ཁྱོད་ཚོར་ནུས་པ་འདི་གང་ནས་བྱུང་ངམ།

སྤྱི་འཐུས་ཀརྨ་ཆོས་འཕེལ་ལགས་ད་ལྟ་ཁྱེད་ཀྱི་མཚན་ཐོག་ཏུ་་་་་སྤྱི་འཐུས་་་་ཞེས་ཡོད་པའི་དོན་སྙིང་རྟོག་གི་ཨེ་ཡོད། གལ་ཏེ་རྟོག་ན་གྲོལ་ཚོགས་ཐོག་གི་བཀའ་མོལ་་་་ང་མངའ་རིས་མི་མང་གིས་འོས་འདེམས་པྱས་པ་ལས་དབུས་གཙང་མི་མང་གི་འོས་འདེམས་བྱས་པ་མིན།་་་་ཞེས་པའི་གོ་དོན་གང་ཡིན་ནམ། གང་ཡིན་ཟེར་ན་འོས་འདེམས་སྐབས་ཆོལ་ཁ་གསུམ་དང་ཆོས་རྒྱུད་ཁག་དབྱེ་བ་ལས། དབུས་གཙང་ཆོལ་ཁའི་ནང་ དབུས་པ་དང་། གཙང་པ། སྟོད་པ། མངའ་རིས་བ་བཅས་བཞི་ཁག་སོ་སོར་དབྱེ་ནས་འོས་ཤོག་བླུགས་སྲོལ་གོ་ཐོས་མ་བྱུང་། དེ་ལྟར་གསུང་ན་མི་མང་གི་མཐུན་སྒྲིལ་ལ་གནོད་གཞིར་མ་གྱུར་རམ།
མ་གཞི་ནས་ངས་བལྟས་ན། ད་ལྟའི་ སྤྱི་འཐུས་ཚོགས་གཙོར་ཀླད་སྐྱོན་ཡོད་དམ་བསམ། གང་ལ་ཞེས་ན། གྲོས་ཚོགས་ཐོག་ཚོགས་འདུ་བཏང་འཛིན་གྱི་དབང་ཆ་ཡོང་རྫོགས་ཚོགས་གཙོའི་ཕྱག་ན་ཡོད་པ་ཚང་མས་མཁྱེན་གསལ་རེད། འོན་ཀྱང་རྩོད་གླེང་བྱུང་ནས་མི་ཚང་མ་གཅིག་རྗེས་གཉིས་མཐུད་ངང་ཐ་མ་མི་གྲངས་ཉི་ཤུ་རྩ་བརྒྱད་ཡོད་སྐབས་་་་་་དྲན་བཀུལ་ལྟར་མི་གཅིག་ཡང་བསྐྱར་ཕྱིར་འཐེན་བྱས་ན་གྲོལ་ཚོགས་མཇུག་སྐྱོང་མི་ཐུབ་ཞེས་གསུང་པ་དེ། སྐབས་དེ་དུས་ཀྱི་ཚོགས་གཙོའི་ཀུན་སློང་རྟོག་མི་ཐུབ་ཀྱང་། གྲོས་ཚོགས་གཏོར་ཤིགས་ཀྱི་རྫས་མེ་སྤར་པ་ལྟ་བུ་མཐོང་བྱུང་།

ང་ཚོས་འདི་ལྟར་ཀརྨ་ཆོས་འཕེལ་གྱི་གནས་ཚུལ་མང་པོ་ཞིག་སྤྱི་སྡོམ་བྱས་ཏེ་མི་མང་ལ་གོ་རྟོགས་གསར་བ་ཞིག་ཡོངས་བར་གདོན་མི་ཟ་བས།ད་དུང་རྩོམ་པ་པོ་གང་མང་གིས་
བསམ་ཚུལ་མང་པོ་འབྲི་རོགས་ཞུ།

བོད་མི་རིགས་ལ་དུངས་བའི་ཤ་རུས་གཅིག་པའི་སྤུན་ཟླ་ཚོ་ལགས། ཀརྨ་པ་ཆོས་འཕེལ་ལ་རོགས་པོ་ཞིག་གནང་དང་། ཁོང་སྤྱི་འཐུས་ནས་དགོངས་པ་ཞུ་རོགས་བྱས་ཏེ། ལྡི་ལིར་ཆང་བཞེས་མཁན་དང་ཉལ་ཐ་བཞེས་མཁན་རྣམས་ལ་དམིགས་བསལ་གྱི་གཟིམས་ཆུང་ཞིག་ཡོད་འདུག དེར་བཞུགས་སུ་གསོལ་བའི་དུས་ལ་བབས་འདུག

ངས་ཀརྨ་ཆོས་འཕེལ་ལ་འདྲི་རྒྱུར། ཁྱེད་དབུས་གཙང་གི་མི་མང་གིས་འདེམས་བསྐོ་བྱས་པ་མིན་པ་འདྲ་ཞིག་བཤད་ཀྱིན་འདུག་ག དེ་འདྲ་ཞིག་ཡིན་ན་ཆོལ་ཁའི་སྤྱི་འཐུས་ལ་མདོ་སྟོད་སྨད་གཉིས་དང་། དབུས་གཙང་ལས་གཞན་ཞིག་གི་འཐུས་མི་ཡོང་སྟངས་ཡོད་དམ། འདི་བཅའ་ཁྲིམས་ནང་ན་གསལ་ཁ་ཡོད་དམ། དབུས་གཙང་ལས་ཟུར་ཏུ་མངའ་རི་ལ་སྤྱི་འཐུས་འདེམས་རྒྱུའི་ཐོང་ཐང་བཅའ་ཁྲིམས་རིན་པོ་ཆེས་གནང་ཡོད་དམ།

ཀརྨ་ཆོས་འཕེལ་ལགས་ཀྱིས་”གླེང་དགོས་ན་གླེང་རྒྱུ་མེད་མཁན་ཞིག་མིན་པ་མཁྱེན་དགོས་” ཞེས་གསུངས་པ་ལྟར། ངས་ཀྱང་དངོས་བྱུང་གི་གནས་ཚུལ་འདི་འདྲ་ཞིག་གླེང་དགོས་བྱུང་།

