མཉམ་འབྲེལ་རྒྱལ་ཚོགས་ཀྱི་རིག་དངོས་མ་ཡིན་པའི་ཤུལ་བཞག་རིག་གནས་སྲུང་སྐྱོབ་ཚོགས་འདུ་ཐེངས་བཞི་སྟེང་། བོད་མི་རིགས་ཀྱི་དམངས་ཁྲོད་ངག་སྒྲུང་རིང་མོ་༼འཛམ་གླིང་གེ་སེར་རྒྱལ་བོའི་སྒྲུང་༽དང་། བོད་ཀྱི་སྲོལ་རྒྱུན་ཟློས་གར། མདོ་སྨད་རེབ་གོང་སྒྱུ་རྩལ་གསུམ་འཛམ་གླིང་ཤུལ་བཞག་རིག་གནས་རྣམ་གྲངས་ཁྲོད་བདམས་ཐོན་བྱུང་ཡོད་པ་རེད།
ཕྱི་ཟླ་ ༩ པའི་ཚེས་ ༢༨ ཉིན་ནས་བཟུང་། མཉམ་འབྲེལ་རྒྱལ་ཚོགས་རིག་གནས་སྲུང་སྐྱོབ་རྩ་འཛུགས་ཀྱིས་བསྡུས་པའི་རིག་དངོས་མ་ཡིན་པའི་འཛམ་གླིང་ཤུལ་བཞག་རིག་གནས་སྲུང་སྐྱོབ་བྱེད་པའི་སྲིད་གཞུང་འཐུས་མིའི་ཚོགས་འདུ་ཐེངས་བཞི་པ་དེ་ཨ་རབ་ཀྱི་རྒྱལ་སར་འཚོགས་ཤིང་། རྒྱལ་ཁབ་ ༡༡༤ དང་ས་ཁུལ་འདྲ་མིན་ ༤༠༠ ལྷག་གི་སྐུ་ཚབ་ཚོགས་ཞུགས་བྱས་ཡོད་པ་རེད། ཉིན་གསུམ་གྱི་ཚོགས་འདུའི་རིང་འཛམ་གླིང་གི་ཆེད་མཁས་པ་དག་གིས་འཛམ་གླིང་ཤུལ་བཞག་རིག་གནས་སྲུང་སྐྱོབ་ཐད་གཏམ་བཤད་དང་དཔྱད་བསྡུར་བརྒྱུད། གཙོ་བོ་༼རིག་དངོས་མ་ཡིན་པའི་འཛམ་གླིང་ཤུལ་བཞག་རིག་གནས་ཀྱི་ཚབ་མཚོན་བརྩམས་ཆོས་བདམས་འགོད༽ དང་ ༼སྲུང་སྐྱོབ་དགོས་པའི་རིག་དངོས་མ་ཡིན་པའི་འཛམ་གླིང་ཤུལ་བཞག་རིག་གནས་རྣམ་གྲངས༽བཅས་དཔྱད་འདེམས་ཐོ་འགོད་བྱས་ཡོད་པ་རེད། ཐེངས་འདིའི་དཔྱད་འདེམས་ཁྲོད་རྒྱལ་ཁབ་དང་མི་རིགས་འདྲ་མིན་གྱི་རིག་གནས་རྣམ་གྲངས་ ༧༦ བདམས་ཐོན་བྱུང་ཡོད་པ་དང་། དེའི་ཁྲོད་བོད་མི་རིགས་ཀྱི་དམངས་ཁྲོད་ངག་སྒྲུང་རིང་མོ་༼གླིང་གེ་སེར་རྒྱལ་པོའི་སྒྲུང་༽དང་། བོད་ཀྱི་སྲོལ་རྒྱུན་ཟློས་གར། མདོ་སྨད་རེབ་གོང་སྒྱུ་རྩལ་གསུམ་ཀྱང་རིག་དངོས་མ་ཡིན་པའི་འཛམ་གླིང་ཤུལ་བཞག་རིག་གནས་ཁྲོད་དུ་བདམས་ཐོན་བྱུང་ཡོད་པ་རེད།
