བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་བཙན་བྱོལ་སྤྱི་ཚོགས་ནང་རྩོམ་རིག་འགྲན་བསྡུར་དང་སློབ་ཡོན་རོགས་སྐྱོར། རིགས་གཅིག་རྐང་འཛིན་གསོ་སྐྱོང་དང་། བོད་རང་བཙན་གྱི་སྙིང་སྟོབས་སླར་གསོ། དོལ་རྒྱལ་ཚོགས་པར་ཁ་གཏད་གཅོག་རྒྱུ་དང་། ༢༠༡༡ ལོའི་བཀའ་ཁྲི་དང་སྤྱི་འཐུས་གཉིས་ཀྱི་ཐད་མི་དམངས་ལ་གོ་རྟོགས་སྤེལ་རྒྱུ་བཅས་ཀྱི་ལས་གཞི་མང་པོ་གྲ་སྒྲིག་ཡོད་སྟབས། མི་དམངས་ཚོས་སྔར་ལྷག་རོགས་འདེགས་གནང་རོགས་ཟེར།
ཕྱི་ཚེས་ ༧ ཉིན་བཞུགས་སྒར་བོད་གཞུང་ཟློས་གར་ཚོགས་པའི་སྤོ་ལོ་རྩེད་ཐང་དུ་བོད་ཀྱི་གཞོན་ནུ་ལྷན་ཚོགས་དབུ་བརྙེས་ཏེ་ལོ་ངོ་ ༤༠ འཁོར་བའི་དུས་དྲན་མཛད་སྒོ་གཟབ་རྒྱས་ངང་སྲུང་གཙི་བྱས་ཡོད་ལ། མཛད་སྒོའི་སྐུ་མགྲོན་གཙོ་བོར་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་དང་། གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་དང་བཞུགས་སྒར་ཁུལ་གྱི་མི་དམངས་བཅས་འདུ་འཛོམས་བྱུང་ཡོད། མཛད་སྒོའི་ཐོག་མར་སྐུ་མགྲོན་ཡོངས་ནས་སྐུ་གཤེགས་རྒྱལ་གཅེས་དཔའ་བོ་དཔའ་མོ་ཚོར་མྱ་ངན་གུས་འདུད་སྐར་མ་གཅིག་རིང་བྱས་རྗེས་བོད་གཞུང་ཟློས་གར་ཚོགས་པས་གཞོན་ནུའི་མཐུན་གཞས་གདངས་དབྱངས་སུ་གྱེར་ཅིང་། སྐུ་མགྲོན་གཙོ་བོ་མཆོག་གིས་རྒྱུན་ལས་གསར་རྙིང་བརྗེ་ལེན་གྱི་བྱ་དགའ་གསོལ་རས་བསྩལ་ཡོད།
སྐབས་དེར་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་མཆོག་གིས་གཞོན་ནུ་ལྷན་ཚོགས་ཀྱི་གསུང་འཕྲིན་སྒྲོག་སྦྱོང་གནང་བའི་སྙིང་དོན་གནད་བསྡུས། ལོ་ངོ་བཞི་བཅུའི་སྒྲིག་འཛུགས་ཀྱི་ལོ་རྒྱུས་ལ་ཕྱིར་མིག་བལྟ་སྐབས། གོ་སྐབས་དང་ནུས་ཤུགས་བཀོལ་སྤྱོད་དམ་འཛིན་མ་ཐུབ་པའི་ཞན་སྐྱོན་ཡང་བྱུང་ཡོད་སྲིད་ཀྱང༌། ༧གོང་ས་མཆོག་གི་ཐུགས་རྗེའི་བྱིན་རླབས་དང༌། བཙན་བྱོལ་བོད་གཞུང་གི་མང་གཙོ་འཕེལ་རིམ་གྱི་ཁོར་ཡུག་ཁྲོད། ད་ལྟའི་ཆར་རྒྱལ་ཁབ་ ༡༢ ནང་ས་གནས་ཡན་ལག ༨༥ ཙམ་དང༌། ཚོགས་མི་ ༣༥༠༠༠ ལྷག་ཡོད་ཅིང༌། དབུས་སའི་རྒྱུན་ལས་དང་ཚོགས་མི་ཚོས་བདེན་དོན་གྱི་རྒྱལ་ཁ་དང་འགན་འཁུར་རང་བཞིན་གྱི་འབད་བརྩོན་དང་ཆོད་སེམས་རྒྱུན་མཐུད་པར་བརྟེན། ད་བར་ལྷན་ཚོགས་འདིའི་ངོས་ནས་བོད་རང་བཙན་སླར་གསོ་དང༌། གཞུང་མང་བཀུར་སྐྱོང༌། ཐུན་མིན་ཆོས་རིག་སྲུང་འཛིན་དར་སྤེལ། སྤྱི་ཚོགས་ཞབས་ཞུ། མང་གཙོ་མདུན་སྐྱོད། བོད་མིའི་ཆིག་སྒྲིལ་དང་རྒྱལ་ཞེན་གྱི་སྙིང་སྟོབས་གོང་སྤེལ་སོགས་ཀྱི་ཐད། འགན་འཁུར་མི་དམན་པ་བསྒྲུབས་དང་སྒྲུབ་མུས་ལགས། ཅེས་དང་།