གང་ཟག་སྒེར་ལ་མཚོན་ན། ཀརྨ་ཆོས་འཕེལ་ཟེར་བ་དེར་བཟང་ངན་གཉིས་ཀ་བཤད་དགོས་དོན་མ་དམིགས་ཀྱང་། བོད་སྲིད་པའི་གཏམ་དཔེ་ལ།
བཟང་བོར་བཟང་གི་མ་ཟེར་ན་བཟང་བོས་ཐང་ཆད།
ངན་པར་ངན་གི་མ་ཟེར་ན་ངན་པ་ངོར་སྡང་། ཞེས་པའི་དཔེ་ལྟར། ཀརྨ་ཆོས་འཕེལ་གྱི་ངན་པ་ངོར་སྡང་གི་སྤྱོད་ངན་དེ་བཟོད་མ་ཐུབ་པར། སྐད་ཆ་འདི་བཤད་པ་ཡིན།
ཉིན་ཞིག་ང་ལྡིལིར་བོད་སྒར་བསམ་ཡས་གླིང་དུ་ཕྱིན་པ་ཡིན། སྐབས་དེར་ངའི་གྲོགས་པོ་ཞིག་ལྡིལི་གནམ་ཐང་ནས་ཡོང་གི་ཡོད་སྟབས། མཚན་མོའི་ཆུ་ཚོད་བཅུ་གཉིས་ཡོལ་རྗེས། ང་མགྲོན་ཁང་ནས་ཕྱི་ལ་སོང་སྟེ་<<ཛམབྷ་ལྷ།>> མགྲོན་ཁང་གི་ཟུར་དུ་ཐོན་པ་ན། མི་རྒན་ཞིག་ར་བཟི་ནས་དེ་གར་ལྷག་འདུག ངས་བསམ་པར་དེ་སྔོན་རྡ་རམ་ས་ལར་ཡོད་པའི་ར་བཟི་རྒད་པོ་ཡོངས་གྲགས་སུ་བྷ་ལོས་ཟེར་བའི་དུས་རྒྱུན་ར་བཟི་ནས་འཁྱམ་འདུག་མཁན་ཞིག་ཡོད་པ་དེ་ཡིན་ཤག་བྱས་པ་ཡིན། འོན་ཀྱང་། ང་ག་ལེར་ཁོང་གི་གམ་དུ་བཅར་བ་ན། མི་རྒན་དེ་ངས་བཤད་པའི་བྷ་ལོས་ཟེར་བ་དེ་རེད་མི་འདུག་རུང་། ཁོང་ནི་བོད་པ་ཞིག་ཡིན་པ་གསལ་བོ་རེད། སྐབས་དེར་ཆེས་ཉན་ཁ་ཆེན་པོ་ཞིག་ཡོད་པ་ནི། མི་རྒན་ར་བཟི་དེ་ར་བཟི་ནས་རང་ལམ་མི་ཟིན་པའི་སྟབས་ཀྱིས། བོད་སྒར་བསམ་ཡས་གླེང་གི་ཉེ་ཟུར་གྱི་གཞུང་ལམ་ཆེན་མོར་ཕྱོགས་ཏེ་ཕྱིན་སོང་། ངས་ད་དུང་ཁོང་སུ་ཞིག་ཡིན་མིན་མ་ཤེས་རུང་། བོད་པ་ཞིག་ཡིན་པའི་ཆ་ནས་སྣང་མེད་དུ་འཇོག་མ་ཕོད་པར་ག་ལེར་ཁོང་གི་རྗེས་དེད་ནས་སོང་བ་ཡིན། མཚམ་ཞིག་རླངས་འཁོར་ཆུང་ཆུང་ཞིག་ཡོང་ནས་མི་རྒན་ར་བཟི་དེའི་མདུན་དུ་བཀག་སོང་། རླངས་འཁོར་དེའི་ཁ་ལོ་བ་ཡང་བོད་པ་ཞིག་རེད་འདུག་ལ། ཁ་ལོ་བ་དེས་མི་རྒན་ར་བཟི་དེ་བོད་མི་མང་སྤྱི་འཐུས་ཚོགས་གཙོ་ཀརྨ་ཆོས་འཕེལ་ཟེར་བ་དེ་ཡིན་པ་ཤེས་འདུག ཁོང་གིས་དེ་མུར་ཕོ་སར་གཟུགས་ཐུང་ཞིང་སྐྲ་རིང་བོར་བཞག་པའི་བོད་པ་ཞིག་ལ་སྐད་བཏང་སྟེ། མི་རྒན་ར་བཟི་དེ་བོད་སྒར་བསམ་ཡས་གླིང་གི་བུད་མེད་གཞུང་ཞབས་པ། མིང་ལ་གསེར་སྒྲོན་ཟེར་བ་དེར་རྩིས་སྤྲོད་བྱས་སོང་། བུད་མེད་གསེར་སྒྲོན་ཟེར་བ་དེས་ཀྱང་བོད་ཀྱི་གཞོན་ནུའི་སྡོད་ཁང་དུ་ཡོད་པའི་སློབ་བུ་ཞིག་ལ་སྐད་བཏང་སྟེ། མི་རྒན་ར་བཟི་དེ་ཁོ་ལ་རྩིས་སྤྲོད་བྱས་སོང་། རྗེས་ཕྱོགས་ཤེས་གསལ་ལྟར་ན། རླངས་འཁོར་ཆུང་ཆུང་དེའི་ཁ་ལོ་བ་དེ་ཨ་མདོ་ལྷག་པ་ལྰ་ཟེར་བ་དེ་རེད་འདུག་པ་དང་། ཕོ་སར་སྐྲ་རིང་དེ་ནི་ཤེས་ལྡན་ཟེར་བ་དེ་རེད་འདུག བོད་ཀྱི་གཞོན་ནུའི་སྡོད་ཁང་ནས་ཡོང་བའི་ཕོ་སར་དེ་མི་རྒན་དེའི་བུ་ཡིན་རབས་བཤད་ཀྱིན་འདུག འོན་ཀྱང་ངས་གནས་ཚུལ་འདི་རིགས་གསང་དགོས་པའི་དོན་ཡེ་ནས་མ་མཐོང་ཡང་། རྗེས་ཕྱོགས་གཞུང་ཞབས་པ་རྒན་མོ་གསེར་སྒྲོན་གྱིས། གནས་ཚུལ་འདི་ངེས་པར་དུ་གསང་དགོས་ཚུལ་བརྗོད་པ་ལྟར། ངས་ད་བར་དུ་བཤད་མེད། འོན་ཀྱང་། དེ་རིང་”གླེང་དགོས་ན་གླེང་རྒྱུ་མེད་མཁན་ཞིག་མིན་པ་མཁྱེན་དགོས་” ཞེས་པའི་ལན་དུ་སྐད་ཆའི་ཟུར་ཙམ་ཞིག་གླེང་བ་ཡིན།

