འཚོལ་ལ་ལྟ་གིན་ཤོག

ངས་ན་ནིང་ནས་འདི་ལ་བལྟ་བར་རེ་སྷུག་བྱས་མོད། ད་དུང་རགས་མ་སོང་།

སྨན་བླའི་ཁ་དེ་ཅི་ཙམ་བདེ་བ་བཤད་མི་དགོས་པ་ཞིག་རེད། ཡིན་ནའང་འཚོལ་ཞེས་པའི་གློག་བརྙན་འདིར་སྨན་བླ་ལ་སྒམ་པོའི་རང་ཚུགས་འཛིན་མཁན་ཞིག་འཁྲབ་ཏུ་བཅུག་པ་དེས་སྨན་བླའི་ཁ་ལྕེ་ལ་ཚད་བཀག་ཐེབས་ནས། སྨན་བླའི་སྐད་ཆ་མང་པོ་གོ་རྒྱུ་མེད་པར། ཁོང་ནི་ང་ཚོ་ལྟད་མོ་བ་ནང་བཞིན་ཉན་མཁན་ཞིག་མ་གཏོགས་བཤད་མཁན་གཙོ་བོ་དེ་མིན། བཤད་མཁན་ནི་མོ་སྐད་ལྷང་ལྷང་གི་བརྩོན་འགྲུས་ཡིན་ཞིང་། བརྩོན་འགྲུས་ལ་ཁྱོད་ཀྱི་སྐད་ཆ་དེ་དག་ཚིག་ཉུང་ཉུང་དང་དོན་སྡུས་སྡུས་བྱས་ནས་བཤད་ན་མི་ཆོག་གམ་ཞེས་ཁོང་གི་གདོང་པར་བལྟས་ནས་བཤད་པ་ན། ཁོས་ལན་དུ་ “ང་གློག་བརྙན་དུ་བཤད་རྒྱུ་དང་དགོད་རྒྱུ་མང་དྲགས་ཡོད་པ་འདྲ། བོད་སྐད་ནས་དབྱིན་ཡིག་ཏུ་སྒྱུར་བ་བོ་དེས་ཀྱང་ཀུ་རེ་དང་བཅས་ངའི་དགོད་སྒྲ་ལ་ཉོབ་སྣང་དང་སུན་སྣང་སྟོན་ཁུལ་བྱས་སོང་” ཟེར། འཚོལ་ཞེས་པའི་གློག་བརྙན་འདིས་ཉོབ་སྣང་སྟེར་བའི་རྒྱུ་རྐྱེན་གཞན་ཞིག་ནི། གློག་བརྙན་གྱི་པར་རིས་དེ་དག་གཅོད་མཚམས་རིང་དྲགས་པ་དེ་རེད། དེ་ནི་སྒྲ་དང་རི་མོ་གཉིས་ཀྱི་བར་ནས་སྒྲིག་སྦྱོར་བྱེད་པར་པད་མ་ཚེ་བརྟན་གྱིས་ལེ་ལོ་དང་སྒྱིད་ལུག་བྱས་འདུག་པའི་བསམ་ཚུལ་བཤད་པ་ན། ཁོང་ཚོར་དུས་ཚོད་ཀྱིས་མ་ལྕོགས་པར། ཐ་ན་སྨན་བླ་ལ་སྒྲུང་གི་མགོ་མཇུག་བར་གསུམ་དུ་ཁོའི་བུ་མོས་ཁ་པར་རྒྱུན་མཐུད་ནས