རྩམ་གཟན་བོད་རིགས་ཡོངས་ལ་དེ་རིང་གནད་དོན་གཅིག་སླར་ཡང་དྲན་སྐུལ་ནན་པོར་ཞུ་རྒྱུར། དགྲ་བོ་རྒྱ་ནག་གཞུང་གིས་སྔ་བར་ཕྱི་གསུམ་དུ་ཡར་རྒྱས་དང༌། རོགས་སྐྱོར། བཅིངས་འགྲོལ་ཟེར་བ་སོགས་ཀྱི་འབོད་ཚིག་རྫུན་མའི་འོག བོད་ཀྱི་ངོ་བོ་འཚོ་གནས་དང་བཅས་པ་རྩ་མེད་བཟོ་རྒྱུའི་ངན་འཆར་ལ་འགྱུར་བ་མེད་པ་མ་ཟད། མི་སེར་སྤེལ་བའི་སྲིད་ཇུས་འོག་ད་ཆ་བོད་གོར་མོ་ནས་ལྷ་ས་བར་མེ་འཁོར་ལྕགས་ལམ་ཤར་གཏོང་ཟིན་པ་དང༌། ད་དུང་ཁྲིན་ཏུ་ནས་དར་རྩེ་མདོ་དང༌། དར་མདོ་ནས་ལི་ཐང་དང་མཛོ་སྒང༌། ལྷ་ས་ནས་གཞིས་ཀ་རྩེ་དང༌། ཉིང་ཁྲི། གཞིས་རྩེ་ནས་གྲོ་མོ་བར་བཅས་ལ་མེ་འཁོར་ལྕགས་ལམ་ཤར་གཏོང་བྱ་གཏན་འཁེལ་ཟིན་ཡོད་ཅིང༌། དེ་དག་བརྒྱུད་རྒྱ་ནག་ནས་བོད་དུ་རྒྱ་མི་རིགས་སྤོ་ཤུགས་ཇེ་མགྱོགས་སུ་བཏང་སྟེ། བོད་མི་རིགས་དང་བོད་ཀྱི་འཚོ་གནས་ལ་ཉེན་ཁ་བཟོ་བ་དང༌། བོད་ནས་གཏེར་ཁ་རིགས་རྒྱ་ནག་ཏུ་དབོར་འཁྱེར་སོགས། ད་ཆ་ཁྱོན་ཡོངས་ནས་བོད་ཡུལ་རྒྱ་ཡུལ་དུ་སྒྱུར་བའི་ཚད་གཞི་མཐོ་ཤོས་ཀྱི་དུས་རིམ་དུ་སླེབས་ཡོད་པས། ང་ཚོ་ཚང་མས་དེར་སྔར་བས་ཛ་དྲག་གི་སེམས་ཚོར་དང་གདོང་ལེན་གྱིས་རྒྱལ་སྤྱིའི་སྟེང་རྒྱ་ནག་གི་ངན་ཇུས་གསལ་སྟོན་ཐོག ༧གོང་ས་མཆོག་དང་རང་གཞུང་ལ་བླ་མེད་ཀྱི་གོང་བཀུར་གསལ་སྟོན། ཤ་རུས་དམིགས་འདུན་གཅིག་པའི་བོད་རིགས་ཕན་ཚུན་བར་ཆིག་སྒྲིལ་དང་ལྟ་སྐྱོང་རོགས་ཕན། ཞིང་འབྲོག་གི་འཚོ་ཐབས་དང་རང་ས་རྒྱུན་འཛིན་གཅེས་ཉར་གྱིས་རང་འཚོ་ཐུབ་པའི་གོ་སྐབས་དང་གནས་བབ་རྩོད་ལེན་དགོས་རྒྱུ་ནི། བོད་ཤི་གསོན་གྱི་འགག་མཚམས་ནས་གསོན་པོར་གནས་པའི་ཐབས་ལམ་ཉག་གཅིག་དང༌། ཁྲིམས་མཐུན་གྱི་ཐོབ་ཐང་ཡང་ཡིན། ཅེས་གསུངས་བྱུང་།
ཁོང་གིས་གཞོན་ལྷན་གྱི་ལས་འཆར་ཁག་ཅིག་ངོ་སྤྲོད་གནང་དོན། དེ་བཞིན་འདི་ལོར་འགན་ལྷན་ཐེངས་ ༤༠ པའི་གྲོས་ཆོད་བཞིན། གཞོན་ལྷན་ནས་བོད་ཡིག་ཐོག་རྩོམ་བྲིས་འགྲན་སྡུར་དང༌། ས་གནས་ཁག་ཏུ་བོད་ཡིག་ཟུར་འཁྲིད། རིགས་གཅིག་རྐང་འཛིན་པར་སློབ་ཡོན་འབུལ་རྒྱུ། བོད་རང་བཙན་སླར་གསོའི་སྙིང་སྟོབས་གོང་སྤེལ། རྒྱལ་སྤྱིའི་ཐོག་བོད་རང་བཙན་ཁུངས་སྐྱེལ་གྱི་ཡིག་ཆ་འགྲེམས་སྤེལ། སྔར་ལྷག་སྤྱི་ཚོགས་ཞབས་ཞུའི་ལས་དོན་རྒྱ་སྐྱེད། ནུབ་ཕྱོགས་ཤུགས་ལྡན་ཚོགས་པ་ཟེར་བའི་དྲ་རྒྱའི་གཙོས་དོལ་རྒྱལ་ཚོགས་པའི་ཡིག་ཆ་ཁག་ལ་ལན་འདེབས། བོད་ནང་རྒྱལ་གཅེས་ཆོས་གཅེས་ཟེར་བ་དང་མི་སེར་སྤེལ་བའི་སྲིད་ཇུས་ལ་ངོ་རྒོལ། ཕྱི་ལོ་ ༢༠༡༡ ལོའི་བཀའ་བློན་ཁྲི་པ་དང༌། སྐབས་བཅོ་ལྔ་པའི་སྤྱི་འཐུས་ཚད་ལྡན་འོས་འདེམས་ཡོང་བར་རྒྱ་ཁྱབ་ཀྱི་གོ་རྟོགས་ལས་འགུལ། དེ་མཚུངས་ས་གནས་མི་འབོར་ལ་གཞིགས་པའི་བོད་མི་མང་སྤྱི་འཐུས་དྲག་འདེམས་དང་ས་གནས་མགོ་འཛིན་ས་གནས་མི་མང་གིས་འོས་འདེམས་ཡོང་ཐབས་སོགས་བཙན་བྱོལ་བོད་མིའི་མང་གཙོ་གོང་སྤེལ་སོགས་གྲོས་ཆོད་བཞག་པ་བཞིན། གྲོས་ཆོད་ལག་བསྟར་དོན་འཁྱོལ་ཡོང་བར་ལས་འགུལ་སྣ་མང་བརྩམ་རྒྱུ་ཡིན་ཞིང༌། ད་བར་སྒྲིག་འཛུགས་འདིས་རླབས་ཆེན་གྱི་ལས་དོན་མང་པོ་ཞིག་བསྒྲུབས་ཐུབ་པ་ནི། རང་རིགས་གཞིས་བྱེས་རྒྱ་ཆེའི་མང་ཚོགས་ཀྱི་ཡིད་ཆེས་དང་རྒྱབ་སྐྱོར་ལ་བརྟེན་ནས་བྱུང་བ་ལགས་ཤིང༌། མ་འོངས་པར་ཡང་གོང་གསལ་ལས་འགུལ་ཁག་གི་ཐད་རྒྱ་ཆེའི་མང་ཚོགས་ནས་སྔར་ལྷག་ཆ་ཤས་ལེན་གནང་ཡོང་བའི་རེ་སྐུལ་ཡང་ཞུ་རྒྱུ་ཡིན།
དེའི་རྗེས་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གིས་གསུང་བཤད་གནང་དོན། བར་ལམ་ཞིག་ནས་ང་ཚོའི་སྤྱི་ཚོགས་ནང་། རང་བཙན་དང་དབུ་མའི་ལམ་གྱི་ཐོག་ལ་རྩོད་གླེང་མང་པོ་ཡོང་གིན་འདུག ང་ཚོས་རང་བཙན་རྩོད་དགོས་ན་འདྲ་ལ། དབུ་མའི་ལམ་གྱི་ཐོག་ནས་བོད་ཀྱི་བདེན་མཐའ་གསལ་དགོས་ནའང་འདྲ། དངོས་སུ་ལས་ཀ་བྱ་དགོས་པ་ཞིག་རེད་མ་གཏོགས་ནང་ཁུལ་ལ་རྩོད་པ་བརྒྱབས་བསྡད་ན་དགྲ་ལ་ཁ་བཏད་སུས་གཅོག་དགོས་པ་རེད། རང་བཙན་དང་དབུ་མ་གཉིས་ཀར་སོ་སོའི་དགྲ་ངོ་འཕྲོད་དགོས་པ་རེད། བོད་ཀྱི་གཞོན་ནུ་ལྷན་ཚོགས་ལ་མཚོན་ན། རང་བཙན་གྱི་ལངས་ཕྱོགས་གསལ་བོར་བཟུང་ཡོད། ངར་མཚོན་ན། ད་ལྟའི་ཆར་སྤྱི་འཐུས་ལྷན་ཚོགས་ནང་མི་དམངས་ཀྱིས་འོས་བདམས་བྱས་ཤིང་། ཚོགས་གཙོ་གཞོན་པའི་འགན་ཞིག་ཀྱང་འཁུར་ཡོད། དབུ་མའི་ལམ་ལ་ཡིད་ཆེས་བརྟན་པོ་དང་ནུས་པ་གང་ཡོད་འདོན་མཁན་ཞིག་ཆགས་ཡོད། འོན་ཀྱང་། གཞོན་ནུ་ལྷན་ཚོགས་ཀྱིས་རང་བཙན་བརྩད་པ་མི་འགྲིག་པ་ཞིག་ལ་རྩ་བ་ནས་མཐོང་གི་མེད། དེ་བཞིན། གཞོན་ནུ་ལྷན་ཚོགས་ཀྱིས་ཀྱང་གཞུང་གི་ལངས་ཕྱོགས་འགྲིག་དང་མི་འགྲིག་གསུང་རྒྱུ་ཉུང་དུ་བཏང་སྟེ། རང་གི་ནུས་པ་མང་དུ་བཏོན་ན། དམངས་གཙོའི་གཞུང་ལ་འགྱུར་བ་འགྲོ་མི་སྲིད་པ་མ་རེད། ཅེས་དང་།
