་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
བློ་བཟང་གིས་ཁ་ལག་ཞེ་དྲག་ཡག་པོ་ཞིག་འཁྱོངས་མ་སོང་མོད། ནང་ཚག་ཡིན་པས་དགོངས་པ་མ་ཚོམས་ཟེར་ཞོར་དུ་བསྟན་འཛིན་ཚེ་སྐྱིད་དང་སྐུ་ཞབས་རྗོར་རྗི་གཉིས་ཀྱི་ཅོག་རྩེ་སྟེང་དུ་བསྒྲིགས་ཞོར་དུ་བཤད།
བསྟན་འཛིན་ཚེ་སྐྱིད་ཀྱིས་བཅོས་མེད་འཛུམ་མདངས་ཤིག་གིས་བློ་བཟང་ལ་ལྟ་ཞོར་དུ། དངོས་ནས་ཡག་པོ་བཟོས་འདུག ང་རང་ཁྱེད་ཀྱི་ཁ་ལག་ཟ་རྒྱུར་དགའ་བོ་ཡོད་པ་ཁྱེད་རང་གི་ཤེས་གསལ་རེད། ངའི་དགའ་རོགས་ཁོ་ཡང་བོད་ཟས་ལ་དངོས་ནས་དགའ་བོ་ཡོད་པ་རེད་ཟེར་ནས་བློ་བཟང་ལ་ཐུགས་རྗེ་ཆེ་ཞུས།
བློ་བཟང་གིས་དོག་མི་བདེ་བའི་ངང་དུ། ཐུགས་རྗེ་ཆེ་ཞུ་དགོས་པ་མ་རེད། དེ་ནི་ང་རང་གི་ལས་ཀ་རེད། ངས་གང་ཐུབ་ཐུབ་ཅིག་བཟོ་ཁུལ་བྱས་ཡོད་ཀྱང་། འདོད་བློ་ཁེངས་པ་ཞིག་བྱུང་མ་སོང་ཟེར་ནས་འཁང་ཆུང་གི་རྣམ་པ་ཞིག་དང་བཅས་ཕྱིར་ཐབ་ཚང་དུ་འཛུལ་ནས་རང་ཉིད་ལ་ཁ་ལག་སྟབས་བདེ་ཞིག་བཟོས།
བསྟན་འཛིན་ཚེ་སྐྱིད་དང་སྐུ་ཞབས་རྗོར་རྗི་གཉིས་ཁ་ལག་ཟོས་ཚར་ནས་ཡུན་རིང་མ་བསྡད་པར་ལས་ཀ་ཞིག་ཡོད་རབས་བཤད་དེ་བློ་བཟང་ལ་བདེ་མོ་བཞག་ནས་བུད་སོང་།
ཉིན་མ་དེ་ནས་བཟུང་བློ་བཟང་གིས་བསྟན་འཛིན་ཚེ་སྐྱིད་གཏན་དུ་མིག་ལམ་ནས་བོར། བློ་བཟང་གིས་མུ་མཐུད་དུ་ཟ་ཁང་དེར་ལས་ཀ་བྱེད་བཞིན་ཡོད་ལ། ལས་རོགས་ཕོ་གསར་ཞིག་ཀྱང་གསར་དུ་སླེབས་ཡོད། ཁོ་གཉིས་ཀྱིས་རང་རང་གི་དགའ་ཕྱོགས་རེ་གླེང་ཞོར་དུ་ཉིན་མ་རི་རྩེ་ནས་བསུས་དེ་སླར་ཡང་རི་རྩེ་རུ་བསྐྱལ་ནས་ཉིན་ཞག་མི་ཉུང་བ་ཞིག་སོང་བའི་ཉིན་ཞིག་ལ། ཁོ་གཉིས་ལ་ལས་རོགས་མ་གསར་བ་ཞིག་སྤྱིན་བདག་གིས་ངོ་སྤྲོད་བྱས།
