་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
བློ་བཟང་གིས་ཁོ་རང་གི་ལས་རོགས་དང་ལས་རོགས་མ་ཉི་མ་ལྷ་སྒྲོན་གཉིས་སོང་ཤུལ་དུ། ཟ་ཁང་ནང་གཙང་མ་མཁྱོགས་པོ་བཟོ་ཞོར་དུ། སང་ཉིན་ངས་ཉི་མ་ལྷ་སྒྲོན་བསྐྱལ་སྲིད་དུས་སྙམ་བཞིན། རང་ཉིད་གཅིག་བུར་ཁེར་དགོད་ཅིག་ཤོར།
ཉི་མ་ལྷ་སྒྲོན་ནི་ཤོག་རྩེད་བྱེད་རྒྱུར་དངོས་ནས་དགའ་བོ་ཡོད་ལ། དེ་བས་ཀྱང་བུད་མེད་ཁ་སངས་པོ་ཞིག་ཡིན་སྟབས། བློ་བཟང་དང་ཁོང་ཚོ་གསུམ་དངོས་ནས་ལས་སླ་བོར་འདྲིས་ཤིང་གོམ་པར་གྱུར། ཁོང་ཚོས་ཤོག་རྩེད་རེ་རྩེ་ནས་སུ་ཐེངས་གསུམ་ལ་ཕམ་སོང་བ་ཡིན་ན་འཁྲིས་ཀྱི་ཚོང་ཁང་ནང་ནས་ཧིན་སྒོར་ཉི་ཤུའི་གོང་ཚད་ཅན་གྱི་འགྱིག་ཤོག་ནང་གི་ཞོ་ཁོག་བསྲེག་མ་ཉོ་དགོས་ཀྱི་ཡོད།
མཚམས་རེར་དངོས་ནས་ཉི་མ་ལྷ་སྒྲོན་ཕམ་ཡང་། བློ་བཟང་གིས་བསམ་ཤེས་ཀྱི་ཚུལ་དུ་ད་རེབ་གཡུགས་ཤོག བུད་མེད་ཅིག་ལ་ཕོ་གསར་གཉིས་ཀྱི་གཉོས་བཅོས་བྱས་ན་ག་ལ་འགྲིག་ཟེར་ནས་དགོད་ཞོར་དུ་ཉོ་རུ་མ་བཅུགས། དེ་དུས་ཁོས་ལས་རོགས་ཀྱིས་ཐེངས་རྗེས་མ་ནས་སུ་ཕམ་ཡང་ངོ་གསོ་མེད། དམངས་གཙོའི་ལུང་བ་རུ་བུ་དང་བུད་མེད་འདྲ་མཉམ་ཡིན་པ་མི་ཤེས་ཀི་ཟེར་ཞོར་དུ་དགོད་ཞོར་དུ་བཤད།
ཉི་མ་ལྷ་སྒྲོན་ཅུང་ངོ་གནོང་བའི་ཚུལ་གྱིས། ག་བ་ག་བ་དེ་འདྲ་བྱེད་དགོས་པ་མ་རེད། ང་འགྲོ་ནས་ཉོ་ཡོང་ཟེར་ནས་ཡར་བླངས་རྩིས་བྱས་དུས། བློ་བཟང་གིས་ཉི་མ་ལྷ་སྒྲོན་གྱིས་ལག་མགོ་ནས་འཇུས་དེ་ད་རེབས་གཡུགས་ཤོག་ཟེར་ནས་འགྲོ་རུ་མ་བཅུགས།
ཁོང་ཚོ་གསུམ་དེ་ལྟར་རྩེད་མོ་བརྒྱུད་དེ་ངོ་ཤེས་ནས་ནང་ཚག་ལྟ་བུར་གྱུར་སོང་བ་མ་ཟད། བློ་བཟང་དང་ཉི་མ་ལྷ་སྒྲོན་གཉིས་ལ་དམིགས་་བསལ་གྱིས་འགྲེལ་བ་ལྟ་བུ་ཞིག་ཀྱང་ཆགས་བཞིན་ཡོད། དེ་ནི་ཉི་མ་ལྷ་སྒྲོན་གྱིས་བློ་བཟང་ལ་སང་ཉིན་ནས་ཁྱེད་ཀྱིས་ང་རང་ནང་དུ་བསྐྱེལ་རོགས་ཟེར་བ་ནས་བྱུང་བ་ཞིག་ཡིན།