ངས་བོད་ཀྱི་གཞོན་ནུ་ལྷན་ཚོགས་ལ་འབོད་སྐུལ་ཞུ་རྒྱུ་ཞིག་ལ། ང་ཚོའི་ནུས་པ་ཆེ་ཤོས་དེ་བོད་ནང་གི་བོད་མི་ཚོའི་སྙིང་སྟོབས་ཡིན་པ་ངོས་ཟིན་ཐོག བོད་ནང་ལ་འབྲེལ་བ་ཤུགས་ཆེ་རུ་གཏོང་རྒྱུ་གལ་ཆེན་པོ་རེད། དེ་བཞིན། རྒྱ་གར་ལ་གསར་དུ་འབྱོར་རིགས་ཚོར་ཡང་འབྲེལ་བ་ཤུགས་ཆེ་རུ་གཏོང་དགོས། གང་ཡིན་ཟེར་ན། རྒྱ་གཞུང་སྐྲག་ས་༧གོང་ས་མཆོག་དང་། བོད་ནང་ལ་ཟིང་འཁྲུག་ལངས་རྒྱུ་དེ་རེད། བོད་མི་ས་ཡ་དྲུག་ཟེར་དུས་བོད་མི་མང་ཤོས་བོད་ནང་ཡོད། མང་ཕྱོགས་ཀྱིས་རྒྱ་ནག་ལ་ཁ་གཏད་བཅག་ན་རང་བཞིན་གྱིས་ནུས་ཤུགས་ཆེན་པོ་ཡོད། ཉེ་ལམ་ང་རང་བོད་ནས་ཕེབས་པའི་ཆབ་སྲིད་ཕྱག་ལས་གནང་མཁན་འགའ་རེར་ཐུག་མྱོང་། ཁ་ཤས་ཀྱིས་བློ་ཕམ་གནང་གིན་འདུག བོད་ནང་ཟ་རྒྱ་འཐུང་རྒྱུ་མ་རག་པར་ཡོང་བ་མིན། ཕ་མ་གཉེན་ཉེ་དང་ནང་མི་བུ་ཕྲུག་བཞག་སྟེ་ཡོང་དོན། ཆབ་སྲིད་ཀྱི་གནད་འགག་ཅིག་གི་ཐོག་ནས་ཡོང་བ་ཡིན། འོན་ཀྱང་། འདིར་སླེབས་རྗེས་སོ་སོའི་སྙིང་སྟོབས་དང་ལྷག་བསམ་བེད་སྤྱོད་གཏོང་ས་མི་འདུག ཅེས་རྗོད་ཀྱིན་འདུག དེའི་ཐད་འདིར་ཕེབས་པའི་གཞུང་འབྲེལ་མིན་པའི་ཚོགས་པ་ཚང་མས་ཐུགས་སྣང་གནང་དགོས་པ་རེད། ཅེས་གསུངས་སོང་།
དེའི་རྗེས་བོད་གཞུང་ཟློས་གར་དང་སུ་ཇཱ་སློབ་གྲྭ་གཉིས་ཀྱི་བུ་མོའི་སྤོ་ལོའི་རུ་ཁག་དང་། ཤེས་རབ་དགའ་ཚལ་སློབ་གླིང་དང་གྷོལ་པ་པུར་གཉིས་ཀྱི་བུའི་སྤོ་ལོ་རུ་ཁག་བཅས་ནས་ལག་རྩེད་སྤོ་ལོའི་མཐའ་མའི་སྟེང་རྩོད་འགྲན་བསྡུར་བྱས་ཏེ། བུ་མོའི་རུ་ཁག་གཉིས་ལས་སུ་ཇཱ་སློབ་གྲྭར་ཐོབ་ཡོད་ལ། བུའི་རུ་ཁག་གཉིས་ཀྱི་འགྲན་བསྡུར་འདྲ་མཉམ་ཆགས་ཏེ། རྒྱལ་ཕམ་གྱི་གསལ་ཁ་ཕྱེས་མ་ཐུབ་པར་མཚམས་འཇོག་བྱ་དགོས་བྱུང་ཡོད།
གཞོན་ནི་ལྷན་ཚོགས་ཀྱི་གྲོས་ཆོད་ལ་དགའ་གསུ་ཞུ་བ་དང་གྲོས་ཆོད་འདི་གཞིན་ལམ་སློང་ཡོང་བའི་རེ་བ་ཡོད།
རི་ཁག་ཅེས་པ་རུ་ཁག་དང་གཞན་འཛིན་ཞེས་པ་འགན་འཛིན་ལ་བཅོས་བཅོས་རོགས་ཞུ།