ལས་རོགས་བུད་མེད་དེ་ནི་གསར་འབྱོར་བུད་མེད་ཅིག་ཡིན་པ་དང་། ཁོ་མོ་ཕ་ཡུལ་ནས་རྒྱ་གར་དུ་འབྱོར་ནས་ལོ་ངོ་བཅུ་ཙམ་འགྲོ་བཞིན་ཡོད་པ་ཞིག་རེད། ལས་རོགས་དེས་བློ་བཟང་ལ་ད་ནི་འུ་གཉིས་ཀྱི་ལས་རོགས་བུད་མེད་འདི་ནི་ཡག་མོ་སྒོ་དང་འཇོར་སྒེག་ཡང་འགྲིག་འདུག འུ་གཉིས་ཀྱིས་སུས་གྲོགས་པོ་ཞིག་ཆགས་འགྲོ་ངེས་ཡིན་ནམ་ཟེར་ནས་ལྐོག་བཤད་ཅིག་རྒྱག་ཞོར་དུ་ཐབ་ཚང་ནང་དུ་བློ་བཟང་ལ་ཉིན་གོང་གི་ཟ་མ་བཟོ་རོགས་བྱེད་ཀྱི་ཡོད།
བུད་མེད་འདིས་མིང་ལ་ཉི་མ་ལྷ་སྒྲོན་ཟེར་གྱི་ཡོད། ཁོ་མོ་ལ་བཟའ་ཚང་ཡོད་པ་མ་ཟད། བྱིས་པ་གཉིས་ཀྱི་ཨ་མ་ཡང་ཆགས་འདུག་པ་སོགས་ཁོང་ཚོ་གསུམ་གྱིས་ཁ་ལག་ཟ་སྐབས་ཕན་ཚུན་གྱི་ལོ་རྒྱུས་ཤིག་ངོ་སྤྲོད་བྱས་པའི་བློ་བཟང་དང་ཁོས་ལས་རོགས་གཉིས་ཀྱིས་གསལ་བོ་ཤེས་པ་རེད།
བློ་བཟང་གིས་གོ་སྐབས་ཤིག་དང་བསྟུན་ནས་ཁོས་ལས་རོགས་ལ། ཨ་རོགས་ཡིན་མིན་འདྲ་མིན་བཤད་ཀི་མ་འདུག་མ་གཏོགས། ཁོ་མོ་ནི་བྱིས་པ་གཉིས་ཀྱི་ཨ་མ་རེད་འདུག འུ་གཉིས་ཀྱི་ཨ་ཅག་བྱས་ན་མ་འཚམས་པ་མི་འདུག་ཞེས་ཁ་ནས་ཤོར་ན་ཡང་། དོན་དངོས་སུ་བློ་བཟང་གིས་མིག་གི་ལྟ་ཕྱོགས་ཤིག་ལ་གསར་དུ་སླེབས་པའི་བུད་མེད་ཉི་མ་ལྷ་སྒྲོན་འདི་ནི་དངོས་ནས་ཚ་བོ་ཞིག་འདུག་ཨང་དྲན་པ་དེ་ནི་ཁོས་ལས་གྲོགས་ཀྱིས་ག་ལ་ཤེས།
སྤྱིན་བདག་གིས་བཤད་ན། བློ་བཟང་དང་ཁོ་གཉིས་ཀྱིས་གཅིག་གིས་དགོང་མོ་རྟག་པར་ལས་ཀ་གྲོལ་ནས་བུད་མེད་ཉི་མ་ལྷ་སྒྲོན་ནང་དུ་བསྐྱེལ་དགོས་ཟེར་བ་དེ་རེད། དེ་ནི་བློ་བཟང་དང་ཁོས་ལས་གྲོགས་གཉིས་ལ་དམིགས་བསལ་གྱིས་ཁ་བརྡ་བྱེད་པའི་གོ་སྐབས་ཡག་ཤོས་ཤིག་ཀྱང་ལོས་ཡིན།
བློ་བཟང་གི་ལས་རོགས་ནི་ཁ་ཁོག་མེད་པ་ཞིག་ཡིན་པས། གང་བསམ་པ་དེ་དག་བཤད་འཕོད་མཁན་ཞིག་ཡིན། ཉིན་མ་དང་བོའི་མཚན་མོ་དེར་བློ་བཟང་གིས་ཁོས་ལས་རོགས་ལ་ཁྱེད་རང་གིས་ཉི་མ་ལྷ་སྒྲོན་ནང་དུ་བསྐྱེལ་རོགས་ཞུ། ངས་འདི་ནས་སྣོད་ཆས་གཙང་མ་བཟོས་རྗེས་སྒོ་བརྒྱབ་དེ་ག་ལེར་ཡོང་ཆོག་ཟེར་བ་དེས་ཁོས་ལས་རོགས་ཀྱིས་གོ་མ་ཐག ཡ་ཡ་ཡ། ཁྱེད་རང་ལ་བསམ་འཆར་མེད་དམ་ཟེར་ནས་བཤད།