རིག་དངོས་མ་ཡིན་པའི་འཛམ་གླིང་རིག་གནས་སྲུང་སྐྱོབ་དང་ཐོ་འགོད་བྱེད་པའི་བྱ་འགུལ་ནི། མཉམ་འབྲེལ་རྒྱལ་ཚོགས་ཀྱི་རིག་གནས་སྲུང་སྐྱོབ་རྩ་འཛུགས་ཀྱིས་ཕྱི་ལོ་ ༢༠༠༣ ལོའི་ཟླ་ ༡༠ པའི་ནང་༼རིག་དངོས་མ་ཡིན་པའི་འཛམ་གླིང་ཤུལ་བཞག་རིག་གནས་སྲུང་སྐྱོབ་སྤྱི་ཆིངས་༽གསར་དུ་སྒྲིག་སྟེ། སྲོལ་རྒྱུན་འདྲ་མིན་དང་། ངག་གི་སྒྱུ་རྩལ། དུས་སྟོན་གྱི་བྱེད་སྒོ་སྣ་ཚོགས། ལག་ཤེས་སྣ་ཚོགས། གླུ་གཞས། ཟློས་གར་དང་སྲོལ་རྒྱུན་འཁྲབ་གཞུང་གཙོ་བོར་གྱུར་བའི་རིག་དངོས་མ་ཡིན་པའི་ཤུལ་བཞག་རིག་གནས་སྲུང་སྐྱོབ་ཀྱི་ལས་གཞི་གཏན་འཁེལ་བྱས་པ་དང་། ཕྱི་ལོ་ ༢༠༠༦ ལོའི་ཟླ་ ༤ པའི་ནང་དངོས་སུ་ལག་བསྟར་བྱེད་མགོ་བརྩམས་པ་ཞིག་རེད།
རིག་དངོས་མ་ཡིན་པའི་ཤུལ་བཞག་རིག་གནས་དང་རིག་དངོས་ཡིན་པའི་ཤུལ་བཞག་རིག་དངོས་གཉིས་ཀྱི་ཁྱད་པར་ག་རེ་རེད། པོ་ལ་ཏ་རིག་དངོས་ཡིན་པའི་ཤུལ་བཞག་རིག་གནས་ཡིན་ནམ་རིག་དངོས་མ་ཡིན་པའི་ཤུལ་བཞག་རིག་གནས་རེད།
ད་ཧྲ་སོང་ནི་མ་རེད་ན་བཀའ་འགྱུར། བོད་པ་ཚང་ལ་ཐུབ་བསྟན་རིག་གནས་འདིས་འཛམ་གླིང་སྒང་ལ་མིང་ཞིག་སླེབས་རུ་བཅུག་སོང་།
དྲྭ་གྲོགས་རྣམ་པ། ཡག་པོ་ཡིན་རྒྱུ་རེད་བསམ་ནས་བཀྲ་ཤིས་བདེ་ལེགས་ཞུ་རྒྱུ་ཡིན། ཡིན་ནའང་དེ་ལྟར་བདམས་པ་ལ་དགེ་མཚན་གང་དང་གང་ཡོད་པ་དེ་དྲ་གྲོགས་སུ་ཡང་རུང་བས་གསལ་བཤད་ཐུབ་བམ
རྟེན་འབྲེལ་ཞུ།
ངས་བརྡེབས་ཀྱིན་ཡོད། མི་རིག་གི
འདི་གནས་ཚུལ་དགའ་ཞིག་རེད། བོད་མི་ཡོད་དོ་ཅོག་དང་བོད་ཀྱི་རིག་གནས་ཉིང་བཅུད་རོལ་མཁན་ཚང་དགའ་བསུའི་ཐལ་མོ་རྡོབས།