གང་ལྟར། བློ་བཟང་གི་ལས་རོགས་དེ་ནི་དངོས་ནས་ཕོ་གསར་བརྫིག་པོ་ཞིག་ཡོད་ལ། སྐད་ཆ་ཡར་མར་བཅོ་བརྒྱད་བཤད་རྒྱུར་དེ་འདྲའི་གོམ་མེད་ན་ཡང་། ཁ་ཁོག་གཏན་ནས་མེད་མཁན་ཞིག་ཡིན།
ཉིན་ཞིག་བློ་བཟང་གིས་ཉི་མ་ལྷ་སྒྲོན་ལ་རང་ཉིད་མགར་བ་ཞིག་གི་ཁྱིམ་ནས་སྐྱེ་ཚུལ་བཤད་དུས། ཉི་མ་ལྷ་སྒྲོན་གྱིས་དོག་སྣང་མེད་པར་དེ་ཡིན་ན་གང་རེད། དེ་ལ་དངོས་ནས་ཧང་སངས་དགོན་དོན་མི་འདུག་ཟེར་ན་ཡང་། གཞུག་དེར་དངོས་ནས་ཁྱེད་རང་མགར་བའི་ཁྱིམ་ཚང་ཞིག་ནས་ཡིན་ནམ་ཟེར་ནས་དྲིས།
བློ་བཟང་གིས་ལྷ་སའི་ཁུལ་ནས་མགར་བ་ལ་རིགས་ངན་དུ་བརྩི་སྲོལ་ཡོད་པ་སྔ་ས་ནས་ཤེས་སྟབས། ཉི་མ་ལྷ་སྒྲོན་ལ་ཉམ་ཚོད་བརྟག་ཕྱིར་དུ་དེ་ལྟར་བཤད་པ་ལས་དངོས་ནས་བཤད་ན་ཁོ་རང་ནི་མགར་བའི་ཁྱིམ་ཚང་ཞིག་གི་གཏན་ནས་མིན།
ཡིན། ཡིན། རེད་དེ། ང་རང་ཆུང་དུས་སུ་ཕ་མ་དག་གི་རེ་བ་ལྟར་དགོན་པ་རུ་བསྐྱལ་སྟབས། མགར་བའི་ལས་ཀ་བྱེད་དགོས་བྱུང་ཡོད་པ་མ་རེད་ཅེས་བཤད།
ཉི་མ་ལྷ་སྒྲོན་གྱིས། ཨ་ལེ་དེ་འདྲ་རེད། དེས་ནས་ཁྱེད་ཚོས་ས་ཁུལ་ནས་མགར་བ་ཡིན་ན་ཡང་། གྲྭ་བ་བྱེད་ཆོག་གི་ཡོད་པ་རེད་དམ་ཟེར་ནས་སླར་ཡང་དྲི་བ་ཞིག་དྲིས།
བློ་བཟང་གིས། མི་སུ་ཡིན་ཡང་གྲྭ་བ་བྱེད་རྒྱུར་བཀག་འགོག་མེད་པ་རེད་ཅེས་ལན་འདེབས་ཞོར་དུ། འདི་ལྟར་སླར་ཡང་ཉི་མ་ལྷ་སྒྲོན་ལ་སྐད་ཆ་ཞིག་དྲིས། ལྷ་ས་ནས་མགར་བའི་རིགས་ལ་བཙོག་པར་ལྟ་བ་དེའི་ལུགས་སྲོལ་དེ་ནི་དེང་སང་ད་ལྟ་ཡང་གནས་ཡོད་པ་རེད་དམ་ཞེས་བཤད།
ཉི་མ་ལྷ་སྒྲོན་གྱིས། དེང་སང་གཏན་ནས་མེད་པ་རེད་ཟེར་ནས་བཤད་དཀའ་ཡང་། སྔོན་ཆད་ལས་ཉུང་དུ་ཕྱིན་ཡོད་པ་རེད། འོན་ཀྱང་། ང་རང་ལ་ཡང་སྔོན་ཆད་བོད་དུ་ཡོད་དུས་དེའི་བསྐོར་ལ་རྣམ་དོག་ཡོད་པ་དེ་འདྲ་ཡིན་ལ། མི་དེ་འདྲའི་རིགས་ལ་འབྲེལ་བ་གཏན་ནས་བྱུང་མྱོང་མེད་ཅེས་ལན་བཏབ།
