སྲོལ་ཡོད་བཞིན་དུ་ཨུ་ཚུགས་རྒྱགས་དོན་ཅི་ཡིན་ནམ། གྲོས་འཆར་འདིའི་སྒང་ནས་གསལ་ཁ་མ་བཟོས་ན་ལོ་རྗེས་མ་ནས་སྤྱི་འཐུས་བརྒྱ་ཆ་ལྔ་བཅུ་ཕྱི་རྒྱལ་ནས་འདུག་གི་རེད། དོན་དག་གཞན་མེད་ནའང་གུང་གསེང་ལ་སོང་ནས་གནམ་གྲུའི་གླ་ཆ་སྤྱི་འཐུས་རྒྱུན་ལས་ལ་ཕུལ་གྱི་རེད། དེ་ནས་ལོ་འགའ་ཡི་རྗེས་ལ་སྐྱེས་དམན་དང་བུ་ཕྲུག་གི་གནམ་གླ་ལ་ཡང་ཨུ་ཚུགས་རྒྱགས་མཁན་ཡོང་གི་རེད།

སྤྱི་འཐུས་ཚོགས་གཙོ་དང་ཚོགས་གཞོན་གཉིས་ཀས་དགོངས་པ་ཞུ་ཡ་ལས་ཅི་ཡང་ལྷག་ཡོད་པ་ཞིག་མཐོང་གི་མི་འདུག དེ་འདྲ་ཞིག་མ་རེད་དམ།

སྤྱི་འཐུས་བསྟན་འཛིན་མགོན་པོས་གསུངས་པ་བཞིན། ནོར་འཁྲུལ་དང་པོ་ནི་མདོ་སྟོད་པ་སྐོར་ཞིག་གི་སེམས་ནང་དོགས་པ་ཞིག་བསྐྲུན་ཡོད་པའི་དབང་གིས་ཡིན་སྲིད། དེར་བརྟེན་འདི་ནད་རྙིང་ཞིག་རེད།

ནོར་འཁྲུལ་གཉིས་པའི་ཐད་ནས། ཤ་རུས་གདུང་རྒྱུད་གཅིག་པའི་མདོ་སྟོད་སྤྱི་འཐུས་རྣམ་པའི་བསམ་ཚུལ་འདི་ནི་སེམས་ཀྱི་ཕོག་ཐུག་ཙམ་ལ་བརྟེན་ནས་ཡོང་བ་ལས། ཁོང་ཚོས་ཀྱང་བསོད་ནམས་སྟོབས་རྒྱལ་ལགས་ལ་ལམ་གྲོན་དེ་དགོས་ངེས་ཤིག་ལ་མཐོང་ཡོད་མེད་གནས་ཚུལ་ཐ་དད་རེད། དེར་བརྟེན་ཆོལ་ཁའི་ཕྱོགས་སུ་ལྷུང་ཚར་བའི་སྐབས་སུ་དེ་དག་ཁྲིམས་སྒྲིག་དང་འགྲོ་སྟངས་ཤིག་གི་སྟེང་ནས་ཐག་གཅོད་ཡག་པོ་ཞིག་མི་གནང་བར། ལྷག་འཕྲོས་སྤྱི་འཐུས་རྣམས་ཀྱིས་ཁོང་ཚོའི་དགོངས་བཞེས་ལ་ངོས་ལེན་བྱ་ཐུབ་དགོས་པའི་རྒྱུ་མཚན་མི་འདུག་སྙམ། གལ་སྲིད་དགོངས་བཞེས་བྱས་པ་ཡིན་ནའང་དེ་ལ་ཕྱིར་བསམ་ཤེས་ཐུབ་མིན་ཕར་ཞོག ཐ་ན་ང་རྒྱལ་ལོ་སྙམ་པའི་ཀུན་སློང་དང་བཅས་རྗེས་མ་ལམ་སྲོལ་ངན་པ་ཞིག་ཏུ་འགྲོ་བའི་གཞི་རུ་འགྲོ་ངེས་པར་འདོད། སྐུ་ཉིད་ནས་ཀྱང་ཐུགས་བསམ་ཡག་པོ་མི་བཞེས་པར་འབོད་སྐུལ་གནང་བ་དེ་ནི་ནོར་འཁྲུལ་རེད་སྙམ།

ངས་བལྟས་ན་ཚོགས་འདུ་འཕར་འགྱངས་ཀྱི་དུས་ཚོད་ཞུས་ཀྱང་མཐའ་མ་དེར་གྲོས་འཆར་འདོན་མཁན་གྱིས་གྲོས་གཞི་ཕྱིར་འཐེན་མ་བྱས་བར་དུ་གྲོས་ཚོགས་ནས་ཕྱིར་ཐོན་མཁན་ཚོ་གྲོས་ཚོགས་ནང་ཞུགས་རྒྱུ་མིན་པ་ནི་ཁོང་ཚོའི་གནང་སྟངས་ནས་ཀྱང་ཤེས་ཐུབ་པ་ཞིག་རེད། དེར་བརྟེན་ངའི་བསམ་ཚུལ་ཡིན་ན་ད་རེབ་ཚོགས་གཙོ་བགྲེས་གཞོན་གཉིས་ཀྱི་དབུ་ལ་སྐྱོན་ཕར་འདོགས་པ་ནི་ལུགས་ལ་གནས་པའི་སྐད་ཆ་མ་རེད་འདོད། ཁོང་གཉིས་ལ་མ་རབས་ཐ་ཤལ་གྱི་སྐད་ཆ་འདི་བཀོལ་བ་ནི་སྤྱི་འཐུས་སྐུ་ཉིད་ཀྱི་ཆབ་སྲིད་ཀྱི་ལྟ་སྟངས་ཤིག་རེད་འདོད།