གོང་གི་རྒྱལ་བ་དོན་འགྲུབ་ཅན་འདིས་བཤད་སྟངས་ལ་བལྟས་ན་སྨོན་ལམ་མཐར་ཕྱིན་ནམ། གཡུང་དྲུང་རྒྱལ་མཚན། བེ་རི་འཇིགས་མེད་གསུམ་གང་རུང་ལས་མ་འདས། གྲོགས་པ་ལགས་ཤོག་བུས་མེ་འགོག་མི་ཐུབ་པའི་དཔེ་བཞིན་ཁྱེད་ནས་ཀརྨ་ཆོས་འཕེལ་གྱི་རྐུབ་ཀྱི་སྐྱག་པ་གཙང་མ་བཟོ་ཐུབ་ཀྱི་མ་རེད། བཅའ་ཁྲིམས་རིན་པོ་ཆེ་ལུང་འདྲེན་དང་བེད་ལོག་ཏུ་མ་སྤྱད་ན་ཡག་གི་རེད་བསམ།

ཀརྨ་ཆོས་འཕེལ་ཟེར་པའི་མི་འདིས་ངོ་མ་རང་ཚོད་མི་ཟིན་གི

ནད་པས་བཤད་པ་ལ་བསྔགས་བརྗོད་ཡོད།

ངོ་མ།ཁ་བཤད་ཆུ་ཡི་ལྦུ་བ།།ལག་ལེན་གསེར་གྱི་ཐིགས་པ།།ཅིས་མི་བདེན།

ཁམས་བཟང་། མདོ་སྟོད་དང། མདོ་སྨད། དབུས་གཙང་བཅས་བོད་ཆོལ་ཁ་གསུམ་གྱི་སྤྱི་འཐུས་སུ་ཞིག་ཡིན་ཀྱང་༸ གོང་ས་སྐྱབས་མགོན་ཆེན་པོའི་ཐུགས་དགོངས་དང་། བཙན་བྱོལ་བོད་གཞུང་གི་མཛད་ཇུས། བོད་མི་རིགས་ཀྱི་མངོན་འདོད་བཅས་ལ་ལྷག་བསམ་རྣམ་དག་གིས་ཞབས་འདེགས་ཡག་པོ་ཞིག་སྒྲུབ་ཀྱིན་མེད་ཚེགངེས་པར་དུ་གྲོས་ཚོགས་ནས་རྩ་དགོངས་ཞུ་དགོས།

ད་རེས་དབུས་གཙང་རྒྱུན་ལས་ནས་གྲོས་ཆོད་གཅིག་བཞག་པ་དེ་ཡག་པོ་རེད་ལ་གྲོས་ཆོད་བཞག་པ་དེ་ངེས་པར་དུ་ལག་ལེན་དོན་འཁྱོལ་བྱེད་དགོས།

བོད་མི་རིགས་འདིར་མཚོན་ན་ཁམས་རིགས་དང་། ཨམ་རིགས། དབུས་རིགས་བཅས་བོད་རིགས་ཆོལ་ཁ་གསུམ་ལས་མེད་ལ་ལྷག་དོན་༸ བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸ གོང་ས་སྐྱབས་མགོན་ཆེན་པོའི་ཞབས་ཀྱི་པད་མོའི་ཐུགས་རྗེའི་བཀའ་དྲིན་གྱི་གྲིབ་བསིལ་འོག་ཏུ་དབུས་གཙང་ཆོལ་ཁ་གཅིག་ལས་སྟོད་པ་དང་། དབུས་པ། གཙང་པ། མངའ་རིས་པ། ལྷོ་ཁ་བ་སོགས་ཁ་བྲལ་གྱི་ཆོལ་ཁ་བཞི་དང་ལྔ་སོགས་སུ་གཏོང་འདོད་མེད་པ་དེ་༸ གོང་ས་རྒྱལ་བ་རིན་པོའི་ཐུགས་སགོངས་ཡིན་ལ་བོད་མི་རིགས་མངོན་འདོད་ཀྱང་ཡིན།

དེར་བརྟེན་ད་རེས་ངེས་པར་དབུས་གཙང་རྒྱུུན་ལས་ཀྱི་མགོ་འཁྲིད་དེ་རྒྱ་བལ་འབྲུག་སོགས་སུ་གནས་པའི་བོད་མིའི་གི་སྒར་ཚང་མར་སྤྱིའཐུས་གྲོས་ཚོགས་ནང་ལྷག་པའི་གནད་དོན་དེའི་དཔར་གཞི་བརྙན་འཕྲིན་འཁོར་ཐག་ནང་གཟིགས་པའི་རྗེས་སུ་དབུས་གཙང་རྒྱ་ཆེའི་མི་དམངས་ཡོངས་ཀྱི་ས་ཡིག་གམ་ས་རྟགས་བསྡུ་རུབ་བྱས་ཏེ་མི་དམངས་ཀྱི་མང་མོས་གང་བྱུང་བ་གཞིར་བཟུང་ལག་ལེན་བསྟར་དགོས

ལག་ཏེ་མི་དམངས་ཀྱི་མང་མོས་ལྟར་སྤྱི་འཐུས་སྐུ་ཞབས་ཀརྨ་ཆོས་འཕེལ་ལགས་གྲོས་ཚོགས་ནས་རྩ་དགོངས་གཏོང་རྒྱུའི་མང་མོས་བྱུང་ཚེ་དམརེས་དགོངས་ཞུ་གནང་དགོས། ལག་ཏེ་མི་དམངས་ཀྱིས་མུ་འཐུད་དེ་གྲོས་ཚོགས་སུ་ཕྱག་ལས་གནང་རྒྱུའི་མང་མོས་བྱུང་ཚེ་སྔར་བཞིན་ཕྱག་ལས་གནང་དགོས།

རྩ་ཁྲིམས་ཀྱི་དགོངས་དོན་ལྟར་ངེས་པར་དུ་རྒྱ་ཆེའི་མི་དམངས་ཀྱི་མང་མོས་ས་རྟགས་བསྡུ་རུབ་བྱས་ཏེ་མི་དམངས་ཀྱི་མངོན་འདོད་ལྟར་ལག་ལེན་དོན་འཁྱོལ་བྱེད་དགོས།