ཨོ་རེད། སྒེར་དོན་ཞིག་གི་ཆེད་དུ་དུས་བབས་ཟིན་བྲིས་སུ་རྒྱུན་རིང་བོ་ཞིག་ལ་ཞུགས་ཐུབ་མ་སོང་། ཡིན་ནའང་ཉེ་སྔོན་ཤེས་རབ་དགའ་ཚལ་སློབ་གྲྭ་དང་གོ་པལ་པུར་སློབ་གྲྭའི་རི་ཁག་གཉིས་ཀྱི་མཐའ་མའི་འགྲན་བསྡུར་བྱས་ལ། བལྟན་མོ་བ་ཡོང་ལ་ཚ་ཚ་འུར་འུར་བཟོས་སོང་། སྤྱིར་བདག་ལ་མཚོན་ན་རུ་ཁག་དེ་གཉིས་གང་ཐོབ་ན་ཞེན་ཁོག་མེད་མོད། ཤན་འབྱེད་པའི་ཕྱོགས་ནས་བསམ་ཚུལ་ཞིག་བཤད་ན་བསམ་སོང་། ཨོ་རེད། རྗེས་མ་ངེད་ཚང་གི་རྩེད་མོ་གང་ཞིག་རྩེ་སྐབས་ཤན་འབྱེད་པ་ཕྱིར་ལོག་གི་མི་སྣ་ཞིག་སྐད་བཏང་ན་སྟབས་བདེ། ད་དུང་གཞོན་ནུ་ཚོགས་པའི་མི་སྣ་ཞིག་གིས་འགྲེལ་བརྗོད་བྱས་པ་ལྟར་ན་ངེད་ཚོའི་ལག་ན་ཕྱིར་མི་ཞིག་རག་མ་སོང་ཟེར་བ་སྐྱག་རྫུན་མ་རེད་དམ། ད་དུང་གཞོན་ནུ་ཚོགས་པའི་རྩེ་མོ་གཞན་འཛིན་གྱིས་དུས་ཚོད་དམ་འཛིན་བྱེད་སྟངས་ལ་བལྟོས་དང་། སྤྱིར་རྩེ་མོ་ཡིན་ན་འདྲ་འཚོགས་འདུ་ཡིན་ན་འདྲ་ལས་འགུལ་སྤེལ་བ་ཡིན་ན་འདྲ། གང་ཞིག་གི་ངོར་ཞེན་ཁོག་གི་དྲི་མ་ཡོད་ན་དེ་ལ་བཀྲ་མ་ཤིས་བའི་རྣམ་པ་ལས་ལེགས་སྒྲུབ་མེད་པ་ཁ་སང་གི་བལྟན་མོ་ལས་གསལ་བོ་ཤེས་ཐུབ། ཨོ་ད་མང་བོ་མི་གླེང་མི་ ཁ་ཤས་ཀྱིས་
དགུང་གྲངས་བཞི་བཅུར་སོན་པའི།།
ཨ་ཇོ་གཞོན་ནུ་ཚོགས་པ།།
ས་ཡ་དྲུག་གི་རེ་བ།།
དོན་མེད་ཆུད་ཟོས་མ་གཏོང་།།
བུ་རེ་བ་ཅན་ལ་རེ་བཞག་དང་གོས་རི་མོ་ཅན་ལ་རྒྱང་ལྟས། མ་འོངས་བར་བོད་པར་རྒྱབ་རྟེན་ས་ཞིག་ཡོད་ནོ་ཚོགས་པ་འདི་ཆགས་རྒྱུ་རེད་འདོད་བྱུང་། གཞོན་ནུ་གང་མང་མང་ཞིག་ཚོགས་པ་འདིའི་ནང་ཞུགས་རྒྱུ་གལ་ཆེ་བར་མཐོང་།
རང་གི་རིགས་ལ་ཞེན་པ་ཡོད་ན།།
རང་གིས་རང་སྐད་གཙང་མ་རྒྱོབ།།
རང་རིགས་ནང་ཁུལ་ཆིག་སྦྲེལ་དགོས་ན།།
རང་སྟོད་གཞན་སྨོད་མེད་ན་ཡག།
ལག་རྩེད་སྤོ་ལོ་མཁན་ཨང་གྲངས་་་༧་་་པ་གསོགས་སྒར་ཚང་གི་རྗེས་མ་སྤྱོད་པ་ལ་ངེས་པར་གཟོབ་དགོས་ཀྱི་འདུག་མ་གཏོགས།
བོད་མི་རིགས་ཀྱི་མཚན་རྗེས་ལ་གནོད་ཀྱི་འདུག
ད་ནས་བཟུང་སྤྱི་སེམས་དོར་ནས་རང་གི་དགའ་ས་དང་འཐུན་ས། ལུང་ཕྱོགས། ཆོས་རྒྱུད། ཆོལ་ཁ་སོགས་ལ་བསྟོད་པ་བྱོས།
དེ་དག་གི་ནང་དུ་སྐྱོན་ཅི་ཙམ་ཡོད་པ་ཚང་མ་མུན་པ་ནང་དུ་གཡུག་སྐྱོང་བྱས་ནས།
དྲང་བདེན་ཟེར་བ་དེ་རང་གི་འདོད་ཕྱོགས་དང་ཨེ་མཐུན་བལྟོས།
ཕྱོགས་རེས་དང་འཐེན་ཁྱེར་རིགས་ངོན་ལྐོག་གང་རུང་གི་སྒོ་ནས་མི་རིགས་ནང་ཁུལ་དུ་ཕར་ལ་འབུར་འཇོམ་ དམད་ར་ཐོངས།
མདོར་བསྡུས་ན་ཁྱེད་རང་ལ་མཚོན་ན་སྨྱུག་ཐོག་པ་ཞིག་ཡིན་པ་ཤེས་ནས།
སྨྱུ་གུ་འཛིན་དུས་དང་། བཙན་བྱོལ་ནང་ལས་ཀ་གང་བྱས་ན།
ཁྱེད་རང་རྨ་བྱ་ཨ་ན་མ་ན་ཞིག་བྱོས་དང་།
ད་གཟོད་ཁྱེད་འབུར་དུ་ཐོན་ནས་ཕན་མེད་གནོད་མེད་ཀྱི་རང་ཉིད་སྐྱིད་སྣང་གི་འཚོ་བ་ཞིག་རོལ་ཐུབ།