བློ་བཟང་གིས། དེ་མ་ཡིན་པའི་ཁྱེད་རང་མི་གཞན་གྱི་སྟེང་དུ་ལྟ་སྲོལ་མི་ལེགས་པའི་བསྐོར་དེ་འདྲ་བྱུང་མྱོང་ཡོད་དམ་ཟེར་ནས་དྲིས།
ཉི་མ་ལྷ་སྒྲོན་གྱིས་ཁྱེད་རང་གི་སེམས་སུ་དོག་པ་མ་སྐྱེ་ཨ། ང་རང་ཆུང་དུས་ནས་རང་གི་ཕ་མ་དག་གིས་ཨ་མདོའི་ཕོ་གསར་དག་ནི་ཁྲེལ་གཞུང་མེད་པ་དང་། བུད་མེད་དག་ལ་བཅར་བརྡུང་བྱེད་མཁན། རང་གི་ཆུང་མ་ལ་བརྩེ་བ་མེད་མཁན་ལྟ་བུ་ཞིག་དུ་བཤད་སོང་བ་ལྟར། ངས་ཀྱང་ཉིན་མ་དེ་རིང་གི་བར་དུ་ཨ་མདོའི་ཕོ་གསར་ཞིག་ལ་འབྲེལ་བ་བྱེད་རྒྱུ་དེ་ནི་ལས་སླ་བོ་ཞིག་གཏན་ནས་མིན་པ་དང་། ཨ་མདོའི་ཕོ་གསར་ཞིག་རང་གི་མི་ཚེ་ནང་དུ་གྲོགས་པོ་ཞིག་ཆགས་འགྲོ་བ་སོགས་རྨི་ལམ་དུའང་འཁོར་མྱོང་མེད་ཟེར་ནས་བཤད།
བློ་བཟང་གིས་དེ་དུས། དགོད་ཞོར་དུ། དེས་ན་ཁྱེད་རང་གིས་ད་ལྟ་ང་རང་ངོ་ཤེས་སོང་བ་རེད། ད་ཡིན་ན་ཁྱེད་རང་གིས་གཟབ་གཟབ་དགོས་ཀྱི་ཡོད་པ་རེད། དངོས་ནས་ཁྱེད་རང་གི་ཕ་མ་དག་གིས་ཁྱེད་རང་ལ་སློབ་གསོ་ཡག་པོ་ཞིག་བརྒྱབ་འདུག་ཞེས་ཀུ་རེ་བསྒྲགས་ནས་བཤད།
ཉི་མ་ལྷ་སྒྲོན་གྱིས་བློ་བཟང་ལ་ཁུ་བཙུར་གྱིས་ཤུགས་ཆུང་ཙམ་གཞུ་ཞོར་དུ། དེ་འདྲ་ཞིག་གང་ང་གང་། ཁྱེད་རང་དང་ངོ་ཤེས་པ་ནས་བཟུང་། ངེད་ཀྱིས་རང་གི་ཕ་མ་དག་གིས་རྒྱུས་ལོན་མེད་པའི་སྐད་ཆ་དེ་དག་ལ་སེམས་གཏིང་ནས་འགྱུར་བ་ཕྱིན་སོང་བ་མ་ཟད། ཨ་མདོའི་ཕོ་གསར་དག་ནི་དངོས་ནས་ལས་ཀ་བྱེད་ཐུབ་མཁན། ཁ་རུ་ཁ་ཐུག མཐོ་དམར་མི་བྱེད་མཁན་ལྟ་བུ་ཞིག་དུ་མཐོང་སོང་བ་མ་ཟད། ང་རང་གིས་ཁྱེད་རང་བརྒྱུད་དེ་ངོ་ཤེས་པའི་ཨ་མདོའི་ཕོ་གསར་དེ་དག་ཚང་མ་ཡང་དེ་འདྲའི་ཁ་སངས་མོ་དང་ཕོ་ཉམས་དོད་པོ་རྐྱང་རྐྱང་རེད་འདུག་ཟེར་ནས་བློ་བཟང་ལ་ངོ་བསྟོད་ལུང་བ་བཀང་བྱས།
བློ་བཟང་གིས་སེམས་ནང་དུ་རྨི་ལམ་ཞིག་རྨིས་ཞོར་དུ། ཉི་མ་ལྷ་སྒྲོན། ཁྱེད་རང་ལ་དྲི་བ་ཞིག་འདྲི་རྒྱུ་ཡོད་མོད། དྲིས་ན་འཚམས་པོ་ཡིན་མིན་མི་ཤེས་ཀི དྲིས་ཆོག་མིན་ཐད་དུ་ལན་ཞིག་སྤྲོད་རོགས་ཞུ་ཟེར་ནས་ཉི་མ་ལྷ་སྒྲོན་ལ་བཤད།