དེ་ནི་དམངས་གཙོའི་འགྲོ་ལུགས་དང་མཐུན་པ་རང་ཡིན་གང་ཡིན་ཟེར་ན་དམངས་གཙོ་ནི་མི་དམངས་ཀྱིས་གྲུབ་པ་དང། མི་དམངས་ཀྱི་ཡིན་པ། མི་དམངས་ཀྱི་ཆེད་དུ་ཡིན། དབྱིན་སྐད་ནང་། by the people, of the people, for the people ཟེར་བ་ལྟར་ཡོངས་སུ་མཐུན་པ་ཡིན།

སྤྱི་དོན་བཤད་ཁུལ་གྱིས་སྐབས་འདིར་ཕུག་ལ་ཉར་བའི་རང་དོན་ཏེ་དངོས་སུ་བཤད་སོང་།ད་ནི་ཆོལ་ཁ་བཞི་རུ་གྱུར་སོང་།ད་དུང་ཁམས་པ་དང་ཨ་མདོའི་ས་གནས་རེ་རེའི་འཐུས་མི་ཚོས་བསམ་བཞིན་མི་ཡུལ་འདིར་གཡུལ་འཁྲུག་གིས་དཀྲུགས་ཐུར་ཏུ་བྱོན་པའི་ཀརྨ་ཆོས་འཕེལ་གྱིས་བྱེད་སྟངས་ཀྱི་ལམ་ལ་ཆས་ཚེ་ཆོལ་ཁ་བཅུ་ཕྲག་དང་བརྒྱ་ཕྲག་ཁ་ཤས་སུ་མི་འགྱུར་བའི་ངེས་པ་མེད་ལ།དེ་དུས་ཏྰ་ལའི་བླ་མས་མི་ལོ་ལྔ་བཅུ་ལྷག་གི་དཀའ་སྡུག་ཁྲོད་ནས་འཛམ་གླིང་ཞི་བདེ་དང་མཐོ་སྒང་གི་མི་རིགས་འདིའི་བདེ་སྡུག་ཆེད་དུ་ཉིན་མཚན་དབྱེར་མེད་གྱི་མཛད་འཕྲིན་བསྐྱངས་དང་སྐྱོངས་བཞིན་པ་འདི་དག་བསམ་བཞིན་ཆུ་ལ་བསྐྱུར་བ་དང་ཅིས་མི་མཚུངས།

ཚང་མས་མཁྱེན་གསལ་ལྟར། མང་གཙོའི་ཤེས་ཡོན་གྱིས་མ་འདང་བའི་མི་རིགས་ཤིག་གིས། མང་གཙོའི་ཤེས་ཡོན་གྱི་ཚད་མཐོན་པོར་བསྐྱོད་མཁན་གྱི་སྟངས་ཀ་བྱས་ན། སྟག་རྒོད་འཆང་རྗེས་སུ་ཁྱི་རྒན་འཆང་ན་རྐེད་པ་ཆག་པའི་དཔེ་ལྟར་འགྱུར་གྱིན་འདུག
ད་ལྟར་རང་རེའི་དཔུང་གཉེན་དང་མགོན་སྐྱབས་གཅིག་ཆོག་༧གོང་ས་མཆོག་གི་སྐུ་དྲིན་ཉག་གཅིག་གིས་བཙན་བྱོལ་བོད་གཞུང་འདི་བཙན་བྱོལ་སྐྱབས་བཅོལ་འདྲ་འདྲའི་ནང་གི་མ་འདྲ་བ་ཞིག་ཡོད་པ་རེད་མ་གཏོགས། གལ་སྲིད་ཁོང་ཞིང་གཞན་དུ་ཕེབས་ན་རང་རེའི་བཙན་བྱོལ་གཞུང་འདི་ཇི་ལྟར་ཆགས་ས་རེད། དོན་གནད་ཤིན་ཏུ་གལ་ཆུང་ཞིག་ཐོག་ནས། གནས་ཚུལ་ཚབ་ཇེ་ཆེར་བསྒྱུར་བཞིན་པ་འདིས་གསལ་བཤད་ཐུབ་ཀྱི་རེད།

ཕྲན་གྱིས་བསམ་ཚུལ་ལ། ད་ལྟའི་གནས་ཚུལ་འདི་ལས་རང་རེའི་བཙན་བྱོལ་གཞུང་གི་མང་གཙོའི་ཀ་བ་གསུམ་གྱི་གཙོ་བོ་ལྟ་བུ་སྤྱི་འཐུས་ལྷན་ཚོགས་སུ་འགྲོ་མཁན་གྱི་མི་རྣམས་ད་ལྟ་ནས་གྲབ་བསྒྲིགས་བྱེད་ནས་སྤྱི་འཐུས་འོས་ཆོས་ལྡན་མཁན་རྣམས་གསར་འགྱུར་བརྒྱུད་ལམ་ཁག་ནས་མིང་འདོན་མཛད་པ་དང་ད་ལྟའི་གནས་ཚུལ་འདི་སྣང་མེད་དུ་གཏོང་ཅིང་། ལོ་གཅིག་ལྷག་གི་རིང་ལས་མེད་པའི་སྤྱི་འཐུས་དེ་དག་གི་རྙོག་དྲ་དེ་སྐབས་འཚོལ་རིང་ལུགས་ཁ་ཤས་ལ་ཆོལ་ཁ་དང་། ཆོལ་ཁ་ནང་ཁུལ་དུ་འཐེན་ཁྱེར་བྱེད་པའི་གོ་སྐབས་ཤིག་མ་སྤྲད་ན་ལེགས་འདུག་སྙམས།

ད་ལྟའི་སྤྱི་འཐུས་ས་རྟགས་འགོད་མཁན་དང་། གྲོས་ཚོགས་ཕྱི་ལོག་དོན་མཁན་དེ་དག་རྣམས་ཀྱི་ཕུག་གི་ཆག་སྲིད་ཀྱི་བསམ་གནོ་མང་ཚོགས་ཀྱི་དཔག་པར་དཀའ་ལ། རྒྱབ་རྒྱང་ཡང་གང་ཡིན་སུས་ཀྱང་བཤད་ཚོད་མ་ཐིག
ལྷག་པར་དུ་སྤྱི་འཐུས་རྣམས་ཀྱི་གཏམ་མོལ་དང་། བཅར་དྲིའི་ལན་རྣམས་ལ་གཞིག་དང་། སྐྱུགས་བྲོ་བ་མང་པོ་མི་དོན་པའི་ཉེས་ཁ་མི་འདུག ད་ལྟར་རང་རེ་ལ་ཆོལ་ཁ་གསུམ་དང་། ཆོས་ལུགས་ལྔ་ལས་བྱུང་བའི་སྤྱི་འཐུས་ལ་རྙོག་དྲ་འདི་འདྲ་ཡོང་གི་ཡོད་ན། ཆོལ་ཁ་ལས་མངའ་རིས། སྟོད་པ་། ཆོས་ལུགས་ལས་ཇོ་ནང་དང་བོ་དོང་། ད་དུང་ཤུག་ལྡན་གྱི་ཚོགས་པའི་སྤྱི་འཐུས་ཤིག་མི་ཡོང་བའི་བཤད་ཚོད་སུས་ཐིག སྤྱི་འཐུས་རྣམས་པས་མི་མང་ལ་འཐེན་ཁྱེར་གྱི་ཤུགས་བསྣོན་རྒྱག་ན། འཐེན་ཁྱེར་གྱི་ཤུག་བསྣོན་མི་རྒྱག་མཁན་གྱི་བོད་མི་སུ་ལུས་ཡོད་རེད།