ད་དུང་དེ་ལྟར་བྱས་ན་ཁྱེད་ལ་འཛུམ་མདངས་དང་བཅས་སོ་ཕྲ་ཕྲ་ནམ་ཡང་མཐོང་ཡོང་བ་གདོན་མི་གཟའ་འོ།
དེ་འདྲ་བྱས་ན་གང་འདྲ་འདུག་ཨཨཨཨཨཨཨཨཨཨཨཨཨཨཨ
འཛམ་གླིང་ཡོངས་རྩེ་སྒང་པ་བོད་ཡུལ་འདིར།།
གཅིག་དགུ་ཞེ་དགུའི་དུས་ནས་མུན་པ་ཞིག།
ཀླ་ཀློས་གཏུམ་སྤྱོད་དྲག་པོའི་སྣ་འདྲེན་ནས།།
ད་དུང་གཞིས་སྡོད་བོད་མི་མགོན་མེད་ཡིན།།
རྒྱ་དམར་བཙན་ཁྲིམས་དམར་པོའི་གཉའ་འོག་ནས།།
ལོ་རྒན་དྲུག་བཅུའི་མནར་གཅོད་འཁུར་བཞིན་དུ་།།
ལུས་སེམས་སྡུག་ལ་ཚུད་པའི་གངས་ཅན་པའི།།
འཚེ་མེད་ཞི་བདེའི་ཆོལ་སེམས་སྔར་ལས་བརྟན།།
ལོང་ཤོག་སྤུན་ཟླ་ཚོ།
འོན་ཏེ། ད་ནས་བཟུང་ཁྱོད་ཚོ་གཞུང་འབྲེལ་དང་དེ་མ་ཡིན་སུས་ཀྱང་འདི་འདྲའི་སྐབས་རྩེད་འགྲན་སོགས་གོ་སྒྲིག་བྱེད་ཀྱི་ཡིན་ན་སྔོན་ཚུད་ནས་རྙོག་དྲ་མི་འོང་བའི་གྲ་སྒྲིག་བྱེད་དགོས་ཀྱི་འདུག དེ་མིན་ན་ཁ་སང་གི་རྩེད་འགྲན་དེ་བཞིན་རྟག་པར་ཡོང་གི་རེད།
ཧ་གོ་སོང་ངམ། མ་གཞི་ནས་བོད་པའི་གཤིས་ཀ་འདི་གླེང་ཁག་པོ་ཞིག་རེད་ཨང།
སྤོ་ལོའི་འགྲན་བསྡུར་མཐོང་མ་སོང་། འོན་ཀྱང་རྒད་པོ་གནམ་ལྕགས་ཀྱི་སྐད་ཆ་འདིར་གནས་ལུགས་འདུག འདི་དཔེ་མཚོན་ཙམ་རེད། འདི་རྩེད་མོ་ཞིག་རེད། འོན་ཀྱང་འདི་འདྲའི་གནས་ཚུལ་ཆུང་ཙག་གི་སྒང་ནས་ཀྱང་ང་ཚོས་མཐོང་ཐུབ་འདི་སྐྱོན་མིན་ན་ཅི་ཡིན། གཞུང་གི་འཛིན་སྐྱོང་དང་སྒྲིག་འཛུགས་ཞིག་བཤད་མ་དགོས་བ་རེད། མཐའ་ན་རྩེད་མོའི་འགྲན་བསྡུར་ཆུང་ཆུང་ཞིག་ལའང་དྲང་ཚུགས་མི་ཐུབ་པ་འདི་མིའི་རྒྱུ་སྤུས་ཞན་པའི་རྟགས་རེད། མི་ལ་སྤྱི་སེམས་ཟེར་བ་དང་དྲང་པོ་དང་བདེན་པ་ཞིག་རྒྱུད་ལ་མ་གྲུབ་པའི་རྟགས་རེད། འདི་ཡོ་རོབ་གི་འགྲན་བསྡུར་ལྟ་བུ་ཞིག་ཡིན་ན་ཁྲིམས་ཐོག་ལ་བསྐྱལ་ཚར་བ་རེད།
ད་ནི་གཅིག་གིས་བཤད་པ་གཅིག་གིས་མི་བརྩི། གཅིག་གིས་བྱས་པ་གཅིག་གིས་མིག་ལ་མི་འགྲོ གཅིག་གིས་ཤེས་པ་གཅིག་གིས་བདེན་དུ་མི་རློམ། བདེན་རྫུན་ཟེར་ནས་རྟག་དུ་ནང་ཁུལ་ལ་དཀྲུགས་ཤིང་བཟོས། མི་ངན་དེའི་རིགས་གང་དུ་ཡོད་པ་དེ་ནི་རེ་རེ་བྱས་དེ་མིང་བཏོན་ནས་གསུང་ན་ཡག་པོ་འདུག དེ་མིན་ཚོགས་པ་ཞིག་གི་མིང་འཁྱེར་ནས་བཤད་པ་དེ་དག་ནི་ཡག་པོ་མི་འདུག་སྙམ་སོང་།
ང་རང་གིས་མིག་བཙུམ་འདོད་འདུག རྣ་བ་འགེབས་འདོད་འདུག ས་བཙོག་ནས་བསྡད་ན་འདོད།
ཨོ དེ་འདྲ་ཆུང་ཙག་ཞིག་གི་ཐོག་ལའང་ཕྱོགས་ཞེན་དེ་ལྟར་བྱས་ན་ང་ཚོས་ཇི་ལྟར་ཁོང་ཚོའི་ལྟ་བ་ལ་རྒྱབ་སྐྱོར་བྱའམ།