་འབྱོར་བའི་གནས་ཚུལ་དེ་འཚོལ་ཞེས་པའི་སྒྲུང་འདིའི་སྒྲོམ་གཞི་དང་འབྲེལ་ཆགས་པ་ཞིག་བཟོ་ལོང་་མ་བྱུང་བར་ལུས་སོང་བའི་གནས་ཚུལ་ཡང་བཤད་བྱུང་། དེ་ལྟར་སྒྲུང་གི་སྔ་ཕྱི་བར་གསུམ་གྱི་བརྒྱུད་རིམ་གང་དུའང་། ང་ལ་ནི་དབྱིན་ཇིའི་སྐད་དང་མ་སོང་ན་ exciting འཁྲུག་པོ་ཅི་ཡང་བྱུང་མ་སོང་། སྨྲ་བ་ཉུང་ཞིང་ངོ་གདོང་ཐམས་ཅད་མགོ་རས་ཀྱིས་བཏུམས་པའི་བུ་མོ་འདིའི་རོགས་སུ་ཁ་ཚིག་ལྗིད་མོ་ཅན་གྱི་རིག་ལྡན་རྒྱ་མཚོ་དང་དེ་ནས་སྒམ་མདོག་ཆེ་ཚུལ་འཁྲབ་དགོས་མཁན་གྱི་སྨན་བླ་གཉིས་བཅས་མོ་ཊའི་བཞུགས་གྲལ་གཅིག་ཏུ་བཀོད་དེ། བརྩོན་འགྲུས་ཀྱི་ཁ་གསལ་དོན་འདུས་མེད་པའི་བརྩེ་དུང་གི་གཏམ་རྒྱུད་ལ་ཉན་ཞོར་ཆོས་རྒྱལ་དྲི་མེད་ཀུན་ལྡན་གྱི་སྙིང་སྟོབས་འཚོལ་བའི་རྣམ་པ་སྟོན་ཐབས་བྱེད་པ་དེས་མདོར་སྡུས་ན་པད་མ་ཚེ་བརྟན་གྱི་འཚོ་བའི་སྐྱོ་ཉམས་དང་ཡིད་ཆད་ཙམ་ལས་ཅི་ཡང་མཐོང་མ་སོང་མོད། ཡིན་ནའང་འཚོལ་ཞེས་པའི་གློག་བརྙན་འདི་མ་ཎི་རྡེའུ་འབུམ་ལས་ཡག་པོ་འཁྱོངས་ཡོད་པར་མཐོང་ཞིང་། དེའི་རྒྱུ་མཚན་གཙོ་བོ་ནི་འཚོལ་ཞེས་པའི་གློག་བརྙན་འདི་ལས་ཨ་མདོའི་བོད་མི་ཚོའི་རིག་གཞུང་གི་འཚོ་བའི་གནས་སྟངས་ཉོབ་ཏོ་ངོ་མ་དེ། མ་ཎི་རྡེའུ་འབུམ་ལས་ལྷག་ཏུ་མངོན་སྟབས་ཆེན་པོ་བྱུང་འདུག་ཨང་བསམ་བྱུང་། བྱས་རྗེས་དེའི་ཆ་ཤས་ཤིག་ངེས་པར་དུ་འཚོལ་གྱི་པར་ལེན་པ་ (ཟོན་ཐར་རྒྱལ་ཡིན་ནམ་ཁོའི་མིང་གསལ་བོ་མི་དྲན) ལ་ཡོད་པར་འདོད།