དོན་དག་གནད་ཀྱིས་སྒྲིལ་ན། ད་ལྟའི་གནས་དོན་ཆུང་ཚག་དེ་མང་ཚོགས་ཀྱི་ངོས་ནས་སྣང་མེད་དུ་གཏོང་ཐུབ་ན་ལེགས་ཤོས་མཐོང་།

སྐུ་ཞབས་རྭ་ལོ་ལགས། ཀརྨ་ཆོས་འཕེལ་ལགས་སྤྱི་འཐུས་ནང་གི་མཁས་ཤོས་ཡིན་ན་མཁས་རྟགས་སྟོན་སྟངས་ཤེས་དགོས། དེ་ལྟར་མིན་པར་སྤྱི་ཚོགས་ཕན་སྣ་གཅིག་ཀྱང་མི་ཐོགས་པའི་མཁས་པ་ཕྱོགས་རིས་པ་ཚོ་བོད་པ་ཚང་ལ་དགོས་ཅི་ཞིག་ཡོད།

མི་ཉག་སྐལ་བཟང་ལགས་་་་་་་་་་་རེད་ཁྱེད་ཀྱི་མིང་ལ་མི་ཉག་སྐལ་བཟང་ཅེས་མི་འབོད་པར་མི་ངན་སྐལ་བཟང་ཅེས་འབོད་ན་ག་འདྲ་འདུག་

བཀུར་འོས་བོད་མི་མངས་ཀྱི་སྤྱི་འཐུས་ཀརྨ་ཆོས་འཕེལ་ལགས།
《ཙན་བྱོལ་སྤྱི་ཚོགས་ནང་ཆིག་སྒྲིལ་དང་ལྷིང་འཇགས་དགོས་གལ་ལ་བསམ་ཞིབ་ཀྱིས་རྟག་ཏུ་ལབ་གླེང་མི་དགོས་པ་གཙོ་དོན་བྱ་མཁན་ཞིག་ཡིན། འོན་ཀྱང་། གླེང་དགོས་ན་གླེང་རྒྱུ་མེད་མཁན་ཞིག་མིན་པ་མཁྱེན་དགོས་པ་དང་།》
ཞེས་པའི་སྐད་ཆ་འདི་ཁྱེད་ཀྱིས་བསམ་བཞིན་དུ་བཤད་པའི་སྐད་ཆ་རེད་དམ། གལ་ཏེ་ཡིན་ཚེ། ངོ་མ་ཞབས་འདྲེན་རང་རེད། ད་བར་བཙན་བྱོལ་གཞུང་དང་༸རྒྱལ་བ་རིན་པོ་ཆེའི་དྲིན་ལས་ཁྱེད་ལ་བཙན་བྱོལ་སྤྱི་ཚོགས་ནང་ཆེས་མཐོང་བཞིན་ཞུ་བཞིན་ཡོད་པ་འདིའི་འབྲས་བུ་འདི་རེད་དམ། ངོ་མ་ཞབས་འདྲེན་རེད། སྤྱི་འཐུས་ཀྱི་མིང་ཆེན་པོ་ཞིག་འཁུར་ནས་སྐད་ཆ་ཐབས་
སྐྱོ་བོ་འདི་ལྟ་བུ་ལས་བཤད་རྒྱུ་མེད་ན་གྲོས་ཚོགས་ཀྱི་རྐུབ་སྟེགས་ཀྱི་སྟེང་སྡོད་ནས་ཅི་བྱེད། ཁྱེད་དང་ཁྱེད་འདྲ་བའི་སྤྱི་འཐུས་
ཁ་ཤས་གྲོས་ཚོགས་ཀྱི་རྐུབ་སྟེགས་ཀྱི་སྟེང་མི་མངས་ཀྱི་མིང་འཁུར་ནས་མི་སྡོད་ནས་དགོས་པ་ཅི་ཡོད། གལ་ཏེ ངེད་ཚོ་ཉམ་
ཆུང་མི་མངས་རྣམས་ཀྱི་འདོད་དོན་འགྲུབ་མི་ཐུབ་ནའང་མི་མངས་ཀྱི་སེམས་ལ་འདོད་པ་མེད་པའི་བྱ་བ་དེའི་རིགས་རྩ་བ་
ནས་མ་གནང་རོགས།
དེང་གི་ཆར་བཙན་བྱོལ་སྤྱི་ཚོགས་ནང་གླེང་བཞིན་ཡོད་པ་ནི་ཁྱེད་ཚོའི་སྤྱི་འཐུས་རྣམས་ཀྱི་བྱེད་སྟངས་ཐབས་སྐྱོ་བོ་འདི་ཡིན་ལ། རྒྱ་ནག་ནང་དམར་པོའི་གཞུང་ཚུགས་ནས་ལོ་ངོ་དྲུག་ཅུ་འཁོར་བའི་དུས་ཆེན་སྲུང་རྩི་ཞུ་བཞིན་ཡོད་ནའང། འདིར་ཁྱེད་ཚོའི་སྤྱི་འཐུས་རྣམས་ཀྱི་སྒེར་དོན་ཞིག་གི་ཕྱིར་འཐེན་ཁྱེར་བྱེད་བཞིན་དུ་གྲོས་ཚོགས་འཇུག་སྐྱོང་མི་ཐུབ་པ་འདི་ཞབས་འདྲེན་ནང་གི་ཞབས་འདྲེན་ཆེ་ཤོས་འདི་ཡིན། ཐ་ན་རང་དོན་ཁོ་ནའི་ཆེད་དུ་འབྲེལ་བའི་ངང་ཚོང་ལ་མགོ་བོ་ཐོམས་ནས་སྡོད་མཁན་གྱི་མན་ཇུ་ཀྲི་ལའི་མི་འདི་ཚོས་ཀྱང་ཁྱེད་ཚོའི་ཞབས་འདྲེན་ཞུས་པའི་ཞུས་རབས་རྣམས་གློག་བརྙན་ནང་གཟིགས་བཞིན་འདུག་པ་ཡ་མཚན་རེད། ངོ་མ་ཁྱེད་ཚོ་ཞབས་འདྲེན་ཞུས་པ་ལས་དགོངས་པ་ཞུ་ན་ཡག་ག་ ང་ཚོ་གཞོན་སྐྱེས་རྣམས་ཀྱི་ཁྱེད་ཚོ་ལས་དྲག་ཙམ་ཞིག་བྱེད་ཐུབ་པའི་རེ་བ་དང་ཡིད་ཆེས་ཡོད།