གཞོན་ནུ་ཚོགས་པར་འདོད་བློ་མ་ཚིམས་པའི་གནད་དོན་མང་དག་ཅིག་ཡོད་པ་རེད།
ཕལ་ཆེར་གཅིག་ནི་༢༠༠༨ལོའི་ཚོགས་ཆེན་གྱི་མཇུག་བསྡུ་སྟངས་དང་དེ་བཞིན་བོད་ནང་གི་བོད་མི་ཚོའི་དོན་དམ་གྱི་མངོན་འདོད་རང་བཙན་དང་རང་སྐྱོང་ཡིན་མིན་གྱི་རྩོད་པར་བདེན་ཁ་ཞིག་རག་གི་མེད་པ་འདི་ཡིན་གྱི་རེད་སྙམ།
ད་ལན་བཀའ་ཁྲིའི་འོས་འདེམས་འདི་ནི་ཁྱེད་ཚོར་མཚོན་ན་རིན་བྲལ་གྱི་གོ་སྐབས་ཤིག་ཡིན་ཞིང་གོ་སྐབས་འདིའི་ཁྲོད་ནས་རང་གི་ཚོགས་པའི་ལྟ་གྲུབ་དང་བསམ་བློ་ཡོད་པའི་འོས་མི་འཚོལ་དགོས་ཤིང་སྤྱི་ཚོགས་ཁྲོད་འོས་སློང་གི་ལས་འགུལ་ཡང་སྤེལ་དགོས་པ་རེད།
བརྒྱུད་རིམ་འདི་འདྲ་ཞིག་གི་ཁྲོད་ནས་གནད་དོན་མང་དག་ཅིག་ལ་དབྱེ་ཐག་གཙང་ཆོད་ཡོང་ཐུབ་པ་དང་། ང་ཚོའི་སྤྱི་ཚོགས་ནང་ཕྱོགས་འགལ་ཚོགས་པ་མེད་པའི་གྱོང་གུན་ཡང་གསབ་ཐུབ་ཀྱི་རེད། ང་ཡང་་་་་་་་་ཕྱོགས་འགལ་ཚོགས་པ་འདོད་མཁན་དེ་འདྲ་མིན་ནོ།། གྱོང་གུན་ཞེས་པ་ནམ་ཡིན་ཡང་ཕྱོགས་འགལ་ཚོགས་པ་ཞིག་དགོས་པའི་སྡུག་སྐད་རྒྱག་མཁན་ཚོའི་བསམ་པ་དང་བསྟུན་པ་ཡིན། གཞོན་ནུ་རྒྱལ་ལོ།། བོད་རྒྱལ་ལོ།།
ཨང་གྲངས་༦༦དེ་ཁོང་ཁྲོ་ཚ་པོ་འདུག་ག
བསེ་རུ་ལགས། ངས་རང་གི་བསམ་ཚུལ་ཙམ་བཤད་པ་ཡིན། ཉིད་ཀྱི་བསམ་ཚུལ་འདི་ནི་ཚང་མར་མཐུན་སྣང་ལྟ་བུར་ཤར་ཡོད་པ་རེད། དེ་བས་ངའི་བསམ་ཚུལ་ལས་ཉིད་ཀྱི་བསམ་ཚུལ་དོན་ལ་གནས་ཡོད་པ་རེད་ཅེས་བཤད་ནའང་འགྲིག་གི་རེད། ཁྱེད་རང་ཁྲོན་པའི་སྦལ་བ་ཞིག་ཆགས་དོན་རྩ་བ་ནས་མེད།
ལུང་རིགས་ལགས། ང་རང་ཁྲོན་པའི་སྦལ་པ་ཡིན་སྟབས། འདི་ལྟར་བསམ་པ་ཙམ་རེད། དེ་ལྟར་མིན་ན་བཀྲ་ཤིས་བདེ་ལེགས་ཡོད།
རྩེད་མོ་རྩེས་ས་ན་འདི་ལྟའི་རྙོག་གླེང་ཡོད་པ་ནི་འཛམ་གླིང་ཡོངས་ཁྱབ་རེད། ཤར་ནུབ་གང་དུའང་དེ་འདྲ་རེད། འདིའི་སྟེང་ནས་བོད་མིའི་ཀུན་སྤྱོད་ཀྱི་ཚད་གཞི་བཟུང་ན་འགྲིག་གི་མི་འདུག་སྙམ།
དོན་དག་བྱུང་ཚད་སྡུག་ཅག་དང་མ་རབས་ཀྱི་ངོར་བལྟ་བ་དང་། མི་རིགས་རང་གི་ཞན་ཆར་བལྟས་ན་ཡག་པོ་མི་འདུག དེ་ལྟར་ལྟ་དགོས་དོན་ཡང་མི་འདུག
འགྲན་རྩོད་ཀྱི་ཁྲོད་ནས་རྙོག་གླེང་རེ་ཁུར་ཡོང་དགོས་པ་དེ་བོད་པའི་གཤིས་སུ་གྲུབ་པ་ལྟ་བུར་གྱུར་དོན་ཅི་ཡིན་ནམ། དེ་ཡང་བོད་མིའི་ཀུན་སྤྱོད་ཀྱི་ཚད་གཞི་དམའ་དྲགས་པའི་རྐྱེན་གྱིས་མ་རེད་དམ།།