མུ་འགོད།
སྤུན་ཟླ་ཚང་མས་སེམས་གཏམ་དང་སྐད་བསྐུར། སྐུལ་ལྕགས་ཚང་མ་བདག་གི་སེམས་སུ་བཟུང་ཡོད། མུ་མཐུད་དུ་བརྙད་འཕྲིན་ཟློས་གར་ལྟ་བུའི་བློ་བཟང་གི་གཏམ་རྒྱུད་ཀློག་དུ་ཕེབས་ཤོག
དྲ་གྲོགས་ཤ་ཁྲག་ལགས་ལ་བཀྲ་ཤིས་བདེ་ལེགས་ཞུ། སྒྲུང་གཏམ་རིང་པོ་ཞིག་འབྲི་བཞིན་ཡོད་ཙམ་ཁོམ་པ་ཉུང་ཉུང་ཡིན་ས་རེད། གལ་སྲིད་དུས་ཚོད་སྟོང་པ་འདྲ་བྱུང་ན་གྲོགས་པོ་ངའི་ཟིན་བྲིས་སུ་གཟིགས་བསྐོར་ཕེབས་རྒྱུ་མ་བརྗེད་ལོ།
བཀླགས་ཟིན།
གྲོགས་པོ། བར་སྐབས་དོན་མེད་ཀྱི་ལས་དོན་ཆུང་ཚག་གི་བར་ནས་ཟིན་བྲིས་སུ་ཞུགས་མ་ཐུབ།་ ཁྱེད་རང་དུས་འདིར་བསྟན་པ་ཡང་དར་ཡིན་པའི་འཚམས་འདྲི་ཞུ།
ཤ་ཁྲག་ལཊ།
སྒྲུང་རྩོམ་བཀླཊ་ཟིན།
ཁྱོད་ཀྱིས་ཞེ་ལྷོད་ནས་ད་དུང་སྒྲུང་རྩོམ་འབྲི་བཞིན་ཡོད་དམ།
ཟ་ཁང་ནང་གཙང་མ་མཁྱོགས་པོ་བཟོ་བཞིན་ཞེས་པའི་དོན་དག་གོ་མ་སོང་།
ཨུ་ཚུགས་ཅན་གྱི་བསྟོད་པ་འཐེན་གིན་ཡོད།
མི་སྣའི་སེམས་ཁམས་དང་གཟུགས་རིས་ཞིབ་འབྲིིའི་ཐད་དོ་སྣང་དགོས་པར་མཐོང་ཞིང་།
སྒྲུང་གི་ནང་དོན་ནས་ཕྱོགས་མང་པོ་ཞིག་གི་གནས་ཚཱུལ་ཐོན་ཐུབ་པ་བྱུང་ན། ཁྱེད་ཀྱི་སྒྲུང་དེ་སྒྲུང་རིང་ཞིག་མ་ཆགས་ཀྱང་། སྒྲུང་རིང་གི་རྣམ་པ་ཞིག་ཏུ་བསྒྲབ་ཀྱི་རེད་སྙམ།།
ཁྱེད་ཀྱིས་སྒྲུང་གི་འགྱུར་བ་འགོད་སྟངས་དང་། སྐད་ཆའི་སྒྱུ་རྩལ་གཉིས་ལ་དམ་འཛིན་དགོས་པ་དང་། ལྷག་པར་རང་སྟེང་ནས་གསལ་ཐུབ་པའི་དོན་དངོས་རིགས་པ་ཐད་ཀར་འགྲེལ་བརྗོད་མེད་པར་བྱས་ན་ལེགས་པར་མཐོང་། ཤིན་ཏུ་ལེགས་པོ་འདུག
ཨ་རོགས་ཤ་ཁྲག་ལགས།ད་ཐེངས་ཡིན་ན་སྒྲུང་རིང་ཞིག་གི་མགོ་བཟུང་ནས་རྔ་མ་མི་རྙེད་པར་གྱུར་འདུག་གཞེ་དྲག་ཉོག་གི་མ་འཇུགསྐད་ཆའི་ཐད་ནས་ལྷོད་རྒྱུ་མང་དྲག་པའི་སྣང་བ་ཞིག་འདུགགལ་སྲིད་ད་དུང་རིང་མོ་ཞིག་འབྲི་རྒྱུ་ཡིན་ན།རྣམ་རིག་ཇེ་གྲིམ་དུ་གཏོང་རྒྱུ་གལ་ཆེ།