ཁོང་ནི་དབུས་གཙང་མི་མང་གི་སྤྱི་འཐུས་སུ་བདམས་པ་ཞིག་ཡིན་ཀྱང་།
བཀུར་འོས་སྤྱི་འཐུས་མཆོག་གི་ཁ་སྔོན་གྱི་བཀའ་མོལ་གནང་སྟངས་ལ་བལྟས་ན།
ཁོང་གིས་ང་དབུས་གཙང་མི་མང་གིས་བདམས་པ་མ་རེད། མངའ་རིས་མི་མང་གིས་བདམས་པ་རེད་མདོག་མདོག་གསུངས་པ་དེ་ནི་བོད་མི་ནང་ཁུལ་ཁ་བྲལ་གཏོང་བྱེད་ཚིག་ལྟ་བུར་གྱུར་མི་འདུག་གམ། ཁོང་གིས་བཀའ་མོལ་དེ་ལྟར་གནང་ན།
དབུས་གཙང་མི་མང་གི་རྣ་བར་མི་འགྲོ་བ་ཙམ་མ་ཟད། མདོ་དབུས་ཁམས་གསུམ་གྱི་བོད་མི་ཚོའི་རྣ་བར་ཡང་འགྲོ་གི་མ་རེད་སྙམ།
གང་ལྟར། ཆོལ་ཁ་གསུམ་གྱི་སྤྱི་འཐུས་སུ་ཡིན་རུང་། སྤྱི་འཐུས་ཀྱི་ཞབས་སྟེགས་སུ་སླེབས་ཕྱིན་ཆད། ཆོལ་ཁ་དེ་དང་དེའི་མི་མང་གི་བདམས་པ་ཞིག་དངོས་བདེན་ཡིན་ཀྱང་། ལས་དོན་གནང་སྐབས། བོད་མི་རྩམ་གཟན་ཡོངས་ཀྱི་སྤྱི་མི་ཞིག་ཡིན་པའི་ཀུན་སློང་གི་ཐོག་ནས་ཕྱག་ལས་གནང་དགོས་པ་ཞིག་ལས། ངའི་ཆོལ་ཁ། ཁྱོད་ཀྱི་ཆོལ་ཁ། ཁོའི་ཆོལ་ཁ་ལྟ་བུའི་ལྐུགས་པའི་ཞེན་ཁོག་ལ་འཐམས་བསྡད་ན་ང་ཚོ་མི་མང་གི་བདེ་སྡུག་སྒྲུབ་མཁན་ཞིག་ཏུ་མ་འགྱུར་བར། མི་མང་གི་ཁུར་པོ་ཞིག་ཏུ་འགྱུར་ཉེན་ཡོད།།

༡ ཀརྨ་ཆོས་འཕེལ་གྱིས་དབུས་གཙང་ཆོལ་ཁའི་ཐ་སྙད་འཁྱེར་བ་ཙམ་གྱིས་དབུས་གཙང་ཆོལ་ཁ་སྤྱིའི་ཚབ་ནམ་ཡང་མཚོན་མི་ཐུབ་པར་བཤད་པ་འདི་དངོས་ཡོད་རང་རེད། ང་ཚོའི་སྤྱི་འཐུས་རྣམ་པའི་ནང་ཆོལ་ཁ་དང་ཆོས་རྒྱུད་བྱེ་བྲག་པའི་མཚན་གནས་རྗེས་འབྲེལ་གྱིས་གྲོས་ཚོགས་སུ་ཕེབས་ནས་ཆོལ་ཁ་དང་ཆོས་རྒྱུད་དེ་དང་དེའི་མི་མང་གི་བསམ་འདུན་དང་འབྲེལ་བ་མེད་པར་རང་སྒེར་གྱི་ལྟ་སྤྱོད་དབང་བཙན་པར་བྱས་ཏེ་དོན་མེད་ཀྱི་རྙོག་དྲ་དང་སྤྱི་དོན་འཐུས་ཤོར་ལ་གཏོང་མཁན་གྱི་རིགས་ཤིག་ཡོད། དེ་ནི་གོང་དུ་ཀརྨ་ཆོས་འཕེལ་གྱིས་ཆོལ་ཁའི་ཐ་སྙད་འཁྱེར་བ་ཙམ་གྱིས་ཆོལ་ཁ་དེའི་ཚབ་མཚོན་མི་ནུས་པར་བཤད་པའི་སྤྱི་འཐུས་དེ་ཚོའི་མཚན་གཞི་རེད།
འོན་ཀྱང་ཀརྨ་ཆོས་འཕེལ་གྱི་ཞེ་འདོད་ནི་ངས་བཤད་པ་འདི་ནང་བཞིན་ཞིག་མ་རེད། ཁོ་པའི་བཤད་སྟངས་དང་བསམ་སྟངས་ལྟར་བྱས་ན་དེ་སྔོན་ཁོ་པས་དབུས་གཙང་དང་མངའ་རིས་གཉིས་ཆོལ་ཁ་ལོགས་ཀ་ཞིག་ཡིན་པ་ལྟ་བུའམ་ཡང་ན་མངའ་རིས་དབུས་གཙང་གི་ཁོངས་སུ་མི་གཏོགས་པའི་ལྟ་བུའི་གནས་སྟངས་ཤིག་བཤད་མྱོང་བ་དེ་ཡང་བསྐྱར་ནན་ཏན་གྱིས་སྟོན་འདོད་པ་དེ་རེད། ཁོ་པར་གནད་དོན་འདིའི་ཐད་ཁུངས་འཕེར་དང་རྒྱུ་མཚན། སྤྱི་ཚོགས་སྤྱིའི་ངོས་འཛིན་གྱི་རྒྱབ་སྐྱོར་བཅས་ཅི་ཡང་སྟོན་དུ་མེད་ཀྱང་སྐད་ཆ་འདི་འདྲ་ཞིག་མ་བཤད་ན་རང་གི་རྐུབ་སྟེགས་དང་མིང་གྲགས་ཀྱི་གནད་དོན་དང་འབྲེལ་བ་ཆགས་ཀྱི་ཡོད་སྟབས་ཁོ་པའི་སྐད་ཆ་འདི་སྤྱི་ཚོགས་ནང་འགྲོ་རྒྱུག་ཡོང་མིན་ལ་མི་ལྟོས་པར་ཚོད་ལྟ་ཐེངས་ཤིག་བྱས་པ་རེད། འོན་ཀྱང་དེ་སྔོན་ཁོ་པས་བཤད་མྱོང་བའི་སྐད་ཆ་དེར་ཆ་འཇོག་བྱེད་མཁན་ཞིག་མ་བྱུང་བའི་ཐོག་སྔོ་ལོའི་རྒྱལ་མཚན་འཕྱར་རྒྱུའི་མངོན་རྟགས་ཤིག་གསལ་པོར་ཐོན་སྟབས་ད་ལན་སྐད་ཆའི་ནང་དོན་དེ་རང་ཡིན་པ་ལ་བཤད་འགྲོས་ལ་མཉེན་ཆ་ཅུང་ཟད་སྟོན་རྒྱུའི་འབད་རྩོལ་བྱས་ཡོད།