གྲོས་ཚོགས་འཐུས་མི་རྣམས་ཀྱིས་བོད་མི་རིགས་ལ་འགན་མ་ཁུར་བའི་བྱས་ཉེས་དེ་མི་གླེང་བར། གསར་འགྱུར་བརྒྱུད་ལམ་དང་སྤྱི་ཚོགས་ཀྱིས་འཐུས་མི་ཚོར་འགན་མ་ཁུར་བར་གཤེ་བ་དེ་ནི་དྲང་བདེན་གྱི་སྐད་ཆ་ཡིན་མིན་ཁྱེད་ཉིད་ནས་མུ་མཐུད་ནས་བསམ་ཞིབ་གནང་རོགས།

དོགས་པ།
ཐེངས་འདིར་བསྟན་འཛིན་མགོན་པོ་ལགས་ཀྱིས་མདོ་སྨད་ཆོལ་ཁའི་འཐེན་འཁྱེར་དང་མདོ་སྨད་མི་དམངས་ཀྱི་ངོ་ལ་བལྟས་ནས་ཚོགས་ར་ནས་ཕྱིར་མ་ཐོན་ཙམ་གནང་སོང་། དེ་མ་གཏོགས་གྲོས་གཞི་ཕྱིར་འཐེན་གནང་རོགས། འདི་ཚབས་ཆེན་ཆགས་ས་རེད་ཅེས་ཤུགས་ཆེར་གླེང་མཁན་སྐུ་ཉིད་ཡིན་ལ།
ཁྱེད་ལའང་གྲོས་ཚོགས་ནང་དུ་ཤུགས་རྐྱེན་ཏོག་ཙམ་ཡོད་པར་འདོད་པས། དེ་རིང་སྐུ་ཉིད་ནས་བསམ་ཚུལ་འདི་གླེང་སྟེ་ཉེས་སྐྱོན་མཐའ་དག་གཞན་དག་གི་མགོར་གཡོག་ཐབས་གནང་བཞིན་པ་འདིར་ང་རང་གི་ངོས་ནས་ངོས་ལེན་རྩ་བ་ནས་མེད་ཞུ་རྒྱུ་ཡིན། ཕོག་ཐུག་འདྲ་སོང་ན་དགོངས་དག་ཞུ་རྒྱུ་ཡིན།

དོན་རྐྱེན་འདིར་རིང་བའི་རྒྱུ་དང་ཉེ་བའི་རྒྱུ་གཉིས་ཡོད་ཅིང་། སྔ་མ་ནི་ནང་དོན་དངོས་ཡིན་ལ་ཕྱི་མ་ནི་རྣམ་པ་ཙམ་ཡིན། རིང་བའི་རྒྱུ་ནི། མཐོ་རིམ་མི་སྣའི་ཁྲོད་ཀྱི་ཁྱོད་ཤི་ང་གསོན་གྱི་གྲལ་རིམ་འཐབ་རྩོད་དངོས་ཡིན་ལ། ཉེ་བའི་རྒྱུ་ནི། ཆོལ་ཁ་ཆོས་ལུགས་གཞི་རིམ་མང་ཚོགས་ཀྱི་ཞེན་ཕྱོགས་ཙམ་ཡིན། སྲ་ཞིང་མཁྲེགས་པའི་རྒྱུ་དེ་གཉིས་ཐེངས་འདིར་གནད་དོན་ཆུང་ཆུང་ཞིག་གི་རྐྱེན་དང་འཕྲད་དེ་གས་ཐོར་བྱུང་སོང་།
ཛ་དྲག་གཉན་འཕྲང་གི་དུས་འདིར་བཀུར་འོས་སྤྱི་འཐུས་ཚང་མས་བསམ་ཤེས་དང་དཀྱེལ་ཡངས། ཐུགས་གཟབ་གནང་རྒྱུ་ཧ་ཅང་གལ་ཆེ་ལ། གཞན་གྱི་གཡོ་འོག་ཏུ་མ་ཤོར་བ་དང་། དབང་སྒྱུར་འོག་མ་ཚུད་པ། ཕྱོགས་ལྷུང་གིས་མ་ལྷད་པར་འཕྲལ་ཕུགས་རྒྱང་གསུམ་ལ་བབ་བརླིང་བརྟན་གསུམ་གྱི་ཐུགས་སེམས་བཞེས་རྒྱུ་གལ་ཆེ།