གཅན་བཟོད་རྒྱམ་ལགས་ཀྱིས་ལྷིང་འཇགས་ཀྱི་མ་ཎི་རྡེའུ་འབུམ་དེ་ཇི་ལྟར་འཁྱོངས་ཡོད་སྟངས་དང་ལྟ་རིན་ཡོད་སྟངས་བཤད་རྒྱུར་འདོད་པ་དང་དུས་ཚོད་ཡོད་ཚེ། ངས་ཁྱེད་ལ་དེའི་སྐོར་ལ་རང་གི་བསམ་ཚུལ་ཁ་ཤས་ཞུ་ན་འདོད།

སྒྱུ་རྩལ་པ་ཚོར་དེའི་ནང་ན་ལེན་རྒྱུ་ཞིག་ཡོད་ན་མ་གཏོགས་དེ་ནི་གློག་བརྙན་ཉོབ་ཏོ་ཞིག་རེད་བསམ་སོང་།

བཙན་མོ་ལགས། སྐད་ཆ་སོམས་ན་ཤོད། རྩམ་པ་རྡོལ་ལ་ཟོ་ཟེར་སྲོལ་ཡོད་པ་དང་། སྔོན་ཆད་མ་བྱུང་བ་ཡང་འདིར་བརྗོད་མེད་ཟེར་ནས་གནའ་མི་དམ་པ་རྣམས་ཀྱིས་སྡོམ་ཚིག་ཞིག་ཡོད་པ་རེད་ལགས། སྤུན་ཟླ་སུ་ཞིག་གིས་རང་ནུས་གང་འཇོན་ཞིག་བྱེད་ཀྱི་ཡོད་པ་དེ་ལ་རམ་འདེགས་བྱེད་མ་ཐུབ་ཀྱང་། རྒྱུས་མངའ་གང་ཡང་མེད་པར་དེ་ལྟར་གསུངས་པ་ཡིན་ན་དངོས་ནས་ཡག་པོ་མ་རེད་ལགས། ལྷག་པར་དུ་གློག་བརྙན་སྔ་མའི་བསྐོར་བདག་གིས་གཏན་ནས་མི་ཤེས་པ་མ་ཟད། ད་ཐེངས་ཀྱི་གློག་བརྙན་འདིའི་བསྐོར་ལ་རྒྱལ་ནང་གི་གློག་བརྙན་དུས་སྟོན་ཞིག་གི་སྟེང་ནས་བྱ་དགའ་ཡང་རེག་འདུག འདི་དག་ནི་བོད་མི་རང་གིས་བོད་མི་རིགས་ལ་ཞབས་འདེགས་ཞུ་བཞིན་ཡོད་པ་ཞིག་ཡིན་དུས། དངོས་ནས་དགའ་ན་རེད་ལགས།

ཨོ་་་་་ཡང་པདྨ་ཚེ་བརྟན་ལགས་ཀྱིས་གློག་བརྙན་ཞིག་ཕབ་བསྐྲུན་བཟོས་འདུག་ག་་དངོས་གནས་བཟང་གི དེས་ན་གློག་བརྙན་དེའི་བརྗོད་བྱ་ཅི་ཞིག་ཡིན་ནམ ཁྱེད་ཅག་གིས་ཤེས་སོང་ངམ། འཚོལ་ཞེས་པའི་གློག་བརྙན་འདི་ཁོང་གིས་འཁྲབ་ཁྲིད་བྱས་པའི་གློག་བརྙན་ཐེངས་གཉིས་པ་དེ་རེད་དམ། ང་ཡང་བལྟ་འདོད་ཧ་ཅང་ཆེ་གི

སྐབས་དེར་ངས་ཁྱོད་བརྡ་རྒྱག་ཡཱ་་་་་་་་་་་་་་གཅིག་བྱས་ན་ཁྱོད་སྔ་མོར་རག་ན་ཐང་། ང་མ་བརྗེད། ང་ལ་མཚོན་ན་གློག་བརྙན་འདིར་ལྟ་འདོད་ཀྱི་འདུན་པ་ཆེན་པོ་ཡོད། རེ་སྒུག་བྱོས་ཡོད།

ཨ་རོད་དོན་གོ གློག་བརྙན་དེའི་སྐོར་བཀོད་པ་དངོས་གནས་ཡག་གི སགློག་བརྙན་དེ་འདིར་ཐོན་ལ་མ་ཐོན་གི་མཚམས་དེར་ང་ལ་བཤད་རྒྱུ་མ་བརྗེད་ལོ། ཨོ་མ་རེད། ཐོན་མ་ཐག

འདི་ད་ཨ་མའི་བུ་ཞིག་རེད། མ་ཎི་རྡོ་འབུམ་ལ་ངས་བལྟས་མྱོང། འཁྲབ་ས་ཡང་ངའི་པ་ཡུལ་དང་དགོན་པ་རེད། ད་དུང་ངའི་གྲྭ་ཤག ཨོ་ཨོ། ཁ་ངན་འདིའི་ནང་ནས་ཅིག་ཤོར་གྲབས་བྱས་སོང་། ཧ་ཧ་ཧ།