༢སྐྱེ་བོ་སུ་འདྲ་ཞིག་ཡིན་རུང་དབུས་པ་དང་། གཙང་པ། སྟོད་པ་དང་། མངའ་རིས་སོགས་དབུས་གཙང་ཆོལ་ཁའི་ཁོངས་གཏོགས་ཀྱི་ས་ཁུལ་བྱེ་བྲག་པ་དང་ཚོགས་སྡེ་བྱེ་བྲག་པ་ཇི་འདྲ་ཞིག་ནས་ལྟག་སྒོ་དང་དྲང་ལམ་གང་རུང་བརྒྱུད་དེ་དབུས་གཙང་ཆོལ་ཁའི་འཐུས་མི་བཅུའི་གྲས་སུ་འདེམས་ཐོན་བྱུང་བ་ཡིན་ན་ཁོ་པའམ་ཁོ་མོ་དབུས་གཙང་སྤྱི་འཐུས་ཡིན་པའི་ལྡོག་ཆ་ནས་ངོས་འཛིན་བྱེད་དགོས་པ་དང་། ཁོ་པའམ་ཁོ་མོའི་ངོས་ནས་ཀྱང་རང་ཉིད་དབུས་གཙང་སྤྱི་འཐུས་ཡིན་པའི་ལྡོག་ཆའི་ངོས་ནས་གྲོས་ཚོགས་ནང་འགྲེངས་དགོས་ངེས་ཡིན། ད་དུང་ཁོ་པའམ་ཁོ་མོར་མངའ་རིས་ཀྱི་ཡུལ་མིས་འོས་ཤོག་འཕངས་ཤིང་མངའ་རིས་ལས་གཞན་པའི་དབུས་གཙང་ཆོལ་ཁའི་ས་ཁུལ་གཞན་གྱི་ཡུལ་མི་གཅིག་གིས་ཀྱང་འོས་ཤོག་འཕངས་པ་བྱུང་མེད་པའི་དབང་དུ་བཏང་ཡང་ཁོ་པའམ་ཁོ་མོར་དབུས་གཙང་སྤྱི་འཐུས་ཞེས་མིང་འབོད་བྱེད་པ་ལས་མངའ་རིས་སྤྱི་འཐུས་ཞེས་མིང་འབོད་དང་ངོས་འཛིན་བྱེད་སྲོལ་མེད། འོན་ཀྱང་ཀརྨ་ཆོས་འཕེལ་གྱིས་ད་དུང་ཡང་གནད་དོན་འདིའི་ཐད་ནན་ཏན་གྱིས་བསྙོན་འདིང་བྱེད་ཀྱིན་འདུག

༣ཀརྨ་ཆོས་འཕེལ་གྱིས་དྲི་བ་བཞི་བཏང་ཡོད་པའི་ནང་ནས་ངེས་པར་དུ་ལན་འདེབས་དང་ཁུངས་སྐྱེལ་བྱེད་དགོས་པའི་དྲི་བ་གཅིག་ནི་[གོང་གསལ་བཅའ་ཁྲིམས་དགོངས་དོན་ཕྲན་དབུས་གཙང་ཆོལ་ཁའི་མི་མང་གི་མང་མོས་མེད་པ་ར་འཕྲོད་པའི་གནས་ཚུལ་ཐབས་ལམ་གང་གིས་བརྒྱུད་གནང་ཡོད་དམ།?]ཅེས་པ་འདི་ཡིན། ད་ལན་དབུས་གཙང་ཆོལ་ཁའི་འགན་འཛིན་ལྷན་ཚོགས་ནས་ཟུར་རྒྱན་གྲོས་ཆོད་བཞག་པ་ལྟར་སྤྱི་འཐུས་འདི་པར་དོན་དམ་དབུས་གཙང་ཆོལ་ཁའི་མི་མང་རྣམ་པས་འདོད་མོས་ཡོད་མིན་གྱི་རྣམ་འགྱུར་ཇི་འདྲ་ཞིག་སྟོན་མིན་ཐད་རྟོག་ཞིབ་འཐུས་གཙང་ཞིག་ངེས་པར་དུ་བྱེད་དགོས་ངེས་ཡིན། གལ་ཏེ་རྟོག་ཞིབ་ཀྱི་བརྒྱུད་རིམ་ཁྲོད་ནས་མི་མང་གི་བརྒྱ་ཆ་མང་ཤོས་ཀྱིས་ཁོ་པས་མུ་མཐུད་སྤྱི་འཐུས་ཀྱི་ལས་དོན་བསྒྲུབ་རྒྱུར་འདོད་མོས་མེད་པ་ཤེས་རྟོགས་བྱུང་ཚེ་ལས་གནས་ནས་ཕེབས་བསྐྱེལ་ཞུ་བའི་ལས་དོན་ལག་བསྟར་བྱེད་དགོས་པ་རེད། གལ་ཏེ་སྟབས་ཉེས་ནས་ཕེབས་བསྐྱེལ་ཞུ་དགོས་མ་ཆགས་ཀྱང་དབུས་གཙང་ཆོལ་ཁའི་འགན་འཛིན་ལྷན་ཚོགས་ཀྱི་ཟུར་བརྒྱན་དེས་མང་གཙོའི་སྤྱི་ཚོགས་ནང་མིག་དཔེ་བལྟ་འོས་ཀྱི་ལས་དོན་ཞིག་བསྒྲུབས་པར་ངོས་འཛིན་བྱེད་ཆོག་པ་རེད། བརྒྱུད་རིམ་འདིའི་ཁྲོད་ནས་མི་མང་གི་འགན་དབང་ལ་ནུས་ཤུགས་ཇི་ཙམ་ཡོད་པ་དང་དེར་གལ་གནད་ཇི་ཙམ་བརྩི་དགོས་མིན་སོགས་སྤྱི་ཚོགས་ནང་མང་གཙོའི་ལམ་སྲོལ་དང་གོམས་གཤིས་དར་སྤེལ་ཐད་ཤུགས་རྐྱེན་ངེས་ཅན་ཞིག་འཐོན་ཐུབ་རྒྱུ་དང་ མ་མཐའ་ཡང་ང་ཚོའི་སྤྱི་འཐུས་རྣམ་པས་་གྲོས་ཚོགས་ནང་སྨྱོ་འཆམ་གང་བྱུང་དུ་བརྒྱག་རྒྱུར་འཛེམས་ཟོན་ཅུང་ཞིག་བྱེད་དགོས་ཆགས་ངེས་ཡིན།
 