དེ་དུས་ཉི་མ་ལྷ་སྒྲོན་གྱིས་གདོང་གཤིས་ཀྱང་ཅུང་ཙམ་འགྱུར་ཞོར་དུ། བློ་བཟང་གི་ཕྱོགས་སུ་བལྟས་དེ་བསྡད་ཡོད། བློ་བཟང་གིས་དགོད་ཙམ་བྱས་དེ། འདྲ་མི་འདྲ་བཤད་ཀི་མ་འདུག ད་སོང་ཟེར་ཞོར་དུ། ཉི་མ་ལྷ་སྒྲོན་སང་ཉིན་མཇལ་ཡོང་ཟེར་ནས་ལག་གཡུགས་ཤིག་བྱས། དེ་དུས་ཉི་མ་ལྷ་སྒྲོན་གྱིས་སང་ཉིན་མཇལ་ཡོང་ཟེར་ནས་བློ་བཟང་ལ་ལག་གཡུགས་ཤིག་བྱས་དེ་བློ་བཟང་གི་ལས་རོགས་ཀྱི་རྗེས་སུ་སྙེགས།
མུ་འགོད།
སུན་སྣང་མེད་པར་སྤུན་ཟླ་ཁྱེད་ཅག་ཕེབས་བཞིན་ཀློག་བཞིན་བཞུགས་ན། ངས་ཀྱང་རང་གི་གང་ཤེས་པ་དང་གང་དྲན་པའི་བློ་བཟང་གི་ལོ་རྒྱུས་འདི་དག་མུ་མཐུད་དུ་འབྲི་ངེས་ཡིན། ཚིག་སྤྱོར་མི་མཛེས་ས་དང་དག་ཆ་ནོར་བ་སོགས་མཐོང་དུས་འཛུབ་མོ་་འཛུགས་རྒྱུ་མ་བརྗེད་ཅིག
མི་མཐུད་ནས་ཕྲིས་སྐོར་ཚུལ་རེ་ལེན་བཞིན་ཡོད།
ཡ་ད་ཉི་མ་ལྷ་སྒྲོན་གྱི་ཐོག་ནས་གནད་དོན་མང་པོ་ཞིག་འབྲེལ་བ་ཆགས་ཀྱི་འདུག་དཱ།
བློ་བཟང་འདི་ཉིད་དངོས་གནས་མི་བསོད་ནམས་ཅན་ཞིག་ཡིན་པ་འདྲ། ཁོང་ལ་རྒྱུན་དུ་མཛེས་མ་དང་། སེམས་བཟང་མ་ཞེ་གཅིག་གིས་སྐོར་ནས་བསྡད་འདུག དངོས་གནས་ཁྱོད་ཀྱིས་འབྲི་བཞིན་པའི་དངོས་སྒྲུང་སྐབས་འདི་ནས་བཅོས་སྒྲུང་དུ་འགྱུར་བཞིན་མེད་དམ། རྩེད་མོ་ལགས། དངོས་གནས་མུ་འགོད་ཐུབ་ན་སྒྲུང་ཡག་པོ་ཞིག་འགྲུབ་ངེས་སུ་སྣང་།་
སྤྱིན་བདག་འདི་ཐབས་ཤེས་ཅན་ཞིག་ཡིན་པ་འདྲ་རྟག་པར་མཛེས་མ་རྐྱང་རྐྱང་ཁྲིད་ཡོང་ནས་ཡིནའང་ཨ་ཤུ་རེ་གོ་བློ་བཟང་འདི་་་་་་་་་་་་་་་་་་་་་་་་་་་་་་་་་་་་་་་
བཀླགས་ཚར་ཡིན་སང་ཉིན་མཇལ་ཡོང་།
ཤ་ཁྲག་ལགས།མུ་མཐུད་དུ་ཕྲིས་ཤིག
ད་ཁྱོའི་འདི་ཅི་ཞིག་མི་ཤེས་གི