གང་ལྟར་གཞོན་ནུ་ཚོགས་པས་གོ་སྒྲིག་གནང་བའི་ལག་སྤོལ་འགྲན་བསྡུར་གྱི་མཐའ་མའི་རྟིང་རྩོད་འགྲན་བསྡུར་དེ་བཀྲ་ཤིས་པ་ཞིག་བྱུང་མ་སོང།་དེ་ནི་ཤན་འབྱེད་པ་ཞིག་གིས་བཟོས་པའི་རྙོག་དྲ་བརྒྱུད་མཇུག་ནས་ཀྱང་ད་ལྟ་མངའ་རིས་སྤྱི་མཐུན་ཚོགས་གཙོ་རེད་ཟེར་བའི་བཀྲ་མ་ཤིས་པ་དེས།་འགྲན་པའི་དུས་ཚོས་ཁག་བཞིར་བགོས་ཡོད་ལ།ཁག་རེ་ལ་སྐར་མ་བཅུ་གཉིས་ཡིན་ཡང་།མཐའ་མའི་ཁག་དེར་སྐར་མ་བཅོ་ལྔ་ལོན་དུས་ད་དུང་ཤུགས་རིས་བརྒྱབ་མ་སོང་ལ།གོ་པལ་པུར་གྱིས་གཅིག་བླུག་རྗེས་གཞི་ནས་ཤུགས་རིས་བརྒྱབ་སོང་།དངོས་གནས་བཤད་ན་གཞོན་ནུ་ཚོགས་པའི་ནང་ན་འདི་འདྲའི་བཀྲ་མ་ཤིས་པ་འགའ་ཡོད་པས།ལས་ཀ་ཚང་མ་ལམ་ལོངས་ཡོང་གི་མེད་པ་རེད།་འདི་འདྲ་རྐྱང་བྱས་པའི་ཉེར་ལེན་གྱིས་མང་ཚོགས་ལའང་ལྟ་སྟངས་ངན་པ་ཡོང་གི་ཡོད།འདི་ནི་ཕྱོགས་རིས་མིན།གལ་སྲིད་ཁུངས་བཅལ་དགོས་ཀྱང་ངས་དགའ་བསུ་ཞུ་རྒྱུ་ཡིན།རྒྱལ་བ་རིན་པོ་ཆེའི་སྐུ་སྲུང་རེད་ཟེར་བའི་ཤན་འབྱེད་པ་དེས་ཀྱང་རང་གི་གནས་བབ་ལ་བསམ་བློ་མི་གཏོང་བར་མང་ཚོགས་ལ་རྙོག་དྲ་བཟོས་སོང་ང་།དེ་ནི་ཞབས་འདྲེན་རེད།་ཅོལ་ཆུང་རེད།
བོད་ཀྱི་གཞོན་ནུ་ལྷན་ཚོགས་ཀྱིས་བཙན་བྱོལ་བོད་མིའི་སྤྱི་ཚོགས་ནང་རྩོམ་རིག་འགྲན་བསྡུར་དང་། སློབ་ཡོན་རོགས་སྐྱོར། རིགས་གཅིག་རྐང་འཛིན་གསོ་སྐྱོང་། ༢༠༡༡ ལོའི་བཀའ་ཁྲི་དང་སྤྱི་འཐུས་གཉིས་ཀྱི་ཐད་མི་དམངས་ལ་གོ་རྟོགས་སྤེལ་རྒྱུ་བཅས་ཀྱི་ལས་གཞི་མང་པོ་གྲ་སྒྲིག་ཡོད་ཚུལ་གསུངས་པ་དགའ་པོ་བྱུང་། དེ་ལྟར་ལག་བསྟར་དུ་འཁྱོལ་བའི་རེ་འདུན་ཤིན་ཏུ་ཆེ། འོན་ཀྱང་གཞོན་ལྷན་གྱི་རྩ་ཚིག་ཏུ་༸སྐྱབས་མགོན་རིན་པོ་ཆེའི་བཀའ་གསུངས་ཤར་བསྐྱོད་ཅེས་འཁོད་ཀྱང་། ༸མགོན་པོ་གང་གི་རླབས་ཆེན་དགོངས་པ་ལས་ལྷག་ཙམ་ཡོད་མདོག་གི་རང་བཙན་རྩོད་ལེན་བྱེད་པ་ནི། ཆིག་སྒྲིལ་གྱི་ནུས་པར་ཉམས་དམས་འགྲོ་བ་ལས། དགེ་མཚན་དེ་ཙམ་མ་མཐོང་། ཡང་དོལ་རྒྱལ་ཚོགས་པར་ཁ་གཏད་གཅོག་རྒྱུ་ཞེས་འཁོད་ཀྱང་། དེ་དག་ལ་ཁ་ཡ་མ་བྱས་པ་དགའ་སྙམ།
བསེ་རུས་བཤད་པ་ལ་གནད་འགག་འདུག བོད་དང་བོད་སྐད་ལ་འགྲོ་སྟངས་མེད་པ་ཞིག་གང་ནས་ཡིན།ངེས་པར་དུ་གཟབ་དགོས་ཀྱི་འདུག
བོད་ཀྱི་གཞོན་ནུ་ལྷན་ཚོགས་དེ་གང་ཟག་ཅིག་ཡིན་པའི་དབང་དུ་བཏང་ན་དགུང་ལོ་40སོན་ཞེས་འགོད་རུང་ཡང་། དེ་ནི་ཚོགས་སྡེ་ཞིག་ཡིན་སྟབས་དེར་དགུང་ལོ་ཞེས་སྦྱོར་སྟངས་འདི་ཇི་འདྲའི་དགོད་བྲོ་བ་ཞིག་ཏུ་མཐོང་གི་མི་འདུག་གམ།།