དབུས་གཙང་རྒྱུས་ལབ་ཟེར་བ་ དེའི་ག་རེ་བཤད་་གྱི་ཡོད་རེད་
་་་་་་་་་་་་བོད་བཙན་བྱོལ་གཞུང་འདི་ནི་འདས་པའི་ དུས་སུ་བྱུང་མྱོང་བའི་བོད་སྡེ་པ་གཞུང་མ་རེད་ལ་་་་་་་་་་་
སྐུ་ངོས་ལགས་ཟེར་ མཁན་འགའ་རེའི་ག་རེ་བྱེད་བྱེད་ཡང་མ་རེད་་་་་་་ཚད་ལྡན་གྱི་གཞུང་འདི་ལ་གྲོས་འཆར་ག་རེད་ཡོད་ན་བརྩོདརྙོག་བཟོ་འདོད་ཡིན་པ་དངོས་གནས་རེད་་་་གོ་སྐབས་འདི་འདྲ་ཞིག་བཟུང་ནས་མངའ་རེའི་སྤྱི་མཐུན་ཚོགས་པ་དེ་དབུས་གཙང་རྒྱན་ལས་ཀྱི་རང་བདག་བྱེད་འདོད་པ་ཡིན་ནམ་་་་་་་གཞན་བོད་གཞུང་གི་རྩ་ཁྲིམས་དང་སྒྲིགས་གཞི་གང་དང་ཡང་མགལ་མེད་ལ་རང་གི་འོས་འགན་སྤྱི་མཐུས་ཚོགས་གཙོ་སོགས་གནང་ཏེ་བོད་རིགས་མི་མང་ལ་ལྷག་བསམ་རྣམས་དག་གྱི་ཕྱགས་ལས་གནང་བ་དང་དང་རྒྱ་ནག་སྲིད་གཞུང་གི་སྐྱོན་བརྗོད་ཁྲོད་ནས་དོན་ངོ་མ་དབུས་གཙང་རྒྱུན་ ལས་ཟེར་མཁན་ཁྱེད་འཚོའི་མངའ་རི་དབུས་གཙངམཆོ་ཁའི་ཁོངས་སུ་འདོད་ན་ཁོངལ་སེམས་གཏེང་ནས་དགོངས་སལ་ཞུ་དགོས་ཞིག་རེད་་་་་་་་་་་་དེ་མིན་མངའ་རི་མི་ཞིག་ལ་ཐེས་ཇུས་དེ་འདྲ་གནང་བ་ནི་ཧམ་པ་ཆེ་གྲག་པ་རང་རེད་་་་་་་ད་དུང་འདི་ནི་ཉིན་ འཆར་རྒྱ་ནག་གི་རྒྱ་གར་ས་མཚམ་ལ་ས་རྟགས་རྒྱབས་པ་དང་གཅིག་མ་རེད་པས་་་་་་་་་ངོ་མ་་་་ ཧམ་པ་ལ་་་་་་་་་་

རྒྱ་ཆེའི་ཀློག་པ་པོ་ལགས། ངས་བསམ་པར་སྤྱི་མཐུས་ཀརྨ་ཆོས་འཕེལ་ལགས་ཀྱིས་མཇུག་མཐའི་སྐད་ཆ་དེ་ནི་དཀྲུག་ཤིང་གི་རྒྱུུ་ཞིག་ཡིན་པ་དང་། དེ་ནི་དེ་སྔོན་ང་ཚོའི་སྤྱི་ཚོགས་ནང་དར་ཁྱབ་འགྲོ་མེད་པའི་གནད་དོན་ཞིག་པ་མ་ཟད། སྤྱི་ཚོགས་ཀྱི་ཁྲོད་དུ་མི་མང་པོའེ་ཐ་ན་བསམ་མྱོང་མེད་པའི་གནད་དོན་ཞིག་རེད། ད་ཐེངས་ཁོང་གིས་འདི་ལྟར་རང་ཉིད་ཀྱི་ཁས་ཕན་དང་རང་ཉིད་ཀྱི་གང་གནང་པ་དེ་ལ་ཁོངས་བཅོས་གཞིར་འཛིན་གྱི་ཆེད་དུ་འདི་ལྟར་སྤྱི་ཚོགས་ནང་རྩོད་གླེང་གསར་པ་ཞིག་བསླངས་པ་ནི། དངོས་གནས་སྤྱི་མཐུས་ཤིག་གིས་བྱེད་མི་འོས་པ་ཞིག་རེད་ལ། ང་ཚོ་སྤུན་ཟླ་ཚོས་ཀྱང་ངེས་པར་ཏུ་འདིའི་རིགས་ལ་བརྡར་བསྐྱལ་ཡག་པོ་བྱེད་དགོས་པ་ཞིག་རེད་སྙམ།